الأخوة الكرام بالمنتدى من المملكة العربية السعودية ماذا أفعل؟؟؟

[aboueyad alex]

الموضوع من البداية

تم إستخراج تأشيرة للسفر للملكة العربية السعودية يوم 20 / 7 / 2009 وبعدين طلب منى السفر بعدها لكن إعتذرت لأن زوجتى كانت فى حالة وضع وكان من الصعب تركها وحدها فى هذه الفترة وإتفقت على أن يكون السفر بعد رمضان لكن فوجئت بالأتى :-

إتصال من مدير الموارد البشرية بالشركة السعودية يطلب من يوم الثلاثاء الماضى 15 / 9 /2009 يطلب منى السفر فى نفس اليوم فضحكت ثم قال لى يبقى الخميس طبعا قلتله مش حسافر غير بعد العيد لأن المملكة طبيعى فى أجازة يبقى حضورى زى قلته دلوقتى فقالى بس على فكرة الراتب حيقل بسبب عدم سفرك وبعدين كمان فى أخ من القاهرة قريب مدير الموارد البشرية لسه متخرج مستنى يسافر مكانك وبمرتب أقل ومستنيك تكنسل السفر ؟؟؟؟؟؟؟؟

1. أرجو مساعدتى فى إيجاد حل أولا لحفظ حقى لأنه من الواضح أنها دخله فى تطفيش يعنى لمصلحة قريبه وهذه معلومة مؤكدة من أخ بنفس الشركة معرفة قديمة ؟؟

2. ماذا لو التأشيرة لم أتنازل عنها فى حال عدم سفرى ماهو الإجراء القانونى لتجديدها بعد مضى 90 يوم صلاحيتها ؟؟؟

3. هل للكفيل الحق فى إلغاء التأشيرة رغم صدورها وطبعها على باسبورى ؟؟؟

أرجو المساعدة والمشورة جزاكم الله خيرا

[doha]

هي المشكلة مش في قريب الموظف الي منتظرك ( تكنسل ) وانما في ان مماطلتك في السفر بتدي انطباع واضح انك لا مؤاخذه ( مش بتاع شغل ) .

انت معذور جدا في كونك تقعد بجوار زوجتك في الظروف دي بس طالما الشركه استعجلتك وانت مش مهتم بالاستعجال ده فانت كده بتديلهم اشارة انك ممكن في اي لحظة وانت شغال معاهم يتصلوا بيك الحق حد تعبان في مصر هتسيب الي في ايدك وتنزل جري .. مهو كل واحد له اولويات وانت كده بتثبت لهم بدليل دامغ ان الشغل يأتي في المرتبة الثانية عندك ..

رايي لو حبيت تسمعه انك تستخير الاول ثم تسافر فورا مش لان هيعملوا لك شيء او ميعملوش وانما لانك كده بتديلهم صورة وحشه اوي عنك كموظف مش من مصلحتك انهم ياخذوها ..

وربنا يعمل لك الي فيه الخير ..

[MZohairy]

يا أخي سافر و ماتقطعش رزقك بإيدك

ملايين الستات ولدوا بدون وجود ازواجهم

و يوميا كمان

العذر الوحيد انها تكون لا قدر الله في حاله صحيه حرجه

انما غير كده مالكش حق ابدا

ربنا يقسم لك الخير حيث كان

[aboueyad alex]

هي المشكلة مش في قريب الموظف الي منتظرك ( تكنسل ) وانما في ان مماطلتك في السفر بتدي انطباع واضح انك لا مؤاخذه ( مش بتاع شغل ) .

انت معذور جدا في كونك تقعد بجوار زوجتك في الظروف دي بس طالما الشركه استعجلتك وانت مش مهتم بالاستعجال ده فانت كده بتديلهم اشارة انك ممكن في اي لحظة وانت شغال معاهم يتصلوا بيك الحق حد تعبان في مصر هتسيب الي في ايدك وتنزل جري .. مهو كل واحد له اولويات وانت كده بتثبت لهم بدليل دامغ ان الشغل يأتي في المرتبة الثانية عندك ..

رايي لو حبيت تسمعه انك تستخير الاول ثم تسافر فورا مش لان هيعملوا لك شيء او ميعملوش وانما لانك كده بتديلهم صورة وحشه اوي عنك كموظف مش من مصلحتك انهم ياخذوها ..

وربنا يعمل لك الي فيه الخير ..

الاخت الكريمة انا مش بماطل لكن ده كان اتفاق معاهم كمان مراتى بعد الولادة دخلت العناية والاولاد كانوا فى حضانة وبعدين انا ولله الحمد موظف بمصر وبعدين ده اتفاق هما اللى بيغيروه اسافر والشركة اجازة اعمل ايه ممكن اعرف ؟؟؟

واسلوب حضرتك الهجومى ده مش مناسب لطلبى الرد بالمشورة ....

