المهاجر(خايف -- محسود -- كتوم -- هارب --كداب--حملجى)

[montrealAlex]

بدأت مشور الهجرة من بداية 2009 ومن ساعتها وانا بشوف العجب من بعض اكرر من بعض المهاجرين

مثلا على سبيل المثال وليس الحصر

1- واحد صاحبى قعد يساعد زميلة فى السنتر ويقدم له ورق ومعلومات علشان يساعد على المقابلة واكتشف بعد كدة من شخص اخر ان زميله هذا الذى قبل هذة المساعدات لمدة تلات شهور --- انة انة خلص المقابلة من اربع شهور وهو الان فى مرحلة الفيدرال وليس تحضير المقابلة

2- واحد اخر قدم لكيبيك عن طريق محامى ودفع دم قلبة -- صاحبة بقى اتحملج علية ورمى الجتة وعايز يتقدم لكيبيك من غير ما يدفع --قعد جانب صاحبة ياخد منه خطوة خطوة ومعلومة معلومة -- يعنى المحامى يقول للزبون بفلوس والزبون يقول لصاحبة نفس الكلام ببلاش--وعجبى

3- واحدة قدمت كشف حساب البنك للمحامى علشان يحطة فى الملف-- وحلفتة ان جوزها مايشوفش هذا الكشف خالص

4-واحد تانى جالة جواب انذار بالرفض -- راح كل صحابة زعلوا عليه ولما جالة جواب المقابلة -- قال لواحد بس والباقى كل مايسألوا يطمنوا عليه --يقول لسه يبقى الوضع على ماهو عليه --وعجبى

5- واحد تانى قعد يقول ح اقدم الفايل ح اقدم الفايل ح اقدم الفايل -- وكل لما يسألوة يقول ح اقدم الفايل -- بعت الفايل وخبى على اصحابة -- ولما جالة الجوابات ابتدى تظهر عندة استفسارات -- راح يسأل اصحابة يعمل اية فى كذا وكذا -- وعجبى

6- واحد تانى معقد الدنيا -- كل لما حد يسألع على حاجة فى الورق مثلا --يقول هم محتاجين نقابة وتأمينات ورصيد فى البنك صحيح وقيد عائلى ومستوى عالى جدا فى الفرنساوى -- يعنى اى حاجة تتعمل زى ما الكتاب بيقول --وطبعا دا مستحيل على اى حد مقدم يحققه

7- اتنين جيران الاول سافر مونتريال والتانى لسه فى مرحلة الفيدرال -- التانى بقى رامى الجتة-- كل شوية يتصل بالاول يقوله قدملى فى كورسات الفرنساوى معلش اسألى فى الجامعة الفلانية معلش ح اضطر انزل عندك اول ما اعمل لاندينج وياريت تكون بالمرة تلاقيلى شغل -- واوعى اكون بتاقل عليك ولا حاجة -- لا لاسمح الله

8- واحد تانى بقالة سنة بيسأل على الهجرة -- السكن اخبارة اية -- الشغل -- المعادلة -- الاولاد والمدارس -- عمال بيجمع معلومات بس --ولا بيحضر ولا بيقدم ولاخطوة

وجع دماغ على الفاضى -- موبايلات وتليفوانات فى الهوا

9- واحد بقى فى مونتريال --عامل فيها ابو عرام -- كل لما حد جديد يقوله ح اعمل المشروع الفلانى يقولة --لا لا المشروع دا فاشل --دا مش ح تلاقيلة زباين--دا فلوسك ح تروح -- دا مش عارف اية ودا ابصر اية -- فعلا قمة التعاون

(ما سبق ناس موجودة فعلا وانا عرفهم بالاسم منهم اللى فى مصر ومنعم اللى فى كندا --وكل اللى فات حقيقى 100 100)

طبعا مافيش واحد ح يقول على نفسة انة واحد من ال9 اللى فاتوا

لكن لو عندك رأى شارك --لو اتعرضت لموقف زى اللى فاتوا برضة شارك -- شارك ولو بجنية

9-

[أحمد سيف]

يا عم سيب الخلق للخالق

[znaty]

يا عم سيب الخلق للخالق

حلو اوي التعليق دة يا سيف :lol:

بص يا صديقي مونتريال

دي عيوب نفسية متنوعة موجودة في ناس كتير عادي يعني

صوابعك موش زي بعضها

وانا شايف ان معظمهم خايف من العين ومنهم اللي بيستعين على قضاء حوائجه بالكتمان واللي خايفة لجوزها يتجوز عليها والا كان بيقلبها وياخد فلوسها

بردة عادي

فعلا دع الخلق للخالق

[ايهاب سالم]

