هاجر كندا - تدخل الجنة

[montrealAlex]

وانت عايش فى مصر كل يوم بترتكب الاف مؤلفة من المعاصى وانت مش حاسس لان الموضوع اصبح شىء عادى يعنى مثلا :

1- ربنا قال " الراشى والمرتشى فى النار" واحنا طوال النهار رشاوى ل عسكرى مرور أو مأمور جمرك أو ضرايب أو موظف فى اى جهة حكومية او موظف او مهندسة الحى الخ

2- ربنا قال " الكذب حرام " واحنا طول النهار والليل كذب فى كذب على مديرك وزميلك وجارك ومراتك

3- ربنا قال " الشتائم حرام" اظن ان الشتيمة وسب الدين بقوا هما لغة التواطل بينا واللغة الرسمية للمواطن المصرى

4- ربنا قال " الظلم حرام " واحنا ما شاء الله تخصص والامثلة على الموضوع دة لا تعد ولا تحصى واكيد لو سألت ال 80 مليون مصرى ح يقولك انا مظلوم يعنى

_ عمرك ما كنت الاول على الدفعة وبنت الدكتور هى اللى اتعينت معيد وانت بومبة

_ عمرك ما قدمت فى شركة بترول وخدوا ابن رئيس القطاع الفلانى خريج المعهد وانت بومبة

_ عمرك ما اشتريت شقة ودفعت للمقاول مقايسة الكهربا والماية والاسانسير وخدهم وبومبة

_ عمرك ما اخدت تاكسى و اتعاركت مع السواق

_ عمرك ما قدمت لكلية عسكرية وعلشان معندكش واسطة خدت بومبة

_ عمرك ما رحت الخليج واتعاملت مع كفيل

5- ربنا قال " الجار ياخد باله على جارة" واحنا حدث ولا حرج لا يوجد حاجة اسمها جار اصلا

_ الغسيل بيتنشر بدون عصر والسجاد يتنفض والجيران اللى تحت تولع

_ الكاسيت شغال على العالى لحد الصبح بمناسبة نجاح حمادة والجيران تولع

_ ابنى العمارة من بالليل ل الصبح هربا من موظفى الحى والجيران تولع

_ العيال بتلعب فى الاسانسير طول النهار والجيران تولع

_ بعمل عمرة فى شقتى والمخلفات مرمية على السلم والجيران تولع

_ نصيبى فى ايصال كهرباء الاسانسير مش دافعه والجيران تولع

6- ربنا قال " السرقة حرام" ودا بقى احنا ماجستير فيه

_ عمر ما عربيتك او شقتك او موبايلك او حد من عيالك (ابنك نفسه ) اتسرق

_ دهب المدام اوشنطتها عمرهم ما اتسرقوا

_ عمر ارضك ما اتسرقت

طبعا مستحيل اكيد اتسرقت وممكن اكتر من مرة كمان

7- ربنا قال " النصب حرام " ودا بقى الدكتوراة بتاعتنا

_ عمرك ما اشتريت عربية وطلعت مقلوبة وبايظة واللى باعها كان بيقول عليها فابريقة

_ عمرك ما اشتريت شقة وطلعت العمارة ايلة للسقوط او مايلة والبائع خبى عليك الموضوع دة

_ عمرك ما اتعاملت مع افراد او شركات توظيف الاموال اللى هربوا

من الاخر لا يوجد اى شىء مما سبق فى كندا لان هناك قانون الكل واكرر الكل خاضعين للقانون ويحترمونة احترام تلقائى وليس مجبرين عليه

وبالتالى انت ليس مضظر للرشوة والكذب والنصب والسرقةواحترام الجار لان هذا هو النظام السائد هناك "عيش بلا ذنوب"

انا عايز ردود هل انت مؤيد للكلام ام معارض بما ان احنا كلنا رايحين لبلد ديمقراطى تكفل حرية الرأى

[elmadysm]

المصري هو اللّي :

