emano بتاريخ: 25 أكتوبر 2009 تقديم بلاغ مشاركة بتاريخ: 25 أكتوبر 2009 طيب انا ابنى ميخو باكل بس طبعا بالطريقه بتعتنا كتف الايدى وزغط فى الفم فدخلته الحضانه الى فى المدرسه معى واديت المسئوله علبتان جربر وانا مروحه جيت اخده قلتلى اكل معلقتين قلت طيب على اسان ان انا مش فاهمه الانجليزى جين تانى يوم لقتها بتقلى اكل ملعقه جيت تالت يوم فى وسط الحصص لقتها بتقلى اكل ملعقتين اتارى الحاجه الكنديه تعرض عليه ملعقه الجربر يقوم باعد راسه تقوم شايله الاكل وطبعا طول الوقت هاتك ياعياط رحت واخداه واكلته باقى العلبه وعلبه تانيه بس طبعا بشويه زوق لحسن يخدو الواد منى على اساس عدم الرفق بالانسان طب بالله عليك واحد زى ده تاكليه ازاى بالزوق ده من اول ملعقه لاخر ملعقه وهو بيهزلى راسه لقه لقه هو عنده سنه وشهر رابط هذا التعليق شارك المزيد من خيارات المشاركة
ام يمنى بتاريخ: 8 نوفمبر 2009 تقديم بلاغ مشاركة بتاريخ: 8 نوفمبر 2009 ياااااااااه و الله فكرتوني ببنتي لما بديت ااكلها كنا بنعمل اراجوزات انا و باباها و كنت لازم اقعد كل العرايس صحابها جنبها و كل واحد ياخد معلقه علشان هيا تاكل زيهم كمان . بس موضوع الاكل عاوز صبر جامد جدا و برضه لازم ناخد بالنا ان الاطفال شهيتهم دايما متغيره يعني ممكن ياكلو يوم كويس و يقعدو عليها اسبوع زورهم مقفول. انا كنت بشرب لبنتي كباية اللين كل يوم في البلكونه الصبح و لو رفضت معناها يلا ندخل فبتشرب علشان تقف في البلكونه و لومشربتش ندخل على طول طبعا لو شربت اللبن كله تقف نص ساعه بحالها في البلكونه مكافاه علشان تثق في كلامنا مش يلا بقى ادخلي على طول. برضه لما يكبر الطفل شويه و يبتدي نفهم نبتدي نففهمو فايدة الاكل و مضار الجنك فود يعني مثلا الشيبسي ده بيتخن طبعا لو قدامها ميت كيس شيبسي مش حتمد ايده عليه. الفلفل الاخضر و الطماطم بيطولو الشعر ممكن تاكلو كيلو طماطم بس التنويع يعني مش كل الاكل بيطول الشعر و الا حاتاكل نوع واحد بس. يعني نوع بيطول و نوع بينعم و نوع بيخللي الجلد ناعم و نوع بيطول و نوع بيقوي و كل نوع اكل ليه ميزه و لو رفضت تاكل خلاص ماشي خليكي ضعيفه خلي شعرك يقع حاجات زي كده. طبعا بنتي مش وحش دلوقتي هيا عندها خمس سنين و يا دوب اول وزن اللي في سنها بس احسن متكون اقل من كده لان غير كده اكيد كانت حتبقى مش باينه و ممكن تبقى قد اللي عمره سنتين رابط هذا التعليق شارك المزيد من خيارات المشاركة
بنت الشاطئ1 بتاريخ: 8 نوفمبر 2009 تقديم بلاغ مشاركة بتاريخ: 8 نوفمبر 2009 السلام عليكم شكرا علي الرد ام مروان و بالنسبه في تنويع الشكل كله مرفوض مجرد انها شايفة ان ديه لحمة او فراخ باي شكل مش بتدوق اصلا انا جبت ليها بطاطس عاديه و جيت ادامها قطعتها بوحده " اشكال الصلصال " بطه وورده و سمكة و كدا و حمرتها و بعدها كنت عمله عجينه مكونه من بطاطس مسلوقة و فراخ مسلوقة ومهروسه و قطعتها بنفس الاشكال و مع اول قطمة قالت ديه مش بطاطس و ديه اكيد لحمة من غيرما تشوف اللحمة حتي بمجرد انها عارفة اني اكيد بخدعها لكن غلطتي اني قدمت الاتنين في نفس اليوم فعرفت الفرق بالنسبة للدكاتره انا رحت لكتير لكن داكترة اطفال مش تغذيه و كلهم قالوا الموضوع ده بالتعود مفيش دوا يخلي الواحد ياكل لحمة و بالنسبة للاطباق فهي ملونه و لو جنب الاكل شيبسي مش هتاكل غيره على فكرة ابنى كان نفس الحكاية وكنت هتجنن عليه عارفة عملت ايه ..نزلت مصر وتركته ستة اشهر عند والدتى لأنى كنت مرتبطة بامتحانات وكدا فقلت فرصة اذاكر وكمان يغير نوعية الاكل وبعد ما رجع من الاجازة ما شاء الله بياكل كل حاجة ..على فكرة اللمة هى اللى بتخلى الطفل ياكل ..انا اولاد اختى كانوا بياكلوا معاه وبتسابقوا وانا اكلم والدتى فى التليفون مش مصدقة ان ابنى بياكل اللحمة والبيض المقلى اللى مكنش بيدوقه رابط هذا التعليق شارك المزيد من خيارات المشاركة
