بلدنا ... عيشها عادم...؟

[الباشمهندس ياسر]

الكلام ده كنت عايز اكتبه فى موضوع "بعد ثلاث سنوات فى الغربة، وداعا يا سعودية..... وهذه هى مشاهداتى !"

لكن لقيت انى هكون سبب فى تغيير مسار الموضوع اكتر ما المسار اتغير اصلا

**********************************************************

هى بلدنا خلاص بقى عيشها عادم و نيلها مر

مبقاش فى حاجة بتتمر ف حد ابدا

بقينا كلنا بنجرى و عايزين نلحق الطيارة عشان نهرب قبل ما البلد تغرق

طب مين اللى هيعدل المايلة و يظبط الامور و يقف وقفة رجالة و لا هى الرجالة ماتت و ارتاحت من بدرى

خلاص

مبقاش عندنا حد بيفكر كده

كلنا بقينا نقول يلا نفسى و يارب اللى بعد منى يموتوا جوعا او حرقا او شنقا او غرقا او اى نازلة من السماء تاخدهم و خلاص

طب نبعت نستورد شعب من بره عشان يشتغل ؟

ولا نبعت نجيب الانجليز تانى عشان الامور تتعدل و ترجع بلد محترمة ؟

ولا نبيعها ....؟

اه بتكلم جد

تعالوا نبيعها ف المزاد العلنى و متقلقوش ... اليهود هيدفعوا فلوس كويسة وزى الفل

مش قصدى نبيع المصانع و القطاع العام و الليلة دى

لأ .. قصدى نبيع البلد كلها باللى فيها و نوزع الشعب على دول العالم

زى موضوع الفلسطينين كده

ايه رأيكم.....؟

ياريت

ياريت اخوانا اللى ربنا كرمهم و هاجروا خلاص ..(ربنا يباركلهم ).. او ماشيين ف اجراءات الهجرة ..( ربنا يوفقكم ) ... او اخوانا اللى استقروا ف الخليج مثلا

يا ريت يا جماعة الخير متزودوش الطين مبلة على الناس اللى اختارت انها تقعد و تتعب و تشتغل و تزرع زرعه هى مش هتشوفها اصلا و لا هتدوق خيرها خالص

ياريت متدوروش على اسباب تثبتوا بيها لانفسكم انكم صح و قراركم صح عشان تموتوا بيها بصيص النور اللى جوه قلوبكم و رافض القرار

ياريت تخلوا البلد .. اللى ما تتسماش .. على راى بعض الناس ... ف حالها

و تسيبوها لينا احنا نشبع بيها و نموت فيها و ندفن فيها و نحارب عشانها و نحارب جوعها و فقرها و عهررها و زحمتها و فسادها

اعتقد ان ده مش هيبقى طلب صعب خالص

و اعتقد ان الهجرة مش هى الدين الجديد اللى هتتدخلوا بيه الجنة لما تشتغلوا دعاة ليه

شكرا على وقتكم

[عنبو]

انت بتفكر فى الى انا بفكر فيه ؟؟

انت عارف عملت موضوع قبل كده وكتبته فى باب الهجره الى كندا كنت بتكلم فيها عن حاجه زى كده يعنى ليه ميبقاش الهجره لاكتساب مهارات والرجوع بيها الى البلد كره تانيه ؟؟

وكنت عامل تصور

بس تقول ايه بقى الموضوع طار فى الهكرز ؟؟

ياعم ياسر انا معرفش اذا كنا بنحب مصر ولا بنحب انفسنا عاوزين وطن جاهز مش عاوزين نتعب وكل لما واحد تحصله حاجه يقولك هسيب البلد وامشى واروح لوطنى التانى ؟؟

بحجة الاخلاق وانه مش هيقدر يغير لوحده طيب لما انت تمشى وده يمشى يبقى هيتبقى مين اللى يغير ؟؟

وخصوصاً انى لاحظت الناس اللى بتاجر مؤهلات علميه عاليه يعنى فيه ماستر ودكتوراه ؟؟

طيب لما كل الناس دول يهاجروا بحثاً عن الحياه الكريمه امال مين اللى هيغير ؟؟

[Om Zayd]

الكلام ده كنت عايز اكتبه فى موضوع "بعد ثلاث سنوات فى الغربة، وداعا يا سعودية..... وهذه هى مشاهداتى !"

