الحويني : العلم للرجالة بس

[محمد عيسى]

فى البداية السلام عليكم و رحمة الله و بركاته

و البعض الاخر يقول هذا الشيخ يسب الشيخ من هذا الذى يسب العلامة القرضاوى اطال الله لنا فى عمره و ان كان لبعض الشيوخ اعتراض على بعض فتاوى القرضاوى فهو خلاف فى الفروع

و عشان قال انه لايؤخذ منه .. و في مره تانيه قال عنه انه اتجنن

[eslam elmasre]

معذرة اخ احمد رمضان فقد نفذ حلمي وصبري ولم اعد اطيق ان اكتم ما يحدثني به عقلي واقول لك ان الشيخ الحويني لم يكن في يوم من الايام تلميذ للشيخ الالباني فقواعد تلقي علم الحديث تؤكد علي خلاف العلاقه الظاهره والحقيقيه بين الشيخ الحويني والشيخ الالباني لماذا ؟ لان الشيخ الحويني لم يجلس في يوم من الايام في مجلس علم للشيخ الالباني وكل العلاقه في ما بينهما عن طريق المراسله هذا (اقصد الشيخ الحويني ) قرأ كتب الشيخ الالباني واعجب بفكره وطريقته في التخريج كأي عالم من علماء الحديث وبدأ يحاول ان يسلك مسلكه وهذا بالطبع ليس نوع من انواع التتلمذ لاننا في هذه الحاله يمكننا ان نقول مثلا ان فلان الفلاني اعجب بطريقه عالم من علماء الحديث وبعد قرون من وفاة ذلك العالم بدأ فلان الفلاني يسلك مسلك ذلك العالم هل يستطيع ذلك الشخص ان يعلن انه تلميذ ذلك العالم ؟

واذا اعلن ذلك فكل المحللين سيعلنون كذب ذلك الرجل لانه لم يلتقي به ولم يتعلم علي يديه ولم يجلس في مجلسه جلوس التلميذ لاستاذه

فهل هذا ما حدث بين الشيخ الحويني والشيخ الالباني ؟ بالطبع لم يحدث وما حدث هو لقاء او لقاءين لا يمكن ان تكون نتيجتهما اجازه من الشيخ الالباني للشيخ الحويني ولا اعتقد ان شيخ بعقل وكياسه الشيخ الالباني ان يقع في ذلك الخطأ وهو ان يمنح بكل سهوله اجازه لشيخ لم يلتقي به او يتتلمذ علي يديه مباشرة ولكن تلميذ عن طريق المراسله

فهل اصبحت الاجازه في علم الحديث بالمراسله

ومازلت في انتظار رد الاخ احمد رمضان علي تساؤلاتي السابقه وبعدها سنقولها صراحه من هو الكذاب ومن هو المدعي

[MZohairy]

السلام عليكم و رحمة الله و بركاته

و السلام عليكم و رحمة الله وبركاته

و عليكم السلام ورحمة الله و بركاته

[حسام يوسف]

هذه المداخله ليست في صلب الموضوع ولكنها للرد علي جزئيه اثارها بعض الاخوه من ان الشيخ الحويني هو خليفة الشيخ الالباني

ومعذرة فقد وجدت من الكلامات ما يستحق الرد

وحتي قولهم ان الشيخ ابو اسحاق الحويني هو خليفه الشيخ الالباني فقد انكره الشيخ الالباني وعلي الجميع الاستماع لتسجيل للشيخ الالباني علي موقعه في ذلك الرابط

http://www.alalbany.net/fatawa_view.php?id=4964

ومن موقع موسوعة وكيبيديا تحت فقرة اشاعات رائجة عن الشيخ ابو اسحاق الحويني انقل لكم ما هو مكتوب بالنص

[عدل] إشاعات رائجة

• اعتاد تلاميذ الشيخ علي ترويج العديد من الإشاعات عليه فالأولي أنه أحد تلاميذ الشيخ الألباني والصحيح أنه ذهب إلي الألباني عام 1407 هـ ليستفتيه في بعض المسائل.

• والثانية أنه خليفة الشيخ الألباني وأن الشيخ الألباني مدحه وقال له: خذوا العلم من بعدي من الشيخ أبي إسحاق وهذا في الحقيقة كذب محض علي الشيخ الالباني لأنه كذّب ذلك القول عدة مرات فقال:

o (السائل : شيخنا، جرى بينك وبين أخونا أبو إسحاق الحويني حوار، قلت له أنه خليفتك، هذا صحيح ؟ الشيخ مقاطعا : لا، ما قلت له . السائل : جزاكم الله خير يا شيخ . الشيخ : سلام عليكم) اهـ المصدر: سلسلة الهدى والنور، الشريط رقم 229،(00:54:48) استمع : [1] [2]

o سئل الألباني مرة أخرى : (السائل : طيب فيه آخر سؤال .. شيخ .. أخبرنا بعض الإخوة في مصر أن أبا إسحاق الحويني يقول أن معه إجازة منكم، فهل هذا صحيح ؟ وكذلك يقول بعض الإخوة أن أبا إسحاق يدعي بأنه خليفتكم في هذا العلم - أقصد علم الحديث - مع أننا نسمع نحن في اليمن أن الرجل الذي بعدكم في علم الحديث، هو الشيخ مقبل بن هادي الوادعي، فما تعليقكم على هذا ؟ الشيخ: هذه الدعاوى كثيرة وكثيرة جدا، وأنا لا أعتقد أن أحد الرجلين صح عنه ما تنسبوه إليهما، أما أنا فلا أقول شيئا من هذا في أحد ما دمت حيا لأنني أرجو أن يكون الخلفاء من بعدي أكثر من واحد أو اثنين) اهـ المصدر: سلسلة الهدى والنور، الشريط رقم 591، (00:01:39) استمع : [3] [4]

o المصدر: موقع الشيخ الالباني http://www.alalbany.net/fatawa_view.php?id=4964

وادي حكايه انه تلميذ للشيخ الالباني طلع مشكوك فيها من خلال شهادة الشيخ الالباني نفسه ومن المصدر نفسه

شهادة لوجه الله

أخبرنى صديق لى يطلب العلم على يدى الشيخ ابى حاتم أسامة القوصى حفظه الله الذى طلب العلم على يدى الشيخ مقبل بن هادى الوداعى رحمه الله تلميذ الامام

الالبانى رحمه الله بأن هذا الكلام غير حقيقى و ان الحقيقة انه دار بين ابى اسحق حفظه الله و الامام الالبانى رحمه الله عدة لقاءات لا اكثر من هذا

و الله اعلم

تحياتي لك ياباشمهندس ياسر على شهادتك احقاقا للحق

وده عهدي بيك دائما

[عبير يونس]

