محتاجة مشورتكم ضرورى!!!!!

[ذهبية]

اصدقائى و اخواتى

محتاجة مشورتكم بسرعة لان بجد عقلى واقف من التفكير

لى شقة فى بيت والدى انا البنت الوحيدة و لى شقيقين انا شقة و كل اخ من اخواتى شقتين

هما قاعدين فيهم و شقتى انا مشطباها على اعلى مستوى بالرغم من مساحتها الضغيرة

انا لااستطيع السكن فيها لرفض زوجى ذلك المهم حيبت ااجرها للاستفادة منها خاصة انها مقفولة و صرفت عليها و اريد زياد ة دخلى

قوبلت برفض تاااام من اخواتى لانة بيت العيلة و لا ينفع ان حد غريب يسكن فية بالرغم ان اخى مسافر برة هو و زوجتة للخارج من تلات سنين و لم يرجع و التانى لم يتزوج بعد يعنى البيت فاضى

و حصلت مشاكل كبيرة جداااا ووادى لخصام بينى و بينهم بسبب ان مش من حقى ان ادخل حد غريب البيت مع ان دة ملكى و

شقتى ازاى مقدرتش اتصرف فى ملك لى دة لا فىالشرع و لا فى القانون

و للاسف كلهم كانوا فى صف واحد ضدى بما فيهم ابى

و تدخل الاهل و جاء الاخ الى رافض الموضوع بمجموعة من الاختيارت كلهما مر ومفيش غير كدة

اولا

هو ياجرها منى و طبعا بنص تمن السوق

طيب دة لو حصل دة هيكون وضع يد على البيت كلة و طبعا لو ماجاش دفع الايجار فى اى فترة من الفترات ليس من حقى ان اتكلم لانة فى الاو ل و الاخر اخى هافضل مادة ايدى لة كل سنة لانة هيدفع بالسنة طيب لو ما دفع هيكون اللى استفدتةى انة وضع يدةعلى البيت كلة

الحل التانى

لاام انا ابيع الشقة لة و طبعا برضة بالسعر اللى يعجبة و مش كاش بمقابل اشياء اخرى زى ارض تانية ورث لنا و دى طبعا مش هتتباع الان و فيها بعض المشاكل

لو نفذت البيع

ودة معناها انى هافقد تماما اى صفة فى بيت ابى و لن يكون لى شقة تكون ملجا لى فى اى وقت و من ناحية تانية عمرى ما هاعرف

اشترى شقةتانية مثلها لانى مش هاخد فلوسى كاش و من ناحية الاسعار غالية فى محافظتنا

لا ام انا اشترى نصيبة و طبعا دة هيكون غالى عليا و مش هينفع

لو وقفت كل دة هيفضل الوضع علية شقة مقفولة متروكة للتراب لن اسكن فيها و لن استطيع ان ااجرها

اخدت راى عضوين فى المنتدى راى قال لى اتركيها ولا تفقدى علاقتك باخواتك

و راى اخر قال بيعها علشان تقطعى اى مشاكل لان الباب مش هيتقفل

انتم رايكم اية ؟؟؟؟؟؟؟؟ انا بجد فى حيرة من امرى ومش عارفة الصح فين و اعمل اية ؟؟؟؟؟؟

لو مكانى تختاروا انهو حل ؟؟؟؟و بعدين هو انا جنيت لما طلبت انى ااجر شقتى انا عايزة اعرف راى القانون و الدين فى الموضوع دة

و رايكم ؟؟؟؟

ذهبية

[doha]

طيب في نقطه مهمه ..

دلوقت اخواتك كل واحد له شقتين يعني البيت كله خمس شقق .. فيه شقة مقفوله عشان صاحبها مسافر وشقة اخوك قاعد فيها .. وشقتك مقفوله .. الشقتين الزياده وضعهم ايه ؟ يعني متأجرين ولا مقفولين برضه ؟

والسؤال الثاني عوزاكي تسألي اخوكي فيه لو اشترى منك الشقة المقفوله بتاعتك هيعمل بيها ايه ؟ هيقفلها برضه ولا هيكون له فيها تصرف تاني؟

لو الشقق الاثنين مقفولين يبقى نهائي متفكريش في موضوع اخواتك ده وامرك لله في الفترة الحالية اصبري ومحدش عارف قدام فيه ايه ..

