بعد ثلاث سنوات فى الغربة، وداعا يا سعودية..... وهذه هى مشاهداتى !

[Ebn Sina]

اعتقد ياأخي الفاضل ان ثلاث سنوات تعتبر فتره قصيره للحكم علي بلد او شعب

أتفق معك يا أخى الفاضل....ولكن كلامك قد يكون صحيحا إذا ما كان كاتب السطور ألمح بين ثنايا كلماته أنه بصدد إصدار "أحكام"....لقد أشرت فى غير مرة إلى أننى أسرد رؤيتى لفترة إغترابى فى السعودية ...وأسجل إنطباعاتى التى بنيتها على تحليلى لواقع عايشته وتفاعلت معه .

ياريت لما تستقر كده فى مصر وربنا يوفقك تحكيلنا احسن عن تجربتك الناجحة وعن مشاهداتك فى مصر لاننا بصراحة مبقيناش فاهمين الدنيا فى مصر ماشية ازاى

ولا أعتقد يا عزيزى أن أحدا يعى ما يحدث فى مصر و "بمصر" فى الوقت الراهن .....ولكن أعدك عندما أفهم ما يحدث فى مصر سأتحدث !

الأخ الفاضل hanzalah أشكرك على إضافتك ....وإن كنت أريد أن أسألك لماذا "فهمت" من تعليقى أن رأيى "سلبى" فى الأخوة اليمنيين ؟!

الأخت الفاضلة مصرية متغربة....أشكرك على معلوماتك القيمة

مصر دي حاجة غريبة جدا .. بجد .. مهما لفينا و اتغربنا و مهما كان فيها مشاكل و بلاوي .. بنحن ليها و نرجعلها و بشووووووووووق مالوش وصف ..

المغترب قد ينسى انه قد حرم ابوه وامه او انسان يحتاج له من متعة الجلوسه بجوارهم

فهم اباء لا يبحثون عن شاليه فى الساحل الشمالى او شقه فى الرحاب او حتى سيارة فقط

مجرد الجلوس والتحدث معهم واحساسهم بالدفئ خاصة من كبر سنه وزاد مرضه

عزيزى موعود....أتفق معك فى هذه النقطة تحديدا.....وأشكر لك مرورك الكريم

هنا يقع البعض فى خطا شائع و هو التعامل مع الفلسطينين على انهم شعب متجانس

الفلسطينيون تعرفهم بمجرد النظر فهم هويه تمشى على الارض لكن لا يمكن ان تفهمهم بنفس السهوله

فلسطينوا الشتات يختلفون عن فلسطينوا الداخل و الداخل يختلفون ما بين عرب الداخل و عرب الارض المحتله و الشتات يختلفون بحسب مكان الميلاد فمن ولد فى مصر مختلف عن من ولد فى سوريا و لبنان و الخليج و اوربا و امريكا

كلهم يضمهم وطن غير متاح على الاقل فى التاريخ الراهن لذا فلا تستبعد ان ترى العجب من هذا الشعب الخارج عن نطاق المعقول

ملاحظة تستحق التقدير...وربما تفسر ملاحظتك الدقيقة تلك جانبا هاما من أسباب "تباين" ردود أفعال الفلسطينيين الذين قابلتهم ....وربما أكون متفهما لأسباب ذلك التباين....ولكننى لم "أستسغه"......لم أستسغه أبدا !

عايز اقول كمان لدكتور / بن سينا بجد متفق معاك تقريبا فى كل حاجة يمكن وجهة نظرنا وحده و كمان اسلوبك رائع كمان كنت عايز اقولك ان المشاهدات كتير و المشاركات قليلة ليه انا مثلا واحد من الناس كنت بتكسف ادخل و اكتب رد مع ان كل المنتديات هنا و كل المواضيع بتعجبنى جدا انا من ساعة ما جيت منمصر من سنيتن اول حاجة بعملها قبل ما افتح ميل الشغل هو انى افتح الاهرام و المصرى اليوم و الجرايد المصرية دلوقتى بفتح محاورات المصريين قبل اى حاجة

أشكرك على مجاملتك الرقيقة ....وسأنتظر تعليقاتك

[Ebn Sina]

فى هذه المشاركة سأتحدث عن رؤيتى للسعوديين....فضلا عن رؤيتهم لمصر والمصريين

عجيب أمر السعوديين ....فمصر هى "الرقم الصعب" فى العقلية السعودية....مصر فى نظر معظمهم بلد له "سحر غريب " ..................حتى فى نظر كاريهها منهم !

رأيت فيهم من هم "عاشقين" لمصر وللمصريين بل يعتقدون أن أى إصلاح للأوضاع العربية لابد أن يبدأ من مصر....وبرعاية مصر .....بل رأيت البعض يشعر بالدونية أمام المصريين ....فالمصريين فى نظره أذكى وأكثر علما وثقافة ...فإذا دخلت فى محاججة مع مصرى فلا ريب أنت الخاسر.... هكذا يعتقد البعض !!...وهو ما عبر عنه بصورة أو بأخرى أحد أصدقائى السعوديين الذى أبدى ضيقه الشديد من" سعودة "مهنة التدريس فى المملكة مؤكدا أن التعليم فى إنحدار مستمر منذ استبعاد المدرسين المصريين واصفا إياهم بسعة الافق... مؤكدا لى الأثر الذى تركه فى نفسه أساتذته المصريين !

عجيب أمر المصريين فى نظر هؤلاء ...فرغم ظروفهم الصعبة وتردى أوضاعهم الإجتماعية إلا أن معظمهم متعلمين ..خريجى جامعات ...وأكفاء فى عملهم أكثر من أى جنسية أخرى فى السعودية ....كيف يحصل جُل المصريين على مستوى رفيع من التعليم فى بيئة شديدة الفقر ...للدرجة التى دفعت أحدهم ذات مرة إلى أن يسألنى عن السر وراء ذلك !!....وُسقت له تفسيرا من منظورى الشخصى ...وبدا لى أنه راق له ذلك التفسير كثيرا !

وأخرون وجدتهم يشعرون ب " النقص " الشديد تجاه مصر والمصريين ....فيشعرون بسعادة شديدة حين "ينفثون" عن نقائصهم تجاه المصريين ....بل ويعاير بعضهم المصريين بسوء الأحوال فى مصر .....لى صديق مهندس كان كفيله لا يكف عن ترديد-على أسماعه وأسماع زملائه المصريين - أنهم السبب فى فشل شركته - رغم نجاح شركته فى واقع الأمر - ولكنه نوع من التنفيث عن الأحقاد تجاه مصر والمصريين ....توبيخ يشعره "بإنتشاء"!.....يروى ظمأه إلى الإحساس ب "الفوقية" ...وإشعارهم بالدونية .. لأنه-وهو الجاهل الذى لم يدخل مدارس- يعمل تحت كفالته خريجو كليات الهندسة من أكبر جامعات مصر ....فيتخيل هو الأخر أن ما أتاه الله من فضل .... أتاه إياه على علم عنده !!