ومش عارفة ليه الناس اللى بتنادى بفرض التعدد وفرض النقاب بينسوا يتكلموا عن الفضائل والاخلاق والصدق والامانه وكان المجتمع مافيهوش رذيلة الا عدم لبس النقاب وعدم ختان الاناث والزواج من امراه واحدة

وقانا الله واياكم شر الفتن وجزاكم الله خيرا

ما هو ده اللي بنقوله

يا عزيزتي

الناس دول بيفرضوا أصول لا يحيدون عنها و كل ما سواها لا يهم

بالمناسبة في حكاية وجعاني اوي

و في غيرها كتير

بس الحكاية دي أنا عاصرتها بنفسي

واحدة من الجماعة دولم الله يهديني و إياها

بتشتغل مديرة تحفيظ

و أنا رحت التحفيظ ده بنفسي

الأخت اللي كانت بتدرسني كل مشكلتها مع مديرة التحفيظ انها بتلبس عباية كتف و مش من أنصار تغطية الوجه

مع أنها بتلتزم في مجيئها و ذهابها بتغطية الوجه حسب المفروض

مديرة التحفيظ دي بتحاربها و عايزة تمشيها من التحفيظ

رغم أن المدرسة دي زوجها مصاب بشلل و راتب التحفيظ هو مصدر رزق الأسرة الوحيد!!!

شفت بنفسي تصيد الأخطاء

و عداء الزميلات تقربا للمديرة

كانت صعبانة عليا اوي

و رفقا بها تركت التحفيظ كله

لأن زميلتها مرة بتسمّع لي و مدرستي دية غايبة

لاقيتها بتتكلم فيها و في طريقتها بشكل معجبنيش

و كانوا بيصروا اني ألبس زي خاص بالتحفيظ عبارة عن جيبة و بلوزة بألوان محددة كأني طالبة!!!

و لما رفضت و قلت أنا حرة

أنا لابسة العباية السوداء اللي بأخرج بيها و مش حأقلعها و البس الزي بتاعهم

واحدة زميلة قالت لي لو أصريتي

مدرستك اللي حيتعمل لها لفت نظر!!

بالله ده جو دار لتحفيظ القرآن الكريم؟؟؟!!!

و حتى بناتي5 سنوات و 6 سنوات

راحواكام مرة

كل مرة يرجعوا لي بأفكار مهببة

مرة الأبلة تقول لهم بلاش الشنطة اللي عليها صورة لولو كاتي عشان الصور حرام

و مرة تقولهم ماتلبسوش نص كم البسوا كم طويل

و آخر مرة لقيت بنتي بتقولي

الأبلة بتقول " الكفرة " اللي بيسمعوا الأغاني...

فقررت أسحبهم فورا

مش بأقول لكم كله بقى بيفتي

هي محفظة القرآن مالها و مال الفتوى نفسي أعرف

و تلاقيهم يوردوا لك آيات و أحاديث و كلام قد كده

عشان يزينوا البضاعة

و يحسبهم الجهال بيقولوا كلام كبير اوي

و لو زنقتهم

تلقيهم يلفوا و يدوروا

و يهيموا في واد آخر

كلهم نفس الصفات

نفس المدرسة

بس يتميزون عن بعضهم بالهوى

يعني مثلا واحدة تقولك الموسيقى حرام

و في نفس الوقت بتتفرج هي و ولادها على كرتون والت ديزني اللي خلفيته الموسيقية سيموفونيات

و واحدة تقوللك قناة طيور الجنة حرام عشان فيها موسيقى

بينما هي و زوجها من عشاق توم و جيري

و واحدة بتحرم لبس الراجل للبنطلون لأنه يفسر عورته

بينما هي لا تطيق أخت تانية من "الأخوات " عشان بتقولها بلاش تلبسي بنطلون استرتش بين النساء

و واحدة بتقول لعب الأطفال أصنام

و الكارتون حرام

و معندهاش مانع تغتاب

و حدث و لا حرج عن الكفلاء المحترمين

اللي ذقنهم للسرة

و أتوابهم للركبة

و بيستحلوا دمنا و عرقنا بمنتهى طيب النفس

يأكل حقك و يعتكف في الحرم

و يستعبدك

و يبكي بدموع الخشية و هو يلعن اليهود ورا الشيخ السديس في صلاة التهجد

و حدث و لا حرج عن إيذاء الجار بكل الوسائل الممكنة

تصل للتنصت عليه

و التسحب أما شقته يمكن يسمع حاجة كده و الا كده

و هو الله يبارك له نازل يصلي الفجر في المسجد

و حدث و لا حرج عن " الإخوة" اللي ما يعرفوكش اللي وقت الحاجة و المصلحة

و عندما تلجأ إليه يتهرب بمنتهى الخسة

و حدث و لا حرج عن الزملاء في العمل

اللي يفقعك الأسفين اللي هوة عند رئيسك و هو في طريقه لأداء صلاة الضحى

ناهيك عن الفضول الرهيب اللي بيميز الناس دول و كأنه صفة مشتركة و ماركة مسجلة

و يا سلام بقى على النصيحة على الملأ

و يا سلام لما تلاقي نفسك بتفصص و تتحلل و لا أجدع معمل تحاليل

و كأن الناس دي ما مرش عليها

" من حسن إسلام المرء تركه ما لا يعنيه"

ده غير العجب (بضم العين) بقى

تلاقي الواحد فيهم فاكر نفسه شيخ ( على فكرة بينادوا بعض يا شيخ)

و بيعتبر نفسه أعلم أهل الأرض

و عشان حفظ له كتابين بقى من التابعين

على رأي فضيلة الشيخ علي جمعة - حفظه الله- لما قال الواحد من دول يروح يقرأه له كام كتاب و يقعد سنة و الا اتنين في معهد ديني يبقى شيخ

بينما مشايخ الأزهر يقعدوا في كتاب ثلاثين سنة لحد ما ينتهوا من درسته!!!