ممكن يعدي التلاتين ولسه عايش مع أمه وأبوه وماعندهومش مشكلة

يشخص المرض ويوصفلك الدوا وبيفهم في النقاشة والكهربا وتصليح العربيات والطبيخ والسياسة والكورة وهو أبيض ياورد

بيحط الريموت كونترول في كيس بلاستيك كعادة فرعونية

يقف يتكلم على الباب نص ساعة بعد إنتهاء الزيارة والسلام

لمّا تفتح نملية المطبخ هتلاقي عنده عشرين برطمان بتاع مربى فاضي بقالهم سنين ومازال مُصِر على جمع المزيد

ييجي بعد معاده بساعتين ويفتكر إن ده عادي

لسه عنده إصرار إنه يتكلم بصوت عالي في التليفون لما تكون المكالمة دولية عشان التاني يسمعه

بيعتبر نفسه أفضل واحد في الشرا والفصال وبعد كده يكتشف إن الحاجة في المحل اللي جنبه أرخص من غير فصال

بيحتفظ بأكياس محلات اللبس والأحذية وورق الهدايا تحت مرتبة السرير لسنوات ومابيستخدمهاش

عنده صينية مكسرات متقسمة لتلات او أربع أقسام لزوم المزاج وعمره ماإستخدمها

بيشتري قبل الفطار في رمضان مواد إستهلاكية أصلا موجود عنده في البيت لسه ماستخدمهاش

بيكون عنده شواية لزوم الرحلات أقصى استخدام لها كان مرة واحدة في العيد

بيشيل طابع البريد من على الظرف لو الختم ماكانش عليه

بيفتكر إن أي حد بيشتغل في الخليج بيغرف فلوس من غير حساب

بيكون مشغول بقيمة التيبس أو البقشيش طول العشا ياترى ربع جنيه ولا نص جنيه

برده بيتخانق ساعة دفع الحساب بحرارة شديدة على إنه هو اللي لازم يدفع

سرقوا منه العربية بس مشكلته هي المايتي زينجر

بيفرش ملاية سرير على طقم الأنتريه عشان يفضل نضيف لما ييجي ضيوف ومابيشيلهاش لما ييجوا

والأهم إنه اللي بيحب يسخر من نفسه ومن بلده وحكامه بس مايطيقش حد

تاني يسخر منهم ، وساعتها بيفرش له الملاية

( أكيد طبعا مش كل المصريين كده دى فئة محدودة منهم

وأنا كتبت هذه الموضوع على سبيل الطرفة لا اكثر ولا يسئ الظن بى )

.

[montrealAlex]

رد جميل جدا يا استاذ elmadysm

طبعا الموضوع كلة عامل زى المكسرات فى رمضان طرفة تخفف عن الواحد ضغط المذاكرة والهجرة

مستنين من الباقى مكسرات كتيييييييييييييييييييير

[qenawy]

اخي الفاضل

الموضوع ليس جنة ولا نار ففي اي بلد ممكن تدخل الجنة وممكن تدخل النار

المشكلة ان مصر عشان تحل مشاكلها هنكون متنا يبقي الواحد يهرب افضل

لو تشوف كم الخناقات في الشوارع والمشاكل والاسباب التافهة للمشاكل

الواحد بيكره نفسه ساعتها

[qenawy]

احد اصدقائي مصري بس فرنسي بيقوللي 20 سنة في باريس عمري ما شفت حد بيتخانق مع حد

[msheikh]

وانت عايش فى مصر كل يوم بترتكب الاف مؤلفة من المعاصى وانت مش حاسس لان الموضوع اصبح شىء عادى يعنى مثلا :

1- ربنا قال " الراشى والمرتشى فى النار" واحنا طوال النهار رشاوى ل عسكرى مرور أو مأمور جمرك أو ضرايب أو موظف فى اى جهة حكومية او موظف او مهندسة الحى الخ

2- ربنا قال " الكذب حرام " واحنا طول النهار والليل كذب فى كذب على مديرك وزميلك وجارك ومراتك

3- ربنا قال " الشتائم حرام" اظن ان الشتيمة وسب الدين بقوا هما لغة التواطل بينا واللغة الرسمية للمواطن المصرى