خلص الكلام

[Morial]

انا حبة تكون مشاركتي المرة دي بالعامية والسبب اني فرحانة اوي الساعة الوقتي في السعودية اتنين وربع فجرا وبعد اربع ساعات ان شاء الله هكون في مطار نجرانوهي منطقة في اقصي جنوب السعودية قريبة من اليمن فيه سبب كمان وهو اني عايزة اوصل شعور ما واعتقد ان العامية انسب وفي التعبير عن المشاعر يا جماعة انتم اصبحتم اصدقائي الصدوقين اصدقاء مالقتش زيهم في الواقع وصدقوني لما اقولكم انا مببطلش كلام عنكم مع اصحابي الواقعيين طبعا وصفي ليهم بالواقعيين لا يعني انكم خياليين علي العكس فمشاعري تجاهكم تمتما كما وصفها الاخ الفاضلpanaqaوحقيقي كلامه عبر خير تعبير عني وعن اللي انا عايزة اقوله انا مثله بالضبط اتخيلكم وكأني شيفاكم وكأني اعرف وجوهكم لدرجة اني متخيلة اني لو شفت حد فيكم في الطريق صدفة هعرفه من غير ما يعرف عن نفسة حقيقي اصبحتم عيلتي واصبحت انا متحدث رسمي بأسم المحاورات في محيطي ودايما اشجع اللي يهموني انهم يدخلوا المحاورات واوقات اناقش معاهم افكار البعض منكم وادافع عنها بأستماته انتم فعلا غيرتوا حياتي للافضل وبفضلكم خفت حدة الغربة فشكرا لكم كلمة اخيرة ارجو منكم تدعولي ان اجازتي تكون سعيدة ومثمرة وان ربنا يوفقني في تحقيق الهداف اللي خططت لها اثناء الاجازة وربنا يعوضني ب ال28 يوم اللي هقضيهم في حبيبتنا مصر عن غربة ومعاناة وشقي حداشر شهر تصبحوا علي خير وان شاء الله اتواصل معكم المرة الجايه من مصر اه كنت هنسي حد عايز حاجة من هناك ؟ :happy: انا في الخدمة

[banaga]

:blink:

دى مش مجاملة و الله يا دكتور/ابن سينا دى حقيقة هو حضرتك مسمى نفسك ابن سينا لية مع انك من القليوبيه ؟؟

عايز اقول حاجة للاستاذه / منال شوقى انا اسمى banaga و عايزين سلامتك تروحى و تيجى بالسلامه زمانك فى مصر دلوقتى و انا بكتب الرد ده انا كنت عايز طبق حلويات مشكل بس المشكلة انى فى جده هتعرفى تبعتهولى ؟؟

انا يا جماعه كنت عايز اضيف حاجة فى موضوع نظرة السعوديين لمصر بصراحة انا مشفتش حد بيكره مصر كل الى شفتهم بيحبوا مصر اوى و جالى مرة عميل كان دكتور سعودى و قعد يقولى انا من عاشقى مصر انا كان عندى شقه تمليك فى مصر انا لازم اسمع ام كلثوم كل يوم و قعد يسمعنى اغانى لام كلثوم و الله كتير جدا مش بس كده قعد يقولى الاغنيه دى تاليف فلان و تلحين علان بصراحه كنت مبسوط اوى الواحد بيحس بالفخر لما بيلاقى كدا و بحس اننا فعلا كبار اوى و قعد يقولى انتوا اعمامنا احنا اتربينا على ايد المصريين

بالنسبه بقى لموضوع ان مصر ليها سحر غريب حتى فى عيون كاريهها انا مش عارف انا من فترة كده دخلت موقع و كان فى ناس بتشتم فى بعض مصريين و سعوديين انا مبحبش طبعا اشارك فى حاجة زى دى بس شوفت فعلا تعليش غريب من واحد سعودى بيقول ان مصر بلد وحشة جدا هو مقالش كدا طبعا هو قال لفظ تانى

المهم انه قال انه لما بينزل كل سنة بيلاقيها اسوأ و اسوأ انا الى استغربتله بجد موضوع كل سنة دى ؟؟!!!!!!!!!

اما هى مش عجباك بتنزل كل سنة ليه ؟؟؟؟؟؟؟!!!!!!!!!!!!!!!

[بحار الغربة]

من استقرائي لبعض ما كتبته فأنها تنطبق علي الكل سواء في السعـوديه او الخليج او في اوربا او استراليا او امريكا

من لم يستوعب الصدمه ومزهول من النعيم اللي هو شايفه وما كنش بيحلم فيه وفيه انسان متوازن ؟؟؟؟

بردو المصريين المتمرنكين بيقولو عندنا في اميركا وعندنا في نيوويوك

السلام عليكم

انا صيدلى بقالى فى المملكة 3 سنوات وشهرين بالظبط وناوى باذن الله انى مارجعش هنا تانى رغم انى ماعملتش مبلغ يستاهل انى اقعد فى مصر عليه ....

ولكنت داخل فى الاساس اكتب توبك وناوى اكتبه وابقوا قولولى ردكم عليه وهوا بعنوان ... معايا مية الف جنيه اعمل ايه بيهم مشروع ولا اهاجر ؟؟؟؟

المهم انى متفق مع صاحب التوبيك ده تماما

والاخ اللى جاب سيرة المصريين فى امريكا ده فكرنى لما كنت شغال عند الحرم فى مكة وكان بعد الصلاة بيدخلى عدد من البشر

فى الموسم بتاع العمرة والحج يخلينى اكره نفسى ومهنتى وحياتى كلها ... زحام وده بيكلمك وده بيديك فلوس وده بيكح فى وشك وده بيزعقلك ...

المهم لقيت واحد شكله محترم كده وواقف ثابت ... وانا بديله الدواء بقوله انا حاسس انى شوفتك قبل كده ....

قالى ايوة انا جيتلك قبل كده اخد منك دوا قلت له اهلا وسهلا .... كل ده وانا ايدى شغالة بردو بحط الفلوس فى الدرج

وبطلع الباقى وبحط الدوا فى كيس ( ماكينة بشرية ) المهم قلت له فكرنى باسم حضرتك قالى ........... (((( محمد عبد الله - نيويورك )))) !!!!!!!!!! ولكم حرية التعليق

تم تعديل 15 أكتوبر 2009 بواسطة بحار الغربة

[banaga]

ممكن اعرفكو بنفسى : بناجة - حلوان

[حسام يوسف]

تسجيل متابعة لموضوع رائع

[Ebn Sina]

تسجيل متابعة لموضوع رائع

نورت التوبيك يا حسام....وسأنتظر تعليقاتك

تحياتى

[OReX]

يا الله

كم كنت اتمنى ان اشارك معكم فى الموضوع من البداية ولكن للاسف لم اعرف المنتدى الا من ايام قليلة

الموضوع رائع والردود كلها تستحق كل احترام وتقدير وان كنت اختلف مع بعضها

خالص تقديرى للكاتب وكل من تناقش فى هذا الموضوع المميز

[doctor ayman]

فى هذه المشاركة سأتحدث عن رؤيتى للسعوديين....فضلا عن رؤيتهم لمصر والمصريين

عجيب أمر السعوديين ....فمصر هى "الرقم الصعب" فى العقلية السعودية....مصر فى نظر معظمهم بلد له "سحر غريب " ..................حتى فى نظر كاريهها منهم !

