هل السفر بالسيارة أفضل من الطيارة ؟

[hazemtara]

كلاكيت عاشر مرة وأخر مرة لأنى زهقت بجد الموضوع دة حد باصص لى فية

أنا سافرت بالعربية السنة دى وبصراحة كانت رحلة مُمتعة وجميلة وإتبسط أنا والأولاد أكثر من الطيران.

لو حد عجبة السفر البرى زى كدة يا ريت يشاركنى بخبرتة هنا.

يا رب الموضوع ما يتمسحش المرة دى زى كل مرة :blush2:

[أحمد سيف]

عاوز رأيي ... السفر بالطياره أئمن وأسرع وأريح وأوجه ... ودلوقتي مع شركات الطيران الاقتصادية بقى كمان أوفر ... يبقى ليه تسافر بري ... أنا امبارح لسه سامع عن حادثيتين مروعتين لسه حاصلين السنة دي لعائلات كانت مسافره بري ... وقبلها عن عدة حوادث في سنوات سابقة ووالدي نفسه حصلت معاه حادثه والسيارة كانت على وشك تتقلب لولا ستر ربنا ... السفر البري مخاطرة وبهدلة لا داعي لهما

[حمدي العسال]

السفر بالسياره ممتع ومتعب فى نفس الوقت اولا ممتع لانك بتحس انك فعلا اخدت اجازه وخرجت منجو الروتين الى الانطلاق فى بلاد الله الواسعه دون اى قيود وهتحس بالشعور ده وانت ماشى بين الاوديه والجبال وتسبح الخالق سبحانه وتعالى وتمتع بصرك بروعة المناظر الخلابه ده فى حالة اذا مشيت بالنهار وبدون اى استعجال وعندما تصل بلدك بالسلامه تشعر بقيمة السياره انت وعائلتك وذلك بالتنقل بين المحافظات وزيارة الاقارب وكل مكان فى بلدك متاح امامك اذا قررت تذهب اليه

ثانيا متعب لدرجة انك سوف تندم انك نزلت بالسياره بسبب الحدود والاجراات الجمركيه والتأمين والمفرقعات والتربتك والمرور وتفتيش الامتعه وكل من يلقى عليك السلام عاوز ياخد منك فلوس وفى العوده بعد انتهاء الاجازه تندم انك نزلت بسياره من كثرة المطبات التى تجعلك تخصص ميزانيه تانيه علشان اى طارىء يحصل للسياره بسبب هذه المطبات وفى النهايه لن تبقى معك فى نهاية الرحله سوى الذكريات الحلوه والوحشه اخوكم / حمدى العسال

[Professional Engineer]

ليكون الموضوع مفيد

حد ممكن يقولنا كيفيه النزول الي مصر بالسياره وبعدين نتكلم

[hazemtara]

عاوز رأيي ... السفر بالطياره أئمن وأسرع وأريح وأوجه ... ودلوقتي مع شركات الطيران الاقتصادية بقى كمان أوفر ... يبقى ليه تسافر بري ... أنا امبارح لسه سامع عن حادثيتين مروعتين لسه حاصلين السنة دي لعائلات كانت مسافره بري ... وقبلها عن عدة حوادث في سنوات سابقة ووالدي نفسه حصلت معاه حادثه والسيارة كانت على وشك تتقلب لولا ستر ربنا ... السفر البري مخاطرة وبهدلة لا داعي لهما

نحترم رأيك ولكن هل الطيران ملوش حوادث ،،،ولو لا قدر الله حصل حادث طيران هل هُناك ناجون؟؟؟؟؟؟

بصراحة أنا بترعب من الطيران ولا أثق فى الطيران السعودين خصوصاً الذين يركبون على الخطوط الداخلية وخصوصاً بعد ما عرفت أن مُعظمهم حديثى التخرج ،، يعنى الواحد فيهم لسو نانوس عين أمة جاى يتعلم فينا على خطوط الطيران الداخلى .