للاسف اذا هو مالهم ورافضين يستثمروه يبقى من باب اولى مش هيهمهم ابدا استثمارك لمالك خاصه لو هيجيب لهم وجع دماغ ..

وفي كل الاحوال لا انصحك ابدا تبيعي الشقة نهائيا الا لو هتبدليها بورث تاني بس يكون اكثر استقلالا منها وبسعر عادل ..

تم تعديل 16 سبتمبر 2009 بواسطة doha

[noureymo]

سيبيها مقفولة يا دهبية وما تبيعهاش ابدا ابدا ابدا ما حدش عارف بكرة في ايه

ويا ريت كمان ما تاجريهاش لاخوكي

انت اصلا كده بتستثمريها وسعرها بيزيد

طبعا حضرتك تعملي كده لو ما كانش في حاجة ملحة للمبلغ الي هييجي من الايجار ده

وربنا يوفقك انشاء الله

[hazemtara]

سيبيها مقفولة يا دهبية وما تبيعهاش ابدا ابدا ابدا ما حدش عارف بكرة في ايه

ويا ريت كمان ما تاجريهاش لاخوكي

انت اصلا كده بتستثمريها وسعرها بيزيد

طبعا حضرتك تعملي كده لو ما كانش في حاجة ملحة للمبلغ الي هييجي من الايجار ده

وربنا يوفقك انشاء الله

السلام عليكم الأول/

سورى طبعاً لأنى سوف أختلف معكم فى الرأى

الأخت الفاضلة ذهبية أنا عندى مشاكل زى كدة فى العيلة بقى لها سنين وسنين طويلة بين أعمامى وأبى فى مواريث أرض زراعية وخلافة ولم يبيعوها وبقيت قطع أرض صغيرة لا هذا يستطيع تخليص هذا ولا هذا يستطيع البيع للغريب وحدثت بينهم مشاكل ومشاحنات وصلت إلى الخصام الطويل ولم تُحل إلا بعد هم أنفسهم أعمامى ما ماتوا وبدأت أنا شخصياً الحل وهو خلص دة من دة يرتاح دة من دة.

يعنى علشان نفضل إخوة وحبايب لازم مشاكلكم تخلص وتُحل نهائى ( عرق وسيحى دمة ) زى المثل ما بيقول ،، وبعدين لية أخوكى هو الى يُعطيكى الحلول ما حضرتك الى تعطية الحلول الى عندك:

1- إشترى الشقة منى بسعر السوق وكاش علشان أعرف أخذ الفلوس وأستفيد منها بشقة أخرى أستثمرها براحتى .

2- أجر الشقة منى بسعر السوق والعقد لمدة سنة واحدة فقط ولا توثقى العقد فى الشهر العقارى يعنى لو أخوكى لابط يبقى العقد الى معاة ولا كأنة موجود لأنة غير موثق أصلاً.

3- إذا لم توافق يبقى من حقى تأجير الشقة لغيرك والإنتفاع بريعها ويُفضل لو تعرضى عليهم حد من طرفهم يعنى واحد من إخوان مراتة ،،،واحد من حبايبة الجامدين قوى وهكذا؟؟؟؟؟!!!!! أكيد مش هيرفض .

[noureymo]

سيبيها مقفولة يا دهبية وما تبيعهاش ابدا ابدا ابدا ما حدش عارف بكرة في ايه

ويا ريت كمان ما تاجريهاش لاخوكي

انت اصلا كده بتستثمريها وسعرها بيزيد

طبعا حضرتك تعملي كده لو ما كانش في حاجة ملحة للمبلغ الي هييجي من الايجار ده

وربنا يوفقك انشاء الله

السلام عليكم الأول/

سورى طبعاً لأنى سوف أختلف معكم فى الرأى

الأخت الفاضلة ذهبية أنا عندى مشاكل زى كدة فى العيلة بقى لها سنين وسنين طويلة بين أعمامى وأبى فى مواريث أرض زراعية وخلافة ولم يبيعوها وبقيت قطع أرض صغيرة لا هذا يستطيع تخليص هذا ولا هذا يستطيع البيع للغريب وحدثت بينهم مشاكل ومشاحنات وصلت إلى الخصام الطويل ولم تُحل إلا بعد هم أنفسهم أعمامى ما ماتوا وبدأت أنا شخصياً الحل وهو خلص دة من دة يرتاح دة من دة.

