حكايتى مع شغالتى

[hazemtara]

سؤال صوغنون يا عم hazemtara مش انت عمالة وفدة وجاي و عيناك على فرصة أحسن يعنى تطفش لكفيل تانى براتب أحسن ?

دة شى عادى وطبيعى

بس عاوز اعرف هل كفيلك منعك من الخروج وحبسك وبيستعبدك wst:: ?

أنا شغال فى الحكومة ومش فى قطاع خاص علشان حد يتحكم فية.

وعمر مان كان هدفى تغير الكفالة لأنى درست الأمور كويس جداً فى مصر قبل ما أتعاقد فى السعودية يعنى كُنت عارف الفروق بين كل عقد وأخر كويس .

وبعدين مبدأ حضرتك الى أنت بتتكلم بية دة هو بعينة خيانة الأمانة وخيانة للعهد والعقد الى حضرتك موقعة ،،مُش عارف يعنى إية أكون جاى وموقع عقد مع شخص ما وعينى على اليوم الى سوف أهرب منة وأطفش لغيرة علشان إمتيازات أكثر.

يبقى العبودية الى حضرتك لازقتها دائماً على إسمى أرحم من أن أخون اليد التى إمتدت لى بالخير.

[قلب ابيض]

افـــــــــــــــــرااااااج

اخيرا يا حبايبى _ _ _ _وشعرت انى حره

ماحدث فى يوم وليله لاء ليله فقط بعد ماذهبت لمباحث الجوزات عقب العيد مباشرةا ولما ابلغنى عم رمضان القائم بأعمال سياده المقدم انه لم يأتى قرار رفع المنع عنى حتى الآن والله يا هانم

اصيبت بحاله من الوجوووم والهم الشديد عقبه بسرعه غير متوقعه ولا مخطط لها ولا متدروسه انهيار سيول من دموعى التى لم استطع ايقافها والله بدون ان اشعر بكيت من الضغط النفسى والعبأ المرمى على عاتقى من قبل ابنائى اللى مدارسهم اوشكت على البدايه والالتزامات الماديه التى فاجتنى بشكل مهوووول فى نهايه عطلتى والتى اعقبها مصروفات وخسائر بلا داعى اطلاقا الا انها قضاء الله ولله الحمد

وضاقت ولما استحكمت حلقاتها فرجت وكنت اظنها لن تفرج

دعانى مقدم " الله يبارك له ويرزقه على نيته " للجلوس والهدوء وهو هايتصرف

المهم بحمد الله توسط لى عند الباشا الكبير وبالتليفون خد لى افراج من امن الدوله

حسيت احساس المظلوم بجد لدرجه انى نسيت انى مجنى عليه وعشت دور الجانى اللى جاله افراج wst::

خرجت جرى والله بدون مبالغه جررررى على مكتب الطيران حجزت فى نفس الليله وطلعت على البيت خطفنا شنطه مش عارفه فيها ايه لحد الان وسلمت بالتليفون على الناس ومسج لزوجى انا جايه

ودى كانت نهايه حكايتى مع شغالتى

اللى اتضح انى انا اللى كنت بشتغل عندها ووصلتها للى هى عاوزاه - - - الوصول لأرض المحروسه

حسبى الله ونعم الوكيل

مش بقولكم قلبى ابيض wst::

يا جماعه كل بأسمه لن احدد اسماء حتى لا اسهو عن حد كل بأسمه لكل من شاركنى برد او رأى او نصيحه أو حتى مجرد مؤازره بالدعاء

الف الف شكرا لكم احبائى واخوانى وعزوتى فى الدنيا - - جزاكم الله الف خير

[nizza la bella]

افراج

الف مبروك يا ست الكل

وتوصالى بى السلامة انشاء اللة

[hazemtara]

افـــــــــــــــــرااااااج

حسبى الله ونعم الوكيل

مش بقولكم قلبى ابيض wst::

يا جماعه كل بأسمه لن احدد اسماء حتى لا اسهو عن حد كل بأسمه لكل من شاركنى برد او رأى او نصيحه أو حتى مجرد مؤازره بالدعاء

الف الف شكرا لكم احبائى واخوانى وعزوتى فى الدنيا - - جزاكم الله الف خير

مبروك على البراءة ونورتينا فى الغُربة من تانى إن شاء الله نسمع عنك كل خير ،،،إنت ماشية تبصى وراكى لية مفيش حد هيمسكك خلاص wst:: .

[mama nona]

الف مبروك البراءة

نورتينا من تانى

وحمدالله عالسلامة

[عبير يونس]

ألف مبروك

فرحت لك من قلبي

ربنا يبعد عنك كل شر

و يعوضك خيرالجزاء

[عنبو]

قلبو ابيض الف مبروك ويااااااارب يفك هم كل النااااااااااااااااااااااااااس

والله فرحتلك قووووووووووى

يلاااااا بقى ارجعى تاااااااااااااااااانى خلى الغربه تعدى بسرعه

[Handasah]

الف مبروك الافراج :rolleyes:

بس بجد فرحنا جدا ونصيحة ابقى جمدى قلبك شوية

[عنبو]

بمناسبة الفرج احب اهدى ليكى الاغنيه دى

تم تعديل 7 أكتوبر 2009 بواسطة محمد العنبى

[pocy]

يا حبيبه قلبي قلب ابيض برضه كده كل ده بيحصلك وانا معرفش يا قمر واجى بعد الافراج يارتني كنت اعرف يا قمر الف حمدالله على السلامه وانا بهديلك برضه اغنيه ماما مع عنبووووووووووو

والله وحشانى ومكانك كان فيه فراغ كبير والحمد لله اخيرا رجعتلنا تانى و هتملى حياتى والله انتى أساس دخولى المحاورات ايه رأيك بقي ربنا يخليكى لينا يارب يا أم قلب ابيض