أعراض غريبة وبدون اي مقدمات أرجو المساعده

[اميره]

لا والله مش معنى إن بقولك تروح لدكتور إنك لاقدر الله تعبان أو حاسه إن عندك حاجه أنا بس بقولك كدا عشان نطمن وزياده فى الحرص بس .

وطالما ذهبت لدكتور وماطلعش فى حاجه كبيره خلاص يبقا تحاول ترتاح وتهدى أعصابك بقا وتنسى حكاية التعب دى خالص لأنك موهوم بيه .

وتحاول تفكر فى الحاجه إلى بتحبها فقط و أى حاجه تانيه إرمى وراء ظهرك وماتفكرش أبداً مهما حصل .

وياسيدى إنتا لا تعبتنا ولا حاجه كل إلى يهمنا إنك تكون كويس وربنا يعفو عنك أمين..

[tantrum]

الاخوة الكرام

اخويا عمره 23 سنة بدون اي مقدمات او اي اصابات جه في يوم مش عارف يقوم من مكانه واصبحت قداماه لا تقوى على حمله ولا يستطيع تحريك ركبتيه نهائيا وفي نفس اليوم زادت الحالة سوء واصبح غير قادر على تحريك ذراعيه ولا يستطيع الجلوس لكنه يستطيع فقط تحريك اصابع قدميه واصابع كفيه

ووبعد كده اصبح بيتقيأ كل الاكل اللي بيأكله واصبحت حالته الصحية سيئة جدا مع ارتفاع وانخفاض مضطرد في ضغط الدم

عرضناه على دكاترة مخ واعصاب كتييير وعملناله اشعات رنين مغناطيسي واشعة اكس على الرقبة و الدماغ والعمود الفقري

كل شيء سليم ولا احد يعرف ماذا اصابه مع العلم انه غير مدخن

الاخوة الدكاتره اللي في المنتدى او اي عضو شاف حاله مشابهة يا ريت يفيدني

وفي النهاية أسألكم الدعاء له بالشفاء

الأخ الكريم

ألف سلامة على أخوك وياريت تطمنا إيه اللى حصل معاه

و أنا أسف أنى ردى بعد فترة طويلة لكنى لم أرى الموضوع من قبل

و حبيت اقول لك بس بعد الإعتذار للأخ الرفاعى إن الصورة دى بعيدة تماما عن الروماتويد

و الأعراض دى قريبة جدا من مرض إسمه (متلازمة جيلان بارى)

Guillian - Barre syndrome

و الأفضل زيارة دكتور أعصاب

و أفضل فحص فى هذه الحالة هو رسم الأعصاب و العضلات

و ربنا يشفيه و ياريت تطمنا

تم تعديل 16 أكتوبر 2009 بواسطة tantrum

[Simba]

اخويا عمره 23 سنة بدون اي مقدمات او اي اصابات جه في يوم مش عارف يقوم من مكانه واصبحت قداماه لا تقوى على حمله ولا يستطيع تحريك ركبتيه نهائيا وفي نفس اليوم زادت الحالة سوء واصبح غير قادر على تحريك ذراعيه ولا يستطيع الجلوس لكنه يستطيع فقط تحريك اصابع قدميه واصابع كفيه

ووبعد كده اصبح بيتقيأ كل الاكل اللي بيأكله واصبحت حالته الصحية سيئة جدا مع ارتفاع وانخفاض مضطرد في ضغط الدم

عرضناه على دكاترة مخ واعصاب كتييير وعملناله اشعات رنين مغناطيسي واشعة اكس على الرقبة و الدماغ والعمود الفقري

كل شيء سليم ولا احد يعرف ماذا اصابه مع العلم انه غير مدخن

الاخوة الدكاتره اللي في المنتدى او اي عضو شاف حاله مشابهة يا ريت يفيدني

وفي النهاية أسألكم الدعاء له بالشفاء

ان كانت كل التحاليل والاشاعات سليمة من الافضل ان تعرض شقيقك علي طبيب نفسي ربما كانت هستريا واستطيع ترشيح طبيب جيد جدا عن طريق رسالة خاصة في حالة رغبتك في ذلك

[عنبو]

انا فيه واحده جارتنا كان حصل ليها نفس الى حصل لاخوك بس بعد كده بقت كويسه بس كان السبب موضوع نفسى بحت

طالما كل الاشاعات سليمه فممكن تجرب دكتور نفسى

اللهم اشفى كل مريض ياااااااااااارب العالمين

تم تعديل 18 أكتوبر 2009 بواسطة محمد العنبى

[wayfarerr]

الاخوة الكرام

اشكركم على حسن تعاونكم واحب اطمنكم ان اخويا الحمد لله ربنا شفاه ورجع كويس والحمد لله

بعد اللف الكتير على دكاترة المخ والاعصاب وتحاليل الهرمونات و الدوخه في المستشفيات

دكتور مخ واعصاب في المنصورة طلب رسم اعصاب وعضلات وقال ده مش موجود الا في مستشفى جامعة المنصورة وفعلا راح اخويا

الصراحه مش عارف الدكتور شخص الحالة ايه لان انا هنا في السعودية المهم الدكتور كتب لاخويا على حقن كورتيزون

وبعد ماكان اخويا حالته اتدهورت لدرجة شلل تااام ما عدا الرأس يستطيع تحريكها ويتكلم عادي بس ضغط الدام مش منتظم

مع أول حقنة كورتيزون بدأ يحرك ايده وبعد خمس حقن كورتيزون على خمس ايام الحمد لله اتحسن ودالوقتي بفضل الله بيمشي طبيعي جدا وبياخد دوا للاعصاب بس مش عارف ايه هو

بس الحمد لله ربنا شفاه ربنا يشفي مرضى المسلمين اجمعين

تم تعديل 18 أكتوبر 2009 بواسطة wayfarerr

[predrahmed]

السلام عليكم

طبعا حاله الاعصاب اتضح انها خلاص‎ gullian baree

زى ما الدكتور قال

بس بالنسبه لشكوى البطن اعتقد انها التهاب مزمن بالمراره ويا استاذ مصرى انت ممكن تتأكد من ده عن طريق آشعه موجات فوق صوتيه على المراره (خصوصا تاريخ الاكل الدسم والبراز الرمادى) بس قولى هو لما البراز اتغير انت مسخنتش?????????

تم تعديل 18 أكتوبر 2009 بواسطة predrahmed

[مصرى انا]

لا يا دكتور ما سخنتش لما البراز كان رمادى البراز كان رمادى مره واحده بس

انا دلوقتى حاسس بالم يمين اعلى البطن لما باخد نفس بعمق

انا عارف ان مشكلتى معقده شويه بس انا روحت لكذا دكتور ومحدش قالى حاجه واحده

الاعراض اللى انا حاسسها اليومين دول الم يمين اعلى البطن لما اخد نفسى بشده ومبقاش فيه الم لما بضغط يمين اعلى البطن

هوه ايه راى حضرتك يا دكتور؟

وممكن سؤال تانى يا دكتور راى حضرتك ايه بالتحاليل اللى انا عملتها؟