الترمس

[maksoof]

بصراحة أنا مكسوف أسأل بس دورت فى الإنترنت تحت "نرمس" و "الترمس" و Lupine و مالقتش الوصفة فقلت أكيد فيه ناس حريفة هنا يدلونى على الطريقة.

أنا فاكر لما كانوا بيعملوا ترمس في بيتنا كانوا بيغلوه و بعدين يسيبوه فى ميه بملح لمدة يومين أو تلاته عشان ما يبقاش مر.

السؤال: لازم يغلى لمدة قد إيه؟ و هل لازم الميه تغلى قبل إسقاط الترمس فيها؟

دلونى ينوبكم ثواب قبل ما نتفضح قدام الأجانب :) :) :blink:

[Lighthouse]

كويس انك لقيتني النهاردة mc(:

انا محترفة ترمس

تسوية واكل كمان

شوف ياسيدي

حسب نوع الترمس

يعني هناك نوع غير مر ( يعني يستوى ويتملح على طول )

ونوع مر ( البلدي بتاعنا ) ده محتاج بعد مايستوى تغير له المية عدة مرات علشان تنتهي مرارته وبعدها تملحه

تسويه قد ايه ؟؟؟

الافضل تجيب الترمس وتنقعه قبلها بكام ساعة زي اي نوع من انواع البقول وبعدين ترمي مية النقع دي وبعدين تسلقه لغاية مايستوى وده تعرفه بأنك تجيب ترمسه من وسط الترمس وتضغط عليها بايدك ولو حسيت انها لينة بما يكفي لاكلها ده معناه انه استوى

على فكرة

فيه ناس بتحبه مستوى اكتر فتسيبه مدة اطول شوية

وناس تحبه اقل

يعني حسب رغبتك في درجة ليونته وقابليته للاكل

نيجي بقى لموضوع تغيير المية

ينقع في ماء بارد وكل يوم تغير له المية ولتسريع العملية ممكن تغيرها مرة الصبح ومرة بالليل

على الاقل خمس او ست مرات تغيير مية حتى يفقد مرارته

وطبعا بتختبر بتذوق المية او ترمسه من الترمس علشان تشوف هي لسه مرة ولا خلاص tea))(:

بعد كده يوضع كمية من الملح كثيرة نوعا حتى تقضي على اي مرارة قد تكون موجودة

ويترك حتى يتشرب بالملح

واذا شعرت ان الملح زائد او غير مستساغ يمكنك وضع الترمس في ماء آخر بملح اقل او بدون ملح حتى تصل لدرجة التمليح المرغوبة

اتعشم اكون عرفت اوصف وماتغرقش قدام الاجانب fr1::

وتدعي على

fr1::

من امام مصبخ المحاورات

لايت هاوس عامر fr1::

[maksoof]

ربنا يخليكى لنا يا لايت هاوس و ما يحرمش المنتدى منك

أنا نقعت الترمس دلوقت و حطمئنك عليه أول ما العملية تنتهى بس دلوقت أنا عايز أرشحك لرئاسة مطبخ المنتدى العامر برتبة Super Chef

إيه رأى سعادتك؟

[Lighthouse]

ربنا يخليكى لنا يا لايت هاوس و ما يحرمش المنتدى منك

أنا نقعت الترمس دلوقت و حطمئنك عليه أول ما العملية تنتهى بس دلوقت أنا عايز أرشحك لرئاسة مطبخ المنتدى العامر برتبة Super Chef

إيه رأى سعادتك؟

والله يااخي العزيز

انا مكسوفة قوي قوي

اترشح وماله

طالما فيها اكل ترمس اترشح

وتنتخبوا مين لايت

حبيبتكم مين لايت

واقعد ابيع واكسب بقى من اللى ح نطبخه في المنتدى ههههه

على فكرة

نسيت اقول لك ان الترمس بيتغلي في مية باردة اصلا

يعني مش بيتحط في مية سبق غليها

اصلي نسيت اقول الحكاية دي قبل كده

وبالهنا والشفا مقدما mc(: mf(

[maksoof]

شوفى بقى يا ستنا

الترمس غليته لمدة حوالى ساعة و نص و غيرت له المية زى ما سعادك قلتى و فى الآخر حطيته فى ميه بملح و بقى تمام التمام!