يعنى علشان نفضل إخوة وحبايب لازم مشاكلكم تخلص وتُحل نهائى ( عرق وسيحى دمة ) زى المثل ما بيقول ،، وبعدين لية أخوكى هو الى يُعطيكى الحلول ما حضرتك الى تعطية الحلول الى عندك:

1- إشترى الشقة منى بسعر السوق وكاش علشان أعرف أخذ الفلوس وأستفيد منها بشقة أخرى أستثمرها براحتى .

2- أجر الشقة منى بسعر السوق والعقد لمدة سنة واحدة فقط ولا توثقى العقد فى الشهر العقارى يعنى لو أخوكى لابط يبقى العقد الى معاة ولا كأنة موجود لأنة غير موثق أصلاً.

3- إذا لم توافق يبقى من حقى تأجير الشقة لغيرك والإنتفاع بريعها ويُفضل لو تعرضى عليهم حد من طرفهم يعنى واحد من إخوان مراتة ،،،واحد من حبايبة الجامدين قوى وهكذا؟؟؟؟؟!!!!! أكيد مش هيرفض .

كلام حضرتك صح طبعا لكن متهيالي لازم ناخد في الاعتبار انهم مش هيشتروا بسعر السوق ولا هياجروا بسعر السوق وبعدين هي اصلا لو اجرتها ممكن يعملوا مشاكل مع المستأجر

[se_ Elsyed]

إنتي تقربي لي يا ذهبية ؟

ههههههههه

أصل أنا واقع في نفس المشكلة ...

عندي شقة في بيت العيلة ... ومتوضبه وتماما التمام بالمكيفات كمان هههههههه

وحبيت أأجرها إيجار جديد بمدة محددة وأستفيد من دخلها .... لكن أخويا قال لي : لأ ما تدخلش في البيت حد غريب يقرفنا ... وأنا مستعد أاجرها منك بما يُرضي الله .... عشان يفتحها دوبلكس على شقته ...

وبالتالي راجعت نفسي وقولت : لو أجرتها له مثلاً بألف جنيه في الشهر ... وما دفعش هاعمل إيه أنا هاوح أشتكي أخويا في المحكمة ؟

كمان لو حبيت أستجرعها في أي وقت بعد الإيجار .. هاتبقى إزاي وهي إتغيرت قلباً وقالباً وبقت منفده على شقته وإتغير معالمها ؟

فقلت بلاها الفلوس اللي هاتدخل منها وتجيب لي وجع الدماغ ... وأسيبها كده مقفوله وأقعد فيها لما أزور العيلة ... وكمان أهي تبقى لأي حد من الأولاد لو يبدا فيها حياته أو يذاكر فيها حتى ...

لكن وضع حضرتك مختلف ... يعني إنتي ست .. ولا قدر الله وربنا ما يجيب خلاف .. أهو يبقى لك مكان مؤقت تلجئي إليه بدل ما تقعدي مع حد من إخواتك ... وبرضوا ممكن تسيبيها لحد من أولادك .. وسيبك من فكرة البيع والإيجار لإن فلوسهم هاتتصرف ومش هاتحسي بقيمتها إلا بعدين .. خصوصاً خصوصاً لو ما كنتيش محتاجه فلوسها بشكل ضروري ..

[Handasah]

انا رأى زى معظم الاخوة اللى قالوا انك تسيبيها لحد من اولادك يكبرو وساعتها هتعوزيها

وانشاء الله بكرة متعرفيش فية اية عشان ميحصلش اى مشاكل بينكم كأخوة وربنا ييسرلك الحالك

[hamoudi]

سيبيها مقفولة يا دهبية وما تبيعهاش ابدا ابدا ابدا ما حدش عارف بكرة في ايه

ويا ريت كمان ما تاجريهاش لاخوكي

انت اصلا كده بتستثمريها وسعرها بيزيد

طبعا حضرتك تعملي كده لو ما كانش في حاجة ملحة للمبلغ الي هييجي من الايجار ده

وربنا يوفقك انشاء الله

السلام عليكم الأول/

سورى طبعاً لأنى سوف أختلف معكم فى الرأى

الأخت الفاضلة ذهبية أنا عندى مشاكل زى كدة فى العيلة بقى لها سنين وسنين طويلة بين أعمامى وأبى فى مواريث أرض زراعية وخلافة ولم يبيعوها وبقيت قطع أرض صغيرة لا هذا يستطيع تخليص هذا ولا هذا يستطيع البيع للغريب وحدثت بينهم مشاكل ومشاحنات وصلت إلى الخصام الطويل ولم تُحل إلا بعد هم أنفسهم أعمامى ما ماتوا وبدأت أنا شخصياً الحل وهو خلص دة من دة يرتاح دة من دة.

