كيف يحج الزائر (ارجوكم)

[مصر فى قلبى]

السلام عليكم .انا امى وحماتى ومراتى معايه وعاوزين نحج هذا العام .احنا هنركب طائره من الدمام لجده لانهم مش يقدروا على السفر 16 ساعة فى الاتوبيس .ارجوا من اصحاب الخبره ارشادنا كيف نحج بارخص الاسعار .وفى اى يوم يجب ان نكون فى جده هل 5 ام 6 ام 7 ذى الحجه ام ماذا ؟؟؟ ارجوكم انا وعائلتى عايشين فى قلق فى كيف الحج . لو اى حد يا جماعة يعرف يقول لى او يعطينى رقم تليفون اى حد يعرف

[ماجد]

عزيزى

اذا كان استفسارك بخصوص كيفية أداء المناسك

فتفضل بقراءة هذا الموضوع فهو يشرح رحلة الحج بالتفصيل

http://www.egyptiantalks.org/invb/?showtopic=14106

أما عن موعد وصولك لجدة , فربما يكون يوم 5 ذو الحجة مناسبا

حيث سيكون عليك أن تؤدى العمرة أولا ثم تتحلل من الأحرام مستعدا ليوم التروية يوم 8 ذى الحجة حيث تحرم ثانية و تتوجة الى عرفات يوم 9 ذى الحجة

أما اذا كان استفسارك بخصوص الأسعار , فليس لدى فكرة عن الأسعار بالطبع

[doha]

ارخص حاجة انك تحج ( مفرد ) فتوفر وقت وتوفر ثمن ( ذبيحة )

لو جيت مفرد يبقى كفاية تيجي قبل عرفات بيوم واحد بس .. يعني توصل مكة يوم 7 او 8 بالكثير ويبقى عرفة يوم 9 ويومين بعده وخلاص على كده ..

احسن واضمن شيء انك تروح تبع حملة بس مشكلة ان معاك ناس زياره وبالتالي هيبقى مفيش تصريح للحج وعلى هذا مش عارفه الحملات هترضى تاخذكم ولا لاه .. بس ممكن تتفق مع حملة انك تدخل مكه بطريقتك وتكون معاهم بعد كده على اساس ان التفتيش بيكون على مدخل مكه بس على حد علمي اما داخل المشاعر محدش بيسال على تصاريح وبالمناسبة عمري ماسمعت عن حد رجعوه عشان معاهوش تصريح يعني توكل على الله وحاول وان شاء الله هتدخل وتحج عادي ..

الحملات فئات في فئة الف وباء وجيم وفئة الف هي اقرب سكنا للجمرات وبالتالي هتبقى اغلى في تكلفتها لان بيكون السكن انظف والمواصلات احسن وهكذا .. انت اسأل في كذا حملة واعرف اسعارها لان بتختلف من حملة للثانية ..

وربنا معاك باذن الله يوفقك في حاجه كويسه وبسعر مناسب ..

ومتنساناش من الدعاء هناك ربنا يوصلك يارب بالف سلامه وكل سهولة ويسر ..

[MZohairy]

بإختصار شديد

يوم 9 ذو الحجه لازم تكون في عرفات من قبل الظهر الى المغرب

بعد المغرب تتوجه من عرفات الى مزدلفه (حوالي 6 كيلو متر تقريبا)

تظل في مزدلفه الى الساعه 12 بالليل (4 او 5 ساعات تقريبا) طالما معاك اسره...تجمع الحجاره و تتجه مباشرة الى منى لرمي الشيطان الأكبر

انت الآن في منى حوالي الساعه 2 فجر يوم 10 ذو الحجه ...ترمي الحجاره و تتجه فورا الى الحرم المكي لعمل طواف الإفاضه ثم الحلق (حلق شعر الرأس او تقصيره) ثم تستطيع التحلل من ملابس الإحرام في صباح يوم 10 ذو الحجه و الذهاب الى الاوتيل للراحه و الاستحمام

تذهب في مغرب نفس اليوم لمنى لرمي الثلاثة شياطين بالترتيب و تغادر انت و اسرتك بعد الساعه 12 بالليل

و تعاود نفس العمل يوم 11 ذو الحجه بنفس التفاصيل

بعدها يمكنك الذهاب لعمل طواف الوداع و المغادره اذا كنت متعجلا

او تكرار نفس ما فعلت يوم 10 و 11 اذا كنت غير متعجل و بعدها تذهب لعمل طواف الوداع

و بكده تكون حجيت

تقبل الله مقدما و ادعيلنا

تم تعديل 30 سبتمبر 2009 بواسطة mzohairy

[aboueyad alex]

جزى الله الأخوة الشرح للحج لكن الأخ الكريم بيسأل عن طريقة دخول أقاربه وهم بتأشيرة زيارة لعمل الحج بدون تصريح وهل مع حملة أم فرادا وهل سيتم إيقافهم على البوابة لعدم حملهم تصريح

أم عن طريق البدو فى الجبال ...

نرجو الإفادة له ولنا جميعا

[MZohairy]

جزى الله الأخوة الشرح للحج لكن الأخ الكريم بيسأل عن طريقة دخول أقاربه وهم بتأشيرة زيارة لعمل الحج بدون تصريح وهل مع حملة أم فرادا وهل سيتم إيقافهم على البوابة لعدم حملهم تصريح

أم عن طريق البدو فى الجبال ...

