الاكل عند البنات

[عنبو]

اولا السلام عليكم ورحمة الله وبركاته

لما لقيت اخونا وبلدياتى سى السيد عامل موضوع همممممممممممممم ياجمل فكرنى بحاجه غريبه كنت بشوفها ايام الجامعه وهى طريقة اكل النبات سواء فى كافتريا الجامعه ولا وهى ماشيه وشايله شوال شيبسى او فيشار او ............. الخ مش فاكر دلوقتى

تلاقيه ماشيه واحده واحده وتاكل فيشارايه فيشارايه او شيبسايه شيبسايه وتقعد تحركها فى بقها لا يقل عن عشر دقايق ثم بعد ذالك تدوس زر البلع لكى يتم البلع بسهوله وطبعاً فى خلال ذالك بيكون الواحد خلص لا يقل عن 15 شاندوتش على كام كوب شاى على شوية حاجات كده وهو لما نروح هنبقى نكمل اصل الواحد عامل ريجيم

يااااااااااااريت بقى تدخلو تقولوا عن اكل البنات انتوا كنتوا شايفين كده ولا انا كنت بحلم ؟؟

طيب ياترى هل ده الاكل الطبيعى بتاع البنات ؟؟ ولا ايه اصل انا ليا واحد صاحبى اتصدم فى الموضوع ده كان فى فترة الخطوبه حاجه وبعد الزواج لقى حاجه تانيه خالص ؟؟

وليه دايما البنات بيخافوا يقولوا انهم بيحبوا الاكل ؟؟ يعنى لازم البنات تلاقيهم ليهم اكلات معينه بياكلوها وحاجات لا ؟؟

اما الاولاد تلاقيهم بيدوسوا فى كل حاجه رجاله ولادك يابلدنا رجاله ورجاله ؟؟

يلااااااااااااااااااااااااااا دوسوا معايا

سلام

[icehearted girl]

:lol: :P ياخبررررررررررررررررر علفضايح

بص بقي عشان تبقي علي نور ومتتصدمش

البنت اللي تعمل كدا تبقي متكلفة جدا :P wst:: وعاوزة تظهر بمظهر كويس ودا ان دل فانما يدل انها فلبيت

بتاكل زي الوحش فبتخافف حد يكتشف دا

انما لو هي مالاصل بتاكل بطريقة كويسة ودي عادتها فمش هتتكسف تاكل بيها قدام الناس

الولاد بقي مبيفرقش ماعااااااااااااااااااااااااااااااااااااااهم :roseop:

[icehearted girl]

شوفوا كيف تاكل البنت::

1-تغسل يدها بصابون لوكس..وتنشف بكلينكس.هذا قبل الأكل طبعاً.

2-تمشي بخطوات هادىء الى ان تصل لغرفة الطعام.

3-تدفع الكرسي الى الخلف بكل رقه وتجلس عليه بحنان,

وإذا كانت الجلسه عربي..جلست على السفره كالحوريه.. wst::

يعني تثني رجليها لليسار وكنها بتطيح على جنبها..عاد انتو افهموا.

4-تمسك الملعقة برفق..وتنظر اليها جيدا حتى تتأكد انها..تبرق.

5-تقول بصوت ناعم""بسم الله ""

6-تبدأ بأكل السلطه حتى تفتح شهيتها.

7-تغرف الرز بالملعقه بحيث لايتجاوز عدد الرزات التي

إلتقطتها"17"حبة فقط.

8-تمضغ الطعام جيداً بدون إظهار أي صوت.

9-عندما تنتهي من تناول الطعام تضع الملعقة جانباً..وتقول""الحمد

لله"-

10-تنهض بنفس الهدوء الذي جلست

عليه..وتذهب لغسل فمها وتتعطر علشان

تروح ريحة الزفره...

الاولاد (الله يكفينا شرهم)

1-ينهض من النوم متجهاً الى السفرة مباشره وهو مشمر الذراعين.

2-يجلس على السفره وكأنه يسقط من السماء"""نيزك""".

3-يدخل يده كاملة في طبق الرز تاركاً بين كل أصبع والثاني

مسافة 2سم.