4- ربنا قال " الظلم حرام " واحنا ما شاء الله تخصص والامثلة على الموضوع دة لا تعد ولا تحصى واكيد لو سألت ال 80 مليون مصرى ح يقولك انا مظلوم يعنى

_ عمرك ما كنت الاول على الدفعة وبنت الدكتور هى اللى اتعينت معيد وانت بومبة

_ عمرك ما قدمت فى شركة بترول وخدوا ابن رئيس القطاع الفلانى خريج المعهد وانت بومبة

_ عمرك ما اشتريت شقة ودفعت للمقاول مقايسة الكهربا والماية والاسانسير وخدهم وبومبة

_ عمرك ما اخدت تاكسى و اتعاركت مع السواق

_ عمرك ما قدمت لكلية عسكرية وعلشان معندكش واسطة خدت بومبة

_ عمرك ما رحت الخليج واتعاملت مع كفيل

5- ربنا قال " الجار ياخد باله على جارة" واحنا حدث ولا حرج لا يوجد حاجة اسمها جار اصلا

_ الغسيل بيتنشر بدون عصر والسجاد يتنفض والجيران اللى تحت تولع

_ الكاسيت شغال على العالى لحد الصبح بمناسبة نجاح حمادة والجيران تولع

_ ابنى العمارة من بالليل ل الصبح هربا من موظفى الحى والجيران تولع

_ العيال بتلعب فى الاسانسير طول النهار والجيران تولع

_ بعمل عمرة فى شقتى والمخلفات مرمية على السلم والجيران تولع

_ نصيبى فى ايصال كهرباء الاسانسير مش دافعه والجيران تولع

6- ربنا قال " السرقة حرام" ودا بقى احنا ماجستير فيه

_ عمر ما عربيتك او شقتك او موبايلك او حد من عيالك (ابنك نفسه ) اتسرق

_ دهب المدام اوشنطتها عمرهم ما اتسرقوا

_ عمر ارضك ما اتسرقت

طبعا مستحيل اكيد اتسرقت وممكن اكتر من مرة كمان

7- ربنا قال " النصب حرام " ودا بقى الدكتوراة بتاعتنا

_ عمرك ما اشتريت عربية وطلعت مقلوبة وبايظة واللى باعها كان بيقول عليها فابريقة

_ عمرك ما اشتريت شقة وطلعت العمارة ايلة للسقوط او مايلة والبائع خبى عليك الموضوع دة

_ عمرك ما اتعاملت مع افراد او شركات توظيف الاموال اللى هربوا

من الاخر لا يوجد اى شىء مما سبق فى كندا لان هناك قانون الكل واكرر الكل خاضعين للقانون ويحترمونة احترام تلقائى وليس مجبرين عليه

وبالتالى انت ليس مضظر للرشوة والكذب والنصب والسرقةواحترام الجار لان هذا هو النظام السائد هناك "عيش بلا ذنوب"

انا عايز ردود هل انت مؤيد للكلام ام معارض بما ان احنا كلنا رايحين لبلد ديمقراطى تكفل حرية الرأى

عزيزى 'montrealAlex'

بداية كل عام وانتم بخير

انا اختلف معاك فى العديد من النقاط التى اثرتها اعلاه اود تلخيصها كالاتى:

الكاذب والسارق والفاسق والنصاب سيظلوا هكذا سواء بمصر او كندا او المريخ الى ان يهديه الله سبحانه وتعالى.

ايضا اعتبر الشخص اللذى لايقترف تلك المحرمات لخوفه من قوة القانون ايضا شخص غير سوى حيث لو اتيحت له الفرصة ان يقوم بفعلته دون ان يراه احد سيفعل فالخوف يكون من الله سبحانه وتعالى بغض النظر عن المكان.