يعنى علشان نفضل إخوة وحبايب لازم مشاكلكم تخلص وتُحل نهائى ( عرق وسيحى دمة ) زى المثل ما بيقول ،، وبعدين لية أخوكى هو الى يُعطيكى الحلول ما حضرتك الى تعطية الحلول الى عندك:

1- إشترى الشقة منى بسعر السوق وكاش علشان أعرف أخذ الفلوس وأستفيد منها بشقة أخرى أستثمرها براحتى .

2- أجر الشقة منى بسعر السوق والعقد لمدة سنة واحدة فقط ولا توثقى العقد فى الشهر العقارى يعنى لو أخوكى لابط يبقى العقد الى معاة ولا كأنة موجود لأنة غير موثق أصلاً.

3- إذا لم توافق يبقى من حقى تأجير الشقة لغيرك والإنتفاع بريعها ويُفضل لو تعرضى عليهم حد من طرفهم يعنى واحد من إخوان مراتة ،،،واحد من حبايبة الجامدين قوى وهكذا؟؟؟؟؟!!!!! أكيد مش هيرفض .

انا اؤيد هذا الرأي وبشده المصطلح المظبوط اللذي يطلق على البيت بتاعكم هو مايقوله العامه بيتكم عامل زي البيت الوقف

هو مادام معاه فلوس وحالته الماديه كويسه يدفع بما يرضي الله وبشكل مؤقت حتى لايوضع يده عليها مامعهوش مايوقفش ليكي حالك مع العلم ان اذا وافقت بالتنازل هاتبقى دي السمه العامه واذا جيت تطالبي بحقك بعدين هايقولوا ليكي ماكنت ساكته وموافقه ايه الى جد . رجاء ماتسيبيش حقك وبدون مشاكل واذا حدثت مشاكل بعد اصرارك على حقك صالحيهم وماتوصلهاش للقطيعه ولكن ماتسيبيش حقك والناس الواسطه الى بينك وبين اخوكي قولي لهم نحكم الشرع بتاع ربنا وانا كل ماهنالك عايزه حقي لان اولادي محتاجين مصاريف

[mama nona]

اهلا بالاخت ذهبية

ربنا يفك ضيقتك ان شاء الله

انا من رأيى انه تدخلى طرف وسيط بينكم ويكون هو اهل ثقة لكى ولاخواتك

وتعرضى عليهم برده البيع او الايجار بما يرضى الله

اى حسب السوق وسعر المنطقة

وبعد ما تعرفى السعر كام فالمنطقة

تتهاودى شوية فالسعر مهو برده اخوكى

يعنى هتعاملى اخوكى نفس معاملة الزبون الغريب

على فكرة حركة البيع والشرا الايام دى عندك بطيئة

لا اللى عنده بيبيع ولا ال معاه بيشترى

انا شايفه انه الافضل طبعا الايجار

لان الايجارات ارتفعت السنتين ال فاتو دول ارتفاع رهيب

واهو منها تنتفعى بالايجار ومنها الشقة بتاعتك تتسندى عليها فوقت الزنقة

[rewsha]

الاخت ذهبيه

انا شايفه ان ما فيش فايده من موضوع انك تدخلى حد وسيط بينكم

الحل الامثل هوه انك تضحي دلوقتي وتبعدي عن المشاكل مع خواتك

وباقول لك بلاش تدخل وسيط علشان اصلا اخوكي عنده شقتين ومش محتاج لا ياْجر منك ولا يشتري يعني ممكن يكون بيقول لك كده علشان يقطم في الشقه بس ويبقى اسمه اداكي حل وانت اللي ما وافقتيش عليه

في الاخر الحل زي ما اغلب الاعضاء قالوا

سيبي الشقه للزمن وربنا ها يعوضك ان شاء الله وسعرها هايزيد وممكن تنفع حد من اولادك في المستقبل

[yasser6666]