:P

4-يخرج يده بعنف من الطبق وكأنه....شيول يغرف بالتراب...

5-يرمي باللقمة الى فمه المفتوح 15سم.

6-يمضغ الرز بطريقة تجعلك

تقول.................................وع. .... :lol:

7-يأكل السلطة بعدما يقضي على الرز واللحم.

8-ينهض بسرعة الصاروخ وفي يده علبة سفن أب""يا لذيذ يارايق..

9-يظهر صوتاً بشعاً جداً ..........أشبه بصوت انفجار

يمسح يده في ثوبه..مخلفاً ورائه دمار شامل..ملاااحظة::

اللي تاكل وجنبها ولد.....هذا إذا قدرت يعني.. ..

:P

تضع مظله على رأسها...حتى لايصيبها الرز المتطاير هناوهناك

هههههههههههههههه

[محمد افندى]

والله يا اخويا العنبى

الحكاية دى انا ملاحظها من زمان قوى ايام الجامعه حاجات غريبة جدا بيعملوها البنات واحنا قاعدين فى الكفتيريا ندخل نفطر او نتغذى مثلا تبص تلاقيهم تقريبا مبيكلوش

اما كنا مثلا نعدى نشرب عصير وتلاقى البنت تسيب نص الكوباية اللى هى الكاسة حاليا فى السعودية اقول فى عقلى يا واد يا ابو حميد ماشى هى فى دماغها من باب الاتيكيت والشوية اللى فاضلين دول مش هيفرقو معاها لكن حكاية الاكل دى مكنتش بالعها بصراحة لأن الاكل اللى بتاكلة بنت عندها 19.20.21 سنة ميشبعش طفلة عمرها 4 سنوات الغريبة

لى صديق بيحكى لى ان زوجتة حاليا ايام ما كان خاطبها كانت نسمة تقريبا على طول الحوار كالتالى

هو : كلى يا حبيبتى انتى مبتكليش لية ؟

هى : سورى يا حبيبى اصل انا عاملة رجيم

هو : عشان خاطرى كلى دى

هى : عشان حلفت بس ( وطبعا هى بتقلد انها بتاكل )

هو : مرسى يا حبيبتى انك سمعتى كلامى

طبعا هو بعد ما بيمشى بتضرب هى براحتها كام طبق محشى على كام طبق مكرونه باشميل على نص كيلو لحمة على 3 او 4 رغيف عيش اللى هو بنقول علية خبز حاليا يا عنبى يا اخويا

وطبعا هو حكالى عن مدى معاناته بعد الزواج فى انة بيروح طابونة العيش مرتين يوميا يا ولداه

وطبعا الموضوع دة كان منرفزنى جدا من زمايلنا بتوع الجامعه

فاول ما اخوك خطب على طول بطريقة المزاح قلتها لخطبتى عشان اما نقعد ناكل ناكل زى الناس مش عاوزين تمثيل وبصراحة هى ما شاء الله عيها خدت بالها ومن اول ما اتخطبنا وهى عادية جدا فى طريقة الاكل ( مش قوى طبعا بس اهو نص العمى ) يعنى بصراحة هى ما بتمثلش

[فــيــروز]

يا جماعه معلش سؤال ..

هو انتم بتفضلوا تفحصوا فى البنات كده و تفلّوا كل حاجه بيعملوها !! :P

أصلها حاجه مُحرِجه جدّا .. أنا لو قاعده باكل مع حد و لقيته بيبصّ باكل إزّاى و بأى كميه و كام رُزّايه و كام شفطة شوربه غالبا هاشرق و اللقمه هتقف فى زورى و مش هاقدر آكل طبعا !! :lol:

البنت اللىّ بتتكلّف مسكينه بردو لأنّها شاعره إنّها طول الوقت تحت ميكروسكوب دقيق .. لو أكلت تبقى طفسه و مش بتاكل فى بيت اهلها و لو ماكلتش يبقى بتمثّل و تدلّع و هتضرب أربع أرغفه أمّا تروّح البيت !! ما كل واحد يبص فى طبقه و ياكل من سكات أحسن !! لكن بشكل شخصى أنا لا أرى ما يعيب إن الواحد ياكل بطبيعته .. لا يمثّل إنّه مش بياكل ولا ياكل كأنّه آخر زاده .. لكن الناس بيحبّوا يشوفوا البنات بشكل مختلف و يحبّوهم يتصرّفوا بقدر من التكلّف و بيبقى على قلبهم زى العسل رغم معرفتهم إنّه تمثيل و ضحك ع الدقون ..