بنفس المنطق بما ان الزنا واللواط مقنن ومتاح فى الغرب هل مقترفه مازال فى تلك الجنة المزعومة؟

كل عام وانتم بخير

محمد الشيخ

[montrealAlex]

الاستاذ محمد الشيخ يكرا على ردك ولكن

1- انا لم اقصد ان المهاجرالى كندا هو النصاب او السارق ولكن المسروق والمنصوب عليه والمظلوم الخ

2- الموضوع يحمل شقين شق جد وشق طريف

ويعدين انا بتكلم ان تخيل يومك فى مصر واية الذنوب اللى بنعملها

وتخيل يومك فى كندا واية الذنوب اللى ممكن نعملها

بس

[Nassarlink]

اخي الفاضل

الموضوع ليس جنة ولا نار ففي اي بلد ممكن تدخل الجنة وممكن تدخل النار

المشكلة ان مصر عشان تحل مشاكلها هنكون متنا يبقي الواحد يهرب افضل

لو تشوف كم الخناقات في الشوارع والمشاكل والاسباب التافهة للمشاكل

الواحد بيكره نفسه ساعتها

اخي الدكتور قناوي

انا شايف ان الهجره لكندا مش هروب

لكن تعديل صغير في خطه الحياه

بدل ما كنت مستحمل كم القصور الموجود في مصر

قررت ان ابحث عن مكان آخر لا يوجد به تلك السلبيات

ولكن طبعا يوجد به سلبيات اخري

التغيير مطلوب بردو

[elmadysm]

اخي الفاضل

الموضوع ليس جنة ولا نار ففي اي بلد ممكن تدخل الجنة وممكن تدخل النار

المشكلة ان مصر عشان تحل مشاكلها هنكون متنا يبقي الواحد يهرب افضل

لو تشوف كم الخناقات في الشوارع والمشاكل والاسباب التافهة للمشاكل

الواحد بيكره نفسه ساعتها

اخي الدكتور قناوي

انا شايف ان الهجره لكندا مش هروب

لكن تعديل صغير في خطه الحياه

بدل ما كنت مستحمل كم القصور الموجود في مصر

قررت ان ابحث عن مكان آخر لا يوجد به تلك السلبيات

ولكن طبعا يوجد به سلبيات اخري

التغيير مطلوب بردو

ضحكتنى يااستاذ نصار

فكرتنى بعادل امام فى المشاغبين لما قال لهم

دا مش تراجع ............... دا تعديل تكتيكى فى الخطة

[الباشمهندس ياسر]

ويعدين انا بتكلم ان تخيل يومك فى مصر واية الذنوب اللى بنعملها

وتخيل يومك فى كندا واية الذنوب اللى ممكن نعملها

بس

طب ما تتخيل حجم الاجر اللى هتاخده لما تخالط الناس دى و تصبر على اذاها

و بعدين سؤال

لما سعادتك تهاجر و بعد الشر عنك طبعا يطلعلك ولد او بنت على غير الملة ...

قولى بقى الوزرر بتاعه على مين.....؟؟؟

[montrealAlex]

باشمهنس ياسر شكرا على ردك وان كنت اختلف كثيرا جدا معه

اولا

نحن الان فى مصر لا احد يصبر على احد -- هاتلى واحد فى مصر يصبر على اذى حد تانى حتى انت

ثانيا

اللى يقدر يربى ابنة او بنتة تربية صالحة يقدر فى مصر او فى غير مصر

ولا حضرتك متعرفش اللى بيحصل فى الدروس الخصوصية لبنات ثانوى ولا اللى بيحصل فى جامعات مصر ولا ولا

فى نماذج مصرية مشرفة كتير فى كيبيك انا قابلت شاب سافر وهو صغير والان هو شاب ومحترم

على الاقل ابنى او بنتى ح يمارسوا صلاتهم فى الجامع بدون مراقبة الامن --ثانيا انا مسئول عنهم فى مصر او غير مصر --ثالثا حضرتك تقدر تقول كدة برضة على الاب اللى فى الخليج بقاله سنين والام اللى بتشتغل والابناء فى عالم اخر

وشكرا على ردك

[عبير يونس]

