الأنظمة و الأسعار الجديدة لشبكات المحمول

[ornatepeacock]

فى موبينيل:نظام خط الكل اتلغى التحويل ليه وبقى موجود للخطوط الجديدة فقط

واللى على نظام خط الكل دلوقتى كان المفروض يتحاسب ب15قرش لاى محمول او ارضى فى رمضان وبعد رمضان بناء على قرار خدته موبينيل

لكن دلوقتى ب19قرش بقرار الجهاز

كمان اتوقف التحويل لموبينيل احلى كلام

وكمان اتلغى المحاسبة كل نص دقيقة يعنى الدقيقة لموبينيل ب15قرش ولاى محمول تانى ب30قرش

آلو بلديات اتلغى التحويل ليه وللعملاء الحاليين بقى بنفس اسعار احلى كلام خارج القاهرة الكبرى والاسكندرية

وداخلهم ب25قرش الدقيقة لموبينيل وب45قرش لاى محمول تانى

خدمة احسن ناس(10قروش لاحلى كلام وبلديات) و(ب15قرش لباقى انظمة آلو)

بقى الاشتراك الشهرى ليها ب2جنيه بدل من قرش واحد

فى فودافون:اتلغى التحويل لنظام احلى كلام وكمان اتلغى التحويل لنظام ال19قرش

فى إتصالات:اتلغى نظام سوبر رصيد وكمان اتلغى التحويل لنظام ال19قرش

كل ده بتوجهات الجهاز القومى لتنظيم الاتصالات

وهانرجع تانى للدقيقة ب20قرش للشبكة اللى الواحد فيها وب40قرش لاى شبكة تانية وب50قرش للخط الارضى

ماعدا اللى حظه حلو اللى قدر يحول لاى من الانظمة اللى اتلغت...أو اللى اشترى خط جديد على نظام 19قرش فى كل الشبكات

ومين عارف بكره يلغوا النظام ده كمان.

دلوقتي مفهوم انه ممكن يوقفوا انضمام مشتركين جدد لاحد الانظمة

لكن ازاي يلغوا نظام كان موجود فعلا و في ناس شغاله عالية

يعني نظام سوبر رصيد على اتصالات كان بيدي رصيد زياده على كروت الشحن

اتلغى تماما و ده كان نظام مش عرض

و اتحول المشتركين فيه لنظام اهلا ( ده غير أهلا كل الناس )

و سعر الدقيقة فيه ضعف السعر في النظام اللي اتلغى

يعني لو حولوهم اهلا كل الناس كانت بقت معقوله شويه

[aboueyad alex]

الأخ الكريم من بعد ما نزل التقرير الدولى الخاص بالمكالمات وحصلت مصر على مركز متقدم فى غلاء أسعار المكالمات من التليفون الثابت متقدمة على أمريكا و بريطانيا و إسرائيل

وجدوا أن شركات المحمول تؤثر بالسلب على أرباح الشركة المصرية للإتصالات

وكمان الشركات دى كانت بتحرق أسعار لبعض فقالوا يحكموها شوية

قرارات بدون إخطار عملاء معتمدين على مادة فى التعاقد مع العميل تنص على أن الشركة يمكنها تغيير سياستها دون إخطار العميل

زى ما رفعوا سعر الرسائل الولية من 1/9/2009 بدون إخطار العملاء

[فــيــروز]

زى ما رفعوا سعر الرسائل الولية من 1/9/2009 بدون إخطار العملاء

أنا لسّه من عشر دقائق واصله لى رساله من اتصالات بتقول سعر الرساله الدوليه الآن ب 80 قرش !! فلقيت نفسى مش فاهمه هى الرساله كمان بقى فيها دوليه و ده مش وليه !! :unsure: إيه القرف ده !! عاوزن نعمل يوم لمقاطعة التليفونات بكافّة أشكالها و أنواعها الناس دى مش مكفّيها المكاسب المهوله اللىّ حققتها من مصّ دمّنا و لسّه عاوزين يكسبوا رغم الازمات الماليه و الاقتصاديه العالميه !!

