هل كانت نادية لطفي جاسوسة لاسرائيل

[الحازم حسن]

من حوالي أكثر 10 سنين أعلن ضابط في الموساد الاسرائيلي بعد تقاعده (على ما يبدو) انه كان مسئول عن ملف مصر في الموساد وتجنيد الجواسيس المصريين لحساب اسرائيل وانه من ضمن العناصر اللي نجح في تجنيدها كانت الممثلة نادية لطفي وقتها قامت الدنيا ولم تقعد ونقابة الممثلين تضامنوا معاها بحجة ان الموساد عايز يخلق حالة من الشحن والقلق عند المصريين ويخليهم خايفيين من بعض وانتهى الموضوع عند الحد ده

امبارح وبالصدفة البحتة رغم اني مش من مشاهدي دريم لكن حبيت اتابع برنامج نادي السينما وبالتحديد 4 افلام وثائقية كان اهمها صائد الدبابات وجيوش الشمس

في فيلم جيوش الشمس ظهرت نادية لطفي في أكتر من مشهد مع المصابين في الحرب .. استوقفني جداً مظهرها في الفيلم كانت دايماً بتدخن والضحكة مصطنعة ونظراتها للأرض زي ما تكون بتقوم برد فعل طبيعي نابع من خوفها ومحاولة لدرء التهمة عن نفسها

انا لا اتهمها بشيء لكن لماذا لم يتم فتح تحقيق في هذا الموضوع ؟

[التونسى]

طيب برده نعرفها هى مين الاول.. ونبذه عنها.. وبعدين ممكن بقى ننبش... ونطلق العنان للخيال ...يجنح ويجمح كما يشاء

انت اثرت بموضوعك خلايا الفضول الكامنة باعماقى ورحت على اطول ابحث عن اى شئ يلمح لاى شك حول كونها جاسوسه .. ووجدت تلك المعلومات عنها والتى فى رايى قد تحمل عدم صحة الاتهام .. وقد تثبته

من موقع ويكبيديا

نادية لطفي (من مواليد 3 يناير 1937-), ممثلة سينمائية مصرية و نجمة شباك أواخر الخمسينيات و الستينيات فيما عرف "بالعصر الذهبي للسينما المصرية". ولدت بولا محمد لطفي شفيق في حي عابدين بالقاهرة,[2] حصلت نادية علي دبلوم المدرسة الألمانية بمصر العام 1955.[3]

اكتشفها المخرج رمسيس نجيب و هو من قدمها للسينما و هو من إختار لها الاسم الفني " نادية لطفي" إقتباسا من شخصية فاتن حمامة " نادية " في فيلم لا أنام للكاتب إحسان عبد القدوس.[4]

قدمت عملا تليفزيونيا واحدا و هو "ناس ولاد ناس" و عملا مسرحيا واحدا و هو "بمبة كشر".

تزوجت ثلاث مرات وكانت أول زيجة قبل بلوغها العشرين من عمرها من ابن الجيران الضابط البحري "عادل البشاري" ووالد ابنها الوحيد أحمد الذي تخرج من كلية التجارة ويعمل في مجال البنوك، أما الزواج الثاني من المهندس "إبراهيم صادق شقيق" د. حاتم صادق زوج السيدة منى ابنة الرئيس الراحل جمال عبد الناصر وكان هذا في أوائل السبعينات ويعتبر أطول زواج وكان الزوج الثالث في حياتها رغم قصر مدة زواجهما هو شيخ مصوري مؤسسة دار الهلال الصحافية "محمد صبري".

