بعد ثلاث سنوات فى الغربة، وداعا يا سعودية..... وهذه هى مشاهداتى !

[Egypt]

انا طبيب اعمل فى السعوديه من اربعة سنوات وازعم انى لم اتعرض لاى نوع من المضايقات حتى الان وربنا يتمها على خير لانى كنت ناوى امشى الشهر الماضى وزوجتى ربنا يخليها هى اللى حكمت عليه اكمل سنه كمان وبالكلام المهذب هى اقنعتنى انى اقعد سنه كمان وربنا يعدى السنه ديه على خير ويهدى زوجتى وماتقنعنيش السنه الجايه بسنه كمان

[Ebn Sina]

هذه تعليقاتى المبدئية على أراء الأخوة الأفاضل :

الفاضل elneshawy .....نعم أتفق معك أن الغربة داخل الوطن لا تقل قسوة ...بل ربما تزيد على الغربة خارج الوطن ...وكلامك يعيدنا إلى فكرة لماذا يغترب المصريون...وإن كان هذا "الطرح" بحاجة إلى موضوع مستقل !

الفاضل Abu Reem ...............نعم يا سيدى ، تلك "الموازنة" بين جرعة المرارة على أرض الوطن ....ونفس الجرعة فى الغربة ....ولكن تساؤلك يطرح سؤالا لا أجد إجابة وهو ....لماذا يكون مكتوبا "او مفروضا" على المغترب فى الخليج تحديدا أن يقبل أن يكون مسلوب الحقوق ....ومسلوب الحرية تحت نظام عمالة أراه عنصريا إسمه "الكفالة " ! ....ويستكثر عليه "البعض" أن يبدى إستياءه - مجرد إستياء- من الظروف التى تحيط به ...ويكون الرد السرمدى من "هؤلاء".....يا عم بوس إيدك وش وضهر هو انت كنت قادر تعيش فى مصر ؟!!

والسؤال يفجر سؤال أخر أكثر إيلاما ....لماذا أصبح المصريون "يستكثرون".....أكرر "يستكثرون" ... على أنفسهم أن يتم التعامل معهم "كبشر" سواء فى مصر أو خارجها ؟؟!!

الأخ الفاضل HDarwish ....أشكرك على ردك الرصين ...ووجود حضرتك فيه إثراء شديد للحوار

الأخت سهيلة والأخ الفاضل herohero ....الرؤية النظرية ...غير التطبيق العملى .....ولن أزيد كثيرا عما كتبه الفاضل HDarwish فى الرد على ما تفضلتما به....فشتان المقارنة بين الغربة فى الخليج ...وبين الغربة فى الغرب !

الأخت الفاضلة princesse ....سأجيب على أسئلتك فى أثناء سردى لباقى "مشاهداتى" فى السعودية ....ولست فى حاجة للتـأكيد ثانية أنه ليس من "الحكمة" "تعميم" الأحكام ....ولكن هناك "شواهد" دائما ما تشير بوضوح إلى ملامح الصورة !

الأخ العزيز Egypt....أتمنى لك مزيدا من التوفيق فى حياتك فى السعودية

فى المشاركة القادمة سأحدثكم عن مشاهدات عابرة ومقتضبة........ ولكن لها مغزى !

[Ebn Sina]

مشاهد عابرة ......ولكن لها مغزى !

الان سأحدثكم عن الفروق الحياتية بين نسق الحياة هنا وتلك فى .......المحروسة :

1- فى مصر حياة ولا عمل......هنا عمل ولا حياة !

2- المكيف والسيارة هنا أهم من المأكل والمشرب ...بدونهما تتوقف الحياة !

3- هنا أنت محاط بخليط من الجنسيات أكثرها أسيوية من الهند وبنجلادش ونيبال والفلبين وسريلانكا ....تجدهم أينما ذهبت لدرجة جعلتنى أشعر- للحظات - أننى أعمل فى بومباى !!

4- سيكون حظك عسر إذا كان رئيسك فى العمل مصرى.....للأسف كثير من المصريين هنا لا يجدون متعة إلا فى التنغيص على أبناء جلدتهم فلا يتقربون إلى كفلائهم إلا على حساب زملائهم ....نماذج- للأسف – تسئ إلى صورة المصريين قاطبة فى عيون الاخرين !

5- إذا رأيت " أحدهم " يحدثك عن أن هذا العام هو أخر عام له فى السعودية ودائم الحديث عن" قرفه " من الوضع وأنه "جاب أخره" ومستحيل يكمل فى البلد دى ............فأعلم " تماما " أنه يكذب ! ، من يرد أن يرحل ...يرحل فى "هدوء" دون طنطنة أو مزايدة .....يأخذ قراره فى هدوء وينفذه فى هدوء !!....قابلت كثيرون على هذه الشاكلة ولازالوا "يطنطنون" بنفس الكلمات ولن يتوقفوا .....ولن ينفذوا ما يقولون ....وأغلب الظن أن " كثيرا " منهم سيعود إلى مصر.......... محمولا على الأعناق !!

6- لو كان بيدى إختيار مكان عملى فى السعودية من قبل مجيئى إلى هنا ...فلاشك كنت سأختار المدينة المنورة ....أهل المدينة طيبين ومتحضرين إلى أقصى حد.....لمست ذلك بنفسى عبر زياراتى إلى المدينة المنورة فضلا عن رأى كثير ممن أعرفهم والذى يتفق معى فى هذا الرأى .....وإن كان الإختيار الثانى لى سيكون الإحساء !!.....فأهلها - فى تقديرى - الأكثر طيبة بعد أهل المدينة !

