مغتربات السعودية اجمع

[maruoma]

السلام عليكم ورحمة اللة وبركاتة

انا عجبنى اوى الترابط اللى بين الاعضاء ومحاولتهم مساعدة بعض اللة يكرمكم ويجازيكم خير انا مشكلتى انى حاولت ادور على شغل هنا طبيبة بس جوزى رافض نقل الكفالة وقدمت السى فى بتاعى فى جدة فىى كذا مكان بس اكتشفت لالااسف ان هنا شغل التدريس كوووسة اعمل اية وهل لازم خبرة علشان اشتغل مدرسة ؟انا عمرى ما اشتغلت مدرسة

كوسه ازاي طيب ؟؟ فهميني حصل معاكي ايه؟؟

[طبيبة مستجدة]

كوسة انى كنت رايحة مرة اقدم فى مدرسة طبيبة بس للاسف ماحصلش نصيب ولقيت هناك كان فية اتنين ةمقدمين تدريس انجليزى واحدة مصلرية ومعاها شهادة وواحد ةلبنانية ومروشة وكدة وليس لها اى سابق خبرة بالتدريس قالو للمصرية ادامى ماعندناش وظائف وبعد مامشيت قدمت اللبنانية ووافقو عليها وقالولها تاخدى تدريب الاول وبعدين انزل فصول كووووووووووووووووووووووووووووووووووووووووووووووووووووووووووووووووووووووووووسة

[sahar]

لسلام عليكم ...اهلا اهلا بيكو .. mfb: .اخيرا لاقيت حد حالو من حالى .. منورين يا قمرات ..اللى فى المملكة واللى لسه هتشرف قريب ...

ما شاء الله علكن ...قلتو قل حاجة ...بس عموما انا هقلكو على شوية حاجات متواضعة يعنى من واقع تجربتى ..

انا هنا من سته اشهر تقريبا ..جوزى سبقنى بأربعة اشهر ..وجهز كل حاجة تقريبا

- الاثاث ..طبعا مستعمل وهتلاقو كتييير اما من الحراش زى ما قالو او من حد انهى عقده مثلا زى ما حصل معايا ...

-بالنسبة لليفنج مثلا مفيش داعى للانتريهات اللى بتاخد مساحة ع الفاضى ..حتى لو الشقة واسعة ...الاحسن المجالس السعودى ..مريحة ..ورخيصة ..يعنى ممكن ب 200 -400 ريال تجبلك اعظم مجلس بس خلى بالك فى انواع طرية ومريحة وفى انواع جامدة شوية ناشفة يعنى ..اللى يريحك هاتيه ..وده بيدى مساحة للاولاد يلعبوا اكتر ...لان الحبسة وحششششة... bk:

-المطبخ مش لازم طبعا يكون كامل مكمل يدوب على قد الاستعمال وده اللى جبته انا بعد ما جيت .. المريح هنا انك بتلاقى كل اللى عايزاه فى مكان واحد ..الاختيارات كتير ..وحاجة المطبخ عمرها ما بتخلص .. بس هاتى اللى انتى فعلا بتستعمليه اكتر .. مثلا فى ناس مش ممكن تفكر تجيب مضرب بيض ..مثلا يعنى ..عشان مالهاش ف الحلو ولو حكمت بتشترى من برا .. لكن انا بصراحة جبت واحد عشان عارفة نفسى بحب اعمل كيكات وتورت وكده يعنى .. دا يرجعلك انتى يا قمر .. اما الخلاط فده طبعا ضرورى جدا

-المفروشات هنا اغلبها موكيت وغالبا بتلاقى تلات تربع الشقة مفروش من قبل كده ..دا حصل معايا .. فغالبا هتجيبى وتكملى موكيت ودا طبعا اريح بكتيير ف النضافة .. يدوب تشفطى ان شاالله كل يوم ...ودا طبعا يستدعى مكنسة كهربا اللى هيا برضة ضرورية جدا..

-الحلوين اللى لسه ف مصر ..شوفى يا ستى تجيبى معاكى الاتى:

* فوط كبيرة وصغيرة وملايات

*شرابات عشان اللى هنا غالية ع الفاضى ( لكل افراد الاسرة )

*ليف مواعين ..ايوة اوعى تستغربى ..اللى هنا وحش جدا جدا ولا يتحمل اكتر من يومين استعمال وغالى كمان .. وسلك استاليس كمان ...الواحدة بس ممكن تلاقيها ب 5-8 ريال ..( انا قصدى على النوع المخطط شوية وتلاقيهم تلاتة او اربعة فى ورقة واحدة وجواه طبعا اسفنجة كبيرة ويعيش معاكى لغاية ما انتى تزهقى منه ... )

*بهارات لانهم مايعرفوش الا بهارات الكبسة وبس مش زينا فى بهارات لحمة وبهارات فراخ الخ...يعنى حبهان لو عايزة الكيلو هنا ب 80 ريال

[u]*لبس للعمرة : العمرة لها احتياجات خاصة جدا .. اللبس كله يكون من القطن الخالص جدا جدا .. ويفضل ان يكون اما تونيك طويييل او عباية وبنطلون .. الألوان .. ابيض - بيج - رصاصى .. براحتك بس دول افضل شئ عشان الجو بيكون حر جدا والرطوبة شديدة بالذات ف الصيف.. الطرحة طبعا قطن صافى وصغيرة او متوسطة عشان ما تضايقكيش... شراب ضرورى جدا وكل ما كان سميك يكون احسن... اى نوع اى طول اى لون ...والافضل يكون معاكى اكتر من طقم بهذه المواصفات .. شنطة صغيرة دايما معاكى وسجادة صلى خفيفة ..

دول اللى فاكراهم دلوقت ولو افتكرت حاجة تانية هكتبها ....منوريييين :D mft:

احبكم ف الله :sofa: wst::

تم تعديل 1 يناير 2010 بواسطة sahar

[mama nona]

كوسة انى كنت رايحة مرة اقدم فى مدرسة طبيبة بس للاسف ماحصلش نصيب ولقيت هناك كان فية اتنين ةمقدمين تدريس انجليزى واحدة مصلرية ومعاها شهادة وواحد ةلبنانية ومروشة وكدة وليس لها اى سابق خبرة بالتدريس قالو للمصرية ادامى ماعندناش وظائف وبعد مامشيت قدمت اللبنانية ووافقو عليها وقالولها تاخدى تدريب الاول وبعدين انزل فصول كووووووووووووووووووووووووووووووووووووووووووووووووووووووووووووووووووووووووووسة

انا اختلف معاكى الاخت طبيبة مستجدة

فى الرأى ان ال حصل ادامك ده كوسة

فيه اماكن كتير مش بتشغل مصريين عندها

وده حصل معايا شخصيا انى عملت مقابلة وكنت المتميزة ولكن من سياسة المكان انه مبيشغلش مصريين نهائى

لانهم جربو المصريين قبل كده وحصلت مشاكل كتير

والحمد لله اشتغلت معاهم وكنا 2 مصريات فالمكان كله .

[herohero]

كوسة انى كنت رايحة مرة اقدم فى مدرسة طبيبة بس للاسف ماحصلش نصيب ولقيت هناك كان فية اتنين ةمقدمين تدريس انجليزى واحدة مصلرية ومعاها شهادة وواحد ةلبنانية ومروشة وكدة وليس لها اى سابق خبرة بالتدريس قالو للمصرية ادامى ماعندناش وظائف وبعد مامشيت قدمت اللبنانية ووافقو عليها وقالولها تاخدى تدريب الاول وبعدين انزل فصول كووووووووووووووووووووووووووووووووووووووووووووووووووووووووووووووووووووووووووسة

انا اختلف معاكى الاخت طبيبة مستجدة

فى الرأى ان ال حصل ادامك ده كوسة

فيه اماكن كتير مش بتشغل مصريين عندها

وده حصل معايا شخصيا انى عملت مقابلة وكنت المتميزة ولكن من سياسة المكان انه مبيشغلش مصريين نهائى

لانهم جربو المصريين قبل كده وحصلت مشاكل كتير

والحمد لله اشتغلت معاهم وكنا 2 مصريات فالمكان كله .