نرجو الإفادة له ولنا جميعا

منذ تولي الأمير الجديد اصبح موضوع الحج بدون تصريح في غاية الصعوبه

[أسد]

جزى الله الأخوة الشرح للحج لكن الأخ الكريم بيسأل عن طريقة دخول أقاربه وهم بتأشيرة زيارة لعمل الحج بدون تصريح وهل مع حملة أم فرادا وهل سيتم إيقافهم على البوابة لعدم حملهم تصريح

أم عن طريق البدو فى الجبال ...

نرجو الإفادة له ولنا جميعا

منذ تولي الأمير الجديد اصبح موضوع الحج بدون تصريح في غاية الصعوبه

مفيش حاجة صعبة .. الناس اللي راحوا السنة اللي فاتت كلهم حجوا

ممكن الذهاب إلى هناك والمحاولة .

ولكن المهم انك تكون عارف .. إن مفيش حاجة مضمونة ..

كل سنة عن اللي قبلها الأمور بتكون صعبة ومعقدة .. وبيتوعدوا وبيصرحوا أنه لن يسمح لمن لا يحمل تصريح بالدخول .. ولكن ناس كتير بتدخل ..أو قل كل الناس .. لم أسمع أن أحداً لم ينجح في الدخول إلى مناطق الحج بعد وصوله هناك ..

ولكن هذا العام .. ومع الإحتياطات الإضافية علشان أنفلونزا الخنازير .. محدش عارف ممكن يحصل إيه

زي ماقلت لك .. مفيش حاجة مضمونة .. ولكن الحج بتلك الطريقة سيكون فيه تعب ومشقة إضافيين

[مصر فى قلبى]

ارخص حاجة انك تحج ( مفرد ) فتوفر وقت وتوفر ثمن ( ذبيحة )

لو جيت مفرد يبقى كفاية تيجي قبل عرفات بيوم واحد بس .. يعني توصل مكة يوم 7 او 8 بالكثير ويبقى عرفة يوم 9 ويومين بعده وخلاص على كده ..

احسن واضمن شيء انك تروح تبع حملة بس مشكلة ان معاك ناس زياره وبالتالي هيبقى مفيش تصريح للحج وعلى هذا مش عارفه الحملات هترضى تاخذكم ولا لاه .. بس ممكن تتفق مع حملة انك تدخل مكه بطريقتك وتكون معاهم بعد كده على اساس ان التفتيش بيكون على مدخل مكه بس على حد علمي اما داخل المشاعر محدش بيسال على تصاريح وبالمناسبة عمري ماسمعت عن حد رجعوه عشان معاهوش تصريح يعني توكل على الله وحاول وان شاء الله هتدخل وتحج عادي ..

الحملات فئات في فئة الف وباء وجيم وفئة الف هي اقرب سكنا للجمرات وبالتالي هتبقى اغلى في تكلفتها لان بيكون السكن انظف والمواصلات احسن وهكذا .. انت اسأل في كذا حملة واعرف اسعارها لان بتختلف من حملة للثانية ..

وربنا معاك باذن الله يوفقك في حاجه كويسه وبسعر مناسب ..

ومتنساناش من الدعاء هناك ربنا يوصلك يارب بالف سلامه وكل سهولة ويسر ..

الف الف الف شكر . والله انا نفسى احجج عائلتى

[مصر فى قلبى]

عزيزى

اذا كان استفسارك بخصوص كيفية أداء المناسك

فتفضل بقراءة هذا الموضوع فهو يشرح رحلة الحج بالتفصيل

http://www.egyptiantalks.org/invb/?showtopic=14106

أما عن موعد وصولك لجدة , فربما يكون يوم 5 ذو الحجة مناسبا

حيث سيكون عليك أن تؤدى العمرة أولا ثم تتحلل من الأحرام مستعدا ليوم التروية يوم 8 ذى الحجة حيث تحرم ثانية و تتوجة الى عرفات يوم 9 ذى الحجة

أما اذا كان استفسارك بخصوص الأسعار , فليس لدى فكرة عن الأسعار بالطبع

الف شكر وجزاك الله خيرا بس انا عاوز اسأل هنعرف نحج ازاى بدون تصريح حج

[مصرى مغترب]

لدى سؤال هام جدا ارجو الرد عليه من زوى الخبرة

انا معى اقامة و من سكان الرياض و اريد ان اقوم بعمل فيزة زيارة لأمى قبل الحج لكى احججها هذا العام ان شاء الله

السؤال الأول: هل لو بدأت فى عمل فيزة الزيارة هذة الأيام لأمى هل سيتم المواقة عليها ام لا ؟ و ما هى الأوراق التى سوف اقوم بتقديمها الى الجوازات لعمل فيزا الزيارة لأمى ؟

السؤال الثانى: كيف سوف تدخل امى الى اداء مناسك الحج بدون تصريح ؟ عن طريق حملة ام ماذا ؟ و هل ممكن يرجعوها بسبب عدم و جود تصريح معها و هى قاربت على الستين ؟ علما بأنى سوف اكون مرافق لها و معى تصريح ؟

السؤال الثالث : هل تطعيم انفلونزا الخنازير سوف يكون إلزامى مثل مصر حتى احصل على تصريح للحج هذ العام لأنى لن اخذ هذا التطعيم ابداً حتى ولو إدّولى سيارة هدية عشان اخده :unsure: !!!