ويعدين انا بتكلم ان تخيل يومك فى مصر واية الذنوب اللى بنعملها

وتخيل يومك فى كندا واية الذنوب اللى ممكن نعملها

بس

طب ما تتخيل حجم الاجر اللى هتاخده لما تخالط الناس دى و تصبر على اذاها

أكيد الصبر على الأذى له أجر عظيم

لكن الصبر على الأذى مهارة لا يتقنها كل الناس

كما أنها ليست فرضا

يعني لو في ايدي أبعد عن الأذى أكيد حيبقى أحسن من التعرض ليه و يمكن اصبر و يمكن ما قدرش

يعني لو في فرصة نعيش أحسن فده أكيد مباح

و بعدين سؤال

لما سعادتك تهاجر و بعد الشر عنك طبعا يطلعلك ولد او بنت على غير الملة ...

قولى بقى الوزرر بتاعه على مين.....؟؟؟

و مين قال ان كل اللي بيهاجروا بيطلعوا ولادهم على غير الملة؟؟؟

و هل كل اللي قاعدين في مصر ثابتين على الملة؟؟؟

يا جماعة الهجرة ممكن تناسب ناس و ما تناسبش ناس

الناس مختلفون

ما يناسبني لا يناسبك

و ما يناسبك قد لا يناسبني

الإنسان الناجح يبحث عن المكان اللي ممكن يكون فيه ناجح أكتر

و بعدين ربنا سبحانه و تعالى قال:

{ ألم تكن أرض الله واسعة فتهاجروا فيها}

و الا حضراتكم بتعتبروا إن بلاد الغرب من اوروبا و اميركا و كندا و استراليا مش من أرض الله سبحانه و تعالى؟؟؟!!!

[ايهاب سالم]

لما سعادتك تهاجر و بعد الشر عنك طبعا يطلعلك ولد او بنت على غير الملة ...

قولى بقى الوزرر بتاعه على مين.....؟؟؟

هو أنت فاكر الناس في الغرب لسه عندهم مله أو مهتمين يغيروا ملة حد عندهم

خطر تغيير المله موجود في الباك يارد بتاعتك يا باشمهندس و الا مسمعتش عن المتحولين المصريين للمسيحيه زي محمد حجازي المعروف ب بيشوى أرميا بولس حاليا أو زينب علي المعروفه ب كريستين حاليا

[montrealAlex]

اية يا شباب انتوا اية اللى دخلكوا الشارع دة -- كندا مش من هنا --دى من هناك

تنصير اية وبتاع اية احنا معندناش الكلام دة -- احنا كلة تمام يافندم -- وعلى العموم دول ناس يا اما مختلين عقليا يا اما ماس كهربائى

واللى ح يخرج عن الموضوع تانى يبقى وشة للحيط ويرفع ايدية لفوق --ماشى

[znaty]

استاذ مونتريال

تعليق واحد سريع عالماشي كدة على مداخلة التوبيك لاني للاسف ماقريتش كل المداخلات

بس اللي يقرا كلامك يقول

طب مانا ممكن اعمل كل اللي بتقوله دة في امريكا والا اوروبا والا الخليج

يعني المكان الوحيد اللي هايدخلك النار ان شاء الله هو مصر ؟؟؟

ليه؟ ارض اللعنة والعياذ بالله ؟؟

يا صديقي اللي عاوز يعيش نضيف في مصر هايعيش نضيف

ومصر مليانه رجال اعمال وتجار شرفاء وناس كويسة

وبرة فيه فساد ورشوة وسرقة وزنا وكل البلاوي بردة

وعلى الله فليتوكل المؤمنين يا زعيم

ليا واحد صديقي مقرب جدا ليا انجليزي ..انجليزي اصلي موش معاه الجنسية يعني

شغال معايا في السعودية

اسلم من كام سنة وحسن اسلامه بفضل الله

بيقوللي انجلترا هي ام الفساد في العالم

بيقوللي من كتر مالسجون مليانه بيسجنوا المساجين الوقتي في اقسام الشرطة

وبيقولي بعد 10 بالليل في احياء كتير ماتقدرش تمشي لةحدك في احياء كتير من لندن

مصر لسة بخير ولسة اهلها بخير بس للاسف احنا مابيظهرش ويشتهر عندنا الا الاحداث المؤسفة والاخبار الوحشة