انا اسف على تطفلي ع موضوع خاص بنون النسوة بس حبيت اكد ان ده وضع عادي جدا ان التشغيل بيخضع فيه الجنسية وليس المؤهل في اماكن كثيرة وللاسف الشديد الجنسية المصرية عليها علامات استفهام ، ولا اعلم ما السبب بس لان احنا مع بعض حلويييييييييييييييييييييييييييييين قووووووووووووووووووووووووي

فالناس بقت تريح دماغها مننا في مجالات مختلفة

[MemoG]

انتو بطلتو تدخلو الموضوع ده ولا ايه

مستنيا ردودكم عليا

[sahar]

انتو بطلتو تدخلو الموضوع ده ولا ايه

مستنيا ردودكم عليا wst::

السلام عليكم ... اهلا بيكم يا اخوتى ..انا زيك برده بسأل هما راحوا فين ؟؟؟؟؟

اكيد راحو يشتروا الحاجات اللى الأخوات نصحوا بشرائها فى بداية الموضوع.... :lol:

المهم يا جماعة احنا عاوزين نوسع الموضوع حبتين بحيث لا يكون قاصرا على كيفية تجهيز بيت جديد وخلافه ... :110:

احنا هنا ف الغربة مع بعض . hg):: . واكيد فيه حاجات كتير مشتركة بيننا .. وحاجات كتير ممكن نتكلم فيها ...

يا ريت تردوا وتعطوا اقتراحاتكم المفيدة .. وان شاء الله نتجمع دايما على الخير :) ...ولتكن هنا ساحة للاخوات فقط ونناقش فيها كل

ما يهم المصريات المغتربات ف السعودية . ..جزاكم الله كل الخير ومتعكم واسركم بالصحة والعافية...

[MemoG]

خلاص هروح اشتري شوية حاجات عبال ما يجو

ممكن حد يقولي الحياة مول فين ومخرج كام من الدائري الشرقي او الجنوبي

[fatfouta]

[وسط][/وسط]موضوع جميل جداااااا وشيق ولنا عودة ان شاء الله

[عنبو]

fatfouta مشاركة بتاريخ اليوم, 06:10 AM

موضوع جميل جداااااا وشيق ولنا عودة ان شاء الله

لا لا اخيراً فافوته رجعت ياولاد

حمد لله على السلام يافندم نورتى المحاورات

[ام اجمل بنات]

ااالال

السلام عليكم

اخواتي انا في الدمام وبنتي الكبري G8

العام القادم ان شاء الله اعدادي حد هنا دخل اولاده الامريكان دبلوم او الاي جي

ام نور

[maruoma]

لسلام عليكم ...اهلا اهلا بيكو .. :blink: .اخيرا لاقيت حد حالو من حالى .. منورين يا قمرات ..اللى فى المملكة واللى لسه هتشرف قريب ...

ما شاء الله علكن ...قلتو قل حاجة ...بس عموما انا هقلكو على شوية حاجات متواضعة يعنى من واقع تجربتى ..

انا هنا من سته اشهر تقريبا ..جوزى سبقنى بأربعة اشهر ..وجهز كل حاجة تقريبا

- الاثاث ..طبعا مستعمل وهتلاقو كتييير اما من الحراش زى ما قالو او من حد انهى عقده مثلا زى ما حصل معايا ...