[mama nona]

السلام عليكم

الاخوة الافاضل

ان شاء الله يكتب لكم الحجة

بالنسبة للتصاريح كل وقت وله ظروفه

من سنتين حجيت وكان مع حملة مكنش فيه ولاواحد فالباص معاه تصريح

وعند التفتيش الضابط وقفنا وقال للسائق لأ

وروح ولف تانى

معناها انه يرجع تانى وياخد دور متأخر شوية

ورجع السائق تانى

وسأله تانى عالتصاريح

قاله مفيش

لفينا بتاع 3 مرات

وفالرابعة دخلنا بسهولة جدا

وعلى فكرة الضباط بياخدو فلوس من السائقين وبتوع الحملات

وفيه طريق تانى من الجبل

ناس بتاخد بسيارتها وتخرم من الجبل ف مقابل 150 ريال للفرد تقريبا

بس معلوماتى دى للجاى من طريق الرياض

معرفش بقى لو انت من جدة طريقك هيكون ازاى ؟

بس اصدقائى فجدة بيحجوا كل سنه بدون تصاريح

متقلقش ان شاء الله ربنا هيسهلها لكم

سألت احد جيرانى الحج الماضى بدون تصاريح ودخلو بسهولة عادى

ان شاء الله خير ويكتب لنا حجة معاكم

ولاتنسونا من الدعاء

[alex man]

لدى سؤال هام جدا ارجو الرد عليه من زوى الخبرة

انا معى اقامة و من سكان الرياض و اريد ان اقوم بعمل فيزة زيارة لأمى قبل الحج لكى احججها هذا العام ان شاء الله

السؤال الأول: هل لو بدأت فى عمل فيزة الزيارة هذة الأيام لأمى هل سيتم المواقة عليها ام لا ؟ و ما هى الأوراق التى سوف اقوم بتقديمها الى الجوازات لعمل فيزا الزيارة لأمى ؟

السؤال الثانى: كيف سوف تدخل امى الى اداء مناسك الحج بدون تصريح ؟ عن طريق حملة ام ماذا ؟ و هل ممكن يرجعوها بسبب عدم و جود تصريح معها و هى قاربت على الستين ؟ علما بأنى سوف اكون مرافق لها و معى تصريح ؟

السؤال الثالث : هل تطعيم انفلونزا الخنازير سوف يكون إلزامى مثل مصر حتى احصل على تصريح للحج هذ العام لأنى لن اخذ هذا التطعيم ابداً حتى ولو إدّولى سيارة هدية عشان اخده :unsure: !!!

الى المصرى المغترب

انا النهاردة كنت فى وازرة الداخلية القديمة الزيارة مفتوحة الى الام والحماة اذاكانت مهنتك محاسب او مندوب وبالنسبة الى الاب لا ام اذا كنت دكتور او مهندس فلا مانع الى الوالد واجراءات الزيارة سهلة1- الاستمارة الزيارة مختومة ومصدقة من الغرفة التجارية

2-خطاب التعهد والتعريف من العمل مختوم ومصدق من الغرفة التجارية

3- صورة من اقامة وجواز سفرك+صورة من اقامة الزوجة

4- صورة من جواز سفر الام+مايثبت انها امك مثل قسيمة الزواجاو شهادة ميلادك

[مصرى مغترب]

لدى سؤال هام جدا ارجو الرد عليه من زوى الخبرة

انا معى اقامة و من سكان الرياض و اريد ان اقوم بعمل فيزة زيارة لأمى قبل الحج لكى احججها هذا العام ان شاء الله

السؤال الأول: هل لو بدأت فى عمل فيزة الزيارة هذة الأيام لأمى هل سيتم المواقة عليها ام لا ؟ و ما هى الأوراق التى سوف اقوم بتقديمها الى الجوازات لعمل فيزا الزيارة لأمى ؟

السؤال الثانى: كيف سوف تدخل امى الى اداء مناسك الحج بدون تصريح ؟ عن طريق حملة ام ماذا ؟ و هل ممكن يرجعوها بسبب عدم و جود تصريح معها و هى قاربت على الستين ؟ علما بأنى سوف اكون مرافق لها و معى تصريح ؟

السؤال الثالث : هل تطعيم انفلونزا الخنازير سوف يكون إلزامى مثل مصر حتى احصل على تصريح للحج هذ العام لأنى لن اخذ هذا التطعيم ابداً حتى ولو إدّولى سيارة هدية عشان اخده :unsure: !!!

الى المصرى المغترب

انا النهاردة كنت فى وازرة الداخلية القديمة الزيارة مفتوحة الى الام والحماة اذاكانت مهنتك محاسب او مندوب وبالنسبة الى الاب لا ام اذا كنت دكتور او مهندس فلا مانع الى الوالد واجراءات الزيارة سهلة

1- الاستمارة الزيارة مختومة ومصدقة من الغرفة التجارية

2-خطاب التعهد والتعريف من العمل مختوم ومصدق من الغرفة التجارية

3- صورة من اقامة وجواز سفرك+صورة من اقامة الزوجة

4- صورة من جواز سفر الام+مايثبت انها امك مثل قسيمة الزواجاو شهادة ميلادك

جزاكم الله خيرا على ردك الذى اثلج صدرى كثيرا

هل اعطوك الورقة الصفراء و انت واقف فى نفس اليوم ام قالوا لك سننظر فى طلبك و تابع الموقع الإليكترونى؟

انا مهنتى مبرمج حاسب الى , معنى كلامك انى ممكن ان اقوم بعمل فيزا الزيارة لأمى فى هذا التوقيت بدون مشاكل.