أيه يا عم مونتريال المواضيع اللي عمال تضربها دي

الباب هيولع كده

أنا هأتبرع لك بحاله لأن التعاطف وحده مش كفايه

كان معايا زميلي في الشغل في قطر ... فضل يكسر في مجاديفي و يكرهني في كندا و يحبط في أهلي ويقولي هتشتغل في بنزينه و عيالك هتاخدهم منك الحكومه و هتصرف كل اللي معاك عشان تعيش في نص مستواك هنا و أنه يعرف ناس في كندا حياتهم إتدمرت و إنفصلوا عن زوجاتهم

يعني سواد في سواد

الكلام ده إستمر من يوم ما قدمت ملفي لحد ما قدمت إستقالتي و مشيت

الطريف إني عرفت من أصدقائي هناك إنه مقدم هجره لكندا حاليا

تم تعديل 17 سبتمبر 2009 بواسطة ايهاب سالم

[jessika]

مساء الخير

معذرتا لاخوياموتنرياليكس .........انا شايفة الموضوع ملوش علاقة بالهجرة ومش هايفيدنا على اد ما هو ادانة فى الناس وخلاص

هانستفيد اية لما كل واحد يدخل يكتب ويحكى عن عيب فى شخص تانى؟

خلى الموضوع يبقى لية فايدة اكتر

متهيالى كدة احنا بنغضب ربنا واحنا عاملين قاعدة جايبين فيها فى سيرة الناس وضعفهم ومتنساش ان كلنا لينا ضعفاتنا

ولا اية رايك؟

اتمنى متزعلش من مداخلتى

بالتوفيق

[capitshino]

انتو ليه بصيتو للجزء السئ من السؤال

الراجل سئل سؤالين منهم انت مين فى دول؟

ممكن تكتفو بالاجابة على السؤال ده

[jessika]

انتو ليه بصيتو للجزء السئ من السؤال

الراجل سئل سؤالين منهم انت مين فى دول؟

ممكن تكتفو بالاجابة على السؤال ده

تفتكر حضرتك فى حد هايدخل يقول على نفسة انة وحش؟

ولا هنا كرسى اعتراف؟

عموما كل واحد حر.........بس الموضوع اللى ميفدش يبقى حرام نضيع وقت فية

بالتوفيق

[hamoudi]

أيه يا عم مونتريال المواضيع اللي عمال تضربها دي

الباب هيولع كده

أنا هأتبرع لك بحاله لأن التعاطف وحده مش كفايه

كان معايا زميلي في الشغل في قطر ... فضل يكسر في مجاديفي و يكرهني في كندا و يحبط في أهلي ويقولي هتشتغل في بنزينه و عيالك هتاخدهم منك الحكومه و هتصرف كل اللي معاك عشان تعيش في نص مستواك هنا و أنه يعرف ناس في كندا حياتهم إتدمرت و إنفصلوا عن زوجاتهم

يعني سواد في سواد

الكلام ده إستمر من يوم ما قدمت ملفي لحد ما قدمت إستقالتي و مشيت

الطريف إني عرفت من أصدقائي هناك إنه مقدم هجره لكندا حاليا

ده تلاقيه كان مخطط للسفر من قبلك بس كان مستني حد يبقى في مقدمه الطابور علشان ياخد الرصاصه الاولى

[montrealAlex]

استاذ ايهاب

شكرا على المداخلة الجميلة

وخلى بالك على محفظتك بعد كدة --مش كل مرة الواد مشرط بتاع تورتنو يعمل معاك الفصل دة

الاخت جيسكا

اولا الموضوع مهم -- معلش دا رايى -- ليه ؟

علشان الناس اللى داخلة الموضوع جديد تخلى بالها من الحملجية مش ناس تستفيد على حساب ناس --- ولا اية

و علشان الناس الطيبة ميتحرش دمها من اصحابها زى صاحبى اللى عمال ياخد خوازيق اشكال والوان

واحنا مش بنجيب فى سيرة الناس لان احنا مذكرناش ولا اسم -- صح ولا اية

ربنا مش ح يحاسبنا --ان احنا بنحذر الاخوة اللى بيفكروا فى الهجرة او الجداد فى الهجرة من اللى ممكن يستغلوهم او ييأسوهم ويصرفوا نظر عن الموضوع

واعتقد ان مشاركة استاذ ايهاب اثبات لكلامى -- ولا اية

[capitshino]

انتو ليه بصيتو للجزء السئ من السؤال

الراجل سئل سؤالين منهم انت مين فى دول؟

ممكن تكتفو بالاجابة على السؤال ده

تفتكر حضرتك فى حد هايدخل يقول على نفسة انة وحش؟

ولا هنا كرسى اعتراف؟

عموما كل واحد حر.........بس الموضوع اللى ميفدش يبقى حرام نضيع وقت فية

بالتوفيق

لو سمحت مافيش داعى للاسلوب ده

تانى حاجة الراجل كاتب بعض الامثلة زى ر (خايف -- محسود -- كتوم -- هارب --كداب--حملجى)