رأيت فيهم من هم "عاشقين" لمصر وللمصريين بل يعتقدون أن أى إصلاح للأوضاع العربية لابد أن يبدأ من مصر....وبرعاية مصر .....بل رأيت البعض يشعر بالدونية أمام المصريين ....فالمصريين فى نظره أذكى وأكثر علما وثقافة ...فإذا دخلت فى محاججة مع مصرى فلا ريب أنت الخاسر.... هكذا يعتقد البعض !!...وهو ما عبر عنه بصورة أو بأخرى أحد أصدقائى السعوديين الذى أبدى ضيقه الشديد من" سعودة "مهنة التدريس فى المملكة مؤكدا أن التعليم فى إنحدار مستمر منذ استبعاد المدرسين المصريين واصفا إياهم بسعة الافق... مؤكدا لى الأثر الذى تركه فى نفسه أساتذته المصريين !

عجيب أمر المصريين فى نظر هؤلاء ...فرغم ظروفهم الصعبة وتردى أوضاعهم الإجتماعية إلا أن معظمهم متعلمين ..خريجى جامعات ...وأكفاء فى عملهم أكثر من أى جنسية أخرى فى السعودية ....كيف يحصل جُل المصريين على مستوى رفيع من التعليم فى بيئة شديدة الفقر ...للدرجة التى دفعت أحدهم ذات مرة إلى أن يسألنى عن السر وراء ذلك !!....وُسقت له تفسيرا من منظورى الشخصى ...وبدا لى أنه راق له ذلك التفسير كثيرا !

وأخرون وجدتهم يشعرون ب " النقص " الشديد تجاه مصر والمصريين ....فيشعرون بسعادة شديدة حين "ينفثون" عن نقائصهم تجاه المصريين ....بل ويعاير بعضهم المصريين بسوء الأحوال فى مصر .....لى صديق مهندس كان كفيله لا يكف عن ترديد-على أسماعه وأسماع زملائه المصريين - أنهم السبب فى فشل شركته - رغم نجاح شركته فى واقع الأمر - ولكنه نوع من التنفيث عن الأحقاد تجاه مصر والمصريين ....توبيخ يشعره "بإنتشاء"!.....يروى ظمأه إلى الإحساس ب "الفوقية" ...وإشعارهم بالدونية .. لأنه-وهو الجاهل الذى لم يدخل مدارس- يعمل تحت كفالته خريجو كليات الهندسة من أكبر جامعات مصر ....فيتخيل هو الأخر أن ما أتاه الله من فضل .... أتاه إياه على علم عن

اتفق معك في كثير مما قلته ولي ملاحظات سريعه علي العلاقه بين المصريين والسعوديين

أعتقد ان اهل جده هم الاقرب للمصريين في الطباع والتاثر باالثقافه والعادات المصريه وأغلبهم يحبون المصريين

كذلك اهل المنطقه الشرقيه فهم الي حد كبير عندهم سعه افق ونسبه المتعلمين عاليه مما يجعلهم اكثر تقبلا للاخر

اهل المنطقه الوسطي وماكان يسمي بنجد هم الاصعب في التعامل والاكثر تشددا

هناك عقده في التاريخ السعودي اسمها ابراهيم باشا وطبعا معروف تاريخ الحمله اللتي قادها للقضاء علي الوهابيين, فهل ترك ذلك اثرا

أخيرا اريد رايك وبهذا الاسلوب الادبي الجميل فيما اعتقده انقلاب في العلاقه بين الطرفين المصري والخليجي من ناحيه التأثير الثقافي والانساني

فقد ظلت هذه العلاقه في صالحنا حتي او آخر الثمانينيات كانت اللهجه المصريه والثقافه المصريه والمفردات المصريه هي المستحدمه

الان انقلب الوضع اصبحتالملابس الخليجيه تنتشر في مص خصوصا السيدات والمفردات الخليجيه تحل محل المفردات المصريه داخل مصر

فاصبحنا نقول علي الشغل الدوام ونسمي الشركات والمحلات باسماء سعوديه , اعرف صيدلي افتتح صيدليه في مصر بعد عودته واسماها

صيدليه النهدي !! :lol:

[OReX]

فى هذه المشاركة سأتحدث عن رؤيتى للسعوديين....فضلا عن رؤيتهم لمصر والمصريين

عجيب أمر السعوديين ....فمصر هى "الرقم الصعب" فى العقلية السعودية....مصر فى نظر معظمهم بلد له "سحر غريب " ..................حتى فى نظر كاريهها منهم !

رأيت فيهم من هم "عاشقين" لمصر وللمصريين بل يعتقدون أن أى إصلاح للأوضاع العربية لابد أن يبدأ من مصر....وبرعاية مصر .....بل رأيت البعض يشعر بالدونية أمام المصريين ....فالمصريين فى نظره أذكى وأكثر علما وثقافة ...فإذا دخلت فى محاججة مع مصرى فلا ريب أنت الخاسر.... هكذا يعتقد البعض !!...وهو ما عبر عنه بصورة أو بأخرى أحد أصدقائى السعوديين الذى أبدى ضيقه الشديد من" سعودة "مهنة التدريس فى المملكة مؤكدا أن التعليم فى إنحدار مستمر منذ استبعاد المدرسين المصريين واصفا إياهم بسعة الافق... مؤكدا لى الأثر الذى تركه فى نفسه أساتذته المصريين !

عجيب أمر المصريين فى نظر هؤلاء ...فرغم ظروفهم الصعبة وتردى أوضاعهم الإجتماعية إلا أن معظمهم متعلمين ..خريجى جامعات ...وأكفاء فى عملهم أكثر من أى جنسية أخرى فى السعودية ....كيف يحصل جُل المصريين على مستوى رفيع من التعليم فى بيئة شديدة الفقر ...للدرجة التى دفعت أحدهم ذات مرة إلى أن يسألنى عن السر وراء ذلك !!....وُسقت له تفسيرا من منظورى الشخصى ...وبدا لى أنه راق له ذلك التفسير كثيرا !

وأخرون وجدتهم يشعرون ب " النقص " الشديد تجاه مصر والمصريين ....فيشعرون بسعادة شديدة حين "ينفثون" عن نقائصهم تجاه المصريين ....بل ويعاير بعضهم المصريين بسوء الأحوال فى مصر .....لى صديق مهندس كان كفيله لا يكف عن ترديد-على أسماعه وأسماع زملائه المصريين - أنهم السبب فى فشل شركته - رغم نجاح شركته فى واقع الأمر - ولكنه نوع من التنفيث عن الأحقاد تجاه مصر والمصريين ....توبيخ يشعره "بإنتشاء"!.....يروى ظمأه إلى الإحساس ب "الفوقية" ...وإشعارهم بالدونية .. لأنه-وهو الجاهل الذى لم يدخل مدارس- يعمل تحت كفالته خريجو كليات الهندسة من أكبر جامعات مصر ....فيتخيل هو الأخر أن ما أتاه الله من فضل .... أتاه إياه على علم عن

