مطلوب توصيله

[rewsha]

حد يا جماعه يعرف حد ممكن يوصل طبيب لعمله من الملز للربوه مرتين في اليوم من بعد العيد مباشرة

يعني مواعيد الدوام من 9-12

ومن 4:30 _9:30

يوميا ماعدا الجمعه

العنوان في الملز خلف فندق المطلق

والربوه شارع الامير متعب بن عبد العزيز بجوار ملاهي الحكير

المده المطلوبه ...شهر

ااما الاتفاق على المبلغ ياريت على الخاص

ياريت اللي يعرف حد ممكن يكتب لي وانا هاكتب له رقم الموبايل على الخاص علشان نتفق على المبلغ

[Alrefaey]

المسافة قصيرة والمدة شهر يعنى كلها بسيطة

اى ليموزين يوصل الدكتور ب 10 ريال على اقصى حد ويرجعة ب10 يعنى كلها 20 ريال يوميا = 600 فى الشهر

السائق بالسيارة هيكون نفس السعر تقريبا او اقل 100 ريال

[rewsha]

شطرا للنصيحه الاخ الرفاعي

بس كنت عاوزه اوضح ان التوصيله مرتين في اليوم مش مره واحده

يعني دوام من 9_12

ودوام تاني من 4:30_9:30

وبكده يكون 4 مرات رايح جاي ....ورايح جاي مره تانيه بالليل

كده يبقى 40 ريال في اليوم

يعني يعني تقريبا 1100 ريال

هل بقه لو حد وصله بالشهر هايكون بنفس المبغ ده؟

وشكرا

[سكر]

باين عليك مش بتعرف تسوق

لانك لو بتعرف يبقى ايجار سيارة احسن واضمن واوفر كمان

نصيحة اخويه مادام فى الرياض حاول تتعلم السواقة فى اقرب وقت

[rewsha]

باين عليك مش بتعرف تسوق

لانك لو بتعرف يبقى ايجار سيارة احسن واضمن واوفر كمان

نصيحة اخويه مادام فى الرياض حاول تتعلم السواقة فى اقرب وقت

هههههه على فكره انا واحده مش واحد ....ده اولا

ثانيا :انا باْساْل علشان شغل زوجي هوه اللي في الربوه السكن في الملز

ثالثا:هوه بيسوق كويس ومعاه رخصه مصريه كمان

لكن لسه الاقامه ما طلعتش وبناْ عليه مش هايعرف يطلع رخصه سعودي علشان ياْجر عربيه

احنا مستنيين لما تطلع الاقامه ويطلع الرخصه وبعديب بقه اما ياْجر او يشتري عربيه

[سكر]

معلش العتب على النظر

مشفتش الاسم بس قرات جمله

حد ممكن يوصل طبيب لعمله من الملز

فطبيب يعنى راجل :)

على العموم انا من سكان الملز وهقولك على تجربه جريئه جدا عملتها انا شخصيا

قمت بتاجير سيارة لمدة سنتين فى الرياض بدون رخصه لا مصرية ولا سعودية wst::

على فكرة مدام مطلعش الاقامة يبقى من حقه ان يسوق بالرخصة الدولية

ودى سهله ممكن اى حد فى مصر يطلعها ويبعتها بالبريد

ومرحبا بك مرة اخرى فى الملز ويمكن نكون جيران ومش عارفين

تم تعديل 18 سبتمبر 2009 بواسطة موعود

[عادل أبوضيف]

معلش العتب على النظر

مشفتش الاسم بس قرات جمله

حد ممكن يوصل طبيب لعمله من الملز

فطبيب يعنى راجل :blink:

على العموم انا من سكان الملز وهقولك على تجربه جريئه جدا عملتها انا شخصيا

قمت بتاجير سيارة لمدة سنتين فى الرياض بدون رخصه لا مصرية ولا سعودية :blush2:

على فكرة مدام مطلعش الاقامة يبقى من حقه ان يسوق بالرخصة الدولية

ودى سهله ممكن اى حد فى مصر يطلعها ويبعتها بالبريد

ومرحبا بك مرة اخرى فى الملز ويمكن نكون جيران ومش عارفين

أهلا وسهلا بالملز وسكان الملز

كل عام وانتم بخير جميعا أنا معكم ايضا في الملز

نهاية شارع الاحساء يسار شرق ميدان الفروسية

ويسعدنا التعرف عليكم

عندي سؤال للدكتور

طيب واين سيارة المستوصف أو المستشفي

يعني في الربوة أما مستشفي المواساة أو رعاية

وهناك مواصلات كثيرة في تلك المنطقة حيث انه توجد مواصلات التي تمر من شارع أحمد بن حنبل

بطحاء نسيم ودي سعرها رخيص أما اتوبيس 21 راكب أو ليموزين بالنفر

3 ريال في المره

لو في مستوصف واتفق مع سائق المستوصف هيوصله بمبلغ 200 او 300 ريال في الشهر

يعني مجرد دردشو ةفتح نقاش للتفكير فيها مع التحية

وكل عام وانتم بخير

[se_ Elsyed]

على العموم انا من سكان الملز وهقولك على تجربه جريئه جدا عملتها انا شخصيا

قمت بتاجير سيارة لمدة سنتين فى الرياض بدون رخصه لا مصرية ولا سعودية

يا راجل قول كلام غير ده ؟!!!!

طب ما هو ممكن نعمل حركة أجرء ونسوق عربية من غير رُخصة

لكن تخيل الموقف في حالة وقوع حادث طريق .... إنت عارف إن اللي ما معهوش رخصة سعودية بيشيل الليلة كلها ؟

وإن من شروط التغطية التأمينية إن تكون الرخصة السعودية سارية المفعول كمان .. يعني مش رخصة بس ... لأ وسارية المفعول

وإلا هاتشيل الليلة قدام الشرطة ... وتشيلها قدام التأمين

[سكر]

لكن تخيل الموقف في حالة وقوع حادث طريق .... إنت عارف إن اللي ما معهوش رخصة سعودية بيشيل الليلة كلها ؟

مش بقولك حركة جريئه (متهورة)

بس نصيحة محدش يعمل كدة لا فى مصر ولا فى السعودية ولا اى مكان

دة كان موقف وعدى وبحمد ربنا ان محصلش مشاكل