اهو انا مقدم علشان هارب ... هارب من الخليج ....... وما اداراك ما الخليج

[jessika]

استاذ ايهاب

شكرا على المداخلة الجميلة

وخلى بالك على محفظتك بعد كدة --مش كل مرة الواد مشرط بتاع تورتنو يعمل معاك الفصل دة

الاخت جيسكا

اولا الموضوع مهم -- معلش دا رايى -- ليه ؟

علشان الناس اللى داخلة الموضوع جديد تخلى بالها من الحملجية مش ناس تستفيد على حساب ناس --- ولا اية

و علشان الناس الطيبة ميتحرش دمها من اصحابها زى صاحبى اللى عمال ياخد خوازيق اشكال والوان

واحنا مش بنجيب فى سيرة الناس لان احنا مذكرناش ولا اسم -- صح ولا اية

ربنا مش ح يحاسبنا --ان احنا بنحذر الاخوة اللى بيفكروا فى الهجرة او الجداد فى الهجرة من اللى ممكن يستغلوهم او ييأسوهم ويصرفوا نظر عن الموضوع

واعتقد ان مشاركة استاذ ايهاب اثبات لكلامى -- ولا اية

ارجو ان حضرتك متزعلش من رايى

بس صدقنى انت لما بتعمل خير مع حد حتى لو هو وحش وبيستغلك ربنا شايف دة وهايعوضك

لازم نقدم وندى من غير مانبص للشخص يستاهل ولا لا

بدليل كا الاخوة هنا بيقدموا كل المساعدات للكل وعلى الملا وفى مليون حد بيدخل وبيستفاد ميهمهمش بقى هو يستاهل المساعدة او لا

انت بتعامل ربنا اولا واخيرا مش بشر

اسفة للمرة التالتة انى علقت على الموضوع

ربنا يوفقك

سلام

[jessika]

انتو ليه بصيتو للجزء السئ من السؤال

الراجل سئل سؤالين منهم انت مين فى دول؟

ممكن تكتفو بالاجابة على السؤال ده

تفتكر حضرتك فى حد هايدخل يقول على نفسة انة وحش؟

ولا هنا كرسى اعتراف؟

عموما كل واحد حر.........بس الموضوع اللى ميفدش يبقى حرام نضيع وقت فية

بالتوفيق

لو سمحت مافيش داعى للاسلوب ده

تانى حاجة الراجل كاتب بعض الامثلة زى ر (خايف -- محسود -- كتوم -- هارب --كداب--حملجى)

اهو انا مقدم علشان هارب ... هارب من الخليج ....... وما اداراك ما الخليج

اى اسلوب يا استاذ كابتشينو اللى زعل حضرتك منى؟

عموما انا قلت رايى دة رايى فعلا

وملوش اى غرض ولا انى اضايق اى حد

واعتقد اى حد حقة يشارك براية

ولكن طلما رايى زعلك ولا يهمك دة اخر تعليق لية على الموضوع

ربنا يوفقك

سلام

[montrealAlex]

يا جماعة انا مش عايز حد يزعل من حد

انا سالت سؤال انت من دول --- واحد قال انا هربان ---نرفع له القبعة

او انت حصلك حاجة من دى -- طيب قول

الموضوع بسيط

انا مستنى مشاركة الاستاذ نصار ( كل سنة وانت طيب)

[qenawy]

انا هارب بنفسي واولادي (ان شاء الله)

ساعمل بالاسباب من اجل ان يكونوا شباب علي مستوي علمي وخلقي عالي

في مصر الحلم مستحيل التحقيق ليس لعيوب فينا احيانا بل لصعوبة تعديل المجتمع او الصبر عليه

بالنسبة للمداراة

هل تعلمون كمية الاحباط التي قد تحدث لشخص يرغب في الهجرة ويفشل مشروعه

انا شخصيا ما حدش يعرف الموضوع غير زوجتي فقط وزناتي وحضراتكم طبعا انماعلي مستوي الاسرة لا احد لان احتمالات فشل الموضوع واردة يبقي الواحد يخبي افضل

[montrealAlex]

استاذ قناوى

ربنا معاك فى الهجرة -- ومعانا ان شاء الله

بس انت مخبى الموضوع من اوله -- انا بتكلم على ناس تقول حتة او وحتة لأ --انت يا تخبى كله يا تقول كله -- احتراما للناس