سكر بتاريخ: 10 نوفمبر 2009 تقديم بلاغ مشاركة بتاريخ: 10 نوفمبر 2009 استكمالا لمسلسل المعناه مع اطفالنا امبارح رحت للدكتور عشان يكشف عليه عشان الاكل قليل راح عمل اشعه اسمها العمر العظمى وكانت الكارثه ابنى طلع عمرة العظمى 3 سنوات و6 اشهر تقريبا وهو عمره اصلا خمس سنوات وفعلا الولد جسمة كله نحيف جدا وربنا يتسر لان الموضع فى تحليل هرمونات وغدد صماء ومشاكل كتير وعلاج بهرمون النمو واثارة الجانبيه على الصحة ربنا يشفيه ويبعد عنه المرض هو وكل الاطفال يارب ياريت لو حد عنده تجربه فى الموضوع ده يقولها رابط هذا التعليق شارك المزيد من خيارات المشاركة
doudy بتاريخ: 10 نوفمبر 2009 تقديم بلاغ مشاركة بتاريخ: 10 نوفمبر 2009 طيب انا ابنى ميخو باكل بس طبعا بالطريقه بتعتنا كتف الايدى وزغط فى الفم فدخلته الحضانه الى فى المدرسه معى واديت المسئوله علبتان جربر وانا مروحه جيت اخده قلتلى اكل معلقتين قلت طيب على اسان ان انا مش فاهمه الانجليزى جين تانى يوم لقتها بتقلى اكل ملعقه جيت تالت يوم فى وسط الحصص لقتها بتقلى اكل ملعقتين اتارى الحاجه الكنديه تعرض عليه ملعقه الجربر يقوم باعد راسه تقوم شايله الاكل وطبعا طول الوقت هاتك ياعياط رحت واخداه واكلته باقى العلبه وعلبه تانيه بس طبعا بشويه زوق لحسن يخدو الواد منى على اساس عدم الرفق بالانسان طب بالله عليك واحد زى ده تاكليه ازاى بالزوق ده من اول ملعقه لاخر ملعقه وهو بيهزلى راسه لقه لقه هو عنده سنه وشهر ازيك يا ايمان وحشانى حتى ميخو مش عايز ياكل دنا كنت فاكراه امير و بيسمع الكلام يلا معلش ربنا يخليهولك و بوسيهولى العسل دة هوة و اخواته B) رابط هذا التعليق شارك المزيد من خيارات المشاركة
doudy بتاريخ: 10 نوفمبر 2009 تقديم بلاغ مشاركة بتاريخ: 10 نوفمبر 2009 استكمالا لمسلسل المعناه مع اطفالنا امبارح رحت للدكتور عشان يكشف عليه عشان الاكل قليل راح عمل اشعه اسمها العمر العظمى وكانت الكارثه ابنى طلع عمرة العظمى 3 سنوات و6 اشهر تقريبا وهو عمره اصلا خمس سنوات وفعلا الولد جسمة كله نحيف جدا وربنا يتسر لان الموضع فى تحليل هرمونات وغدد صماء ومشاكل كتير وعلاج بهرمون النمو واثارة الجانبيه على الصحة ربنا يشفيه ويبعد عنه المرض هو وكل الاطفال يارب ياريت لو حد عنده تجربه فى الموضوع ده يقولها اعتقد ابن حضرتك محتاج ياخد فيتامين و بعض الفيتامينات بتبقى فاتحة للشهية و برضه ياكل فواكهه و خضروات و كمان منتجات الالبان باى شكل من اشكالها هتبقى مفيدة له و لعظامه ربنا يخليهولك و يبارك فيه B) رابط هذا التعليق شارك المزيد من خيارات المشاركة
بنت الشاطئ1 بتاريخ: 10 نوفمبر 2009 تقديم بلاغ مشاركة بتاريخ: 10 نوفمبر 2009 طب ايه المشكلة فى طفل بياكل كويس جدا ومش بيبان عليه ..يعنى انا اسمع ان الخبز بيتخن وهو بياكل خبز مع الاكل وارز وعادى يعنى طب ايه المشكلة اللى ممكن تكون؟ رابط هذا التعليق شارك المزيد من خيارات المشاركة