حتى القرآن ( و لازم ينطقوها بترقيق الألف في الوسط) يحفظونه عن ظهر قلب و لا يفهمونه

و لا يتدبرونه و لا يعملون به

و لا ينهاهم عن سوء الخلق

يوووووووووووه

زهقت بجد

الموضوع بقى أشبه بالكابوس

سرطان يجب استئصاله من كل المجتمعات

و لا بد من الإعراض عنهم و عدم التعاطي مع ما يقولون عملا بقوله تعالى:

{خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ }الأعراف199

تحياتي

:lol:

[om marawan]

عزيزتى مصرية

بجد الله يكون فى عونك بجد زعلتنى اوى موضوع المحفظة وهييجوا يقولوا ده درء مفسدة يعنى اى مفسدة اكتر ان واحدة تكيد وتغتاب وتمنع زميلة من تحفيظ كتاب الله ياستى ولو اعتبرت ان اللى كاشفة وجهها غلطانة يعنى مين من ابن ادم مش خطاء ربنا يتوب علينا وعليها

صدق رسول الله صلى الله عليه وسلم لما قال لاصحابه ان يكونوا ميسرين وليس معسرين

احنا فى امس الحاجة الى احياء فضائل ديننا من بر و امانة وحسن مصاحبة واحسان فى القول والفعل والعمل والحث على التعلم والصدق والكثير من الفضائل والقيم

معلش روقى بالك بجد الناس دى مساكين اعتبريهم كده وادعي لنفسك ولنا ولهم بالهداية ......ماتيجى عندنا الكويت :lol:

تقبلى خالص تحياتى

تم تعديل 27 سبتمبر 2009 بواسطة om marawan

[agbe]

ومش عارفة ليه الناس اللى بتنادى بفرض التعدد وفرض النقاب بينسوا يتكلموا عن الفضائل والاخلاق والصدق والامانه وكان المجتمع مافيهوش رذيلة الا عدم لبس النقاب وعدم ختان الاناث والزواج من امراه واحدة

وقانا الله واياكم شر الفتن وجزاكم الله خيرا

ما هو ده اللي بنقوله

يا عزيزتي

الناس دول بيفرضوا أصول لا يحيدون عنها و كل ما سواها لا يهم

بالمناسبة في حكاية وجعاني اوي

و في غيرها كتير

بس الحكاية دي أنا عاصرتها بنفسي

واحدة من الجماعة دولم الله يهديني و إياها

بتشتغل مديرة تحفيظ

و أنا رحت التحفيظ ده بنفسي

الأخت اللي كانت بتدرسني كل مشكلتها مع مديرة التحفيظ انها بتلبس عباية كتف و مش من أنصار تغطية الوجه

مع أنها بتلتزم في مجيئها و ذهابها بتغطية الوجه حسب المفروض

مديرة التحفيظ دي بتحاربها و عايزة تمشيها من التحفيظ

رغم أن المدرسة دي زوجها مصاب بشلل و راتب التحفيظ هو مصدر رزق الأسرة الوحيد!!!

شفت بنفسي تصيد الأخطاء

و عداء الزميلات تقربا للمديرة

كانت صعبانة عليا اوي

و رفقا بها تركت التحفيظ كله

لأن زميلتها مرة بتسمّع لي و مدرستي دية غايبة

لاقيتها بتتكلم فيها و في طريقتها بشكل معجبنيش

و كانوا بيصروا اني ألبس زي خاص بالتحفيظ عبارة عن جيبة و بلوزة بألوان محددة كأني طالبة!!!

و لما رفضت و قلت أنا حرة

أنا لابسة العباية السوداء اللي بأخرج بيها و مش حأقلعها و البس الزي بتاعهم

واحدة زميلة قالت لي لو أصريتي

مدرستك اللي حيتعمل لها لفت نظر!!

بالله ده جو دار لتحفيظ القرآن الكريم؟؟؟!!!

و حتى بناتي5 سنوات و 6 سنوات

راحواكام مرة

كل مرة يرجعوا لي بأفكار مهببة

مرة الأبلة تقول لهم بلاش الشنطة اللي عليها صورة لولو كاتي عشان الصور حرام

و مرة تقولهم ماتلبسوش نص كم البسوا كم طويل

و آخر مرة لقيت بنتي بتقولي

الأبلة بتقول " الكفرة " اللي بيسمعوا الأغاني...

فقررت أسحبهم فورا

مش بأقول لكم كله بقى بيفتي

هي محفظة القرآن مالها و مال الفتوى نفسي أعرف

و تلاقيهم يوردوا لك آيات و أحاديث و كلام قد كده

عشان يزينوا البضاعة

و يحسبهم الجهال بيقولوا كلام كبير اوي

و لو زنقتهم

تلقيهم يلفوا و يدوروا

و يهيموا في واد آخر

كلهم نفس الصفات

نفس المدرسة

بس يتميزون عن بعضهم بالهوى

يعني مثلا واحدة تقولك الموسيقى حرام

و في نفس الوقت بتتفرج هي و ولادها على كرتون والت ديزني اللي خلفيته الموسيقية سيموفونيات

و واحدة تقوللك قناة طيور الجنة حرام عشان فيها موسيقى

بينما هي و زوجها من عشاق توم و جيري

و واحدة بتحرم لبس الراجل للبنطلون لأنه يفسر عورته

بينما هي لا تطيق أخت تانية من "الأخوات " عشان بتقولها بلاش تلبسي بنطلون استرتش بين النساء

و واحدة بتقول لعب الأطفال أصنام

و الكارتون حرام

و معندهاش مانع تغتاب

و حدث و لا حرج عن الكفلاء المحترمين

اللي ذقنهم للسرة

و أتوابهم للركبة

و بيستحلوا دمنا و عرقنا بمنتهى طيب النفس

يأكل حقك و يعتكف في الحرم

و يستعبدك

و يبكي بدموع الخشية و هو يلعن اليهود ورا الشيخ السديس في صلاة التهجد

و حدث و لا حرج عن إيذاء الجار بكل الوسائل الممكنة

تصل للتنصت عليه

و التسحب أما شقته يمكن يسمع حاجة كده و الا كده

و هو الله يبارك له نازل يصلي الفجر في المسجد

و حدث و لا حرج عن " الإخوة" اللي ما يعرفوكش اللي وقت الحاجة و المصلحة

و عندما تلجأ إليه يتهرب بمنتهى الخسة

و حدث و لا حرج عن الزملاء في العمل

اللي يفقعك الأسفين اللي هوة عند رئيسك و هو في طريقه لأداء صلاة الضحى

ناهيك عن الفضول الرهيب اللي بيميز الناس دول و كأنه صفة مشتركة و ماركة مسجلة

و يا سلام بقى على النصيحة على الملأ

و يا سلام لما تلاقي نفسك بتفصص و تتحلل و لا أجدع معمل تحاليل

و كأن الناس دي ما مرش عليها

" من حسن إسلام المرء تركه ما لا يعنيه"

ده غير العجب (بضم العين) بقى

تلاقي الواحد فيهم فاكر نفسه شيخ ( على فكرة بينادوا بعض يا شيخ)

و بيعتبر نفسه أعلم أهل الأرض

و عشان حفظ له كتابين بقى من التابعين

على رأي فضيلة الشيخ علي جمعة - حفظه الله- لما قال الواحد من دول يروح يقرأه له كام كتاب و يقعد سنة و الا اتنين في معهد ديني يبقى شيخ

بينما مشايخ الأزهر يقعدوا في كتاب ثلاثين سنة لحد ما ينتهوا من درسته!!!