حضرتك جربت الطيارة EMBRER السعودية الى هى حمولتها 62 راكب يعنى حجم باص دى الى شغالة على مُعظم الخطوط الداخلية لو ركبتها مرة واحدة هتحلف ما تُحط رجلك فى طيارة تانى لأن الهواى بيلعب بيها زى لعبة العيل الصغير فى إيدك كدة ،،ويا سلام لما تكون إنت عارف مُسبقاً زى كدة إن الطيار على قد حالة ،،يعنى لو قابلة عصفورة فى الجو ممكن ما يعرفش يعمل معاة حاجة.

أنا بعد ما جربت كل وسائل الموصلات فى السفر ،،أفضل أمشى على أرض ربنا بدل الشعلئة فى الهواى الى ملهاش لازمة ،،لية أطير زى العصافير لما ربنا معملش لية جناحين أطير بيهم ،،ربنا عمل لى رجلين أمشى بيهم بس،،،، لما يطلع لى جناح أفكر فى الطيران تانى.

[أحمد سيف]

طبعا الطيارات بتعمل حوادث لكن مقارنة بالسفر البري فهي أآمن بكثييير ... الإحصائيات كلها بتقول كده

المميزات الثلاثة اللي بتشجع الناس في السفر البري هي:

- بتكون معاك سيارة في مصر: بس خلي بالك سيارتك ممكن تتبهدل في مصر خصوصا لو كانت جديدة، غير طبعا مخاطر الحوادث والسرقة والاستهلاك والأعطال والرشاوي اللي هتفضل تفرقها طول ما انت ماشي بسبب نمر الجمرك وغيرها كثير ... لو شريتلك عربية نص عمر في مصر وركنتها لاستخدام الصيف أحسن لك وأوفر.

- توفير تكلفة تذاكر الطيران: مع شركات الطيران الاقتصادية هتلاقي الفرق مش كبير خصوصا لو دخلت في حسبتك التربتك والجمرك وتذاكر العباره والبنزين واستهلاك العربية في الطريق ، بالعكس ممكن دلوقتي تكون تكلفة السفر بالطيران أرخص لو أولادك مش كثير.

- تقدر تشحن عفش كثير معاك: بس برضه كل ما يزيد العفش اللي معاك هيزيد استهلاك العربية ومخاطر الحوادث (لاقدر الله) وهتضيق على نفسك في الرحله.

قارن المميزات دي ببهدلة السفر وانتظار العبارة والجمرك والتفتيش وأعطال الطريق والوقت الضايع في الرحله وحوادث العربيات والعبارات والمشكلات اللي أنا ذكرتها قبل كده وشوف لو العملية تستاهل ... عموما الموضوع كله خيار شخصي ... أنا عن نفسي جربت السفر البري لمصر ييجي 8 مرات ولقيت إنه تعب ووجع قلب على الفاضي.

وبرضه جربت الطياره اللي بتقول عليها في رحله بين الدمام والقصيم ... الحمد لله الرحله عدت من غير مشاكل.

تم تعديل 17 سبتمبر 2009 بواسطة أحمد سيف

[hazemtara]

طبعا الطيارات بتعمل حوادث لكن مقارنة بالسفر البري فهي أآمن بكثييير ... الإحصائيات كلها بتقول كده

المميزات الثلاثة اللي بتشجع الناس في السفر البري هي:

- بتكون معاك سيارة في مصر: بس خلي بالك سيارتك ممكن تتبهدل في مصر خصوصا لو كانت جديدة، غير طبعا مخاطر الحوادث والسرقة والاستهلاك والأعطال والرشاوي اللي هتفضل تفرقها طول ما انت ماشي بسبب نمر الجمرك وغيرها كثير ... لو شريتلك عربية نص عمر في مصر وركنتها لاستخدام الصيف أحسن لك وأوفر.

- توفير تكلفة تذاكر الطيران: مع شركات الطيران الاقتصادية هتلاقي الفرق مش كبير خصوصا لو دخلت في حسبتك التربتك والجمرك وتذاكر العباره والبنزين واستهلاك العربية في الطريق ، بالعكس ممكن دلوقتي تكون تكلفة السفر بالطيران أرخص لو أولادك مش كثير.

