بعد ثلاث سنوات فى الغربة، وداعا يا سعودية..... وهذه هى مشاهداتى !

[OReX]

وقابل

كام واحد مصرى هربانين من العمرة قام واخدهم يشغلهم ... تخيل والله شغلهم

فى البلدية ( جمع الزبالة ) وكانت مهانة شديدة لنا احنا المصريين اللى فى

الاسواق دى وكل واحد سعودى يدخل يقول المصريين صاروا شغالين فى البلدية

الحين واليمنيين يضحكوا عليهم وينادوا عليهم يشيلوا الزبالة من المحلات

بتاعتهم .

والاخر واحد منهم ماعجبوش الشغل فقاله انت مخلينا نشيل زبالة

والبنجالة مشغلهم معاك فى المكتب جوه ... التانى اعتبرها اهانة وزعقله

وبهدله كأنه هوا اللى بيرزقه ( استغفر الله ) المهم المصرى ده لقا شغل فى

مطعم فى نفس السوق فقال للمدير المصرى انا هاسيب شغلانة البلدية وهاروح

اشتغل فى المطعم ( فاكر انه بيكلم بنى ادم ) قاله مستحيل ... تشتغل فى

الاسواق بتاعتنا ... انسا ... ياتشتغل فى الزبالة يا اما هابلغ عنك الشرطة

( لانه هربان من العمرة )

الراجل جه وقالى اتوسط لى عند الاستاذ زفت

علشان يسيبنى اكل عيش فى المطعم اللى جنبك ... والله صعب عليا رحت متصل

على الاستاذ زفت وقلتله ياعم احنا مصريين زى بعض والراجل عاوز يسترزق

ويبعت لمراته وولاده فلوس يصرفوا منها ..الخ ... قالى لا مستحيل ... ولا

حتى عمل اعتبار لكلامى .

لا وبقا مفكر نفسه سعودى واتعلم قلة

الادب منهم ... لقيته فى يوم باعتلى واد شغال عنده ... الواد اتصل وعطانى

التليفون وقالى كلم فكلمته لقيته الاستاذ زفت قالى ايوة يابيــــه ابعتلى

علبة دوا كلاريناز وهابقى ابعتلك الفلوس .... طبعا مابعتلوش ولا حاجة

وخليت الواد يجيب الفلوس الاول .

الامثلة دى اللى شوهت صورتنا فعلا

والله يا اخى اعزرك فيما تقول ولكن حرصا عليك لا على هذا الشخص لا تصفة بوصف هكذا حتى لا يأخذ من حسناتك فقط

اما هوا جزائه عند ربه بدلا من يفرج كربة عن مسلم صار يستعبدة

ولكن احب ان اشير الى ان هناك بالفعل اناس يراعون حق الله في معاملاتهم

فانا عند رحيلى من الشركة التى كنت اعمل بها وهيا شركة برمجيات لم تحدث اى مشكلة مع العلم انى اخبرتة انى سأرجع المملكة ثانيا ولكن لوظيفة فى شركة اخرى ولكن عملى سيكون فى جهه سيادية ولم يتعرض واعطانى نهائى بدون اى مشاكل

[banaga]

الاستاذ / precanadian بجد انا معاك فى كل الى قولته

دكتور / ابن سينا انا عايز اضيف حاجة كمان انا ليا واحد قريبى كان فى هايبر بنده و قابل واحد مكانش مسلم و اسلم و لما عارف انه مصرى اقعد يتكلم معاه و يقوله انا نفسى ازور مصر لانى اتمنيت انى اروح الازهر الشريف بعد الكعبه (معلش يا جماعه نعذره ميعرفش حاجه و ميسمعش عن شيخ الازهر و الى بيعمله )

حاجة كمان على تعليقا على كلام الاستاذ/precanadian فى موضوع الاعلام ده كان فى حادثة كدا تقريبا من سنتين تقريبا كنت انا فى الرياض كان فى ازمة عيش و الناس بتتخانق فى طابور العيش و الموضوع انتشر اعلاميا كان فى الشقة الى جمبى صحابى معاهم واحد سورى قالوهم هى دى مصر بقى الناس هناك بتقتل بعض عشان طابور العيش و الله فضايح منى و معتز و الحياة اليوم بيطلعو يفضحونا على الفضائيات و فى ناس بتقول ان رواتبهم بعتدى ال 60 و ال 70 الف جنيه فى الشهر و هما و لا حاسين بحاجة اصلا بس طبعا لازم يعملو ال showو برامج انا فى اعتقادى الشخصى و لا بتحل اى مشاكل

الاستاذ / بحار الغربه ياريت لو تغير اللون البرتقانى ده عشان زغللى عينى و انا بقراه و انا اصلا نظرى ضااااااااااااايع hpc:!:

[precanadian]

<!--fonto:Times New Roman

font--><span style="font-family:Times New Roman

font"><!--/fonto-->

اتفق معك فى كل ما قلتة يعنى بالمصرى <انت جبت الزتونة> ولكنى اعترض على النسبة الموضحة بصراحة اكبر مما رأيت بمراحل

النسبه تقريبيه وصدقني ان من كل عشره حولك واحد او اتنين بيحبوا ويحترموا مصر والمصريين

انا عشت فى الرياض سنة ونصف لم اقابل تعصب يحمل اهانة الا مرة واحده وتم التعامل الفورى نعم فى اول عملى كانت هناك نوع من عدم الاستحباب مع الوقت تلاشت تلك الحالة تماما

انا عشت في السعوديه 18 سنه عشره في الطفوله و8 اعمل كطبيب

صدقتنى بالرغم بالكرة الشديد الذى يتحدث عنه الجميع الا انهم شائوا ام ابو (يارب اكون كاتبها صح ) سيتعاملوا مع المصريين

انا اعمل فى مجال علوم الحاسب بالتحديد مطور قواعد بيانات امام السعودى ان يحضر مكانى ثلاث هنود بنفس راتبى ولكن هذا لم يحدث لمشاكل الهنود اولا ولانه يعلم تمام العلم ان المصرى معدل تطورة لا يقارن بأي جنسية عربية او حتى شرقية بالرغم من الحالة المادية بالمقارنة بالعامالة الخليجية فيجب ان نتعامل على هذا الاساس انت محتاجنى اكتر منا محتاج فلوسك

دمت بكل خير

تاكد ان كفيلك سيرميك عند اول منعطف وسيرميك عندما تصبح بلا فائده له .تاكد يا اخي ان السعوديين لا يشيلو جميله لاحد ومهما ساعدتهم لن يشعروا بدين تجاهك ليردوه لك.