اتفق معك في كثير مما قلته ولي ملاحظات سريعه علي العلاقه بين المصريين والسعوديين

أعتقد ان اهل جده هم الاقرب للمصريين في الطباع والتاثر باالثقافه والعادات المصريه وأغلبهم يحبون المصريين

كذلك اهل المنطقه الشرقيه فهم الي حد كبير عندهم سعه افق ونسبه المتعلمين عاليه مما يجعلهم اكثر تقبلا للاخر

اهل المنطقه الوسطي وماكان يسمي بنجد هم الاصعب في التعامل والاكثر تشددا

هناك عقده في التاريخ السعودي اسمها ابراهيم باشا وطبعا معروف تاريخ الحمله اللتي قادها للقضاء علي الوهابيين, فهل ترك ذلك اثرا

أخيرا اريد رايك وبهذا الاسلوب الادبي الجميل فيما اعتقده انقلاب في العلاقه بين الطرفين المصري والخليجي من ناحيه التأثير الثقافي والانساني

فقد ظلت هذه العلاقه في صالحنا حتي او آخر الثمانينيات كانت اللهجه المصريه والثقافه المصريه والمفردات المصريه هي المستحدمه

الان انقلب الوضع اصبحتالملابس الخليجيه تنتشر في مص خصوصا السيدات والمفردات الخليجيه تحل محل المفردات المصريه داخل مصر

فاصبحنا نقول علي الشغل الدوام ونسمي الشركات والمحلات باسماء سعوديه , اعرف صيدلي افتتح صيدليه في مصر بعد عودته واسماها

صيدليه النهدي !! B)

السلام عليكم

اسمحلى بالتعليق سيدى الفاضل

اتفق معك اخى الكريم فيما قلته عن تأثرنا بالثقافة الخليجية ولا يوجد عندى سبب لذلك الا اننا فقدنا جزء كبير من هويتنا المصرية للاسباب كثيرة لا يتسع الحديث الى ذكرها

القضاء على الوهابيين بصراحة لا اعتقد انه سبب كبير فى هذا الكره اهم اسبابه من وجهه نظرى المتواضعة هيا الاعلام الذى يصور مصر ما هيا الا مرتع للرزيلة والفجور - مواقف القيادة السياسية المصرية فى بعض الاحيان - تصرفات غريبة ولا اريد ان اصفها بوصفها الحقيقى من بعض المصريين وخاصة فى الحرم المكى ولا اجد لها تفسير الى الان - الحقد كما قال الاخ العزيز كاتب الموضوع كيف تكون مصر بهذا الشكل ظروف قاسية ومعاناه ويكون معظم ابنائها من حملة الشهادات العليا وبهم هذا الكم من التطوير

لك منى اجمل تحية

[Ebn Sina]

من استقرائي لبعض ما كتبته فأنها تنطبق علي الكل سواء في السعـوديه او الخليج او في اوربا او استراليا او امريكا

من لم يستوعب الصدمه ومزهول من النعيم اللي هو شايفه وما كنش بيحلم فيه وفيه انسان متوازن ؟؟؟؟

بردو المصريين المتمرنكين بيقولو عندنا في اميركا وعندنا في نيوويوك

السلام عليكم

انا صيدلى بقالى فى المملكة 3 سنوات وشهرين بالظبط وناوى باذن الله انى مارجعش هنا تانى رغم انى ماعملتش مبلغ يستاهل انى اقعد فى مصر عليه ....

ولكنت داخل فى الاساس اكتب توبك وناوى اكتبه وابقوا قولولى ردكم عليه وهوا بعنوان ... معايا مية الف جنيه اعمل ايه بيهم مشروع ولا اهاجر ؟؟؟؟

المهم انى متفق مع صاحب التوبيك ده تماما

والاخ اللى جاب سيرة المصريين فى امريكا ده فكرنى لما كنت شغال عند الحرم فى مكة وكان بعد الصلاة بيدخلى عدد من البشر

فى الموسم بتاع العمرة والحج يخلينى اكره نفسى ومهنتى وحياتى كلها ... زحام وده بيكلمك وده بيديك فلوس وده بيكح فى وشك وده بيزعقلك ...

المهم لقيت واحد شكله محترم كده وواقف ثابت ... وانا بديله الدواء بقوله انا حاسس انى شوفتك قبل كده ....

قالى ايوة انا جيتلك قبل كده اخد منك دوا قلت له اهلا وسهلا .... كل ده وانا ايدى شغالة بردو بحط الفلوس فى الدرج

وبطلع الباقى وبحط الدوا فى كيس ( ماكينة بشرية ) المهم قلت له فكرنى باسم حضرتك قالى ........... (((( محمد عبد الله - نيويورك )))) !!!!!!!!!! ولكم حرية التعليق

أهلا بك يا عزيزى

مشاهدتك التى سردتها لها مغزى واضح لكل ذى لب

وأسمح لى أن أرد عليك فيما تساءلت عنه بخصوص ترددك ما بين عمل مشروع ب 100 ألف جنيه وما بين الهجرة...ورأيى المتواضع هو ......هاجر يا عزيزى ،هاجر....ولا تتردد....فلا الفلوس التى معك تكفى لعمل مشروع جيد الأن-سواء صيدلية أو غيره-.....ولا أنت -كما شعرت- مستريح نفسيا للبقاء فى الخليج فضلا عن مصر فى الوقت الراهن.

أتمنى لك التوفيق فى أى مجال تختاره

دى مش مجاملة و الله يا دكتور/ابن سينا دى حقيقة هو حضرتك مسمى نفسك ابن سينا لية مع انك من القليوبيه ؟؟

سألنى أحد أعضاء المنتدى هذا السؤال على الخاص منذ عدة أشهر....وسأنقل لك إجابتى كما كتبتها لهذا العضو والذى صار فيما بعد "أكثر" من صديق

بالنسبة لاختيارى لاسم ابن سينا كاسم افتراضى .....اولا لانه كان عالما فى الطب والفلسفة،وانا شخصيا ارى ارتباطا وثيقا بين الاثنين وارى ان الطب قد يكون باعثا على التأمل...تأمل فلسفة المرض ....وايضا فلسفة الموت ...ما اقدرش ادعى انى قارئ جيد فى الفلسفة لكن انت ممكن تقول ان لى رؤية فلسفية لكثير من الامور فى حياتى او بحاول احيانا ان افلسف بعض الامور حتى اتمكن من استيعابها !

أما بخصوص ما ذكرته فى مشاركتك فأقول : لقد أكدت أن فى السعوديين من هم عاشقين لمصر عن حق بلا تكلف ولا إدعاء....أما عن "كارهى" مصر أو "الحانقين "عليها أو "المتحفظين" على دورها فهؤلاء موجودون أيضا....ولكل فصيل منهم دوافعه التى "يتوهم "أنها حقائق لا تقبل المجادلة ! فكثير منهم يعتقد أن بالمال "يُشترى" الدور....وبالنفط "يُلطخ" التاريخ ....وبالريال "تتبدل" القناعات !

العضوة الفاضلة منال شوقى....حمد الله على سلامتك، وأنا أسف أنها جاءت متأخرة ، نورتى مصر

هناك عقده في التاريخ السعودي اسمها ابراهيم باشا وطبعا معروف تاريخ الحمله اللتي قادها للقضاء علي الوهابيين, فهل ترك ذلك اثرا

أخيرا اريد رايك وبهذا الاسلوب الادبي الجميل فيما اعتقده انقلاب في العلاقه بين الطرفين المصري والخليجي من ناحيه التأثير الثقافي والانساني

فقد ظلت هذه العلاقه في صالحنا حتي او آخر الثمانينيات كانت اللهجه المصريه والثقافه المصريه والمفردات المصريه هي المستحدمه

الان انقلب الوضع اصبحتالملابس الخليجيه تنتشر في مص خصوصا السيدات والمفردات الخليجيه تحل محل المفردات المصريه داخل مصر

فاصبحنا نقول علي الشغل الدوام ونسمي الشركات والمحلات باسماء سعوديه , اعرف صيدلي افتتح صيدليه في مصر بعد عودته واسماها

صيدليه النهدي

لقد "نكأت" الجرح يا عزيزى ....الخلل الذى حدث فى طبيعة العلاقة بين مصر وكثير من الدولة العربية لاسيما "النفطية" منها.....فضلا عن تغير موازين القوى والضعف الذى اعترى الدور والثقل المصرى فى العشرين عاما الأخيرة هى بعض من أسباب هذا المد الخليجى ثقافيا وسياسيا و"دينيا" !

وأنا لدى قناعة تامة أن أكبر جريمة إرتكبها النظام فى مصر -على كثرة جرائمه- هو إحداث "شرخ فى الشخصية المصرية ! ، ما نجح فيه النظام ولم ينجح في أى نظام حكم على مدار سبعة ألاف عام هو " تشويه" هوية المصريين والتى صارت مهترئة إلى الحد الذى أصبحت فيه " مطمع" لأى متربص ....وعلينا أن نعترف أن مصر لازالت تمثل كابوسا لبعض الدول العربية ....لازال البعض لديه "هاجس" وراثة الدور المصرى فى المنطقة ....وبداية وراثة هذا الدور هو -كما أرى- هو العبث ب "الشخصية" المصرية عبر تصدير أفكار وقناعات كان من الصعب فيما مضى أن تؤثر فى "العقل الجمعى" للمصريين.....لكننى أجدها الأن تؤثر ...تؤثر بشدة للأسف الشديد لأنه وجدت البيئة الصالحة فى اللحظة الراهنة لكى تنمو وتترعرع !

أشكرك على مشاركتك يا دكتور أيمن

القضاء على الوهابيين بصراحة لا اعتقد انه سبب كبير فى هذا الكره اهم اسبابه من وجهه نظرى المتواضعة هيا الاعلام الذى يصور مصر ما هيا الا مرتع للرزيلة والفجور - مواقف القيادة السياسية المصرية فى بعض الاحيان - تصرفات غريبة ولا اريد ان اصفها بوصفها الحقيقى من بعض المصريين وخاصة فى الحرم المكى ولا اجد لها تفسير الى الان - الحقد كما قال الاخ العزيز كاتب الموضوع كيف تكون مصر بهذا الشكل ظروف قاسية ومعاناه ويكون معظم ابنائها من حملة الشهادات العليا وبهم هذا الكم من التطوير

العزيز Orex ...اسمح لى أن أختلف معك ....فالأعلام لا أراه سببا مباشرا فى مشاعر الكراهية التى يحملها "البعض" تجاه مصر ...الأعلام قد يكون ساهم فى نقل صورة مشوهة عن مصر ولكن تفسير تلك الكراهية أعقد بكثير من هذا،أما عن مواقف القيادة المصرية فلا أعتقد أنها تختلف كثيرا عن مواقف كثير من الدول العربية الأخرى لاسيما التيار "المعتدل" - وفقاللتصنيف الأمريكى - ويمثله بلأساس مصر والسعودية ، أما عن تصرفات غير لائقة تصدر من البعض فى الحرم المكى الشريف فهذه التجاوزات تحدث من كل الجنسيات وليست حكرا على جنسية بعينها وكل من حج أو اعتمر يعلم ذلك تماما !

أشكرك على مشاركتك

تحياتى

[banaga]

طيب يا دكتور انا كنت حاسس كدا برضه ان الاسم له علاقة بابن سينا و يشرفنى كمان اننا نكون صحاب زى الاستاذ الى سالك السؤال ده على الخاص

انا بس كنت عايز اعرف يعنى ايه العقل الجمعى ؟

و تقصد ايه بتشويه الهويه المصريه ؟

اصل انا كمان شايف ان مصر دورها كبير زى ما هو و هيفضل كبير هو يمكن دورها الاقليمى اقل شوية و لكن تاريخ مصر و الدور الى كانت بتقوم بيه مصر معروف و عمر ما فى حاجة هتمحيه لكن الدور الى الجاى بقى الله و اعلم

[precanadian]

في رأي يا ابن سينا ان اكثر من 90 باللمئه من السعوديين يكرهون مصر والمصريين وكذلك يبادلهم المصريين نفس الشعور

قبل الملك فهد كانت مصر الدوله العربيه العظمي الوحيده. لا منافس لمصر ايام السادات وعبد الناصر وايام المملكه المصريه لا منافس علي الاطلاق .

في حين ان الاخر كان بياكل نوي البلح . ايوه البلح بيطجنوا نواه ويكلوه وده من بق واحد سعودي لان ماكنش في اكل.

لو تسمع عن مول المحمل في جده . المحمل دي كانت قافله بريه معونات مصريه غذائيه وكسوه لاهل الحجاز. ده غير كسوه الكعبه

في عز قوه مصر كان حكامها علي استعداد لضرب أي مكان وتهديده عسكريا . وايام عبدالناصر والسادات كانوا لا يتورعون في بهدله من يخالف اوامرهم وعلنا في الاذاعه.

جدود المصريين ركبوا عربيات ودخلوا جامعات وهاجروا اوربا ودول كان لسه بيحلبوا المعيز.

بشهاده سعوديين : المصري كان لما يمشي علي الرصيف تقف الناس تتفرج عليه انبهارا بيه .

المصري كان لما يروح اعاره للسعوديه يتم دعوته علي حفل غدا في الاماره نكريما له ولدولته وانا باتكلم عن اناس بسطاء من بلدنا مش دبلماسيين لكن ثقل المواطن من ثقل بلده واحنا بلدنا كانت ثقيله قوي ايامها.

دارت الايام وابن العز اصبح فقير بيمد ايده ياخد سلف من أي حد ومكفهوش فبدا يبعت مراته وبناته وعياله يشتغلوا خدامين في بيوت الي يسوي والي ميسواش وللاسف الفلوس كانت اكتر عند الي ميسواش لانه كان بيدفع اكتر

النتيجه النهائيه واحد ابن ناس فقير وبيمد ايديه وعياله بيشتغلوا خدامين عند الغير . والغير حاسس ان الفلوس دي جائت له لان ربنا راضي عنه وشال منا الفلوس لان ربنا غضبان علينا

ده غير ان النفس البشريه اصابها السعار من كم الفلوس والشبع بعد جوع. غير ان اكبر مشكله هي ان تكون الفلوس مع واحد جاهل والي بيشتغل عند الجاهل واحج متعلم . والمتعلمين ياما يكونوا امناء او يسرقوا الجاهل زي محصل وبحصل في الخليج ده غير الاعلام الي عمل لينا سمعه سيئه قبل منتولد ونكبر ونوصل السعوديه.

