هل توافق ام ترفض

[lobnah]

السلام عليكم

احدى صديقاتى المقربات اختها كانت مخطوبة وتم فسخ الخطبة هو الذى اتخذ قرار بفسخ الخطبة لأن كان دار حوار بين خطيبته واخته محتواه انها تخشى من السكن فى منزل العائلة تجنبا لوقوع مشاكل.. واخته نقلت الحوار لأهلها وتم فسخ الخطبة فى التو واللحظة ..كانوا على وشك الاستعدااد للزواج...هذا الكلام حدث منذ عشرة اشهر تقريبا ..هى الان تستعد لدخول الجامعة ولا تريد الارتباط الا بعد انهاء كليتها ..تقدم لها مرة اخرى ..ولكن والدها لا يريد ان يتدخل فى حياتها وامها كذلك وترك لها حرية الاختيار وصديقتى التى تثق برأيى سألتنى وطلبت المشورة وانا قلت اسألكم يمكن اجد الجواب عندكم

[mama nona]

السلام عليكم

احدى صديقاتى المقربات اختها كانت مخطوبة وتم فسخ الخطبة هو الذى اتخذ قرار بفسخ الخطبة لأن كان دار حوار بين خطيبته واخته محتواه انها تخشى من السكن فى منزل العائلة تجنبا لوقوع مشاكل.. واخته نقلت الحوار لأهلها وتم فسخ الخطبة فى التو واللحظة ..كانوا على وشك الاستعدااد للزواج...هذا الكلام حدث منذ عشرة اشهر تقريبا ..هى الان تستعد لدخول الجامعة ولا تريد الارتباط الا بعد انهاء كليتها ..تقدم لها مرة اخرى ..ولكن والدها لا يريد ان يتدخل فى حياتها وامها كذلك وترك لها حرية الاختيار وصديقتى التى تثق برأيى سألتنى وطلبت المشورة وانا قلت اسألكم يمكن اجد الجواب عندكم

الموضوع فالاول والاخر قسمة ونصيب

انا من رأيى متوافقشى

لانه اتنازل وفسخ الخطوبة لمجرد كلام اتقال

وكان ممكن يكون الكلام ده مجرد هواجس وكانت بتفضفض بيها

وبعدين انتى بتقولى انها تستعد لدخول الجامعة

يعنى لسه بدرى عليها

وبعدين الخطوبة الطويلة بتجيب مشاكل

وكمان هو ليه انتظر 10 شهور وبعدين رجع

احتمال انه كان بيدور على عروسة تانية ومتوفقش

وخليها تصلى استخارة

وربنا يوفقها للخير ان شاء الله

[Folana]

السلام عليكم ورحمة الله...

على الرغم من إيمانى المطلق بأن كل انسان له ظروفه ..ولانستطيع الحكم بشكل عام على المواقف والاشخاص ..الا انى مؤمنة أيضا بأن المقدمات تنذر بالنتائج....

مالفت نظرى فى المشكلة أنها حدثت بسبب تخوف العروسة من السكن فى بيت العائلة..وبالتالى العائلة اللى العروسة خايفة من السكن معهم قامت بتحقبق مخاوف البنت وتسببت فى انهاء الخطوبة....من أولها كده يعنى...:unsure:

لا أستطيع ان اقدم نصيحة بالرجوع الى خطيبها او لأ...لانى كما ذكرت كل انسان له ظروفه....ولكن نصيحتى ان تصر على اختيار سكن بعيد عن سكن الاهل...وهذا ما انصح به ابنتى ..بل ..واصر على تنفيذه....

تجنبا لحدوث سلسلة من المشاكل ...وحتى تستطيع ان تحتفظ بعلاقتها سوية مع افراد اسرة زوجها....."والجدار العالية تصنع الجيرة الحسنة"...

.واهمسى فى اذنها بألا تفتح قلبها لاخوات زوجها مرة اخرى....ان كانت تريد ان تحيا فى سلام....

تحياتى..