اذا كان كفيلك محتاج لك سيخفي انيابه لك.

لكن تعال للتعامل مع سعودييين انت رايح تخلص ورق لك عنده زي شؤون الموظفيين....يا راجل ده بتاع الامن الي راتبه 3000 ريال مبيردش السلام علي كل الاطباء ولو رد يقول لك هلا ....

هلا بيك هلا اخي العزيز :wub: :blink:

تم تعديل 20 أكتوبر 2009 بواسطة precanadian

[بحار الغربة]

تاكد ان كفيلك سيرميك عند اول منعطف وسيرميك عندما تصبح بلا فائده له .تاكد يا اخي ان السعوديين لا يشيلو جميله لاحد ومهما ساعدتهم لن يشعروا بدين تجاهك ليردوه لك.

اذا كان كفيلك محتاج لك سيخفي انيابه لك.

كلامك مظبوط مليون فى المية ... الكفيل بيعتبر ان شغلك ده هوا مديك مقابله كاملا يعنى انت ما انتش مخلص له ببلاش .... انت بتعمل شغل علشان تاخد فلوس علشان كده اول ما بيحس انك مش مكسبه فورا بيخرج الكارت الاحمر حتى ياراجل لو كنت مولعله صوابعك العشرة شمع

لكن تعال للتعامل مع سعودييين انت رايح تخلص ورق لك عنده زي شؤون الموظفيين....يا راجل ده بتاع الامن الي راتبه 3000 ريال مبيردش السلام علي كل الاطباء ولو رد يقول لك هلا ....

هلا بيك هلا اخي العزيز

فكرتنى بالزبون يدخل عليا الصيدلية

المشهد الاول :- وهوا مبتسم ... هلا دكتور شلونك .... شو اخبارك ... شو مسوى ... كيف الاهل ... كيف الاولاد .... شلون مصر .... وينك يارجال ماعد نشوفك .... ( طبعا كل ده فى نفس واحد من غير مايلحق يسمع انا برد بقول ايه

المشهد الثاتى :- بردو ورا التحية دى مباشرة يقول دكتور عندك حليب انالاك .... اقوله لا .... يقوم مدينى ضهره وماشى كأنه مايعرفنيش

او تقوله فيه ... يقوم واخده وقايلك كام تقوله 25 ريال يروح راميهم لك على البنش ويقولك يعطيك العافية

[عنبو]

الوووووووووووو

الووووووووووووو

ايه ياجماعه هو كله ضرب ضرب مافيش شتيمه ؟؟

يعنى مافيش ولا حاجه عجبتكم فى السعوديه ولا فى الشعب السعودى ؟؟

يعنى مافيش ولا حاجه ايجابيه فى السعوديه ؟؟

طيب انا لو شايف السعوديه زى ما انتوا شايفينها مكنتش قعدت فيها ساعه واحده ؟؟

ولكن واضح من كلامكم انكم قعدتوا فتره اقل حاجه سنتين ؟؟ طيب وانت ايه الى كان مصبرك على المر ؟؟

متقولش الامر منه ؟؟ لان بعد الكرامه مافيش حاجه ليها لازمه

وبرده عاوز أسأل سؤال تانى الى بيقول ان المصريين كانوا اولاد عز ؟؟ وانحدر بيهم الزمن ؟؟ ممكن واحد يقولى الكلام ده كان امتى اصل ممكن اكون ناسى احنا طول عمرنا وخير البلد منهوب سواء من الاستعمار الخارجى او الداخلى ؟؟

اينعم مصر كان ليها ثقل سياسى فى المنطقه ؟؟ وكان ليها احترامها ؟؟ بس ياجماعه كان الموضوع ان واحد عادى والتانى معدوم فاكيد العادى هيكون احسن من المعدوم

وشكراً

[precanadian]

بمناسبه كفيلك يرميك عند اول منعطف:

بحكم عملي بمستوصف كان لي زميل صيدلي من كفر الشيخ الله يمسيه بالخير.

كان اعزب وخريج جديد وامه مربياه من الصغر ليتمه.كان الكل يجمع علي اخلاقه وامانته والتزامه الديني

يتم جرد الصيدليه لانه نازل اجازه بعد عامان. وتاتي الكارثه

عجز فوق 35000 ريال في خلال اخر 3 شهور لانهم لسه جاردينها مع نهايه العام

مين ممكن يكون بيسرقه فكرنا في العامل الي بيخل بنضف الصيدليه

او اي دكتور بيدخل يقعد معاه جوه.

الكفيل يبصم انه امين وهو يعرف انه احسن صيدلي عنده في سلسله صيدلياته ومخزن ادويته

لا مجال لكشف السارق

ولا مفر من دفع العجز

يتم التوسط من مدير المستوصف لدي الكفيل لدفع القيمه بما يوازي سعر الشراء وليس سعر البيع

يوافق الكفيل وعند التنفيذ يسحب اتفاقه ويستمر الصيدلي لمده عام يعمل مجانا .

لا انسي ان هذا الصيدلي حفظ القران في شهر وكام يوم كان لا يكلم احد ولا ينطق الا كلام الله

وينزل بعد ثالث سنه.

راي الكفيل الذي اعلن اخيرا ان كل الصيادله المصريين........يه

منك لله يا مهروسه

تم تعديل 20 أكتوبر 2009 بواسطة precanadian

[icehell]

هيا السعودية دي موش لازقة في مصر !

ليه بتتكلموا عليهم كانهم اغراب!