مع ذلك ارجع ااقولك من حقك وطبيعي ومنطقي انك تدور على هجرة في مكان فرصة افضل للنجاح طالما انك معندكش مقومات النجاح في مصر

برغم ان مصر فعلا ارض الفرص بس للي يعرف يصدادها

روح المناطق الصناعية هتلاقي رجال اعمال هنود بالهبل محتكرين صناعة النسيج وغيرهم كتير جايين يستثمروا ويعلوا في بلدنا

واحد قاللي من زمان

انت في مصر ممكن تبقي غني جدا بسرعة وبالحلال لكن في بره هاتبقي غني في نهاية عمرك لما تعجز

في النهاية

التعميم عمي زي ماقال عمر خالد

وفي مصر ..ناس كتيره هاتخش الجنة صدقني

[montrealAlex]

استاذ زناتى شكرا جدا جدا على مشاركتك -- انت فعلا راجل محترم

انا كتبت التوبيك وانا متضايق جدا جدا -- لانى اضطريت اققدم رشوة وانا صايم واشتم وانا صايم

اضطريت لانى قعدت تلات ايام بتعامل مع موظفين الحكومة ( المحترميييييييييييييييييييييييييين)

وبعد نهاية التلات ايام اتعاملت فيهم مع حوالى 40 مرتشى واتعاركت اكتر من مرة وطبعا البشتائم لية لان اكتشفت ان الرشوة بالعافية مش بكيفك

ح ترشى يعنى ح ترشى

لاقيت نفسى بقول --طيب هو ربنا ح يقبل صيام مين من دول؟

ثانيا انا انسان ناجح جدا فى مصر واستطعت ان ابنى نفسى فى 9 سنين

انا مش مهاجر علشان الفلوس انا مهاجر علشان الحياة المحترمة والعيشة الكريمة

[znaty]

استاذ زناتى شكرا جدا جدا على مشاركتك -- انت فعلا راجل محترم

انا كتبت التوبيك وانا متضايق جدا جدا -- لانى اضطريت اققدم رشوة وانا صايم واشتم وانا صايم

اضطريت لانى قعدت تلات ايام بتعامل مع موظفين الحكومة ( المحترميييييييييييييييييييييييييين)

وبعد نهاية التلات ايام اتعاملت فيهم مع حوالى 40 مرتشى واتعاركت اكتر من مرة وطبعا البشتائم لية لان اكتشفت ان الرشوة بالعافية مش بكيفك

ح ترشى يعنى ح ترشى

لاقيت نفسى بقول --طيب هو ربنا ح يقبل صيام مين من دول؟

ثانيا انا انسان ناجح جدا فى مصر واستطعت ان ابنى نفسى فى 9 سنين

انا مش مهاجر علشان الفلوس انا مهاجر علشان الحياة المحترمة والعيشة الكريمة

لا لا يا صاحبي انا فاهم كويس اللي انت بتقوله والله ماهو انا خارج منها بردة وعارف

وبعدين انا كنت شغال في مجال للاسف دة اختصاصة

اذا كان حسني مبارك نفسه قالها في خطاب وقال ان محدود الدخل بيصرف اموره ؟؟؟؟؟؟؟؟؟

بس انا اللي خلاني اعلق هو التعميم بس

انت صحيح هاتعاني بس بردة تقدر تعيش محترم وبالحلال

وبرده علشان ماتجيش على نفسك جامد

فيه فرق جامد اوي اوي بين انك تروح من نفسك تدفع رشوة علشان تاخد افضلية او اسبقية او تاخد حاجة موش من حقك اصلا

او انك تضطر اضطرارا انك تدفع علشان مصلحتك تمشي ولو مادفعتش خلاص هاتقف ومافيش حل تاين

فرق كبير اوي اوي اوي شرعا حتى

واعتقد انك من النوع التاني زيك زي ملايين غيرك وربك مطلع على الاقلب والنية

بس انا دلوقتي فهمت ايه اللي خلاك تفتح التوبيك دة

انت فعلا راجل محترم

بس بص للنص المليان واوعي تعمم يا صاحبي :lol:

