أعراض غريبة وبدون اي مقدمات أرجو المساعده

[wayfarerr]

الاخوة الكرام

اخويا عمره 23 سنة بدون اي مقدمات او اي اصابات جه في يوم مش عارف يقوم من مكانه واصبحت قداماه لا تقوى على حمله ولا يستطيع تحريك ركبتيه نهائيا وفي نفس اليوم زادت الحالة سوء واصبح غير قادر على تحريك ذراعيه ولا يستطيع الجلوس لكنه يستطيع فقط تحريك اصابع قدميه واصابع كفيه

ووبعد كده اصبح بيتقيأ كل الاكل اللي بيأكله واصبحت حالته الصحية سيئة جدا مع ارتفاع وانخفاض مضطرد في ضغط الدم

عرضناه على دكاترة مخ واعصاب كتييير وعملناله اشعات رنين مغناطيسي واشعة اكس على الرقبة و الدماغ والعمود الفقري

كل شيء سليم ولا احد يعرف ماذا اصابه مع العلم انه غير مدخن

الاخوة الدكاتره اللي في المنتدى او اي عضو شاف حاله مشابهة يا ريت يفيدني

وفي النهاية أسألكم الدعاء له بالشفاء

تم تعديل 28 سبتمبر 2009 بواسطة wayfarerr

[عبير يونس]

الاخوة الكرام

اخويا عمره 23 سنة بدون اي مقدمات او اي اصابات جه في يوم مش عارف يقوم من مكانه واصبحت قداماه لا تقوى على حمله ولا يستطيع تحريك ركبتيه نهائيا

وفي نفس اليوم تقيأ كل الاكل اللي كله واصبحت حالته الصحية سيئة جدا مع ارتفاع وانخفاض مضطرد في ضغط الدم

عرضناه على دكاترة مخ واعصاب كتييير وعملناله اشعات رنين مغناطيسي واشعة اكس على الرقبة الدماغ والعمود الفقري

كل شيء سليم ولا احد يعرف ماذا اصابه مع العلم انه غير مدخن

الاخوة الدكاتره اللي في المنتدى او اي عضو شاف حاله مشابهة يا ريت يفيدني

وفي النهاية أسألكم الدعاء له بالشفاء

ألف سلامة يا فندم

شفاه الله و عافاه

ربنا يطمنكم عليه

و إن شاء الله الإخوة الدكاترة يفيدوا حضرتك

[Alrefaey]

الف سلامة عليه ويارب يقوم بالسلامة

الاعراض غير واضحة

هل هناك ورم فى الركبتين هل يشعر بألم او انتفاخ فى اى مكان اخر بالجسم

عموما

اعرض اخوك على استاذ غدد وأمراض دم

يعمله صورة دم كامله ويقوم ببعض الفحوصات والتحاليل ومن الصورة هتتضح بعض الامور

[wayfarerr]

مافيش اي اعراض الم او تورم او انتفاخ اوي شئ من هذا القبيل

لا بيعرف يحرك رجله ولا ذراعه ولا بيعرف يجلس وحلل دم وهرمونات وتحاليل كتير وكل التحاليل سليمة

[Alrefaey]

ان شاء الله خير

قد تكون روماتويد او احد امراض المناعه

نحن هنا يا اخى الكريم لا نشخص ولسنا مؤهلين لذلك لكن نحاول ان نجتهد من واقع الخبرات

اذهبو به الى دكتور يكون استاذ جامعى شاطر متخصص فى الروماتويد وامراض الدم والمناعه واذا طلب منكم اعادة التحاليل عيدوها

لعله يكون خيرا وربنا يطمنكم عليه

[alshora]

الأخ الكريم

أولا أدعو الله أن يشفي أخاك ويعافيه

ثانيا لا يمكن بالطبع الحكم على مثل هذه الحالة من مجرد السماع لهذه القصة القصيرة، ولذلك أنصح بعرضه على طبيب أعصاب، طبيب روماتيزم، طبيب نفسي في أقرب فرصة.

[blbl]

من احسن دكاترة الروماتيد في مصر د خالد تحسين. عيادته بجوار نادي الصيد والكشف حوالي 200 جنيه.

[maksoof]

ممكن حضرتك تحاول الموقع ده:

http://forums.wrongdiagnosis.com/

و تكتب فيه الأعراض و نتائج التحاليل و ربنايوفقك و تلاقى أخصائى يرد عليك أو بالقليل يوجهك للمكان اللى ممكن يساعدك.

[مصرى انا]

انا فى مشكله كبيره اتمنى الاجابه من طبيب باطنه بالله عليكم

انا عندى الم يمين اعلى البطن ويميل قليل ناحيه الوسط ولكن فى الغالبب يمين اعلى البطن

لا اشعر بالم الا بالضغط على هذه المنطقه او عندما اتحرك فجائيا ممكن ان يستمؤ الالم يومين باستمرار حتى انه مره اوقظنى من النوم وهو الم متوسط لا اشعر به الا بالضغط على هذه المنطقه

لون البول عادى ولا يوجد اصفرار فى الجلد ولا ارتفاع فى درجه الحراره لون البراز طبيعى ولكن تحول فى يوم من الايام الى اللون الرمادى ولكن فى يوم واحد وبعد ذلك كان طبيعيا

بالنسبه للغذاء انا دوما معتاد على الاكل من الوجبات الجاهزه يعنى طول السنه دليفرى

الحاله النفسيه انا كنت اعانى من وسواس قهرى وتعاطيت ادويه ولم اتحسن

وكنت من فتره اعانى الم ويط المعده ويميل لليمين وقالى لى دكتوره هذه قرحه ولم استرح على العلاج

والاخر قال لى قولون عصبى ولم يعطنى علاج

ولى قصه مع التحاليل فقد كنت متبرعا دائما فى بنك الدم ودائما النتائج تكون سليمه انقطعت فتره عن التبرع وكنت اتعاطى ادويه لعلاج الوسواس القهرى كمهدئات وغيرها ولم اذكر فى ورقه التبرع بالدم انى اتناول هذه الادويه ظنا منى انه لاقيمه لذكرها

تبرعت ثم قالو لى فى بنك الدم هناك شك وجود اجسام مضاده لفيرس سى

وقالو لى تعالى ناخد عينه منك مره اخره بعد فتره 15 يوم

لم اذهب اليهم مره اخرى وذهبت لطبيب كبد وقلت لها ما حدث قالت لى اذهب وحلل فى مكان اخر

ذهبت لمعمل البرج بالمنصوره وحللت اجسام مضاده لفيرس سى وكانت النتيجه سلبيه

وبعدها بسنه حللت عند استلامى الوظيفه تحليل اجسام مضاده لفيرس سى وكانت الحمد لله النتيجه سلبيه

ولكن الان وبعد مرور سنه اشعر بالم يمين اعلى البطن فقط بالضغط على هذا المكان

اعلم انه ربما يكون السبب توتر ولكن الالم ياتينى فى لحظات عدم توتر

اسف على الاطاله

انا بجد قلق جدا وحالتى سيئه ومبلبل ومكتئب

ما المشكله

اتمنى من المتخصصين الاجابه على فانا فى حيره وحالتى النفسيه سيئه واصبت بالاكتئاب

[Alrefaey]

انا بجد قلق جدا وحالتى سيئه ومبلبل ومكتئب

هى دى حالتك بالظبط وانت وصفتها فى كلامك قلقان ومتوتر ودائما موسس

ماتعانى منه هو اضطراب فى القولون (طالما لايوجد فيروسات وحالة الكبد تمام وانزيمات الكبد فى المعدل )

اضطراب القولون له اسباب كثيرة منها القلق والتوتر ونوعية الاكل وبعض انواع الادوية

ونصحتى لحضرتك ان علاج القولون بيدك انت وهو انك تريحة وهو يريحك

ريحة فى عدم التعصب واترك التوتر وانتقى نوعية طعامك

دمت بصحة وعافية

[اميره]

معلش ياأستاذ مصرى ماهو نوع الوسواس القهرى الذى تعانى منه بالظبط لأن اعتقد انه له صله باالموضوع

[مصرى انا]

الوسواس اللى عندى خوف من فيروسات الدم يعنى اى حد متعور حتى لو كان سليم ببعد عنه ولو واحد عنده اى مرض لما بسلم عليه باخد شور وبقعد كتير اخد شور بالديتول وغيره ده الوسواس اللى عندى بالاضافه لبعض الوساوس وطبعا بقعد افكر ليل ونهار الوسواس ده جالى بعد موضوع التحاليل وكنت باخد ادويه زى فليروزاك مريحنيش خدت ]ديورزاك وكان فيه دوا تانى اسمك سبراكس تقريبا واستمريت 7 شهور وحالتى متحسنتش توقفت على العلاج

بس انا خايف من الاعراض اللى عندى خايف يكون فيه سبب عضوى ومقلق جدا ومكتئب انا قلقى من ان يكون فيه مرض عضوى اكتر من الووسواس القهرى بالرغم من انى محافظ جدا على نفسى لى ادواتى الشخضيه ومقمتش باى عمليه جراحيه ولا ذهبت لطبيب اسنان وموسوس جدا فى النظافه

اتمنى الاجابه منكم

السلام عليكم

[مصرى انا]

بس حضرتك انا ساعات بكون فى حاله نفسيه جيده ومش بفكر فى حاجه

وبرده يجيلى الم يمين اعلى البطن ده

[اميره]

بص ياأستاذ مصرى معنى إن حضرتك بتعانى من وسواس قهرى إن حياتك ملخبطه حبتين يعنى من الأخر مش مريح نفسك وأحياناً كثيره بيكون الوسواس أو الشخص الموسوس عموماً فى صراع داخلى مع نفسه ومع من حوله . يعنى ماأحب أن أوصله لك أن نوع الوسواس لديك هو :

1_الخوف من المرض او من إحتمال الاصابه به أو التعرض لمسبباته .

2_ وجود منظومة تعرفية تميل إلى تأويل كل عرض جسدى عادى أو بسيط كدليل على وجود مرض خطير رغم أن هذا العرض نفسه يفسره الأخرون على أنه عرض عابر أوعلامة إرهاق وينسونه بسرعه .

3_ وجود الأفكار التسلطيه المتعلقه بذلك والأفعال القهريه المتعلقه بذلك أيضاً والمتمثله فى العرض المتكرر على العديد من الأطباء وإجراء العديد والعديد من الفحوص الطبيه بسبب الريبه فى نتائج هذه الفحوص .

إذاً معنى تفسيرى للثلاث نقاط دول من الوسواس إن حضرتك يعنى بكل بساطه لو تعرضت لشوية برد حتحس إنك عندك مرض خطير ولازم تكشف .. يعنى من الأخر وفى الغالب حضرتك موهووم بأنك تعبان لكن حضرتك بأذن الله تكون بخير . ويجب أن تتحدى نفسك بكل شئ تشعر أنك تكرره إفعله مره واحده ولاتقم بتكريره وشوف من الاقوى أنت أم الوسواس الذى يسيطر عليك وينغص حياتك مع العلم إن بنصحك تذهب للطبيب للتأكد أكثر ويطمئن قلبك . تحياتى لك وربنا يعفو عنك وعنا أجمعين

[بندق أفندى]

فيه بروفيسور مخ وأعصاب (سويسرى - محرم علبيه الجنسية المصرية مع انه مصرى أبا وأما) موجود فى مصر حاليا .. كانت حالة اخت زوجتى مشابهه وأظباء الأعصاب قالوا مفيش حاجة معينة وهو قرر لها عملية غضروف فورا وعملها فى مستشفى حكومى لأنه الوحيد الذى به أحدث الأجهزة .. وخرجت من المستشفى تمشى فى اليوم التالى وبدأت تمارس حياتها فى فترة النقاهه ..

المهم هو فى مؤتمر حاليا فى مصر .. لكن كيف تتصل به لأنه لدى تليفوناته فى سويسرا وميله .. ربما أجد طريقة ليرى التقارير الطبية وربما يمكن ان يرى أخوك ولا اعتقد انه سوف يتأخر نهائيا فهو انسان قبل كل شئ .. هو الدكتور أيمن سعيد رمضان شقيق الدكتور طارق رمضان الشخصية الشهيرة التى ثار حولها جدل كبير فى أوربا وأمريكا فى السنوات الماضية

[مصرى انا]

طيب حضرتك انا ساعات مش بفكر فى الوساوس وبرده ساعات بيجيلى الالم

يعنى الالام دى مبتدلش على مرض عضوى معين؟

[اميره]

أنا ماأقدرش أفيدك فى حكاية إنك تعانى من مرض عضوى أو لا لأن أنا تخصصى نفسى وحاولت أوصل لحضرتك نظرتى تجاه موضوعك بأن الذى تعانى منه مجرد أوهام نظراً لطبيعة مرضك. وليس بالضروره أن تفكر بطريقة الموسوس عشان تشعر إنك تعبان لأن داخلك يستقر الأحساس بالوسوسه دائماً .

ولكن أريدك أن تذهب لطبيب متخصص ربما حضرتك تعانى من تعب حقيقى .

[مصرى انا]

فيه دكتور قالى التهاب فى المراره وواحد تانى قالى قولون عصبى المشكله ان كل دكتور بيقولى حاجه مختلفه

وده اللى مقلقنى

[اميره]

لو لاقدر الله إلتهاب المراره أو القولون يبقا نحمد ربنا خير وعلاجهم بسيط وأمراض معتاده لدى الجميع عادى يعنى .

بس أنا بردو عند رأيى جرب دكتور تانى ويكون أستاذ متخصص عشان يقول بقا أخر كلام ويكون مفيد بأذن الله

[مصرى انا]

انتى حضرتك شاكه يكون عندى حاجه معينه يا دكتوره؟

انا الدكاتره اللى روحتلهم دكتور منهم اخصائى والتانيه استاذه دكتوره

بس برده مفيش حد ادانى تشخيص واحد

دكتور الللى قالى قولون عصبى مدنيش علاج وقالى هدى نفسك وهتبقى كويس

بس برده انا شاكك

معلش انا تعبكو معايا