حتى القرآن ( و لازم ينطقوها بترقيق الألف في الوسط) يحفظونه عن ظهر قلب و لا يفهمونه

و لا يتدبرونه و لا يعملون به

و لا ينهاهم عن سوء الخلق

يوووووووووووه

زهقت بجد

الموضوع بقى أشبه بالكابوس

سرطان يجب استئصاله من كل المجتمعات

و لا بد من الإعراض عنهم و عدم التعاطي مع ما يقولون عملا بقوله تعالى:

{خُذِ الْعَفْوَ وَأْمُرْ بِالْعُرْفِ وَأَعْرِضْ عَنِ الْجَاهِلِينَ }الأعراف199

تحياتي

:lol:

مش عارفة أقلك إيه يا مصرية فاهماكي جدا جدا بس علي فكرة أهل الحجاز غير خالص تخيلي بأه لما حد قريب ليكي جدا بتأثر بالكلام ده أنا مش باتكلم عن الأراء كل واحد حر في رأيه أنا باتكلم علي فرض الأراء و الإنتقاص من الأخرين وشيوخهم خلي بالك من بناتك جدا أنا ماما ساعدتني في الفترة دي لأنها كانت فاهمة ودارسة و كان في المدرسة واحدة تقلي مامتك كافرة عشان مش بتغطي وشها وبصراحة مدرسات وقفوا جنبي وكانوا سعوديات وكمان ماما كانت دايما بتديني كتب دينية وتفهمني بأسلوب بسيط الرأي الأخر أنا مختلفة معاكي في الإستئصال لأن مش كل الناس زي بعض لكن كل واحد ياخد حجمه الطبيعي عشان التوازن يكون موجود

بصراحة قرأت في مشاركة عن مقبل الوداعي أنه شيخ وبصراحة من يؤلف كتاب إسمه إسكات الكلب العاوي يوسف القرضاوي لا يمكن أن أسميه شيخ مهما كان ليس تعصب لشيخ ولكن العلم معناه الأدب علي رأي أستاذنا عمرو خالد سيدنا موسي لما راح لفرعون ربنا سيحانه وتعالي قال قولوا له قولا لينا فهل الناس إلي بيشتموني علي اليوتيوب بيقولوا قولا لينا ؟؟؟؟؟؟

أما الشيخ الحويني فأنا ضد أسلوبه مع من يخالفه والأدلة لا تعد ولا تحصي بالصوت والصورة للأسف لكن مش موضوعنا وأختلف مع أرائه في المرأة وسألت فيها علماء حديث كبار ورديت علي تلاميذه بالدليل النقلي لكن للأسف لم ينالني غير شتائم ورسائل سيئة لدرجة الدعاء علي بكلام لا أجرؤ أن أقوله لكافر

الشيخ القوصي انشق عنهم ويهاجمهم بشدة والغريب ما اتقالش فيه منهم ولا كلمة ساعتها السكوت والأدب مع المخالف أما أي حد تاني صواريييييييييييييخ

الخلاصة محتاجين لوقفة وصحوة لمنهج الوسطية واستخدام الأساليب الحديثة ورد الدليل بالدليل

بالنسبة لأهمية العلوم الدنيوية فالشيخ القرضاوي وكثيرون قالوا بأنها في أيامنا فرض علي كل مسلم خاصة أننا عالة علي الغرب وهناك كتاب رائع للشيخ عبد الحليم محمود يذكر فيه الأدلة من القران علي أهمية العلوم الدنيوية وأن الله سبحانه وتعالي أمرنا بها والشيخ علي جمعة له محاضرات رائغة في شرح كتاب إحياء علوم الدين للإمام الغزالي وتعرض فيه لأهمية العلوم الدنيوية

الأخ أحمد رضوان ام نري إجابة علي أسئلتنا وأهمها إذا سلمنا بالإستدلال الخاطيء للأحاديث علي الفصل التام بين الرجال والنساء ورد علي هذا الإستدلال الكثير من العلماء والحمد لله ولكن فلنقل موافقون هل المفسدة للنساء والرجال أم للنساء فقط طبعا معروف في الأحكام الشرعية أنها متساوية بين الرجال والنساء فعقوبة الزنا مثلا واحدة للإثنين هل الرجل يستطيع اتقاء الفتنة والنساء لا ؟؟؟؟؟؟؟ بناء علي كلامك فالرجال أيضا أثمون إذا دخلوا كليات مختلطة ؟؟

السؤال الثاني : كون الشيخ الألياني أثني علي الحويني شيء والإجازة شيء أخر ونفاها الألباني بصوته و نظرة علي فرق السلفية المتعددة ستجد منها من يهاجم الحويني و غيره ويستدل بنفس الكلام المهم عندنا تسجيل صوتي نريد رد عليه بتسجيل صوتي ايضا من الشيخ الألباني نفسه يقول الحويني خليفتي في الحديث وليس بكلام مرسل من هنا وهناك ؟

كل الأخوة والأخوات المتابعين جزاكم الله خيرا

[عبير يونس]

عزيزتى مصرية

بجد الله يكون فى عونك بجد زعلتنى اوى موضوع المحفظة وهييجوا يقولوا ده درء مفسدة يعنى اى مفسدة اكتر ان واحدة تكيد وتغتاب وتمنع زميلة من تحفيظ كتاب الله ياستى ولو اعتبرت ان اللى كاشفة وجهها غلطانة يعنى مين من ابن ادم مش خطاء ربنا يتوب علينا وعليها

صدق رسول الله صلى الله عليه وسلم لما قال لاصحابه ان يكونوا ميسرين وليس معسرين

احنا فى امس الحاجة الى احياء فضائل ديننا من بر و امانة وحسن مصاحبة واحسان فى القول والفعل والعمل والحث على التعلم والصدق والكثير من الفضائل والقيم

معلش روقى بالك بجد الناس دى مساكين اعتبريهم كده وادعي لنفسك ولنا ولهم بالهداية ......ماتيجى عندنا الكويت :)

تقبلى خالص تحياتى

بجد حضرتك ذوق خالص ربنا يخليكي :lol:

و ربنا يهدينا جميعا

أنا مش بأهاجمهم و لا عايزة منهم حاجة

أنا اتذيت منهم كتير

و دلوقت خايفة على ولادي

و على أفكارهم

ابتديت أحس أنهم متوترين دايما و فكرهم حيبتدي يتشوش

من اللي بيسمعوه في المدرسة

أنا ابني قعد فترة يقوللي الانجليزي حرام عشان ده لغة الكفار

و لا زال إلى الآن لما يشوف حد في برنامج و الا حتى في صورة في مجلة يسألني ده مسلم و الا كافر؟؟؟

