زيارة السيد الرئيس لكارفور المعادى

[aimen]

امبارح قام الرئيس بزيارة الى كارفور المعادى وسيتى سنتر .. wst:: :)

ال ايه علشان يشوف اسعار المنتجات يتابع السوق ...

.

.هو كارفور دا حكومى :blink: وبعدين مين الناس اللى بتشترى من كارفور ده ؟ امال العتبة وروض الفرج ايه

ولا كان فيه عرض على حاجه مثلا ورايحين يشتروا من هناك ؟ بالله عليكم اسمعوا التعليق اللى جه فى التليفزيون كده والله نكته

رابط الفيلم

http://www.egynews.net/wps/portal/video?pa...I526531+14+1014

المصدر :

http://egyptianchronicles.blogspot.com/200...ong-market.html

تم تعديل 18 سبتمبر 2009 بواسطة aimen

[أسد]

متهيألي خبر زي ده إيجابي

الإيجابية في أن انتشار مثل تلك الأسواق سيشجع على المنافسة . والمنافسة هي الآلية الوحيدة القادرة على خفض الأسعار ..

ولا أعتقد أن هناك أي آلية إقتصادية تم إكتشافها حتى الآن سوى المنافسة لخفض الأسعار ورفع الجودة ...

أتذكر منذ سنوات قام الملك عبد الله بزيارة لمجمع الراشد في الخبر .. وزار فيه الـ food cort الموجود هناك .. وكان هذا الأمر بمثابة تقليعة لا مثيل لها في السعودية إلا قليلا وكان مركز الراشد في الخبر وهو مركز تجاري لا مثيل له في السعودية كلها ..

واليوم انتشرت مثل تلك المراكز في السعودية وخلقت منافسة شديدة جداً فيما بينهم .. مما جعل الحياة أسهل وأفضل..

وأعتقد أن هذا قد يكون من إيجابيات الزيارة ..

هل تعتقد أن استمرار المصريين وإكمال حياتهم بشراء إحتياجاتهم من روض الفرج والعتبة هو أفضل من نشر مثل تلك المراكز في كل مكان ..

أعتقد أن هناك اتجاه في مصر لنشر المنافسة وخلق اسلوب جديد وشكل جديد للأسواق في مصر لنواكب العالم ..

نعم يجب أن نواكب العالم ... ويجب أن نعيش حياة أفضل وأسهل وأنظف ..

فنحن نستحق ذلك

[qenawy]

كارفور ارخص من العتبة وروض الفرج هذه حقيقة مؤكدة

[cypher]

بس مش دي تعتبر دعاية برضة ولا ايه ..... يعني كارفور دايما بيعملو اعلان في اهرام الجمعة عروض وبتاع ... النهاردة واخدين بجانب الاعلان دة صفحة كاملة بالالوان في قلب الجرنان وكلها فاضية ما عدا في النص شعار كارفور واسمة . ودي تقريبا اول مرة يعملوها .... وبعدين زيارة مفاجأة ازاي يعني دي اكيد متخططلها ومتأمنة من 3 سنين

[se_ Elsyed]

انتو سايبين الراس وماسكين في الديل

هو احنا في مسين ارخص كارفور ولا شارع عبد العزيز ؟!!!!!!!!!!!!

يا سادة نحن هنا امام خبر من اخبارة عصر الجاهلية الاعلامية .. ايام احمد سعيد الاعلامي الهمام بتاع الزعيم الملهم ووقعنا 500 طيارة وضحضحنا اليهود في سينا واللي كان في نفس الوقت جنودنا الابرياء بيقتلوا بالالاف

الخبر ده زيه بالظبط

بعد زيارة الرئيس مبارك المفاجئة لـ "كارفور"

المواطنون هتفوا.."مبارك لكل المصريين"

الرئيس اطمأن علي أسعار السلع.. قبل عيد الفطر

سأل عن التخفيضات وحركة البيع والشراء

والمواطنين هتفوا يا عيني من كل قلبهم

" يا نهار طين يا نهار .. مبارك لكل المصريين "

" لا تقول لي قراصيا ولا تقولي تين ... مبارك حبيب المصريين "

" انا مش رفيع ولا تخين ... يا مبارك يا مغذي المصريين "

ايه التهجيص ده ؟

ايه ريحة العفن دي ؟

سؤالي هنا : هو ممكن الناس بتكدب كدبة وتصدقها حتى امام انفسها ؟

أنهم فوجئوا بهذه الزيارة التي جعلت الزبائن يصفقون للرئيس بحرارة ويهتفون له مقدرين هذه اللفتة الإنسانية التي تشير بقوة إلي أن المواطن المصري هو الشغل الشاغل للرئيس مبارك