العالم كله مدين للسعودية بالثورة الصناعية اللي اساسها البترول

ولو بقو يفهموا واستغنوا عن العادات الاستهلاكية والكسل واكتفوا ذاتيا ...حايبدؤ يتحكموا في اسعار البترول صح والعالم كله ينهار

طبيعة عملي بتخليني اقابل حوالي 150 سعودي يوميا ......صعب جدا تعاملهم كلهم نفس المعاملة........لانهم من اصول وقبائل متعددة والطبيعة الصحراوية الجافة

للاسف عندهم تفرقة عنصرية مشينة ضد السعوديين السود

مافيش احسن انو تحمد ربنا انو الدولة المجاورة لينا بتوفر لينا فرص عمل ومرتبات جيدة واللي موش عاجبة خلاص مايجيش

انا عن نفسي اول شهر اتلميت على المصريين اللي في الشغل ولللاسف ماخدتش غير الشكاوي فيا منهم والفكرة السيئة اللي رسموها ليا عن الشعب السعودي لدرجة اني قدمت استقالة من اول اسبوع شغل .......... بعد كده لما فهمت الوضع بنفسي بقى كل السعوديين هما صحابي والمصريين ركنتهم على جنب

هذا لايمنع انو في مصريين قابلتهم وخدموني ولايريدون مني ادنى شئ

بس للاسف الاغلبية جبناء خصوصا الجيل القديم

للاسف الفقر وحش جدا خلى معظمنا يظهروا ويتصرفو تصرفات غريبة مع انو في ناس شفتها بتاخد 30,000 ريال في الشهر وتقرف تسلم عليه وكتير اوي

المصري واحد سواء في بلده او برا موش محتاج تفسر كل شخصية بتتصرف على انها في غربة

تم تعديل 21 أكتوبر 2009 بواسطة Folana

[OReX]

السلام عليكم

انا ان شاء الله لى مداخلة اخرى ولكن منتظر ردكم على اخر ردين

لكن تعال للتعامل مع سعودييين انت رايح تخلص ورق لك عنده زي شؤون الموظفيين....يا راجل ده بتاع الامن الي راتبه 3000 ريال مبيردش السلام علي كل الاطباء ولو رد يقول لك هلا ....

فى الطالعة والنازلة اقول له السلام عليكم ويرد السلام كامل

وانا من ضمن مهام عملى قسم الجزء الخاص بشؤن الموظفين التابع لحزمة اوراكل اي بزنز والله لم يصادفنى اى تعصب غير هيا مرة كما ذكرت

لو رد عليك الرد دا تانى شكشكة بحقنة هوا خلية يعمل دماغ سحاب زى الفل :blink: :lol:

ولا تزعل نفسك يا باشا انا شايف ان حضرتك ناوى على كندا خلاص يا باشا اخلص انا ماسجتيرى واشد معاك وبما انك صيدلى تبقى زيي من المغضوب عليهم برا القايمة وهنقدم كيبيك ونتقابل فى مونتريال وساعاتها بس ما تقولش كتر السلام بيقل المعرفة :lol: :D

[Mohamed Zwiel]

ياخوانى انا مش عارف ايه انتم مكبيرين الموضوع وواخدينه بعاطفة جامدة جدا - مصر مش جنة الله فى ارضه زى ما قراءات مابين السطور للبعض وكمان اللى قاعد بيشتكى من الغربة ده يمكن هو نفسه لو خُير مابين انه ينزل مصر وبين انه يفضل حيقرر انه يفضل وده حال كل واحد اقابله من محامين - مهندسين محاسبين يقولك ان فى مصر كنت وكنت وكنت وكان ردى عليهم فى منتهى الهدوء والعقلانية طب انت قاعد ليه ما ترجع هوا حد ماسكك ؟؟ فاللى زعلان او متضايق او فى صراع نفسى يرجع يا جماعة ولا احنا المصريين بطبيعتنا شكايين ؟؟

ونصحيتى للكل بعد اذنكم عيش فى واقعك عيش فى اللى انت فيه - عيش السنة دى فى الغربة عيش واندمج فى المجتمع باخباره بمشاكله بحياته متخليهاش سنه انتظار وفى النهاية يتفلسف الفكر انى ببيع سنين عمرى بفلوس !!!! لاء طبعا لو عايزيين الصح الموضوع مش كده خالص الموضوع الواقعى ان البلد دى شافت فيك خبرة معينة وعرضت عليك انك تشتغل فيها مقابل اجر معين وانت وافقت وهو ده الموضوع بمنتهى التجرد!!!!

وبالنسبة الى ما تم الاشارة اليه ان الواحد مخة بيقف لان مافيش اى مجهود او شغل والله انا بستغرب من الكلام ده انا بشتغل مش اقل من 20 ساعة فى اليوم بمزاجى ومستمتع بشغلى وبنجاحى ومتعايش مع المجتمع بكل سلبياته وايجابيته ومش معنى كده انى يعنى خلاص عايش فله والحياة مش وردية واحنا سواء فى مصر ولا فى كندا ولا فى اى حتة مش فى الجنة وكل مكان فى الدنيا فيه مشاكل وده كلام رب العالمين (انك كادح الى ربك كدحا فملاقيه) - (وخلقنا الانسان فى كبد) - (واستعينوا بالصبر والصلاة) وفى الاخر ياجماعة انت لما سبت مصر سبتها عشان الحال فيها مش عاجبك وممكن تسيب اى مكان تانى عشان برضه الحال مش عاجبك مش كده ولا ايه ؟؟

[Ebn Sina]

بدا لى يا عزيزى أنه فاتك كثير مما قد "نوهت" عنه مرارا من قبل

الأخ الفاضل زويل ......أنت تقول

ياخوانى انا مش عارف ايه انتم مكبيرين الموضوع وواخدينه بعاطفة جامدة جدا - مصر مش جنة الله فى ارضه زى ما قراءات مابين السطور للبعض وكمان اللى قاعد بيشتكى من الغربة ده يمكن هو نفسه لو خُير مابين انه ينزل مصر وبين انه يفضل حيقرر انه يفضل وده حال كل واحد اقابله من محامين - مهندسين محاسبين يقولك ان فى مصر كنت وكنت وكنت وكان ردى عليهم فى منتهى الهدوء والعقلانية طب انت قاعد ليه ما ترجع هوا حد ماسكك ؟؟ فاللى زعلان او متضايق او فى صراع نفسى يرجع يا جماعة ولا احنا المصريين بطبيعتنا شكايين ؟؟

لا أدرى متى قلت أن مصر هى جنة الله فى الأرض أو غير ذلك! ....متى قلت أو أصدرت حكما على بلد بأكمله -سواء مصر أو السعودية- إيجابا أو سلبا ؟! ،وما قلته أنت وردك"العقلانى" على هؤلاء دائموا الشكوى من الخليج سبق أن ذكرته أنا فى هذه المداخلة ...أرجو منك أن تقرأه ثانية "بعناية" !

