مش عايزين من الحكومه حاجه

[midotheboss]

بسم الله الرحمن الرحيم

أنا هخش في الموضوع على طول

طول عمري وأنا بسمع أنتقادات كل الناس للحكومه أهلي وأقرايبي وصحابي والمدونات والجرايد المعارضة بس هل حقا الحكومه هي السبب في حال مصر المحزن دلوقتي

لما سافرت بره مصر لقيت حاجات غريبه أول مره أشوفها

لقيت الشوارع منظمه والعربيات ماشيه بنظام جدا , لقيت كل حاجه منظمه , الأتوبيس الناس بتطلع من أدام وبتنزل من الباب أل وره , لقيت الأتوبيس بينزل الناس على الرصيف مش في نص الشارع , محدش بيزعق في الطوابير مهما كانت ممله , حتى السلم الكهربائي عملين نظام ليه أل عايز يوقف على اليمين ويسيب فراغ على الشمال للعيز يجري علشان مستعجل . في أماكن مرور للمشاة بيحترمها كل العربيات مهما كان مسرع بيقف ليك أو في أشارات للمشاة

دي أول مشكله النظام .دي مشكلة مين هل الحكومه هيه أل هتخلي الناس تلتزم بالمرور وتمشي بنظام بدل السيرك أل في الشارع يعني مثلا في هل في أي سواق بياخد باله

من الخطوط البيضا أل بتحدد اطريق للعربيه في الشارع lane يعني بره الناس بتمشي في lane وبتتلتزم بيه أحنا في مصرللأسف ولا كأن الخط موجود أنا نفسي مكنتش ألاحظه ألا لما سافرت بره وشفت الناس بتحترمه. وبعدين المكروباص في الزحمه وقت الخروج من الكليه مثلا بيبقا الطلوع بالضرب هل دي مشكلة الحكومه يعني بيبقا عذاب ومفيش فرق بقا بنات ولاد كبار صغيرين كله بيزق ويطلع يعني العذاب اليومي ده مشكلة الحكومه ولا مننا أحنا لو نتخيل أن الموضوع بقا منظم والناس تقف طابور أل جاي الأول يركب الأول والمكروباص ينزل الناس على الرصيف أوأقرب حته منه مش في نص الشارع ويبقا كل مصري يحترم أدمية أخوه المصري .

لما نمشي في الشارع بالعربيات بنظام ورا بعض مش يبقا الموضوع كل أل يلاقي خرم أبره يخش فيه ويزنق على الناس التانيه . لما مكان مرور المشاة مفيش عربيه تقف عليه وتسيبه للمشاه على فكره مكان عبور المشاه هو الخطوط البيضا أل على الأرض ودي برضه معرفتهاش ألا من بره للأسف .

لما نبطل تزمير في الشارع على الفاضي والملليان . بجد تخيلوا معايا لو الموصلات بتتركب بسهوله منغير حرقة دم والعربيات بتمشي بنظام مش السيرك ده لو بننزل من الموصلات بكرامه مش في نص الشارع أنا عايز حد يقولي أنه شاف سواق أتوبيس بينزل الناس على الرصيف .

شارع البحر مثلا في أسكندريه مفيش حد بيلتزم بالسرعه القصوى أل هيه 60 كله بيطير أسرع منها وفي مقابل ذلك كل يوم حوادث ووفيات من شارع البحر يعني الحكومه هتمسك واحد واحد تقوله هدي السرعه السرعه القصوى دي مش حاططها عربجي ده حاططها ناس بتفهم علشان سلامتك أنت وأهلك وأقرايبك وحبايبك

يعني المواصلات بتاخد وقت طويل من حياتنا أذا كنا مستريحين فيها بجد هتخلينا أسعد ومستريحين ودي حاجه في أيدينا مش في أيد الحكومه

يا ريت نبطل ننتقد الحكومه ونركز في أخطائنا ونصلحها وأن شاء الله هكتب عن حاجات تانيه في أيدينا نقدر نخلي بيها حياتنا سعيده ومريحه منغير مانحتاج من الحكومه وتذلنا وأن شاء الله أذا أحنا أتغيرنا الحكومه لوحدها هتتغير

[أحمد سيف]

والله أنا رأيي زي رأيك بالضبط المشكلة في مصر هي في سلوكيات الناس ... لكن هرجع وأقول إن تعديل السلوكيات ده له طريقين: التعليم وتطبيق مبدأ الثواب والعقاب ... والاثنين جزء كبير منهم في أيد الحكومة ... الحكومة بس لو توجه جزء من الموارد المخصصة للدفاع عن نظام الحكم (مثال: الأمن المركزي) لدعم التعليم والشرطة والقضاء هيبقى حالنا أفضل بكل تأكيد.