و الله بادعيلك يا لايت هاوس و ربنا يرزقك بعربية ترمس من هنا لإمة الشارع (عربية ترمس ليموزين كده) و لا يمرر لك ترمسة أبدا!

chf:: chf::

[Lighthouse]

شوفى بقى يا ستنا

الترمس غليته لمدة حوالى ساعة و نص و غيرت له المية زى ما سعادك قلتى و فى الآخر حطيته فى ميه بملح و بقى تمام التمام!

و الله بادعيلك يا لايت هاوس و ربنا يرزقك بعربية ترمس من هنا لإمة الشارع (عربية ترمس ليموزين كده) و لا يمرر لك ترمسة  أبدا!

chf::  chf::

ياسلام عليك يامكسوف

ادي الدعوة ولا بلاش

عربية ترمس ليموزين

علشان نبيع بيع سياحي ونديها مكاسب ونعلب ونصدر للخارج كمان

من امام مطبخ المحاورات

لايت هاوس عارف

قطاع الترمس السياحي

chf:: chf::

[الزعيم]

السلام عليكم ورحمة الله وبركاته

لوسمحتم يا أهل الخير بتاعة مين عربية الترمس دى me0:

[se_ Elsyed]

عاجبك كده يا ست لايت هاوس .. اهو الزعيم جاب الونش وشالك عربية الترمس وعليكي مخالفة بـ 1500 ج للوقوف في الممنوع ، وكمان مخالفة بت 500 جنية لبيع أطعمة مكشوفة بدون ترخيص من وزارة الصحة ، و500 كمان لبيع سلع سياحية بدون إذن من توت عنخ امون قصدي من وزارة الأثار والسياحة ... و500 كمان كدفعة مقدمة للمخالفات اللي هاتعمليها بعد كده ...

[se_ Elsyed]

طبعاً مش ممكن الشيف العالمي س س يشوف موضوع فيه أكل ولا يضع لمساته السحرية على الموضوع ( لا مؤخذه يا لايت يأختشي وسعيلي شوية)

- شوف يا عم مكسوف عشان تبقى صاحب مزاج وأنت بتاكل الترمس حاول تعصر على الطبق اللي قدامك نص ليمونه مع شوية كمون وقلبهم كويس وعــــــيش ....

- ولو دماغك عاليه بقى قوي قوي .. تجيب حمص الشام من السوبر ماركت ، وده فيه منه جاهز في برطمانات أو تجيبة حب وتنقعه بنفس طريق الترمس وفي الأخر تأكله بالهنا والشفا مع الترمس ... وبرضوا عيش وأدعيلي ...

كان معكم س س الترمساني من أمام عربية الحلابسة .. كورنيش النيل .. ماسبــــــــيرو .

[الزعيم]

وبعدين يا عم إنت وهو وهى أنا دلوقت عايز أعرف الحلوة دوسة دى بتاعة مييييييييييين !!!!!؟ chf::

[فــيــروز]

هو مفيش حلبه طيب؟ chf:: من اللى بتبقى منبته دى من زمان اوىىىىى ماكلتهاش chf::

[se_ Elsyed]

هو مفيش حلبه طيب؟  chf::  من اللى بتبقى منبته دى من زمان اوىىىىى ماكلتهاش  chf::

من عنينا ....

دي الحلبة دي أسهل حاجة - معا إني مابحبهاش ويمكن أخر مره أكلتها لما الوالده كانت بتعملهلنا في العيد الصغير مع الترمس ييجي من 15 سنة يا ليلى كده -

تجيبي الحلبة وتنقيها من التراب والطينة والحركات اللي فيها وتنقعيها في شوية ميه لمدة يوم وبعدين تشليها من الميه وتحطيها في المصفا الألمونيوم اللي عند ماما في المطبخ وتغطيها بقماشة مبلولة لمدة يومين تلاتة هاتلاقيها نبتت وبقيت تستاهل الأكيله ...

يبقى كده عندنا وجبه متكاملة ترمس وحمص وحلبة ولا الحوجة للأسعار السياحية بتاعت الكورنيش ...

[فــيــروز]

يبقى كده عندنا وجبه متكاملة ترمس وحمص وحلبة ولا الحوجة للأسعار السياحية بتاعت الكورنيش ...

طيب بمناسبة التكامل .. التفاضل لأأه chf:: و بمناسبة اننا فى الشتا chf:: ولسه جايبين حمص الشام اول امبارح tea))(: اقترح ان لايت تعمل اكستنشن للعربيه الاولى و تعمل عربيه تانيه فى الموسم الشتوى لبيع حمص الشام .. chf::

[se_ Elsyed]

يبقى كده عندنا وجبه متكاملة ترمس وحمص وحلبة ولا الحوجة للأسعار السياحية بتاعت الكورنيش ...