7- لا طعم للأعياد ورمضان إلا فى مصر ....المصريون هم وحدهم القادرون على إبتداع طقوس للإحتفال بكل مناسبة على حدة ووضع ملامح مميزة لكل إحتفال حسب المناسبة .....هنا لا تشعر برمضان أو العيد ....ولربما تصاب بإكتئاب إذا ما حاولت أن تعقد مقارنة بين صدى تلك المناسبات فى مصر وهنا !!

8- التقبيل فى السعودية يكون على خد واحد ....وثلاث تقبيلات فقط ......ويكون على الخشم-الأنف- لمن هو أكبر منك سنا أو مقاما... كنوع من الإحترام !

ملحوظة : هنا يقولون على الأنف " الخشم "....لكن إحنا فى مصر نطلق هذا المسمى على "الفم " .....الكفتة بتاعتنا بيقولوا عليها هنا كباب....أما الكباب فإسمه هنا أوصال !

9- وبمناسبة الأكل ...أنضف مطاعم هنا هى اللبنانية والتركية .......والأسوأ –لا ريب- هى اليمنية !

10- لا أعلم لماذا عندما قرأت ثانية أشعار احمد فؤاد نجم وأنا هنا....لا أعلم لماذا شعرت كما لو أننى اقرأها لأول مرة .....فمذاق شعره فى الغربة يصبح أكثر عمقا وأثرا فى النفس....وربما يكون أكثر" إيلاما " أيضا على عشاق المحروسة !

كل عين تعشق حليوة

و إنتي حلوة في كل عين

يا حبيبتي أنا قلبي عاشق

و اسمحيلي بكلمتين

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

..........................

شابة يا أم الشعر ليلي

و الجبين شق النهار

و العيون بحرين أماني

و الخدود عسل و نار

و اللوالي بابتسامتك

يحكوا أسرار المحار

يللي ساكنة القصر عالي

إمتى يهنالي المزار

كلميني يا صبية

طال علي َّ الانتظار

كلمتين يا مصر يمكن

هما أخر كلمتين

حد ضامن يمشي آمن

أو مِـآمن يمشي فين

.....................

قصرك المسحور غيلانو

أغبى من دود الغيطان

بعد مص الغصن الاخضر

ينحتوا عضم العيدان

و اللي خلى الارض خضرا

و اللي خلى الدار آمان

عاش بجور ملو جوفه

مات بخوفه من الغيلان

طوّع الغلبان

ما قالش عن شقا العمر اللي كان

كلمتين بمصر يبقوا

هما أخر كلمتين

حد ضامن يمشي آمن

أو مِـآمن يمشي فين

....................

أدي كلمة من عذابي قلتهالك

باقي كلمة

من حنيني صنتهالك

في الضلوع من دنيا ظلمة

كنت خايف يلمحوها

يقتلوها في سكة ظلمة

سقسقت و النور بشاير

زهرة الصبار يا سلمى

يا نسيم الشوق يا طاير

خد لمصر في الصبح كلمة

طول ما يبقى الركب ساير

بالبصاير و العينين

يبقى ضامن يمشي آمن

يبقى عارف يمشي فين

[عبير يونس]

 

كان لي سوأل للاخوة الي بيشتغلوا في الخليج هل فعلا المصريين مضطهدين هناك؟

و الاستاذة سهيلة بما أن حضرتك عايشة في الخليج هل بتتعرضي لمضايقات علشان انتي مصرية؟

اقصد اقول ان هنا في بلدنا ، المصريين بيتعرضوا لمواقف صعبة و بتكون فيها إهانة لكرامتهم، فيا ترى ايه الوضع في الخليج؟

حأجاوبك ببساطة يا برينسيس

الناس في أي بلد فيها الكويس و فيها الوحش

و على مدى عمري عشت في السعودية مع أهلي و دلوقت مع زوجي و أولادي

شفت ناس محترمة جدا و عاملوني كويس جدا و كونت معاهم صداقات متينة

و شفت ناس تانية مش حقول وحشين

بس حقول واخدين فكرة ثابتة عن المصريين نتيجة تجارب مع مصريين أساءوا لسمعة مصر كلها

الناس هنا مش بتهيننا علني كده

الفكرة 

انك هنا غريبة بمعنى الكلمة

و يا ويلك يا سواد ليلك لو احتكيتي في مشكلة مع مواطن

بيبقى الوضع مش في صالحك بالمرة

بس ارجع و أقول

و احقاقا للحق

الموضوع داخل فيه عنصرية بين المواطنين و بعضهم من أصول أخرى

يعني الوضع بيغلي أصلا من غيرنا

عن نفسي لم أتعرض شخصيا للإهانة من حد و بالعكس الحمد لله الناس اللي عرفتهم حتى لو مبيحبوش الأجانب برضه تعاملوا معايا باحترام

الحكاية أصلا توفيق من ربنا

يعني حب الناس ده رزق من الله عز وجل

هي الإهانة معنوية

لما يبقى جواز سفرك مش في إيدك

و لما يبقى كفيلك متحكم فيك

و لما تعامل كأجنبي و غريب باستمرار

و لما يكون في تفرقة بين المواطن والمقيم

حكاية أجانب و قوانين و الحاجات دي موجودة في كل الدول

بس احنا بنزعل من الخليجيين

عشان احنا لسه عايشين الحلم العربي

و العروبة و الكلام ده

همة في نظري لو يلغوا الكفالة و يبقى جواز سفرك في ايدك مش حيبقى في مشكلة

كلمة أخيرة

السعودية فيها ما يكفيها من مشاكل

و ربنا يكون في عونهم بجد

تحياتي

:closedeyes:

[لونا]

على فكرة يا جماعة الدنيا مش بتتقاس كدة!