انا طول عمرى تقاريرى بالعمل لا تقل عن جيد جدا يعنى بتاع شغل وبتاع شغلى قوى كمان.

[aboueyad alex]

شكرا للأخ mozhairy وجزاكم الله خير

[MZohairy]

هي المشكلة مش في قريب الموظف الي منتظرك ( تكنسل ) وانما في ان مماطلتك في السفر بتدي انطباع واضح انك لا مؤاخذه ( مش بتاع شغل ) .

انت معذور جدا في كونك تقعد بجوار زوجتك في الظروف دي بس طالما الشركه استعجلتك وانت مش مهتم بالاستعجال ده فانت كده بتديلهم اشارة انك ممكن في اي لحظة وانت شغال معاهم يتصلوا بيك الحق حد تعبان في مصر هتسيب الي في ايدك وتنزل جري .. مهو كل واحد له اولويات وانت كده بتثبت لهم بدليل دامغ ان الشغل يأتي في المرتبة الثانية عندك ..

رايي لو حبيت تسمعه انك تستخير الاول ثم تسافر فورا مش لان هيعملوا لك شيء او ميعملوش وانما لانك كده بتديلهم صورة وحشه اوي عنك كموظف مش من مصلحتك انهم ياخذوها ..

وربنا يعمل لك الي فيه الخير ..

واسلوب حضرتك الهجومى ده مش مناسب لطلبى الرد بالمشورة ....

انا طول عمرى تقاريرى بالعمل لا تقل عن جيد جدا يعنى بتاع شغل وبتاع شغلى قوى كمان.

انا ابو اياد انا كمان على فكره :sad:

بس هي مش بتستعمل معاك اسلوب هجومي ابدا

ده كلام بينقلك وجهة نظر الآخر ممكن تكون ازاي فيك

و هم فعلا بيفكروا بالطريقه دي

و صديقك من صدقك

يعني اللي يوعيك بالحقيقه مش اللي ياخد بخاطرك

ربنا يوفقك

[mama nona]

السلام عليكم

الاخ الفاضل ابو اياد

انا من رأيى تسافر فورا ومتقطعش رزقك واتوكل على الله

من ناحية موضوع الراتب انهم هيقللوه

ده متوقف على انه حضرتك مضيت عقد معاهم من مصر ولا لأ

لو حضرتك مضيت العقد محدش هيقدر يغير الراتب

انما لو حضرتك كنت ماضى على offer على اساس انه لما توصل هنا تمضى عالعقد ممكن يتغير الراتب فالحالة دى

وكلامى ضحى مش هجوم ولا حاجة هى بتحاول تفكر معاك

لانها موجودة هنا وفاهمة الوضع

توكل على الله

[aboueyad alex]

شكرا لكل من قام بالرد على سواء ضحى و ابوإياد وكمان الاخت الكبيرة ماما نونا

[mama nona]

شكرا لكل من قام بالرد على سواء ضحى و ابوإياد وكمان الاخت الكبيرة ماما نونا

ليه بس كده يا ابو اياد

ما احنا كنا ماشيين زى الفل

ليه بقى تكبرنى كده ؟؟؟

انا ماما نونا بس مش الكبيرة

ممكن تعتبرنى الصغنونه :lol:

[aboueyad alex]

شكرا للصغيرة فى السن الكبيرة فى المقام ماما نونا

حلو كده :lol: :old: :) :D

[aboueyad alex]

الاخوة الكرام

انا اشكركم على التفاعل معى والرد على موضوعى وسأتوكل على الله واسافر

لكن سؤالى ماذا لو التأشيرة انتهت هل يحق لى تجديدها ؟؟؟

ولو الموضوع حصل فيه شد وجذب كيف احفظ حقى فى التأشيرة ؟؟؟

وهل صاحب العمل ممكن يلغى التأشيرة ؟؟؟

هذه الأسئلة للعلم والتعلم أرجو الإفادة ؟؟؟

[somayasaleh]

الاخ الفاضل ابو اياد

كلام الاخوة الافاضل اللي ردوا عليك صحيح مئة في المئة

توكل علي الله وسافر فورا....واستودع الله تعالي زوجتك الفاضلة...وان شاء الله ربنا يقومها لك وللاولاد بالسلامة

الاخت الفاضلة ضحي بتتكلم صح جدا لانها اعلم بنفسية وطريقة تفكير هؤلاء الكفلاء......وهي مقيمة في البلد من زمان وتعرف عنهم كتير

يبقي نقول لها شكرا كتر خيرك علي النصيحة....فيه مثل والدتي كانت دائما تقوله لنا ( يا بخت من بكاني وبكي الناس عليا....مش اللي ضحكني وضحك الناس عليا)

يعني ممكن واحد يقولك...ولا يهمك يا عم...مدام معاك التاشيرة مش ح يقدروا يعملوا لك حاجة......ده كلام مش صحيح....هم ح ياخدوا انطباع مش ظريف زي الفاضلة ضحي ما قالت..

