ازاى ارجع مصر

[doha]

اخي الباحث عن الرزق .. قصدي من كلمه مفيش تفاصيل اني فعلا مش عارفه انتم اتفقتم على ايه من البدايه يعني اظنك جاي من الاول على فيزا حرة ودافع فيها فلوس ومع ذلك حضرتك مصر انك جاي على شغل ومدفعتش ولا مليم عشان كده بقولك في تفاصيل مش واضحه لان الي بتقوله غير التصور الي تكون عندي من الي بتشتكي منه.. يعني منين الراجل جايبك لوجه الله بعدين يطلع ندل معاك كده بدون سبب .. اكيد في حلقة مفقوده ..

على كل حال انا مش بطلب منك تقول اي تفاصيل بالعكس .. خاصه وانا فعلا معنديش حل للاسف وكنت اتمنى اكون عارفه طريقة افيدك بيها او حد من الزملاء هنا يساعدك ولو بنصيحه عشان كده كل الي اقدر اعمله اني ادعي لك ربنا يفرجها عليك قريب.. اصبر هو ابتلاء وخلاص والحمد لله انه جاي على قد كده ..

بس في نصيحه سبق وقلت لك عليها قبل كده مش عارفه ان كنت فاكرها ولا لاه وهي انك تدفع للكفيل ده مبلغ من المال مقابل انه يسيبك تشتغل عند اي حد تاني ويسهل لك الاوراق اللازمه .. يعني دلوقت انت لو جاي فيزا حرة هتدفع مبلغ وقدره ومكنتش هتبقى متضايق كمان فايه المانع انك تدفع المبلغ ده لكفيلك دلوقت مقابل تركك تعمل .. مش شرط تدفعه مقدم طبعا لكن اتفق معاه انه يتركك تشتغل برا وتدفع له حين ميسرة او ممكن تشتغل عنده فعلا كاتب حسابات بس بشرط يكتب معاك عقد بل بمبلغ مناسب وتتفق معاه انك مش هتقبض فعليا غير هم الالف ريال الي قالك عليهم والفرق هيتخصم من ثمن الفيزا .. يعني كانك بتشتريها منه من اول وجديد بس مش هتدفع كاش هتدفع شغل..

يعني حاول انك تظبط امورك معاه ومعليش لو هو جاء عليك شويه واخذ من تعبك فالى حد ما يعتبر ده حقه لان في ناس عايشه على كده فعلا انها تبيع فيز بس هو غلطته انه مجاش صريح معاك من البداية وقالك انه عاوز فلوس ..

ربنا يفرجها عليك ويحلها لك من اوسع الابواب ..

[الباحث عن الرزق]

مدام ضحى

انا الى جيبنى ابن الكفيل وده صديق عزيز علينا جدا وصديق لاخوى اكتر وهو كان متفق معاى ان مرتبى 2000 وكمان لو جيت وما لقيش الوضع مش كويس ليك الخريه

انك تشتغل بره وده كان الاتفاق غير العربيه وكده لكن فجأه ان ابوه فاق من الغيبوبه الى هو فيها لانو راجل مريض

وكمان فى حاجه انى انا قبل ماجى جبتلهم عامل وده عن طريقى انا ومطلع عنهم عايز مرتب اكتر عايز نقل كفاله عايز اشتغل 6 ساعات بس وكده

وده طبعا كله جه مع ظروفى قدام ابوهم فبتالى انا بدفع التمن وكمان ابنو الى هو ماسك كل حاجه مش مقصر فى حاجه معاى بس بيقلى عصب عنى ابوى

يعنى موضوعى اتلخبط مع ظهور ابوهم دى ممكن الحاجه الى كانت نسيت ما اقلها

لكن بالنسبه للفيزا انا فعلا مدفعتش فيها ولا مليم

[عبير يونس]

أنا مع الأخت ضحى في رأيها

مشي أمورك معاهم

العند معاهم مبيوصلش لنتيجة

ده لو حضرتك مصّر على الاقامة في مكة

يبقى تتحمل تمن مكة

لأن مكة لها تمن كبير جدا

لكن لو يهمك العمل و تكوين نفسك يبقى احجز تذكرة واخلص و ارجع مصر

و دور من جديد على مكان تاني في فلوس بجد

لأن مكة حرم وبس

و في ناس بتيجي مخصوص عشان كده وبس و مش محتاجين فلوس وعندهم اللي مكفيهم بس هدفهم يجاوروا الحرم

بس من جهة الفلوس الشغل في مكة محدود و مفيهوش فرص للترقي

و أكبر نسبة للسعودة هنا

حتى السعوديين في مكة ظروفهم تعبانة كتير عن أقرانهم في باقي مدن المملكة

اللي فوق هنا بتوع المقاولات والعقارات و بتوع شغل الحج و دمتم

و الباقي بيكافحوا

خد قرار

يا مكة مهما حصل و تتحمل وتلايم أمورك

يا مكان تاني تعرف تبحث فيه عن الرزق

سبحان الله و كله في الأول وفي الآخر رزق

استخير يا أخي الفاضل

طبعا دي وجهة نظري الشخصية

بصفتي بقالي 8 سنوات في مكة

ربنا يكتب لحضرتك الخير

تحياتي

[الباحث عن الرزق]

والله ان فعلا قررت انى اروح واشتغل بالف ريال بس علشان الاقامه لان فى ممكن دلوقتى يقولوا اننا مشفنهوش اصلا وكمان لحد الحج

بس يا جماعه البلد دى مفيهاش قانون ولا ايه

انا ليا خمس شهور مفيش مرتب

مفيش اقامه

مفيش عقد بينى وبنهم

يعنى ممكن ابقى من غير اقامه لامتى ومن غير مرتب لامتى

يعنى المفروض يبقى فيه قانون

ممكن حد يقلى مين يحدد المرتب من غير عقد دلوقتى

وهل فعلا لو العمل ما اخذ مرتب ثلاث شهور من حقه ينقل كفاله ؟؟؟؟؟؟؟؟؟؟؟؟؟

وهل التلات شهور دى بتتحسب من تاريخ الدخول ولا من تاريخ الاقامه ولا من تاريخ عقد العمل الى هو مش موجود اصلا ولا

انا حستلم شغل ممكن ااقول انى استلامت الشغل من تاريخ دخولى ولا ايه

يعنى هل القانون صح فى نقطه التلات شهور ولا لا ؟؟؟؟؟؟؟؟؟؟؟؟؟