الكرنك .. لماذا؟

[فــيــروز]

رواية الكرنك للاديب نجيب محفوظ تتناول فتره من تاريخ مصر اعقبت هزيمة مصر فى حرب يونيو 1967 و الاعتقالات الظالمه التى طالت البعض من ابنائها

والروايه -التى عرفت احداثها من خلال الفيلم وليس من خلال قراءتها شخصيا- تتناول التعذيب الى وقع لهؤلاء المقبوض عليهم

وبصرف النظر عن واقعية الاحداث او عدم واقعيتها الا ان ما اعرفه ان هذا الفيلم كان ممنوع عرضه فى التليفزيون المصرى لفتره طويله

حتى ان امى كانت تقص على احداثه فقط لانها راته فى السينما كلما جاءت سيرة الكلام فى السياسه وما يمكن ان يحدث لمن يتحدث فيها

الا انى لاحظت مؤخرا ان التليفزيون بدا يتحرر فى عرض الفيلم و اذيع عدة مرات آخرها الامس بمناسبة ذكرى ميلاد نجيب محفوظ وكانت المره الاولى التى اشاهده فيها

ولا داعى لتكرار ما يجرى لابطال العمل من تنكيل و تعذيب يتراوح من الضرب و الجلد و الصعق بالكهررباء انتهاء الى هتك الاعراض .. ولا حول ولا قوة الا بالله العلى العظيم و حسبنا الله و نعم الوكيل

الا ان السؤال الذى راودنى وانا اشاهد الفيلم هو : اليس هناك فيلم آخر لنجيب محفوظ يمكن عرضه فى هذه المناسبه؟ ولم الكرنك بالذات؟

هل مثلما يقول بعض حسنو النيه من اجل اخبارنا ان الاحوال فى مصر تحسنت كثيرا عن ذى قبل وصارت هناك ديمقراطيه و حريه !! ام كما يقول بعض الخبثاء ان الهدف من عرض الفيلم ليس الا تخويف من تساوره نفسه ان يعبر عن رايه ليرى بنفسه ما يمكن ان يحدث له لو تمادى !! الله اعلم

[Lighthouse]

عقلي الباطن بيقول ( على راي حشيش bnd5:: )

انهم قاصدين يعرضوه بالحاح حتى يعرف كل فرد منا مصيره اذا فكر يقول جواز عتريس من فؤادة باطل :) :)

[Salwa]

يالايت هاوس ياحبيبة قلبى ...

ده يعرض لسببين .............

الأول .......اضرب المربوط يخاف السايب .

الثانى .......شوفوا احنا حلوين ازاى ؟؟؟؟ الحاجات الوحشة دى كانت بتحصل

فى العهد الماضى .......فى عهدنا لالالالالا...بدليل اننا بنعرضها .

ومحدش بيمنع .لا حد ولا حاجة ..لااللى كتب اعتقل ...ولا اللى مثل ولا اللى اخرج الفيلم ..

واخدة بالك يالايت هاوس ......دى سياسة ....وبابا صفوت وماما ..نور ..

ودى عذبتهم ...وهم احرار ..

تشاو ....

[Guest Mohd Gramoun]

التلفزيون المصري فقد معظم مكتبته بسبب بيع حقوق الافلام بالنسخ الاصلية لعدة شركات منها علي سبيل المثال ATR و القنوات اللبنانيةو الامارتية..ماعدش عندنا افلام و التاجر لما يفلس يدور في العلب اللي علي الرفوف.

[صعيدي]

ممكن التليفزيون يعرض فيلم القاهرة 30 لنجيب محفوظ برضه واللى كتبه بعد الثورة ويتحدث فيه عن الفساد فى العهد الملكى

او فيلم زوجة رجل مهم والذى يتحدث عن فساد الشرطة فى عهد السادات

وان شاء الله سنة 2010 فيلم طوارئ يتحدث عن ......

