استشارة بخصوص مخالصة نهاية الخدمة

[muhamed]

استشارة بخصوص مخالصة نهاية الخدمة

السلام عليكم و رحمه الله و بركاته

كل عام و انتم بخير و سلامه (( عيد الفطر المبارك ))

اعمل فى مؤسسة محاسب و لست على كفالتهم و لا انوى نقل الكفالة عليهم باذن الله

و الحمد لله راتبى و بدلاتى جيده نوعا ما

المهم بناء على بعض الامور المتعلقة بالعمالة طلب الكفيل امضاء و بصمه كافة العمالة على

مخالصة نهائية على بياض يعنى التوقيع و البصمة مشتملة كافة البدلات و حتى نهاية الخدمة

لانه و حسب كلامه لا يعطى بدل نهاية خدمة او اى بدلات اخرى و كل العمالة مضيت بلا مشاكل

و انا و الحمد لله لست على كفالته و ايضا لا انوى ان انقل باذن الله

و انا ايضا استلم راتبى و كافة حقوقى اول باول

المهم طلب منى ايضا ان امضى على المخالصة فقلت له انا لست على كفالتك

فتحجج بانه علشان كفيلى فرديت و قلت انتا لا تعرف كفيلى اصلا

و بعدين انا ممكن امضيلك علي مخالصة حتى تاريخه لكن على بياض لا

انا هسال كفيلى الاول لانى انا اصلا بامضيله على رواتبى

سالؤالى هو :-

غير انى اخذ حقوقى لانى اصلا ما ناوى اكمل معاه - بس مؤجل الموضوع ده لغاية لما اضبط حالى

و انا باخذ كافة بدلاتى اول باول و حتى قبل انتهاء الشهر

هل هناك اى مسئولية عليا لو مضيتله على بياض ؟

يعنى فيها ضرر بالنسبة لى - لانى باذن الله ناوى انزل نهائى كمان سنه بتاشيره جديده

فهل ورقة مخالصة على بياض فيها مشكله مستقبلا بالنسبة لى بعيدا عن حقوقى

تم تعديل 16 سبتمبر 2009 بواسطة muhamed

[doha]

على حد علمي فلو انت مش ماضي معاهم عقد يبقى ملوش ابدا يطالبك باي مخالصات وتبقى غلطه منك لو مضيت له على اي ورقة رسمية ومفيش بينكم اساسا اي اتفاق ..

اما لو بينكم عقد ومكتوب فيه ان لك مكافآت او ماشابه يبقى اعتقد من حقه يمضيك على مخالصة بس في الحاله دي اسال الاول عن وضعك القانوني لو مضيت قبل ماتمضي ..

[muhamed]

على حد علمي فلو انت مش ماضي معاهم عقد يبقى ملوش ابدا يطالبك باي مخالصات وتبقى غلطه منك لو مضيت له على اي ورقة رسمية ومفيش بينكم اساسا اي اتفاق ..

اما لو بينكم عقد ومكتوب فيه ان لك مكافآت او ماشابه يبقى اعتقد من حقه يمضيك على مخالصة بس في الحاله دي اسال الاول عن وضعك القانوني لو مضيت قبل ماتمضي ..

فى الحقيقة هو مفيش اى عقد بيننا و المشكلة انه عاوز المخالصة مفتوحه

يعنى غير محدد فيها التاريخ يعنى اقرار انى استلمت مستحقاتى و نترك التاريخ فاضى ( بدون بيانات ) -

المشكلة انى قلت له اكتب المخالصة بتاريخ رفض و مصر على انها تكون مخالصة على بياض

و انا بسال هل هو ممكن يضرنى بهذه المخالصة لو تركته و روحت اشتغلت فى مكان تانى

ووقت ساعتها يحط التاريخ اللى هو عاوزه فى المخالصة

تم تعديل 16 سبتمبر 2009 بواسطة muhamed

[sara]

اخى الفاضل انصحك انك تصلى صلاه استخاره فى هذا الموضوع وان شاء الله ربنا هيوفقك لما فيه الخير

تم تعديل 16 سبتمبر 2009 بواسطة sara

[doha]

على حد علمي فلو انت مش ماضي معاهم عقد يبقى ملوش ابدا يطالبك باي مخالصات وتبقى غلطه منك لو مضيت له على اي ورقة رسمية ومفيش بينكم اساسا اي اتفاق ..

اما لو بينكم عقد ومكتوب فيه ان لك مكافآت او ماشابه يبقى اعتقد من حقه يمضيك على مخالصة بس في الحاله دي اسال الاول عن وضعك القانوني لو مضيت قبل ماتمضي ..