سكر بتاريخ: 11 نوفمبر 2009 تقديم بلاغ مشاركة بتاريخ: 11 نوفمبر 2009 اعتقد ابن حضرتك محتاج ياخد فيتامين و بعض الفيتامينات بتبقى فاتحة للشهيةو برضه ياكل فواكهه و خضروات و كمان منتجات الالبان باى شكل من اشكالها هتبقى مفيدة له و لعظامه ربنا يخليهولك و يبارك فيه متشكر جدا بس دة من كتر الفيتامينات خفت من الاثار الجانبيه لكن هعمل بالنصيحة وهزود الفاكهة رابط هذا التعليق شارك المزيد من خيارات المشاركة
se_ Elsyed بتاريخ: 9 أكتوبر 2010 كاتب الموضوع تقديم بلاغ مشاركة بتاريخ: 9 أكتوبر 2010 طيب يا استاذ س س المدام كانت بتعمل ل عمر ايه ساندويتشات ولا كان بيقضيها شيبسى و لا ايه؟؟؟ولا انا اروح اموت واستريح بقه من التفكير فى الموضوع ده و لا ايه؟؟؟ ده سؤال ورد للبرنامج من الزميلة " المهندسة " بخصوص بنتها ليلى اللي مش بتسمع الكلام وبتعمل شقاوة ومش بتاكل مم ويجيب عن هذا السؤال .. فضيلة الشيخ العلامة سين سين .. أستاذ التغذية في جامعة كنتاكي فرايد تشيكن . ج : بُصي يا باشمهندسه ... ما تُعانيه مع إبنتك هو أحدى ضرائب الحياة المدنية الحديثة المغلقة .... ولإن البنت لسه مش عندها أطفال من سنها تتشاقى وتلعب معاهم وبالتالي يتنافسوا ويخطفوا الأكل من بعض ... وبإذن الله ده هاييجي بالتدريج في الحضانة لإن يبدو إن ليلى لسه في بداية المشوار ولسه بتحضر دراسات عُليا في الحضانة .. يعني عسكري مبتدأ .. شوفي ... أنا دايماً بأقولها للمدام ... وكتاب الله يا فندم لو كنت باخد أكل في المدرسة زي عيالي دلوقت ... أنا متأكد كان زماني بقيت حاجة كبيرة في البلد ... رئيس جمهورية أو وزير بيئة أو على الأقل أمين شرطة ... فتلك هي وجبة العيال بتاعت المدرسة .. أولاً : الصبح قبل ما ينزلوا لازم يشربوا حليب ولو بالعافية ..... ويا سلام لو كان مُحلى بعسل النحل - حلوه الجُملة دي بتفكرني بأفلام الجاهلية - ... لأن لو سيبتي الطفل لنفسه يبقى ممكن لو هايكل ساندوتشه يبقى على الضهر .. وده غلط لان وجبة الفطار مهمه جداً والولا عُمر كان ساعات بينسى نفسه في اللعب ويصاب بإغماءه من الجوع زمان .. ثانياً : لازم ياخدوا ساندوتش أو أتنين من الحاجات اللي هما بيحبوها .. أينعم ساعات بتبقى جانك فود ... أنا باعتبرها كده زي الهمبورجر والسوسيس .. البتاع ده كنت باكرهه وأبني اللي خلاني أدمنه وعاوز أتعالج في أي مطعم دلوقت ... وبيحبوا كمان البيتزا والكفتة المشوية ... ولا مانع من ساندوتش جبنة كريمة اللي بندهنها زي النقاشين دي . ثالثاً : علبة عصير صغيرة وكيس شيسبي أو شيتوس حراق بتاع نشأت .... رابعاً : أي شوكولاته أو حلويات يرضي ربنا كل ده ؟ الأحـــرار يؤمنون بمن معه الحق .. و العبيــد يؤمنون بمن معه القوة .. فلا تعجب من دفاع الأحرار عن الضحية دائماً .. و دفاع العبيد عن الجلاد دائماً رابط هذا التعليق شارك المزيد من خيارات المشاركة