الحمد لله قدرت أقنعه في حكاية الانجليزي

و لسه بأحاول معاه في حكاية مسلم و الا غير مسلم

مسيرنا حنرجع مصر

و أكيد طريقة التفكير دي مش حتنفع في مجتمع متعدد العقائد و الاتجاهات زي مجتمعنا

لحد ما قلت له

و انت مالك مسلم و الا لأ

الشخص الوحيد اللي يهمك تعرف مسلم و الا لأ هي البنت اللي حتتجوزها

أما أي حد تاني مادام بيتعامل معاك كويس يبقى هو ده المهم

طبعا ده من تأثير أنهم هنا بيحرموا مجرد إلقاء السلام على غير المسلم !!!

mfb:

[عبير يونس]

مش عارفة أقلك إيه يا مصرية فاهماكي جدا جدا بس علي فكرة أهل الحجاز غير خالص تخيلي بأه لما حد قريب ليكي جدا بتأثر بالكلام ده أنا مش باتكلم عن الأراء كل واحد حر في رأيه أنا باتكلم علي فرض الأراء و الإنتقاص من الأخرين وشيوخهم خلي بالك من بناتك جدا أنا ماما ساعدتني في الفترة دي لأنها كانت فاهمة ودارسة و كان في المدرسة واحدة تقلي مامتك كافرة عشان مش بتغطي وشها وبصراحة مدرسات وقفوا جنبي وكانوا سعوديات وكمان ماما كانت دايما بتديني كتب دينية وتفهمني بأسلوب بسيط الرأي الأخر أنا مختلفة معاكي في الإستئصال لأن مش كل الناس زي بعض لكن كل واحد ياخد حجمه الطبيعي عشان التوازن يكون موجود

عزيزتي عجبي

الحمد لله بأحاول أوازن الأمور مع ولادي

أصل أن ولادي ما شاء الله لمضين شويتين و بيفكروا كتير

مش عارفة طالعين لمين؟ :lol:

عندك حق في اختلافك معايا في حاية الاستئصال دي

أنا بس كنت منفعلة حبتين

و خانني التعبير

الفكر المتطرف حيفضل موجود في كل حتة و لن يختفي

هو لازم زي ما حضرتك قلتي يتم تحجيمه

على فكرة أنا حأنسحب من المشاركة تاني في الموضوع ده

لأن بجد أعصابي تعبت

و اتضايقت جدا أني اتكلمت بالطريقة دي

لأني لازال لي صديقات فاضلات نحسبهن على خير و لا نزكي على الله أحد للأسف ينتمين لنفس الفكر

و لكن مع حسن الخلق

يعني بجد فاضلات و خلوقات و عكس كل اللي أوردته في المداخلة السابقة

بجد متضايقة أن الجدال وصلني للمرحلة دي من النقاش

صدق الرسول الكريم صلوات الله و سلامه عليه حين قال:

" أنا زعيم بيت بربض الجنة لمن ترك المراء و إن كان محقا"

يا ريت نتوقف عن الجدال مع هذا الفكر

فهو مراء لن يوصلنا إلى أي نتيجة

و ربنا يهدينا جميعا إلى سواء السبيل

و قانا الله و أصحاب هذا الفكر شر أن نكون ممن قال الله عز وجل فيهم:

{قُلْ هَلْ نُنَبِّئُكُمْ بِالْأَخْسَرِينَ أَعْمَالاً *الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً }الكهف 103-104

تحياتي

mfb:

[محمد عيسى]

من اكثر من عشرة سنوات تعرفت الى احد الشباب الطيبين جدا و كان مستجد في التدين و بدأ يحضر دروس في مسجد قريب من بيته في العجوزة يسيطر عليه السلفيين و منه سمعت لاول مره عن الحويني .. و عرفت منه أن الحويني قال إن القرضاوي لا يؤخذ منه و لا يعتد بفتواه .. و عندما أدركت أن الحويني علمياً أقل من تلميذ للقرضاوي أسقطته من حساباتي تماماً .. و أثتبتت لي الأيام صواب موقفي

[محمد عيسى]

و بعدين انا كاتم جوايا كتير و مش عايز اطلع للعلن اللي جوايا .. من أول منهجية العلم و التعلم .. مروراً بعلماء أجلاء في الظل طغى عليهم تجار الفرقعات .. مرورا بالألباني الذي انتقل من ساعاتي أمي إلى علامة عصره في الحديث .. إلى تصيد ما يتم تحقيقة تعمداً لازدراء الآخر المخالف .. إلى تدمير كل التراث العلمي حتى لا يبقى سواهم ........... الخ

خليني ساكت احسن

[عنبو]

الاخوه الافاضل تحيه طيبه وبعد

انا هقولكم على قصتين كده انا عشتها ؟؟

الاولى : واحد صاحبى كان اساساً تعليمه على قده يعنى معهد فنى تجارى واخده فى اربع سنين على العموم صاحبى ده جه التزم وهو اساساً كان طول عمره فى حاله يعنى مكنش من العيال الروشين فالتزامه كان عادى وبعد لكا التزم هو اساساً كنا فى الصيف كل واحد فينا يطلع يشتغل ونروح ونيجى وهو يقعد لا يروح ولا يجى ولا يشتغل ولا عمره دخل شلن البيت وكان بياخد مصروفه من والده على العموم جينا خلصنا الكليه قدمت دبلومه واخدتها اثناء مكنت شغال وبعد الدبلومه كنت عاوز قدم ماستر بس جه السفر على العموم صاحبنا ده اثناء لما كان بيشوفنا كل واحد شغال فى شركه وبيدرس فى نفس الوقت وعيال مليانه نشاط وحيويه وعيال ناجحه وفى نفس الوقت عيال حركه وملتزمه ولله الحمد كان يقعد يقولنا العلم الشرعى وعلم التوحيد فرض عليكم وانتم لازم تتعلموا علم شرعى وكنا نقعد معاه فى مناوشات وحورات وفى مره اقولته انت يابنى فااااااااااااااااااااااااااااااااشل ومش ناااااااااااااافع فى حاجه لا فى دين ولا دنيا لا انت هتعرف تتعلم علم حديث ولا علم توحيد اصل انا عارف اساساً قدراتك العلميه والعقليه والعم علشان تحصله عاوز عزيمه وانت طول عمرك لما تطلع بماده او بمادتين يعنى اساساً فااااااااااااااااشل على العموم زعل منى وانا مسكتش وقولته تعالى قلى انت بتعمل ايه للاسلام انت بتفيد الاسلام فى ايه ؟؟

