من فضلك ... بالراحه .. ممكن تعلمني البجاحه ؟

[doudy]

انا كمان يا سى السيد كنت فاكراك ما شاء الله جرىء

اصل الجراءة اليومين دول نعمة من عند ربنا

و ممكن تتحسد لو كنت جرىء

فعلا فيه ناس كتيير بتنتهز فرصة ان الواحد بيتكسف و بيتحرج

و تعمل ما بدالها

انا بصراحة كنت بتكسف و اتحرج جدا من الناس بس من جوايا كنت ببقى متضايقة

مش بحب حد يضحك عليا او يجبرنى انى اعمل حاجة غصب عنى

ما اتعرضتش للمواقف دى غير بعد ما اتخرجت من الكلية و اتجوزت و سافرت

اتعرفت على نوعية ناس غريبة مصريين برضه مش من كوكب تانى و لا حاجة

بس بجحين شوية مش جراة خالص لا بجاحة

اتعلمت شوية جراة مش مؤذية الحمد لله

اعرف اخد حقى و ما حدش يستغلنى او يستغل احراجى و كسوفى

كدة بقى الغربة تهذيب و اصلاح فعلا :rolleyes:

تم تعديل 6 أكتوبر 2009 بواسطة doudy

[Rock]

انا صدقوني يا جماعة انا كل يوم بعنف ابويا و امي و بحملهم مسئولية انهم ربوني لانة الناس محتاجة واحد سافل مابيتكسفش و لا بيحرج قليل ادب من الاخر

اسف علي اسلوبي

شكرا

[محمد عيسى]

انا بقى الموضوع ابتدا معايا بالعكس

كنت في بدايات شبابي يمكن لحد 26 او 27 سنه عيني جامده و بجح و ده على عكس تربية ابويا و كان بيتضايق مني كتير بس احيانا بحس جواه بفرحه خفيه لما احل للبيت اي مشكله بتواجههم .. المشكله بعد كده بقيت اتكسف .. مش عارف ايه اللي حصل .. اعتقد انني همدت

بس لو هنناقش الموضوع ده من ناحية تانيه تطرق اليها rock في المشاركه اللي فاتت و هي دور الاهل و خاصة ان كتير مننا يا اما اب يا اما سيصبح عن قريب اب .. كيف نعلم أبنائنا البجاحه؟ و خاصة انها من أساسيات الحياة في هذا الزمن؟

[عبير يونس]

متهيألي الواحد لما يطالب بحقه ما تبقاش اسمها بجاحة على الإطلاق

;البجاحة هي انك تاخد حاجة مش بتاعتك و بدون خشى و لاحياء و عينك قوية

أما انك تطالب بحقك أو ترفض ان حد يستغلك أو يقتحم خصوصياتك فدي اسمها حقوق آدمية و مش بجاحة ابدا