:closedeyes:

[ذهبية]

راى مش هيتختلف عن الاخوات فى حاجة انا لو مكانها لا اوافق

بصراحة الكل اظهر مخاوفة من الاول

البنت مش دبلوماسية لانها اختارت الموضوع الغلط و الشخصية الغلط اللى تتكلم معاها مينفعش تقول لاخت عريسها انا خايفة منكم

و الاخت بينت نواياها انها جريت حكيت لامها

الام بينت شخصيتها فى انها فضت الموضوع كلة من الاول و دة دليل على قوة شخصية الام و سيطرتها على مقاليد الامور و ان الولد ملوش شخصية

العريس نفسة فين من كل دة لا سالها و لا عمل اى موقف يدل ان لة شخصية امام الام او الاخت

يعنى بصراحة كل الاطراف مش هتمشى مع بعض

لا امانع بالسكن فى بيت الاسرة خاصة مع الظروف المادية المحيطة بالشباب بس انهو واحدة تقدر تعمل الموضوع دة لازم الاول تكون الاول دبلوماسية صبورة هادية بااااااااااردة علشان تعرف تعيش كويس بتعرف تقول اية و متقولش اية

وطبعا دة مش متوفر فى صديقتك فية بنات تقدر و فية بنات لا

[miramikhail]

:closedeyes: أنا مع كل المشركات لأه مش مفروض ترجع له وده لعدة أسباب

أولا هو خد قرار أنه يسبها منه لنفسة و قد يكون تحت ضغط أمه و أخواته يعنى مش عامل لها أى حساب ولا خد رأيها وأش ضمنها فى بعد مايتجوزوا ميعملش كده و يسبها و سعتها تبقى مشكلة بجد.

ثانيا البنت لسة حتخش الجامعة يعنى صغيرة أوى و متقدرش تقرر أنه ينفعها ولا لآه.

ثالثا أنا مش مع أنها تسكن مع عيلته ممكن فى نفس العمارة لكن فى نفس الشقة لأه طبعا ولا مع أهلها حتى وده بيمنع مشاكل كتير جدا.

و ده مجرد رأى :unsure:

تم تعديل 28 سبتمبر 2009 بواسطة miramikhail

[lobnah]

بصراحة وجهات نظر مقنعة جدا انا سأعرض عليها هذه الاراء

انا لم اعرف التفاصيل بعد هى قالت لى ان منزل العائلة مقسم الى عدة شقق منفصلة يعنى الدور فيه شقتين شقتين

حصلت مشاكل لقريبة لهم كادت تنتهى بالطلاق بسبب مشاكل الاهل هذا ما كانت قالته لى صديقتى قبل فسخ خطبة اختها

..ولذلك ربما هى كانت متخوفة من حدوث طلاق كما حصل مع قريبتهم ..

[الباشمهندس ياسر]

بلاش احسن

موضوع انها سابها من غير حتى ما يتناقش معاها و يشوف الدنيا فيها ايه ( زى ما انا فهمت ) يخلينى اقول بلاش احسن

على جنب :

السلام عليكم ورحمة الله...

..ولكن نصيحتى ان تصر على اختيار سكن بعيد عن سكن الاهل...وهذا ما انصح به ابنتى ..بل ..واصر على تنفيذه....

:lol:

و عليكم السلام و رحمة الله و بركاته

ممكن تساؤل من الجهة الاخرى للنهر

و لو عند حضرتك ولد ... هيبقى نفس الموقف

[mama nona]

بلاش احسن

موضوع انها سابها من غير حتى ما يتناقش معاها و يشوف الدنيا فيها ايه ( زى ما انا فهمت ) يخلينى اقول بلاش احسن

على جنب :

السلام عليكم ورحمة الله...

..ولكن نصيحتى ان تصر على اختيار سكن بعيد عن سكن الاهل...وهذا ما انصح به ابنتى ..بل ..واصر على تنفيذه....

:lol:

و عليكم السلام و رحمة الله و بركاته

ممكن تساؤل من الجهة الاخرى للنهر

و لو عند حضرتك ولد ... هيبقى نفس الموقف

اهلا بالباشمهندس ياسر

بكرة هتجرب وهتعرف ان شاء الله

وبعدين ده الحل الامثل

هتكون فى راحة بال

وهتفضل حبيب لاهلك ولزوجتك

ودى طبيعة كونية منقدرش نغيرها

وفيه مثل بيقول

لو كانت الحبة قد التبن .... كانت الحما حبت مراة الابن

:P

[بندق أفندى]

مش عارف أختار عشاان انا كلمة تجيبنى وكلمة تودينى ههههههههههههههههههههههههههههه

[maksoof]

أنا عارف إنى ممكن أكون أعداء بالرد بتاعى بس بصراحة -و ده طبعا رأيى أنا و لا أقصد أن أقنع أى حد به- الراجل اللى بيسمح بتدخل أهله فى حياته الزوجية لا يبشر بالخير.