لا انت شغال ولا تقدر تفتح بيت ولا ترعف تقول كلمتين على بعض غير حديثين انت حافظهم بالسند بتاعهم وخلاص وياريتك بتكمل كمان السند على العموم صاحبنا ده كان بياخد درس عند شيخ واذا فجأةً الاقى الشيخ ده تاجر اثار وبياخد الشباب دول بيحفروا على اثار طمعاً فى الغنى اللى بيجى مره واحده بدون تعب ولا علم وحاجه خالص وكان فيه شباب لا كان ليهم فى الالتزام ولا ليهم فى اى حاجه خالص ماشين مع الشيوخ دول علشان موضوع الاثار يمكن يلاقى مقبره ويبوعها بملايين ويبقوا اغنيه وليهم يشتغلوا ويتعلموا ويتعبوا مهو ممكن فى خلال شهر ولا حاجه يبقى مليونير

على العموم انا لما عرفت كده رحت للشيخ ده وقولته اتقى الله هى تجارة الاثار او سرقة الاثار حرام ولا حلال اقلى لا دى اثار الكفره من الفراعنه واحنا بنطلع معرفش باين 25 % بالميه ودى حلال

اقولته ياعم الشيخ الفتوى ليها بعد اجتماعى انت مش واخد بالك منه

يعنى لما تجمع الشباب حواليك وطبعاً تمنيهم انهم ممكن يبقوا اغنيه فى خلال شهر مثلاً يبقى ده هيتعب ليه ولا هيذاكر ليه ولا اساساً هيشغل نفسه ليه مهو هيقد طول النهار نايم وفى الليل يصحى يحفر معاك وهكذا وهو لصابت لخابت وابقى قابلنى لو حد فيه اهتم باى حاجه

طيب وبيوت الناس اللى انتوا بتدخلوها بدون لما يعرفوا اساساً عن طريق السراديب

والراجل اللى بتجيبوه يحضر على المقبره علشان معرفش يعمل ايه ؟؟

وكان فيه ناس بتحفر ماتوا وقعت عليهم حيطه اقولته والناس الى ماتوا دول ذنبهم ايه ؟؟

وغير كده انت مين اللى قلك ان الاثار اللى انت بتبيعها دى ملك اساساً انت بتحفر ممكن ياخى تكون بتعت جدى انت بتاخد حاجه مش بتعتك ليه ؟؟

وبعدين مش المفروض الدوله هى اللى تتولى الحاجه دى ؟؟ ولا انتوا مع الدوله فى كل حاجه لكن الحاجه دى لاااااااا ؟؟

وغيره وغيره على العموم انتهى الموضوع قلى احنا مبنضربش حد على ايده ؟؟

والشيخ ده كان يقعد يقول للعيال على الخلاف بينهم وبين الجمعات الاخرى وساب كل الاخلاق الدينيه ويقعد يدرس ليهم الخلافات بينهم وبين الجمعات الاخرى فقط ويعمل شحن بين الشباب بعضهم وبعض وطبعاً الشباب دول يتلقوا مع بعض وهاتك يامناقشات وتلاقى كل واحد فيهم مش طايق التانى

اقولته حسبى الله ونعم الوكيل فيك انت اساساً لا انت متعلم ولا حاجه بس هنعمل ايه ؟؟؟

والمشكله الراجل ده تاريخه الصغرى فظيع بين نصب وحاجات غريبه ؟؟

بس بمجرد لما لبس الجلابيه البيضاء واطلق اللحيه بقى خلاص شيخ الاسلام بن تميمه

على العموم صاحبنا ده فاااااااااااااااق بس بعد لما ضيع من عمره 10 سنين بدون لما يعمل فيهم اى حاجه لا دنيا ولا دين وهو دلوقتى بيقول ياريتنى كنت سمعت كلامكم

هو اى واحد يطلع يختفى شويه عن اعين الناس ويجى يقولك انا تتلمذت على يد العالم الفلانى يبقى خلاص ؟؟؟

انا فى واحد انا اعرفه واعرف كل حاجه عنه وشفته مره على احدى القنوات التلفيزيونيه بجد استغربت قوى اقلت ياااااااااه ؟؟

يبقى الواحد ميصدقش كلام اى حد لازم الواحد يقرا مهو ممكن يكون اللى طالع يكون زى ده اللى انا اعرفه

بجد الراجل ده فظيع عمل حاجات غريبه الواحد يتكسف يحكيها هنا ؟؟ وانا طبعاً متابعه وعارف عنه كل حاجه بس هنقول ايه فى الناس

اللى جهل اصبح سمه رئيسيه بتميزهم

ولما رجع الراجل ده تانى للبلد بعد لما ظهر فى التلفيزيون لقيت الناس بتعامله كويس ونسيوا اى حاجه على العلم انه لا يزال كما هو ؟؟

اقولت سبحان الله فعلا اصعب حاجه على الانسان انه يفتكر الالتزام دروشه ؟؟

على فكره ياجماعه مشكلة الناس دول انهم بيحكموا على الاخر بدون لما يعاملوه خالص بيحكموا عليه من كلام المشايخ بتوعهم بدون لما يكلف نفسه التأكد من كلام الشيخ

وكأن المشايخ خلاص بقوا انبياء

سبب هلك الشيعه انهم بيقدسوا مشايخهم وممنوع اى حد يفكر فى كلام الشيخ ولا يبحثوا عنه اساساً ويشوف الراجل ده قصده ايه ولا مؤهل ولا ايه ؟؟

الموقف التانى ده حصل معايا انا شخصياً انا اساساً طول عمرى كنت هوائى يعنى لا صايع ولا ملتزم بس على حسب الحاله ومريت بشوية حاجات غريبه كده هبقى اقولها بعدين جيت فى تانيه ثانوى اتشددت وحرمت كل حاجه جيت فى تالته ثانوى بهدلت الدنيا وبظت على الاخر على العموم دخلنا الكليه وفى الكليه اتعرفت على واحد زى حلاتى تماماً وفجأه لقيته التزم فانا اقولت لا ياعم ده هيبقى خنيق وفكك منه وخليك فى الشله بتاعتنا لقيته التزم بس لسه فرش وعايش حياته يعنى فسح ونروح ونيجى ويقعد معانا نهزر عادى اقولته انا عاوز من ده يامعلم

على العموم حسبى الله ونعم الوكيل فى كل من سعى وكان سبباً وراء تفريق الامه وتمزيقها

[agbe]