يعني بالنسبة لي جوزي من النوع اللي بيتكسف

و بيحصل معاه حاجات تشل

انا شخصيا بأتشل

و الناس بتعرف الحتة دي فيه على طول و يستغلوها أبشع استغلال

بس الحمد لله بدأ يتنطق شوية

و يقول لأ

خصوصا للناس المصلحجية اللي مبتعرفهوش الا لما يكونوا عايزين حاجة و غير كده طناش

لكنه -و طبعا بافتخر بيه-

;عمره ماقصر مع حد محتاج مساعدته فعلا

ماديا أو معنويا

بالنسبة بقى للضيف الرزل

فأنا ما ببصلهاش كده

يعني الضيف ضيف

و انا مؤمنة ان في ملائكة بتيجي مع الضيوف و بتسجل لك حسنات على حسن استقبالهم

انا بصراحة ما تعرضتش لمواقف من ناس رزلة قبل كده

يمكن لأن علاقاتي بالناس ما تسمحلهمش بالتغتيت

او يمكن باختار الناس اللي بأعرفهم

و بصراحة محدش فيهم كده

لكن يمكن تعرضت لرزالة زوجات ناس رزلين بيرزلوا على زوجي

و زوجي كان بيعرفني عليهم

بس بعد كام موقف كده

قلت له بصراحة

لو سمحت ما تعرفنيش على زوجات صحابك

همة يعني مش صحابه

بس زوجي من النوع اللي الناس كلهم عنده طيبين و ولاد حلال

و لا يفترض في أحد السوء مطلقا

سبحان الله

على قد ما انا اجتماعية جدا في محيط العائلة و الجامعة و الشغل

على قد اني قلة نادرة اللي باسمح لهم انهم يدخلوا حياتي

احب جدا العلاقات اللي ليها حدود

و اللي الناس فيها بتحافظ على مشاعر بعض و كأنهم لسه متعرفين على بعض حتى لو مرت سنين

النوعية دي باحترمهم جدا و هم اصحابي

أكتر حاجة بأكرهها

ان الواحد لما العلاقة تتوطد يبتدي يتعامل معاك على انك "مننا و علينا"

و يحطك في ذيل القائمة

ماانت مش حتزعل بقى

ده انت مننا و علينا

تلاقي نفسك معاه آخر واحد يعمل لك حساب

و يعاملك أردئ معاملة

و يتنرفز عليك

و يفضل غيرك عليك

و كل ده على اساس انك حتتحمله

ما هو من عشمه

ما هو انت بقيت منينا و علينا

هذه النوعية ينطبق عليها المثل:

" قال مال لحمتك مشغتة قال لهم أصل الجزار معرفة

النوعية دي باختصار

يتفات لها بلاد

:rolleyes:

:blush2:

تم تعديل 6 أكتوبر 2009 بواسطة مصرية متغربة

[se_ Elsyed]

الان وبعد 37 عاماً ازيح الستار عن سر كتابتي لهذا الموضوع

- الموضوع وما فيه ما اطولش عليكو - قولو طول وما تحرجونيش -

كنت الاسبوع الماضي معزوم في فرح احد ابناء علية القوم ... ما علينا

المهم ما كنتش هاروح عشان الافراح هنا اشبه بالمياتم وبنروح ناكل وبس ... لكن الميزة الوحيدة بتبقى اني بالتقي بناس اصدقاء من زمان فرقنا الزمن ويمكن بعضهم الان خارج المملكة

المهم اللي عملته حسابه حصل والفاس وقعت في الراس ولقيت ناس من أفرع الشركة خارج المملكة جايين يحضروا الفرح بس وماشيين على طول ... وما يعرفوش غيري لأننا اصدقاء اعزاء .. فلازم يروحوا وييجوا معايا في عربيتي

لحد هنا وكله بونو وما فيش مشكلة

المشكلة بقى اني عندما اقتربت من قاعة الفرح .. لقيت الخنازير بتلعب في عبي وقلت يا نهار ازرق .. ده هاتلاقي هناك امم يا معلم ... وكتير منهم جايين من بره ... مش بس كده .... ده هنا البوس في المناسبات دي بيبقى للرُكب ... وأنا اساساً لسه باتعافى من مبوسة العودة من اجازة العيد وخدودي اتاكلت وزماني كلت ييجي 5 خنازير

قلت بس ... انا استلهم روح الشهيد صدام حسين واصدر ايدي زيه وهو بيسلم عشان ما حدش يهجم ويبوسني

هأ أو أو أو

على مين يا سيد الحلوين

وكتاب الله لما الواحد يعمل أراجوز ....

البوس كان يعُم المكان ... وفي ناس ما كانتش بتبوس ... لأ .. دي كانت بتتحرش تعبيراً عن افتقادهم للواحد وانه واحشه

وحسبي الله ونعم الوكيل

روحت بقى فضلت اغسل وشي بالكلوركس والبونكس ( نضافه - ريحه - توفير ) وقلت لمراتي هاتي ليفة سلك المواعين أما اشيل الطبقة الخارجية لخدودي عشان لو فيها خنازير متشعلقه ولا حاجه

