رب انفلونزا خنازير نافعة

[herohero]

ايه رايكم رغم مشاكل انفلونزا الخنازير بس مش ده خلانا نفوق وننتبه لسلبيات عندنا ف حياتنا

مش دلوقتي بقينا نقلل من عادة التقبيل اللي مالهاش لازمة

مشى بقى فيثه حرص ع غسيل الايدي بالصابون

مش بقى فيه توعية بالنظافة العامة

انا شايف ان احنا كمجتمع مصري زي الطالب اللي مش بيذاكر الا لما يكون فيه امتحان

[ذهبية]

معتقدش يا هيرو ان المرض فية جوانب ايجابية ابدااااا مهما كان التغير الىل هيطرأ على حياتنا ربنا يحمينا يارب

ام التغير اللى حضرتك بتتكلم عنة دة لفترة مؤقتة مش هتدوم و موجود فى طبقة معينة من المجتمع يعنى فى الطبقات الدنيا لو جيت اتكلمت معاهم مش هتلاقى عندهم اى استعداد للتغير وممكن دا ياخدوا كلامك كلة تريقة

و ابسط الامور انهم هيقولوا ما حياتنا كلهاامراض بناكل اكل ملوث و مية ملوثة مش لاقين ناكل و لا عارفين نتعلم و لا نعيش يعنى هتيجى على انفلونزا الخنازير

و بتلقائية هيقولك يا عم المرض دة بتاع ربنا انتم نسيتم لما الحكومة جت تعدم الخنازير حصل اية ولا شوفتوا حياة اللى بيربوا الخنازير شكلها اية

اعتقد ان التغير دة مجرد هوجة و بعد فترة هتهدى و البيانات الحكومية مش هتقول الارقام الحقيقة و كلة هيتدراى

زى ما حصل فى انفلونزا الطيور بالضبط

الدنيا قامت و تم اعدام الدجاج و اتقفلت المحال و اتخرب بيوت اصحاب المزراع و كل دة فى البداية ياترى دة موجود الان

كل حاجة رجعت زى ما كانت و اتشار المرض موجود الفرق بسسسسسس انة معتدش بيتقال اعلاميا

ذهبية