الضريبة العقارية الجديدة

[دكتور مصري]

طالعتنا الصحف بالامس على لسان وزير المالية بالبدء في طرح الاقرارات الضريبية على العقارات و المساكن و المحال التجارية و التى يجب ان يتقد بها المواطنون قبل نهاية ديسمبر من العام الحالي

و كون امن الخبر مقتضب في معظم الصحف فقد اردت ان نتبادل المشورة في هذا الموضوع من ذوي الخبرة و من على علم و دراية بالامر

فمثلا ماذا عن العقارات التى تحت الانشاء

و متى يكون السكن خاضعا للضريبة هل مجرد البناء الخرساني مثلا يدخل الشقة تحت الضريبة ام انه يشترط ادخال الكهرباء و تسكين المبنى

و ماذا عن المدن الجديدة و التى تعتبر جميع الاراضي بها مشروطه باستكمال البناء

تحياتي للجميع

[miramikhail]

أنا كنت داخلة دلوقتى أسأل على الموضوع ده برضة

الواحد يروح فين و يجيب الأقرار ده أزاى و لو الواحد ساكن فى القاهرة و عنده شقة مصيف فى أسكندرية لازم يسافر أسكندرية يقدم الأقرار ولا أية؟

ياريت أى حد عنده أى معلومة يقول لنا أحسن الواحد مش فاهم حاجة :P

[miramikhail]

النهارده فى صباح الخير يا مصر أستضافوا حد عشان موضوع الضريبة العقارية و اللى فهمت من اللى قاله

أن كل واحد مالك لعقار سواء مخلص تمنة أولسة علية أقساط يروح يسحب أستمارة من مقر مصلحة الضرائب العقارية التابع له العقار و يمليها (طبعا أنا مش عارفة مكانها فين ولا هو قال )و الأستمارة 5 وراقات و مطلوب كمان تقدر القيمة السوقية للعقار بتاعك :sad: (تقولش الناس كلها خبراء عقارات )ولو حط قيمة أقل من تمنة حيدفع غرامة (يا سبحان الله) هو أنا اللى حعرف تمن شقة أشترتها من 20سنة بقت دلوقتى بكام ولا مطلوب أرجع لسمسار و أسأل أسعار الشقق كمان و كده يبقى التقيم الصحيح للعقارات اللى بيقولوا عليه عشان يمنع المضاربة أونطه لأنى لما أقول أن شقتى بكذا ده حجيبة من أسعار البيع للشقق المماثلة لشقتى المهم المشكلة التانية أن شقة المصيف لازم أسافر عشان أقدم عنها أقرار يعنى ما ينفعش من هنا (أنا أساسا مش عارفة فين أقدم أقرار للشقة بتاعة القاهرة أقوم حعرف للشقة المصيف).

ودلوقتى أنا حدور فى الحكومة الألكترونية زى جوزى ما قال لى ولو لقيت حاجة حرجع أحطها هنا و وحياتكم لو حد لقى حاجة يحطها أحسن أنا محتاسه جدا وكمان لو واحد عنده أكتر من شقة حيجمعوا تمانهم على بعض ولا كل شقة حسابها لوحدها يعنى أحنا عاوزين شقة أكبر بس مش عايزين نمشى شقة القاهر لأن غالبا حنشترى فى الشروق حيجمعوا تمن الشقق على بعض ولا أية؟؟؟

[أحمد سيف]

موقع مصلحة الضرائب العقارية

http://www.rta.gov.eg/ar

واللي يعرف حاجه يقول :sad:

[miramikhail]

ألف شكر على الرابط بس ما رداش يفتح معايا ده رابط تانى و حدخل أعمل أبحاث دلوقتى

http://www.rta.gov.eg/ar/Home.aspx

[King TUT]

طيب الناس إللى مقيمين بالخارج و ما بينزلوش مصر إلا كل سنه أو سنتين يعملو أيه ؟

[أحمد سيف]

طيب الناس إللى مقيمين بالخارج و ما بينزلوش مصر إلا كل سنه أو سنتين يعملو أيه ؟

ممكن يعملوا توكيل لحد في مصر يقدم الإقرار ويوقعه نيابة عنهم

[دكتور مصري]