-بالنسبة لليفنج مثلا مفيش داعى للانتريهات اللى بتاخد مساحة ع الفاضى ..حتى لو الشقة واسعة ...الاحسن المجالس السعودى ..مريحة ..ورخيصة ..يعنى ممكن ب 200 -400 ريال تجبلك اعظم مجلس بس خلى بالك فى انواع طرية ومريحة وفى انواع جامدة شوية ناشفة يعنى ..اللى يريحك هاتيه ..وده بيدى مساحة للاولاد يلعبوا اكتر ...لان الحبسة وحششششة... :wub:

-المطبخ مش لازم طبعا يكون كامل مكمل يدوب على قد الاستعمال وده اللى جبته انا بعد ما جيت .. المريح هنا انك بتلاقى كل اللى عايزاه فى مكان واحد ..الاختيارات كتير ..وحاجة المطبخ عمرها ما بتخلص .. بس هاتى اللى انتى فعلا بتستعمليه اكتر .. مثلا فى ناس مش ممكن تفكر تجيب مضرب بيض ..مثلا يعنى ..عشان مالهاش ف الحلو ولو حكمت بتشترى من برا .. لكن انا بصراحة جبت واحد عشان عارفة نفسى بحب اعمل كيكات وتورت وكده يعنى .. دا يرجعلك انتى يا قمر .. اما الخلاط فده طبعا ضرورى جدا

-المفروشات هنا اغلبها موكيت وغالبا بتلاقى تلات تربع الشقة مفروش من قبل كده ..دا حصل معايا .. فغالبا هتجيبى وتكملى موكيت ودا طبعا اريح بكتيير ف النضافة .. يدوب تشفطى ان شاالله كل يوم ...ودا طبعا يستدعى مكنسة كهربا اللى هيا برضة ضرورية جدا..

-الحلوين اللى لسه ف مصر ..شوفى يا ستى تجيبى معاكى الاتى:

* فوط كبيرة وصغيرة وملايات

*شرابات عشان اللى هنا غالية ع الفاضى ( لكل افراد الاسرة )

*ليف مواعين ..ايوة اوعى تستغربى ..اللى هنا وحش جدا جدا ولا يتحمل اكتر من يومين استعمال وغالى كمان .. وسلك استاليس كمان ...الواحدة بس ممكن تلاقيها ب 5-8 ريال ..( انا قصدى على النوع المخطط شوية وتلاقيهم تلاتة او اربعة فى ورقة واحدة وجواه طبعا اسفنجة كبيرة ويعيش معاكى لغاية ما انتى تزهقى منه ... )

*بهارات لانهم مايعرفوش الا بهارات الكبسة وبس مش زينا فى بهارات لحمة وبهارات فراخ الخ...يعنى حبهان لو عايزة الكيلو هنا ب 80 ريال

[u]*لبس للعمرة : العمرة لها احتياجات خاصة جدا .. اللبس كله يكون من القطن الخالص جدا جدا .. ويفضل ان يكون اما تونيك طويييل او عباية وبنطلون .. الألوان .. ابيض - بيج - رصاصى .. براحتك بس دول افضل شئ عشان الجو بيكون حر جدا والرطوبة شديدة بالذات ف الصيف.. الطرحة طبعا قطن صافى وصغيرة او متوسطة عشان ما تضايقكيش... شراب ضرورى جدا وكل ما كان سميك يكون احسن... اى نوع اى طول اى لون ...والافضل يكون معاكى اكتر من طقم بهذه المواصفات .. شنطة صغيرة دايما معاكى وسجادة صلى خفيفة ..

دول اللى فاكراهم دلوقت ولو افتكرت حاجة تانية هكتبها ....منوريييين :lol:

احبكم ف الله :lol: :sad: md2:

شكرا لردك عالموضوع يا قمر

كويس انك لفتي نظري لموضع ليف المواعين والسلك الاستنالس .. بالنسبه للبس العمره مش بيبقي احسن فالسعوديه؟؟

حضرتك فين فالسعوديه كمان؟؟؟ وبتشتغلي ولا لا؟؟

يا ريت يا جماعه اي حد بيشتغل او حاول يشتغل يحكي حصل معاه ايه؟؟ وفعلا كوسه ولا لا؟؟