[enjisultan]

طب اسمع دى

عمركش شوفت اليوسفى اليوستفندى يعنى بيتاكل بالشوكة

انا شوفتها

حاجة تانية لية واحدة صاحبيتى تانية كنا بنتغدى مع بعض وهى رقيقة وزى الفل وعاشت طول عمرها فى فرنسا

وبعدين بعد ما خلصت اكل قامت اخدت عيش حتة صغنونة كدة بالشوكة ومسحت بيها الطبق كلة واكلتها

وبعدين باقولها لو بتاعة اليوسفى شافتك هتقولك انتى وحش

تقولى يا بنتى فى فرنسا اتعلمت الحركة دى دا سلو بلدهم ماحدش يسيب باقى اى حاجة فى طبقة يبقى ياياى وكدة

اهة قولتلها كويس انهم ما بيكلوش الاطباق كمان

اهة فى فرنسا بيمسحوا الطبق مسح

مش تقولى يوستفندى بالشوكة بلا تمثيل يا جدع

[ذهبية]

هو انتم مش عاجبكم حاجة اكل براحة مش عاجب هجمت على الاكل مش عاجب و بعدين اية العادى بتاعكم يعنى كل شوية تاكل زى الناس تاكل عادى ما يمكن العادى بتاعك دة الاوفر بتاعها و دة العادى انها تاكل براحة

و الله انا شايفة ان البنت لما تعمل حساب كل حركة حتى فى الاكل دة تحسب ليها مش ضدهاااا

يعنى البنت لو شمرت عن ايديها و هجمت على كيس الشيبسى و فرقعت كذا ازازاة حاجة ساقعة و سيادتك قاعد هتكون مبسوط

و بعدين انا نفسى متجوزة من كذا سنة تقريبا باكل ربع طبق جوزى و باسيب نص كوباية العصير لانى متعودة على كدة من زمان

و بعدين باحاول احافظ على جسمى جوزى يقولى لالا لازم تاكلى كويس صحتك

لو جيت فى يوم كترت فى الاكل شوية او مليت الطبق حبتين الاقى جوزى يبصلى نظرة غريبةةةةة مالك حصلك اية ؟؟؟

انتم لا عاجب كدة و لا كدة

والله لو جيت سالت معظم الرجالةا نت تحب خطيبتك و لا مراتك من انهو نوع كلهم بلا استثناء هيقولوا بنحب النوع اللى بياخد بالة و

بياكل براحة علشان احس انى قاعد مع واحدة بنت مش مع واحد صاحبى

[الباشمهندس ياسر]

شوفوا كيف تاكل البنت::

1

الاولاد (الله يكفينا شرهم)

3-يدخل يده كاملة في طبق الرز تاركاً بين كل أصبع والثاني

مسافة 2سم.

4

:lol:

تضع مظله على رأسها...حتى لايصيبها الرز المتطاير هناوهناك

هههههههههههههههه

الكلام ده خليجى يا دوك

عايزين كلام مصرى ... ملناش دعوه

مش تقولى يوستفندى بالشوكة بلا تمثيل يا جدع

انا معاك يا معلم

انتم لا عاجب كدة و لا كدة

والله لو جيت سالت معظم الرجالةا نت تحب خطيبتك و لا مراتك من انهو نوع كلهم بلا استثناء هيقولوا بنحب النوع اللى بياخد بالة و

بياكل براحة علشان احس انى قاعد مع واحدة بنت مش مع واحد صاحبى

احنا كده و اذا كان عاجبكم لا مؤاخذة

عنبو

هروح اتعشى و اخبط 160 رغيف و 250 طبق رز و اجيلك :P

[عبير يونس]