بالنسبة لخطاب التعهد ما هو ؟ من اين احصل عليه ؟ و لماذا يحتاجوا صورة الإقامة الخاصة بالزوجة

و شكرا جزيلا لك على سرعة ردك

[MZohairy]

هل مخالفة اولي الأمر و القوانين هنا بالحج خلسه و بدون تصريح...الا يعتبر عمل باطل ممكن من شأنه يفسد الحج؟

سؤال استفساري فقط

حيث ان الحكومه السعوديه قد سنت هذه القوانين و تصاريح الحج للحفاظ على عدد معين من الحجاج و بالتالي الحفاظ عليهم و على حياتهم و توفير وسائل العلاج و المواصلات و ما شابه لهم

و الدخول خلسه الى الحج يفسد الأرقام المتاحه امام الجهات الخدميه و بالتالي يفسد خطة خدمة الحجيج بشكل عام

هذا رأيي و رأي الكثير من علماء السعوديه و الله اعلم

[HDarwish]

أنا حجيت السنة اللي فاتت من الكويت وبدون تصريح

وقبل ما اروح كان عندي قلق غير طبيعي وأمل ضعيف جداً إن هينفع أحج بالطريقة دي .. لكن الحمد لله حجيت (لكن بمشقة كبيرة جدا) بس برغم كده نفسي أحج تاني السنة دي كمان حتى لو المشقة أضعاف أضعاف مشقة العام الماضي

رحنا مجموعة شباب مكونة من 6 أفراد في سيارة فان في البداية قلنا نستهبل ونروح عادي على التفتيش ونحاول نعدي .. بس للأسف ما نفعتش المحاولة ورجعنا تاني لقينا إن ناس كثير زينا وكانوا مشددين قوي بس عرفت السبب بعدين إننا رحنا يوم خمسة والمفروض فعلا زي ما استاذ زهيري قال إنك تروح يوم 9 .. لقينا حتى الحملات اللي بتطلع من هنا في الكويت واللي بتكون سعرها رخيص وتخلي الواحد يستغرب ازاي يكون السعر المعروف لرحلات الحج من 900 إلى 1200 دينار وفي نفس الوقت تلاقي رحلات بسعر 200 دينار .. فلقينا ان الناس دي برضه بدون تصريح وكل اللي بيحصل إن الباص بياخدهم إلى ومن الميقات .. لقينا ناس سعوديين بيقولك الفرد على 300 ريال بعد فصال وكده قدرنا نخلي الفرد على 200 ريال وعرفت بعد كده ان كان ممكن يرضى على 100 ريال ..

يادوبك ركبنا وداخلين على الجد لقينالك الشرطة ماشية ورانا وبتنادي على سيارتنا (يا صلاة النبي) أنا كنت فاهم إن الراجل ده هيدخل بنا من بين الجبال وخلاص .. طلع الموضوع غير كده خالص واتضح إنه هينزلنا قبل نقطة التفتيش واحنا نعدي على رجلينا إلى بعد نقطة التفتيش ونتقابل هناك عن طريق اتصال بالتليفون .. ولقيتلكم الراجل قام نازل بنا على منحدر ترابي كده وقالنا ننزل (يا حلولي) ننزل فين يا عم دي الشرطة حتمسكنا قالك لا بس انزل انزل .. ونزلنا فعلا طبعا لابسين لبس الإحرام ولقينا إن الشرطة زي ما بتقول كده (بتهوش) والاسم بتعمل اللي عليها وخلاص او بتنفذ جزء من الأوامر أو هي دي الأوامر الله أعلم وكان فيه ناس كشت طبعا وفيه ناس كان بتجري بس للأمانة أنا وزمايلي يادوبك بدأنا الجري ولقيت أكبر واحد فينا وقف ووقفنا وقال إيه ده هو إحنا بنهرب مخدرات .. إحنا نقف واللي يحصل يحصل .. وفعلا وقفنا واتضح لنا بعد ما كنا فاكرين إن الشرطة بتجري ورانا لقينا إنها عمالة تلفي في محيط دايرة وخلاص ولو عايزة تمسك كانت مسكت الناس وجمعتهم كلهم ..

طيب يا حلو حنعمل إيه الوقتي .. اتفقنا نمشي ونعمل زي ما الناس بتعمل (واللي اتضح بعدين إنه كان غلط) لقينا ناس ماشي مشينا معاهم ودخلنا بين جبال طبعا الكلام ده كان الساعة ثلاثة ونصف الفجر في شهر 12 في عز البرد وانت يادوب بلبس الإحرام .. مشينا في نفق طلعنا من النفق طلعنا على جبل لآخره نزلنا من على الجبل طلعنا جبل تاني نزلنا من على الجبل دخلنا في نفق يادوبك تعديه وانت موطي لإن ارتفاع لا يتعدى المتر أو متر وربع وطلعنا من النفق ده لقينا ناس بئا كثير جدا ومستنيين زينا السيارة اللي حتوصلهم بئا ل مكة (الأخطاء اللي وقعنا فيها إن كنا ممكن نعدي عادي على رجلنا بدون ما نطلع جبال وننزل جبال كده ويادوب نعدي نقطة التفتيش وخلاص والخطأ التاني إننا دفعنا للراجل الفلوس كلها من البداية يعني كان ممكن ينصب علينا لكن الحمد لله عدت على خير) .. وإحنا في ده كله واحد قريبي كان معايا بيحول يهون على وعلى نفسه الموضوع شوية بيقوللي لو كنت تعرف إن الموضوع كده كنت جيت ؟؟ طبعا كان ردي استحالة كنت اجي وكلنا كنا بندعي إننا قاصدين بيتك الكريم ويارب ما تردناش صفرا اليدين .. وأدعية على هذا المنوال كثير جدا ..