و بالمناسبة الكلام ده بينطبق على المرأة اللى بتسمح بتدخل أهلها فى حياتها الزوجية و أنا شايف إن أهلها جديرين بالإحترام لرفضهم التدخل.

و أعتذر لو كنت أسأت لأى حد.

[محمد افندى]

طبعا يا جماعه تفاصيل الموضوع كاملة مش عندنا

بس نقدر نقول انها اخطأت انها قالت انها مش عاوزة تسكن مع اهلة لأن للأسف دايما احنا بنسبق الاحداث

احيان كثير جدا الشخص بيبقى عاوز حاجة معينة وكانت ممكن تتحقق بس فى وقت معين وباستعجاله الامور بتتلخبط

اما عنه هو منعرفش ابعاد انه سابها اية هل اتناقش معاها ؟ ولا خد قرارة على طول

نصيحتى ليها لو هو راجع عشان متمسك بيها مش مجرد جوازة وخلاص تبدأ تفكر انها ترجع له وهى الوحيدة اللى تقدر تحدد لانها ادرى بية مننا

[rewsha]

انا كمان لاْاؤيدموضوع انها ترجع له تاني

انت عارفه لو السؤال كان..... هل تسكن مع اهل زوجها وله لا؟كنت قلت لك ممكن تسكن معاهم وكل واحد له ظروفه

لكن السؤال هنا هو هل ترجع تاني لخطيبها وله لا؟

خطيبها:اللي سابها من 10 شهور بسبب انها اتكلمت مع اخته في موضوع عدم رغبتها في السكن مع اهل الزوج

هيه اختارت تفضفض او تتناقش مع الشخصيه الغلط (اختيارها كان في غير محله )

هوه (العريس)فين بقه من القرارات اللي المفروض يقررها مع عروسته

ولو ظروفه ما تسمحش انه يسكن بره ولازم يسكن مع اهله .طب ما اتناقش معاها ليه من الاول وقرر فسخ الخطوبه ؟وليه رجع تاني لنفس العروسه اللي سابعا قبل كده؟

من الاخر ماترجعلوش

[Folana]

و عليكم السلام و رحمة الله و بركاته

ممكن تساؤل من الجهة الاخرى للنهر

و لو عند حضرتك ولد ... هيبقى نفس الموقف

السلام عليكم ورحمة الله....

:lol:

بداية أقول لحضرتك يا باشمهندس انى عندى بنتين فقط...الكبيرة فى كلية صيدلة...والصغيرة فى السنة الثانية من الشهادة اللى فيها كل الحروف الابجدية والمسماة مجازا آى جى سى اس ايى igcse.... :blink:

كده أنا جاوبت على الشق الاول من السؤال...واللى ممكن اختصر الاجابة فى جملة واحدة.."لأ..ماعنديش ولد"...

الشق الثانى من السؤال.....

حقيقى فكرت فيه كتير....وحاولت اتخيل ان لو عندى ولد....حاتخذ نفس الموقف وأرفض انه يسكن معايا فى نفس البيت..او مع اهل زوجته....

.

.

.

. (النقط دى تفكير.. )

أما من ناحية انه يسكن فى نفس المنزل اللى احنا فيه...فأنا احبذ انه يبعد حبة ليزيد محبة... ...

وان كنت لا أمانع طبعا لو فيه شقة فاضية انه يسكن فيها..لكن لن افرض عليه هذا.... لانى عارفة نفسى وعارفة زوجى وباقى افراد اسرتى الصغيرة...وعارفة اننا كلنا نعرف مالنا وماعلينا....ولو لا قدر الله سكن معانا...حيبقى كل واحد فى حاله فى الخصوصيات...

وفى النهاية ده شىء يخضع لرغبته ورغبة زوجته...يعنى اذا ارادا استبدال الشقة بأخرى فى منطقة بعيدة لاى سبب بقى.....فلن أمانع او اقوله "اهو ده الموجود وان كان عاجبهم...مايحمدوا ربنا ان عندك شقة....الى اخره"

طيب تعال بقى نشوف لو أنه حيسكن مع اهل زوجته....مممم !!!

خلينى اتكلم معاك بصراحة....شوف يا باشمهندس...لو الشقة ملك الزوجة...حأرفض رفض قاطع انه يسكن فيها....مش لانه حيبقى مع حماته ...ولكن لانى ما أحبش انه يتزوج بامكانيات غيره.....

او انه يسمع فى يوم من الايام كلمة دى شقتى وانا حرة فيها...مثلا يعنى...

لكن والله لو الشقة موجودة فى مكان لائق ويقدر على تكاليفها ...لا ارى اى غضاضة انه يسكن مع اهل زوجته فى نفس البيت....

أنا كده جاوبت ؟..ولا ماقدرتش افهم سؤالك صح؟....

أما ليه بأنصح البنت انها ترفض ان تسكن مع اهل زوجها.....ده موضوع يطول شرحه شوية...لكن باختصار اقولك ان من خلال مشاهداتى لكثير من الحالات حولى والتى اتعامل معها ...توصلت الى ان معظم الخلافات الزوجية بتكون بسبب تدخل الاهالى...وخصوصا تدخل اهل الزوج..وخصوصا اكتر بقى..لو عايشين فى نفس البيت....

والمشكلة المعروضة امامنا خير دليل على هذا القول....

اذن لو هناك امكانية ان يكون السكن مستقل فى جميع الحالات ...يكون افضل لجميع الاطراف....اما اذا تعثر ذلك بسبب الظروف الاقتصادية الحالية....فلا مناص من ان تبدأ حياتها فى المكان المتوفر على ان تتعلم وتتقن فنيات الذكاء الاجتماعى والاسلوب الامثل الذى يجب عليها اتباعه فى معاملة الاخر وازاى تقدر تستوعب زوجها واهله الى ان تصبح اهم فرد فى العائلة كلها...

وبالحديث عن الاستيعاب...تذكرت تساؤل الفاضل احمد سيف عن معنى الكلمة فى موضوع اخر....

فالى هناك....

بندق افندى....والله ضحكت جدا من مداخلة حضرتك..... :lol:

صباحكم نادى...

:blush2:

تم تعديل 29 سبتمبر 2009 بواسطة Folana
أخطاء املائية

[عنبو]

انا معرفش انا كده هغير مسار الموضوع ولا ايه ؟؟

بالنسبه لموضوع السكن

انا شخصياً ان شاء الله هسكن فى بيت العائله وممكن بعد كده اعمل شقه تانيه بره بس مش فى نفس المدينه يعنى فى مدينه اخرى ويبقى برده البيت الاساسى هو الشقه اللى فى بيت العائله

والواحد عاوز عياله يتربوا مع عيال اخواته وكلهم يطلعوا بحبوا بعض ويبقوا عيله واحده

بس فى نفس الوقت كل واحد له معااااااااش منفصل عن التانى بس نكون كلنا فى بيت واحد بس

وفى نفس الوقت يرحوا برده بيت مامتهم وزى لما بحبوا دول يحبوا دول اصل كلها فى الاخر صلة رحم ومش هتفرق من جهة الاب ولا الام

اما بالنسبه للمشاكل المفروض كل واحد يبقى عارف حدوده ويحترم الاخر وخلاص وبعدين لو هما سواء البنت

[الباشمهندس ياسر]

و عليكم السلام و رحمة الله و بركاته

ممكن تساؤل من الجهة الاخرى للنهر

و لو عند حضرتك ولد ... هيبقى نفس الموقف

السلام عليكم ورحمة الله....

بداية أقول لحضرتك يا باشمهندس انى عندى بنتين فقط...الكبيرة فى كلية صيدلة...والصغيرة فى السنة الثانية من الشهادة اللى فيها كل الحروف الابجدية والمسماة مجازا آى جى سى اس ايى igcse.... :D

كده أنا جاوبت على الشق الاول من السؤال...واللى ممكن اختصر الاجابة فى جملة واحدة.."لأ..ماعنديش ولد"...

الشق الثانى من السؤال.....

حقيقى فكرت فيه كتير....وحاولت اتخيل ان لو عندى ولد....حاتخذ نفس الموقف وأرفض انه يسكن معايا فى نفس البيت..او مع اهل زوجته....

.

.

.

. (النقط دى تفكير.. :) )

أما من ناحية انه يسكن فى نفس المنزل اللى احنا فيه...فأنا احبذ انه يبعد حبة ليزيد محبة... :) ...

وان كنت لا أمانع طبعا لو فيه شقة فاضية انه يسكن فيها..لكن لن افرض عليه هذا.... لانى عارفة نفسى وعارفة زوجى وباقى افراد اسرتى الصغيرة...وعارفة اننا كلنا نعرف مالنا وماعلينا....ولو لا قدر الله سكن معانا...حيبقى كل واحد فى حاله فى الخصوصيات...