الحمد لله

طول عمري بأكل عادي و براحتي

لأن عمري ما سمحت لحد يعزمني أصلا

و لا ولد و لا بنت

نظام انجليزي

كله يحاسب لنفسه

و عشان كده مفيش احراج و لا داعي لحساب كل حركة

كل واحد بياكل على قده

و مفيش حد بياكل أكتر من بطنه

و الموضوع مش ثابت

يعني حسب درجة الجوع

و بعدين أنا عندي قناعة إن طريقة الأكل تكشف عن شخصية الواحد

في واحد ياكل بسرعة

و واحد ياكل قطمة قطمة و بالراحة

و واحد ياكل شوية صغيرين و يرجع ياكل تاني بعد ساعتين و الا حاجة

و في واحد ياكل وجبة واحدة بس معتبرة

و واحد كل شوية ينقنق و بقه شغال على طول

الممارسات دي ليست خاصة بجنس عن الآخر

دي طبائع موجودة في الجنسين

و انتظروا موضوع عن طريقة الأكل

تحياتي

wst::

[عنبو]

icehearted girl مشاركة بتاريخ أمس, 11:28 AM

ياخبررررررررررررررررر علفضايح

بص بقي عشان تبقي علي نور ومتتصدمش

البنت اللي تعمل كدا تبقي متكلفة جدا وعاوزة تظهر بمظهر كويس ودا ان دل فانما يدل انها فلبيت

بتاكل زي الوحش فبتخافف حد يكتشف دا

انما لو هي مالاصل بتاكل بطريقة كويسة ودي عادتها فمش هتتكسف تاكل بيها قدام الناس

الولاد بقي مبيفرقش ماعااااااااااااااااااااااااااااااااااااااهم

فعلا التكلف حاجه تخنق اللى بيتكلف نفسه لكن الاتزان مطلوب انا اعرف ناس اساساً ليهم طريقه ممتازه فى الاكل بياكلوا بس بشكل ظريف وده طبعهم سواء فى البيت او فى الداخل وعلى فكره بياكلوا كتير كمان

اما بالنسبه بقى للرجاله فدول لازم يدوسوا امال ايه رجاااااااااااااااااااااااااااااااااااااااااله

محمد افندى مشاركة بتاريخ أمس, 11:42 AM

والله يا اخويا العنبى

الحكاية دى انا ملاحظها من زمان قوى ايام الجامعه حاجات غريبة جدا بيعملوها البنات واحنا قاعدين فى الكفتيريا ندخل نفطر او نتغذى مثلا تبص تلاقيهم تقريبا مبيكلوش

اما كنا مثلا نعدى نشرب عصير وتلاقى البنت تسيب نص الكوباية اللى هى الكاسة حاليا فى السعودية اقول فى عقلى يا واد يا ابو حميد ماشى هى فى دماغها من باب الاتيكيت والشوية اللى فاضلين دول مش هيفرقو معاها لكن حكاية الاكل دى مكنتش بالعها بصراحة لأن الاكل اللى بتاكلة بنت عندها 19.20.21 سنة ميشبعش طفلة عمرها 4 سنوات الغريبة

لى صديق بيحكى لى ان زوجتة حاليا ايام ما كان خاطبها كانت نسمة تقريبا على طول الحوار كالتالى

هو : كلى يا حبيبتى انتى مبتكليش لية ؟

هى : سورى يا حبيبى اصل انا عاملة رجيم

هو : عشان خاطرى كلى دى

هى : عشان حلفت بس ( وطبعا هى بتقلد انها بتاكل )

هو : مرسى يا حبيبتى انك سمعتى كلامى

طبعا هو بعد ما بيمشى بتضرب هى براحتها كام طبق محشى على كام طبق مكرونه باشميل على نص كيلو لحمة على 3 او 4 رغيف عيش اللى هو بنقول علية خبز حاليا يا عنبى يا اخويا

وطبعا هو حكالى عن مدى معاناته بعد الزواج فى انة بيروح طابونة العيش مرتين يوميا يا ولداه