و هل اراضي القرعة التى لا تزال تحت الانشاء و لم يتم تسديد اقساطها خاضعة لهذا النظام

وضعا في الاعتبار ان معظم هذه الاراضي مبعة بتوكيلات اي انها باسم المالك الاول

فمن في هذه الحالة ملزم بتقديم الاقرار

و متى تكون الشقة خاضعة للضريبة

هل اذا كانت الشقة لم يتم تشطيبها او السكن فيها بعد هل تكون في هذه الحالة خاضة للضريبة؟

ارجو من الذين لديهم معلومات التفضل بتقديمها لنا مع جزيل الشكر

[Folana]

السلام عليكم ورحمة الله....

جاء فى جريدة الاهرام الصادرة فى 22 سبتمبر هذا الخبر :

44850‏السنة 133-العدد2009سبتمبر22‏3 من شوال 1430 هـالثلاثاء

<H3 dir=rtl>غدا‏..‏ يبدأ قبول إقرارات الثروة العقارية

خريطة عقارية لضبط الأسعار والإيجارات

‏7‏ نماذج للتيسير علي ملاك العقارات عند تقديم الإقرارات</H3>

أصدر الدكتور يوسف بطرس غالي قرارا وزاريا بإعداد‏7‏ نماذج مختلفة لإقرارات الثروة العقارية‏,‏ للتيسير علي الأنشطة الاقتصادية المختلفة والملاك المنتفعين‏,‏ وسرعة تقديم الإقرارات عقب انتهاء إجازة العيد مباشرة غدا‏,‏ وقبل نهاية فترة تقديم الإقرارات في آخر ديسمبر المقبل‏.‏

وقال طارق فراج رئيس مصلحة الضرائب العقارية إن تقديم الإقرارات لا علاقة له بخضوع أو عدم خضوع الوحدات العقارية للضريبة‏,‏ مشيرا إلي أنه حتي ملاك العقارات المعفاة من أدائها‏,‏ عليهم تقديم إقرار عنها‏,‏ وأوضح رئيس المصلحة أن الغرض هو وضع خريطة عقارية متكاملة لكل محافظة‏,‏ لمساعدة متخذي القرار في تحديد المناطق التي تحتاج لمزيد من الخدمات العامة‏,‏ وتحسين المتوافر منها ووضع مؤشرات حقيقية عن أسعار الوحدات العقارية في الأحياء والمناطق المختلفة‏,‏ وقيم الإيجارات السائدة‏,‏ بهدف ضبط السوق العقارية والحد من المضاربات‏.‏

وأضاف أن مصلحة الضرائب ستقوم بالإعلان عن هذه التقييمات والمؤشرات في الأماكن العامة ومأموريات مناطق الضرائب العقارية والنوادي‏,‏ وغير ذلك من الأماكن العامة‏.‏

وقد شكلت الوزارة لجانا عامة لخدمة ومساعدة مقدمي الإقرارات فوالاجتماعية والسادس للمنشآت البترولية‏,‏ والسابع خاص بالمي نحو‏400‏ مأمورية‏,‏ والنماذج السبعة تنقسم إلي نموذج خاص بالوحدات السكنية وغير السكنية بعقارات سكنية‏,‏ والثاني بالمنشآت السياحية‏,‏ والثالث بالمنشآت الصناعية‏,‏ والرابع للوحدات التجارية والإدارية‏,‏ والخامس للمنشآت الصحية والتعليمية والرياضية‏,‏ وانئ‏.

[/b]

والجزء المظلل بالاحمر لتوضيح الهدف من تقديم الاقرارات الضريبية العقارية والله اعلم بالنوايا

وكنت قد قرأت منذ عدة ايام خبر اخر عن ضرورة التقدم بالاقرارات الضريبية العقارية من كل الملاك على جميع مستوياتهم وتعدد واختلاف انشطتهم...حتى ساكنى العشوائيات مطلوب منهم تقديم الاقرار الضريبى العقارى...وان اى محل فى العشوائيات لا تصله مياه او كهرياء او اى خدمات وليس له ملف ضريبى حتى...يجب عليه التقدم بالاقرار الضريبى العقارى....( !!!!)