- تقدر تشحن عفش كثير معاك: بس برضه كل ما يزيد العفش اللي معاك هيزيد استهلاك العربية ومخاطر الحوادث (لاقدر الله) وهتضيق على نفسك في الرحله.

قارن المميزات دي ببهدلة السفر وانتظار العبارة والجمرك والتفتيش وأعطال الطريق والوقت الضايع في الرحله وحوادث العربيات والعبارات والمشكلات اللي أنا ذكرتها قبل كده وشوف لو العملية تستاهل ... عموما الموضوع كله خيار شخصي ... أنا عن نفسي جربت السفر البري لمصر ييجي 8 مرات ولقيت إنه تعب ووجع قلب على الفاضي.

وبرضه جربت الطياره اللي بتقول عليها في رحله بين الدمام والقصيم ... الحمد لله الرحله عدت من غير مشاكل.

أنا شاكر لك جداً تفاعلك معى وتعليقك على أشياء كثيرة وهى فعلاً دى من مشاكل السفر البرى لكن حاول تتابعنى وناقشنى بردة وشوف أنا حاولت أحلها إزاى يمكن تستفيد منى أو أنا نفسى أستفيد منك ومن خبرات واحد نازل برى 8 مرات.

طيب ممكن أستسمحك وأطلب منك تحكى لى عن أى مرة من دول نزلت إزاى وعن اى طريق نزلت وإية الى حصل لك من مشاكل وإية الحلول من وجة نظرك وهل إنت لو تعرضت لها تانى ممكن تحلها بطريقة أحسن الأن ولا نفس المشاكل لا يوجد لها حل.

انا إستمتعت جداً فى سفرى البرى لمصر هذة المرة يمكن لأنى أحب العربيات والسواقة بصفة عامة wst:: .

[hazemtara]

أولاً أنا سعيد جداً صوت مُعارض لصوتى وبيقول رأية بصراحة عن مشاكل السفر البرى لأن فعلاً مينفعش أنى أقول لكم إنة البرى جنة يعنى لا طبعاً له مشاكل زى الطيران تماماً ما له مشاكل.

أنا أكثر حاجتين عقدونى فى الطيران هم:

1- طول مدة الترنزيت فى جدة أو فى الرياض

2- فقدانى العام الماضى لبعض الشنط فى مطار جدة ،،،البهوات عمال الخطوط الجوية السعودية مشحنوش كل شنطى على مطار القاهرة ولما نزلت مصر لقيت شنطة مهمة جداً وحرمنا المصون مستفاها عبايات ليها بالشئ الفولانى وعلى جوالين على شوية إكسسوارات كدة ،،،المهم حسبت الى موجود فى الشنطة طلع بحوالى 2000 ريال طاروا يا باشا .

الظريف أنى الطيارة المحترمة وصلت مطار القاهرة الساعة 9ص وأنا طبعاً كلى أمل ألاقى الشنطة ولهذا فضلت لأخر نفر نزل من الطيارة ولأخر شنطة على السير،،،،ألاقى إية؟؟؟!!!!!!

الساعة أصبحت 12 ظهراً وأنا واقف زنهار فى المطار والعيال عمالة تجرى منى يمين وشمال وأنا مراتى وافقة على حارس على الشنط الى أنا مسكتها من على السير أكثر من 3 ساعات لما بقت هتعيط وكل دة ولسة لا ختمنا خروج ولا شوفنا أهلنا برة ولا هما أصبحوا أكثر قلقناً علينا.

المهم ذهبت على قسم الشرطة فى المطار أحرر محضر ألاقى حوالى30 واح زى حلاتى شنطتهم ضايعة ومجتش من جدة زى حلاتى كدة والاقى ناس ملطوعة من الساعة 12 بليل قال لهم شنطكم يمكن تيجى على الرحلة الى وراها إستنوا ؟؟؟؟؟ يمكن تُفرج !!!!! بأى دة كلام.