إذا رأيت " أحدهم " يحدثك عن أن هذا العام هو أخر عام له فى السعودية ودائم الحديث عن" قرفه " من الوضع وأنه "جاب أخره" ومستحيل يكمل فى البلد دى ............فأعلم " تماما " أنه يكذب ! ، من يرد أن يرحل ...يرحل فى "هدوء" دون طنطنة أو مزايدة .....يأخذ قراره فى هدوء وينفذه فى هدوء !!....قابلت كثيرون على هذه الشاكلة ولازالوا "يطنطنون" بنفس الكلمات ولن يتوقفوا .....ولن ينفذوا ما يقولون ....وأغلب الظن أن " كثيرا " منهم سيعود إلى مصر.......... محمولا على الأعناق !!

عزيزى الفاضل أنت تقول

ونصحيتى للكل بعد اذنكم عيش فى واقعك عيش فى اللى انت فيه - عيش السنة دى فى الغربة عيش واندمج فى المجتمع باخباره بمشاكله بحياته متخليهاش سنه انتظار وفى النهاية يتفلسف الفكر انى ببيع سنين عمرى بفلوس !!!! لاء طبعا لو عايزيين الصح الموضوع مش كده خالص الموضوع الواقعى ان البلد دى شافت فيك خبرة معينة وعرضت عليك انك تشتغل فيها مقابل اجر معين وانت وافقت وهو ده الموضوع بمنتهى التجرد!!!!

وهذا ما فعلته أنا بالضبط يا عزيزيى....عشت الثلاث سنوات تلك....إندمجت فى المجتمع وإحتككت بكل فئاته وثقافاته...."حاورت" كل من التقيت بهم ....وبلورت "رؤيتى" لكل هذا فى "كلمات"...وشتان بين الفلسفة و"التفلسف" !...فأنت حين تكون بصدد تسجيل رؤيتك لتجربة إنسانية أو مجموعة خبرات مررت بها يكون حكمك على الأمور أكثر "نضجا" كلما مضى الوقت.....كلما إقتربت التجربة على الإنتهاء....أنت تنظر للأمور بنظرة واقعية "مجردة" -أحترمها تماما- وأن أنظر إليها من أكثر من جانب ...فلا أرى غضاضة فى أن أقيم التجربة ماديا و "إنسانيا" أيضا !

وبالنسبة الى ما تم الاشارة اليه ان الواحد مخة بيقف لان مافيش اى مجهود او شغل والله انا بستغرب من الكلام ده انا بشتغل مش اقل من 20 ساعة فى اليوم بمزاجى ومستمتع بشغلى وبنجاحى ومتعايش مع المجتمع بكل سلبياته وايجابيته ومش معنى كده انى يعنى خلاص عايش فله والحياة مش وردية واحنا سواء فى مصر ولا فى كندا ولا فى اى حتة مش فى الجنة وكل مكان فى الدنيا فيه مشاكل وده كلام رب العالمين (انك كادح الى ربك كدحا فملاقيه) - (وخلقنا الانسان فى كبد) - (واستعينوا بالصبر والصلاة) وفى الاخر ياجماعة انت لما سبت مصر سبتها عشان الحال فيها مش عاجبك وممكن تسيب اى مكان تانى عشان برضه الحال مش عاجبك مش كده ولا ايه ؟؟

عزيزى أنا لم أقل أنه لا يوجد "مجهود" أو "شغل"....أنا قلت أننا هنا لا نضطر -غالبا- إلى إعمال عقولنا ....فطبيعة العمل روتينية ،والمناخ العام لا يساعدك على إستنفار القدرات الذهنية أو الإبداع !

هناك نقطة شديدة الوضوح غابت عنك يا عزيزى فى مشاركتك.....فأنا لم أسرد" رؤيتى" لتجربتى بدافع "الشكوى".....فكاتب السطور ليس "شكاءا" بطبعه .....ولست أيضا بالسطحية التى تدفع صاحبها إلى أن يصدر أحكاما"طفولية" يعوزها "النضج" على تجربة إنسانية شديدة الثراء كتجربة الغربة ....أنا عايشت وتعايشت وتفاعلت مع المجتمع السعودى فى كل لحظات إغترابى....رصدت وحللت ...وخرجت بنتائج -لا أجزم بصحتها-...لكنها تبقى "رؤيتى" !

"رؤيتى" التى أؤمن بها ....والتى تعبر عن قناعاتى !

أشكرك على مشاركتك

خالص تحياتى :friends:

ابن سينا

[عنبو]

عزيزى أنا لم أقل أنه لا يوجد "مجهود" أو "شغل"....أنا قلت أننا هنا لا نضطر -غالبا- إلى إعمال عقولنا ....فطبيعة العمل روتينية ،والمناخ العام لا يساعدك على إستنفار القدرات الذهنية أو الإبداع !