[سكر]

لما سافرت بره مصر لقيت حاجات غريبه أول مره أشوفها

الى يعيش ياما يشوف

بس مشفتش ان النظام ماشى على الكبير والصغير

ومفيش حاجه اسمها انت متعرفش ان ابقى ابن مين فى مصر

قوه النظام فى التطبيق و عداله التطبيق

عشان كدة و انت

خارج البلد هتكون جزء من النظام

لكن داخل البلد هتكون خارج النظام

[حسام يوسف]

دي اشكالية( الضحية-الجانى)

[midotheboss]

والله أنا رأيي زي رأيك بالضبط المشكلة في مصر هي في سلوكيات الناس ... لكن هرجع وأقول إن تعديل السلوكيات ده له طريقين: التعليم وتطبيق مبدأ الثواب والعقاب ... والاثنين جزء كبير منهم في أيد الحكومة ... الحكومة بس لو توجه جزء من الموارد المخصصة للدفاع عن نظام الحكم (مثال: الأمن المركزي) لدعم التعليم والشرطة والقضاء هيبقى حالنا أفضل بكل تأكيد.

في رأي حضرتك ممكن نعلم الناس أزاي علشان ده هيعود علينا كلنا بالخير

[midotheboss]

لما سافرت بره مصر لقيت حاجات غريبه أول مره أشوفها

الى يعيش ياما يشوف

بس مشفتش ان النظام ماشى على الكبير والصغير

ومفيش حاجه اسمها انت متعرفش ان ابقى ابن مين فى مصر

قوه النظام فى التطبيق و عداله التطبيق

عشان كدة و انت

خارج البلد هتكون جزء من النظام

لكن داخل البلد هتكون خارج النظام

طيب وهل لازم القانون يطبق علشان نتبعه يعني لازم الحكومه تحط عسكري على كل سواق لأ مش كل المشكله تطبيق القانون يعني مثلا في الأسلام العقوبة أتحطت في الأخر خالص على أساس أن الطبيعي أن الناس تلتزم بالقانون بس بقا أل يعند لازم يتعاقب يعني أذا أحنا الناس العادي أل مش ولاد فلان ولا علان طبقنا النظام وسيبنا ولاد فلان وعلان هما بس أل يشذوا عن النظام هنعيش أحسن كتير أن شاء الله وشكرا جزيلا على تعليقك وأهتمامك بالموضوع

[midotheboss]

دي اشكالية( الضحية-الجانى)

طيب نعمل أيه

[سكر]

تسن القوانين من اجل الردع اولا ثم التطبيق فى

حاله ال يعند

زى ما انت قلت

أحنا الناس العادي أل مش ولاد فلان ولا علان طبقنا النظام وسيبنا ولاد فلان وعلان هما بس أل يشذوا عن النظام هنعيش أحسن كتير أن شاء الله وشكرا جزيلا على تعليقك وأهتمامك بالموضوع

بفرض قبولى لهذه الفكرة الغريبه

ولكن بناء على اية هيتم تصنيف البشر الى عادى وغير عادى

وهل يمكن ان يتحول العادى الى غير عادى والعكس

اعتقد انك تقصد ان كل واحد يبدا بنفسه يطبق القانون ويترك الاخر ولا يقارن نفسه به

تلك الفكرة صعبه جدا لان العشوائيه وباء ينتقل الى البشر بدون وعى او ادراك

قد تشعر بالرضا عن نفسك فى حاله عدم ضرر الاخرين بك

ولكن

هتحس بالظلم عندما ياخذ حقك وتتحول الى انسان غير عادى

[midotheboss]

