لأرزقن من لا حيلة له حتى يتحير اصحاب الحيل

[se_ Elsyed]

قال تعالى في حديثه القدسي " من رضى بقدرى ارضيته على قدرى .... و عزتى وجلالى لأرزقن من لا حيلة له حتى يتحير اصحاب الحيل "

لا تعليق على الخبر

ولكن سبحان الرزاق الوهاب بغير حساب

بعد 22 عاماً وراء القضبان

الحظ يبتسم لسجين .. ويهديه مليون جنيه

كتب ياسر زين الدين:

فاز أحد نزلاء السجون بمليون جنيه قيمة جائزة شهادة "مليونير المصرف المتحد" المعروفة باسم شهادة المليونير.. وابتسم له الحظ بعد 22 عاماً قضاها بالسجن.

كان السجين وهو مدرس ابتدائي قد سبق اتهامه في قضية قتل وحكم عليه بالأشغال الشاقة المؤبدة قضي منها حتي الآن 22 عاماً.. ومن المنتظر أن يشمله قرار العفو بمناسبة احتفالات السادس من أكتوبر ليخرج إلي الحياة ويغادر السجن في 10 أكتوبر القادم ليجد المليون جنيه في انتظاره.

قال والد السجين وهو عجوز مريض من مصر القديمة إنه رجل فقير جداً وقد هداه تفكيره لأن يقتطع من قوته وقوت أسرته ويشتري شهادة مليونير المصرف المتحد باسم ابنه المحكوم عليه بالمؤبد ودعا الله أن يجعل المليون من نصيبه لأنه يشعر بأن الحياة قد ظلمته.

رفض المصرف الإفصاح عن اسم السجين أو نشر صورته قبل خروجه رسمياً من السجن في 10 أكتوبر القادم. حيث أعد مفاجأة كبيرة سوف يعلن عنها في حضور مندوبي الوكالات والقنوات الفضائية للاستفادة من ذلك في عمليات الدعاية وفقاً لبرامج تم الاتفاق عليها مسبقاً مع إحدي الوكالات الكبري.

[Shehab]

و نعم بالله

فعلاً الواحد كتير بينسى نفسه و يتخيل أن النعم اللى هو فيها و الرزق اللى بيجيله

نتيجة شطارته و مهارته و أنه مقطع السمكة و ديلها

و لو قعد يفكر شوية....هيلاقى أن الرزق كله من عند ربنا ...و ياما احسن منه و معهمش اللى معاه

و ياما أقل منه و معاه اده مية مرة....و لربنا حكمته فى كل شىء

بس تقول ليمن بقى ...هى دى طبيعتنا

بس البنك ده ما ينفعش يسيب الموضوع يعدى عادى ....زى أى عميل بيكسب.؟؟

لازم يعنى ينتهز الفرصة و يسيط لنفسه و يعمل قصص ع حساب سمعة الراجل؟؟

[mama nona]

اهو يعتبر نفسه ف ال 22 سنة ال فاتو دول انه كان مسافر بعقد عمل للخارج ورجع بالسلامةومعاه المليون

[Falcon Crest]

اهو يعتبر نفسه ف ال 22 سنة ال فاتو دول انه كان مسافر بعقد عمل للخارج ورجع بالسلامةومعاه المليون

في السجن مينفعش يعتبر نفسه غير انه في السجن لان الحريه لا تقدر بثمن و عموما رينا ييسر له لما فيه الخير ان شاء الله

و يعوضه خير عن عمره الي فات

[عاشق الترحال]

أرزاق موزعها الرزاق

فكرني بفيلم لمحمود عبد العزيز وإلهام شاهين كان مسجونبرضه ظلم ولما خرج الناس اللي ظلموه طلعوا ولاد أصل وظبطوه فى كام مليون مع اختلاف السيناريو طبعا بس القصه واحده.

وبالمناسبه عندنا في الشركه من كام سنه الكفيل بتاعنا كان متورط فى قضيه وخلى واحد مصري شالها واعطاله مليون ريال والمصري اتسجن سنه بدل الكفيل وأخد المليون وكت على مصر . :lol:

[doha]

أرزاق موزعها الرزاق

فكرني بفيلم لمحمود عبد العزيز وإلهام شاهين كان مسجونبرضه ظلم ولما خرج الناس اللي ظلموه طلعوا ولاد أصل وظبطوه فى كام مليون مع اختلاف السيناريو طبعا بس القصه واحده.

وبالمناسبه عندنا في الشركه من كام سنه الكفيل بتاعنا كان متورط فى قضيه وخلى واحد مصري شالها واعطاله مليون ريال والمصري اتسجن سنه بدل الكفيل وأخد المليون وكت على مصر . :P

ولو عشرة مليون مش بس مليون واحده .. اسمها في الأول والآخر فلوس حرام .. خليها تنفعه ..

[doudy]

حكاية غريبة فعلا

بس سبحانه العاطى بغير حساب

ربك اذا وهب لا تسال عن السبب :sad:

[عادل أبوزيد]

سبحان العاطي

[MZohairy]

انا مش فاهم منطق الموضوع بصراحه

الاستشهاد بالحديث القدسي في الوضع ده سيعارضه 5 مليار حاله شبيهه مافيهاش اي رزق ولا فيها حصول الفقير على اي فلوس !!!!!

ساعتها بقى يبقى الحديث القدسي ده غلط؟

[tarek hassan]

ولو عشرة مليون مش بس مليون واحده .. اسمها في الأول والآخر فلوس حرام .. خليها تنفعه ..

لو الأستاذ ضحى كانت موجودة ..... كنت سألتها ليه حرام ؟ ..... نتمنى أ، تكون بخير