الغربة وحشة...لا دى مصر هى اللى وحشة..

لا الخليج صعب .....لا دة الغرب جنة الله على أرضه...

متهيألي إن كل واحد بيقيس على قد تجربته و سهولتها أو صعوبتها..

الموضوع variable

يعني شكوى المصريين من الخليج هتجدوا إن 90% من أصحابها بيعملوا في القطاع الخاص

و لكن أعتقد إن معظم العاملين في الحكومة لم يشعروا بمشكلة الكفيل,

الشيء الوحيد يمكن إنه لا يتسلم الباسبور إلا بعد إخلاء طرفه للأجازة ,

و أول ما يرجع من الاجازة يسلمه تاني لمكان العمل..

كمان مش كل و لا معظم المصريين وحشين و بيتصيدوا الأخطاء لبعض ..

أكيد في مصريين أخلاقهم سيئة و حسودين و لا يتمنوا الخير لغيرهم وووووو....

و قولوا عيوب زي ما إنتوا عايزين و لكن في الآخر نسبتهم زي نسبة السيء في أي شعب تاني!

أنا ما عشتش في الغرب و من اللى عاشوا هناك عارفة إنهم عايشين كويس أوى..

و لكن ما زال هناك خطر إن الأولاد أو الأحفاد ينشأوا و هم لا يعرفون عن دينهم الكثير..

في ناس كتير عايشة في مصر و مبسوطة و لا عمرها فكرت في السفر و لا حتفكر...

و في ناس عايشة في الخليج كذلك مبسوطة..

و في الغرب أيضا...

كل واحد حسب ظروفه هو و ظروف أسرته ...

الكلام دة تأكيد على اللى قاله الفاضل ابن سينا إن دي تجربته هو شخصيا و أنه لا يعمم على الجميع

تحياتي :closedeyes:

[Ebn Sina]

العضو الفاضل elfakhrany ...أشكرك على مرورك الكريم....وفى إنتظار تعليقاتك

العضوة الفاضلة مصرية مغتربة....أشكرك على ردودك الثرية .....وفى إنتظار المزيد

العضوة الفاضلة لونا....نعم أتفق معك أن الحكم على تجربة الغربة سواء فى الخليج او غيره نسبية....ولكل منا تجربته ورؤيته....ولذا فقد أشرت أكثر من مرة فى تعليقاتى السابقة إلى أنه من الخطأ تعميم الأحكام !

فى المشاركة المقبلة سأحدثكم عن رؤية تحليلية .....لنماذج إحتككت بها !

[hazemtara]

.... لدرجة أننى خشيت على نفسى إن قررت عمل أشعة مقطعية على المخ حال عودتى لمصر أن يكون تقرير الطبيب هو " مخ إيه يا بنى .....انت دماغك فاضية !!........جالك إمتى المخ ده ؟ " !!!!!!!!

ثلاث سنوات مروا من عمرى فجأة ، وغيرى قضى " جُل " عمره هنا ......

نحن نقايض على عمرنا بالمال ......وما أبخسه من ثمن !!

الغربة جواااا بلدك افظع

معظم شعب مصر غريب جوا مصر

التوبك دة على قدر ما هو مستوى الحوار فية راقى ومُختلف عن كثير من الموضوعات الأخرى إلا أنة فتح جراح وألآم مُعظمنا لا يحب أن يتذكرها قد يكون من باب الهروب من الواقع المُؤلم أو ،،لأنة لا يجد بديلاً مُتاح أفضل أو لأن هذا هو المُتاح ولا يوجد أمامة حلول أخرى.

سامحكم الله بصراحة بعد أن قرأت هذا التوبك إنتابنى هم وحُزن كبير على نفسى وأولادى ،،لأنة فعلاً عُمرى يضيع مُقابل المال.

[precanadian]

موضوعك راقي جدا يا ابن سينا . عندي فضول اعرف انت منين في مصر ومجال عملك ايه.

اسلوبك في الكتابه بالفصحي جميل جدا ويدل علي مستوي عالي من التعليم والثقافه.

معلش حبيت اوصف مشاعري لك وانا ا قرأ كتاباتك

وبمناسبه الكباب اوصال . ... بلح الشام اسمه طرمبه ولقمه القاضي ا سمها عوامات :roseop:

الإغتراب فى حد ذاته شئ قاسى .....وخصوصا فى مجتمع تعوزه " الحميمية " التى إعتاد عليها المصريون فى علاقاتهم الإنسانية ، فأنت حتى وإن كنت تعيش فى مستوى مادى أفضل من مصر ولكن يظل دائما يساورك شعور بالإغتراب !