تسن القوانين من اجل الردع اولا ثم التطبيق فى

حاله ال يعند

زى ما انت قلت

أحنا الناس العادي أل مش ولاد فلان ولا علان طبقنا النظام وسيبنا ولاد فلان وعلان هما بس أل يشذوا عن النظام هنعيش أحسن كتير أن شاء الله وشكرا جزيلا على تعليقك وأهتمامك بالموضوع

بفرض قبولى لهذه الفكرة الغريبه

ولكن بناء على اية هيتم تصنيف البشر الى عادى وغير عادى

وهل يمكن ان يتحول العادى الى غير عادى والعكس

اعتقد انك تقصد ان كل واحد يبدا بنفسه يطبق القانون ويترك الاخر ولا يقارن نفسه به

تلك الفكرة صعبه جدا لان العشوائيه وباء ينتقل الى البشر بدون وعى او ادراك

قد تشعر بالرضا عن نفسك فى حاله عدم ضرر الاخرين بك

ولكن

هتحس بالظلم عندما ياخذ حقك وتتحول الى انسان غير عادى

أنا مش فاهم يعني أيه " العشوائيه وباء ينتقل الى البشر بدون وعى او ادراك "

هو أنا قلت حاجه صعبه هو أحترام القانون حاجه صعبه هو أحترام أدميه أخوك المصري أل ممكن يكون أخوك ولا عمك ولا جدك ولا حبيبتك حاجه صعبه يعني هي دي حاجه شاذه في دول كتير جدا عملت الحكايه دي ومحدش قال هناك عشوائيه وباء ولا حد قال عادي وغير عادي كلو عايش بالطريقه دي منغير ما يسأل نفسه الأسئله دي لأن ده الصح وده الطبيعي الطبيعي أل ربنا خلقه النظام الكون كله منظم الحيوانات منظمه (قطعان الماشيه لما تتحرك الكبار الأقويه يحوطه الصغار الضعاف )الحشرات منظمه (النحل مثلا ) نيجي أحنا ونقول لأ دي حاجه صعبه يعني مش صعب البهدله بتاعت المواصلات وحرقة الدم في السواقه والناس أل بتموت في الشوارع أنا مش عايز أقول على تجارب شخصيه لأن كل واحد عاش في مصر عارف أنا بتكلم عن أيه بس أنا عايز أتكلم عن فعل عن تغيير هنبقا كده لحد أمتى نعد نعيب وننقد وفي أيدينا جزء من الحل معملنهوش لما نعمل أل علينا نبقا نطلب من الحكومه بكل بجاحه أنما مهما عملت الحكومه مش هنتغير يعني مثلا شارح البحر في أسكندريه مليون حاره وبرضه بيتزحم وبيكون مؤرف في المشي

وشكرا موعود على ردك

[سكر]

أنا مش فاهم يعني أيه " العشوائيه وباء ينتقل الى البشر بدون وعى او ادراك "

يعنى حضرتك لما تنزل الصبح من البيت عشان تركب الميكروباص

ومن بليل بتقول انا هقف فى الطابور واستنى دورى فى اركوب

وتصحى الصبح وتلاقى فى زحمه جامدة

قدامك حل من اتنين

اما تتماسك بالاخلاق والنظام وتستنى لحد ما يجى دورك (هيكون معاد الشغل راح ويمكن العودة قربت )

او تنحى الاخلاق قليلا وتتعامل مع هذا الوباء وبمرو الوقت تشعر ان ذلك هو القاعدة

والوقوف فى الدور هو الاستثناء

وبالتالى اصبت بداء العشوائيه بدون ان تشعر

لاحظ ان مثال الميكروباص ليس فى ضرر شديد ولكن فى موقف ممكن يكون ضرر عليك ممكن تجبر على تنحى الاخلاق

مثال على ذلك

ترخيص سيارتى فضل فى المرور 3 اشهر بدون رخصة بسبب تعنت الموظف وطلبه رشوة عينى عينك

ولما رفضت مطوحنى 3 شهور لدرجة ان اعصابى تعبت

قالولى خد واسطه بعد الحاح بالرغم لكرهى الشديد لها

ولكن اتفجئت ان الرخصة طلعت وانا بشرب الشاى مع الظابط

(قطعان الماشيه لما تتحرك الكبار الأقويه يحوطه الصغار الضعاف )