خلاصه الكلام ان معظم السعوديين لا يحترمون المصريين علي الاقل واذا امعننا اكثر نجد ان كثير منهم يكرههم والقليل من يحب المصري ويحترمه وكذلك الحال معظم المصريين لا يحبون السعوديين ولا يحترمونهم وهم يعلمون ذلك مما يزيد كرههم لنا

وقبل ان اختم للاسف يا اخي ان فينا احنا المصريين عادات سيئه جدا في التعامل غير ان احنا ماتربناش علي الكرامه والعزه في بلدنا غير البهدله والاهانه من الحكومه للمواطن كل ده بيقلل من قيمه المواطن خارج بلده

من هانت عليه نفسه هانت علي الناس

واحنا هننا علي مصر ام الدنيا الي هي نفسنا ورحنا فمتتوقعش ان الغريب هو الي هيكرمنا وخصوصا اذا كان الغريب خسيس

[Ebn Sina]

حدثتكم فى مشاركة سابقة عن رؤيتى للجنسيات التى إحتككت بها فى السعودية ...فى هذه المشاركة سأتحدث عن رؤية الأخرين لمصر....سأتحدث عن رؤية المصريين والعرب والأجانب لمصر.....مصرفى مشهد بانورامى من الخارج

مصر فى عيون..... هؤلاء !

مصر فى عيون المصريين المغتربين :

رأيت فى عيون - من رأيت - كثير من الاحاسيس والمشاعر المضطربة والمتناقضة تجاه مصر....فالبعض يعتقد أن مصر " رمته" إلى الغربة ووحشتها بحثا عن فرصة لحياة كريمة ....والبعض يرى أن مصر تنكرت لأبنائها وأصبحت تلفظهم لأنهم أصبحوا عبئا عليها.....والبعض الأخر يشعر بالزعل "عليها" لا منها !....وهذا البعض يرى أن مصر لأول مرة وبعد سبعة ألاف عام أصبحت ترتدى رداء القسوة.....مصر لأول مرة يصفونها أو....." يصمونها " بالقسوة !

وأخرون يرون أن مصر معذورة وتبقى الأم الحنون وإن قست على بعض أبنائها بسبب الظروف والمتغيرات....والبعض الأخر فقد إنتماءه لها وأخذته الحياة بجوار براميل النفط فسقطت مصر من "ذاكرته" ....نسى أو تناسى ..تنفط أو تم "نفطنته" طوعا ربما ....وربما جهلا !

أما عن غير المصريين من العرب"بخلاف السعوديين" ....جُل من رأيتهم يحبون مصر إحتراما ربما لتاريخها .....أو هو حبا فى المصريين أنفسهم لبساطتهم وخفة ظلهم ....او إذعانا ربما "لقوة القاهرة الناعمة "!

وفى المقابل رأيت فصيل أخر يحمل شعورا غريبا بالكره تجاه مصر يظهر فى سلوكهم الشخصى ومناقشاتهم مع المصريين....وقد تعرضت لذلك فى مشاركة سابقة وذكرت تحليلى لأسباب ذلك من وجهة نظرى

أما عن غير العرب ....فالمسلمين منهم "غالبيتهم" لا يعرفون عن مصر إلا قصة فرعون و موسى عليه السلام...وكانوا دائمو السؤال عن "فرعون" وعن إن كانت جثته لازالت موجودة ....وعما إذا كان عملاقا شأنه شأن باقى الفراعنة كما "يعتقدون" أم لا ؟!

أما غير المصريين وغير المسلمين فلا يعرفون عن مصر سوى الأهرامات...وكانوا يتساءلون دائما عن كيفية بناءها ...وعن إن كنت رأيتها رؤى العين أم لا ؟!!

فارس بعيد جوه الدروع الحديد

رفرف عليه عصفور و قاله نشيد

منين منين...و لفين لفين يا جدع

قال من بعيد..... و لسه رايح بعيد

عجبى !!

[herohero]

في رأي يا ابن سينا ان اكثر من 90 باللمئه من السعوديين يكرهون مصر والمصريين وكذلك يبادلهم المصريين نفس الشعور

قبل الملك فهد كانت مصر الدوله العربيه العظمي الوحيده. لا منافس لمصر ايام السادات وعبد الناصر وايام المملكه المصريه لا منافس علي الاطلاق .

في حين ان الاخر كان بياكل نوي البلح . ايوه البلح بيطجنوا نواه ويكلوه وده من بق واحد سعودي لان ماكنش في اكل.

لو تسمع عن مول المحمل في جده . المحمل دي كانت قافله بريه معونات مصريه غذائيه وكسوه لاهل الحجاز. ده غير كسوه الكعبه

في عز قوه مصر كان حكامها علي استعداد لضرب أي مكان وتهديده عسكريا . وايام عبدالناصر والسادات كانوا لا يتورعون في بهدله من يخالف اوامرهم وعلنا في الاذاعه.

جدود المصريين ركبوا عربيات ودخلوا جامعات وهاجروا اوربا ودول كان لسه بيحلبوا المعيز.

بشهاده سعوديين : المصري كان لما يمشي علي الرصيف تقف الناس تتفرج عليه انبهارا بيه .

المصري كان لما يروح اعاره للسعوديه يتم دعوته علي حفل غدا في الاماره نكريما له ولدولته وانا باتكلم عن اناس بسطاء من بلدنا مش دبلماسيين لكن ثقل المواطن من ثقل بلده واحنا بلدنا كانت ثقيله قوي ايامها.

دارت الايام وابن العز اصبح فقير بيمد ايده ياخد سلف من أي حد ومكفهوش فبدا يبعت مراته وبناته وعياله يشتغلوا خدامين في بيوت الي يسوي والي ميسواش وللاسف الفلوس كانت اكتر عند الي ميسواش لانه كان بيدفع اكتر

النتيجه النهائيه واحد ابن ناس فقير وبيمد ايديه وعياله بيشتغلوا خدامين عند الغير . والغير حاسس ان الفلوس دي جائت له لان ربنا راضي عنه وشال منا الفلوس لان ربنا غضبان علينا

ده غير ان النفس البشريه اصابها السعار من كم الفلوس والشبع بعد جوع. غير ان اكبر مشكله هي ان تكون الفلوس مع واحد جاهل والي بيشتغل عند الجاهل واحج متعلم . والمتعلمين ياما يكونوا امناء او يسرقوا الجاهل زي محصل وبحصل في الخليج ده غير الاعلام الي عمل لينا سمعه سيئه قبل منتولد ونكبر ونوصل السعوديه.