الكسل العقلى .....أكبر مشكلة تواجه المصريين العاملين فى السعودية –وفى الخليج عامة- هى الكسل العقلى ......هنا أنت – عادة- لا تضطر الى أن تُعمل عقلك فى أى شئ .......لانك لن تحتاجه فى الغالب..... لدرجة أننى خشيت على نفسى إن قررت عمل أشعة مقطعية على المخ حال عودتى لمصر أن يكون تقرير الطبيب هو " مخ إيه يا بنى .....انت دماغك فاضية !!........جالك إمتى المخ ده ؟ " !!!!!!!!

ثلاث سنوات مروا من عمرى فجأة ، وغيرى قضى " جُل " عمره هنا ......أن تكون سنون العمر محكومة بمعادلة رياضية مادية بحتة..... فتلك معادلة لها وجهان أحدهما مؤسف والأخر مخزى !... ،معادلة مفادها أن السنة من عمرك تقدر بمبلغ كذا من المال تستطيع توفيره سنويا وهذا هو الوجه " المؤسف " ! ....أما الوجه " المخزى " هو أن تحدد المبلغ المالى الذى تريد تحقيقه أولا ثم تحسب فيما بعد عدد السنين-من عمرك- اللازمة للحصول عليه !!!......معادلة أراها قاسية ومؤلمة......نحن نقايض على عمرنا بالمال ......وما أبخسه من ثمن !!

من اجمل ما كتبت يا اخي العزيز .

[Ebn Sina]

إزيك يا فايزر..........واحشنى ، وأشكرك على تعليقاتك والتى أتفق معك فى " كثير" منها

الأخ الفاضل Hassan MMM يسعدنى أن الموضوع أعجب حضرتك وفى إنتظار مشاركاتك

الأخت الفاضلة Om Reham متشكر على ذوقك

العضو الفاضل Hazemtara...صدقنى يا عزيزى إذا قلت لك لم أكن أقصد ابدا بسردى لرؤيتى لتجربة الغربة "نكأ" الجراح....كان هدفى فقط هو تقييم تجربتى ...وإعتصار الخبرات التى إكتسبتها فى سطور فلربما تفيد البعض لاسيما ممن لم يخض التجربة بنفسه من قبل ....أنتظر تعليقاتك ...أنتظرها بحق

Mama nona...أشكرك على كلماتك المشجعة

[Ebn Sina]

موضوعك راقي جدا يا ابن سينا . عندي فضول اعرف انت منين في مصر ومجال عملك ايه.

ده من ذوق حضرتك ،أنا صيدلى من محافظة القليوبية .....مركز كفر شكر

اسلوبك في الكتابه بالفصحي جميل جدا ويدل علي مستوي عالي من التعليم والثقافه.

أخجلتم تواضعنا يا فندم

معلش حبيت اوصف مشاعري لك وانا ا قرأ كتاباتك

كتر خيرك

وبمناسبه الكباب اوصال . ... بلح الشام اسمه طرمبه ولقمه القاضي ا سمها عوامات :roseop:

مشكور على المعلومات "الغذائية" الهامة

الإغتراب فى حد ذاته شئ قاسى .....وخصوصا فى مجتمع تعوزه " الحميمية " التى إعتاد عليها المصريون فى علاقاتهم الإنسانية ، فأنت حتى وإن كنت تعيش فى مستوى مادى أفضل من مصر ولكن يظل دائما يساورك شعور بالإغتراب !

الكسل العقلى .....أكبر مشكلة تواجه المصريين العاملين فى السعودية –وفى الخليج عامة- هى الكسل العقلى ......هنا أنت – عادة- لا تضطر الى أن تُعمل عقلك فى أى شئ .......لانك لن تحتاجه فى الغالب..... لدرجة أننى خشيت على نفسى إن قررت عمل أشعة مقطعية على المخ حال عودتى لمصر أن يكون تقرير الطبيب هو " مخ إيه يا بنى .....انت دماغك فاضية !!........جالك إمتى المخ ده ؟ " !!!!!!!!

ثلاث سنوات مروا من عمرى فجأة ، وغيرى قضى " جُل " عمره هنا ......أن تكون سنون العمر محكومة بمعادلة رياضية مادية بحتة..... فتلك معادلة لها وجهان أحدهما مؤسف والأخر مخزى !... ،معادلة مفادها أن السنة من عمرك تقدر بمبلغ كذا من المال تستطيع توفيره سنويا وهذا هو الوجه " المؤسف " ! ....أما الوجه " المخزى " هو أن تحدد المبلغ المالى الذى تريد تحقيقه أولا ثم تحسب فيما بعد عدد السنين-من عمرك- اللازمة للحصول عليه !!!......معادلة أراها قاسية ومؤلمة......نحن نقايض على عمرنا بالمال ......وما أبخسه من ثمن !!

من اجمل ما كتبت يا اخي العزيز .

أشكرك ثانية على كلماتك التى أثلجت صدرى

[Ebn Sina]

رؤية تحليلية ...........لنماذج احتككت بها !