المهم رحت على المحضر فى نقطة تابعة للخطوط الجوية السعودية والأخت تسألنى لو الشنطة إية وكان عليها علامة مميزة ولا محتطش وإستجواب يا عم الحاج يجى ساعتين والمحصلة الشنطة ممكن تكون راحت الخرطوم أو عمان أو أنقرة أو لندن wst:: .

دة كلام الأخت صاحبة المحضر الموقر ،، والعبد لله يسأل وانا فاتح بُأى 4 متر لية يا حاجة كدة ؟؟؟

هية : أصل فى نفس الوقت دة كان فى طيران معاكم فى جدة لهذة الجهات.

أنا :و أنا مالى هم بيحملوا قطار طالع الصعيد يا حاجة دة طيارة.

هى:

هية شنطت حضرتك كان فيها حاجة غالية؟؟

أنا :

لية يا حاجة ؟؟

هى :

لأن حضرتك عارف أنة التعويض فى هذة الحالة وفق القانون الدولى حوالى 100 دولار.

أنا:

أنت شكلك كدة مش عاجبنى من الصبح :) وشكلى هديك فى وشك.

هى الشنطة ممكن ما ترجعش؟؟؟؟

هى ::

طبعاً كل شيئ ممكن .

هى:هية شنطك كان فيها لحوم لا حاجة؟؟

أنا: أتوجة لزوجتى بالسؤال إية يا أم العيال؟؟

لا طبعاً مفيش فيها لحمة ولا حاجة.

هى: الحمد لله خذ التليفون دة وإبقى كلمنى.

الساعة بقت 2 بعد الظهر وأنا لسة جوة المطار عمال بدور على الشنطة وأتخانق وعامل مصايب.

المهم روحت وقلت أمرى لله وبعد أسبوع أتصل على الحاجة من الصبح إن حد يعبر أهلى ويرد على التليفون أبداً أموات يا عم.

المهم أصبحت دى شغلانتى أنا ومعظم أقاربى الإتصال على مكتب إستعلامات الحقائب المفقودة ولي يا أعوذ بالله.

بعد مثلاً 200 محاولة إتصال منى انا والأهل والأحباب والبلد كلها ترد علية الأخت وأقول لها الشنطة وصلت؟؟

الرد لا يا حضرت .

والعمل يا حاجة؟

فوت علينا بعد أسبوع .

يفوت أسبوع ونمسك التليفونات أنا وكل البلد ،،،الو يا بلدينى ؟؟؟!!!!!

إنسى يا عمرو :lol: .

المرة التالتة وخدو بالكم أنا مسافر السعودية بعد 10 أيام ،،يعنى الأجازة خلصت.

الأخت تقلى عبى طلب للحصول على التعويض المادى وأرسلة على جدة بالبريد السريع المستعجل وإذكر فية كل الأشياء المفقودة مع فاتورة الشراء :lol: :blink: .

يا نهار مش فايت فاتورة إية يا حاجة هو لما أكون شارى قميص هشيل فاتورتة وأنا نازل مصر لية أوريها للناس وأقول لم وأدى الفاتورة؟؟؟!!!!

حسبى الله ونعم الوكيل

طبعاً الصنف الى ملوش فتورة يبقى مش راح يحسبوا علية ،،وأقصى تعويض 100 زرار أمريكى.

قبل ما أسافر بى 3 أيام قلت أتصل علشان أكون خلصت زمتى أمام الله ،،، ولاحاجة تقولى أة الشنطة وصلت.

أرقص يا ولاد أخيراً الشنطة جت :lol: :lol: .

ما صدقت وخت عربية رحت المطار //،، تقولى إنزل فى المخزن تحت المطار ،،ولما نزلت لقيت مخازن خير الهم إجعلة خير ،،شنط الناس كلها ضيعة؟؟؟!!!!!!

وأقلب المخزن يمين شمال وأمسك شنطة من الشنط ألاقى ريحتها تقلش كلب ميت :sad: .

أصل دى شنطة مليانة لحمة وراحت موزمبيق وقعدت لها أسبوعين فى نيويورك ولسة راجعة النهاردة،،،، يا لاهوى ،، د شنطة عاوزة حنوتى يدفنها wst::

وبؤجة بتاعت واحد بلدينة لسة راجعة من طوكيو وهلما جرة.