وطبعا الموضوع دة كان منرفزنى جدا من زمايلنا بتوع الجامعه

فاول ما اخوك خطب على طول بطريقة المزاح قلتها لخطبتى عشان اما نقعد ناكل ناكل زى الناس مش عاوزين تمثيل وبصراحة هى ما شاء الله عيها خدت بالها ومن اول ما اتخطبنا وهى عادية جدا فى طريقة الاكل ( مش قوى طبعا بس اهو نص العمى ) يعنى بصراحة هى ما بتمثلش

اخويا محمد افندى ربنا يااااااااااارب يتم لك بخير ان شاء الله

انت عارف الواقعيه مطلوبه والتمثيل برده مطلوب بس يدوم يعنى تاكل وتشبع بس برده تمثل شويه وتدلع شويه مهو دله برده له رونق ولا انت ايه رأيك؟؟

بس الموضوع يفضل بعد الزواج عادى شويه اكل وشويه تمثيل ؟؟

فــيــروز مشاركة بتاريخ أمس, 12:14 PM

يا جماعه معلش سؤال ..

هو انتم بتفضلوا تفحصوا فى البنات كده و تفلّوا كل حاجه بيعملوها !!

أصلها حاجه مُحرِجه جدّا .. أنا لو قاعده باكل مع حد و لقيته بيبصّ باكل إزّاى و بأى كميه و كام رُزّايه و كام شفطة شوربه غالبا هاشرق و اللقمه هتقف فى زورى و مش هاقدر آكل طبعا !!

البنت اللىّ بتتكلّف مسكينه بردو لأنّها شاعره إنّها طول الوقت تحت ميكروسكوب دقيق .. لو أكلت تبقى طفسه و مش بتاكل فى بيت اهلها و لو ماكلتش يبقى بتمثّل و تدلّع و هتضرب أربع أرغفه أمّا تروّح البيت !! ما كل واحد يبص فى طبقه و ياكل من سكات أحسن !! لكن بشكل شخصى أنا لا أرى ما يعيب إن الواحد ياكل بطبيعته .. لا يمثّل إنّه مش بياكل ولا ياكل كأنّه آخر زاده .. لكن الناس بيحبّوا يشوفوا البنات بشكل مختلف و يحبّوهم يتصرّفوا بقدر من التكلّف و بيبقى على قلبهم زى العسل رغم معرفتهم إنّه تمثيل و ضحك ع الدقون ..

الاخت فيروز كلامك ميه الميه على فكره التكلف الزائد عن اللزوم متعب وبيكون تقيل والتكلف المعتدل يعنى اللى يحافظ على الشكل العام بدون لما يشعر الناس انه متكلف مطلوب برده يعنى الواحد لا يبقى تنك قوى ولا يبقى على سديته "" هو يعنى ايه سديته ""

enjisultan مشاركة بتاريخ أمس, 12:43 PM

طب اسمع دى

عمركش شوفت اليوسفى اليوستفندى يعنى بيتاكل بالشوكة

انا شوفتها

حاجة تانية لية واحدة صاحبيتى تانية كنا بنتغدى مع بعض وهى رقيقة وزى الفل وعاشت طول عمرها فى فرنسا

وبعدين بعد ما خلصت اكل قامت اخدت عيش حتة صغنونة كدة بالشوكة ومسحت بيها الطبق كلة واكلتها

وبعدين باقولها لو بتاعة اليوسفى شافتك هتقولك انتى وحش

تقولى يا بنتى فى فرنسا اتعلمت الحركة دى دا سلو بلدهم ماحدش يسيب باقى اى حاجة فى طبقة يبقى ياياى وكدة

اهة قولتلها كويس انهم ما بيكلوش الاطباق كمان

اهة فى فرنسا بيمسحوا الطبق مسح

مش تقولى يوستفندى بالشوكة بلا تمثيل يا جدع

بالله ما فاهم ولا حاجه بس احب اهنىء السيد الرئيس بعيد ميلاده وعاوز اسمع اغنية اشرب سيجاره بنى وبهديها لكل من ماما وتيتا ونونه وجميع الاهل والاقراب والاصدقاء

ذهبية مشاركة بتاريخ أمس, 01:07 PM

هو انتم مش عاجبكم حاجة اكل براحة مش عاجب هجمت على الاكل مش عاجب و بعدين اية العادى بتاعكم يعنى كل شوية تاكل زى الناس تاكل عادى ما يمكن العادى بتاعك دة الاوفر بتاعها و دة العادى انها تاكل براحة

