هتقضى العيد فى الغربة فين و ازاى ؟

[سكر]

كل عام وكل المصريين المغتربين بخير

بمناسبة رمضان وقرب عيد الفطر المبارك

سؤال

انا اول مرة اقضى العيد فى الرياض مع الزوجة والاولاد بالرغم طول مدة الغربه(6 سنوات)

ممكن اعرف هتقضى العيد فى الغربة فين و ازاى

مش عايز اقول تجمعات للمغتربين وكلام كبير

بس على الاقل لو حد عنده افكار يقول

[ahmedyousswf]

انا هاروح اعمل عمرة واقضى الأجازة بتاعة العيد فى جدة عند اصدقائى هناك

[إسلام طلعت]

أ.ف. بي رويترز : الدوحة

احم احم احم ....... فضيه في البيت

[raouf]

بما انى فى الخبر هروح البحرين يومين كالمعتاد :)

[KAhamid]

انا في المملكة لاول مرة

من 2 رمضان وانا قاعد في جده

وان شاء الله في العيد هعمل عمرة

وان شاء الله ربنا يتقبلها قولوا امين

تم تعديل 14 سبتمبر 2009 بواسطة KAhamid

[aimen]

انا بحب السؤال ده جدا

اول ثلاث ايام طبعا نوم والرابع حروح العثيم اتفسح فيه

بالمناسبة حد يعرف مصلى للعيد فى منطقة الروضه به مصلى للنساء ....

[Alrefaey]

انا بحب السؤال ده جدا

اول ثلاث ايام طبعا نوم والرابع حروح العثيم اتفسح فيه

بالمناسبة حد يعرف مصلى للعيد فى منطقة الروضه به مصلى للنساء ....

كل عام وانتم بخير

نفس السؤال ياشباب لأنى ايضا من سكان الروضة

[مدام محمود]

:) مش عارفه ليه كل عيد سيارتنا بتخرب وبنقضيه زعلانين في البيت

اصلا هنا في ابها مافيش مكان نروحه :)

[Dr.mmfriend]

بما انى فى الخبر هروح البحرين يومين كالمعتاد :)

خدنى معاك يا نجم

بس هتروح فين فى البحرين؟؟؟؟؟؟؟؟؟

[mama nona]

بما ان اساس شغل زوجى هو فسحة الناس والشعب

فالعيد عندنا

نوم فالصباح وشغل بليل

ووو

وووو

وووو

بنعيد بقى بعد العيد ما يخلص

ابقو تعالو عيدو معانا :) :)

[doha]

انا بحب السؤال ده جدا

اول ثلاث ايام طبعا نوم والرابع حروح العثيم اتفسح فيه

بالمناسبة حد يعرف مصلى للعيد فى منطقة الروضه به مصلى للنساء ....

هو الي انا اعرفه ان الصلاه بتكون في ( مصلى العيد ) او الجامع الكبير ..

هو مسجد كبير اوي مخصص لصلاة العيد واعتقد والله اعلم مش متاكده اوي بس على حد علمي مفيش غيره اساسا .. يعني الوضع هنا مش زي في مصر ممكن تصلي في اي جامع وخلاص لاه .. هو مصلى واحد كبير جدا فيه نساء فوق ورجال تحت ..

مش عارفه اصل احنا كنا بنروحه زمان اوي مع بابا لما كنا عايشين هنا واول مرة اقضي العيد مع زوجي ووالدي في مصر حاليا فمش متاكده من المعلومه ..

على كل حال ببساطة اسال اي سائق ليموزين تقابله وانت ماشي مصلى العيد فين هيوصف لك المكان بالظبط .. بس اسأل من دلوقت عشان تعرف المكان من بدري متنتظرش ليوم العيد لان الناس بتنزل بعد الفجر بحاجه بسيطه عشان تلاقي موقف لسيارتك ..

وكل سنة وانتم بالف خير ياجماعه ..

[aimen]

مدام ضحى

انا عارف الجامع اللى بنصلى فيه العيد هنا ( فى الروضه - بجوار مستوصف الحرمين )

سؤالى كان بخصوص جامع تقام به صلاة العيد ويكون فيه مصلى للسيدات ...

