ازاى ارجع مصر

[الباحث عن الرزق]

السلام عليكم

ارجو من اهل الخبره انهم يوفيدونى ولا يبخلو عنى بالنصيحه

ان جيت من اربع شهور وكفيلى ولا شغلنى ولا طلعلى اقامه وانا لما لقيته مش عايز يشغلنى رحت اشتغلت بره بس انا محبوس وممعاييش اى ورقه تسبت انا مين والتاشيره انتهت حتى الجواز مش معاى وانا قررت انى اروح السفاره يوم السبت انا سوالى

ممكن يقدرو يرجعونى مصر ؟؟؟؟؟؟؟؟؟؟؟؟؟؟؟؟؟؟؟

وممكن اخد وقت قد ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ولو مش حيقدرو اعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا اتخنقت والله ومش عارف اعمل ايه دا حتى شكلى ن الحاله النفسيه والحبسه الى انا فيها بيقت مش طايقه وبدل الاناقه الى كانت فيها اتحولت لانسان بيتريقوا عليه عشان حتى مش مهتم بنفسى ونفسى ارجع مصر وارجع زى ما كانت انا والله بالشكل ده بخسر نفسى والحياه فى مصر نعمه من ربنا

انصحونى بالله عليكم

[سكر]

اعتقد ان اكثر مدة لهذا الوضع قانونيا فى السعودية هو 6 شهور

بعدها يجب التالى

1- يطلع لك اقامة

2- تحول الكفاله

3-تترحل الى مصر

بس هسال واتاكد وارد عليك

وروح السفارة وتكلم بجد وثقة انت لا حرامى ولا عملت حاجة غلط

وربنا يفك كربك

[الباحث عن الرزق]

يا جماعه ليه مفيش مشاركات

ارجو الافاده وان تشاركونى الحوار

[عبير يونس]

كان بودي أفيد حضرتك

بس فعلا معنديش فكرة

و أحسن حاجة فعلا أنك تروح السفارة و تشوف وضعك

بالتوفيق إن شاء الله

و ربنا يفرج همك و يفك كربك

[se_ Elsyed]

اعلم تماماً أنه ليس وقت التآنيب

لكن ... أنا أفتكرتك

وأفتكرت إننا نصحناك جميعاً من 6 شهور تقريباَ إنك ما تسافرش بالوضع ده عشان ما تتبهدلش ...

وأدي النتيجة

ولنا عودة لموضوعك

[الباحث عن الرزق]

اخى العزيز والاكبر سى السيد

والاخ خالد شحاته

انتم نصحتونى بس انا لقيت شغل بعيد عن الكفيل وبدل الشغل اتنين اخصائى موارد بشريه فى الصباح وباليل مساعد حسابات فى مكان تانى بس انا دلوقتى عمل الصباح مش عايز اقامه لا دا عايز نقل كفاله وانتم فعلا نصحتونى وانا معترف بكدا بس انا زى الهربان لا انا هربان فعلا لانى مش عارف لو حد سالانى عن اقامتى اقول ايه او انت مين اصلا

مش حعرف ارد لان مش معاى اى ورقه تسبت انا مين

فانا قلت الحل الوحيد انى ارجع مصر

عشان كدا اتمنى النصيحه ازاى واعمل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[raedraed]

ياباشا ماهو الناس قالتلك وانت اللي قولت انك مش عايز تعمل مشاكل

لو اشتكيت لمكتب العمل هاتنقل كفالة وترتاح ، وكفيلك هايتحمل تكاليف اقامتك زائد غرامية التأخير

[se_ Elsyed]

انصحك بالتوجه فوراً للقنصلية المصرية وتحكي للمستشار العمالي على حكايتك ... ولو في الرياض بلغني وأنا اساعدك بإذن الله

[الباحث عن الرزق]

لا انا فى مكه وحروح جده

بس سى السيد ايه الاحتمالات عشان انا ابقى عارف ورتب نفسى

هل حيرجعونى مصر ؟؟؟؟؟؟؟؟؟؟؟؟؟؟؟؟؟؟ظ بسهوله

ولا ححول كفاله ؟؟؟؟؟؟؟؟؟؟؟؟؟؟؟؟؟؟؟؟؟؟؟

وكمان فى واحد فى الاماره فى مكتب الامير خالد الى ما تروح مكتب العمل على طول تعالى الاماره واحنا الى حنحولك لمكتب العمل عشان التلاعب

انا كانت مرتب نفسى انى اروح القنصليه يوم السبت لكن مستنى ردودكم والباخص من لديه خبره

[الباحث عن الرزق]

بس انا كمان عايز اقلكم انى مش ماضى عقد معاهم ولا هنا ولا فى مصر ولا موقع على اى ورقه معاهم

[محمد افندى]

الاخ الفاضل الباحث عن الرزق

عشان تروح مصر امامك طريقين الاول انك تروح ومعاك جواز السفر بتاعك وبالتالى لازم ترجع لكفيلك وتشوف هل هو بلغ عنك هروب ولا لأ عشان لو بلغ هروب لازم الاول يفك الهروب ب 2000 ريال والطريق الثانى انك تروح للسفارة السفارة مش هتعمل حاجة الحاجة الوحيدة اللى هى تقدر تعملها لك انك تقول انك كنت عمرة وجوازك ضاع ويعملولك وثيقة من السفارة وتروح مصر بدون الرجوع لكفيلك بس فى الحالة دى مش هتعرف ترجع السعودية الا بعد 5 سنوات لو كنت بصمت وانت داخل