لكن تقولى حاجة وتخبى حاجة-- عيب تقولى اساعدك فى ترتيب الورق وتخبى عليا ان جالك ميعاد المقابلة ( مثلا ) كدة تبقى وحش -- صح ولا

[znaty]

استاذ قناوى

ربنا معاك فى الهجرة -- ومعانا ان شاء الله

بس انت مخبى الموضوع من اوله -- انا بتكلم على ناس تقول حتة او وحتة لأ --انت يا تخبى كله يا تقول كله -- احتراما للناس

لكن تقولى حاجة وتخبى حاجة-- عيب تقولى اساعدك فى ترتيب الورق وتخبى عليا ان جالك ميعاد المقابلة ( مثلا ) كدة تبقى وحش -- صح ولا

والله يا صديقي مع انه فعلا موضوع يزعل فعلا

بس نرجع ونقول

كل واحد حر في خصوصياته بردة

وربنا بيقول

يا ايها الذين امنوا لا تسألوا عن أشياء ان تبد لكم تسؤكم ؟؟

يعني لو واحد قال وبعدين ماعدش بيتكلم في الموضوع والعلاقة بينكم موش قوية خلاص ماتسالوش تاني

علشان لو موش عاوز يقول هايكذب وانت تكون بتتدخل في حاجات موش بتاعتك

واخيرا

بردة دع الخلق للخالق

[elhusseiney]

بس تسجيل متابعه واحترام للاستاذ زناتي بجد كل تعليقاتك وتعقيبك في هذا الموضوع وغيره تنم عن رقي شخصيتك بجد مثل وقدوه دعواتي لك ولجميع الاخوه الافاضل في الموق من د. قناوي جيسكا سوسوراني نصار وللجميع بكل توفيق

استاذ قناوى

ربنا معاك فى الهجرة -- ومعانا ان شاء الله

بس انت مخبى الموضوع من اوله -- انا بتكلم على ناس تقول حتة او وحتة لأ --انت يا تخبى كله يا تقول كله -- احتراما للناس

لكن تقولى حاجة وتخبى حاجة-- عيب تقولى اساعدك فى ترتيب الورق وتخبى عليا ان جالك ميعاد المقابلة ( مثلا ) كدة تبقى وحش -- صح ولا

والله يا صديقي مع انه فعلا موضوع يزعل فعلا

بس نرجع ونقول

كل واحد حر في خصوصياته بردة

وربنا بيقول

يا ايها الذين امنوا لا تسألوا عن أشياء ان تبد لكم تسؤكم ؟؟

يعني لو واحد قال وبعدين ماعدش بيتكلم في الموضوع والعلاقة بينكم موش قوية خلاص ماتسالوش تاني

علشان لو موش عاوز يقول هايكذب وانت تكون بتتدخل في حاجات موش بتاعتك

واخيرا

بردة دع الخلق للخالق

[Phizer]

عاجبني يا منتريال والله فعلا في نماذج وخصوصا في موضوع الهجره يبيقو في منتها التكتم ولا الاسرار العسكريه

لسه من اسبوع والله كنت فالكافيتيريا بتاعت السنتر فالمنيره المهم انا قاعد مع شباب صحابي وبنتتكلم على المقابلات والي حصل المهم في واحد قاعد على الطرابيزه الي ورانا انا كنت اتعرفت عليه قبل كده وقعت اقله بتاخد فرنساوي ليه يقولي اصلي بحبه والكلام الي من النوع ده المهم

المهم الراجل ده كان قاعد بيلمع اوكر ومركز موووووت المهم ابوصله عشان ينطق ولا الهوا ويقلب وشه الناحيه التانيه

المهم فضل صاحبنا معانا على الخط وانا حطيته فدماي قعدت كل شويه ارمي نظره حادقه عليه كده يقوم صاحبنا قالب وشه برضه المهم فاخر الحوار قلت لصحابي انتو عارفين مين الي هيقابلنا؟؟؟؟ مين يا فيزر؟

قمت موشوش صاحبي

طبعا صاحبنا الي ورا كان يعيني هيتجنن ويموت ويسمع مين الي هيقابلنا

فالاخر قام وقالي اهلا ازيييييك ايه ده انت مقدم كيبك؟؟؟طبعا ردي كان تلللللللللج كيبك!!!! انا بحب الفرنساوي

9-كمان صحيح في النموزج التنك الي نجح المقابله ومحدش نجح النجاح الباهر ده زيه

تم تعديل 18 سبتمبر 2009 بواسطة Phizer

[montrealAlex]

استاذ فايزر

حلوة --حلوة --حلوة

ادى المدخلات ولا بلاش

[znaty]

جزاكم الله خيرا اخويا الحسيني دة بس من ذوقك واخلاقك العالية wst::