معلش يافندم دى حاله خاصه بيك كونك صيدلى فى صيدليه فالامر روتينى بطيعة العمل اساساً حيث لا يتطلب الامر الى تطوير اقصد بحث علمى يعنى ولكن كل ما يتطلبه الامر هو مجهود عضلى وحسابى

مع كامل احترامى لمهنة الصيدلى

ولكن الامر بالنسبه للى شغالين فى شركات مختلف تماماً يعنى لما بنجى نحضر لمشروع لازم تبقى كل حاجه مدروسه ومحسوبه ونقعد ندرس ونسافر نراسل شركات علشان نعرف ايه احدث حاجه اتعملت ؟؟ طيب وازاى تتنفذ ومواااااااااااال تااااااااااانى خالص

يبقى التعميم خطأ يمكن يكون الوضع خاااااااص بمهنة الصيدله وحضرتك ممكن تقولى الصيدلى الى واقف فى صيدليه فى مصر هيفرق فى ايه عن الصيدلى الى واقف فى صيدليه فى السعوديه ؟؟

من جهة التطوير على ما اعتقد بعد الدراسه بيتدى الشخص يطور نفسه فى الدراسه على حسب طبيعية عمله يعنى تلاته تخرجوا من كلية الصيدله

واحد فتح صيدليه والتانى اشتغل معيد فى الكليه والتالت اشتغل فى شركة ادويه على ما اعتقد كل واحد فيهم هيطور نفسه على حسب المجال الى هو فيه

على فكره يادكتور ابن سينا انت كلامك واقعى جداً وكنت محايد فى كل مداخلتك بس حبيت اعلق على موضوع اعمال العقول بس

اما بقى فيه ناااااااس اتنهزوا الموضوع ودخلوا شتيمه بس

الى انا اعرفه ان اى مكان فيه سلبياته وايجابيته مافيش مكان خالى من ايجابيات ولا سلبيات يم الناس دول مشفوش حاجه حلوه خالص يتكلموا عنها

طيب واذا كانوا حاسين بالزل والاهانه يبقى ايه الى مصبرهم

انا زى لما قولت قبل كده والله لو شايف السعوديه زى ما هم بيقولوا عليها مكنتش قعدت فيها ساعه

ولكن كل مكان فيه حاجات حلوه وحاجات وحشه وطالما فيه اتزان فى الطبيعى يبقى كده كويس

وشكراً

[herohero]

اود ان اضيف شيئ خاص بتشغيل المخ وانا مهندس ويعني المفروض اننا نشغل مخنا

فترة عملي ف مصر 4 سنوات وعملي ف الخليج 3 سنوات احب اوضح لكم ان خلاصة القول ف موضوع تشغيل المخ والتفكير هو ان الخليج يشتري التكنولوجيا دون امكانية تطبيقها جيدا وهذا يختلف من مكان للاخر ومصر بنطبق التكنولوجيا دون ان نشتري احدث شيئ عاملين بمبدأ الشاطرة تغزل برجل حمار

الاستثناء الوحيد يمكن دبي بصراحه هناك الفكر الاوروبي طاغي وبيغير من سلوكيات الكل مصري دبي غير مصري بقية دول الخليج

وانا راي كل الدول حلوة ووحشة الشخص اللي بيستطيع ينقي من كل دوله مميزاتها ويبعد عن سلبياتها

[Ebn Sina]

عزيزى أنا لم أقل أنه لا يوجد "مجهود" أو "شغل"....أنا قلت أننا هنا لا نضطر -غالبا- إلى إعمال عقولنا ....فطبيعة العمل روتينية ،والمناخ العام لا يساعدك على إستنفار القدرات الذهنية أو الإبداع !

معلش يافندم دى حاله خاصه بيك كونك صيدلى فى صيدليه فالامر روتينى بطيعة العمل اساساً حيث لا يتطلب الامر الى تطوير اقصد بحث علمى يعنى ولكن كل ما يتطلبه الامر هو مجهود عضلى وحسابى

مع كامل احترامى لمهنة الصيدلى

ولكن الامر بالنسبه للى شغالين فى شركات مختلف تماماً يعنى لما بنجى نحضر لمشروع لازم تبقى كل حاجه مدروسه ومحسوبه ونقعد ندرس ونسافر نراسل شركات علشان نعرف ايه احدث حاجه اتعملت ؟؟ طيب وازاى تتنفذ ومواااااااااااال تااااااااااانى خالص

يبقى التعميم خطأ يمكن يكون الوضع خاااااااص بمهنة الصيدله وحضرتك ممكن تقولى الصيدلى الى واقف فى صيدليه فى مصر هيفرق فى ايه عن الصيدلى الى واقف فى صيدليه فى السعوديه ؟؟

من جهة التطوير على ما اعتقد بعد الدراسه بيتدى الشخص يطور نفسه فى الدراسه على حسب طبيعية عمله يعنى تلاته تخرجوا من كلية الصيدله

واحد فتح صيدليه والتانى اشتغل معيد فى الكليه والتالت اشتغل فى شركة ادويه على ما اعتقد كل واحد فيهم هيطور نفسه على حسب المجال الى هو فيه

على فكره يادكتور ابن سينا انت كلامك واقعى جداً وكنت محايد فى كل مداخلتك بس حبيت اعلق على موضوع اعمال العقول بس

اما بقى فيه ناااااااس اتنهزوا الموضوع ودخلوا شتيمه بس

الى انا اعرفه ان اى مكان فيه سلبياته وايجابيته مافيش مكان خالى من ايجابيات ولا سلبيات يم الناس دول مشفوش حاجه حلوه خالص يتكلموا عنها

طيب واذا كانوا حاسين بالزل والاهانه يبقى ايه الى مصبرهم

انا زى لما قولت قبل كده والله لو شايف السعوديه زى ما هم بيقولوا عليها مكنتش قعدت فيها ساعه

ولكن كل مكان فيه حاجات حلوه وحاجات وحشه وطالما فيه اتزان فى الطبيعى يبقى كده كويس

وشكراً

الأخ الفاضل محمد العنبى

أنا قلت حرفيا يا عزيزى

عزيزى أنا لم أقل أنه لا يوجد "مجهود" أو "شغل"....أنا قلت أننا هنا لا نضطر -غالبا- إلى إعمال عقولنا ....فطبيعة العمل روتينية ،والمناخ العام لا يساعدك على إستنفار القدرات الذهنية أو الإبداع !

