الإستثمار فى الأراضى الزراعية فى مصر

[Guest Mohd Gramoun]

الاستاذ محمد...

شكرا لمعلوماتك الوفيرة و ربنا يكرمك و تقدر تزرع ارضك بنفسك و تحقق وفورات و أرباح بإذن الله...

عايز استشارة من حضرتك لأني مهتم بشراء ارض مستصلحة و عندي 3 خيارات:

* أرض مستصلحة بتوشكي الفدان قيمته 10 الاف مقدم الف و الباقي علي 20 سنة بس المساحات كبيرة يعني 100 فدان و مضاعفاته.

* أرض مستصلحة و جاهزة للزراعة بالإسماعيلية علي الطريق و تروي بترع من النيل الفدان ب 10 ألاف مقدم 5 و الباقي علي 10 سنوات.

* أرض مزروعة بمركز بدر (مديرية التحرير) الفدان 25 الف نقدا.

لو عايز استثمر في شراء مزرعة اختار اية بديل و ما هي افضل الوسائل اللي تخليني أعرف الارض المستصلحة إزاي اختبر الارض و هل تناسب نوعية معينة من الشجر أم يجب زراعتها بالمحاصيل و الشجيرات دون الاشجار..و كذلك هل المياه يجب ان تختبر أم لا

[Mohammad Abouzied]

الاستاذ محمد...

شكرا لمعلوماتك الوفيرة و ربنا يكرمك و تقدر تزرع ارضك بنفسك و تحقق وفورات و أرباح بإذن الله...

عايز استشارة من حضرتك لأني مهتم بشراء ارض مستصلحة و عندي 3 خيارات:

لو عايز استثمر في شراء مزرعة اختار اية بديل و ما هي افضل الوسائل اللي تخليني أعرف الارض المستصلحة إزاي اختبر الارض و هل تناسب نوعية معينة من الشجر  أم يجب زراعتها بالمحاصيل و الشجيرات دون الاشجار..و كذلك هل المياه يجب ان تختبر أم لا

تمام سوف ارد على كل سوال في مكانه

* أرض مستصلحة بتوشكي الفدان قيمته 10 الاف مقدم الف و الباقي علي 20 سنة بس المساحات كبيرة يعني 100 فدان و مضاعفاته.

السعر تطفيشي لاثناء صغار المستثمرين عن الدخول في المشروع اصلا وكتير جدا سعر 10 الالف للفدان هناك

* أرض مستصلحة و جاهزة للزراعة بالإسماعيلية علي الطريق و تروي بترع من النيل الفدان ب 10 ألاف مقدم 5 و الباقي علي 10 سنوات.

عيب هذه الارضى ضعف الصرف فيها وتمليح التربة اما عن السعر كويس اذا نجحت في معالجة الصرف واعتقد فيه شركة صينية بتعمل حفر عميقة وبها مضخات واجهزة تحلية للمياه لسحب المياه الفائضة من الارض ولكنها مكلفة شوية

* أرض مزروعة بمركز بدر (مديرية التحرير) الفدان 25 الف نقدا.

تختلف اسعار الارض التابعة لمركز بدر ايضا من مكان لمكان ولكن الارض هناك مكسب فعلا ومفيش مشاكل تقريبا ولكن تأكد من السعر لاني شايفه مبالغ فيه شوية وعلى فكرة ارضي تابعة لمركز بدر ايضا لكن سعر الارض في منطقتي اعتقد انه موصلشي لهذه الدرجة وهي تعتبر اجود ارض في مدرية التحرير واعتقد انها متوصلشي لاكثر من عشرة الالف جنية للفدانبدون تجهيزات الارض من رش وتنقيط وتعديل في التربة

بالنسبة لتحليل التربة والمياه ممكن تذهب الى اقرب مركز للبحوث الزراعية وتسئل هناك او ممكن تروح كلية الزراعة وتحللهم هناك وممكن تطلب معاك خبير من كلية الزراعة برسوم ايضا يذهب ويعاين معاك الارض ، حاليا انا مش فاكر اسم الدكتور الي جه معايا لاختبار التربة وكتابة التقرير ولكنه في كلية زراعة الاسكندرية وتخصص بساتين ومش عارف موجود حتى الان ام لا

على اي حال ممكن تروح مركز البحوث وان كان فيهم نصابين كتير فخلي بالك منهم فمن سوف يعرض خدماته عليك وممكن يورطك في شراء ارض تانية عليها مشاكل ودي قضية كبيرة ربنا يستر عليك فيه

فيه اراضي في وادي النطرون اخي محمود يعرفها وعنده ارض هناك وتسمى بمحمية عبد الرازق ابوزيد ممكن الاستاذ عادل يتصل بمحمود ويوصلك به ولكني لا اضل هذه المنطقة لعدم وجود مرافق بها ثم انها لم تسجل حتى تاريخه ولن تحصل من البدو هناك على صك ملكية بعكس التحرير المقننة من زمان ومستقرة

وياسيدي انشاء لما تشتري الارض ابقى ازرعها قمح

[Guest Mohd Gramoun]

شكرا اخي محمد علي المعلومات القيمة..

بالنسبة لأرض مركز بدر نسيت أوضح انها علي الترعة الرئيسية و علي طريق ممهد و قريبة حوالي 750 متر من طريق السادات-شبين... ومزروعة موالح....فهل تستاهل السعر في الحالة دي ولا لسه مبالغ فيها

[Mohammad Abouzied]

شكرا اخي محمد علي المعلومات القيمة..

بالنسبة لأرض مركز بدر نسيت أوضح انها علي الترعة الرئيسية و علي طريق ممهد و قريبة حوالي 750 متر من طريق السادات-شبين... ومزروعة موالح....فهل تستاهل السعر في الحالة دي ولا لسه مبالغ فيها

الارض القريبة جدا من الترع تخوف ايضا لا تكون الارض مطبلة , يعني متشبعة بالماء ودي ممكن تختبرها بأنك تشوف شجرة جزورين صغيرة تهزها اذا نخلعت منك يبقى الارض مطبلة دي من ناحية

ومن ناحية اخرى زراعة الموالح غير مربحة حاليا خاصة الانواع الرديئة منها وعلية سوف تضطر في المستقبل لتغير نوع الاشجار ودا معناه تقليع وزرع من جديد

ولكن سعر خمسة عشر الف او ستة عشر الف معقول واعلى من كدا يبقى فيه مبالغة شوف انت الاراضي الى حواليك اولا بتتباع بكام وعليه تقدر ان كان السعر دا مناسب ام لا

البيع في الاراضي غالبا بيكون فيه غش بل اكيد فيه غش فلازم تفتح عينك كويس

[Guest SAmr]

عاوز ارض لا تقل عن عشرة أفدنة للاستصلاح تنصحوني بأيه