المهندسه بتاريخ: 9 أكتوبر 2010 تقديم بلاغ مشاركة بتاريخ: 9 أكتوبر 2010 أنا متأكد كان زماني بقيت حاجة كبيرة في البلد ... رئيس جمهورية ترضاها لنفسك والنبى تبقى زى(...)انت كده ضامن انك محبوب ولا ايه؟؟؟؟وكسبان انتخابات المحاورات النزيهه بأكتساح مش زى (...) على رأى الاخت المطربه المش فنانه لطيفه(وعشان كده احنا اخترناك) ده سؤال ورد للبرنامج من الزميلة " المهندسة " بخصوص بنتها ليلى اللي مش بتسمع الكلام وبتعمل شقاوة ومش بتاكل ممويجيب عن هذا السؤال .. فضيلة الشيخ العلامة سين سين .. أستاذ التغذية في جامعة كنتاكي فرايد تشيكن . والله يا فضيله الشيخ انا معجبه اوى بكل برامج حضرتك ومش مصدقه انى بكلمك والله وبشكر قناه المحاورات على استضافتك ...وايه اخر اخبارك الفنيه؟؟؟؟ والله يا استاذ س س انا بشرب الست المبجله ليلى كوبايه لبن قبل ما تنزل لانها الحمدلله بتحب اللبن بكل احواله...وبديها سندوتش جبه كريمه علشان برضه بتحبها لكن بتاكل ربع الساندوتش ده لو كلت وما حصلتش غير مره واحده من اول المدارس .. وكمان بديها عصير لكن دايما ترجع بيه ولما بسألها ما بتاكليش ليه تقولى "هى القالتلى ما تاكليش يا ليلى" ..مين يا بنتى .."teacher يا ماما"...اقولها ايه بتهرب بذكاء بنت المهندسه بنت ال... والله بنزلها من باص المدرسه مش قادره تفتح عينيها و ساعات بشيلها لانها ما بتقدرش تطلع السلم.. والنبى يا فضيلة الشيخ تدعى لبنتى ليلى تاكل انت رجل بركه..وما تخليهمش يقفلوا عليا الخط والنبى والنبى انا عارفه شغل القنوات دى ...روحت فين يا فضيله الشيخ؟؟؟قفلوا عليا ولاد الايه سألني احدهم ما أكبر دولة في العالم.. قلت له وبكل فخر (مصر).. قالي انت ملكش في الجغرافيا.. قولتله انت اللي ملكش في التاريخ رابط هذا التعليق شارك المزيد من خيارات المشاركة
اغابي بتاريخ: 9 أكتوبر 2010 تقديم بلاغ مشاركة بتاريخ: 9 أكتوبر 2010 (معدل) بمناسبة سيرة سندوتشات السبانخ اللى كانت جات سيرتها فى موضوع مهدو للحضانة كانت فى واحدة جارتى فلسطينية عندها 12 عيل جميع مراحل التعليم وصحتهم كويسة جدا رحت سالتها كان وقتها عندى ولد واحد عمره سنتين ونص سالتها ايه ابتدي معاه الطريقة علشان تبقى صحته كويسة راحت قالتلى عليكي وعلى السبانخ كل يوم عل الريق معلقتين سبانخ او دخليهالو مع اى وجبة وتفهميه انه لازم يا خدها اما حيتعب و يروح للدكتور يديله حقنة وانا سمعت الكلام وزودت من دماغى كمان ان كل يوم ادى لابني بطبق ومعلقة واقوله معلقتين الدوا يا حبيبي :lol: طبعا الغلطة انى كنت بقدمهم فى طبق اكل ومعلقة اكل تحت مسمي الدوا الموضوع داه عاوزة اقولكم انه عقد ابني جدا وابنى لزق فى دماغه ان الاكل هو الدوا والدوا هو الاكل - ومن يومها اتعقد فترة كبيرة لان لما كان بيتعب ونروح بيه المستشفى - برضوه بياخد دوا وكمان بياكل اكل مش عاجبه يبقى كله دوا فى دوا جايز لانى ما كنتش فاهمة حاجة وما كنش عندى الحكمة المطلوبة فى الامور دى كان لازم انى اقرا المستقبل المهم انه ما يرتبطش شكل الطبق واسم الدوا فى دماغ الطفل اغابي :roseop: تم تعديل 9 أكتوبر 2010 بواسطة اغابي نـحن البلـــــدان الحقيقـيــة فى هــذا العـــالم . . . وليـــــس مــا يرســــم فـــوق الخرائــط نـحن الرمـــوز الحقيقيــــة فى هــــذا العــالم . . . وليــــــس اسمـــــاء القـــــادة العظمــاء . . . لاننـا نحـن من صنعـناهـم فرسـان العالـم الحقيقيـون . . هــم شعــوب الارض رابط هذا التعليق شارك المزيد من خيارات المشاركة
Recommended Posts
انشئ حساب جديد أو قم بتسجيل دخولك لتتمكن من إضافة تعليق جديد
يجب ان تكون عضوا لدينا لتتمكن من التعليق
انشئ حساب جديد
سجل حسابك الجديد لدينا في الموقع بمنتهي السهوله .
سجل حساب جديدتسجيل دخول
هل تمتلك حساب بالفعل؟ سجل دخولك من هنا.
سجل دخولك الان