ملحوظة

جميع احداث فيلم الكرنك تحدث فى وقتنا هذا واقرأ موضوعات فساد جهاذ الشرطة او رصد لحلات التعذيب

[فــيــروز]

شكرا يا جماعه لتشريفكم الموضوع :)

الحقيقه انا لم استطع ان اكمل الفيلم

مش عشان كما قد يظن البعض خفت و اشمأزيت مما ارى

لا الحقيقه كنت قد قرات عن الفيلم قبلها بفتره بسيطه فكنت اعرف الاحداث تقريبا

مش عارفه ليه حسيت بملل .. يمكن لان الراى الثانى هو الارجح بالنسبة لى

حسيت برساله غير مريحه توجه للكثيرين من خلال الفيلم .. ويمكن لانى شعرت انه اذا كان هذا هو الحال من 30 سنه يبقى عامل ازاى دلوقت !! مفزع طبعا و يمكن فوق ما يتصوره اى خيال

[الزعيم]

مالهم بئه إن شاء الله دول ناس زوء زوء زوء زوء والله mfb: :huh: mfb: :blink: mfb: سيد بيه إشطه ليطلع معرفتكوا ولا حاجه تودونا فى داهيه أه سيد بيه إشطه ليطلع معرفتكوا ولا حاجه تودونا فى داهيه: :blink: mfb: :blink: mfb: دول طيبين أوى يا خال mfb: gsm p :) :) معلش أنا أسف المكان كله محاصر

[فــيــروز]

اذاع التليفزيون بالامس فيلم الكرنك .. mc(:

كلما رايت هذا الفيلم المزعج تساءلت عن الهدف من اعادة عرضه بهذه الكثافه فى هذه الايام المفترجه انتخابات بقى و حزب وطنى و خلافه mfb:

تم تعديل 26 سبتمبر 2004 بواسطة فــيــروز

[Sherief AbdelWahab]

يا قلبك يا فيروز..مقدرتيش تكمليه

دة الفيلم مقصوص منه لما نقول يا بس!

على أي حال الأفلام دي بتتعرض عشان الناس - من وجهة نظر الاعلام - تحس الفرق !..دلوقت احنا بنعيش أزهى عصور الديمقراطية ، و مجلس قومي لحقوق الإنسان ، و فكر جديد واضح زي معظم الأفلام بتاعة جو...يعني..

خلص الكلام

[د/ألفا]

السلام عليكم ورحمة الله وبركاته :-

الفيلم ده مقصود بيه الإيهام بأن السياسة القادمة للدولة مبنية على تثبيت فكر الحريات الإنسانية , والتأكيد على مبدا

حقوق الإنسان , وحريته فى التفكير والتعبير تحت ظل الديموقراطية المزعومة , وأن ما كان يحدث بالأمس لا مكان له

باليوم .

والله المستعان .

وهذا لا يمنع أن فكرة (اضرب المربوط يخاف السايب ) ممكنة من وراء عرض هذا الفيلم , ولا أعتقد أن أحدا ممن راى هذا الفيلم إلا و

تأثر به , وأثر في تفكيره فى الواقع ,

تم تعديل 26 سبتمبر 2004 بواسطة د/ألفا

[ragab2]

أميل

الى تأييد فكرة فضح ما كان يحدث فى العهود السابقة

للمقارنة بينها وبين اليوم

ولكنه اذا كنا نتمتع بهامش حرية أو ابداء رأى فهى حالة مؤقتة

لأن دستورنا وقوانيننا مازالت شمولية وديكتاتورية وتجعل من الملاك ديكتاتورا وممكن اساءة استخدامها فى أى وقت

وحتى اذا كان الحاكم لا يستخدم حقوقه الدستورية فى قمع الشعب فى هذه الأيام

فهذه حالة استثنائية ومؤقتة ومن الممكن أن يستخدمها أى حاكم آخر وبموجب الدستور اذا لم يتم تعديله

والله أعلم

[Gharib fi el zolomat]

اعتقد ان السبب هو اضرب المربوط يخاف السايب

واذكركم بشعار الشرطه

الشرطه و الشعب فى خدمه سياده القانون

و للحديث بقيه

[Cleo]

طيب مادامت العملية عملية "أزهى" ليه مايعرضوش فيلم "البداية " بتاع صلاح أبو سيف؟؟؟ <_<