قرينة الرئيس تفتتح غدا مؤتمر وزراء التعليم

[ggamal]

--------------------------------------------------------------------------------

قرينة الرئيس تفتتح غدا مؤتمر وزراء

التعليم بالدول التسع الأكثر تعدادا في العالم

افتتاح مركزي الطفولة المبكرة وسوزان مبارك الاستكشافي وإعلان القاهرة يصدر بعد غد

طابع بريد تذكاري يحمل صورة السيدة

سوزان مبارك صدر بمناسبة مؤتمر اجتماع

المتابعة للتربية والتعليم للجميع

[مصرى]

وماله ..

برضه التربية مطلوبة .. !!

:)

[هشام عبد الوهاب]

حلو الطابع قوى :)

[الطنطاوى]

يا ترى أخرة المؤتمرات دى أيه

التعليم فى بلدنا أصبح عبئ على الجميع

لا هو تعليم بينفع اللى بيتعلمه

ولا هو تعليم بيرحم الأهل اللى بيدفعوا دم قلبهم حتى يتخرج أبنائهم أنصاف أو أشباه متعلمين

و بدلا من أستثمار الموارد البشرية الهائلة التى نملكها حولنا mfb: :angry: ها بقدرة قادر إلى أعباء

أصبحنا ندرس الغباء فى مدارسنا و نرفض الذكاء والأبتكار

أصبحنا نحجر على أفكار أبنائنا و نخاف أن نتركهم يفكرون فيعرفوا أن ما يحدث حولهم ملئ بالأخطاء

المهم نفتح المؤتمرات ونسقف ونفضل نسقف لغاية ما الأمريكان يبقوا يعلمونا :angry:

العرب اللى علموا العالم أصبحوا مجرد مسخه فى أيدى من تعلموا منهم

و عجبى

[الأفوكاتو]

التعليم فى مصر أصبح غسيل مخ, و ياليته غسيل نظيف.

و لكن السؤال المهم: اليس فى مصر وزير للتعليم يهتم بمثل هذه المؤتمرات؟ أم أن العائلة المباركة أصبحت :

بتــــــــــــــــــــــــــــــــــــــــــــــــــــاع كلـــــــــــــــــــــــــــــــــــــــــــــــــــه

[DARWEEN]

أنا شخصيا أول مرة أرى طابع رسمي لدوله يحمل صورة حرم رئيس الجمهوريه لمجرد كونها حرم رئيس الجمهوريه ...

يعني بصراحة لا أعتقد أن حضور سيادتها لمؤتمر ستلقي فيه بكلمتين ( مكتوبين لها مسبقا ) هو أنجاز تستحق عليه أصدار طابع بريدي يحمل صورتها

وحسب علمي أيضا أن طابع البريد في أي دولة (محترمه) لايحمل سوى صور رموز هذه الدوله وأصحاب الأعمال الخالده في تاريخ الدوله .. يعني تخيلوا معي السناريو التالي

لو طالب أرسل خطاب لطالب زميله في دولة محترمه عليه هذا الطابع ..

يقوم الطالب التاني يسأله ودي صورة مين اللي على الطابع

يرد الطالب المصري دي صورة ماما سوزان . حرم رئيس الدوله

الطالب التاني ... طيب هي عملت أيه تحطوا صورتها على الطوابع ؟؟

الطالب المصري يرد يقول أيه ؟؟؟؟؟ eey::

وحسب علمي كذلك أن شئون التعليم في مصر يتولاها كما أسلف العزيز الأفوكاتو أثنين من الأساتذة الدكاترة الكبار أحدهم وزير للتعليم وآخر للتعليم العالي والبحث العلمي

وحسب علمي ... أن اللي بيحصل في بلدنا حيجنني

[مصرى]

القاسم المشترك فى كل ما يجرى من شئون رسمية أنها "عيلت"

:rolleyes:

[biso80]

تعليم ايه اللي في مصر بلا فضايح bt:)

اخر حاجة عرفتها ان سن القبول للأطفال في اولى ابتدائي 8 سنوات bt:)

ذهلت و صعقت من الخبر

بحسبة بسيطة العيل يخلص الأبتدائية و عنده 14 سنة و الأعدادية 17 سنة و لو ربنا كرمه و هيخش الجامعة هيكون عنده 20 سنة

طيب لما العيل من دولت يتخرج و عمره 24 سنة هيلحق يشتغل امتى و لا يتجوز امتى؟

ده غير انه هيكون عالة على اسرته اللي مش لاقية تاكل لغاية لما يتخرج

ده لو عرف يشتغل على طول

الأهالي يصرخون "الصبر من عندك يا رب"

[DARWEEN]

يابيسو دا أنت بتتكلم على الطفل النابغه اللي بينجح كل سنه

أمال لو ريح سنتين تلاته في السكه يبقى حيخلص تعليم يطلع معاش

bt:) bt:) :P :P :P

[ابو حلاوه]

القاسم المشترك فى كل ما يجرى من شئون رسمية أنها "عيلت"

bt:)

bt:) ملعوبه

[biso80]

و الله يا اخ داروين

الشباب النهاردة بيطلعوا معاش مبكر و عندهم 20 سنة

الواد من دولت يخلص الجامعة من هنا و يتنقل على القرافة على طول