.وبعدين يضايقوك في الشغل....وممكن لا قدر الله يلغوا التاشيرة باي طريقة ؟؟؟؟؟او علي الاقل لو انتهت لا يجددوها لك؟؟؟؟ يبقي ليه المخاطرة؟؟؟؟؟؟؟؟؟؟؟

حضرتك معك الان فرصة ذهبية وهي التاشيرة....فبلاش تضيعها لاي سبب كان...لان لو سقطت ....فقط اصحاب العمل هم اللي يقدروا يجددوها

الكلام ده حصل مع اختي...دكتورة جلدية....جاءت لها التاشيرة علي مستشفي خاصة....مازالت تحت التجهيز.....مقلتش اروح اعمل ايه دلوقت؟؟؟؟ ماهو مفيش شغل؟؟

استخارت ربنا....واستودعت الله تعالي اسرتها وسافرت .طبعا اصحاب العمل شالوا الموقف ده لها.

بعكس طبيبة اخري قالت لا مش ح اروح غير لما المستشفي تجهز تمام،،،،انا معايا التاشيرة......وطبعا الطبيبة التانية ده شالوا لها الموقف ده وضايقوها جدا لحد لما قدمت استقالتها ونزلت وهي خسرانة كتير

اكل العيش عايز تضحيات وتعب وغربة....ومتطلبات كتير....اسرع بالسفر باسرع وقت.... وربنا يوفقك

[أسد]

الأخ الكريم

لو تأشيرتك إنتهت لن يمكنك تجديدها

صاحب العمل لا يمكنه إلغاء التأشيرة وهي على جوازك

ولكن ..

لن تقبل السفارة السعودية منحك تاشيرة أخرى للعمل في السعودية (أبداً) مادامك قد حصلت على تأشيرة سفر ولم تسافر .. إلا إذا قدمت على تأشيرة جديدة بدون أن يعرفوك .. مثل تغيير الجواز مثلاً ..

إذا جوازك كان من الجوازات الجديدة المرتبطة بالرقم القومي فسيصعب عليك تغييره

وحتى لو غيرته .. فسيعرفوك في السفارة السعودية من رقمك القومي

وبالتالي ستكون في مأزق

توكل على الله .. ولا تعطل رزقك إذا كنت تستطيع

[mama nona]

الاخوة الكرام

انا اشكركم على التفاعل معى والرد على موضوعى وسأتوكل على الله واسافر

لكن سؤالى ماذا لو التأشيرة انتهت هل يحق لى تجديدها ؟؟؟

صاحب العمل هو ال بيجددلك التأشيرة مش انت ال بتجددها

ولو الموضوع حصل فيه شد وجذب كيف احفظ حقى فى التأشيرة ؟؟؟

ملكش حق فالتأشيرة طول ما احضرتك مسافرتش عليها ولو حصل فعلا شد وجذب ممكن التأشيرة تنتهى ولو حضرتك مسافرتش عليها يقدر هو يسترجعها تانى ويغيرها لحد غيرك

وهل صاحب العمل ممكن يلغى التأشيرة ؟؟؟

اكيد طبعا

هذه الأسئلة للعلم والتعلم أرجو الإفادة ؟؟؟

[محمد افندى]

الاخ الفاضل ابو اياد

طبعا احييك على موقفك رائع واصرارك على الوجود بجوار زوجتك فى التوقيت دة اكيد وجودك جنبها بيفرق كثير وبالرغم انه من كلامك وضعك كويس فى مصر والحمد لله لكن طالما حطيت فكرة السفر فى دماغك وواضح بردة ان الشركة السعودية شركة كويسة مدير موارد بشرية وحركات يعنى يبقى نصيحتى لحضرتك يا ابو اياد توكل على الله سافر فورا وان شاء الله ربنا يحفظلك زوجتك واولادك انت مسافر تسعى على الرزق ومضيعش فرصة زى دى من ايدك وبالتوفيق ان شاء الله

[aboueyad alex]

الأخوة الكرام بالمنتدى

شاكر لكل من شاركنى فى المشورة ولقد إستخرت الله عز وجل وعزمت على التوكل على الله والسفر يوم الربعاء أو الخميس بأمر الله للمملكة وتفعيل عقدى

ارجو منكم خالص الدعاء لى بالتوفيق فى سفرى هذه وأن يكون خير لى ولعائلتى بأمر الله لاتنسونى بالدعاء

[mama nona]

توصل بالسلامة ان شاء الله

وربنا يكتب لك الخير

مع تمنياتى بالتوفيق

ومتقطعش الجوابات :lol: wst::