بداية .... فى هذه المشاركة سأقول إنطباعى فى العموم عن النماذج التى عرفتها هنا من المصريين وذلك قبل أن أسرد رؤيتى لنماذج "بعينها"....ربما أكون محظوظا لأن طبيعة عملى – كصيدلى -تجعلنى فى تعامل مباشر دائما مع كل أصناف البشر بإختلاف جنسياتهم، ثقافتهم ،مستويات تعليمهم ،ودرجة وعيهم .......وسأورد أولا تصنيفا وفقا - لرؤيتى- للمصريين تحديدا:

لنتفق أولا أن معظم المصريين العاملين فى الخليج من مستوى اجتماعى ومادى متقارب نسبيا...ولنتفق أيضا أن "جُل" من جاء إلى هنا بغرض تأمين مستقبله وتحسين وضعه المادى كى يساعده على تحمل أعباء الحياة فى مصر عندما يقرر الإستقرار بها ......وفيما رأيت أن " إستجابة "الكثيرين حيال النقلة المادية التى تحدث لهم متفاوتة تماما.... وإنعكاس ذلك بطبيعة الحال على سلوكهم الشخصى يثير " التأمل " ! ، وسأصنف تلك الاستجابات فيما يلى :

1- أول صنف ....أُنَاس متوازنين نفسيا ....كانوا يحتاجون إلى المال لتأمين مستقبلهم...وذهبوا إلى السعودية وبدأت أمورهم المالية تتحسن ..................فأصبحوا أكثر هدوءا و " ثقة " فى تخطيطهم لمستقبلهم....وأصبح تفكيرهم موجه أكثر إلى الطريقة المثلى " لتوظيف " تلك النقلة المادية فى حياتهم المستقبلية.....فهم يعلمون أن المال أت أت ....فعلام القلق........ وفيم العجلة؟!!

وعلى الجانب الأخر نجد أٌناساً لم يستوعبوا الصدمة ...صدمة النقلة المادية.....وهؤلاء تتفاوت ردود افعالهم ............البعض يصبح " تكالبه " على جمع المال أشد، والأخر لا يكل من إبداء" ضيقه " من ضعف دخله وقلة راتبه ويقارن نفسه بأقرانه – حتى وإن كانوا أكثر منه خبرة وجدية وكفاءة -.....وأخرون ينضوون تحت لواء حزب أسميه حزب" عندنا فى المملكة"!.....ولهؤلاء قصة اخرى وسأحدثكم عنهم ........فى المشاركة القادمة !

تم تعديل 3 أكتوبر 2009 بواسطة Ebn Sina

[herohero]

انا راي ان موضوع الصدمة ده بيعتمد على البيئة اللي جاي منها المصري يعني زمان قوي ف الثمانينات كان بصراحه فيه فرق واضح بين الخليج ومصر لان القوانين عندنا ف مصر كانت قافلة الاستيراد وبالتالي كان عندنا البيجو 504 موديل مش عارف كم وسبعين هي السياره الاولى وكان هنا ف الخليج الوضع غير خالص

يعني كان بيلفت نظر اي حد ماكينات البيبسي ام ريال او 100 فلس ومكانتش موجوده ف مصر ومثلا الهمبورجر مكنتش موجوده ف اوائل الثمانينات ولا كنتاكي كان موجود ف مصر الا ف التسعينات

لكن ده كله حاليا اتغير من فترة الصدمة المالية اتغيرت لان الوضع ف مصر من ناحية الحياة الاجتماعية فيه كل شيئ التغيير بيكون ف طبيعة الحياة هنا ف الخليج بيكون اسهل لاننا بنتلكم عن سلوكيات الوفرة وهي بتختلف كثيرا عن سلوكيات الزحام وممن الندرة ف بعض الاحيان

لكن من هم يتحدثوا ويقولا عندنا ف المملكة وانا شوفت النماذج ده بعد سنة بيحسسك انه مكنش عايش ف مصر وانه ايه القرف ده وازاي الناس عايشة كده فدول ف نظري الناس محدثين نعمة يعني ماشوفوش قبل كده فده بيرجع لشخصية الانسان

على فكره خليج السبيعنات والثمانينيات هو اللثي كان عز وثراء وخير انما دلوقتي ما اظنش يعني ف حالات قليله

فما اظنش ان الصدمة ده ممكن تحصل حاليا

وفي انتظار المزيد من تجاربك لنتفاعل معها

[HassanMMM]

يعني كان بيلفت نظر اي حد ماكينات البيبسي ام ريال او 100 فلس ومكانتش موجوده ف مصر ومثلا الهمبورجر مكنتش موجوده ف اوائل الثمانينات ولا كنتاكي كان موجود ف مصر الا ف التسعينات

لا ثانية واحده تعليق بسيط ولو مش في مكانه لكن بما انه تم ذكر الأوصال والكباب وموضوع الأكل وكدة فلازم اعلق بقى لذكر الحقائق فقط. :sad:

كنتاكي موجود في مصر من اوائل الثمانينات تقريباً وكمان كان مطاعم ويمبي WIMPY وهي سلسلة مطاعم برجر بريطانية وتعتبر من اول سلاسل مطاعم البرجر العالمية في مصر والمطعمين كانوا دايما جنب بعض وانا منساش وانا صغير اد ايه كان الواحد بيكون فرحان لم نروح مع العيله للأكل هناك. رغم اني دلوقتي نادر جدا لما اكل في المطاعم دي وبعتبرها من اقل انواع الأكل قيمة غذائية.

و WIMPY لسه ليه مطاعم كثير في انجلترا وجنوب افريقيا

لكن دي من الحاجات اللي كانت في مصر اوائل ومنتصف الثمانينات ماآنساهاش وانا طفل الصراحه.