و الله انا شايفة ان البنت لما تعمل حساب كل حركة حتى فى الاكل دة تحسب ليها مش ضدهاااا

يعنى البنت لو شمرت عن ايديها و هجمت على كيس الشيبسى و فرقعت كذا ازازاة حاجة ساقعة و سيادتك قاعد هتكون مبسوط

و بعدين انا نفسى متجوزة من كذا سنة تقريبا باكل ربع طبق جوزى و باسيب نص كوباية العصير لانى متعودة على كدة من زمان

و بعدين باحاول احافظ على جسمى جوزى يقولى لالا لازم تاكلى كويس صحتك

لو جيت فى يوم كترت فى الاكل شوية او مليت الطبق حبتين الاقى جوزى يبصلى نظرة غريبةةةةة مالك حصلك اية ؟؟؟

انتم لا عاجب كدة و لا كدة

والله لو جيت سالت معظم الرجالةا نت تحب خطيبتك و لا مراتك من انهو نوع كلهم بلا استثناء هيقولوا بنحب النوع اللى بياخد بالة و

بياكل براحة علشان احس انى قاعد مع واحدة بنت مش مع واحد صاحبى

فعلا احنا متعبين جداً عاوزين ننتقد وخلاص ولا تكلف ناااااافع ولا على سديتها نااااااااااافع مترعفيش عاوزين ايه ؟؟؟

تلاقى الواحد لو مراته مكلتش يقول دى بتمثل وتلاقيها بتفترى بعد لما انزل ولو كلت وبقت على طبيعتها يقول ايه انا قاعد مع واحد صاحبى

[عنبو]

الباشمهندس ياسر مشاركة بتاريخ أمس, 06:20 PM

احنا كده و اذا كان عاجبكم لا مؤاخذة

عنبو

هروح اتعشى و اخبط 160 رغيف و 250 طبق رز و اجيلك

متزودش عن كده علشان الرجيم ميبظش مااااااااااااااشى وانت عارف برده ان ده عشا يلا مستنى ؟؟

مصرية متغربة مشاركة بتاريخ اليوم, 12:29 AM

الحمد لله

طول عمري بأكل عادي و براحتي

لأن عمري ما سمحت لحد يعزمني أصلا

و لا ولد و لا بنت

نظام انجليزي

كله يحاسب لنفسه

و عشان كده مفيش احراج و لا داعي لحساب كل حركة

كل واحد بياكل على قده

و مفيش حد بياكل أكتر من بطنه

و الموضوع مش ثابت

يعني حسب درجة الجوع

و بعدين أنا عندي قناعة إن طريقة الأكل تكشف عن شخصية الواحد

في واحد ياكل بسرعة

و واحد ياكل قطمة قطمة و بالراحة

و واحد ياكل شوية صغيرين و يرجع ياكل تاني بعد ساعتين و الا حاجة

و في واحد ياكل وجبة واحدة بس معتبرة

و واحد كل شوية ينقنق و بقه شغال على طول

الممارسات دي ليست خاصة بجنس عن الآخر

دي طبائع موجودة في الجنسين

و انتظروا موضوع عن طريقة الأكل

تحياتي

يا مصريه مغتربه

كل الكلام ده تمام بس فيه ناس بجد بتمثل وهى بتاكل مع ان ده مبيكونش طريقة اكلها الحقيقه

وطبعاً التمثيل ده بيكون فى فترة الخطوبه زيااااااااااااده حبتين وتلاقيها ايه عايشه وحاطه فى دماغها انا خطيبها مصدقها وهو يعنى فاااااااهم كل الحركات دى وبيضحك بينه وبين نفسه بس هيعمل ايه ولما يتزوجوا بيظهر المستخبى بقى طيب ما من الاول يبقى الكل واضح اينعم لازم يكون فيه شوية تمثيل وياحبذا لو استمر على طول بس يكون فى اوقات معينه ويبقى فيه ضحك ودلع

انا واحد كان شغال معايا فى الشركه اللى فى مصر كان اكبر منى بكتير اقلى لازم الواحده تتدلع على زوجها علشان يحس انه متزوج واحده مش واحد صاحبه

[فــيــروز]

يعنى الواحد لا يبقى تنك قوى ولا يبقى على سديته "" هو يعنى ايه سديته ""

سديته دى تبقى سجيته بس شكلك سمعتها من حد ألدغ :closedeyes: و ربنا يفتح سهيتنا جميعا "دى مش لدغه ده استظراف" :unsure:

تم تعديل 28 سبتمبر 2009 بواسطة فــيــروز

[عبير يونس]

كل الكلام ده تمام بس فيه ناس بجد بتمثل وهى بتاكل مع ان ده مبيكونش طريقة اكلها الحقيقه

وطبعاً التمثيل ده بيكون فى فترة الخطوبه زيااااااااااااده حبتين وتلاقيها ايه عايشه وحاطه فى دماغها انا خطيبها مصدقها وهو يعنى فاااااااهم كل الحركات دى وبيضحك بينه وبين نفسه بس هيعمل ايه ولما يتزوجوا بيظهر المستخبى بقى طيب ما من الاول يبقى الكل واضح اينعم لازم يكون فيه شوية تمثيل وياحبذا لو استمر على طول بس يكون فى اوقات معينه ويبقى فيه ضحك ودلع

انا واحد كان شغال معايا فى الشركه اللى فى مصر كان اكبر منى بكتير اقلى لازم الواحده تتدلع على زوجها علشان يحس انه متزوج واحده مش واحد صاحبه

عندك حق

بس هو محصلش معايا لأني اتجوزت على طول من غير خطوبة :unsure:

و أنا ما بأمثلش في الأكل

يعني لو جعانة بآكل لو مش جعانة مش باكل

و بعدين أنا من النوع اللي بأحب الهدوء أثناء الأكل و بأحب آكل بالراحة و بمزاج عشان ياستطعم الأكل

و بعدين محبش آكل أي حاجة و السلام

ممكن أموت من الجوع و لا أكلش حاجة ما بحبهاش

و مبعترفش بالتصبيرة

استنى و أصبر لحد ما آكل الأكلة اللي بحبها

و لي أصناف معينة مفضلة لا أتخلى عنها و لا أرضى لها بديلا

كانت والدتي الله يرحمها لما تعمل لوالدي الله يرحمه أكلة بيحبها و أكون أنا مليش فيها

على طول ألجأ للبديل الاستراتيجي و هو الجبنة البيضاء و الطماطم مع رغيف بلدي سخن و أعيش حياتي و أحبس بعديهم بكوباية شاي و تبقى الحياة حلوة

و غالبا لو فطرت ما اتعشاش

و لو اتعشيت ما أفطرش تاني يوم

بس بعد الجواز و بسبب الحمل اتعودت على وجبات متعددة بس بكميات صغيرة جدا عشان الغثيان المصاحب للحمل

في الكلية و الشغل كانت أكلتي كيس شيبسي و كرواسانية أو باتيهاية مع حاجة ساقعة و دمتم لحد ما أروح

و كنت بآكلهم عادي خالص

و لا مرة حتى فكرت أتصنع

أنا أصلي من النوع اللي باتكلم كتير خصوصا لو مع أصحابي المفضلين و اللي بيننا حاجات مشتركة كتير

واضح طبعا

عشان كده بآكل قطمة و اتكلم خمس دقايق و بعدين القطمة اللي بعدها و هكذا

يعني على بال ماخد كام قطمة يكونوا اللي معايا كلوا عشرين شيبسي و عشر كرواسونات و عشر حاجات ساقعة