وبسؤال اهل الذكر أفادونى بأن حتى الشقق تحت التشطيب يجب على ملاكها التقدم بالاقرارات الضريبية....وده لا يعنى ان الجميع ستطبق عليهم الضريبة الجديدة ....ولكن طبعا هناك معفيين منها...وهناك طعن وهناك وهناك....والعهدة على الراوى...

اذن...تقديم الاقرار الضريبى العقارى فرض لازم على ابناء الوطن ....وبعد كده ربنا يسهل...

تحياتى

:lol: :blush2:

[عاشق]

حسب قرأتي المتعددة وتصريحات وزير المالية

اردت ان اطرح للاخوة هذه المعلومات للإفادة

يجب ان يتم تقديم الاقرارات الضريبية قبل نهاية العام الحالي 2009

لجميع الشقق السكنية حتى لو لم تدخل في الضريبة العقارية (اى حتى الاقل من نصف مليون جنية)

واعتقد المقصود هنا هو عملية حصر للوحدات السكنية

لان الوحدات التي لم يطبق عليها الضريبة عام 2010 بالتأكيد

سيتم تطبيق الضريبة عليها عند التقييم القادم او الذي يلية (كل خمس سنوات)

لانه وطبقا لتصريحات وزير المالية من المقدر ان تدخل جميع العقارات المستهدفة لاحتساب الضريبة العقارية عليها خلال العشر سنوات القادمة على اكثر تقدير

كما انه يسمح بالتقدم لاي مأمورية ضرائب على مستوى الجمهورية للتيسير وذلك حسب تصريحات وزير المالية

كيفية احتساب الضريبة على النحو التالي :

القيمة السوقية للعقار × 3% = ( أ )

( أ ) × 30% = قيمة الصيانة ( ب )

( أ ) - ( ب ) قيمة الصيانة = ( ج )

( ج ) × 60% = ( د )

( د ) - 6000 جنية (الاعفاء) = ( هـ )

( هـ ) × 10% الضريبة = قيمة الضريبة النهائية

ومثال على ذلك للتوضيح

500.000 جنية القيمة السوقية للوحدة والحد الادنى لاحتساب الضريبة × 3 % = 15.000 جنية

15.000 × 30% قيمة الصيانة المفترضة = 4.500 جنية

15.000 - 4.500 = القيمة بعد خصم الصيانة 10.500 جنية

10.500 × 60% = 6.300 جنية

6.300 - 6.000 جنية قيمة الاعفاء = 300 جنية

300 × 10% = 30 جنية وهذه قيمة الضريبة التي ستدفع على العقار الذي قيمته السوقية نصف مليون جنيه

ومثال اخر لوحدة قيمتها السوقية مليون جنية

1.000.000 × 3% = 30.000 جنية

30.000 × 30% = 9.000 جنية

30.000 - 9.000 = 21.000 جنية

21.000 × 60% = 12.600 جنية

12.600 - 6.000 = 6.600 جنية

6.600 × 10% = 660 جنية قيمة الضريبة التي ستدفع على الوحدة السكنية التي قيمتها مليون جنيه

هذا ما اردت ايضاحة واتمنى ان اكون افدت الاخوه الافاضل

وكما علمت يجب تقديم الاقرار قبل نهاية العام الحالي 2009 وبعدها سيتم تقييم الضريبة من قبل اللجنة المختصة وابلاغ صاحب الوحدة بها

ومن الممكن الطعن في هذا التقدير خلال 60 يوم من الابلاغ بقيمة الضريبة المستحقة على الوحدة السكنية

والله الموفق

[ذهبية]

لو لم ابلغ عن عقارى خلال هذة السنة ماذا يحدث ؟؟

هل هناك عقاب مثلا لذلك او مصلحة الضرايب هى التى تبعت ناس من عندها للتبليغ

طيب هل هذة الضريبة على البيت كلة ويتم التقسيم بعدد الشقق ولا على الشقق منفردة

على اساس تم الحكم ان بيتى بهذا السعر انا اللى هاسعر تمن بيتى ولا سمسار مثلا

طيب مافى مناطق كويسة جدا و فيها بيوت متوسطة و العكس هتحدد ازاى يعنى