[وسط][/وسط]

http://en.wikipedia.org/wiki/Wimpy_(brand)

[herohero]

يعني كان بيلفت نظر اي حد ماكينات البيبسي ام ريال او 100 فلس ومكانتش موجوده ف مصر ومثلا الهمبورجر مكنتش موجوده ف اوائل الثمانينات ولا كنتاكي كان موجود ف مصر الا ف التسعينات

لا ثانية واحده تعليق بسيط ولو مش في مكانه لكن بما انه تم ذكر الأوصال والكباب وموضوع الأكل وكدة فلازم اعلق بقى لذكر الحقائق فقط. :sad:

كنتاكي موجود في مصر من اوائل الثمانينات تقريباً وكمان كان مطاعم ويمبي WIMPY وهي سلسلة مطاعم برجر بريطانية وتعتبر من اول سلاسل مطاعم البرجر العالمية في مصر والمطعمين كانوا دايما جنب بعض وانا منساش وانا صغير اد ايه كان الواحد بيكون فرحان لم نروح مع العيله للأكل هناك. رغم اني دلوقتي نادر جدا لما اكل في المطاعم دي وبعتبرها من اقل انواع الأكل قيمة غذائية.

و WIMPY لسه ليه مطاعم كثير في انجلترا وجنوب افريقيا

لكن دي من الحاجات اللي كانت في مصر اوائل ومنتصف الثمانينات ماآنساهاش وانا طفل الصراحه.

[وسط][/وسط]

http://en.wikipedia.org/wiki/Wimpy_(brand)

انا لااقصد سيدي ان هذه الاشياء مهمة لكن انا اعترض على من يختصر القصة على بعض الشكليات اللي كان ممكن زمان تتقال لكن حاليا مااظنش ان فيه شيئ ف الخليج او الغرب مش متاح ف مصر والحمد لله ف مصر اصبحنا من الشعوب الاستهلاكية جدا وده شيئ غلط

لذا فما اظنش ان اي حد يعمل فالخليج ممكن يلاقي شيئ مش موجود ف مصر حاليا لكن هي الفرق ف سلوزكيات الزحام اللي لو اتوجدت ف اي مكان هتعمل كده كل مانحن فيه نابع من سلوكيات الزحام

[HassanMMM]

انا لااقصد سيدي ان هذه الاشياء مهمة لكن انا اعترض على من يختصر القصة على بعض الشكليات اللي كان ممكن زمان تتقال لكن حاليا مااظنش ان فيه شيئ ف الخليج او الغرب مش متاح ف مصر والحمد لله ف مصر اصبحنا من الشعوب الاستهلاكية جدا وده شيئ غلط

لذا فما اظنش ان اي حد يعمل فالخليج ممكن يلاقي شيئ مش موجود ف مصر حاليا لكن هي الفرق ف سلوزكيات الزحام اللي لو اتوجدت ف اي مكان هتعمل كده كل مانحن فيه نابع من سلوكيات الزحام

الصراحه انا معاك يا أستاذ herohero الزحام هو اكبر فرق دلوقتي بين الخليج ومصر مش بس الزحام طبعا كفايه نظم تخطيط الشوارع والمدن والتجديدات اللي دايما بتتعمل في السعوديه مثلا للطرق رغم

طبعا وجود بعض الأخطاء والأماكن المهمله لكن مقارنه طرق ومرور المدن الكبرى في السعودية مثلا والقاهره فرق كبير بس :sad:

[Salwa]

يعني كان بيلفت نظر اي حد ماكينات البيبسي ام ريال او 100 فلس ومكانتش موجوده ف مصر ومثلا الهمبورجر مكنتش موجوده ف اوائل الثمانينات ولا كنتاكي كان موجود ف مصر الا ف التسعينات

لا ثانية واحده تعليق بسيط ولو مش في مكانه لكن بما انه تم ذكر الأوصال والكباب وموضوع الأكل وكدة فلازم اعلق بقى لذكر الحقائق فقط. :sad:

كنتاكي موجود في مصر من اوائل الثمانينات تقريباً وكمان كان مطاعم ويمبي WIMPY وهي سلسلة مطاعم برجر بريطانية وتعتبر من اول سلاسل مطاعم البرجر العالمية في مصر والمطعمين كانوا دايما جنب بعض وانا منساش وانا صغير اد ايه كان الواحد بيكون فرحان لم نروح مع العيله للأكل هناك. رغم اني دلوقتي نادر جدا لما اكل في المطاعم دي وبعتبرها من اقل انواع الأكل قيمة غذائية.

و WIMPY لسه ليه مطاعم كثير في انجلترا وجنوب افريقيا

لكن دي من الحاجات اللي كانت في مصر اوائل ومنتصف الثمانينات ماآنساهاش وانا طفل الصراحه.

[وسط][/وسط]

http://en.wikipedia.org/wiki/Wimpy_(brand)

صح..

ده كلام مضبوط جدا جدااا..

فى اوائل الثمانينات ...لما كنا ننزل اسكندرية ونقضى شهر الصيف فى المعمورة كان فيه ويمبى وكنتاكى ..اما بقى من قبل السبعينات كان عندنا مطاعم فخمة مش موجودة ولا معروفة فى المملكة ولا غيرها ...زى مكسيم فى المعمورة واندريا فى المنتزة ...كان فيه ايليت ....وغيرهم كتير لكن لاتسعفنى الذاكرة الآن ..

بس للأسف دلوقت نفس المطاعم يديرها ناس تختلف كثيراااا عن ناس زمان...لهذا لن تجد بها نفس الاحساس (( اللى كان موجود لما تروح هناك ))..!!

المهم فى كل ده..