بس برغم ده كله أول ما وصلنا الحرم (الساعة 5.5 الفجر) وشوفت منظر الكعبة نسيت كل اللي حصل ده كله وكإنه ما حصلش واتنقلت لعالم تاني غير العالم وغير الناس وحسيت إني أول مرة اشوف بشر حولي وإن دول مش بشر دول ملايكة لدرجة من شدة الروعة ما كنتش قادر إني أقف على رجلي واستغرقت في بكاء هستيري والإحساس اللي حسيته مش حتقدر الكلمات توصفه ..ودي كانت رحلة الوصول .. رحلة الحج نفسها بئا عايزالها كثير علشان اقعد احكيه والمواقف اللي قابلتنا بعد كده والصعوبات التانية اللي واجهناها والمتعة والفرح بالإضافة إلى رحلة العودة .. دي لوحدها عايزالها موضوع كامل ...

معليشي أنا طولت عليكم

عايز اقولك كمان إن كان فيه قرايبي جايين من الرياض بنفس الطريقة وكان معاه مراته وأمه وأولاده .. وكانوا بدون تصريح والأم زيارة .. ولما سألته إيه اللي حصل معاهم قاللي إنهم دخلوا عادي على نقطة التفتيش وطبعا مفيش لبس معين للإحرام للحريم فكانوا لابسين عادي وهو كان محرم لحد ما جيه عند نقطة التفتيش وقام لابس عباية على لبس الإحرام ودخل عادي وعدى من نقطة التفتيش بدون قلق وبسهولة .. كمان زمايلي حجوا من هنا وراحوا على يوم 9 وما حصلش معاهم أي مشاكل ..

بالنسبة للإجابة على أسئلة الأخ زهيري

أنا دورت في الموضوع ده كثير جدا وسألت ناس كثير جدا وبعت للفتوى هنا في وزارة الأوقاف وناس قالت في الموضوع ده يجوز وناس قالت لأ لا يجوز

بس النقطة الأكيدة بئا إن اللي بيئول يجوز وحجك صالح ده لما بيكون السؤال من واحد حج بالطريقة دي وخلاص

لكن اللي بيئول لا يجوز بيكون السؤال من واحد لسه عايز يحج بالطريقة دي

الحاجة الأكيده بئا إني سألت هناك في (منا) بعض الشيوخ في إحدى الخطب والدروس وكانت إجابته في معناها إن "ذلك لا يفسد الحج وحجك صالح ما دام أديت المناسك بطريقة صحيحة).. والله ومن بعده من أفتى أعلم مني . .

واللهم تقبل من الجميع

تحياتي للجميع وآسف على الإطالة مرة أخرى .. وأنا حاضر للإجابة عن أي استفسار بهذا الموضوع

[ozoozo]

السنه اللي فاتت كنت لسه جي قبل الحج بحوالي شهر وماكانش معايا فلوس اطلع حمله -كانت اقل حمله من 3 الي 4 الاف-

وكنا طبعا سامعين التهديدات بتاعه السيخ المحمي وصرصور الودن

وليله 9 كنت متردد جدا انا واحد زملاءنا هنا في المنتدي لانهم كانو بيقولو في ترحيل للي هايتمسك من غير تصريح

وخلاص لغينا الفكره وقررنا نقضي العيد في المدينه

لكن يشاء الله واحنا الساعه 11 الصبح يوم عرفه ان احنا نتوكل علي الله واللي يحصل يحصل

رحنا باب مكه وركبنا سياره ميكروباص بخمسين ريال لغايه عرفه

وكل الركاب كانوا محرمين وعدينا من كل النقاط دون ان يتعرض لنا احد خالص

وكان الطريق فاضي خالص من جده لمكه وسمعت ان الملك بيأمر انهم يسيبوا الناس يعدوا يوم عرفات الصبح

لذلك انسب وقت يوم عرفات الصبح عشان كمان باليل بتبقي الدنيا زحمه موت وممكن تقفلك في الاتوبيس 7 او 8 ساعات

بالنسبه للزياره الحملات بتقبلهم عادي وبدخلهم مع الاتوبيس يعني بيبقي الاتوبيس كله معاه تصريح وتلاته اربعه لا فبيعدوا غالبا او بيلفوا ويرجعوا من حاره تانيه وهكذا

تم تعديل 30 سبتمبر 2009 بواسطة ozoozo

[ابو زمزم]

أنا حجيت السنة اللي فاتت من الكويت وبدون تصريح

وقبل ما اروح كان عندي قلق غير طبيعي وأمل ضعيف جداً إن هينفع أحج بالطريقة دي .. لكن الحمد لله حجيت (لكن بمشقة كبيرة جدا) بس برغم كده نفسي أحج تاني السنة دي كمان حتى لو المشقة أضعاف أضعاف مشقة العام الماضي