تخيلوا لو الواحد عنده شوية بجاحه ... ما كانش قال لهم : مش عايز بوس يا حَوش

المفاجآه بقى : ثلاثة ارباع اللي كانوا حاضرين كانوا اطباء ... لوووووووووووولي .. لان العريس دكتور وعائلته معظمهم أطباء ... لكن والله ما بتفرق معانا .... هاتتباس يعني هاتتباس يا عباس

[الدكتورة أم أحمد]

البجاحه مش قلة الأدب والعياذ بالله

لكن البجاحه يعني الجرأة في بعض المواقف

على سبيل المثال لا الحصر .... لما يكون لك فلوس عند حد وواخد موعد للسداد ... ويعدي الموعد وصاحبنا مطنش ... ومتقل ودانه وما فيش إعتذار حتى ... ليه الواحد اللي هو الدائن ... اللي هو صاحب الحق هو اللي بيبقى ملبوخ ومكسوف ومش عارف يبدأ منين أو يقول إيه وكأن هو اللي بينطبق عليه المقولة " الَدين هم بالليل ومذلة بالنهار " يعني كإنه هو اللي مديون ...

نفسي أبقى بجح وأتعلم حتة الجأة في موقف زي ده ؟

-------------------

موقف تاني ... ليه الواحد ما بيعرفش يحرج الضيف التقيل .... يعني ضيف يطب عليك من غير ميعاد .. وده موضوع بيضايقني جداً ... نقول خلاص أهو جه يا ولاد وخلاص ... طب ليه الواحد ما بتجلوش الجرآة إنه يصرفه بسلام وولا يأذينا ولا نأذيه ؟

----------------

ومواقف تانيه كتيره هابقى أحكي عليها

نلتقي بعد الفاصل

قال صلى الله عليه وسلم :

(الحياء لا يأتي إلابخير)وفي روايه(الحياء خير كله)

وفي الطبراني قيل للرسول صلى الله عليه وسلم ا لحياء من الدين فقال:

بل هو الدين كله

ويوجد خلق يظنه الناس من الحياء وهو ليس من الحياء في شيء بل هو ضده أو قل حياء غير شرعي

نوضح الأمر بمثال:

لو أن مسلما ذهب ليتعلم القراءه الصحيحه للقراءن فوجد في حلقة الدرس من هو اصغر منه سنا وأقل في المستوى الأجتماعي أو الوظيفي ولكن يجيد القراءه ويحفظ القرءان كله فيمتنع عن الدرس فإذا سئل لماذا قال استحييت لأنهم أصغر مني ويقرؤن أفضل مني فهذا ليس من الحياء انه الخجل بعينه.

مثال ءاخر اخت رأت سيده أكبر منها سنا تفعل معصيه مثل الغيبه ولا تنصحها بحجة الحياء وهذا ليس حياء أيضا إنه الخجل بعينه .

ومثلهما من لا يطلب حقه خجلا وغيره مما ذكره أخونا س س

مثال للحياء.

شاب ماشي في الشارع فوقعت عينه على متبرجات فغض بصره حياءا نعم هذا من حياء.

ومثال ءاخرموظف يرفض الرشوه والسرقه حياءا نعم هذا من الحياء.

يعني ببساطه شديده الحياء يمنع من الوقوع في المعاصي أما الخجل فيمنع من عمل الطاعات

ليتنا نتمسك بطلب حقوقنا صغيره كانت أو كبيرة ونعود أبنائنا على ذلك فقد يكون هذا هو الطريق الأمثل لسترداد حقوقنا المسلوبة سواء ممن يحكومنا أو من يسلبون أرضنا ومقدساتنا

ويمنع أغلب المشاكل التي تحدث من أجل الدين الالتزام بقول المولى عز وجل:

( ولا تسأموا أن تكتبوه صغيرا أو كبيرا إلى أجله )

تم تعديل 6 أكتوبر 2009 بواسطة الدكتورة أم أحمد

[cypher]