نوعية الناس كانت ايه؟؟

كانت ناس راقية جدا جدااا...ومكانش فيه الفجوة اللى حصلت نتيجة سفر كثير من المصريين لدول منتجة للنفط ..وانبهارهم بالجديد (( ربما لان البيئة التى نشأوا فيها كانت بعيدة عن المدنية ...او...كانت بيئة محدودة ...!!!)).

متابعة بكل اهتمام..

[lovelyramy]

موضوع جميل جدااا ومهم جداااااا

لكن ياجماعه وجهات النظر فى الغربه بتختلف حسب الشخصيه وكمان الوضع اللى جهه فيه كل واحد

فمثلا تلاقى واحد جه يشتغل فى شركة كبيره ومحترمه وراتبه محترم ومعاه زوجته دا بتبقى الغربه خفيفه بالنسبه له وبيقدر يروح فى الاعياد مصر وذلك طبعا لان وضعه وراتبه المادى مساعدينه

والعينه دى طبعا قليله بس بالنسبه لهم الغربه جميله

الفئه الشائعه اللى بيبقى طافح الكوته فى مصر وماصدق ان فى شركة عبرته واختارته ودول طبعا بيجو على رواتب بتبدأ من 1500 الى حد اقصى 3500 او 4000 واغلبهم بيبقوا ظروفهم الماديه سيئه

فبيلاقى ميه حاجه عايز يعملها , عايز يبعت فلوس للاسره وعايز يعيش ويصرف فى الغربه وعايز يحوش لغدر الزمان وعايز يتجوز ودا طبعا بيخليه فجأه ابواب مصاريف كتير اتفتحت قدامه وطبعا بالفكر السائد للمغترب انه ايامه قليله وانه ممكن يتغدر بيه من الكفيل فى اى وقت بيقع تحت ضغط عصبى ونفسى كبير ودا لانه مش عايز يفقد الاهداف الاربعه اللى عايز يحققها والى بالفعل بيعانى علشان يحققها وطبعا بيقعد كام سنه علشان ينجزها كلها ولما بينجزها كل هدف منها بيفتح له اهداف تانيه فمثلا بعد ما يتجوز عايز يخلف ولما يخلف عايز يربى عياله ولما يربيهم عايز يوقفهم على رجليهم وهكذا الى ان يسوقه القدر

تم تعديل 3 أكتوبر 2009 بواسطة lovelyramy

[Ebn Sina]

حزب... "عندنا فى المملكة" !!

نماذج " أعرفها " قبل أن يأتوا إلى السعودية وإحتككت بهم هنا.....وهؤلاء ممن لم يستوعبوا أيضا الصدمة المادية التى حدثت لهم.....ولكن تحولت الصدمة إلى رد فعل عكسى تماما ....فأصبح لا هم لهم سوى " التباهى" بما وصلوا إليه بإسلوب غير مباشر غالبا.... فيصرون مثلا على أن يوصلوا لمن يتحدث معهم " إيحاءا " بأهميتهم فى أماكن عملهم ....ودرايتهم التامة ببواطن الأمور فى السعودية ...... وإن كان التباهى يكون على أشده فى مصر ....فلا بأس من الإشارة " مرارا " إلى نوع الجوال الذى يحمله او اللابتوب.....وعن " تردده" بين عدة موديلات قبل شرائهم ولا بأس من ذكر الأسعار ع الماشى ......ولا بأس أيضا من" حشر " السعودية فى أى جملة مفيدة ......فإذا جلس أحد هؤلاء مع أصدقائه لا يكف عن الإشارة إلى السعودية ....وماذا كان يفعل فى السعودية فى الموقف الفلانى .......وإختلاف ظروفه الحياتية فى السعودية عن هنا....لدرجة أن بعضهم يستخدم مصطلحات من نوع " لا أصل انت ما تعرفش أصل عندنا فى المملكة... فيه كذا وكذا وكذا ......" ..ولهذا خلعت عليهم لقب حزب " عندنا فى المملكة " !!

وغالب الظن أن هؤلاء لا يتمتعوا بتوازن نفسى كاف....فبداخلهم شعور- مكتسب- ب "الإنتشاء بالذات" !....فهم يرون أن تحسن وضعهم المالى والاجتماعى أمر كان لابد له أن يحدث !!.....فهم يستحقون ما وصلوا إليه.....ويعقدون بداخلهم مقارنات بينهم وبين أقرانهم لاسيما فى مرحلة الجامعة ....ويقنعون أنفسهم أنهم يتميزون عن هؤلاء ذوى الدخل المنخفض والذين لازالوا يعملون بمصر..... فلابد أن الله بسط فى رزقهم بسبب تميزهم ..... " إنما أوتيته على علم عندى " .........لسان حالهم يقول هذا !!!

وهى نظرة ولا شك......مفرطة فى السطحية ........غير واقعية ....وتقطر جهلا ! ف "عقل " هؤلاء لا يسمح لهم بأن " يدركوا " أن حكمة الله فى توزيع رزقه أعمق بكثير مما يظنون ، وإن كان ما يفعلونه هو إحدى " الحيل الدفاعية " التى تلجأ اليها النفس البشرية لتحصن نفسها تجاه أى إنتقاد- او إنتقاص- من قيمة أى شخص من هؤلاء .............لاسيما من القريبين منهم !!

يا طير يا عالى فى السما طز فيك

ما تفتكرش ربنا.......مصطفيك

برضك بتاكل دود وللطين تعود

تمص فيه يا حلو ويمص فيك

عجبى !!