قلت "غالبا".....وبالتالى لم أعمد إلى "التعميم" بالمرة!......وسبق وأن أكدت كثيرا أنىى ضد فكرة التعميم "على إطلاقها"....بل وأرى أن التعميم فيه "إستسهال" شديد من صاحبه ...الذى لا يرهق ذهنه فى محاولة تحليل وإستيعاب ما يمر به من تجارب أو خبرات فيختصرها فى كلمة واحدة أو توصيف عقيم .......لذا فأرجو أن تكون تلك النقطة واضحة تماما

رغم أن ما ذكرته حضرتك عن طبيعة مهنتنا كصيادلة "غير دقيقة" البتة ....لكننى لم أرد بكلامى الحديث عن مهنة بعينها ....ما قصدته بأن المناخ هناك لا يساعد على إعمال العقول وما يستتبعه ذلك من إستنفار القدرات الذهنية والإبداع...هو أن من الصعب أن تجد من يكتشف "الكفاءات" والتى يمكن من خلال تميزها المهنى أن تطور من أليات العمل ...قليلا ما ستجد مناخا يتيح لك أن تنتج وتبدع فى مجال عملك....أن تترقى فى عملك بسبب تميزك ولو كنت صغير السن ...أن يرتفع راتبك بسبب عطاءك "قبل" خبرتك ....أن ترتكن إلى منافسة "شريفة" فى محيط عملك تمنح تميزا لمن يستحقه بعيدا عن المكائد من البعض .....هذا ما قصدته أنا بالإبداع !

سيقول البعض وهل هذا غير موجود فى مصر .....وردى هو أننى لست بصدد الحديث "الأن" عما يجرى فى مصر .....فالحديث عما يجرى فى مصر يطول وليس مكانه الأن !

عزيزى محمد العنبى

أشكرك على تعليقاتك التى تثرى الحوار

ابن سينا

[Morial]

_{الاخ الفاضل ابن سينا انا شعيدة جدا لانك لاول مرة اون لاين معي في نفس الوقت ان اضطريت اروح انترنت كافية كي استطيع التواصل معكم لان النت في البيت في الدمار و الان بعد مضي اسبوع من اجازتي في مصر استطيع ان اقول انني علي وشك الموت كمدا فأقدامي ذابت بالمعني الحرفي للكلمة فأنا في مصر في اجازة طارئة لأنهاء بعض الاوراق الضرورية ولا اعلم ماذا يحدث لاقدامي هل العيب فيا انا بحكم انني لا امشي لمسافات طويلة في السعودية لأن سيارة المستشفي الذي اعمل به تنقلني اينما اريد متي اريد ام العيب في مصر بشوارعها الخربة ذات الحفر والاسافين وكل ما لا تتمني ان يقع عليه بصرك او سمعك بالأضافة للمرور العشوائي الطائش والبيئة المحيطة بك اينما ذهبت من فوضي وعشوائية ولا مبالاة ارجو الا تعتقد ان رد فعلي وكلامي نوع من الغرور او التعالي علي بلدي او كما قال لي احد اقاربي حين عبرت امامه عن سخطي}

_{هو ما حدش سافر السعودية غيرك وللا ايه؟ :lol:}

[Morial]

اسفه علي الاخطاء الاملائية ولكن عذرا الام اقدامي تمنعني التركيز :lol:

[بحار الغربة]

معلش يافندم دى حاله خاصه بيك كونك صيدلى فى صيدليه فالامر روتينى بطيعة العمل اساساً حيث لا يتطلب الامر الى تطوير اقصد بحث علمى يعنى ولكن كل ما يتطلبه الامر هو مجهود عضلى وحسابى

مع كامل احترامى لمهنة الصيدلى

الاخ الكريم ... انا لى اصدقاء صيادلة مصريين فى امريكا واستراليا وكندا .... مهنة الصيدلة محترمة جدا هناك والصيدلى كلامه يحترم جدا لكل من يدخل الصيدلية وارشاداته مهمة لكل مريض ولا احد ينكر ذلك اما فكرة ان الامر لا يتطلب الا مجهود عضلى وحسابى فاعذرنى هى فكرة متدنية لاتجدها الا فى دول العالم الثالث المتخلفة ( الدول العربية )[/size]

يبقى التعميم خطأ يمكن يكون الوضع خاااااااص بمهنة الصيدله وحضرتك ممكن تقولى الصيدلى الى واقف فى صيدليه فى مصر هيفرق فى ايه عن الصيدلى الى واقف فى صيدليه فى السعوديه ؟؟

يفرق فى نوعية البشر اللى بيتعامل معاها ... فى مصر المريض بيدخل على انه زيه زيك وبيحترمك لانك هاتنصحه ... وفى السعودية الزبون بيدخل على انك مكفول وبكلمه منه لكفيلك هايربطك فى شجره او هايحط حجر على صدرك وتقول احد احد ... غير انه عارف انه حتى لو غلط فيك ماحدش هايجيبلك حقك لان بلدك بلد مهانة ... وفى نفس الوقت بيبصلك على انك شحات وهاتوطى لانك محتاج الفلوس واخيرا العلم ليس له قيمه عند الخليجيين الا فى حالة واحدة بس وهو انه يكون حامل العلم بيدخل للسعودى فلوس فى جيبه ساعتها يبقى لك قيمة .

احنا كلنا اشتغلنا فى مصر وتعاملنا مع الناس فى الشارع المصرى .... لا احد ينكر ان كل الناس تقريبا بتحترم الصيدلى فى مصر وعن نفسى عمرى ما حد دخل اتنطط عليا او لمح تلميح مش كويس

من جهة التطوير على ما اعتقد بعد الدراسه بيتدى الشخص يطور نفسه فى الدراسه على حسب طبيعية عمله يعنى تلاته تخرجوا من كلية الصيدله

وبردوا على حسب طموح الانسان ودى حاجة موجودة فى اى مهنة

الى انا اعرفه ان اى مكان فيه سلبياته وايجابيته مافيش مكان خالى من ايجابيات ولا سلبيات يم الناس دول مشفوش حاجه حلوه خالص يتكلموا عنها