الصراحة يا استاذ سين سين موضوع البوس ده رخم اوي ... انا لسة راجع الكلية وكل ما اقابل واحد حتى لو اعرفة بالاسم بس mfb: تلاقية هاجم عليك بوس smk: وبتاع ومبيديكش وقت تشرح موقفك خالص عشان كدة بقيت استهبل واسلم بالايد من بعيد اوي واللي في نيتة يبوس ولا حتى بيشاور عقلة اقلة حاسب wst:: عندي برد .. في ناس محترمة بترتجع على طول وفي ناس غتيتة تصمم تبوس بس على مين mfb: بتنح معاهم ومبخليش حد يبوسني . ولغاية دلوقتي الطريقة دي ماشية زي الفل wst:: وفي امل ان الواحد ميتعديش

[رضوي]

السلام عليكم ورحمة الله

بمنتهي الصراحة موضوع البجاحة دة كتر اوي وعلي مختلف المستويات

مش بس فلوس ومكالمات وزيارات وبوس

دة اهم حاجة قابلتها احترام الكلمة

كتير من الناس الظاهر انهم ميعرفوش يعني ايه انه يحترم كلمة قالها

يعني لو واحد صحبك مثلا اتفق معاك انه حيعمل الموضوع الفلاني او حيخلص اجراءات لحاجة معينة انت عايزها

وعلي الاساس دة تقوم حضرتك معتمد عليه وهو في نفس الوقت مكبر وشاري الجمجمة

ولما تيجي تعاتبه يقولك اه معلش اصلي نسيت او اصل حصلتلي الظروف الفلانية وطبعا الظروف دي كلها فشنك

طب ياسيدي انت ادتني كلمة ليه من الاول وخلتني اعتمد عليك

والناس دي ماتعرفش خالص ان الكلمة دي يعني وعد وانه من صفات المنافق الثلاثة (اذا وعد اخلف )

لا أكيد ماعندهمش فكرة خالص عن الموضوع دة

هو بس عملك البحر طحينة وسلطة وبابا غنوج وسابك مش عارف تتصرف بعد ما ضيع وقتك

والي اكتر من كدة المواعيد لما صحابنا اياهم يدوك معاد الساعة 5 وييجو الساعة7 ويمكن 8 وكل ما تكلمهم

يقلك معلش انا في الطريق بس المرور واقف اصل الدنيا زحمة

وهو اصلا نازل من بيته متأخر وانت مستني ومحرج انك تسيبه وتمشي وبصراحة دي مشكلتي في الحياه لان كل البنات صحابي الي عرفتهم لحد دلوقتي ما بيحترموش المواعيد وبرضه عادي تيجي وعلي وشها ابتسامة عريضة وتقول بمنتهي الرقة (سوري اتأخرت عليكي !)

يادي المصيبة هو كدة اسمه تأخير انا اعرف التأخير دة يعني ربع ساعة اما بالساعة والاتنين

لدرجة اني حسيت ان المشكلة فيا انا لاني بحترم مواعيدي ولحد دلوقتي ما قابلتش مصري بيحترم مواعيده بنسبة 100% اه والله كل الي قابلتهم كدة مايعرفوش يعني ايه مواعيد

والي يغيظ اكتر ان المعاد يبقي معاد شغل كارثة ان يكون عنك شغل عايز تخلصه وتتعطل بسبب ناس مابحترموش مواعيدهم

مرة الدكتور (استاذي بالجامعة ) كلفني انا واربعة من زمايلي نعمل بحث نشترك فيه كلنا وكان لازم نجتمع علشان نوزع المسئوليات وعلشان احنا في الماجستير وكلنا بنشتغل ما بنعدش في الجامعة كتير اخدنا اسبوعين كاملين علشان نحدد المعاد وبعدين بعد لما ربنا سهلها واتجمعنا ووزعنا المهام وكل واحد بقي مسئول عن شغل حيجيبه

المعاد الي بعد كدة والي كان بعد اسبوعين برضه كل واحد جه وجاب حاجة تانية خالص غير المطلوبة منه