اديك قلت يحوطه عليهم مش يستغلوهم وياكلوهم

[midotheboss]

أنا مش فاهم يعني أيه " العشوائيه وباء ينتقل الى البشر بدون وعى او ادراك "

يعنى حضرتك لما تنزل الصبح من البيت عشان تركب الميكروباص

ومن بليل بتقول انا هقف فى الطابور واستنى دورى فى اركوب

وتصحى الصبح وتلاقى فى زحمه جامدة

قدامك حل من اتنين

اما تتماسك بالاخلاق والنظام وتستنى لحد ما يجى دورك (هيكون معاد الشغل راح ويمكن العودة قربت )

او تنحى الاخلاق قليلا وتتعامل مع هذا الوباء وبمرو الوقت تشعر ان ذلك هو القاعدة

والوقوف فى الدور هو الاستثناء

وبالتالى اصبت بداء العشوائيه بدون ان تشعر

لاحظ ان مثال الميكروباص ليس فى ضرر شديد ولكن فى موقف ممكن يكون ضرر عليك ممكن تجبر على تنحى الاخلاق

مثال على ذلك

ترخيص سيارتى فضل فى المرور 3 اشهر بدون رخصة بسبب تعنت الموظف وطلبه رشوة عينى عينك

ولما رفضت مطوحنى 3 شهور لدرجة ان اعصابى تعبت

قالولى خد واسطه بعد الحاح بالرغم لكرهى الشديد لها

ولكن اتفجئت ان الرخصة طلعت وانا بشرب الشاى مع الظابط

(قطعان الماشيه لما تتحرك الكبار الأقويه يحوطه الصغار الضعاف )

اديك قلت يحوطه عليهم مش يستغلوهم وياكلوهم

معلش أني علشان نزلت من البيت متأخر أقوم أزق الناس علشان أطلع وأكسر النظام طيب ما أنت كده خت مكان واحد جاي أقبلك ونام أقل منك ولا أنت هترضى تبقا مكانه اليوم أل بعده ولا مش هترضى

وبعدين الموضوع التاني (الراشي والمرتشي في النار)

وده موضوع تاني لسه متكلمتش فيه أنا بتكلم عن النظام في الشارع في المواصلات

وشكرا ليك تاني

[miramikhail]

أبدأ بنفسك فى كل حاجة أنا موافقة جدا على المبدأ ده وبنسبة 85% بطبقة .

يعنى لو الواحد معاه علبة حاجة صاقعة فاضية و عايزة أرمية أو ورقة بخليها معايا أو أحطها فى كيس و أخليها فى العربية لحد ما روح غالبا عشان أرميها ما بقولش مافيش صندوق زبالة دية غلطتهم و أرمى فى الشارع.

طبعا أنا مش بسوق و خدت قرار أنى مش ممكن حعرف أسوق أبدا مش عشان الزحمة لكن عشان قلة الأدب اللى بشوفها رغم أن جوزى اللى سايق وهو سواقته هادية لا بيجرى ولا بيكسر على حد.

لو كل واحد أبتدى بنفسة و أهل بيته ممكن كانت الأمور تبقى أحسن كتير و كمان الناس الملتزمة ما تسكتش على أى حاجة غلط يعنى الناس لم تشوف حاجة مش عجباها تتكلم مش تقول طب و أنا مالى هو أنا اللى حصلح الكون .

أيوة كل واحد ممكن يصلح ولو شخص واحد يأثر فية -بالأيجاب طبعا كانت الأمور فرقت كتير لأن أحنا كل القيم من صدق و أمانة و أهتمام بالجمال و مراعاة الأخرين فى النازل و ربنا يستر علينا لو فضلنا على كده.

[midotheboss]

أبدأ بنفسك فى كل حاجة أنا موافقة جدا على المبدأ ده وبنسبة 85% بطبقة .

يعنى لو الواحد معاه علبة حاجة صاقعة فاضية و عايزة أرمية أو ورقة بخليها معايا أو أحطها فى كيس و أخليها فى العربية لحد ما روح غالبا عشان أرميها ما بقولش مافيش صندوق زبالة دية غلطتهم و أرمى فى الشارع.