و لو لوحدي و ده كان نادرا يحصل في الكلية و الشغل

ما بآكلش الا لو خلاص حيغمى عليا من الجوع

دلوقتي باتمنى اقعد لوحدي

لأن الولاد بيجننوني على الأكل

و دلوقت يا بآكل قبليهم يا بآكل بعد ما يخلصوا

تجنبا للإصابة بقرحة المعدة

مش بأهزر و الله

مبعرفش آكل في الدوشة بالمرة

حتى لو فرح و فيه ميوزك صاخبة بآخد طبقي وأطلع بعيد عن الدوشة

يعني بأحب اللمة الحلوة

بس مش المزعجة

و ما بأحطش همي في الأكل

لما أكون متوترة بأقوم أقلب أي غرفة في البيت و أغيرها أو أقلب الدولاب و أعمله

أو أهجم على المطبخ أقلبه و أعمله تاني

أو أكتب

ده و انا في بيت أهلي

دلوقت يزيد على اللي فات

أني أقوم أعمل أكلات بيحبوها الولاد

ده ما يمنعش ان في حالات الاكتئاب القصوى اللي مينفعش معاها حاجة من اللي فاتوا دول

بآكل كتير

بس مش قدام جوزي نهائي

:closedeyes:

على فكرة معظم البنات اللي بتاكل كتير بيبقى السبب نفسي أولا و أخيرا

[enjisultan]

بالله ما فاهم ولا حاجه بس احب اهنىء السيد الرئيس بعيد ميلاده

اية دا :lol:

دا حتى كلام زى الفل اهة والكلام ماشى بمنتهى التسلسل والمنطقية

[عنبو]

مصرية متغربة مشاركة بتاريخ أمس, 11:23 AM

بس هو محصلش معايا لأني اتجوزت على طول من غير خطوبة

ايه عمركم ما عزمتم العريس فى فترة الخطوبه خالص ياااااااااااااااااااااااااااااااااااااه ده كله بخل لا لا لا لا ده احسن حاجه فى الخطوبه هى العزايم يلاااااااااااااااااااا

في الكلية و الشغل كانت أكلتي كيس شيبسي و كرواسانية أو باتيهاية مع حاجة ساقعة و دمتم لحد ما أروح

و كنت بآكلهم عادي خالص

و لا مرة حتى فكرت أتصنع

يعنى لو انتى قاعده فى البيت ومافيش شغل هتاكلى دول بس انا شخصياً اكلى بره زى جوه الافطار والغدا موحد فى جميع الاماكن بنفس الكميه وتقريباً نفس الانواع

أنا أصلي من النوع اللي باتكلم كتير خصوصا لو مع أصحابي المفضلين و اللي بيننا حاجات مشتركة كتير

الكلام على الاكل سنه على فكره

ده ما يمنعش ان في حالات الاكتئاب القصوى اللي مينفعش معاها حاجة من اللي فاتوا دول

بآكل كتير

بس مش قدام جوزي نهائي

:blink:

enjisultan مشاركة بتاريخ أمس, 04:12 PM

بالله ما فاهم ولا حاجه بس احب اهنىء السيد الرئيس بعيد ميلاده

اية دا

دا حتى كلام زى الفل اهة والكلام ماشى بمنتهى التسلسل والمنطقية

اه انا واخد بالى فعلاً تسلسل ومنطقيه "" من طيقه "" ومن كاب "" ومن قبعه ""

حلوه قوى موضوع سلو فرنسا ده ؟؟

[pocy]

عجبنى كتير موضوعك لان دمه خفيف بس ياراجل انت سايب مذاكرتك والمحاضرات وقاعد تشوف البنات بتاخد ازاى ومتابع فيشرايه فيشرايه وشيبسييه شبسييه الله يسمحك يا شيخ دا بدل ما كنت تقعد تقرا لشكسبير و تثقف نفسك شويه

المهم طبعا مش كل البنات بيعملوا كده المعظم بياكل عادى جدا واللى بتاكاكل بالمنظر ده بتبقي عايزه ترسم نفسها لانها شايفه ان في ناس زى حضرتك كده بتبوصلها فى الاكل فقالت تذلكم شويه ههههههههههههههههه

وكل ما اتاخرت في الضغط على زر البلع كل ما زاد عدد المتفرجين

بس نرجع ونقول ان في ناس طبيعتها كده

اما بالنسبه بقي ع اكل الرجاله فانا محبش ابدا اى راجل بشنب اسألونى ليه لان ساعات الرز بيلزق في شنبه وممكن اى حاجه تانيه و الله مبقدرش استحمل انى اشوف المنظر ده بس الحمد لله ان كرمنى بزوجى من غير شنب والا ..................................