آه صح

المواطن المصري بتاع كارفور هو الشغل الشاغل لمبارك

طب ما تخطف رجلك كده يا ريس للعتبة مثلاً

ولا سوق الثلاثاء اللي في المرج

مش عارف ليه افتكرت سيدنا عمر وهو نايم تحت الشجرة وتحت رأسه نعله عامله مخده وولا حرس ولا يحزنون

ما بنطلبش من مبارك انه ينام على جزمته الكلاركس

ولا يفرش في طريق صلاح سالم ويقيل

لكن بنطلب من المنافقين والمطبلتيه انهم يحترموا عقولنا

عيب وعيب قوي كمان

ده احنا في القرن الواحد وعشرين وملايين بتدخل عالنت وشايفه العالم كله وما بقتش تاكل من الاونطه ولا الحركات دي بتدخل عليها

[aimen]

سى السيد انت قلت اللى ماكنتش عارف اكتبه والله

تسلم وتسلم ايدك يارب

[mandoo]

بما إنى بحب مبارك جدا جدا جدا ... وبموت فى دباديبة قوى قوى قوى ... ومش قادر أتصور مصر بدون مبارك خالص خالص خالص .. وكل يوم الصبح على الريق أبص لصورته اللى حاططها جنب صورة حمايا الله يرحمه .. وبالله عليكم ماحدش يسألنى إنت ليه ياماندو حاطط صورة حماك جنب صورة مبارك .. ودى بقى بالذات أتركها لذكاء حضراتكم .

لو الريس راح كارفور علشان يطمن على أحوال الرعية ... تقوم الرعية الفار يلعب فى عبها ويقولوا كلام مالوش لازمة ... قال إيه ... الريس عاوز الباشا الصغير يشارك الحاج كارفور ... وعلشان كده كان بيطمن على حركة البيع والشراء .... وبعدين سي السيد عاوز الريس يروح العتبة أو سوق الثلاثاء ..هههههههههه والله ضحكتنى ياأبو الأسيان .. طيب لو الريس راح العتبة ... حيشوف إيه غير شوية كتب قديمة وناس مثقفين ... تفتكر ينفع يقابل الناس دى .... وبعدين الناس تفتكر إن الريس يهمه ثقافة المواطن ... طيب لو راح سوق الثلاثاء هيشوف إيه يعنى .. ست الحسن والجمال ... قول ياباسط وربنا يعين الغلابة والمساكين ... المطحونين ... المقهورين ...... اللى مالهومش غير ربنا ....

يامبارك ... إحنا لينا رب كبير ومنتقم

[نبض الابداع]

اممم

يا مسهل يارب

[osaimi]

بمناسبة كارفور ، كنت هناك فى الأجازة بشترى لحمة عقبال عندكم ، لاحظت ان فيه أكتر من يافطة ان دفعك بقشيش سيعرض البائع للفصل ، وممنوع البقشيش وحاجات زي كده يعني ، كان فيه زبون يسبقني والبائع ظبط له اللحمة ووزنها وحط عليها السعر وتمام التمام ولقيت الأخ الزبون ده معاة فلوس مطبقها فى ايده وبيديها للجزار (البائع) كده فى المستخبي (أنا قلت الجزار بقه هيقوله شكرا يافندم ممنوع البقشيش هنا وانا معملتش حاجة اكتر من شغلي وكلام من اللى فى الأحلام ده) لقيته خد الفلوس عادى جدا وحطها فى جيبه وكله فى السليم ، و جايلي بيقول أأمرني سعادتك

والله فكرت كتير اروح أبلغ عنه مدير المحل ، لكن فى الآخر قلت الحق مش عليه الحق عا الزبون اللي شايف اليفط دي كلها وبرضه مفيش فايده ، خدت حاجتي ومشيت وكلي تناحه رغم تلميحات البائع لي عشان ادفع المعلوم (مايعرفش اني جاي من السعودية - فقراء الخليج يعني اللي مش متعودين علي كده)

وشكرا للرئيس علي زيارته لكارفور التي أثلجت قلوب المصريين وعقبال مايزور هايبر و باقى المحلات

[se_ Elsyed]

، لاحظت ان فيه أكتر من يافطة ان دفعك بقشيش سيعرض البائع للفصل ، وممنوع البقشيش وحاجات زي كده يعني ،

دون الخروج عن الموضوع

أنا ساكن جنب كارفور العبور

وحاولت من نفسي وجدعنه أدفع بقشيش خصوصاً للعامل اللي بيعبي الحاجات في أكياس او بتاع السمك عشان بيتعب يكفي الريحه .. ورفضوا وكانوا هايلموا عليه الناس وكاني بأدفع رشوى عشان يدخل إبني كلية الشرطة ...

[osaimi]

شكلهم خافو منك يا سي السيد