[Morial]

اولا لك اسلوب اديب وحس شاعر ولا تفتقر الي ادوات الكاتب من تشويق واثارة الي طول بال وصبر الست شهر زاد الله يرحمها .ثانيا اي سلبيات واكتئابات ونهنهات ناوي تحكي عنهابداية من معاناتنا - نحن المصريين المقيمين بالسعودية-من اضطهاد الجنسيات الاخري وانتهاء باضطهادنا بعضنا لبعض وغلنا من بعض وعمل المستحيل لكسر شوكة احدنا للاخر انا موفقاك عليها بالثلث كالاتي موافقة i agry je suis d acord

سبحان الله كانك بتوصفني وعلي فكرة اللاب توب بتاعي ال جي وبالمرة بقي تمنه 2450ريال

اود ان الفت نظر سيادتكم الي ان كل من تقبل الغربةطوعا او كرها وضحي بونس الاحبة وعزوة الاهل وقبل بديلا عنهما بتجرع كاس الغربه المر كالحنظل هو بلا شك واحد كان مفلس في مصر اي ان كلنا جينا هنا علشان الفلوس واللي يقول غير كده iam so sorry يبقي بيغالط نفسه

اذا كان ممكن تكمل لو سمحت التوبيك ده احسن من اي محلل نفسي او طبيب امراض نفسيه انت فتحت الجرحوعن نفسي اعاني الان bleeding اليس هناك امل فيsutureولوحتي واحدة

[herohero]

اولا لك اسلوب اديب وحس شاعر ولا تفتقر الي ادوات الكاتب من تشويق واثارة الي طول بال وصبر الست شهر زاد الله يرحمها .ثانيا اي سلبيات واكتئابات ونهنهات ناوي تحكي عنهابداية من معاناتنا - نحن المصريين المقيمين بالسعودية-من اضطهاد الجنسيات الاخري وانتهاء باضطهادنا بعضنا لبعض وغلنا من بعض وعمل المستحيل لكسر شوكة احدنا للاخر انا موفقاك عليها بالثلث كالاتي موافقة i agry je suis d acord

سبحان الله كانك بتوصفني وعلي فكرة اللاب توب بتاعي ال جي وبالمرة بقي تمنه 2450ريال

اود ان الفت نظر سيادتكم الي ان كل من تقبل الغربةطوعا او كرها وضحي بونس الاحبة وعزوة الاهل وقبل بديلا عنهما بتجرع كاس الغربه المر كالحنظل هو بلا شك واحد كان مفلس في مصر اي ان كلنا جينا هنا علشان الفلوس واللي يقول غير كده iam so sorry يبقي بيغالط نفسه

اذا كان ممكن تكمل لو سمحت التوبيك ده احسن من اي محلل نفسي او طبيب امراض نفسيه انت فتحت الجرحوعن نفسي اعاني الان bleeding اليس هناك امل فيsutureولوحتي واحدة

تعقيبا على هذا نفسي ما تبقاش كل الحسبة مادية بكرة ان شاء الله لما نشتري الحته S600 وريني هتمشي بيها ازاي ف مصر عاوز اشوف هندخل الكهرباء ازاي ف فيلا الرحاب

ياجماعة محسسني ان مشكلة مصر بس الفلوس حاضر اديكوا بتنزلوا اجازات احكولنا عن تعاملاتك مع الصنيعيه لو بتوضبو شقة ولا لو بتعملوا حاجه مع المحليات

بتقدروا تروحوا شغلكم بمنتهى البساطة يعني محدش حاسس بخنقة المرور هتركب عربيتك الشيك جدا وتشغل التكييف وريني هتنزل من فيلتك ف احمد عرابي وتروح شغلك ف مدينة نصر ازاي وقولي هتعمل ايه لو واحد خبط عربيتك بيبقى الموقف ازاي بتيجي عربية الشرطة وتشوف مين اللي غلطان

ايه ياجماعة ليش بننسى كل ده ، نسافر نقول غربة وحنين ما كنا ف مصر برده بنشتكي من زحمة الطرق ، انا عاوز واحد يحكيلي ايه الي بيحصل لما عربيته تتخبط ف مصر

انا الحمد لله شوفت ادامي الموقف ده كتير وعارف ايه اللي بيحصل بس نفسي اسمع عشان يمكن الواحد كان عايش ف بلاد الواء واء

احنا لازم كشعب مصري نتشكى ، نتغرب نقول الغربة وحشة نعيش ف مصر نقول احنا قرفنا

شعب بتاع مظاهر كله بيتباهى باحدث موبايل اكيد الكل لاحظ عدم اهتمام بقية الناس ف اي دولة ف الخليج بالموبايلات يعني مش زي اهتماممنا الزايد ف مصر

بنتعايق بالاب توب يعني حاجات شكليه مملة وبنتعايق بالفرح اتعمل فيه ايه

كل السلبيات بتاعت الغربة جاية مننا الغربة مالهاش ذنب ، بنشتكي من قلة مرتبات لاننا اتفقنا غلط او استعجلنا ، بنعاني من اضطهاد لا هو كره مش اضطهاد لان التاس شايفني وحشين مع بعض وبنكره بعض هل بنساعد بعض زي الهنود ولا الفلبينيين شوفوا الشوام بيظبطوا بعض ازاي

للاسف سلبيات الوطن بنطلع بيها ف الغربة ونشتكي