المهم أخذت شنطتى وطلعت من المكان الرمة دة وأنا قررت ما أركب طيارة تانى.

[hazemtara]

السفر بالسياره ممتع ومتعب فى نفس الوقت اولا ممتع لانك بتحس انك فعلا اخدت اجازه وخرجت منجو الروتين الى الانطلاق فى بلاد الله الواسعه دون اى قيود وهتحس بالشعور ده وانت ماشى بين الاوديه والجبال وتسبح الخالق سبحانه وتعالى وتمتع بصرك بروعة المناظر الخلابه ده فى حالة اذا مشيت بالنهار وبدون اى استعجال وعندما تصل بلدك بالسلامه تشعر بقيمة السياره انت وعائلتك وذلك بالتنقل بين المحافظات وزيارة الاقارب وكل مكان فى بلدك متاح امامك اذا قررت تذهب اليه

ثانيا متعب لدرجة انك سوف تندم انك نزلت بالسياره بسبب الحدود والاجراات الجمركيه والتأمين والمفرقعات والتربتك والمرور وتفتيش الامتعه وكل من يلقى عليك السلام عاوز ياخد منك فلوس وفى العوده بعد انتهاء الاجازه تندم انك نزلت بسياره من كثرة المطبات التى تجعلك تخصص ميزانيه تانيه علشان اى طارىء يحصل للسياره بسبب هذه المطبات وفى النهايه لن تبقى معك فى نهاية الرحله سوى الذكريات الحلوه والوحشه اخوكم / حمدى العسال

إية الحلاوة دى والكلام المختصر المُفيد دة كدة أنا أخذ لى كرسى وأقعد جنب الحيط أمص قصب ،،،،عجبانى الحتة الأخيرة دى جداً يا حمدى :

والله دى كلام كبير قوى يا حمدى

إنكُشنى وأنا بأتكلم فى الموضوع دى وعاوز أسمع رأيك على طول.

[hazemtara]

كيف نستعد للسفر البرى:

من وجهة نظر شخصية هناك عدة أشياء مهمة جداً انجاح السفر البرى وجعلة رحلة مُمتعة بدلاً من أن يكون أكبر غلطة الواحد غلطها ،،أو أن يكون أسوء تجربة حضرتك مريت بيها.

1- سيارة جيدة وبحالة تسمح بالسفر لمسافات طويلة وأحمال كبيرة ويكون مكيفها شغال ونظيف جداً.

2- أهم من السيارة ( السائق ) يعنى يكون واحد بيسوق كويس جداً ومصحصح ،،مش واحد أول ما يطلع على الطريق ويشغل المكيف والدنيا تكون هدوء بعد العيال ما تنام تلقية هوة كمان راسة تقلت وعاوز يشد فى النوم؟؟؟؟؟؟؟

3-تجهيزات الرحلة ،،من شنط السفر وعددها وكيفة ترتيبها ورصها والأكل الى ممكن تشيلة معاك وهيكفك إزاى وطريقة ترتب العربية للأولاد من الداخل وتظبيط نومهم لأنة كل ما كان العيال وأمهم مرتاحين فى السفر ،،،يبقى حضرتك هتكون مرتاح وهيكون سفر لذيذ لك ولهم.

هذة النقاط سنتكلم عنها إن شاء الله بالتفصيل ومعها نقاط أخرى مهمة زى دفتر التربتك ،،،،خريطة للسعودية وللطرق الى حضرتك هتمر عليها.

أنسب وقت للسفر ،،،،وفكرة سريعة عن مداخل ومخارج السعودية وكذلك الموانى المصرية.

نكمل فى حلقة قادمة.