لكن لقيت انى هكون سبب فى تغيير مسار الموضوع اكتر ما المسار اتغير اصلا

**********************************************************

هى بلدنا خلاص بقى عيشها عادم و نيلها مر

مبقاش فى حاجة بتتمر ف حد ابدا

بقينا كلنا بنجرى و عايزين نلحق الطيارة عشان نهرب قبل ما البلد تغرق

طب مين اللى هيعدل المايلة و يظبط الامور و يقف وقفة رجالة و لا هى الرجالة ماتت و ارتاحت من بدرى

خلاص

مبقاش عندنا حد بيفكر كده

كلنا بقينا نقول يلا نفسى و يارب اللى بعد منى يموتوا جوعا او حرقا او شنقا او غرقا او اى نازلة من السماء تاخدهم و خلاص

طب نبعت نستورد شعب من بره عشان يشتغل ؟

ولا نبعت نجيب الانجليز تانى عشان الامور تتعدل و ترجع بلد محترمة ؟

ولا نبيعها ....؟

ياريت تخلوا البلد .. اللى ما تتسماش .. على راى بعض الناس ... ف حالها

و تسيبوها لينا احنا نشبع بيها و نموت فيها و ندفن فيها و نحارب عشانها و نحارب جوعها و فقرها و عهررها و زحمتها و فسادها

اعتقد ان ده مش هيبقى طلب صعب خالص

و اعتقد ان الهجرة مش هى الدين الجديد اللى هتتدخلوا بيه الجنة لما تشتغلوا دعاة ليه

شكرا على وقتكم

جزاكم الله خيرا

كما قلت من قبل ..

لماذا تهاجر؟ "التأصيل الشرعي"

لمن تترك وطنك؟

[herohero]

طيب نعمل ايه اذاكان هم مش عاوزين الناس اللي بتفكر ف البلد ياسيدي احنا كشعب بقينا سلبي تيجي تتكلم الناس تكسر مجاديفك كله بقى سلبي هتعمل ايه تموت بحسرتك ولا تهرب اه هروب بس بدل ماتموت بحسرتك لما تحس ان احلامك وكل شيئ بيموت بلدنا بنحبها بس اظاهر من طرف واحد يبقى نعمل ايه

هربنا بهجرة او سفر للخليج ومش عارفين هنفضل هاربانين لحد امتى

[الباشمهندس ياسر]

اهلا بكم جميعا اخوانى و اخواتى الكررام

وجدت موضوعا يناقش قضية الخيار بين البقاء و السفر و ما الى ذلك و قمت برفعه لاستكمال النقاش هنالك نظرا لما يحتويه من تباين ف الافكار

على هذا الرابط

http://www.egyptiantalks.org/invb/?showtop...=40#entry518431

[نورسين]

عندى سؤال غريب انا اللى غير الناس ولا اللى انا فيه ده هو الطبيعى؟ميش عارفه ليه انا كل ما اسافر برجع بلدى وكانى كنت سايبه روحى فى مدخل البلد مع ان كل سفرى بيبقى فسح وتغيير جو ميش اكتر من كده لكن برجع تانى لبلدى وانا فرحانه على عكس اختى الكبيره اللى دايما تعدد فى مزايا الدوله دى والدوله دى والعيشه هتبقى احسن هنا ولاهنا وفى الاخر سافرت وعاشت بره ومتتمناش ترجع هنا تانى لكن تخيلوا انا لما بتعب او بمرض بروح عند بيتنا القديم رغم اننا بعناه ومعدش بتاعنا عشان بس الف هناك لفه بالعربيه بلاقى نفسى خفيت على طول وبزعل قوى لما حد يقول كلمه وحشه على مصر بزعل بجد وبغير عليها لما بلاقى بلد تانيه احسن منها وبتمنى تبقى احسن بلد فى الدنيا ومعتقدشى انى ممكن اسيب بلدى وامشى ابدا ولا حتى افكر فى كده