طبعا أنا مش بسوق و خدت قرار أنى مش ممكن حعرف أسوق أبدا مش عشان الزحمة لكن عشان قلة الأدب اللى بشوفها رغم أن جوزى اللى سايق وهو سواقته هادية لا بيجرى ولا بيكسر على حد.

لو كل واحد أبتدى بنفسة و أهل بيته ممكن كانت الأمور تبقى أحسن كتير و كمان الناس الملتزمة ما تسكتش على أى حاجة غلط يعنى الناس لم تشوف حاجة مش عجباها تتكلم مش تقول طب و أنا مالى هو أنا اللى حصلح الكون .

أيوة كل واحد ممكن يصلح ولو شخص واحد يأثر فية -بالأيجاب طبعا كانت الأمور فرقت كتير لأن أحنا كل القيم من صدق و أمانة و أهتمام بالجمال و مراعاة الأخرين فى النازل و ربنا يستر علينا لو فضلنا على كده.

أنا والله فرحت لما قريت كلامك بجد مصر فيها خير وربنا بيقول( كُنتُمْ خَيْرَ أُمَّةٍ أُخْرِجَتْ لِلنَّاسِ تَأْمُرُونَ بِالْمَعْرُوفِ وَتَنْهَوْنَ عَنِ الْمُنكَرِ وَتُؤْمِنُونَ بِاللّهِ)

يعني علشان نبقا خير أمة لازم نأمر بالمعروف وننهى عن المنكر مش نقول وأنا مالي وأنا أل هغير الكون وحضرتك حسيتي بال أنا قصدي عليه في الشارع وده في أيد مين قلة الأدب دي من نا أحنا ولا من الحكومه لأ كفايه بقا مش كل حاجه الحكومهالحكومه أحنا بنعمل حاجات غلط كتير وسبب تخلف دولتنا مش الحكومه بس أحنا مشاركين في ده بنسبه كبيره جدا يعني موضوع تاني مثلا الأميه في مصر هل دي مشكلة الحكومه يعني أن الواحد يتعلم القرايه والكتابه دي حاجه صعبه يعني نسبة التلاتين في الميه الأميه في مصر دي معندهاش قريب أو صاحب يعلمها القرايه والكتابة يعني الحكومه هتروح لواحد والحد وتقولو يا حبيبي أبن عمك مبيعرفش يقرا ويكتب ما تروح تعلمه علشان خاطري روح علمه

https://www.cia.gov/library/publications/th...ok/geos/eg.html

يعني في غزة نسبة الأميه أقل من مصر بأكتر من 20 في الميه

https://www.cia.gov/library/publications/th...ok/geos/gz.html

بالذمه هل وضعهم أحسن ده المدارس كل شويه تتهد ومفيش أمن ممكن تصحى من النوم تلاقي عيلتك كلها أتقلت ومفيش فلوس بتخش هنتحجج بأيه أنا مش عارف

وده بالنسبه للمش متعلمين أما المتعلمين بقه فحدث ولا حرج التعليم في مصر يعني تطلع الأول زاكر يا أبني علشان تطله الأول زاكر علشان تجيب أحسن من فلان زاكر علشان تطلع معيد يعني التعليم مش علشان أتعلم وأنفع وأتطور وأبدع لبلدي لأ التعليم علشان الدرجات لو مش فاهم أحفظ وخلاص المعيد بيخش السكشن كل السكشن بيدور حول السؤال الفلاني علشان الدكتورة بتحب تجيبه في الأمتحان والسؤال العلاني علشان جه في أمتحان السنه أل فاتت

يعني بالذمه المهندس أل أتخرج من الجامعه كل هدفه فيها أنه يجيب مجموع هل هيبدع هبنتج لأ لأن ده مكنش هدفه في الكليه الأمتحان ده مش الهدف الهدف هوه العلم نفسه

[ابوسلمى]

ربنا بيولى علينا من هو اسوء منا حتى نعود الى الله ولكنا ضللنا الطريق

اسف فهذه الحقيقة المرة