[hazemtara]

خريطة للطرق الدولية داخل السعودية من موقع وزارة النقل السعودية

http://www.mot.gov.sa/R_Roads_in_%20Kingdom.asp

ودة رابط موقع ممتاز مع عليك إلا تختار المنطقة وهو هيحدد لك الطرق الدولية والأماكن بكل دقة أتمنى تستفيدوا منة:

http://www.athagafy.com/maps/

طبعاً لازم ندرس طرق السفر كويس الأول وأنا شخصياً بأخذ معاية خريطة بتوزعها وزارة السياحة السعودية فيها شرح مفصل لطرق المملكة كلها وبأخذ معى رسم كروكى من الزملاء الأكثر خبرة بطرق السفر للسعودية وحقيقى بتكون مفيدة جداً.

[mama nona]

اهلا دكتور حازم

حضرتك طول ما انت داخل السعودية ومعاك الخريطة تأكد انه عمرك ما هتوه ابدا

انما فمصر ........ التوهان كله

التحدذير ال لازم تقوله بقى للناس الهتسافر برى

اوعى اى حد يلاقى يافطة ارشادية للطريق فمصر ويمشى وراها :sad:

[hazemtara]

اهلا دكتور حازم

حضرتك طول ما انت داخل السعودية ومعاك الخريطة تأكد انه عمرك ما هتوه ابدا

انما فمصر ........ التوهان كله

التحدذير ال لازم تقوله بقى للناس الهتسافر برى

اوعى اى حد يلاقى يافطة ارشادية للطريق فمصر ويمشى وراها :sad:

طبعاً عندك حق ،،،فى مصر لية نصحتين:

1- لو أول مرة تنزل برى ما تسوقش ليلاً خالص ،،يُفضل نهاراً.

2- طبعاً موضوع اليفط دة خد بالك منة فى مصر لأنك ممكن فعلاً تتوة جامد.

لكن أنا ما تهتش ولا حاجة يمكن علشان كنت مذاكر الطريق نظرى كويس من زملائى هنا ،،مع رسم أدق التفاصيل خصوصاً عند مُفترق الطرق أو مداخل ومخارج المدن وهى دى بالتحديد الى ممكن كلنا نتوة فيها.

[hazemtara]

أكمل اليوم إستعدادات السفر:

تكلمت وقلت من قبل أنة من أهم الحاجات هى السيارة

لازم نستعد كويس بسيارة جيدة للسفر البرى وتكون حضرتك مظبط كل حاجة فيها:

1- يُفضل السيارات التى موديلها فوق سنة 1990 م وحاول تجنب الموديلات التى تحت 1990 م لأنها بلا شك قديمة ويتخاف منها فى السفر إلا إذا كانت سيارة نظيفة وحضرتك معتنى بيها كويس ودة على مسؤليتك أنت.

2- يفضل حضرتك تجرب سيارتك الى ها تسافر فيها لمصر فى مشوار داخلى كبير وفى وقت شديد الحرارة ،،يعنى فى وقت الصيف مثلاً ،،،وهودة الى أنا عملتة مع عربيتى طلعت بيها مشاورين لمكة من عندى وحد فى رمضان قبل الماضى ودة كان الجو حار ومرة فى الشتاء الماضى ودة كان الجو بارد ،،يعنى جربت العربية مرتين فى طُرق طويلة وتحت ظروف جوية مختلفة.

طبعاً المشوار من عندى لمكة 1700كم ذهاباً وزيهم عند العودة يعنى حوالى 3400كم مسافة كبيرة كفيلة بإظهار أى عيوب فى السيارة وفى فس الوقت بتعطيك شعور بالراحة والطمأنينة على عربيتك ومدى تحملها للسفر الطويل لمسافات كبيرة ودون راحة.

3-طبعاً ميزة مشاور لمكة زى الى أنا عملتة دة كمان بيعرفك بنفسك أنت هل تتحمل الطريق الطويل وبتكون مركز وصاحى ولا بتتعب بسرعة.

يعنى إختبار حقيقى للسائق نفسة.

4-إختيار السيارة على حسب عدد أفراد الأسرة يعنى لو عائلة صغيرة العدد ممكن نستعمل عربية صغيرة زى المرسيدس أو BMW أو الكورولا أو اليارس هكذا ،،ولو عائلة كبيرة يفضل يكون معك عربية كبيرة زى الجيب أو الجمس أو Innova من العربيات العائلية الحجم.