لا فيه .... فيه ان احسن حاجة فى البلد دى ان الواحد الحمد لله حج بيت الله الحرام وعمل كذا عمرة وده شىء مالوش علاقة بالشعب ... دا بيت ربنا والتوبيك ده الدكتور كاتبه ومعظم كلامه فيه كان عن الجنسيات المختلفة ونظرتها للمصريين . واحنا بنقول ان النظرة للمصريين عامة مش كويسة من قبل السعوديين لاننا تعاملنا مع الشريحة العريضة من الشعب ومش بالضرورى انك توصلك نفس النظرة لانك مهما تكون بتتعامل هاتكون بتتعامل مع فئة بسيطة من الشعب السعودى وهما اللى عاوزينك تأدى لهم خدمة معينة سواء هندسية او حسابية ( انا معرفش طبيعة عملك ) وفى الوقت ده ماعتقدش انه هايوصلك وجهة نظره فى مصر او فى المصريين

طيب واذا كانوا حاسين بالزل والاهانه يبقى ايه الى مصبرهم

هاقولك بصراحة ... انا من سنة مدير الفرع بالرياض جاب 8 عمال هنود مش على الكفالة وبقى يدورهم علىالصيدليات كل يوم ينضفوها ويرتبوها ( طبعا كانوا بيقلبوها ) وكنا بنعترض لانهم ممكن يسرقونا يقول لا مالكمش دعوة الدار امان لغاية ما عددكبير من صيدليات من المجموعة حصل فيهم عجز كل صيدلية مايتراوح من 50 الف فما فوق ( تخيل ) طبعا كان عندى فى صيدليتى عجز كبير والشركة خصمت عليا 22 الف من مستحقاتى ... حاولت اكلم مدير المؤسسة رفض يسمعلى .... حاولنا نوصل لصاحب العمل قال ماليش دعوة ..... فانا اخدت قرار فردى وقلت اقعد لغاية ما اعوض المبلغ اللى اتخصم منى .... وده عن طريق انى بشترى ادوية من افراد وباخد مكسبها بدون علم صاحب العمل واقسم بالله انى مظلوم انا وزميلى فى الموضوع ده وكل صيادلة الصيدليات المسروقة .... عرفت انا قاعد ليه ؟؟؟ لانى باخد حقى اللى عجزت انى اخده بالقانون واول ما اخلص فلوسى المخصومة هاروح نهااااااائى ... انا كتبت كلام هنا ممكن يدخلنى السجن لكن حقى ومش هاتنازل عنه لو حتى هاموت هنا .

تم تعديل 21 أكتوبر 2009 بواسطة بحار الغربة

[Diab]

اسفه علي الاخطاء الاملائية ولكن عذرا الام اقدامي تمنعني التركيز :lol:

ممكن تستخدمي خاصية تعديل المشاركات الموجودة علي اليسار اسفل مشاركتك المطلوب تعديلها

تحياتي

[جيمي]

معلش يا جماعه ... مداخله بره الموضوع ... ومخصصه لبحار الغربه ..... هون عليك ... هدي اعصابك .. ريلاكس ...

وخد بالك من نفسك .... اللى انت بتعمله ده فيه غرامه كبيره ...... وانا اعرف ناس هنا اتعرضو للموقف ده ... بجد والله مش هزار ... ممكن تلاقي كام مشرف على مدير على كام عامل ... داخلين عليك واعمل محضر ... واشهد يا فلان ... وحول للتحقيق .... وكلام واشاعات واصل كان فيه عجوزات ...... وكلام فارغ احنا اكبر منه ....

ومع ذلك بحي فيك روحك القتاليه وخصوصاا وانت بتقول حقي ومش هتنازل عنه لو حتي هموت هنا .... بعيد الشر عليك يا ريس :lol:

[precanadian]

نقاط نظام

1) يوجد في الشعب السعودي وفي السعوديه ميزات غير موجوده في مصر والمصريين كما يوجد في مصر والمصريين ميزات ليست عندهم

2) مصر ليست جنه الله في ارضه لا خلاف ولا توجد جنه علي الارض فكل بلد لها عيوبها ومميزاتها

3) لا شك ان كيرف مصر والمصريين descending curve وكيرف السعوديه والسعوديين ascending curve ورغم ذلك تستطيع مصر احداث طفره حضاريه وانسانيه ان اراد شعبها

4) يوجد حاليا ايجابيات كثيره في السعوديه الخصها في وجود دوله تنبض مع نبض الشعب وتسهر علي رفاهيته بمفهوم الرفاهيه عندهم- ولكن هناك حدود لا يجب ان يتعداها المواطن ولا يفكر فيها- اما سلوك الشعب وليس الفرد قد يكون عليه ملاحظات وخصوصا عندما تتباهي بانها الوحيده علي السنه والدين

5) اكيد بعد الكرامه مفيش حاجه ليها لازمه وكنت اتمني ان اجد للمواطن المصري كرامه داخل بلده يتمتع بها كما يتمتع بها المواطن السعودي واي مواطن خليجي واي مواطن ليبي والي اشتغلوا في ليبيا عارفين كده كويس وكنت اتمني ان اري مواطني جميع الدول العربيه يتمتعون بالكرامه كما يفهمها المواطن الاوروبي او الامريكي او الياباني . لكن يبدو ان حجم الكرامه مرتبط بمعدل الدخل السنوي للفرد.

6) يبدو ان الزملاء فهموا ان هذا التوبيك منبر للشكوي لكن اكرر تنبيهي للاخوه الافاضل حاولوا تفهموا ان ماكتبت ليس للشكوي وهي ليست الا تاملات في احداث مؤلمه عاشها الواحد ان شعرتم بالمي وواسيتموني فلكم كل الخير لكن لا تسخروا من المي .

7) الاخ (عنبي ) رجاء عدم اعطاء اوامر لزملاء لك قد يكون منهم من هواكثر منك خبره او اكبر منك سننا.(متقولش الامر منه)

8) مصر هي بيت عز، جار عليه الزمن لسوء اداره راعي البيت. ولو انك كنت عشت او سمعت ممن عاش ماقبل الثمانينيات وبالعربي ما قبل مبارك لادركت اين كانت مصر واين كان العرب من المحيط للخليج بالرغم بما فيها من سوس من زمن .