وخصوصا المدرسااااااااات

[doctor k]

انا كمان مقيمة بالرياض من 5 شهور و كنت في الدمام قبل كدة 3 سنين

يسعدني الانضمام اليكم ..فعلا احنا محتاجين اللمة دي لأن الرياض مقفولة اوي و الواحدة محتاجة لصديقات هنا و خاصة اللي جوزها دوامه طويل زي حالاتي

اتمنى دوام التواصل مع بعض

[ينبع]

السلام عليكم

انا كما يا جماعه عايزه انضم لكم كنت مقيمه فى ينبع لمده 3سنوات

ولى عوده

[maruoma]

اهلا بيكم نورتو الموضوع

انا لسه هسافر ان شاء الرحمن

بس هنزل جده

قولولي ايه اخبار الحياه والشغل وكده!!!

عشان انا خايفه ومامتي عماله تقنعني اقعد معاها لان هناك هكون لوحدي برضو بس من غيرهم

واخواتنا فالمنتدي كمان عرفوني ان في نسبه كوسه كويسه فالسعوديه برضو للشغل وكده..

[sahar]

]شكرا لردك عالموضوع يا قمر

كويس انك لفتي نظري لموضع ليف المواعين والسلك الاستنالس .. بالنسبه للبس العمره مش بيبقي احسن فالسعوديه؟؟

حضرتك فين فالسعوديه كمان؟؟؟ وبتشتغلي ولا لا؟؟

هلا وغلا بمريومة.....المملكة هتنور بزيادة بيك يا قمر وان شاء الله تكون معرفة خير ...

شوفى يا ستى لبس العمرة دا ..احسن حاجة تفصليه فى مصر زى مانتى عايزة بس يكون بالمواصفات اللى قلتلك عليها ...

البساااااااااطة المتناهية .. وهتشوفى دا بنفسك لما تيجى وتروحى العمرة ان شاء الله.... الجاهز لازم هيكون موديلاته معقدة وقماشته اكيد مش قطن .... اما هنا ...انسى.... اما عبايات سودا طبعا :blink: ..او لبس عادى جيبات ..بلوزات.. شيفونات ..استرتشات ....سوريهات بالهبل...عشان التجمعات كلها بتكون نسائية صرف ...سواء ف الشغل او الزيارات او الأفراح ..فتلاقيهم بياخدوا راحتهم ع الأخر . :ninja: . ف اللبس ..المكياج .. الشعر طبعا دايماااااا معمول عند الكوافيرة ...فأحسن شئ انا عن نفسى يعنى ..انك تجيبى لبس للعمرة معاكى مخصوص ...مريح...... ..قططططططن... بسيط...

اما عن الشغل فهو مش مستحيل بالعكس هما محتاجين فيمال جدا ...انا طبعا بتكلم عن القطاع الصحى اللى انا بشتغل فيه ... حاليا لسه ولكن يمكن ف الفترة القادمة يكون هناك شغل ان شاء الله...

بالنسبة للتدريس ... معرفش .. بس الواضح جدا انهم سعودوا التعليم الحكومى ...لكن المدارس الخاصة !!!! ... يمكن يكون الوضع مختلف ... ربنا معاكى .. وان شاء الله تلاقى فرصة كويسة ...حتى ولو دروس خصوصية ف الاول هما بيتمنوا حاجة زى كده ( اولياء الأمور يعنى ) ...جيران.. معارف ..يعنى ...

انا يا ستى مقيمة ف مدينة تبع حائل .. دى ف الشمال ...هادية جدا وفيها كل حاجة بس وسائل الترفيه !!!!! انسى wst:: ...الحمد لله

المهم لم شمل الأسرة ...اتمنى لك اقامة سعيدة ..انتى هتيجى امتى يا ترى ؟؟؟قوليلنا عشان نقوم بالواجب ....ويا ريت تدينا افكار عن كيفية تفعيل الموضوع ....يعنى مبدئيا كل واحد تقولنا هيا فين ..مميزات وعيوب المنطقة التى تعيش بها ... دا ف البداية بس ..