بانتظار الرد علي اسئلتي وإلي أن يتم الرد فهذا نموذج لشيخ فاضل متخصص في علم الحديث وهاهي سيرته الذاتية واضحة لا غموض فيها

http://freedrbar.blogspot.com/2008/10/blog-post_10.html

وابحثوا عن صور إجازات الشيوخ لطلابهم والتي يكتبونها بخط يدهم وهذا مثال

تم تعديل 27 سبتمبر 2009 بواسطة agbe

[agbe]

مش عارفة أقلك إيه يا مصرية فاهماكي جدا جدا بس علي فكرة أهل الحجاز غير خالص تخيلي بأه لما حد قريب ليكي جدا بتأثر بالكلام ده أنا مش باتكلم عن الأراء كل واحد حر في رأيه أنا باتكلم علي فرض الأراء و الإنتقاص من الأخرين وشيوخهم خلي بالك من بناتك جدا أنا ماما ساعدتني في الفترة دي لأنها كانت فاهمة ودارسة و كان في المدرسة واحدة تقلي مامتك كافرة عشان مش بتغطي وشها وبصراحة مدرسات وقفوا جنبي وكانوا سعوديات وكمان ماما كانت دايما بتديني كتب دينية وتفهمني بأسلوب بسيط الرأي الأخر أنا مختلفة معاكي في الإستئصال لأن مش كل الناس زي بعض لكن كل واحد ياخد حجمه الطبيعي عشان التوازن يكون موجود

عزيزتي عجبي

الحمد لله بأحاول أوازن الأمور مع ولادي

أصل أن ولادي ما شاء الله لمضين شويتين و بيفكروا كتير

مش عارفة طالعين لمين؟ :lol:

عندك حق في اختلافك معايا في حاية الاستئصال دي

أنا بس كنت منفعلة حبتين

و خانني التعبير

الفكر المتطرف حيفضل موجود في كل حتة و لن يختفي

هو لازم زي ما حضرتك قلتي يتم تحجيمه

على فكرة أنا حأنسحب من المشاركة تاني في الموضوع ده

لأن بجد أعصابي تعبت

و اتضايقت جدا أني اتكلمت بالطريقة دي

لأني لازال لي صديقات فاضلات نحسبهن على خير و لا نزكي على الله أحد للأسف ينتمين لنفس الفكر

و لكن مع حسن الخلق

يعني بجد فاضلات و خلوقات و عكس كل اللي أوردته في المداخلة السابقة

بجد متضايقة أن الجدال وصلني للمرحلة دي من النقاش

صدق الرسول الكريم صلوات الله و سلامه عليه حين قال:

" أنا زعيم بيت بربض الجنة لمن ترك المراء و إن كان محقا"

يا ريت نتوقف عن الجدال مع هذا الفكر

فهو مراء لن يوصلنا إلى أي نتيجة

و ربنا يهدينا جميعا إلى سواء السبيل

و قانا الله و أصحاب هذا الفكر شر أن نكون ممن قال الله عز وجل فيهم:

{قُلْ هَلْ نُنَبِّئُكُمْ بِالْأَخْسَرِينَ أَعْمَالاً *الَّذِينَ ضَلَّ سَعْيُهُمْ فِي الْحَيَاةِ الدُّنْيَا وَهُمْ يَحْسَبُونَ أَنَّهُمْ يُحْسِنُونَ صُنْعاً }الكهف 103-104

تحياتي

:P

حاسة بكلامك جدا فأنا قضيت عمري هناك إلي الثانوية ومتخيلة كل ماتحكينه وطبعا لافائدة من الجدال ولكن مش هانسيب الشباب لازم نوضحلهم عشان ما يحصلش فتنة ومصر مش ناقصة وأدي مثال

http://www.shorouknews.com/ContentData.aspx?id=103296

[حسام يوسف]

و بعدين انا كاتم جوايا كتير و مش عايز اطلع للعلن اللي جوايا .. من أول منهجية العلم و التعلم .. مروراً بعلماء أجلاء في الظل طغى عليهم تجار الفرقعات .. مرورا بالألباني الذي انتقل من ساعاتي أمي إلى علامة عصره في الحديث .. إلى تصيد ما يتم تحقيقة تعمداً لازدراء الآخر المخالف .. إلى تدمير كل التراث العلمي حتى لا يبقى سواهم ........... الخ

خليني ساكت احسن

الله يكرمك يا عم محمد عيسي

قول

قول

قول

لا تكتم معلومة تعرفها

قول ولا تخف

تحياتي لحضرتك :lol:

[agbe]

مروراً بعلماء أجلاء في الظل

أري أن الحل في إظهار هؤلاء وعندها سيظهر الفرق أما الكلام فلن يكون مقنعا غير بالوثائق يعني عندنا الآن تسجيل صوتي أما فلان قال فلن ينال الراوي سوي الإتهام بشر التهم إن لم يكن الإخراج من الملة وحتي التسجيل الصوتي يتم تجاهله وإتهامنا بالجهل سبحان الله عندما نذهب لطبيب أليس من حقنا السؤال عن مؤهلاته؟؟؟ فما بالكم بالكلام علي لسان رسول الله والصحابة ولا أتوقع رد ولكن هدفي أن يشعر الجميع بأهمية احترام مؤسستنا الدينية وكل من له معرفة بشيخ أن ينشر علمه بالوسائل الحديثة كم من الشباب يعرف الشيخ عبد الحليم محمود هذا الرجل كان قمة لابد من تحويل كتبه مثلا لشرائط كاسيت وسيديهات وكتيبات وهكذا

[om marawan]

و انت مالك مسلم و الا لأ

الشخص الوحيد اللي يهمك تعرف مسلم و الا لأ هي البنت اللي حتتجوزها

أما أي حد تاني مادام بيتعامل معاك كويس يبقى هو ده المهم

طبعا ده من تأثير أنهم هنا بيحرموا مجرد إلقاء السلام على غير المسلم !!!

:blink:

احترم رغبتك فى التتوقف عن المشاركة وخاصة انك اتبعتيها بحديث جميل جدا عن ترك المراء

لكن فعلا زى ماقلتى هو الخوف على الاولاد وممكن فعلا بدل مانعرف هو كافر او لأ نعرف ربنا امرنا نعاملهم ازاى وانه ربنا امرنا باننا حتى لا نسب ديانتهم او مايعبدون من دون الله حتى لا يسبوا الله عدوا بغير علم

معلش اسفة مش عارفة ازاى اضيف الاية من المصحف بالتشكيل لانى مش عارفة الطريقة

لكن الايات اللى تذكر معاملة المسلم مع غيره كثيره وجميلة وبها روح الاسلام الحقيقية السمحة

تقبلى تحياتى والسلام عليكم ورحمة الله

تم تعديل 28 سبتمبر 2009 بواسطة om marawan

[عبير يونس]

و انت مالك مسلم و الا لأ

الشخص الوحيد اللي يهمك تعرف مسلم و الا لأ هي البنت اللي حتتجوزها

أما أي حد تاني مادام بيتعامل معاك كويس يبقى هو ده المهم

طبعا ده من تأثير أنهم هنا بيحرموا مجرد إلقاء السلام على غير المسلم !!!