9) قال احد الاخوه ان العالم كله مدين للسعوديه بالثروه الصناعيه اللي اساسها البترول. اول مره اعرف هذه المعلومه. اذا مالعمل للذي اكتشف هذه الماده وعرف ان لها قيمه وما العمل للذي استطاع بعلمه وعمله البحث عنه واستخراجه للناس.

10) كنت اتمني ان تستطيع السعوديه التحكم في بترولها لكن حرب العراق اثبتت عكس ذلك. واعتقد ان شركات البترول عند التنقيب لها حصه مدي الحياه او 100 سنه عند اكتشاف خام البترول

11) لا شك ان الي زعلان من السعوديه وعايز يرجع،يرجع ،عايز يصبر ويستحمل ربنا يعينه، سعيد بالسعوديه ربنا يزيده ويبارك له . لنترك للجميع حريه اختيار المصير واختيار الطريق ولا يحق لي او لغيري بالاقتراح او النصح او اعطاء اوامر بما يجب عمله لاننا جميعا مختلفون في المنبت والاصول والفكر والمهنه ومختلفون في درجه الحساسيه لما يدور حولنا من متغيرات.

12) مفيش شك ان الواحد لازم يشكر ربنا انه فتح ابواب رزق لنا في بلاد اخري لكن تذكر ان الله رزقك لا اله غيره. وادين لسعوديه بفضل كمما ادين لمصر بفضل

13) يجرم كل من يعمم بان المصريين ملائكه وغيرهم شياطين.التعميم ظلم للمصريين ولغيرهم فكلا الطرفين بهم المنصف والمحترم لكن دائما النسبه قليله وهي ليست صفه عامه او ظاهره في الشعوب العربيه حاليا .رحم الله الصحابه والتابعيين

14) اخي Orex

انا طبيب ماجستير وزماله بريطانيه ولست صيدلي وربنا يكتب لك الخير ويوفقك في الماجستير

تقبلوا مني كل الحب جميعا والاحترام وارجو ان ننتقل الي نقطه اخرى من كتابات الفاضل الدكتور ابن سينا لك اخي كل الاحترام

تحياتي لكم جميعا واطلب ان يسامحني من جرحت احاسيسه هذه الكلمات وما قبلها من مداخله عن احداث عششتها في السعوديه. ودمتم في حفظ الله

تم تعديل 21 أكتوبر 2009 بواسطة precanadian

[precanadian]

عزيزى أنا لم أقل أنه لا يوجد "مجهود" أو "شغل"....أنا قلت أننا هنا لا نضطر -غالبا- إلى إعمال عقولنا ....فطبيعة العمل روتينية ،والمناخ العام لا يساعدك على إستنفار القدرات الذهنية أو الإبداع !

معلش يافندم دى حاله خاصه بيك كونك صيدلى فى صيدليه فالامر روتينى بطيعة العمل اساساً حيث لا يتطلب الامر الى تطوير اقصد بحث علمى يعنى ولكن كل ما يتطلبه الامر هو مجهود عضلى وحسابى

مع كامل احترامى لمهنة الصيدلى

ولكن الامر بالنسبه للى شغالين فى شركات مختلف تماماً يعنى لما بنجى نحضر لمشروع لازم تبقى كل حاجه مدروسه ومحسوبه ونقعد ندرس ونسافر نراسل شركات علشان نعرف ايه احدث حاجه اتعملت ؟؟ طيب وازاى تتنفذ ومواااااااااااال تااااااااااانى خالص

يبقى التعميم خطأ يمكن يكون الوضع خاااااااص بمهنة الصيدله وحضرتك ممكن تقولى الصيدلى الى واقف فى صيدليه فى مصر هيفرق فى ايه عن الصيدلى الى واقف فى صيدليه فى السعوديه ؟؟

من جهة التطوير على ما اعتقد بعد الدراسه بيتدى الشخص يطور نفسه فى الدراسه على حسب طبيعية عمله يعنى تلاته تخرجوا من كلية الصيدله

واحد فتح صيدليه والتانى اشتغل معيد فى الكليه والتالت اشتغل فى شركة ادويه على ما اعتقد كل واحد فيهم هيطور نفسه على حسب المجال الى هو فيه

على فكره يادكتور ابن سينا انت كلامك واقعى جداً وكنت محايد فى كل مداخلتك بس حبيت اعلق على موضوع اعمال العقول بس

اما بقى فيه ناااااااس اتنهزوا الموضوع ودخلوا شتيمه بس

الى انا اعرفه ان اى مكان فيه سلبياته وايجابيته مافيش مكان خالى من ايجابيات ولا سلبيات يم الناس دول مشفوش حاجه حلوه خالص يتكلموا عنها

طيب واذا كانوا حاسين بالزل والاهانه يبقى ايه الى مصبرهم

انا زى لما قولت قبل كده والله لو شايف السعوديه زى ما هم بيقولوا عليها مكنتش قعدت فيها ساعه

ولكن كل مكان فيه حاجات حلوه وحاجات وحشه وطالما فيه اتزان فى الطبيعى يبقى كده كويس

وشكراً

يبدو ان زميلنا العزيز عنبي بعيد عن المجال الطبي وبحكم عملي كطبيب وعلمي بما يجب ان تكون عليه وظيفه الصيدلي وبعلمي ان هناك في الدول المحترمه علاج المريض مهمه يشترك فيها طبيب وصيدلي واخصائي تغذيه واخصائي تنفس واخصائي نفسي واخصائي اجتماعي وغيره.

لحد علمي ان الطبيب مسؤول عن الاسم العلمي للدواء والصيدلي مسئول عن الجرعه والانتراكشنز

عمر مكان الصيدلي مسؤول انه يناولك علبه دواء وياخد ثمنها .

حضرتك ولو تعرف يعني ايه clinical pharmacist مكنتش كتبت الكلمات الجارحه دي يا حاج محمد عنبي.

فاتتك المداخله دي ومره اخري يا اخي الفاضل حاج محمد عنبي احب اقول لك ان الكلام الي بالاحمر جارح فانا ليس من طبعي كيل السباب لاحد فالحمد لله اعرف حدود لا يجب ان اتخطاها مع الاخر.

تم تعديل 21 أكتوبر 2009 بواسطة precanadian