الرأي من وجهة نظري هو انك تبيعي لأخوكي اللي عنده الرغبة في الشراء منك ولو كان هناك بعض الخسارة مهما كان هو برضه اخوكي ويبقي انتي استفدتي وطلعتي من البيت اللي كله مشاكل ده لان دائما موضوعات الورث دي بتجيب مشاكل وكراهية بين افراد الاسرة

وممكن حضرتك تزودي شوية وتجيب مكان تاني بعيد عن العائلة للاستثمار ولو حبيتي تبيعي بعد كده حيتبيعي بدون مشاكل لانه حتكوني بعيد عنهم

وربنا يوفقك ويهدي الناس جميعا

[ذهبية]

انا متابعة ارائكم كلها و اشكركم جدا على الردود

من ناحية سؤالك يا ضحى وضع الشقتين اية مقفلوين و ام من ناحية هياخدها يعمل بيها اية طبعا الله اعلم

بس اكيد يعنى مش

هيعمل فيها فى ساعتها هيسكت شوية لحد ماالامور تهدى ة بعدها هيشغل برضة دماغة ولابيع لا ياجر بالسعر الىل عايزة هو لانة مش

معقول يعنى هيقعد فى تلات شقق

كلكم ارائكم مقنعة و دة اللى محيرنى

سى السيد

بما انك مريت بالموضوع دة قبل منى و اخدت السيف سيد و خليت الوضع كما هو

ياترى ندمت بعد هذا القرار بعد ما عدى كذا سنة ياترى مجتش بعدها قولت فلوس مجمدة معرفتش استفيد منها كان ممكن احطها فى حاجة تعود عليا بعائد او على الاقل حاجة انا حر التصرف فيها

هما مستفدين انهم قاعدين فيها

وانت اشتريت خاطرهم و احتفظت بالوضع كماهو علية مراعاة لمشاعرهم ياترى ندمت

بس تعرفوا يا جماعة انا بجداستفدت من الموضوع بحاجة مهمة جدااااااا للاسف فية كتير منا بيعملة

ان كل واحد يحلم انة يعمل بيت عيلة كبير و يلم فية عيالة حوالية

بجد يا جماعة الفكرة دى غلط خالص لان كل ولد او بنت لها شخصيتة و افكارة و طموحة و حياتة لية تقيد ابنك معاك فى بيت ممكن قوى يكون سبب مشاكل كبيرة و فرقة بين الاخوات مش لمة و صلة رحم

و حاجة تانية لية الصبيان او الرجالة لما بتتعامل مع البنات بتتعامل معاهم انهم تابعين وملهمش راى واحنا رجالة و الى احنا نقول علية

تفتكروا يعنى لو اخويا هو الىل طلب ياجر شقتة مش انا تفتكروا كان هيكون فى نفس الوضع اللى انا

ذهبية

[بنت الشاطئ1]

السلام عليكم عزيزتى ذهبية

لو انت واثقة ان اخوكى جاد فى موضوع الشراء منك..بمعنى انك عارفة ان مادياته تسمح انه يشترى منك فبعيها له بشرط انك تكونى شايفة شقة اخرى وتقولى له انك ستشترى تلك الشقة بالمال الذى سيعطيه لك ..وانك فعلا بحاجة ماسة الى عائد شهرى وانت بالغربة

وارى انه المفروض الا تدخلى زوجك فى هذا الموضوع على الاطلاق ..ولابد ان يشعر اخوكى انك بحاجة فعلا الى عائد ثابت وانت فى الغربة .. قصدى انه لازم يقتنع بكدا انك بتبيعى لانك محتاجة فعلا وانك بتشترى بعيد عنهم لانك حريصة على راحتهم ..لان العند هنا مش فى صالحك ابدا..هناك امور كانت اصعب من ذلك بكثير واتحلت

وكما يقال..الكلام اللين يغلب الحق البين

رأى اخر ..فى حالة ان اخوكى مش عايز يشترى او كان بيقول كدا من باب انه يضيع عليكى الاجازة من غير ما تأجرى الشقة..ممكن تأجرى الشقة لأحد من اقاربكم وبذلك استفدتى منها وفى نفس الوقت اخواتك مش هيعارضوا لانه ماحدش غريب دخل بينهم

[عنبو]

انا بايد رأى سى السيد

[doha]