نصيحة لو عدد أفراد الأسرة أقل من خمسة والأطفال صغار وشنطك بسيطة خليك فى عربية عادية زى الى ذكرتهم من قبل،،،أما لو عائلتك كبيرة الحجم يعنى أكبر من 5 أفراد أو أولادك كبار فى السن خليك فى العربيات العائلية علشان يكونوا مرتاحين وهم مسافرين ويعرفوا يناموا كويس.

[hazemtara]

نكمل اليوم باقى إستعدادات السفر البرى:

حضرتك لما تقرر السفر البرى وتحدد موعد السفر وتأخذ القرار النهائى بالسفر لازم تجهز التربتك بتاع العربية،،

التربتك دة عبارة عن جواز سفر العربية بتاعتك وهوة بيكون صالح لمدة سنة من تاريخ الإصدار،،يعنى عربيتك ممكن تسافر بية لأى مكان خارج السعودية طول هذة السنة ولأى عدد من المرات،،،يعنى ممكن تسافر بية مصر وبعدين فى العيد تطلع على سوريا أو الأردن أو أى بلد براحتك لأن معاك سنة كاملة.

الوقت المُناسب لعمل التربتك من وجة نظرى يختلف الموضوع على حسب ظروف كل واحد فينا،، أنا شخصياً لأنى مُش فارق معى كثيراً وكُنت حاسس أنى ممكن أسافر مرة واحدة برى وبس وخوفى من التجربة فقررت عملة مُبكراً فى شهر مارس لأنة فى هذا التوقيت بيكون سعرة أرخص بكثير عن وقت الذروة.

سعر التربتك فى أشهر الذروة وهى يونيو ويوليو وأغسطس يصل عندى إلى 500 ريال سعودى أما فى بقية السنة لا يزيد عن 300 ريال ولهذا قررت عملة مُبكراً فى مارس بعيداً عن الزحام.

الأوراق المطلوبة لعمل التربتك:

1-صورة من جواز سفر حضرتك (مالك السيارة)وطبعاً يكون الجواز غير منتهى الصلاحية إلى أن تدخل السعودية مرة أخرى.

2-وثيقة ملكية السيارة وتكون واضحة البيانات خصوصاً الرقم المسلسل المكتوب على هيكل السيارة ( الرقم المسلسل).

ودة هام جداً جداً.

3- رخصة القيادة الخاصة بتاعتك وتكون سارية المفعول حتى تاريخ دخولك السعودية تانى.

4- صورة من الإقامة ولا تنسى تجديد الإقامة حتى تكون سارية المفعول أثناء دخولك السعودية تانى مرة.

5- الرسوم من 300 إللى 500 ريال وإنت وشطارتك مع مكاتب التربتك.

6- تعبأة النموذج فى مكتب التربتك وتكتب بياناتك بنفسك وخصوصاً الإسم كما فى الجواز عربى وإنجليزى وكذلك الرقم المسلسل للسيارة.

طبعاً وحضرتك بتعمل التربتك إياك من أى أخطاء فى إسم حضرتك أو رقم السيارة أو أى بيانات لأن دة ممكن يبهدلك على الحدود.

بعد ما عملت التربتك راجع كُل بياناتك كويس فى المكتب قبل ما تُخرج وتأكد من ختم كل صفحة من صفحات التربتك بختم المكتب جيداً وخُذ أرقام تليفونات المكتب فى السعودية وكذلك فى مصر والأردن ،،،لا قدر الله فى حالة حدوث مشكلة غير مُتوقعة تعرف تراجعهم كويس وتحلها حتى لو كُنت فى مصر ،،لأن مُغظم المكاتب دى لها فروع فى مصر والسعودية والأردن وسوريا.

إية هى الخانات المكتوبة فى التربتك:

1- إسم مالك السيارة عربى وإنجليزى.

2-رقم جواز سفرك.

3-الرقم المسلسل للسيارة .

4- رقم دفتر التربتك نفسة.

5- تاريخ إصدار دفتر التربتك وتاريخ الإنتهاء.