[aboueyad alex]

طيب يا بخت حضرتك وصلتك رسالة بعد التطبيق ب 30 يوم أنا عرفتها بالصدفة ولسه الرسالة مجتليش

عادى إحنا فى زمن الوحوش فعلا

[ornatepeacock]

فى إتصالات:اتلغى نظام سوبر رصيد وكمان اتلغى التحويل لنظام ال19قرش

دلوقتي مفهوم انه ممكن يوقفوا انضمام مشتركين جدد لاحد الانظمة

لكن ازاي يلغوا نظام كان موجود فعلا و في ناس شغاله عالية

يعني نظام سوبر رصيد على اتصالات كان بيدي رصيد زياده على كروت الشحن

اتلغى تماما و ده كان نظام مش عرض

و اتحول المشتركين فيه لنظام اهلا ( ده غير أهلا كل الناس )

و سعر الدقيقة فيه ضعف السعر في النظام اللي اتلغى

يعني لو حولوهم اهلا كل الناس كانت بقت معقوله شويه

توضيح :

يبدوا ان اللي اتلغى هو انضمام عملاء جدد لنظام سوبر رصيد لكن النظام نفسه لسه موجود

[elneshawy]

السلام عليكم ورحمة الله و بركاته

موجود فالسعودية عروض للتليفونات احسن و اقوى كتييير من مصر و لا حكومة قالت بتعملوا ايه و لا جهاز لاغى نظام و لا اى حاجة

و برده الشركات بتنافس على تقديم العروض

[ذهبية]

هى كل الانظمة فى مصر هات بس مفيش خد

لو فية حد رخص او راعى جيوب الفقراء بيدمروة و يقولوا نحافظ على اقتصادنا الله يخرب بيتهم كلهم بالذات المصرية للاتصالات والتليفون الارضى

انا لسة سامعة من شوية ان الحساب هيكون بالشهر مش كل تلات اشهر فىالتليفون الارضى

[أحمد سيف]

دقيقة المحمول وصلت لخمس قروش في رمضان اللي فات يعني أقل من سنت واحد ... على حد علمي إنك تمسك المحمول تتكلم فيه ساعتين بالطول والعرض وفي النهاية تدفع دولار تقريبا غير ممكن في أي دولة ثانية ... واللي يعرفها يقولي عليها.... الظاهر الناس نسيت ايام لما كانت دقيقة المحمول باثنين جنيه إلا ربع

[فــيــروز]

دقيقة المحمول وصلت لخمس قروش في رمضان اللي فات يعني أقل من سنت واحد ... على حد علمي إنك تمسك المحمول تتكلم فيه ساعتين بالطول والعرض وفي النهاية تدفع دولار تقريبا غير ممكن في أي دولة ثانية ... واللي يعرفها يقولي عليها.... الظاهر الناس نسيت ايام لما كانت دقيقة المحمول باثنين جنيه إلا ربع

حضرتك ده كان بدءا من عدد دقائق معيّن و ليس من أوّل دقيقه ..

لكن لو مبدأ مقارنة أسعار المحمول فى "مصر" مع الدول التانيه وارد طيب ممكن نعرف فى باقى دول العالم التى يقترب فيها متوسط الدخل من متوسط الدخل فى "مصر" متوسط سعر الدقيقه كام !! و أسعار المكالمات فى التليفون الأرضى كام ..

[فــيــروز]

الظاهر الناس نسيت ايام لما كانت دقيقة المحمول باثنين جنيه إلا ربع

و دى نقطه جديره بالاهتمام و الانتباه .. و بتقول أن هذه الأسعار كان مبالغ فيها بشكل جنونى بدليل نزول السعر عن هذا الرقم بشكل كبير جدّا مع استمرار الشركات فى تحقيق أرباح .. و بتقول أن الدوله لم تطبق أى سياسه أو آليه تحمى المستهلكين من الاحتكار و تحكّم الشركتين فى السعر .. الطريف أن شركة المصريه للاتصالات التى تضرّرت من حرق الأسعار خلال رمضان -ده لو كان حرق أسعار فعلا لأنّنا لا نعرف فى الحقيقه تكلفة الدقيقه سواء أرضى أو محمول كام- قامت بنفس الشئ مؤخّرا و جعلت دقيقة المحافظات ب 3 قروش فقط بينما دقيقة المحلّى العاديه ب 8 قروش .. طيب لماذا تحظى هذه الشركه بدعم الدوله و رعايتها لسياسة حرق الأسعار دى !! و إذا كان الموقف حاليا لا يعبر عن حرق أسعار فده معناه أن الأسعار السابقه كان مبالغ فيها جدّا و رغم هذا لم تتدخّل الدوله ضد احتكار المصريه للاتصالات الخدمه .. دول بيتباهوا عينى عينك بامتلاكهم لحصّه تتجاوز ال 70 بالمئه من خدمة الإنترنت فى "مصر" من غير ما حد يرى فى الأمر شبهة احتكار !!

[أحمد سيف]

الفاضلة فيروز ...

فيه حاجه اسمها اقتصاديات الحجم ... عندما تبنى شبكة كاملة لخدمة مئة ألف مشترك فإن التكلفة يتحملها هؤلاء المشتركون فتكون كلفة الدقيقة مرتفعة ... ولكن حين يزيد عدد المشاركين الى عشرة ملايين مع زيادة ضعف أو ضعفين في حجم التغطية فإن التكلفة التي يتحملها المشارك تكون أقل بكثير ويمكن للشركة خفض الأسعار بالشكل الذي رأيناه ... الموضوع ليس فيه مؤامرة على الفقراء بل هي ظاهرة اقتصادية طبيعية وحدثت في كل دول العالم.

تحرير قطاع الاتصالات المصري هو أفضل مثال لنجاح آليات السوق والمنافسة في تحسين مستوى الخدمة وتخفيض الأسعار ... طبعا لا شئ يتم بشكل مثالي ودون أخطاء ولكن حين ننظر اليوم الى ما تحقق خلال عشر سنوات يمكننا فعلا أن نقدر التطور الذي حدث ... منذ أقل من عقدين كان المواطن يقدم على خط تليفون أرضي ويضطر للانتظار عدة سنوات حتى يحين عليه الدور لتركيبه ... الآن معظم المصريين يحملون في جيبهم محمول وأحيانا أكثر ولا يكفون عن التحدث فيه طول النهار وفي الآخر يدفعوا ملاليم مقارنة بما يدفعه الناس في معظم دول العالم.

[فــيــروز]

الفاضلة فيروز ...

فيه حاجه اسمها اقتصاديات الحجم ... عندما تبنى شبكة كاملة لخدمة مئة ألف مشترك فإن التكلفة يتحملها هؤلاء المشتركون فتكون كلفة الدقيقة مرتفعة ... ولكن حين يزيد عدد المشاركين الى عشرة ملايين مع زيادة ضعف أو ضعفين في حجم التغطية فإن التكلفة التي يتحملها المشارك تكون أقل بكثير ويمكن للشركة خفض الأسعار بالشكل الذي رأيناه ... الموضوع ليس فيه مؤامرة على الفقراء بل هي ظاهرة اقتصادية طبيعية وحدثت في كل دول العالم.

تحرير قطاع الاتصالات المصري هو أفضل مثال لنجاح آليات السوق والمنافسة في تحسين مستوى الخدمة وتخفيض الأسعار ... طبعا لا شئ يتم بشكل مثالي ودون أخطاء ولكن حين ننظر اليوم الى ما تحقق خلال عشر سنوات يمكننا فعلا أن نقدر التطور الذي حدث ... منذ أقل من عقدين كان المواطن يقدم على خط تليفون أرضي ويضطر للانتظار عدة سنوات حتى يحين عليه الدور لتركيبه ... الآن معظم المصريين يحملون في جيبهم محمول وأحيانا أكثر ولا يكفون عن التحدث فيه طول النهار وفي الآخر يدفعوا ملاليم مقارنة بما يدفعه الناس في معظم دول العالم.

يعنى حضرتك عاوز تقول أنّه فى كل دول العالم التى تطبّق آليات الأسواق المفتوحه يحدث فى مجال الاتصالات ما حدث فى "مصر" فتبدأ دقيقة المحمول بسعر 175 قرش ثمّ تنخفض بالتدريج حتى تصبح 40 قرش؟ ده سؤال و ليس استنكار أو استغراب .. ده اللىّ بيحصل فى كل دول العالم !!

أنا بصراحه كنت أتمنّى أن يفيدنا الأعضاء المقيمون خارج "مصر" بأى أرقام تتعلّق بخدمات الاتصالات خارج "مصر" سواء للخدمه الأرضيه أو التليفون المحمول و تدرُجها صعودا و هبوطا و تبقى معلومه بردو تنفعنا و تعرّفنا إحنا فين

[ornatepeacock]

فودافون رجعت عرض 19 قرش لكل الشبكات تاني ، وده نظام اسمه كل المصريين

مع نظام "كل المصريين"

كلم أي حد في مصر بـأرخص سعر للدقيقة مع أقوى شبكة في مصر و العالم

أسعار المكالمات والرسائل

سعر الدقيقة لأي شبكة أو خط أرضي 19قرش

سعر الرسالة لأي شبكة 30 قرش

والآن يمكنك الانتقال إلى نظام "كل المصريين"! للتحويل اتصل الآن بـ880 بـ99قرش

*لكل عملاء فودافون ايزي، للاشتراك في سعر الدقيقة 19 قرش كلم *1919# ب99 قرش مع العلم بأن باشتراكك في هذا النظام سيتم إلغاء اشتراكك في عرض ال10 قروش من تاني دقيقة