خلاصه الكلام ان معظم السعوديين لا يحترمون المصريين علي الاقل واذا امعننا اكثر نجد ان كثير منهم يكرههم والقليل من يحب المصري ويحترمه وكذلك الحال معظم المصريين لا يحبون السعوديين ولا يحترمونهم وهم يعلمون ذلك مما يزيد كرههم لنا

وقبل ان اختم للاسف يا اخي ان فينا احنا المصريين عادات سيئه جدا في التعامل غير ان احنا ماتربناش علي الكرامه والعزه في بلدنا غير البهدله والاهانه من الحكومه للمواطن كل ده بيقلل من قيمه المواطن خارج بلده

من هانت عليه نفسه هانت علي الناس

واحنا هننا علي مصر ام الدنيا الي هي نفسنا ورحنا فمتتوقعش ان الغريب هو الي هيكرمنا وخصوصا اذا كان الغريب خسيس

فتح الله عليك والله ده الخلاصة انا عيشت ف الكويت واشتغلت ف السعودية وهي ده الخلاصة

[بحار الغربة]

في رأي يا ابن سينا ان اكثر من 90 باللمئه من السعوديين يكرهون مصر والمصريين وكذلك يبادلهم المصريين نفس الشعور

قبل الملك فهد كانت مصر الدوله العربيه العظمي الوحيده. لا منافس لمصر ايام السادات وعبد الناصر وايام المملكه المصريه لا منافس علي الاطلاق .

في حين ان الاخر كان بياكل نوي البلح . ايوه البلح بيطجنوا نواه ويكلوه وده من بق واحد سعودي لان ماكنش في اكل.

لو تسمع عن مول المحمل في جده . المحمل دي كانت قافله بريه معونات مصريه غذائيه وكسوه لاهل الحجاز. ده غير كسوه الكعبه

في عز قوه مصر كان حكامها علي استعداد لضرب أي مكان وتهديده عسكريا . وايام عبدالناصر والسادات كانوا لا يتورعون في بهدله من يخالف اوامرهم وعلنا في الاذاعه.

جدود المصريين ركبوا عربيات ودخلوا جامعات وهاجروا اوربا ودول كان لسه بيحلبوا المعيز.

بشهاده سعوديين : المصري كان لما يمشي علي الرصيف تقف الناس تتفرج عليه انبهارا بيه .

المصري كان لما يروح اعاره للسعوديه يتم دعوته علي حفل غدا في الاماره نكريما له ولدولته وانا باتكلم عن اناس بسطاء من بلدنا مش دبلماسيين لكن ثقل المواطن من ثقل بلده واحنا بلدنا كانت ثقيله قوي ايامها.

دارت الايام وابن العز اصبح فقير بيمد ايده ياخد سلف من أي حد ومكفهوش فبدا يبعت مراته وبناته وعياله يشتغلوا خدامين في بيوت الي يسوي والي ميسواش وللاسف الفلوس كانت اكتر عند الي ميسواش لانه كان بيدفع اكتر

النتيجه النهائيه واحد ابن ناس فقير وبيمد ايديه وعياله بيشتغلوا خدامين عند الغير . والغير حاسس ان الفلوس دي جائت له لان ربنا راضي عنه وشال منا الفلوس لان ربنا غضبان علينا

ده غير ان النفس البشريه اصابها السعار من كم الفلوس والشبع بعد جوع. غير ان اكبر مشكله هي ان تكون الفلوس مع واحد جاهل والي بيشتغل عند الجاهل واحج متعلم . والمتعلمين ياما يكونوا امناء او يسرقوا الجاهل زي محصل وبحصل في الخليج ده غير الاعلام الي عمل لينا سمعه سيئه قبل منتولد ونكبر ونوصل السعوديه.

خلاصه الكلام ان معظم السعوديين لا يحترمون المصريين علي الاقل واذا امعننا اكثر نجد ان كثير منهم يكرههم والقليل من يحب المصري ويحترمه وكذلك الحال معظم المصريين لا يحبون السعوديين ولا يحترمونهم وهم يعلمون ذلك مما يزيد كرههم لنا

وقبل ان اختم للاسف يا اخي ان فينا احنا المصريين عادات سيئه جدا في التعامل غير ان احنا ماتربناش علي الكرامه والعزه في بلدنا غير البهدله والاهانه من الحكومه للمواطن كل ده بيقلل من قيمه المواطن خارج بلده

من هانت عليه نفسه هانت علي الناس

واحنا هننا علي مصر ام الدنيا الي هي نفسنا ورحنا فمتتوقعش ان الغريب هو الي هيكرمنا وخصوصا اذا كان الغريب خسيس

عليا النعمة الراجل ده بيتكلم صح

[OReX]

في رأي يا ابن سينا ان اكثر من 90 باللمئه من السعوديين يكرهون مصر والمصريين وكذلك يبادلهم المصريين نفس الشعور

قبل الملك فهد كانت مصر الدوله العربيه العظمي الوحيده. لا منافس لمصر ايام السادات وعبد الناصر وايام المملكه المصريه لا منافس علي الاطلاق .

في حين ان الاخر كان بياكل نوي البلح . ايوه البلح بيطجنوا نواه ويكلوه وده من بق واحد سعودي لان ماكنش في اكل.

لو تسمع عن مول المحمل في جده . المحمل دي كانت قافله بريه معونات مصريه غذائيه وكسوه لاهل الحجاز. ده غير كسوه الكعبه

في عز قوه مصر كان حكامها علي استعداد لضرب أي مكان وتهديده عسكريا . وايام عبدالناصر والسادات كانوا لا يتورعون في بهدله من يخالف اوامرهم وعلنا في الاذاعه.

جدود المصريين ركبوا عربيات ودخلوا جامعات وهاجروا اوربا ودول كان لسه بيحلبوا المعيز.

بشهاده سعوديين : المصري كان لما يمشي علي الرصيف تقف الناس تتفرج عليه انبهارا بيه .

المصري كان لما يروح اعاره للسعوديه يتم دعوته علي حفل غدا في الاماره نكريما له ولدولته وانا باتكلم عن اناس بسطاء من بلدنا مش دبلماسيين لكن ثقل المواطن من ثقل بلده واحنا بلدنا كانت ثقيله قوي ايامها.

دارت الايام وابن العز اصبح فقير بيمد ايده ياخد سلف من أي حد ومكفهوش فبدا يبعت مراته وبناته وعياله يشتغلوا خدامين في بيوت الي يسوي والي ميسواش وللاسف الفلوس كانت اكتر عند الي ميسواش لانه كان بيدفع اكتر

النتيجه النهائيه واحد ابن ناس فقير وبيمد ايديه وعياله بيشتغلوا خدامين عند الغير . والغير حاسس ان الفلوس دي جائت له لان ربنا راضي عنه وشال منا الفلوس لان ربنا غضبان علينا

ده غير ان النفس البشريه اصابها السعار من كم الفلوس والشبع بعد جوع. غير ان اكبر مشكله هي ان تكون الفلوس مع واحد جاهل والي بيشتغل عند الجاهل واحج متعلم . والمتعلمين ياما يكونوا امناء او يسرقوا الجاهل زي محصل وبحصل في الخليج ده غير الاعلام الي عمل لينا سمعه سيئه قبل منتولد ونكبر ونوصل السعوديه.