رحنا مجموعة شباب مكونة من 6 أفراد في سيارة فان في البداية قلنا نستهبل ونروح عادي على التفتيش ونحاول نعدي .. بس للأسف ما نفعتش المحاولة ورجعنا تاني لقينا إن ناس كثير زينا وكانوا مشددين قوي بس عرفت السبب بعدين إننا رحنا يوم خمسة والمفروض فعلا زي ما استاذ زهيري قال إنك تروح يوم 9 .. لقينا حتى الحملات اللي بتطلع من هنا في الكويت واللي بتكون سعرها رخيص وتخلي الواحد يستغرب ازاي يكون السعر المعروف لرحلات الحج من 900 إلى 1200 دينار وفي نفس الوقت تلاقي رحلات بسعر 200 دينار .. فلقينا ان الناس دي برضه بدون تصريح وكل اللي بيحصل إن الباص بياخدهم إلى ومن الميقات .. لقينا ناس سعوديين بيقولك الفرد على 300 ريال بعد فصال وكده قدرنا نخلي الفرد على 200 ريال وعرفت بعد كده ان كان ممكن يرضى على 100 ريال ..

يادوبك ركبنا وداخلين على الجد لقينالك الشرطة ماشية ورانا وبتنادي على سيارتنا (يا صلاة النبي) أنا كنت فاهم إن الراجل ده هيدخل بنا من بين الجبال وخلاص .. طلع الموضوع غير كده خالص واتضح إنه هينزلنا قبل نقطة التفتيش واحنا نعدي على رجلينا إلى بعد نقطة التفتيش ونتقابل هناك عن طريق اتصال بالتليفون .. ولقيتلكم الراجل قام نازل بنا على منحدر ترابي كده وقالنا ننزل (يا حلولي) ننزل فين يا عم دي الشرطة حتمسكنا قالك لا بس انزل انزل .. ونزلنا فعلا طبعا لابسين لبس الإحرام ولقينا إن الشرطة زي ما بتقول كده (بتهوش) والاسم بتعمل اللي عليها وخلاص او بتنفذ جزء من الأوامر أو هي دي الأوامر الله أعلم وكان فيه ناس كشت طبعا وفيه ناس كان بتجري بس للأمانة أنا وزمايلي يادوبك بدأنا الجري ولقيت أكبر واحد فينا وقف ووقفنا وقال إيه ده هو إحنا بنهرب مخدرات .. إحنا نقف واللي يحصل يحصل .. وفعلا وقفنا واتضح لنا بعد ما كنا فاكرين إن الشرطة بتجري ورانا لقينا إنها عمالة تلفي في محيط دايرة وخلاص ولو عايزة تمسك كانت مسكت الناس وجمعتهم كلهم ..

طيب يا حلو حنعمل إيه الوقتي .. اتفقنا نمشي ونعمل زي ما الناس بتعمل (واللي اتضح بعدين إنه كان غلط) لقينا ناس ماشي مشينا معاهم ودخلنا بين جبال طبعا الكلام ده كان الساعة ثلاثة ونصف الفجر في شهر 12 في عز البرد وانت يادوب بلبس الإحرام .. مشينا في نفق طلعنا من النفق طلعنا على جبل لآخره نزلنا من على الجبل طلعنا جبل تاني نزلنا من على الجبل دخلنا في نفق يادوبك تعديه وانت موطي لإن ارتفاع لا يتعدى المتر أو متر وربع وطلعنا من النفق ده لقينا ناس بئا كثير جدا ومستنيين زينا السيارة اللي حتوصلهم بئا ل مكة (الأخطاء اللي وقعنا فيها إن كنا ممكن نعدي عادي على رجلنا بدون ما نطلع جبال وننزل جبال كده ويادوب نعدي نقطة التفتيش وخلاص والخطأ التاني إننا دفعنا للراجل الفلوس كلها من البداية يعني كان ممكن ينصب علينا لكن الحمد لله عدت على خير) .. وإحنا في ده كله واحد قريبي كان معايا بيحول يهون على وعلى نفسه الموضوع شوية بيقوللي لو كنت تعرف إن الموضوع كده كنت جيت ؟؟ طبعا كان ردي استحالة كنت اجي وكلنا كنا بندعي إننا قاصدين بيتك الكريم ويارب ما تردناش صفرا اليدين .. وأدعية على هذا المنوال كثير جدا ..

بس برغم ده كله أول ما وصلنا الحرم (الساعة 5.5 الفجر) وشوفت منظر الكعبة نسيت كل اللي حصل ده كله وكإنه ما حصلش واتنقلت لعالم تاني غير العالم وغير الناس وحسيت إني أول مرة اشوف بشر حولي وإن دول مش بشر دول ملايكة لدرجة من شدة الروعة ما كنتش قادر إني أقف على رجلي واستغرقت في بكاء هستيري والإحساس اللي حسيته مش حتقدر الكلمات توصفه ..ودي كانت رحلة الوصول .. رحلة الحج نفسها بئا عايزالها كثير علشان اقعد احكيه والمواقف اللي قابلتنا بعد كده والصعوبات التانية اللي واجهناها والمتعة والفرح بالإضافة إلى رحلة العودة .. دي لوحدها عايزالها موضوع كامل ...

استكمال لكلام حضرتك تسمحلى اضيف

تقبل الله منا ومنكم حج العام الماضى واللهم ارزقنا واياك حج هذا العام ان شاء الله

بس عايز اعرف اانت فى رحلة المشقة رحلة الطريق الى بيت الله قبل التفتيش معدتش على مزرعة وكان فيها :blush2:

كلاب حراسة تعمل ايه بقى وانت بالاحرام وطبعا نفس المشقة الى حضرتك وصفتها انا كنت حاسس بيها طبعا ولما اتفاجئت بالى بيحصل معانا من السعوديين الى بيهربونا احنا كنا بنخاف من الخوف الى كانو هما فيه وسبحان الله وكان بقى سعتك لما الله يغفرلهم لما يشوف اى بنى ادم قدامه فى وسط الجبال بضرب خمسايه بالجمس ويقول يا فكيك اجرى يا عم دول ( المجاهدين ) وتشوفه من الرعب الى هما فيه احنا كنا عاملين ايه بس برضه جالنا الجراءة نقول ان احنا برضه مبنهربش مخدرات ولا بنعصى ربنا والى كان يوقفنا احنا الى مهربنا سعوديين وطبعا هما عباد الريال وكنا بندعى ان البهدله ديه ان ربنا يجعاهلنا خالصة لوجههى الكريم وان يعوض عنا رحلة العذاب ومشقة الخوف بطعم الحج ونعمة الله علينا بالحج يـــــــــــــــــا اللــــــــــــــــــه

سبحان الله انا عاوز اقول ان الرحلة دى لازم يكون فيها مشقة على اى وجه لكافة انواع البشر الحجيج بمعنى الحكمة فى :

ان المقيم عشان بيستفاد بالحج ببلاش وفيه ناس مش طايلة الحج ولا تسقط الفريضة عنها ربنا لازم يوريه طعم المشقة والتعب والارهاق والخوف وهو ابتلاء من الله لكى يصبر عليه وينال الحج

اما الحاج الى بيدفع فلوس من بلده شوفو بقى الحج فى مصر بقى عامل الزاى دلوقتى وسعره كام هو بيكون له تاشيرة وتصريح وكل انواع الرفاهية والحج السياحى ابو 80 الف جنيه وكان الله برضه بكل رفاهيه حجاجه لازم يشوفو معاناه فى الزحام اذا كان فى المناسك او فى الحرم وكان الله لازم يبتلى كل واحد وكل على حجم ابتلاء بقربه من الله ويرزقه وربنا يتقبل الحج منا ومنكم ان شاء الله

عذرا على الاطالة مع اننا خرجنا عن الموضوع السؤال بس لو حضرتك معملتش تصريح الحج فاكييد اكيد ان شاء الله ربنا يكرمك

وهتعدى من الفيلم الى احنا وصفناه ده على فكره انا كان معايا السنة الى فاتت حريم كانت جاية مع ازواجهم من مصر بتاشيرات زيارة تجارية وخدمة حجاج ومكانش معاهم تصاريح ولا حاجة وكنت جاى من المدينة كل ما عليك ان تكثر من الدعاء بان يرزقكم الحج ان شاء الله يعديها السنة دى على خير وربنا يتقبل ان شاء الله

[alex man]

لدى سؤال هام جدا ارجو الرد عليه من زوى الخبرة

انا معى اقامة و من سكان الرياض و اريد ان اقوم بعمل فيزة زيارة لأمى قبل الحج لكى احججها هذا العام ان شاء الله

السؤال الأول: هل لو بدأت فى عمل فيزة الزيارة هذة الأيام لأمى هل سيتم المواقة عليها ام لا ؟ و ما هى الأوراق التى سوف اقوم بتقديمها الى الجوازات لعمل فيزا الزيارة لأمى ؟

السؤال الثانى: كيف سوف تدخل امى الى اداء مناسك الحج بدون تصريح ؟ عن طريق حملة ام ماذا ؟ و هل ممكن يرجعوها بسبب عدم و جود تصريح معها و هى قاربت على الستين ؟ علما بأنى سوف اكون مرافق لها و معى تصريح ؟

السؤال الثالث : هل تطعيم انفلونزا الخنازير سوف يكون إلزامى مثل مصر حتى احصل على تصريح للحج هذ العام لأنى لن اخذ هذا التطعيم ابداً حتى ولو إدّولى سيارة هدية عشان اخده :rolleyes: !!!

الى المصرى المغترب

انا النهاردة كنت فى وازرة الداخلية القديمة الزيارة مفتوحة الى الام والحماة اذاكانت مهنتك محاسب او مندوب وبالنسبة الى الاب لا ام اذا كنت دكتور او مهندس فلا مانع الى الوالد واجراءات الزيارة سهلة

1- الاستمارة الزيارة مختومة ومصدقة من الغرفة التجارية

2-خطاب التعهد والتعريف من العمل مختوم ومصدق من الغرفة التجارية

3- صورة من اقامة وجواز سفرك+صورة من اقامة الزوجة

4- صورة من جواز سفر الام+مايثبت انها امك مثل قسيمة الزواجاو شهادة ميلادك

جزاكم الله خيرا على ردك الذى اثلج صدرى كثيرا

هل اعطوك الورقة الصفراء و انت واقف فى نفس اليوم ام قالوا لك سننظر فى طلبك و تابع الموقع الإليكترونى؟

انا مهنتى مبرمج حاسب الى , معنى كلامك انى ممكن ان اقوم بعمل فيزا الزيارة لأمى فى هذا التوقيت بدون مشاكل.

بالنسبة لخطاب التعهد ما هو ؟ من اين احصل عليه ؟ و لماذا يحتاجوا صورة الإقامة الخاصة بالزوجة

و شكرا جزيلا لك على سرعة ردك

اولا انا لم يتم على موافقة لاننى كنت احضر الوالد

ثانيا ان بتاخد الموافقة فى حال وترسل الى الخارجية

بالنسبة الى خطاب التعهد من الكفيل ممكن تتصل بى وارسل الصغية 0542093500

بالنسبة الى صورة اقامة الزوجة لكى يتاكد من انك هنا عائلة وشكرا

[مصر فى قلبى]

الف شكر يا جماعة .والله بحبكم جميعا

[doha]

وده خبر طازه عن اقل اسعار الحملات لهذه السنة وهتتراوح باذن الله مابين 2000 الى 4000 للحاج عن طريق البر ..

ذكرت أنباء أن وزارة الحج تهدف إلى تقليص خدمات مخيمات VIP بعد أن أعلنت أمس بدء تنفيذ برنامج «حج منخفض التكلفة» في حج العام الجاري 1430هـ، إذ ستتراوح أسعار مخيمات حجاج الداخل من 1900 إلى 3900 ريال، فيما ستحفز الوزارة الشركات برفع حصصها من حجاج الداخل من 70 إلى 80 % . وأوضحت المصادر ذاتها، أن الحد من هذه المخيمات سيزيد الطاقة الاستيعابية لخدمات حجاج الداخل والحد من أسعار الحملات التي وصل بعضها إلى نحو 45 ألف ريال. وبينت أن وزارة الحج ألزمت المشتركين في البرنامج بتوفير سكن في منى يتضمن خياما مطورة تخصص على مساحة 1.6 متر مربع للحاج الواحد مع فرش الخيمة بالزل، وتخصيص مرتبة إسفنج ومخدة وبطانية لكل حاج، فيما توفر في مشعر عرفات خيام عادية مكيفة بمكيف صحراوي على المساحة ذاتها. وأفادت المصادر، أن الشركات ملزمة أيضا بتوفير سكن في مزدلفة مفروش بزل لحجاج الحافلة الواحدة، وتوفير مياه صحية كافية لكل حافلة مع وجبة جافة خاصة، أما بالنسبة للنقل فيكون في حافلات مكيفة ونظيفة مطابقة للمواصفات المعتمدة شاملة رحلة الحج من مدينة الحاج إلى المشاعر المقدسة والعودة، إذ لا يشمل ذلك النقل الجوي.

وحول الإعاشة ذكرت المصادر، تقدم في منى وجبة فطور مكونة من فول وبيض، والغداء أرز باللحم أو الدجاج أما العشاء فتقدم فيه إيدامات وفول وبيض مع توفير مياه ومشروبات ساخنة وباردة تقدم في جميع الوجبات، في حين تقدم في عرفات وجبتا فطور وغداء من المكونات ذاتها.

وأكدت المصادر ذاتها، أن البرنامج الجديد سيسهم في تنافس الشركات لتقديم خدماتها من أجل الحصول على المميزات، منها: رفع زيادة عدد الحجاج المرخص لهم عشرة في المائة عند تجديد الترخيص في حال تقديم الخدمة لمدة ثلاث سنوات دون وقوع المرخص له بالخدمة في مخالفات تشغيلية تمس الحجاج، ومنح الشركات أولوية تثبيت المواقع في منى للمشتركين في البرنامج في حال عدم ارتكاب المرخص له بالخدمة لأي مخالفة في الموسم السابق من البرنامج.

وتشمل المزايا، سماح وزارة الحج للمشترك باستئجار حافلات نقل للحجاج من الخارج بنسبة 90 في المائة كحد أقصى وقبول سداد كامل أجرة المخيم المخصص للمشترك على شكل ضمان بنكي يتم السداد قبل انتهاء مدة الضمان في موعد نهايته 15/12 هجري من كل عام، وفي حالة تأخر المشترك عن الموعد فيتم تسييل الضمان وسداد القيمة المستحقة.

وأفادت المصادر، أن الوزارة سترشح المشاركين في البرنامج في كل عام للحصول على الجائزة التقديرية المرصودة من وزير الحج لكل من اشترك في البرنامج ولم تصدر بحقه عقوبة بسبب تقصيره في خدمة الحجاج.

ولفتت إلى أن العدد المستهدف للمشاركين في البرنامج محدود، وسيكون القبول من خلال تعبئة الاستمارة الخاصة بطلب الاشتراك لدى الإدارة العامة لخدمات حجاج الداخل في الوزارة في موعد سيحدد لاحقا.

طبعا ده للي هيروح بالطرق الرسمية بتصريح وحملة وكله بس مش عارفه بقى التصرف ازاي بالطرق التانية للي معهوش تصريح او معاه سيدات فحركته بتبقى صعبه شويه ..

على كل حال بنصح اي حد ناوي يحج انه يستخير ويسال ربنا اسهل الطرق وايسرها واقلها تكلفة وباذن الله ربنا هيستجيب له وييسرهاله من حيث لا يدري ولا يحتسب ..