فى الحقيقة هو مفيش اى عقد بيننا و المشكلة انه عاوز المخالصة مفتوحه

يعنى غير محدد فيها التاريخ يعنى اقرار انى استلمت مستحقاتى و نترك التاريخ فاضى ( بدون بيانات ) -

المشكلة انى قلت له اكتب المخالصة بتاريخ رفض و مصر على انها تكون مخالصة على بياض

و انا بسال هل هو ممكن يضرنى بهذه المخالصة لو تركته و روحت اشتغلت فى مكان تانى

ووقت ساعتها يحط التاريخ اللى هو عاوزه فى المخالصة

طالما مفيش عقد بينكم يبقى مستحقات ايه الي ممكن تطالب بيها وهو بيامن نفسه بالمخالصة الي طالبها منه !!

يعني دلوقت افرض ان لك عنده مستحقات وقبضتها وجيت انت وقلت له انا مقبضتش حاجه هل هتقدر تجبره يدفع لك ؟؟ مفيش عقد اصلا .. ده حتى لو هو مش عاوز يقبضك مرتبك بكل بساطة يقولك ملكش عندي حاجه وانت مش هتقدر تعمل شيء ..

انا مش عاوزه افتي في حاجه معرفهاش بس انا لو مكانك هفكر كتير جدا قبل ماامضي له على ورقة مخالصة مش هتفيده بشيء لان مفيش اصلا عقد ولا حاجه تثبت لك عنده اي حقوق فعلى اي اساس يخالصك من حاجه اصلا مش في ذمته قانونا !!

انا خايفه المخالصة دي تبقى اثبات عليك قدام انك كنت شغال عند غير كفيلك وممكن تضرك بطريقة ما ..

برضه يجوز لها فايده يعني لو هي شركة كبيرة واسمك بينزل في كشوف مرتبات رسمية يبقى اعتقد مخالصة زي دي هتكون ضرورية لصاحب الشركه عشان يأمن نفسه لان مجرد وجود اسمك في اوراق رسميه عندهم يثبت حقك واعتقد يسمح لك بالشكوى في الجهات الرسمية لو لاقدرا لله كان في مشكلة ..

على العموم زي ماقالت الاخت ساره .. استخير الاول قبل ماتقرر هتعمل ايه وبرضه اسال صاحب الشغل قوله اخالصك على ايه وانا اصلا مليش حقوق قانونيه عندك .. شوف رده وفكر كده وباذن الله ربنا هيهديك لما فيه الخير ..

[rewsha]

انا من راْيي ما تمضيش

وتمضي اصلا ليه

يعني انت كفالتك على (س) من الناس والمفروض ان ده هوه اللي يمضيك انك بتاخد حقوقك منه (انا عارفه انك مش بتشتغل عنده)لكن ده اللي من حقه ياخد منك مخالصه علشان انت ما تشتكيهوش

لكن واحد تاني انت مش على كفالته يمضيك ليه؟

انا شايفه الحل اللي انت قولتهوله صح .وهوه انك تمضي ممكن تمضي على مخالصه حتى تاريخه لكن على بياض؟ ....لا طبعا

[muhamed]

الاخت doha

فى الحقيقة هى مش شركة كبيرة و مفيش واحد على كفالة المؤسسة له عقد عمل اصلا

الموضوع كله بصراحه المقصود منه العمال علشان فى واحد هدد انه هيشتكى

و هما كانوا لا يهتموا بامضاء العمال او تبصيمهم على الرواتب اصلا

فقالوا خلاص نمضى كله و حتى اللى مش على كفالتنا

تم تعديل 16 سبتمبر 2009 بواسطة muhamed

[muhamed]

انا من راْيي ما تمضيش

وتمضي اصلا ليه

يعني انت كفالتك على (س) من الناس والمفروض ان ده هوه اللي يمضيك انك بتاخد حقوقك منه (انا عارفه انك مش بتشتغل عنده)لكن ده اللي من حقه ياخد منك مخالصه علشان انت ما تشتكيهوش

لكن واحد تاني انت مش على كفالته يمضيك ليه؟

انا شايفه الحل اللي انت قولتهوله صح .وهوه انك تمضي ممكن تمضي على مخالصه حتى تاريخه لكن على بياض؟ ....لا طبعا

ده الصح من وجهى نظرى على العموم انا قلتله هسال كفيلى الاول

علشان ادى نفسى فرصة للتفكير برده و اسالكم هنا عن الحل

[محمد افندى]

ازيك يا زميل اخوك محاسب بردة

اخى الفاضل من رايى متمضيش انت اية اللى يجبرك انك تمضى وانت مش على الكفالة خصوصا انك ناوى تسيبة بعد فترة وهتيجى تانى فمش من مصلحتك انك تمضى وبعدين منضمنش هيعمل بيها اية بعد كدة

لكن براحة كدة عشان تحافظ على شغلك معاه ومتبوظش ترتيبات انك عاوز تنزل بتاشيرة جديدة بعد سنه