تغيير الجواز والمهنة والعودة بتأشيرة جديده

[عماد حمدي]

السلام عليكم ورحمه الله وبركاته

كل سنة وانتم طيبين .. وعيد مبارك عليكم وعلي كل المسلمين

متباعة لموضوع ...

انا ان شاء الله ان شاء الله عايز أعرف هغير جوازي بمهنة محاسب عام إزاي علما ً بان المهنة الحالية حداد تسليح والجواز ساري المفعول لمده 6 سنوات

1- طريقة تغيرر الجواز في مصر .. وأكتب فيها محاسب عام ..

2- هل الجواز الجديد هياخد نفس رقم الجواز القديم ..

3- هل عدت تاني ان شاء الله ان شاء الله علي مهنة محاسب عام طبعا ً هيتم الآتي :-

دا حوار بسيط كدا حلمت بيه ودار بدماغي وبصراحة بلمت في الحلم

جوازات المطار : اللي أول مرة يجي السعودية يجي يمين واللي كان قبل كدة يجي شمال .

عماد : أروح فين ؟؟

جوازات المطار : هات جوازك وابصم .. ( طلعت بيناتي بمهنة حداد عند كفيل "س " ) انته كنت موجود هنا قبل كدا ؟؟

عماد : ؟؟؟؟؟

جوازات المطار : طيب ازي انته كنت حداد تسليح وجيت محاسب عام .؟

عماد : ؟؟؟؟

جوازات المطار : معاك إخلاء طرف ؟؟

عماد : لا ( هقولة بقا اية السبب )

[عماد حمدي]

ها يا جماعة

[mohamedabdallah]

السلام عليكم

هو اللى انا اعرفه ان موظف الجوازات ملوش دعوه انت كنت ايه وبقيت ايه

وبعدين الموضوع ده عادى فى كتير بيسافروا عن طريق التأشيرات الحره

وبعد كده لما بيلاقوا شغل بيغيروا المهنه على حسب الشغل الجديد

اظن مافيش مشكله

وبالنسبه لرقم الجواز

اى جواز سفر لما بيتم تجديده او عمل بدل فاقد له

واى تغيره لاى سبب من الاسباب بياخد رقم جديد

[se_ Elsyed]

ها يا جماعة

ها إيه ؟

يا راجل صلي عالنبي شويه بقى

أصل طول مانت كده يا عماد .. أو عفواً غالبية الناس اللي بيبقى الموضوع اللي بتسأل فيه متجاوب عليه ومناقشينه 700 الف مره ومع ذلك ولا هما هنا وولا بيكلفوا نفسهم عناء إنه يقرأ موضوع على بُعد مليمترات منه .. فأبشروا ... هايفضلوا في مشاكل حتى لو جه بوظيفة رئيس وزارء ....

أصلها مسألة مبدأ وثقافة وفِكر ( أنا عندي موضوع شاغلني .. يبقى هاكون محور الكون .. ماليش دعوى بحد .. مش هاقرأ ولا أسمع إلا اللي أنا عاوزه .. وليذهب الجميع إلى الجحيم .. وفليذهب تعب الأخرون إلى الزبالة ... اهم حاجه أنا وبس )

يا عزيزي عماد لو سمحت روح للموضوعات المثبتة في باب المغتربين وشوف

وامشي صفحتين بس في المنتدى وشوف ...

يمكن تكسب

سأقوم بغلق الموضوع لتكرارة مئات المرات وعفواً على الأسلوب الحاد ... أصلنا زهقنا بصراحة من تلك الدائرة الفمرغة التي ندور فيها