طيب بمناسبة التكامل .. التفاضل لأأه chf:: و بمناسبة اننا فى الشتا chf:: ولسه جايبين حمص الشام اول امبارح tea))(: اقترح ان لايت تعمل اكستنشن للعربيه الاولى و تعمل عربيه تانيه فى الموسم الشتوى لبيع حمص الشام .. chf::

الله يسامحك يا فيروز قلبتي علي المواجع ....

ـ س س الطفس نفسه هفتوا على حمص شام روحت متشملل ورايح على السوبر ماركت شاري معدات الحرب وعامل حله كبيرة تكفي اهالي المنطقة الكرام وقاعد أشرب فيها لواحدي لمدة 3 أيام - آه والله - وكانت مشطشطة على الأخر .... وكانت النتيجة إني بقى لي أسبوع بأقضي أسعد لحظات حياتي في الحمام ...

ربنا مايوريكي .. وأدي أخرة اللي مايسمعش كلمة ماما تقولها ... الله يمسيكي بالخير يا حاجة فمن اقوالها المأثورة " الأولاد المؤدبين مايشتروش حاجة من الباعة الجائلين أمثال س س "

[فــيــروز]

الحقيقه يا س.س. اللهم لا حسد بسم الله ما شاء الله لك مهارات غذائيه متعدده chf::<!--emo&tot::--><!--endemo-->

اشى حواوشى chf:: و اشى حمص الشام chf::

بس على راى واحد زميلنا كل ما افترى عليه tot:: يقول لى : الافترا وحش chf::

تم تعديل 21 ديسمبر 2003 بواسطة فــيــروز

[Lighthouse]

السلام عليكم ورحمة الله وبركاته

  لوسمحتم يا أهل الخير بتاعة مين عربية الترمس دى me0:

يامرحب بالزعيم باشا

خد سعادتك الهدية دي على قد ماقسم كده عشان الباشوات الصغننين ولاد سعادتك يعني ولا مؤاخذة chf::

والعربية ح تركن بعيد شوية chf::

chf:: chf::

[الزعيم]

ماشاء الله هديه الله يكرمك دا النبى عليه الصلاة والسلام ئبل الهديه عموماً أنا أصلاً كنت جاى اشترى تحبوا أساعدكم فى حاجه مع إنى شامم ريحة رشوة بس ماشى أنا ها أشترى برضه وهاخد دول لبيت مال اللى ميش إرهابيين ys): ys): ys):

[هشام عبد الوهاب]

هو مفيش حلبه طيب؟  من اللى بتبقى منبته دى من زمان اوىىىىى ماكلتهاش 

الحق ..... امسك .... دا حضرتك طلعتى عجوزه بقى ...

آآآآآآآآى ... خلاص ...حرمت ... اخر مرة .

:) :blink: :huh:

هذا وقد تم نقل المصاب فى حالة خطرة .

:) :blink: :blink:

[فــيــروز]

يا شلام عليك يا هشام يا اخى :)

ما لايت قالت لكم ان الشت مننا عمرها مايزيدش ابدا عن 17 شنه وشوية فكه afr2:

وانا ماكلتش الحلبه من جمان عشان جدتى الله يرحمها هى اللى كانت بتعمله لنا جمان فى بيت العيله .. :blink:

امى ربنا يخليها ليها بتعمل لنا ترمس بس الحمش "الحمص عشان دى هتبقى صعبه تتفهم" ماناكلوش .. :huh:

ومحدش يشالنى بتاكلى ترمش اجاى من غير شنان . :blink: . احشن اعضه هه . :blink: . وانت بالجات يا هشام تخلى بالك :)

[هشام عبد الوهاب]

ماتصدقوهاش .... دى مفترية vmp:

... وحطتنى على كرسى بعجل .. ونزلت فيا ضرب هى واصحابها :)

......... انا عاوز النيابة ax: .... البوليس s-:

........ ياحكومة :huh: ..ييييييييه :)

حكومة ايه ماتنفاعش .... طيب ياحكومة رومانياااااااااااااااااااااااا :blink:

هذا وقد سقط المصاب من الدور العاشر بفعل فاعل ولحسن الحظ سقط على عربية ترمس وحمص وحلبة وتم نقله الى المستشفى

. dnl: