انا مصرى معرفش مصر

[سكر]

انا مصرى معرفش مصر

انا اعترف عمرى خلاص بقى 33 سنه ومعرفش بلدى

وانا متاكد ان فى ناس كتير قوى متعرفش بلدها

كام واحد شاف السد العالى

اخر مرة زرت الاهرام

عملت قبل كدة رحلة الى الواحات وشفت جمال الطبيعة

شفت سد اسوان

شفت بحيرةناصر

شفت طابا الى تعبنا عشان ترجع

طيب كام مرة رحت سيناء الى اكيد فى كل بيت او شارع فى مصر شهيد او جريح فيها

شفت مرسى مطروح وجمال المياة فيها

شفت معابد الفراعنة بالاقصر واسوان

كل دة شفته فيديو عايز اشوفه بقى حقيقى

بنتخانق على منصب اليونسكو

طيب حد يعرف اليونسكو عملت ايه لمصر فى بناء السد العالى

امتى هتفرج على بلدى واتعرف عليها باستمتاع

ليه السياحة الداخلية فى مصر مش حاسس بيها

هل هو كسل منى هل هو بخل لتوفير النفقات

ام انشغال فى طاحونة البحث عن الرزق

معتقدش ان الغربه السبب

بردة لو كنت فى مصر مكنتش هعرف مصر

عايز اكون مصرى يعرف مصر

[المخنوق دائما]

المسألة مادية فى المقام الأول

وبعدين لما بتكون عارف ان الحاجه عندك مبيبقاش عندك فضول انك تشوفها كتير

وبالنسبة لليونسكو بما انك فتحت الموضوع فأنا مبسوط جدا ان فاروق حسنى خسر

بالذمة حد يعرف مين فاروق حسنى ده اساسا وللا اية انجازاتة؟؟؟

واحد معوق داخل ماتش مصارعة واللى قدامة وحش وبعدين يستغرب اتطحن ليـــــــــــــــــــــه؟

تم تعديل 27 سبتمبر 2009 بواسطة المخنوق دائما

[Lembic]

انا مصرى معرفش مصر

انا اعترف عمرى خلاص بقى 33 سنه ومعرفش بلدى

وانا متاكد ان فى ناس كتير قوى متعرفش بلدها

كام واحد شاف السد العالى

اخر مرة زرت الاهرام

عملت قبل كدة رحلة الى الواحات وشفت جمال الطبيعة

شفت سد اسوان

شفت بحيرةناصر

شفت طابا الى تعبنا عشان ترجع

طيب كام مرة رحت سيناء الى اكيد فى كل بيت او شارع فى مصر شهيد او جريح فيها

شفت مرسى مطروح وجمال المياة فيها

شفت معابد الفراعنة بالاقصر واسوان

كل دة شفته فيديو عايز اشوفه بقى حقيقى

بنتخانق على منصب اليونسكو

طيب حد يعرف اليونسكو عملت ايه لمصر فى بناء السد العالى

امتى هتفرج على بلدى واتعرف عليها باستمتاع

ليه السياحة الداخلية فى مصر مش حاسس بيها

هل هو كسل منى هل هو بخل لتوفير النفقات

ام انشغال فى طاحونة البحث عن الرزق

معتقدش ان الغربه السبب

بردة لو كنت فى مصر مكنتش هعرف مصر

عايز اكون مصرى يعرف مصر

أنا شفت الزبالة فى كل مكان ممكن أن توجد به حياة

شفت الذباب وعاشرته وزاملته فى كل شبر على أرض مصر أى كان مستواها المادى

شفت الفساد والاستكراد والنصب والحسد والجليطة والقذارة والبذاءة والاستغفال والجهل والعيب وغياب الدين والشرف وإنعدام الضمير فى كل لحظة فى اليوم فى مصر

شفت الغرور والنطاعة والاستهبال والمداهنة وبيع النفوس بارخص الاسعار أو حتى ببلاش وشفت السرقة والتفاهة والهيافة والسذاجة والعبط والهبل فى كل ثانية فى اليوم

عاوزين كمان ولا كفاية كده دلوقت؟

[adrianocrespo]

أنا شفت الزبالة فى كل مكان ممكن أن توجد به حياة

شفت الذباب وعاشرته وزاملته فى كل شبر على أرض مصر أى كان مستواها المادى

شفت الفساد والاستكراد والنصب والحسد والجليطة والقذارة والبذاءة والاستغفال والجهل والعيب وغياب الدين والشرف وإنعدام الضمير فى كل لحظة فى اليوم فى مصر

شفت الغرور والنطاعة والاستهبال والمداهنة وبيع النفوس بارخص الاسعار أو حتى ببلاش وشفت السرقة والتفاهة والهيافة والسذاجة والعبط والهبل فى كل ثانية فى اليوم

عاوزين كمان ولا كفاية كده دلوقت؟

عاوزين كمان ؟؟؟؟؟؟؟؟؟؟

هو لسه في حاجه حضرتك مقلتهاش wst::

بالنسبه للموضوع الاساسي

اعتقد ان العامل المادي له تأثير كبير

المرتبات ضعيفه لدرجه يصعب معها القيام برحلات لهذه الاماكن

و من ناحيه اخري صعوبه الحصول علي اجازه لبعض الفئات العامله حتي يتسني لهم الوقت لمثل هذه الرحلات

[se_ Elsyed]

مال الزبالة بالذباب بالسياحة الداخلية ؟!!!!!!!!!!!!!!!

هل لو ما زرتش المتحف المصري هايكون بسبب الذباب اللي بيضايقك ؟َََِِ!!!!!!

ايضاً الموضوع ليس متعلقاً بالامكانيات المادية بشكل كبير

بدليل

الرحلات التي تنظمها المدارس والجامعات بتبقى بأسعار رمزية جداً

فإذا كنت إنت بتكسل ..... يبقى دي غلطتك ؟

حد يقدر يقول لي زيارة للمتحف المصري او القرية الفرعونية او للاهرامات محتاجه امكانيات مادية ضخمه ؟

كمان .. تيقن تماماً إن نفس المبلغ اللي ممكن تصرفه في احد المصايف .. ممكن تصرف اقل منه في زيارة للأقصر وأسوان ...

أعتقد غن المشكلة ثقافية في المقام الأول

يعني الموظف اللي بتتكلموا عنه ده يُفضل أن يذهب الاسكندرية مثلاً كل عام على ان يُجرب في مره الذهاب الى الفيوم ومعالمها السياحية أو اسوان

صح ولا لأ ؟

[سكر]

أعتقد غن المشكلة ثقافية في المقام الأول

يعني الموظف اللي بتتكلموا عنه ده يُفضل أن يذهب الاسكندرية مثلاً كل عام على ان يُجرب في مره الذهاب الى الفيوم ومعالمها السياحية أو اسوان

صح ولا لأ ؟

اتفق معك تماما فى هذة النقطة

اعرف ناس كتير مرتحة مادية الفسحة بالنسبه لهم هى اسكندرية لابد

بس ممكن اضيف سبب تانى هو ضعف اهتمام شركات السياحة بالسياحة الداخلية

مع ان هى السند الحقيقى لهذه الشركات وقت الازمات

اخر مره واول ومرة زرت المتحف لما كنت فى ثانوى وبالصدفه

تم تعديل 28 سبتمبر 2009 بواسطة موعود

[النسر المصري]

انا فاكر زمان (قبل مايبقى في شرم وساحل وقرى وماالى ذلك)....كان المصريين بيختاروا بين حاجتين كل سنه بالتبادل... السنه دي اسكندريه....تلاقي الاعلام كله قاعد بيتقبل الناس في الاسكندريه...والسنه التانيه العريش...والناس والاعلام هناك طاير بردو عالعريش

...يعني سياسة التوزيع الجغرافي ضعيفه من ززمان....وصدقوني افشل وزارة سياحه في العالم هي وزارة السياحه المصرية!!

[Lembic]

مال الزبالة بالذباب بالسياحة الداخلية ؟!!!!!!!!!!!!!!!

هل لو ما زرتش المتحف المصري هايكون بسبب الذباب اللي بيضايقك ؟َََِِ!!!!!!

ايضاً الموضوع ليس متعلقاً بالامكانيات المادية بشكل كبير

بدليل

الرحلات التي تنظمها المدارس والجامعات بتبقى بأسعار رمزية جداً

فإذا كنت إنت بتكسل ..... يبقى دي غلطتك ؟

حد يقدر يقول لي زيارة للمتحف المصري او القرية الفرعونية او للاهرامات محتاجه امكانيات مادية ضخمه ؟

كمان .. تيقن تماماً إن نفس المبلغ اللي ممكن تصرفه في احد المصايف .. ممكن تصرف اقل منه في زيارة للأقصر وأسوان ...

أعتقد غن المشكلة ثقافية في المقام الأول

يعني الموظف اللي بتتكلموا عنه ده يُفضل أن يذهب الاسكندرية مثلاً كل عام على ان يُجرب في مره الذهاب الى الفيوم ومعالمها السياحية أو اسوان

صح ولا لأ ؟

طيب يا سيدى أنا ذهبت الى المتحف المصرى العريق فى التحرير العام الماضى! طبعا بعد صراع مرير أمام الشباك مع مندوبى الرحلات السياحية من أجل أن أقف فى الطابور وكأنى سأقف فى طابور عيش أو طابور الجنة إستطعت أن أشترى التذاكر ودخلت المتحف! طبعا التصوير ممنوع داخل المتحف! صح؟ لا غلط! للمصريين فقط ممنوع! أنا شاهدت واحدة أمريكية شغالة تصوير وناقص تضع الكاميرا داخل أحشاء التمثال وعندما أخبرتها لأن التصوير ممنوع ردت على بلهجة مرتعشة وقالت بأنها أخذت تصريحا من د.زاهى حواس شخصيا وطبعا لم اصدق كلامها فذهبت الى الامن فجاء معى أمين شرطة تحفة! وطبعا لم يعرف كيف يتكلم معها ثم بعد ذلك نظر لى نظرة إستعطاف وكأنه يقول يا عم طنش! و هنا طبعا نظرت الى السائحة الامريكية نظرة إستهزاء وتعالى وكأنها تقول أعلى ما فى خيلك اركبه يا مصرى!

طبعا أنا لم أسكت وطلبت أن أقابل مسؤلا وطبعا ككل شيء فى البلد مفيش حاجة إسمها مسؤول ! حرامى ممكن نصاب مفيش مشاكل لكن مسؤول لا ! هذا ما قصدته ب "النصب والاستكراد والجهل والذل والقذارة ووووووو" اللى فى بلدنا! هل رأيت فى أى مكان محترم إذا دخلت الحمام تجد من يمسك رول ورق حمام ويناولك ورقتين فقط ر غير ؟ أنا بصراحة عمرى ماشفت سياحة زبالة بالشكل ده! طبعا غير الحمامات الممتلئة بالذباب الذى تهون حضرتك من اثره على النفس!

السياحة ليست أثرا وفقط بل هى منظوة متكاملة تشمل المكان النظيف جدا والموظف المدرب على الاحترام العالى والخدمة الفائقة والابتسامة الوديعة ثم يأتى بعد كل هذا الاثر!

نحن لا يوجد عندنا سياحة! زبالة أه!

[Lembic]

أعتقد غن المشكلة ثقافية في المقام الأول

يعني الموظف اللي بتتكلموا عنه ده يُفضل أن يذهب الاسكندرية مثلاً كل عام على ان يُجرب في مره الذهاب الى الفيوم ومعالمها السياحية أو اسوان

صح ولا لأ ؟

اتفق معك تماما فى هذة النقطة

اعرف ناس كتير مرتحة مادية الفسحة بالنسبه لهم هى اسكندرية لابد

بس ممكن اضيف سبب تانى هو ضعف اهتمام شركات السياحة بالسياحة الداخلية

مع ان هى السند الحقيقى لهذه الشركات وقت الازمات

اخر مره واول ومرة زرت المتحف لما كنت فى ثانوى وبالصدفه

والله فكرتنى! أنا ذهبت مرة الى مكتب سباحى عريق فى وسط القاهرة وطلبت معلومات عن الرحلات النيلية الطويلة ! ولكى أجعل القصة قصيرة! توقعت أن أرى كتيبا أو مجلة مصورة تشرح لى الموظفة منها شيئا عن الرحلات النيلية! ولكنى صعقت عندما رأيت الموظفة القديرة تخرج لى ورقة كانت أساسا حجز تذكرة لمسافر وترسم لى على ظهرها بالقلم الجاف نهر النيل برافديه من أقصى الشمال الى الاقصر وأسوان وتكتب لى بالقلم الجاف أسماء القرى والمدن على طول نهر النيل! وعندما سألتها إذا كان هناك مجلة أو أى حاجة مصورة ردت بخمول عجيب "لا والله مفيش حاجات كده"! وذلك طبعا لان كل ما يشغلها هو تذاكر سفر للخليج أو العمرة! وطز فى السياحة!

هاها سلم لى على السياحة الداخلية فى بلدنا إن وجدت!

[miramikhail]

أنا أعتبر لفيت شوية فى مصر و أنا صغيرة وده يمكن كان له فضل كبير فى أعتزازى و أنتمائى الشديد للبلد لأنى شفت و أنا صغيرة كل الأثار اللى فى الأقصر و المعابد فى قنا و أدفو و كومبو و السد العالى فى أسوان و برج الصداقة و خزان أسوان و رحت الغردقة من زماااااااان قبل ماتبقى الغردقة اللى نعرفها و حبيتها جدا وقتها (سنة71) و ده طبعا مش بمجهودى ده نتيجة لشغل والدى اللى لف محافظات الجمهورية فكنا كل أجازة نسافر محافظة نروح له نقعد معاه ونلف فى المحافظة وطبعا المتحف المصرى و الهرم و هرم سقارةو هرم ميدوم دول الحقيقة لفتهم و أنا بشتغل فى أول ما تخرجت لأنى أشتغلت مع يابانين ودول كانو عارفين كل أثر فى مصر قبل ما يجو و كانو بيحبوا يلفوا الأثار و كانوا بيعوزونا معاهم عشان يوفروا مترجم يعنى و معاهم لفيت جامع أبن طولون و السلطان حسن و الرفاعى و بيت السحيمى ومتاحف كتير زى متحف مختار و متف حلو جدا جنب دار الأوبرا بس مش فاكرة أسمه بس كان فية أثار كتيرة و متسابة مهملة

ورحت المتحف القبطى طبعا و الكنائس اللى هناك

و المتحف الأسلامى ده روحته و أنا فى الكلية مع وحده صحبتى قررنا نتعرف زيك كده على بلدنا و أبتدينا بالمتحف المصرى و مرة تانية المتحف الأسلامى.

وطبعا قلعة قايتباى و متحف الأحياء المائية الحاجة اللى ليومنا هذا ما روحتهاش هى المتحف الرومانى مش عارفة مكانه.

بالنسبة على اليونسكو دية بقى هى اللى نقلت معبد فيلة و ده فى أسوان عشان ما يغرقش (وقت ما روحت كان أتنقل و بيركبوه) و كمان معابد أبو سمبل و دول ما روحتهمش لأن وقتها ماكنش فية غير المركب و بابا خاف علينا.

المهم ده مهم أوى للولاد أنا بحاول الولاد يطلعوا أى رحلة مع المدرسة أو الجامعة عشان يتعرفوا على البلد طبعا للتكلفة العالية لو كلنا سافرنا.

أما السلبيات اللى بتقولوا عليها دية مشكلتنا أحنا مش مشكلت البلد بالبلدى كده الحقيقة أحنا بالبنعملة خسارة فينا البلد دية ده فية بلاد بتعمل من الفسيخ شربات حد راح المتحف البريطانى ده دور بتاع أثرنا و الدور التانى بتاع أثار من الصين و اليابان مأنا عرفة و مافيش لهم حاجة و لا متحف الفن اللى فى تليفرجار القاعة رقم واحد عبارة عن أيقونة من كنيسة عمارة 300-400سنة يعنى نص كنايس مصر أقدم منها ومحطوطة فى فاترينة أزاز و حكاية

[الباشمهندس ياسر]

http://www.facebook.com/group.php?gid=136298508683

جروب بيدعوا لنفس الفكرة

[om marawan]

هو ليه كل مشكلة فى البلد نرميها على الناس ا لتانيين

وليه شركات سياحة او غيرها ما فيه ناس بتسافر لاماكن كتير فى مصر من غير شركات

ممكن ندور على رحلات تبع الجامعة او شركات او حتى بالمواصلات العادية زى الاجانب

احنا كمان سافرنا الاقصر واسوان والفيوم وشرم الشيخ واسكندرية ومرسى مطروح والعريش وبورسعيد واسماعيلية

عمى رحمه الله قضى السنين الاخيرة بعد الستين يروح مرسى مطروح ومنها للواحات ولسيوة .. وكل ده بالقطر وبتكاليف بسيطة جدا كان يقضى اى وقت عاوزه

ازاى بنقول بلاش سلبية واحنا طول الوقت بنلعن الظلام

[aimen]

مقال صافيناز كاظم بالمصرى اليوم

===================

صافى ناز كاظم تكتب: برافو شعب مصر: تركتم الأهرامات لحواس

٣٠/ ٩/ ٢٠٠٩

هذا الكلام أكتبه ثالث أيام عيد الفطر المبارك وأمامى فى الصفحة الأولى لجريدة «الأهرام» بتاريخ٢٢/٩/٢٠٠٩ عنوان خبر يقول: «المواطنون فضلوا القناطر الخيرية على الأهرامات فى العيد»، وفى تفصيل الخبر بالداخل أفادت محررته بأن ٣ آلاف مصرى فقط زاروا الأهرامات، فى مقابل ربع مليون ذهبوا إلى حديقة الحيوانات،

ومثلهم إلى حدائق القناطر الخيرية ومئات آلاف آخرين إلى الحديقة الدولية، وأن مدير آثار الهرم الأستاذ كمال وحيد قال إنه «لا يدرى ما السبب لقلة الزوار المصريين للأهرامات»، كأنه لم يقرأ الخبر الذى نشرته «الأهرام» فى صفحتها الأخيرة يوم ٢٠/٩/٢٠٠٩ تحت عنوان:»مناطق الآثار تستقبل زوارها فى العيد والسماح للمصريين بزيارة الأهرامات»، وبه قول منسوب لزاهى حواس، الأمين العام للمجلس الأعلى للآثار، يعلن بلا حرج الاستفزاز التالى: «تم السماح للمصريين بزيارة منطقة الأهرامات»، بما يفهم أن المصريين كانوا ممنوعين من زيارة الأهرامات، رغم أن هذا الأمر كان مثاراً منذ سنوات، وكنت ممن تناوله بالاحتجاج فى جريدة «الوفد» حتى تدخل السيد وزير الثقافة، فاروق حسنى، وأوقف المنع مما دعانى وقتها إلى كتابة مقالى بـ»الوفد» تحت عنوان:»بشرى بشرى لبنى مصر بإمكانكم زيارة أهراماتكم»!

وهكذا نجد أن هذه النغمة غير الطيبة وغير المقبولة فى الحديث عن الشعب المصرى والآثار، ما زال السيد حواس يطبلها على دماغنا، كما بدأها منذ سنوات، حين بدأ حملته لتطفيش المواطنين من مناطق الآثار والأهرامات على وجه الخصوص محتجاً بأن أنفاس المواطنين، أهل البلد، ضارة بالآثار وكلام آخر مماثل لهذا التحقير الفاحش للمصريين أصحاب الآثار وملاكها والقائمين عليها، ولم تقف حملة حواس عند حدود الكلام البايخ بل تعداه، وأنا شاهدة بالتجربة العملية على إساءة معاملة المصريين عند مداخل الأهرامات إلى درجة أدهشت مصرى متجنس بالجنسية الأمريكية، حين أهين بجواز سفره المصرى ورد له جواز سفره الأمريكى اعتباره، مما دعاه إلى رفض المصالحة التى ترفضه مصرياً وتكرمه أجنبياً!

لا نناقش ضرورة حماية آثارنا من التناول الخاطئ لبعض الزوار من أهلنا أو من غيرهم، لكن هناك ضرورة حماية مماثلة للمصريين المواطنين من سياسة التحقير والتشهير والاستباحة المهينة لكرامتهم فى التعامل والمعاملة، تلك التى يعتمدها حواس ويوصى بها من يأتمرون بأمره، والشاهد عليها تصريحاته الفظة التى أوردتها جريدة «الأهرام» لتلطمنا صباح أول أيام العيد، فكيف كان من الممكن أن تنفتح شهية مصرى معتز بمصريته ليغامر بزيارة الأهرامات وهو تحت التهديد المذكور فى الخبر: «.. ويتم بالتنسيق مع شرطة السياحة إخلاء أى مجموعات تسىء للأهرامات من حيث ممارسة الألعاب أو العبث بقيمة الأثر بأى شكل من الأشكال ..»،

وقد بلغ التهديد أوج مسخرته بالصياغة التالية المكملة له بلغة طبوش العكر إذ يقول: «وتيسيراً على المواطنين تقرر تواجد مديرى المناطق والمواقع الأثرية ابتداء من الصباح وحتى نهاية اليوم لضمان الحل الفورى لأى مشكلة طارئة»، وصحيح أن الخبر لم يذكر أن «التيسير» المرتقب للمواطنين سوف ينفذ بالطريقة «الحواسية» المعروفة، بالشخط والنطر وقلة الذوق وخلافه، لكن كان بإمكاننا أن نستنتج ذلك!

=====

http://www.almasry-alyoum.com/article2.asp...mp;IssueID=1544

بلا تعليق

[Princesse]

انا مصرى معرفش مصر

انا اعترف عمرى خلاص بقى 33 سنه ومعرفش بلدى

وانا متاكد ان فى ناس كتير قوى متعرفش بلدها

كام واحد شاف السد العالى

اخر مرة زرت الاهرام

عملت قبل كدة رحلة الى الواحات وشفت جمال الطبيعة

شفت سد اسوان

شفت بحيرةناصر

شفت طابا الى تعبنا عشان ترجع

طيب كام مرة رحت سيناء الى اكيد فى كل بيت او شارع فى مصر شهيد او جريح فيها

شفت مرسى مطروح وجمال المياة فيها

شفت معابد الفراعنة بالاقصر واسوان

كل دة شفته فيديو عايز اشوفه بقى حقيقى

بنتخانق على منصب اليونسكو

طيب حد يعرف اليونسكو عملت ايه لمصر فى بناء السد العالى

امتى هتفرج على بلدى واتعرف عليها باستمتاع

ليه السياحة الداخلية فى مصر مش حاسس بيها

هل هو كسل منى هل هو بخل لتوفير النفقات

ام انشغال فى طاحونة البحث عن الرزق

معتقدش ان الغربه السبب

بردة لو كنت فى مصر مكنتش هعرف مصر

عايز اكون مصرى يعرف مصر

موضوع جميل ، احييك يا استاذ امين عليه

الحمدلله كان عندي فرصة ازور الاماكن الي حضرتك ذكرتها كلها ، ما عدا سيناء.

و بالنسبة لي اجمل مكان على وجه الارض هو معبد فيلة و واحة الداخلة.

كان لي تعليق : لماذا نحمل شركات السياحة مسؤلية عزوفنا احنا المصريين عن زيارة هذه الامكان؟

المشكلة ان المصريين مش بيحبوا السياحة الداخلية، و الدليل ان مصريين كتير بيسافروا كل سنة تركيا و قبرص و شركات السياحة بتعمل برامج كتيرة و بأسعار معقولة لان شايفة ان فيه اقبال.

طيب و ايه الحل؟؟

كان في الشركة بتعتنا في فريق مهمته النشاط الثقافي. كل شهر كان الفريق الثقافي بيعمل رحلة ثقافية لموظفين الشركة

مرة زرنا مصر القديمة و الكنيسة المعلقة

و مرة تانية زرنا الازهر و القلعة و الاثار الاسلامية

و مرة زرنا المتحف المصري و الاهرام

دا غير الفيوم و مكتبة الاسكندرية

كانت الشركة بتعتنا بتوفر لينا اوتوبيسات ، و كان الفريق الثقافي بيوفر لينا مرشدين يكونوا معانا طول الزيارات

كان الموضوع كله جهود ذاتيه

الي عاوز يعمل حاجة هيعملها

و بدل ما انتم عاملين تتكلموا كدة تعالوا نجمع بعض و نكون فريق ثقافي هدفه يكون القيام برحلات ثقافية حتى في القاهرة بس.

[Scorpion]

موضوع جيد أستاذ "موعود" أحييك علي طرحه للنقاش ...

و بخلاف ما أضافه جميع الزملاء الأعزاء هنا ... أوحي لي كلامك بجانب آخر وددت ان أطرحه ...

مجرد فكرة عن كتيب سياحي بسيط نقوم بكتابته نحن أعضاء المحاورات .. كلآ عن محافظته أو بلده ...

مصر ليست فقط الأهرامات او القلعة او جنينة الحيوانات ...

مصر ليست فقط شرم او الغردقة او راس سدر او الساحل الشمالي ,,,

مصر ليست فقط اسوان و الأقصر و ابو سمبل ..

مصر ليست فقط اسكندرية او راس البر ...

هناك محافظات و شواطيء كثيرة و اماكن متعددة نكاد لا نعرفها بالفعل ...

واحات مصر و صحرائها

مدنها الريفية ...

بلدانها القريبة و النائية ...

لذا أدعو أعضاء المحاورات المقيمين في اي منطقة خارج المدن الكبري .. بكتابة موجز صغير عن بلدهم .,. الأماكن التي يمكن زيارتها ... هل هناك فنادق او بنسيونات او اي مكان يستطيع ان يقيم به الزائر و لو لليلة واحدة ...

كيفية الوصول ... و الأسعار ان امكن ...

هذا هو مجهود ايجابي .. أفضل بمراحل من البكاء و التحسر و كيل الأتهامات و البحث عن اعذار ...

مين قال انا اعرف حاجة ممكن تهمكم ؟؟؟

[Om Zayd]

السلام عليكم

أجدد الدعوة