[msayed]

ياريت اخوانا اللى ربنا كرمهم و هاجروا خلاص ..(ربنا يباركلهم ).. او ماشيين ف اجراءات الهجرة ..( ربنا يوفقكم ) ... او اخوانا اللى استقروا ف الخليج مثلا

يا ريت يا جماعة الخير متزودوش الطين مبلة على الناس اللى اختارت انها تقعد و تتعب و تشتغل و تزرع زرعه هى مش هتشوفها اصلا و لا هتدوق خيرها خالص

ياريت متدوروش على اسباب تثبتوا بيها لانفسكم انكم صح و قراركم صح عشان تموتوا بيها بصيص النور اللى جوه قلوبكم و رافض القرار

ياريت تخلوا البلد .. اللى ما تتسماش .. على راى بعض الناس ... ف حالها

و تسيبوها لينا احنا نشبع بيها و نموت فيها و ندفن فيها و نحارب عشانها و نحارب جوعها و فقرها و عهررها و زحمتها و فسادها

اعتقد ان ده مش هيبقى طلب صعب خالص

و اعتقد ان الهجرة مش هى الدين الجديد اللى هتتدخلوا بيه الجنة لما تشتغلوا دعاة ليه

شكرا على وقتكم

رؤية جميلة ومؤثرة يا باشمهندس ياسر لكن ممكن يكون فيه زاوية تانية للرؤية تخفف اللوم الكبير إللى صبيته على راس المهاجرين أو المغتربين.

ليه ما تتصورش إن المغترب أيضاً نفسيته تعبانة لأنه أجبر بطريقة أو بأخرى أن يضحى بحياته كلها ليوفر لأولاده حياة آدمية.

يفارق كل شيء جميل فى بلده، بفارق أهله وأصدقاؤه وزملاء عمله وبلده وعاداته ليعيش فى سجن الغربة من عادات المختلفة وطباع مختلفة وعلاقات إنسانية مختلفة وبالتالى فهو يشعر بشيء من النقمة على من تسبب فى ذلك.

يرى أولاده أمامه يكبرون بعيد عن أهلهم ولكن أمامه هدف يود تحقيقه لهم ليقولوا بعد مماته أن أباهم وهب لهم حياته ليعيشوا عيشة طيبة.

فأنا أرى من المغتربين من فعل كل ما هو وارد فى الكتالوج ليعيش حياة كريمة، حصل على أعلى الشهادات، تخصص تخصصات نادرة، حصل على خبرة لابأس بها فى تخصصه، ولازال يرى الوصولى يأخذ بكل سهولة مكانه ويدوس عليه، ويرى ممتلكاته وممتلكات أولاده تهدر وتنهب.

والكلام كثير لكن عاوز أقوم أنام لأنى خلصت شغل دلوقت وعاوز أنام ساعتين علشان أروح الشغل الصبح.

تصبحوا على خير.

[ابو محمود]

عزيزى الباشمهندس

لازلت عند رآي اننا نقبع تحت وطئة احتلال ولم نحرر بعد .. تركنا محتل مغتصب الى محتل شرس

يفقرنا ويستمد قوتة من حاشية فاسدة حولة فالجهاد لا يقع الا بعد معرفة الرد على تسائلك

الحقيقة نحن نحتاج الى جهاد النفس كى يهبنا الله رحمتة بأن نختار من يحكمنا كما بقية خلق الله

وعندها لن تجد منا خارج او هارب او شارد الا للسياحة والترفية وعندها

سنرتاح جميعآ ان ما ينقصنا هو التفكير فيما نحن فية وفى اثناء الجهاد هل نخسر اكثر من خسارتنا الان ؟