وقال معرفتش ... مالحقتش ...... كان عندي شغل .... الخ من الحجج الي مابتنتهيش

والنتيجة 0

واضطريت اني اعمل البحث وما اطلبش منهم غير الحاجات الهامشية

وكنت متغاظة جدا لما الدرجة اتوزعت علينا كلنا وخصوصا اني ما قدرتش اقول حاجة للدكتور طبعا المجموعة كلها حتنزل من نظره ما احنا مش في ابتدائي

دة غير كدة من انواع البجاحات الي مالهاش حصر

[قلب ابيض]

عارف يا عم ماندو

هم يبكى وهم يضحك

يا اخى دا المثل بيقول

اللى اتلسع من الشوربة .... بينفخ فى الزبادى

والله انت فعلا لقطة

wst:: mfb: smk: mfb:

والله يا نونا يا اختى انا اعرف اللى القط منه wst::

الموضوع دلوقتى شتتنى ما بين سى السيد ومابين ماندو؟؟

المهم انى وبكل فخر وثقه واصرار اعترف انى وزوجى من نوعيه ماندو باشا000على غرار " محمد صبحى " فى مسرحيه انتهى الدرس يا 0000كان يتضرب واللى بيضربه يقوله اخ خ خ معلش هى جت فيك ؟؟ وهلما جرا نقوم من نقرا نقع فى دوحديره

وعلى رأى اخونا ياسر القطه بتاكل عشانا 00

حد يسلف واحد بعينه اكتر من تلات مرات ومبالغ اقلها 5000ج من دون مايسد ولامره ؟؟؟؟

حد يفاجئه فى مصيفه 23 نفر ماشاء الله ميكروباص عامر بالبشر على حين غره ؟

وتستمر الاستضافه 6 ايام؟؟؟؟

لا لا لا ده احنا عدينا يا ناس من زمااان

بس انا عندى رأى خاص جدا000والله ودايما بعمل بيه00ان الرزق ده ربنا وهب لنا وقادر يمنعه عننا 00وزى ما بقدم بيدخر لى بمعنى انى دايما وكذلك زوجى دايما احتسب العمل عند الله وانا على يقين تاام ان ربنا مابيضيعش اجرى عنده 00يعنى بيقطع من هنا ويوصل من هنا

اللى احنا سلفناه 10000 ج وهو مدعى الزنقه ورد منها فقط 500ج ما زاده الله الا فقر على طمعه وحاله بيسوء يوم عن يوم فى المقابل عوضنا الله عن المال بسعه الرزق وفلاح الابناء 00المعنى اللى اقصده اننا مانندمش على فعل خير ونتأكد ان لو جزاءه مش فى الدنيا فأن شاء الله هانقتص منه فى الاخره0000

طيب تصدقوا بقى ان مشكلتى الاخيره مع الاثيوبيه اللى عطلت سفرى ومنعتنى منه دى 000جت بالخير الشديد على وعلى بيتى ؟؟؟

حد يسالنى ازاى؟؟؟

[لونا]

ازاااي؟؟؟؟؟

[ذهبية]

انا هاسالك يا قلب ابيض ازاى .....؟؟؟؟؟؟؟؟؟؟

ياريت تدخلى مداخلة تانية تقولى لنا ازاى

موقفك دة فكرنى بموقف واحدة صحبتى ايام الجامعة بس الموقف دة مش ممكن انساةةةة ابداااااااااااااااااا

كنا اول سنة كلية و الامتحان على الابواب قبل الامتحان بكذا يوم قالت ليا هاعدى عليك اصور منك الكتاب بتاعك علشان مش هاقدر اشترية لانهم على قد حالهم

قولت لها و مالة اتفضلى فى اى وقت

المهم ما جت الا و القيها قبل الامتحان بيوم يعنى صابح الامتحان تانى يوم و كانت مادة رزلة جداااااا و كلها حفظ

لقتها عدت عليا الصبح الذى يسبق الامتحان بيوم قالت معلش يا حبيبتى انا ساعة واحدة بس هاروح اصور الكتاب و ارجعة ليك حالا علشان تعرفى تذاكرى

سكت و قولت لها الامتحان بكرة و انا فى عرض ساعة قالت معلش معلش دقيقة بس هاروح على اخر الشارع اصورة و ارجعة ليك حالا

انها ترجع ولا هنا

ساعة اتتين تلاتة ولا اعرف لها طريق كنت هتجنن و ماما اعصبها تعبت و طبعا ما عرفت اركز معنديش اى حاجة للمادة الا المحاضرات اللى كنت باحضرها

اتارى الهانم استخسرت الفلوس الىل هتدفعها فى التصوير ترميها لان الامتحان تانى يوم و خدت كتابى و راحت تذاكر فية مع اصحابها

و لا على بالها انا نهائى و لا حتى تقدر ان الامتحان فاضل علية ساعات

حد شاف بقى بجاحة اكتر من كدةةةةةة

عارفين رجعت الكتاب امتى بالليل الساعة 8 بعد ما خصلت فية المذاكرة

تخيلوا بقى انا ساعاتها حالتى اية لا و اية ندهت عليا من تحت انى انزلها و ماطلعت السلالم علشان ما تعطل نفسها ترمى عليا الكتاب و تجرى

انا نزلت لها و عفا لسانى عن الكلام كل اللى عملتة انى بصيت لها و اخدت الكتاب و مشيت

طبعا يومها ما نمت وواصلت السهر لتانى يوم علشان الحق الم اى كلمة من هنا و لا هنا

عارفين تانى يوم اللى حصل

لاقتها هى اللى زعلانة منى و جاية اصحابنا تشهدهم عليا ازاى انها تكون عندى فى البيت و ما اعزم عليها و اقول لها اتفضلى

و اخد الكتاب من غير اى كلام تخيلوا بقى الرخامةةةةةةةةةةةةةة

بس الحمد الله ربنا كرمنى اخر كرم لانى جيبت امتياز فى المادة دى

و طلعت التانية على الدفعة بتقدير جيد جدا و كنت البنت الوحيدة على الدفعة كلها

و الحمد الله عدت بس مش ممكن انسى بصراحة الموقف دة

[عبير يونس]

انا هاسالك يا قلب ابيض ازاى .....؟؟؟؟؟؟؟؟؟؟

ياريت تدخلى مداخلة تانية تقولى لنا ازاى

موقفك دة فكرنى بموقف واحدة صحبتى ايام الجامعة بس الموقف دة مش ممكن انساةةةة ابداااااااااااااااااا

كنا اول سنة كلية و الامتحان على الابواب قبل الامتحان بكذا يوم قالت ليا هاعدى عليك اصور منك الكتاب بتاعك علشان مش هاقدر اشترية لانهم على قد حالهم

قولت لها و مالة اتفضلى فى اى وقت

المهم ما جت الا و القيها قبل الامتحان بيوم يعنى صابح الامتحان تانى يوم و كانت مادة رزلة جداااااا و كلها حفظ

لقتها عدت عليا الصبح الذى يسبق الامتحان بيوم قالت معلش يا حبيبتى انا ساعة واحدة بس هاروح اصور الكتاب و ارجعة ليك حالا علشان تعرفى تذاكرى

سكت و قولت لها الامتحان بكرة و انا فى عرض ساعة قالت معلش معلش دقيقة بس هاروح على اخر الشارع اصورة و ارجعة ليك حالا

انها ترجع ولا هنا

ساعة اتتين تلاتة ولا اعرف لها طريق كنت هتجنن و ماما اعصبها تعبت و طبعا ما عرفت اركز معنديش اى حاجة للمادة الا المحاضرات اللى كنت باحضرها

اتارى الهانم استخسرت الفلوس الىل هتدفعها فى التصوير ترميها لان الامتحان تانى يوم و خدت كتابى و راحت تذاكر فية مع اصحابها

و لا على بالها انا نهائى و لا حتى تقدر ان الامتحان فاضل علية ساعات

حد شاف بقى بجاحة اكتر من كدةةةةةة

عارفين رجعت الكتاب امتى بالليل الساعة 8 بعد ما خصلت فية المذاكرة

تخيلوا بقى انا ساعاتها حالتى اية لا و اية ندهت عليا من تحت انى انزلها و ماطلعت السلالم علشان ما تعطل نفسها ترمى عليا الكتاب و تجرى