بالتوفيق

[الباشمهندس ياسر]

باشمهنس ياسر شكرا على ردك وان كنت اختلف كثيرا جدا معه

اولا

نحن الان فى مصر لا احد يصبر على احد -- هاتلى واحد فى مصر يصبر على اذى حد تانى حتى انت

ثانيا

اللى يقدر يربى ابنة او بنتة تربية صالحة يقدر فى مصر او فى غير مصر

ولا حضرتك متعرفش اللى بيحصل فى الدروس الخصوصية لبنات ثانوى ولا اللى بيحصل فى جامعات مصر ولا ولا

فى نماذج مصرية مشرفة كتير فى كيبيك انا قابلت شاب سافر وهو صغير والان هو شاب ومحترم

على الاقل ابنى او بنتى ح يمارسوا صلاتهم فى الجامع بدون مراقبة الامن --ثانيا انا مسئول عنهم فى مصر او غير مصر --ثالثا حضرتك تقدر تقول كدة برضة على الاب اللى فى الخليج بقاله سنين والام اللى بتشتغل والابناء فى عالم اخر

وشكرا على ردك

يا عمنا ربنا يصلح حالنا و حالك ...... قول امين

انت اتكلمت عن نقطة معينة و انا رديت عليك من النقطة دى برده

و لو اخدت بالك انا بسألك و بقول بعد الشر و لو حصل ان حد م الولاد عمل كده هيبقى وزره فين

و برده بقول بعد الشر عنكم كلكم

انما ده حصل و بيحصل و هيفضل يحصل ... ليه

لان دى طبيعة الناس

عرفت من دكتور مهندس عايش ف كندا و بيشتغل فى الدعوة كتيييييييييير جدا ... ربنا يكرمه و يباركله

ان 2 مليون مهاجر عربى لامريكا الاتينية ... نص ذريتهم غير الملة

و ممكن تبص ع الفلسطينين و الشوام عموما و انت تعرف ده بنفسك

و تقدر ترجع لموضوع الاقتلاع من الجذور بتاع الزميل سى السيد

و بعدين سؤال

هو مين فينا اللى نكش التانى

اخوانا بتوع الهجرة و لا اخوانا بتوع خليكوا ف البلد و اتعبوا شويتين تلاتة لغايو ما ينعدل حالها

أكيد الصبر على الأذى له أجر عظيم

لكن الصبر على الأذى مهارة لا يتقنها كل الناس

كما أنها ليست فرضا

يعني لو في ايدي أبعد عن الأذى أكيد حيبقى أحسن من التعرض ليه و يمكن اصبر و يمكن ما قدرش

يعني لو في فرصة نعيش أحسن فده أكيد مباح

و مين قال ان كل اللي بيهاجروا بيطلعوا ولادهم على غير الملة؟؟؟

و هل كل اللي قاعدين في مصر ثابتين على الملة؟؟؟

يا جماعة الهجرة ممكن تناسب ناس و ما تناسبش ناس

الناس مختلفون

ما يناسبني لا يناسبك

و ما يناسبك قد لا يناسبني

الإنسان الناجح يبحث عن المكان اللي ممكن يكون فيه ناجح أكتر

و بعدين ربنا سبحانه و تعالى قال:

{ ألم تكن أرض الله واسعة فتهاجروا فيها}

و الا حضراتكم بتعتبروا إن بلاد الغرب من اوروبا و اميركا و كندا و استراليا مش من أرض الله سبحانه و تعالى؟؟؟!!!