المواضيع كتييييييير.... :blush2:

[maruoma]

هلا وغلا بيكي ( عايزه شويه مصطلحات بقي اصل جديد عليا الكلام ده بس حلوه منك)

انا لسه قدامي حوالي شهر او اكثر

موضوع الدروس ده صعب شويه مش عارفه بقي ربنا يسهل

انا هنزل جده ان شاء الله

اللي هناك بقي يقولولنا علي البلد ..

ويا جماعه اخبار الطيرااااان معاكو ايه؟؟ ايه افضل خطوط سافرتو عليها؟؟ والاوزان وكده؟؟

[sahar]

هلا وغلا بيكي ( عايزه شويه مصطلحات بقي اصل جديد عليا الكلام ده بس حلوه منك)

انا لسه قدامي حوالي شهر او اكثر

موضوع الدروس ده صعب شويه مش عارفه بقي ربنا يسهل

انا هنزل جده ان شاء الله

اللي هناك بقي يقولولنا علي البلد ..

ويا جماعه اخبار الطيرااااان معاكو ايه؟؟ ايه افضل خطوط سافرتو عليها؟؟ والاوزان وكده؟؟

كيفك يا حلوة...ما تخافيش هتشبعى مصطلحات للصبح :sad: اللهجة هنا حلوة واغلبها مفهوم اسهل بكتير من لهجة الكويت والامارات

وخصوصا لما تتصاحبى على جاراتك فى السكن...ابدأى انتى ..ومتعمليش زى حلاتى :sad: كل جاراتى وهم اصلا 2 او 3 بيجوا فى الويك اند بس اللى انا بكون مشغولة فيه ...ف للان لم اتمكن من التعرف على احداهن ...هتستفادى كتير ولو حبيتى تسألى على اى حاجة عن البلد والاسواق احسن من يدلك السعوديات طبعا .. تاخدى ترمس القهوة والتمر والشكولاته وطبى عليها ف صبحية يكون زوجها ف الدوام ....اما بالنسبة للطيران انا من وجهة نظرى الطيران السعودى احسن شئ فخم ...مريح ...منضبط المواعيد جدا ... وتقريبا اغلى حاجة ...يليه طيران الخليج ..بس معرفش رحلاته ايه نظامها بالنسبة للسعودية ... انا جربته زمان مع الاسرة ف الامارات .. بالنسبة ليكى جدة قريبة ومش مستاهلة ..فيه طيران ناس او سما دول حاجة بلاش كده ..رخيصة جدا ..لذلك تلاقى فيها بعض المشاكل ف المواعيد ..نظام الحجز ..يعنى مثلا لا تستطيعى تغيير الميعاد .. واذا لم تستعملى التذكرة ف الميعاد تروح عليكى تمنها ...مع ان الوزن فيها اكتر من 30 - 35 ك عكس السعودية 20 فقط ..المهم التاختيارات كتير وممكن من خلال النت تحجزى على اى شركة انتى عايزاها

انا مسافرة مصر ان شاء الله الاسبوع دا ... عايزة لما ارجع الاقى ال7 صفحات دول بقوا 100 :wub:

ربنا يسعدكوا جميعا يا مغتربات ... كل اللى عندها معلومة ما تبخلش بيها على اختها ...اللى مضايقة وعايزة واحدة تفضفض معاها واحده تفهمها وتحس بيها ....يالا شدوا حيلكو... استودعكم الله :blink: :blink: :lol: :lol: :sad: :sad:

تم تعديل 10 يناير 2010 بواسطة sahar

[MemoG]

تروحي وتيجي :lol: بالسلامة ان شاء الله

تم تعديل 12 يناير 2010 بواسطة MemoG

[maruoma]

تيجي بالف سلامه ان شاء الله.. وترجعي بالسلامه

مصر هتنووووووور