6- الدول المسموح لهذة السيارة بالسفر إليها وفق إتفاقية النقل البرى العربى والمُوقع عليها مجموعة معينة من الدول العربية وطبعاً فى حالتنا دى تشمل مصر والسعودية والأردن.

وبكدة نكون خلصنا أول خطوة فى طريق سفرنا البرى لمصر وهى التربتك

وللحديث بقية

[hazemtara]

الأوراق والمستندات والأموال والواجب توافرها معك قبل السفر البرى وكذلك المهام التى يجب أن تقضيها قبل سفرك:

1-جوازات السفر الخاصة بك وبكب فرد فى الأسرة وتكون سارية المفعول حتى تاريخ دخول العودة للسعودية مرة أخرى ودبس فيها التأشيرة الإلكترونية الجديدة.

2-لاتنسى التأكد من تجديد الإقامة لك ولأفراد أسرتك بحيث تكون صالحة عند عودتك للسعودية مرة أخرى.

3-دفتر التربتك للسيارة.

4- أوراق ملكية السيارة.

5- رخصة القيادة الخاصة بك السعودية ولو الرخصة المصرية موجودة يكون أفضل ولكنها ليست شرط أساسى،،،يعنى لو ممعكش الرخصة المصرية تمشى الأمور.

6-تصريح العمل لك ولو زوجتك تعمل أيضاً.

7-عقدك الجديد من مقر عملك أو ما يُثبت تجديد عقدك لسنة قادة.

8-فلوس (حوالى 1500$دولار أمريكى ،،و2000جنية مصرى وخذ بالك من الفكة فئة العشرة والخمسة والعشرين لها دور مهم فى الميناء المصرى،،،،،50 دينار أردنى لو نازل عن طريق الأردن ،،،،طبعاً ريالات سعودية يكفيك حوالى 500 ريال سعودى لمجرد البنزين والأكل ولكن للظروف الطارئة شيل معاك من 2000 إلى 3000 ريال إحتياطى).

أظن هذة الأموال تكفى وزيادة لتكاليف الرحلة ذهاب وعودة إن شاء الله.

9- لاتنسى تجديد الحساب فى البنك قبل النزول علشان كثير من الزكلاء يتم قفل حساباتهم وهم فى الأجازة وعند دخولهم للحدود يفاجئ بأن حسابة تم غلقة وعلية التوجة للبنك لتفعيل الحساب ولهذا لا يستطيع سحب فلوس مع العلم بأن معظمنا بيكون راجع من الأجازة منتوف ريشة ومنفض.

10- أخيراً لا تنسى دفع فواتير الكهرباء والهاتف وتسديد الإيجار منعاً للمواقف المُحرجة.

[hazemtara]

الممنوعات التى لا تقع فيها أى كانت الأسباب:

1-ممنوع أن يكون جواز سفرك منتهى الصلاحية عند الدخول للسعودية وممنوع أن تُفقد ورقة التأشيرة الإلكترونية سوف تُطلب منك فى كل مكان للإطلاع عليها وبدونها هتحتاس.

2- ممنوع أن تكون إقامتك مُنتهية الصلاحية عند دخول المملكة.

3-ممنوع أن تكون رخصة السيارة السعودية منهية الصلاحية.

4-ممنوع ان تكون رخصة القيادة الخاصة بك السعودية مُنتهية الصلاحية.

5-ممنوع منعاً باتاً تجاوز مُدة التأشيرة أو تظبط نفسك على أخر دقيقة تدخل السعودية هذا الكلام خطر جداً وعواقبة وخيمة.

6-ممنوع يكون التربتك منتهى الصلاحية.

7-إحذر من حمل أدوية بكميات كبيرة عند الدخول أو الخروج هذة مصيبة كبرى فى مصر والسعودية،،،،معى زملاء أُنهيت عقودهم بسبب جلب أدوية من أو إلى السعودية.

8-طبعاً لما دخول الأدوية مشكلة بهذة الدرجة فلن أتكلم وأخوج فى المواد المُخدرة لأننا جميعاً نعرف عُقوبتها فى المملكة( القصاص).

للحديث بقية.