وكل عام وانتم بخير وربنا يتقبل منا ومنكم الصيام والقيام

[ahmedfathi]

اولا احب اهنئي كل المغتربين وغير المغتربين بعيد الفطر اعاده الله علينا وعليكم باليمن والبركات اولا انا في جده ليا حوالي شهر بس انا في المملكه ليا 3 شهور بس كنت في الدمام تدريب ومش عارف اروح فين في العيد لاني لوحدي هنا ومعرفش اي مصري في جده يا ريت تنصحوني اروح فين في العيد واصلي العيد فين برضه و شكرا ليكم

تم تعديل 15 سبتمبر 2009 بواسطة ahmedfathi

[سكر]

انا ملاحظ ان معظم الاجابات يغلب عليها الحيرة

ومفيش الفرحة بتاعت العيد بتاع زمان

ياترى عشان كبرنا فى السن ولا عشان مش مع اهلنا وفى بلدنا ؟

[عادل أبوضيف]

العيد في الرياض فرحه وبهجة

كل عام وأنتم بخير جميعا

يوجد كثير من الفعاليات في العيد في رمضان وخاصة مع المصريين

حيث توجد هنا كثير من التجمعات والجمعيات والروابط

وكل رابطة او جعيه تأخذ إستراحه وتنظم فيها فعاليات وتجمع أسري جميل في كل عام

وهذه الروابط منها الشرقية والغربية وأسوان والدقهلية والمنوفية وإلمنيا

وجمعية النادي

وملتقي الاسرة المصرية ( أسرتي)

وجميعها عوائل مقيمة في الرياض

يعني الفعاليات كثيرة بس اللي عنده وقت

[raouf]

بما انى فى الخبر هروح البحرين يومين كالمعتاد :blush2:

خدنى معاك يا نجم

بس هتروح فين فى البحرين؟؟؟؟؟؟؟؟؟

مش عارف لسه انا لما بوصل البحرين بقرر بس احتمال بوم البحر ويوم السيف وسيتى سنتر لو تحب تيحى معايا نتشرف

[capitshino]

انا ملاحظ ان معظم الاجابات يغلب عليها الحيرة

ومفيش الفرحة بتاعت العيد بتاع زمان

ياترى عشان كبرنا فى السن ولا عشان مش مع اهلنا وفى بلدنا ؟

بالاضافة للى 1كرته حضرتك .. لان العيد زمان هو الذكريات بالنسبة لنا

والذكريات كلها حلوة.

[hosambob]

علي فكرة انا كنت ناوي اكتب الموضوع ده .... بس سبقتوني ..

المهم .. كل سنة وانتوا طيبين و يا رب تكون مبسوطين و السنة الجاية تكونوا بتعيدوا مع اهلكم هنا أو في مصر أقلوااااااااااااا آمين ....

كل الردود بتقول نعمل اية في العيد و نعيد ازاي احنا واسرتنا .. طيب العزاب يعيدوا أزاي يا جماعة ... و لا هو العاذب يعني ملوش انه يعيد ...

كل سنة و انتوا طيبييييييييييييييييييييييين[وسط][/وسط]

[وطني حر]

في كل سنه احاول اقضي اجازه العيد في مصر

السنا دي هي السنه اللي ما قدرتش اسافر بيها اسباب كثيره الشغل وانفلزنزا الخنازير لان كثر الحركه والخروج ممكن يكون ليه نتائج عكسيه.

طب انا هنا في الرياض اعيد ازاي وهل للعيد فرحــه زي مصر . وايه شعورك بعد ما تصلي العيــد . وترجع بيتك ..؟ هو دا العيد ولا ايه الغربه دييييييي..

كيف تقضي العيد وكيف قضيته السنوات الماضيه

ونا هو شعورك بالعيــد في الغربـه .

وهل ممكن يكون هناك ترتيب لو على الاقل نحس بالعيد مع بعضنا ؟

تم تعديل 19 سبتمبر 2009 بواسطة وطني حر

[عادل أبوضيف]

الاخ الوطني الحر

وكلنا كذلك

كل عام وانت بخير بمناسبة حلول عيد الفطر المبارك

شوف ياسيدي العيد هنا في السعودية

أول خطوة نصلي العيد

وطبعا انت عارف اماكن مصلي العيد كلها في الرياض

ثانيا

لوأنت عازب يبقي لازم تنسق مع زملائك وبعد تناول الفطور ومن بعد العصر

ممكن تروحي لمنطة الثمامة هناك العديد من الاماكن والفعاليات

لو أنتم أسرة

يبقي حاجة أخر تمام

عندك فعاليات كثيرة في شمال الرياض والحياة مول وجاليري مول وغرناطة مول

علشان الاطفال

وعندك نادي جمعية النادي للمصريين في السلي

وعندك ملتقي الاسرة المصرية في الثمامة

عندك كل رابطة من روابط المحافظات مستأجرة إستراحه وعندها فعاليات في العيد

وكل سنة وانت طيب وعساكم من عواده