[محمد افندى]

عمل المخابرات عموما غايةفى السرية والتعقيد

الله اعلم هل الموضوع حقيقى ام لا ؟

بس لية لأ يمكن

اكيد فى مسئولين فى جهار المخابرات العامة المصرية عن امور زى دى من الحاجات اللى بتتناولها الصحافة المصرية والعربية والعالمية عن امور زى دى وبيبدأو يعملو تحرياتهم عن الموضوع ومش شرط انهم يذيعو حاجة

[se_ Elsyed]

.. استوقفني جداً مظهرها في الفيلم كانت دايماً بتدخن والضحكة مصطنعة ونظراتها للأرض زي ما تكون بتقوم برد فعل طبيعي نابع من خوفها ومحاولة لدرء التهمة عن نفسها

المخابرات مش بتلعب يا ريس ... ولما يكون مين .. بينبشوا في تاريخه وبيجيبوه

بالنسبة للصور اللي إنتي شوفتها فهي للممثلين اللي كانوا بيتطوعوا في اعمال خيرية للمجهود الحربي وبيزوروا المصابين وبيزوروا كمان مواقع القتال للترفيه عن الجنود

[الحازم حسن]

اكيد فى مسئولين فى جهار المخابرات العامة المصرية عن امور زى دى من الحاجات اللى بتتناولها الصحافة المصرية والعربية والعالمية عن امور زى دى وبيبدأو يعملو تحرياتهم عن الموضوع ومش شرط انهم يذيعو حاجة

اعتقد لو كانت بريئة فمن المفروض يعلنوا المسئولين برائتها مش موضوع زي ده حساس كده يتساب عايم من غير اي يقين

[الحازم حسن]

.. استوقفني جداً مظهرها في الفيلم كانت دايماً بتدخن والضحكة مصطنعة ونظراتها للأرض زي ما تكون بتقوم برد فعل طبيعي نابع من خوفها ومحاولة لدرء التهمة عن نفسها

المخابرات مش بتلعب يا ريس ... ولما يكون مين .. بينبشوا في تاريخه وبيجيبوه

بالنسبة للصور اللي إنتي شوفتها فهي للممثلين اللي كانوا بيتطوعوا في اعمال خيرية للمجهود الحربي وبيزوروا المصابين وبيزوروا كمان مواقع القتال للترفيه عن الجنود

انا لا اتهمها بشيء زي قلت في الموضوع ولكن بسأل ليه مفيش تحقيق

[dawn walker]

مش اى حاجة يقولها الاسرائيليين نصدقها ...طب ما كانو بيقولوا على رأف ت الهجان عميل مزدوج

والبينة على من ادعى

[الحازم حسن]

جزيت خيرا كثيرا وأسأل الله لك التوفيييييييق

شد حيلك انا شايفك من الساعة 8 الصبح الصبح عمال تنسخ وتلزق

وان شاء الله على الساعة 10 بالليل حتوصل 5000 مشاركة

[أبو اياد المصرى]

أعتقد ان المخابرات المصرية من أنجح الأجهزة الأمنية فى مصر والعالم بمعنى انه فعلا لو فى حاجة زى كده لا أظن انها هتنساب كده والأكيد برضه انه لايمكن بأى حال من الأحوال انى أصدق الاسرائيلين اساساً

[savaryxxx]

فيلم جيوش الشمس ظهرت نادية لطفي في أكتر من مشهد مع المصابين في الحرب .. استوقفني جداً مظهرها في الفيلم كانت دايماً بتدخن والضحكة مصطنعة ونظراتها للأرض زي ما تكون بتقوم برد فعل طبيعي نابع من خوفها ومحاولة لدرء التهمة عن نفسها

حد يعرف الفيلم دا موجود على النت او لاء

[الحازم حسن]

فيلم جيوش الشمس ظهرت نادية لطفي في أكتر من مشهد مع المصابين في الحرب .. استوقفني جداً مظهرها في الفيلم كانت دايماً بتدخن والضحكة مصطنعة ونظراتها للأرض زي ما تكون بتقوم برد فعل طبيعي نابع من خوفها ومحاولة لدرء التهمة عن نفسها

حد يعرف الفيلم دا موجود على النت او لاء

على اليوتيوب اكتب جيوش الشمس