:lol:

احترم رغبتك فى التتوقف عن المشاركة وخاصة انك اتبعتيها بحديث جميل جدا عن ترك المراء

لكن فعلا زى ماقلتى هو الخوف على الاولاد وممكن فعلا بدل مانعرف هو كافر او لأ نعرف ربنا امرنا نعاملهم ازاى وانه ربنا امرنا باننا حتى لا نسب ديانتهم او مايعبدون من دون الله حتى لا يسبوا الله عدوا بغير علم

معلش اسفة مش عارفة ازاى اضيف الاية من المصحف بالتشكيل لانى مش عارفة الطريقة

لكن الايات اللى تذكر معاملة المسلم مع غيره كثيره وجميلة وبها روح الاسلام الحقيقية السمحة

تقبلى تحياتى والسلام عليكم ورحمة الله

ها هي الآية يا عزيزتي

{وَلاَ تَسُبُّواْ الَّذِينَ يَدْعُونَ مِن دُونِ اللّهِ فَيَسُبُّواْ اللّهَ عَدْواً بِغَيْرِ عِلْمٍ كَذَلِكَ زَيَّنَّا لِكُلِّ أُمَّةٍ عَمَلَهُمْ ثُمَّ إِلَى رَبِّهِم مَّرْجِعُهُمْ فَيُنَبِّئُهُم بِمَا كَانُواْ يَعْمَلُونَ }الأنعام108

ده لينك تحميل المصحف الرقمي

اللي فيه خاصية البحث عن الآيات و تصفح المصحف بالكامل

http://soft.sptechs.com/download-12152-Dig...Holy-Koran.html

تحياتي

:blink:

[عنبو]

حسام يوسف مشاركة بتاريخ Sep 27 2009, 12:52 PM

إقتباس(محمد عيسى @ Sep 27 2009, 08:57 AM)

و بعدين انا كاتم جوايا كتير و مش عايز اطلع للعلن اللي جوايا .. من أول منهجية العلم و التعلم .. مروراً بعلماء أجلاء في الظل طغى عليهم تجار الفرقعات .. مرورا بالألباني الذي انتقل من ساعاتي أمي إلى علامة عصره في الحديث .. إلى تصيد ما يتم تحقيقة تعمداً لازدراء الآخر المخالف .. إلى تدمير كل التراث العلمي حتى لا يبقى سواهم ........... الخ

خليني ساكت احسن

الله يكرمك يا عم محمد عيسي

قول

قول

قول

لا تكتم معلومة تعرفها

قول ولا تخف

تحياتي لحضرتك

لا متقولش يامحمد الشيخ الالبانى اولاً رحمه الله وتوفى دى حاجه والحاجه التانيه ان الراجل عالم حديث سواء كان سعاتى او غير كده فده لا يعيبه

ممكن تلاقى واحد صنايعيى وبذاكر ويدرس لحد لما يصير استاذ فى الجامعه ويبقى عالم كمان هتيجى انت تقول ده كان صنايعيى وقتها الصنعه تكون شرف له ؟؟؟

ياجماعه بلاش التعصب اقولوا اللى ليكم واللى عليكم

طول مافى تعصب يبقى عمرنا ما هنعمل حاجه والظاهر فعلاً اننا مش هنعمل اى حاجه هنفضل نتكلم وخلاص ؟؟؟

تم تعديل 29 سبتمبر 2009 بواسطة محمد العنبى

[محمد عيسى]

حسام يوسف مشاركة بتاريخ Sep 27 2009, 12:52 PM

إقتباس(محمد عيسى @ Sep 27 2009, 08:57 AM)

و بعدين انا كاتم جوايا كتير و مش عايز اطلع للعلن اللي جوايا .. من أول منهجية العلم و التعلم .. مروراً بعلماء أجلاء في الظل طغى عليهم تجار الفرقعات .. مرورا بالألباني الذي انتقل من ساعاتي أمي إلى علامة عصره في الحديث .. إلى تصيد ما يتم تحقيقة تعمداً لازدراء الآخر المخالف .. إلى تدمير كل التراث العلمي حتى لا يبقى سواهم ........... الخ

خليني ساكت احسن

الله يكرمك يا عم محمد عيسي

قول

قول

قول

لا تكتم معلومة تعرفها

قول ولا تخف

تحياتي لحضرتك

لا متقولش يامحمد الشيخ الالبانى اولاً رحمه الله وتوفى دى حاجه والحاجه التانيه ان الراجل عالم حديث سواء كان سعاتى او غير كده فده لا يعيبه

هو فعلا انا مش ناوي اقول .. بس تعقيبا على كلامك لازم تعرف ان فيه منهجيه للتعلم خاصة في أمور الشرع و الدين .. مين هم شيوخ الألباني و الحويني و من أجازهما

لو حد قرأ كل حرف كتب في علوم الدين منذ البعثة إلى يومنا هذا بدون منهج أو على يد علماء لنال درجة قارئ و هي أقل من درجة طالب العلم .. بل إن هناك شاب خريج أزهري فند إبطال الألباني لأحد الأحاديث و أثبت صحته و أن له أصل في البخاري و معظم الكتب بطريقة علمية استعصت علي و لكن رأيت الفرق بين المتعلم و القارئ

و بعدين الدكتور على جمعه (و غيره كثير مثل الدكتور عمر عبد الكافي - زراعه - لكنه الأشهر بحكم موقعه الرسمي) معاه بكالوريوس تجاره و لما اتجه للعلم الشرعي اتعلمه على اصوله حتى حصل على الدكتوراه فيه

و بعدين استفيد ايه من واحد قرأ كتب الحديث كلها و مليان حقد على العلماء و الدعاة و لسانه طويل عليهم و يهاجمهم بدون التثبت و بقصقصة كلامهم .. يعني فاكر نفسه هو الوحيد اللي بيفهم حديث في الزمن ده و لا الأزهر قفل خلاص

اللي بيعمله الحويني و تلاميذه اراه خطوات للخلف في حق الدعوه الاسلامية و ليس قيمة مضافه اطلاقا .. و لو تتبعنا أخطاؤه كما يفعل مع غيره لوجدنا كوارث و خاصة تكييفه للإجماع و القواعد الأصولية في غير موضعهم لمهاجمة العلماء التانيين