وفى النهاية ده شىء يخضع لرغبته ورغبة زوجته...يعنى اذا ارادا استبدال الشقة بأخرى فى منطقة بعيدة لاى سبب بقى.....فلن أمانع او اقوله "اهو ده الموجود وان كان عاجبهم...مايحمدوا ربنا ان عندك شقة....الى اخره"

طيب تعال بقى نشوف لو أنه حيسكن مع اهل زوجته....مممم !!!

خلينى اتكلم معاك بصراحة....شوف يا باشمهندس...لو الشقة ملك الزوجة...حأرفض رفض قاطع انه يسكن فيها....مش لانه حيبقى مع حماته ...ولكن لانى ما أحبش انه يتزوج بامكانيات غيره.....

او انه يسمع فى يوم من الايام كلمة دى شقتى وانا حرة فيها...مثلا يعنى...

لكن والله لو الشقة موجودة فى مكان لائق ويقدر على تكاليفها ...لا ارى اى غضاضة انه يسكن مع اهل زوجته فى نفس البيت....

أنا كده جاوبت ؟..ولا ماقدرتش افهم سؤالك صح؟....

أما ليه بأنصح البنت انها ترفض ان تسكن مع اهل زوجها.....ده موضوع يطول شرحه شوية...لكن باختصار اقولك ان من خلال مشاهداتى لكثير من الحالات حولى والتى اتعامل معها ...توصلت الى ان معظم الخلافات الزوجية بتكون بسبب تدخل الاهالى...وخصوصا تدخل اهل الزوج..وخصوصا اكتر بقى..لو عايشين فى نفس البيت....

والمشكلة المعروضة امامنا خير دليل على هذا القول....

اذن لو هناك امكانية ان يكون السكن مستقل فى جميع الحالات ...يكون افضل لجميع الاطراف....اما اذا تعثر ذلك بسبب الظروف الاقتصادية الحالية....فلا مناص من ان تبدأ حياتها فى المكان المتوفر على ان تتعلم وتتقن فنيات الذكاء الاجتماعى والاسلوب الامثل الذى يجب عليها اتباعه فى معاملة الاخر وازاى تقدر تستوعب زوجها واهله الى ان تصبح اهم فرد فى العائلة كلها...

:sofa:

عليكم السلام و رحمة الله و بركاته

بداية أسال الله الكريم ان يرزقك حسن تربيتهما و يرزقهما برك و طاعتك و ان يجمعكم ف الدنيا علي خير و يجمعكم ف الجنة .. امين

الكلام اللي بالاحمر هو ده الخلاصة و الراحة و النهاية

معيشة العائلات مع بعضها افضل الف مرة من النظام الحديث الذي انتشر كثيرا

ف العائلة انت غصن من شجرة وارفة تظلل عليك و تحمل عنك الاذي و تتحملك و تقف الي عونك و تكون لك نعم السند

بينما ف النظام الحديث ما انت الا فرد واحد

و اخيرا

تذكرت حديثا جري الايام الماضية بيني و بين احد الناس و هو والد لفتيات ف سن الزواج و تناقشنا في هذه المسألة تحديدا

و اجابني بان الافضل هو الانفصال التام ف السكن تخوفا من المشاكل التي تحدث بين نساء البيت

و اجبته .. بأنني اضع كل الناس فوق راسي الا ان اولئك النفر لديهم مشكلة كبيرة في ادارة بيوتهم و ان الكلمة الاولي ليست لهم

[جيمي]

من واقع خبرتي الكتيره فى الجوازات الفاشله للاسف .. ان معظم الخلافات بتبتدي من ايام الخطوبه .. ومش عارف ليه القرار بالانفصال فى الخطوبه بيبقي صعب .. ويمكن اصعب من الطلاق .. مع ان الهدف الاساسي من فترة الخطوبه هو اخد القرار سواء باه او لأ .. وكأن المهزوم فيهم مستني الجوله التانيه... الجواز يعني .. كفرصه تانيه لمحاولة الانتصار لشخصيته :waf:

انا راي ان الجوازه اللى بتبتدي بمشاكل كده .. مابتنتهيش على غير المشاكل .. ومهما حصل من صلح بيفضل اللى فى النفوس فى النفوس ..

انا راي كل واحد يدور على النصف الاخر اللى يكون فى اتم الوفاق معاه ..

بس انا مقدرش اقول ليها ماتوافقش علشان مكونش بقف فى وشش جوازه حلال ;)