على فكره ياذهبية والدتي لها شقة في بيت اهلها ومساحتها كبيرة اكتر من 200 متر والشقة مغلقة بقالها سنين طويلة جدا وحصل ان مرة وحده بس اجرناها لمده شهر او شيء زي كده والمستاجرين طلعوا وقالوا ان ( خالي ) عاملهم معامله وحشه لغايه ماطفشوا .. وبعدها حاولنا نأجرها تاني ووجدنا شبه اعتراض من اخوة ماما ان مش عاوزين حد غريب في البيت ـ هم مقالوهاش صراحة لكن لمحوا لذلك وعلى هذا فالشقة مغلقة من يومها . وبالمناسبة سبق لخالي الكبير انه كان يبأجر شقته الي في البيت ومحدش اعترض .. عادي ..

بالنسبة لوالدتي هي ( شارية دماغها ) وطالما مش محتاجه فلوس الشقة دي فبتفضل مصلحه اخواتها او علاقتها بيهم على اي شيء تاني وهم وللحق يقال بيحبوها وبيحتفوا بيها دائما لما تروح عندهم لانها فعلا بتعاملهم كويس اوي عمرها ماقالت لهم حقي او مش حقي الي بيقولوا عليه بتمشيه .. صحيح انا احيانا مبيعجبنيش سلبيتها بس هس راضية .. الفلوس جات لها من ناحية تانيه وهي مش محتاجه من اخواتها غير يكونوا جنبها او علاقتهم ببعض تبقى كويسه وهذا موجود فعلا يبقى خلاص مبتدقش بقى على تصرفاتهم معاها احيانا ..

انا رايي لو انتي مش محتاجه الفلوس يبقى انسي الشقة دي خالص دلوقت واوعي تبيعيها او تاجريها لحد من اخواتك .. اما لو مزنوقه اوي في ايجارها يبقي في حل وسط .. انتي اسألي الاول الايجار بتاع الشقة دي يساوي كام فرضا قالوا بـ 6000 في السنة مثلا .. خلاص انتي اطلبي من اخوكي انك تأجريها ولو رفض وقالك اؤجرها انا قولي له خلاص في حل انت ادفع لي 3000 كل سنة وهو نصف ايجارها مقابل انها تفضل مقفوله كده .. يعني انا هسيب لك نصف الايجار عشان انت اخويه وفي المقابل انت هتسيب لي الشقة عشان مش منتفع بيها اساسا ومش دافع ثمنها كله .. لانها وهي مغلقة كده انتي بتخسري كل سنة 6000 فلان هو سبب خسارتك يبقى يشيلها معاكي بالنص هو 3 وانتي 3

اذا الشقة هتفضل مغلقة واخوك يدفع لك نصف ايجارها مقابل هذا الوضع وبكده غلقها هيبقى عاد عليكم انتم الاثنين بنفس الخساره هو خسر مبلغ وانتي خسرتي زيه بالظبط في مقابل انه يستمتع بالبيت كله لوحده مش يبقى البيت بتاعه وانتي تخسري وهو قاعد كسبان . . هو هيتنازل ويدفع مع انه مش مجبر عشان يحصل على ميزة ان البيت ميدخلهوش غريب وانتي برضه هتتنازلي عن نصف ايجار شقتك مقابل تنازله هذا وفي سبيل ان تفضل بينكم روابط الاخوه زي ماهي ..

هتنفذوا الاتفاق ده لو وافق بدون اي اوراق رسمية وبدون ماتديله مفتاح الشقه .. يعني مجرد تعهد منك انك مش هتأجريها وانتهينا بحيث لو جاء يوم مدفعش الي عليه يبقى خلاص الاتفاق لاغي ..

لو رفض وده متوقع جدا انه هيرفض يبقى وسطي حد من اخوالك او ماشابه .. بدون خناق ولا شيء .. قولي له انت بتقول تبقى مقفوله وانا بقول استفيد منها فنشوف راي حد يحكم مابينا .. هيقولك لاه اؤجرها وبثمنها وهو الست الاف قولي له اسفه لاني مقدرش اقولك كل سنة هات فلوس ولو مجبتش مش هقدر اشتكيك ( عادي الي مينكسفش منك متنكسفش منه ) قوليها له في وشه عادي ..

وفي الاول والآخر اووعي تخسري اخوكي مهما حصل وزي ماقلت لك قبل كده هتخسري اخواتك النهرده هيبيعك جوزك بكرا .. ده قانون من القوانين الثابته التي لايشذ عنها الا القليل .. والقليل جدا ..