خلاصه الكلام ان معظم السعوديين لا يحترمون المصريين علي الاقل واذا امعننا اكثر نجد ان كثير منهم يكرههم والقليل من يحب المصري ويحترمه وكذلك الحال معظم المصريين لا يحبون السعوديين ولا يحترمونهم وهم يعلمون ذلك مما يزيد كرههم لنا

وقبل ان اختم للاسف يا اخي ان فينا احنا المصريين عادات سيئه جدا في التعامل غير ان احنا ماتربناش علي الكرامه والعزه في بلدنا غير البهدله والاهانه من الحكومه للمواطن كل ده بيقلل من قيمه المواطن خارج بلده

من هانت عليه نفسه هانت علي الناس

واحنا هننا علي مصر ام الدنيا الي هي نفسنا ورحنا فمتتوقعش ان الغريب هو الي هيكرمنا وخصوصا اذا كان الغريب خسيس

اتفق معك فى كل ما قلتة يعنى بالمصرى <انت جبت الزتونة> ولكنى اعترض على النسبة الموضحة بصراحة اكبر مما رأيت بمراحل

انا عشت فى الرياض سنة ونصف لم اقابل تعصب يحمل اهانة الا مرة واحده وتم التعامل الفورى نعم فى اول عملى كانت هناك نوع من عدم الاستحباب مع الوقت تلاشت تلك الحالة تماما

والحمد لله انا الان بمصر وسأرجع ثانيا الى الرياض على وظيفة جديدة اتمنى من الله التوفيق

صدقتنى بالرغم بالكرة الشديد الذى يتحدث عنه الجميع الا انهم شائوا ام ابو (يارب اكون كاتبها صح ) سيتعاملوا مع المصريين

انا اعمل فى مجال علوم الحاسب بالتحديد مطور قواعد بيانات امام السعودى ان يحضر مكانى ثلاث هنود بنفس راتبى ولكن هذا لم يحدث لمشاكل الهنود اولا ولانه يعلم تمام العلم ان المصرى معدل تطورة لا يقارن بأي جنسية عربية او حتى شرقية بالرغم من الحالة المادية بالمقارنة بالعامالة الخليجية فيجب ان نتعامل على هذا الاساس انت محتاجنى اكتر منا محتاج فلوسك

دمت بكل خير

[OReX]

الاخ العزيز ابن سينا مداخلتك الاخيرة متفق معها تمام الاتفاق واحب ان اضيف نوع من الممكن ان يندرج تحت مسمى مصري كاره لبلدة وللاسف تجدة بكثرة فى السعودية

فتراه متفنن فى كيفية اظهار صورة مصر على انها احقر دول العالم بكل ما فيها فتكون تأكيد الصورة المشوهه اصلا من قبل اعلامنا المسمى الجرئ

لا تتعجب من ردة فعل السعودى عندما تعرض عليه الصور الشهيرة لجموع المصليين فى مسجد من مساجد الاسكندرية

فهو لم يتعود ان يرى مصر هكذا

لك منى اجمل تحيه

تم تعديل 19 أكتوبر 2009 بواسطة OReX

[بحار الغربة]

الاخ العزيز ابن سينا مداخلتك الاخيرة متفق معها تمام الاتفاق واحب ان اضيف نوع من الممكن ان يندرج تحت مسمى مصري كاره لبلدة وللاسف تجدة بكثرة فى السعودية

فتراه متفنن فى كيفية اظهار صورة مصر على انها احقر دول العالم بكل ما فيها فتكون تأكيد الصورة المشوهه اصلا من قبل اعلامنا

كلامك جميل واكتر ناس زى ماقال ابن سينا بتشوفهم كدا هما الناس اللى اساسا ماعندهمش اى فكر وافشل المصريين وماصدق يحس انه ناجح لانه طبعا بيقيس النجاح بالفلوس ( مدام بياخد كام الف ريال يبقى ناجح ) وممكن لو عرف انه مرتبه مثلا اعلى من مرتب الدكتور او المهندس يتوهم انه بيفهم اكتر من الدكتور والمهندس ... الناس دى فى قمة الخنقة ولما تقعد معاها يبينلك الحياة سودا وان هوا بس اللى فاهم الحياة فى مصر ماشية ازاى

وغالبا بيكونوا بيقوموا باعمال فعلا مش محتاجة تفكير ولا ابداع زى مثلا واحد مصرى اعرفه هنا شغال مدير اعمال واحد سعودى ( على كلامه )

السعودى ده عنده مجموعة محلات ( اسواق ) والمصرى ده قاعد فى المكتب بيقابل الناس اللى عاوزة تأجر ويأجرلهم ولو تأخر الايجار يطالبهم وعنده كام بنجالى مشغلهم فى النضافة وخلافة ( عمل مش محتاج لا مخ ولا تفكير ولو جبت عيل من مصر عمره 15 سنة هايقوم بيه ) بس هوا حاسس احساس مختلف ... فاكر انه لو مشى السعودى ده هايصيع فى الشوارع وهايشحت وان الناس اللى مأجره محلات دى هايتخرب بيتها وان البنجالة اللى شغالين فى النضافة دول هايموتوا من الجوع ...

وقابل كام واحد مصرى هربانين من العمرة قام واخدهم يشغلهم ... تخيل والله شغلهم فى البلدية ( جمع الزبالة ) وكانت مهانة شديدة لنا احنا المصريين اللى فى الاسواق دى وكل واحد سعودى يدخل يقول المصريين صاروا شغالين فى البلدية الحين واليمنيين يضحكوا عليهم وينادوا عليهم يشيلوا الزبالة من المحلات بتاعتهم .

والاخر واحد منهم ماعجبوش الشغل فقاله انت مخلينا نشيل زبالة والبنجالة مشغلهم معاك فى المكتب جوه ... التانى اعتبرها اهانة وزعقله وبهدله كأنه هوا اللى بيرزقه ( استغفر الله ) المهم المصرى ده لقا شغل فى مطعم فى نفس السوق فقال للمدير المصرى انا هاسيب شغلانة البلدية وهاروح اشتغل فى المطعم ( فاكر انه بيكلم بنى ادم ) قاله مستحيل ... تشتغل فى الاسواق بتاعتنا ... انسا ... ياتشتغل فى الزبالة يا اما هابلغ عنك الشرطة ( لانه هربان من العمرة )

الراجل جه وقالى اتوسط لى عند الاستاذ زفت علشان يسيبنى اكل عيش فى المطعم اللى جنبك ... والله صعب عليا رحت متصل على الاستاذ زفت وقلتله ياعم احنا مصريين زى بعض والراجل عاوز يسترزق ويبعت لمراته وولاده فلوس يصرفوا منها ..الخ ... قالى لا مستحيل ... ولا حتى عمل اعتبار لكلامى .

لا وبقا مفكر نفسه سعودى واتعلم قلة الادب منهم ... لقيته فى يوم باعتلى واد شغال عنده ... الواد اتصل وعطانى التليفون وقالى كلم فكلمته لقيته الاستاذ زفت قالى ايوة يابيــــه ابعتلى علبة دوا كلاريناز وهابقى ابعتلك الفلوس .... طبعا مابعتلوش ولا حاجة وخليت الواد يجيب الفلوس الاول .

الامثلة دى اللى شوهت صورتنا فعلا