انا نزلت لها و عفا لسانى عن الكلام كل اللى عملتة انى بصيت لها و اخدت الكتاب و مشيت

طبعا يومها ما نمت وواصلت السهر لتانى يوم علشان الحق الم اى كلمة من هنا و لا هنا

عارفين تانى يوم اللى حصل

لاقتها هى اللى زعلانة منى و جاية اصحابنا تشهدهم عليا ازاى انها تكون عندى فى البيت و ما اعزم عليها و اقول لها اتفضلى

و اخد الكتاب من غير اى كلام تخيلوا بقى الرخامةةةةةةةةةةةةةة

بس الحمد الله ربنا كرمنى اخر كرم لانى جيبت امتياز فى المادة دى

و طلعت التانية على الدفعة بتقدير جيد جدا و كنت البنت الوحيدة على الدفعة كلها

و الحمد الله عدت بس مش ممكن انسى بصراحة الموقف دة

بجد دمي اتحرق من الموقف اللي حكيتيه ده

اهي دي بقى مش بجاحة دي منتهى السفالة و الوقاحة

و الحمد لله ربنا عوضك عن شرها

خير الجزاء

وقانا الله شر الأشكال دي

آمين

[عنبو]

ايه ياجماعه انتوا طيبين قوى كده ليه مينفعش كده

خلاص نغير اسم المنتدى الى محاورات الطيبين البجحين لاء الطيبين اه

انا شخصياً اى واحد بجح عليا مش بسكت الا لما باخد حقى علشان اعرف انام وانا مرتاح الا طبعاً لو واحد ابن حلال قعد يقولى احستب عند ربنا خلاص بنسى الموضوع بس اهم حاجه يلحقنى ويقولى الكلمتين دول

بجد انا بتخنق قوى من البجاحه والناس اللى فاكره نفسها حرّكه وفاهمه الدنيا وبقيت الناس غلابه دول انا بجد بتعبهم معايا بجد لانى بجيب من الاخر وووش ولازم تبقى وش وقدام الناس كلها

على العموم ربنا يعينكم على الناس وانا بجد مستحملش كده خالص انا بحب النظام فى كل حاجه والمفاجأت دى انا مبحبهاش خااااااااااااالص

يعنى ايه ابقى رايح اصيف والاقى ميكروباصين جاين يصيفوا معانا ويقعدوا اسبوع لاااااااااااااااا ولا يوم حتى انزلهم البحر واخدهم وانزل معاهم على البلد مباشرةً

الترتيب

1- قلب ابيض علشان موضوع المصيف ده تستاهلى 100000000000000000000000000 نقطه

2- ماندووو

3-زوج مصريه مغتربه بيفكرنى بزوج خالتى عنده الناااااااااس كلها طيبين حتى لو قعدت قوله يقولى انت تعب يامحمد اقوله طيب

4- ذهبيه "" موضوع الكتاب لو حصل معايا معرفش كنت هعمل ايه ؟؟

ياترى مين الخامس اللى مستخبى فى المنتدى ؟؟

[قلب ابيض]

انا هاسالك يا قلب ابيض ازاى .....؟؟؟؟؟؟؟؟؟؟

قولتى لى ازاااااااى؟

اقولك ازاى 000من منطلق ايمانى الشديد بأن ربنا دايما مقدر لى الخير وان كان ظاهر الامر مش خير بس تقدرى تقولى بصبر نفسى ان اكيد ده شىء بيفدى شىء تانى

وقد كان 00كان موعد سفرى السبت ولما اتغير واتلغى اكتر من مره سلمت امرى لله ونسيت تماما انى هاسافر الى ان يشاء الله امرا كان مفعولا

وعدى السبت والاحد 00000لغايه التلات والاربع 000حصل شربات وزعاريد فى بيتنا :rolleyes: :blink: :lol:

لاء الموضوع كده عاوز له توبك مخصوص

الترتيب

1- قلب ابيض علشان موضوع المصيف ده تستاهلى 100000000000000000000000000 نقطه

2- ماندووو

3-زوج مصريه مغتربه بيفكرنى بزوج خالتى عنده الناااااااااس كلها طيبين حتى لو قعدت قوله يقولى انت تعب يامحمد اقوله طيب

4- ذهبيه "" موضوع الكتاب لو حصل معايا معرفش كنت هعمل ايه ؟؟

ياترى مين الخامس اللى مستخبى فى المنتدى ؟؟

افهم بس ياحاج محمد 000الترتيب ده بناءا على الطيبه ولا ؟؟؟؟؟

على فكره موضوع المصيف ده عااااااااتى خالص تحب اتحفك بالأنقح ولا هاتغير رأيك فى ؟؟؟

[عنبو]

قلب ابيض مشاركة بتاريخ اليوم, 03:39 PM

افهم بس ياحاج محمد 000الترتيب ده بناءا على الطيبه ولا ؟؟؟؟؟

على فكره موضوع المصيف ده عااااااااتى خالص تحب اتحفك بالأنقح ولا هاتغير رأيك فى ؟؟؟

ياحاجه قلب ابيض

التصنيف ده على حسب المواقف اللى حصلت معاكم يعنى وتحملكم ليها

اما بالنسبه للمواقف اللى حصلت بلاش تتحفنى اصلى بجد ضغطى بيرتفع وبزعل قوووووى لما الاقى نااااااااس محترمه ومت ادبها بتتحرج من الناس والناس دول بيستغلوا الحته دى

خلينا كده احسن انا لحد دلوقتى مش مستوعب موضوع المصيف بجد وربنا يصبركم فكرتنى بوالدتى بجد عندها طولة باااااال فى الحالات دى غريبه بس انا والعيال اخوااااااااااااااااتى فلااااااااااااااااااااااااااا مينفعش يبقى البيت كله كده والا هتبقى هيصه

اكيد يا حاجه اقلب ابيض عندكم واحد او تنين من نفس النوعيه بتعتى اوعى تقولى مافيش ؟؟؟؟ اصل بجد ازعل

[hosambob]

سلفنى3 ريال :D

انا بردة من ضحايا الأدب و عدم البجاحة .. لي صديق استلف مني مبلغ من المال بحجة انه لسة ماستلمش الراتب و كان عاوز يحجز تذاكر السفر علشان نازل اجازة و لما حولت ليه الفلوس .. قعد اسبوع و بعدين جه مكة يعمل عمرة قبل ما يسافر المفروض كان ينزل عندى كنا متفقين علي كدة .. المهم حجز في فندق و لما رحت الحرم علشان اقبله اتهرب مني و قلي انا بلف اجيب كام حاجة كدة للجماعة ( هدايا ) مستلف و بيروح يجب هدايا يعني اكيد استلم الراتب و ادي وش الضيف :D و سافر و حلنى لما يرج كمان 3 أو 4 شهور

هي دية ضريبة الجدعنة و اننا نقف جمب بعض في الغربة ( واحد قلي مقولة بترن في ودني دلوقتي ) ( قلة الأصل هى الي تمشي في البلد دي )

ربنا يكتبها لينا في ميزان حسناتنا و يحتسبها لنا ( تفريج كربة مؤمن في الدنيا لعل يفرج عنا بها الله كربة من كرب يوم القيامة )

مع تحياتي

تم تعديل 7 أكتوبر 2009 بواسطة hosambob

[mandoo]

الأعزاء .. قلب أبيض .... مصرية متغربة .... ذهبية ...... حسام

اللى يشوف بلاوى ماندوو .... تهون عليه بلوته .... ده حتى المثل بيقول ( الناس حلاوتها السبت والحد .... وماندوو حلاوته ماوردتش على حد ) :D

[Rock]

اعتقد ممكن نطور قانون عالم الرياضيات ديكارت الي انا حي مادمت انا بجح :D