لكن لو ناوى تروح تشتكى كفيلك انه مطلعش لك اقامة وموفرش لك شغل فى الفترة اللى فاتت اطلع على الامارة الاول

دة اقتراحى وبردة شوف اراء الزملاء الاكثر خبرة

وشكرا

[doha]

تفضل ده رقم القنصلية في جدة كلمهم وخذ منهم رقم المكتب العمالي واستشيرهم الاول قبل ماتروح هل الاسلم تروح الامارة ولا مكتب العمل ولا تروح لهم هم الاول .. يعني اعتقد لو اتصلت احسن ماتغرم المشوار من مكه لجده لمجرد الاستفسار ..

القنصلية بجدة : 6605205

المكتب التجاري فى جده : 6680852

وان شاء الله يفيدوك بالي يصلح حالك .. ربنا معاك

[الباحث عن الرزق]

لا هو ما بلغ عنى هروب

بس هو القانون السعودى فى مثل هذه الحالات بيكون ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نقل كفاله ولا الرجوع لمصر ولا ايه وانا حتى لو سلمت نفسى زى ما قلت مانا باصم لما اخرج حبصم تانى وبتالى حيظهر انى داخل فيزه مش عمره

والا لو بالساهل كده كان كل واحد موت كفيله وراح السفاره وقال انى عمره وسافر

[محمد افندى]

سورى مخدتش بالى انك باصم وانت داخل يبقى حلك الوحيد زى ما قالت الاخت ضحى تتصل بالقنصلية اولا وتشوف الاصلح اية تروح مكتب العمل ولا الامارة ولا اية بالظبط

وربنا يقدر لك الخير يا رب

[خالد شحاته]

الاخ الفاضل

اتلسلام عليكم ورحمة الله وبركاته

لو عايز ترجع مصر عادي جداااا بس اهم شي يكون معك بطاقتك الشخصيه وخلال كم يوم تكون في مصر بس طبعا ده طبعا مش هتعرف ترجع السعوديه مره اخري

[doha]

طمنا عليك .. عملت ايه ؟

[الباحث عن الرزق]

السلام عليكم

التطورات سريعه جدا

اولا انى بقيت فى الشارع لان الشغل ابتاعى اعتبلانى عمره وانا معنديش اى ورقه تسبت انا دخلت البلد ازاى يعنى يا جماعه بقيت بلا دخل او عمل

كفيلى قال تاجى تشتغل عندى شوفتو الناس الى معنديهاش ضمير

طيب اشتغل ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

قالى تشتغل اى حاجه طيب فين ؟؟؟؟؟؟؟؟؟؟؟؟؟؟؟؟؟؟؟؟ فى المطبخ

اعمل ايه فى المطبخ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

طيب المرتب ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

1200 ريال فقط لا غير

كده مفيش حل غير المشاكل صح ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

انا حالتى بصراحه الموت افضل

وقلت اصبر ما اعمل مشاكل بس الظاهر انو الحل الوحيد مع الناس الى ما تعرف ربنا والله الناس دى عايزه تزل خلق ربنا وبس

يبقى فى كل الحالات مصر افضل بكتير

وعلقوا يا جماعه على الى بيحصلى

[الباحث عن الرزق]

السلام عليكم

انا تركت الموضوع فتره بس لانى طبعا فى حاله ولا الحمد لله على كل شئ

اخر حاجه حصلت انهارده ادخل واحد علشان يحل الموضوع وهو من الناس المعروفه فى مكه وليه افعال خير معاهم كتير

وهو قالى انت متروحش انا اجيبلك نقل كفاله وبكل ثقه الراجل على اساس وضعه يعنى هههههههههههههه

تعرفوا قالولو ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يجى يشتغل كاتب حسابات ده الى هو انا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

ياما يحجز تذكرت سفر وياخد نهائى

هما فكرين انا احنا رخاص كده بعد خمس شهور هى دى الحلول

والمرتب كان من اسبوع 1200 دلوقتى بقى 1000 ريال ههههههههههههههههههه

وممكن بكره يبقى 350 ريال هههههههههههههههههههههههه

فقدمت شكوى للاماره ودلوقتى حيحولونى لمكتب العمل

وسواء اخدت نهائى او اخدت مستحقات خمس شهور او حولت كفاله انا راضى بالى حيعملو ربنا

ممكن تقولولى ايه رايكم ؟؟؟؟؟؟؟؟؟؟؟؟؟؟؟؟ظظظ

[doha]

انابصراحه مش فاهمه القصة في تفاصيل ناقصة كتير بس الي اقدر اقوله لك ربنا معاك وان شاء الله هيفرجها عليك بس اصبر ..

[الباحث عن الرزق]

مدام ضحى

شكرا جدا على اهتمامك

بس بجد مفيش تفاصيل اكتر من كده

انا اتاكدت انها دى طبيعه الشعب السعودى دا غير ان حضرتك مستغربه من الى بيحصل بس لان انا الضعيف وهما الاقوى والاقوى من دا كله ربنا