انا بعتبر ان الكون ب أكمله من خلق الله تبارك و تعالى ..... اللهم ف أشهد

و مش مختلف معاكى ان اللى يناسبك ممكن ما يناسبنيش

و مش مختلف معاكى ان ممكن حد من اللى بيهاجروا يشتغل ف الدعوة و يتهدى على ايده نااااااااااس و يدخل بيهم الجنة

و مش مختلف معاكى ان الهجرة حاليا و مستوى الدعوة اللى شغالين بيه دلوقتى و النتائج اللى بتحقق بتقول ان فى خلال 50 سنة

هيتحول القرار لايد الناخب المسلم هناك

انما رغم كل ده ..... السلامة اولى

و معنديش ذرة شك انكم هتقاتلوا من اجل الحفاظ على هوية ابناءكم و تواصلهم مع الدين بكل الطرق

انما انا بتكلم من دافع التناصح بالخير ... من وجهة نظرى ... و ليكم انكم تقبلوها او ترفضوها طبعا

و كل واحد خر فى قراره و ف الطريقة اللى بيوازنه بيها

و ربنا يوفقكم للخير حيث كان

اهو حتى لما ربنا يكرمنى و ابقى رجل اعمال ... الاقى علاقات ف كندا تظبطلى الامور

[عبير يونس]

أكيد الصبر على الأذى له أجر عظيم

لكن الصبر على الأذى مهارة لا يتقنها كل الناس

كما أنها ليست فرضا

يعني لو في ايدي أبعد عن الأذى أكيد حيبقى أحسن من التعرض ليه و يمكن اصبر و يمكن ما قدرش

يعني لو في فرصة نعيش أحسن فده أكيد مباح

و مين قال ان كل اللي بيهاجروا بيطلعوا ولادهم على غير الملة؟؟؟

و هل كل اللي قاعدين في مصر ثابتين على الملة؟؟؟

يا جماعة الهجرة ممكن تناسب ناس و ما تناسبش ناس

الناس مختلفون

ما يناسبني لا يناسبك

و ما يناسبك قد لا يناسبني

الإنسان الناجح يبحث عن المكان اللي ممكن يكون فيه ناجح أكتر

و بعدين ربنا سبحانه و تعالى قال:

{ ألم تكن أرض الله واسعة فتهاجروا فيها}

و الا حضراتكم بتعتبروا إن بلاد الغرب من اوروبا و اميركا و كندا و استراليا مش من أرض الله سبحانه و تعالى؟؟؟!!!

انا بعتبر ان الكون ب أكمله من خلق الله تبارك و تعالى ..... اللهم ف أشهد

و مش مختلف معاكى ان اللى يناسبك ممكن ما يناسبنيش

و مش مختلف معاكى ان ممكن حد من اللى بيهاجروا يشتغل ف الدعوة و يتهدى على ايده نااااااااااس و يدخل بيهم الجنة

و مش مختلف معاكى ان الهجرة حاليا و مستوى الدعوة اللى شغالين بيه دلوقتى و النتائج اللى بتحقق بتقول ان فى خلال 50 سنة

هيتحول القرار لايد الناخب المسلم هناك

انما رغم كل ده ..... السلامة اولى

و معنديش ذرة شك انكم هتقاتلوا من اجل الحفاظ على هوية ابناءكم و تواصلهم مع الدين بكل الطرق

انما انا بتكلم من دافع التناصح بالخير ... من وجهة نظرى ... و ليكم انكم تقبلوها او ترفضوها طبعا

و كل واحد خر فى قراره و ف الطريقة اللى بيوازنه بيها

و ربنا يوفقكم للخير حيث كان

اهو حتى لما ربنا يكرمنى و ابقى رجل اعمال ... الاقى علاقات ف كندا تظبطلى الامور :lol:

ربنا ينولك اللي في بالك و تبقى راجل أعمال كبير و قد الدنيا كمان

و ما تقلقش لما نبقى كنادوة ان شاء الله مش حننساك ادعي لنا انت بس

[ايهاب سالم]

ربنا قال " السرقة حرام" ودا بقى احنا ماجستير فيه

_ عمر ما عربيتك او شقتك او موبايلك او حد من عيالك (ابنك نفسه ) اتسرق

_ دهب المدام اوشنطتها عمرهم ما اتسرقوا

_ عمر ارضك ما اتسرقت

طبعا مستحيل اكيد اتسرقت وممكن اكتر من مرة كمان

أنا عمري ما إتسرقت في مصر ...... لكن محفظتي إتسرقت في كندا