تم تعديل 18 سبتمبر 2009 بواسطة doha

[joo]

انا من رأيى انك تاجريها وتستفيدى من ايجارها وميهمكيش من حد لان محدش بيحس بديقة حد

حقك لا تضيعية ابدا

[حسام يوسف]

أنا هقول رأيي وعارف ان الناس هتعترض عليه ورزقي على الله

وماتزعليش مني يا أخت ذهبية

الأخ اللى مايخافش على أخته

ويحاول يوقف أى فايدة ليها

ومايقدرش انها محتاجة مبلغ

يبقي مش هعمله خاطر أو حساب

وهستعمل حقى كاملا

ومش أأجرها

ده أنا أبيعها

وبأعلى سعر

لأن ده حقى

ولأن البعد عن تشابك الفلوس مع الأهل أفضل طريقة

هيزعلوا شوية

وبعدها تبرري حاجتك للفلوس

والأيام هتداوى اللى فات

الا اذا عرض حد من اخواتك انه يشتريها بأعلى سعر

يبقي هوة أولى

ده رأيي

وأتمنى حضرتك ماتزعليش مني

ربنا يكرمك دايما للى فيه الصالح

[joo]

أنا هقول رأيي وعارف ان الناس هتعترض عليه ورزقي على الله

وماتزعليش مني يا أخت ذهبية

الأخ اللى مايخافش على أخته

ويحاول يوقف أى فايدة ليها

ومايقدرش انها محتاجة مبلغ

يبقي مش هعمله خاطر أو حساب

وهستعمل حقى كاملا

ومش أأجرها

ده أنا أبيعها

وبأعلى سعر

لأن ده حقى

ولأن البعد عن تشابك الفلوس مع الأهل أفضل طريقة

هيزعلوا شوية

وبعدها تبرري حاجتك للفلوس

والأيام هتداوى اللى فات

الا اذا عرض حد من اخواتك انه يشتريها بأعلى سعر

يبقي هوة أولى

ده رأيي

وأتمنى حضرتك ماتزعليش مني

ربنا يكرمك دايما للى فيه الصالح

انا معاك هو دة الكلام

[قطرة ندى]

أنا هقول رأيي وعارف ان الناس هتعترض عليه ورزقي على الله

وماتزعليش مني يا أخت ذهبية

الأخ اللى مايخافش على أخته

ويحاول يوقف أى فايدة ليها

ومايقدرش انها محتاجة مبلغ

يبقي مش هعمله خاطر أو حساب

وهستعمل حقى كاملا

ومش أأجرها

ده أنا أبيعها

وبأعلى سعر

لأن ده حقى

ولأن البعد عن تشابك الفلوس مع الأهل أفضل طريقة

هيزعلوا شوية

وبعدها تبرري حاجتك للفلوس

والأيام هتداوى اللى فات

الا اذا عرض حد من اخواتك انه يشتريها بأعلى سعر

يبقي هوة أولى

ده رأيي

وأتمنى حضرتك ماتزعليش مني

ربنا يكرمك دايما للى فيه الصالح

انا معاك هو دة الكلام

صلوا عالنبى ياجماعة

روقوا

الست فى مصر ملهاش ميراث ريحى نفسك

والخلاف على الورث فى كل بيت ومسبب قطع للأرحام

يعنى انتى عايزة تأجرى شقة هم هينمروا عليها فى المستقبل

... صدقينى...هى دى الحقيقة

الست فى مصر ملهاش ميراث

وبيتكلموا على الدين كلام وبس..ولاحول ولاقوة الا بالله

وبكرة هتفتكرى كلامى

بيعيها لهم أحسن وخدى منهم اللى تقدرى عليه زى ماقال البعض

واشترى شقتك بعيد عن المولد ده

ودى فرصتك

[جويرية]

يا تري يا أخت ذهبية عملتي ايه في موضوعك

أظن الأخ نفسه لو عنده شقة زيادة في العمارة بالتأكيد حيأجرها ، لكن عند ملك أخته مش يرضي يديهولها

فعلا في ناس مش بتبقي عايزة تورث البنات ، مع ان ربنا عز وجل بيديهم ضعف ميراثنا ، عشان يراعي مصالح اخته و لو عازت منه هوه يديها ، لكن ده هما حتي النص ده مستخسرينه فينا