سوال عن البلاك لست فى مكتب العمل

[SajedSoft]

ياجماعة لو سمحتم احنا اتناقشنا كتير فى موضوع الممانعة وعدم الممانعة دلوقتى فيه سوال مهم

هل من حق صاحب الشغل يروح الجوزاات ويحطك بلاك لست بعد ما تسيبه ويديك نهاءى عشان يضمن انك ما تتدخلش البلد ولا ماحدش يقدر يعمل كده

والحاجة الا ممكن يعملها انه يشتكيك فى مكتب العمل لو رجعت وهما يتصرفوا معاك

شكرا

[عماد حمدي]

سؤال تمام

يارب بقا سي السيد ميتعصبشي علينا :D

[عماد حمدي]

للرفع

[elhag]

السلام عليكم ورحمه الله وبركاته

دي اول مشاركه فعليه ليا ف المنتدي من محاولات استمرت 4 شهور

المهم بجد انا بوجه شكري لل اعضاء وزوار المنتدي الجميل وشكر خاص للاداره والمشرف العام علي قبولي بينكم كعضو وان شاء الله فعال

نبدأ بقي ف الشغل

اولا بجد ياريت تفتحلنا صدرك شويه يا سي السيد

انا قريت هنا ف المحاورات كلها كل كلمه وكل حرف عن موضوع البصمه

وقريت موضوع القول الفصل وتمام بس فيه حاجه مهمه الا وهي ان موضوع البصمه ده متجدد ومتغير وكل يوم فيه جديد وكلام بنسمعه فلازم يبقي فيه موضوع متجدد نناقش فيه المستجدات وده مجرد اقتراح بعد ازنك لو قبلته يعني

وبرغم الكلام الكتير اوي اوي اوي هنا عن البصمه والكلام ده وف حاله الخروج والعوده او ف حاله النهائي بس برده تلاقينا كلنا متلخبطين وتايهيين ومش عارفين نعمل ايه ونسال مين

ياريت تساعدنا وتفهمنا القصهماشيه ازاي

* هل فعلا الكفيل يقدر يحطك بلاك لست او يبلغ عنك ف حاله الخروج والعوده او النهائي ( اصلا ممكن توضحلنا يعني ايه بلاك لست ويعني ايه يبلغ عني )

* ثانيا ياريت توضحلنا ف حاله الخروج والعوده ااقدر ارجع علي تاشيره تانيه بكفيل جديد وشغل جديد ومنطقه ابعد بكتير اوي اوي اوي عن كفيلي الاولاني

الخروج النهائي خلاص كلنا متاكدين انه يقدر يرجع تاني ومن تاني يوم لو يحب المشكله كلها دلوقتي ف الخروج والعوده

رحت من يومين السفاره هنا بمصر قالولي مش هينفع يرجع الا بعد خمس سنين ف حاله الخروج والعوده طبعا

واحد تاني صاحبي ف السعوديه سالي وقالي ينفع ترجع بس متشتغلش ف شغلك الاولاني وتبعد عن منطقه كفيلك وممكن ترجع لنفس المنطقه ونفس الشغل بس بعد سنه

واحد تاني يعرف واحد ف المطار ساله وقاله ف حاله الخروج والعوده يستني شهرين بعد انتهاء مده تاشيرته ويدينا بياناته نتاكدله كفيله مبلغ ولا لا ( نفسي اعرف يعني ايه مبلغ دي هو انا حرامي وبعدين اساسا مكنش عندي عهده ومش ماضي علي اي حاجه )

لو كفيله مش مبلغ يدخل لو مبلغ مش هيدخل الا بعد سنتين

واحد تاني وده اخر كلام بقي يقول ف حاله النهائي عادي وده شيئ خلاص اتاكدنا منه

بس بيقول ان ف حاله الخروج والعوده كده كده بيبلغو كفيلك الاول لو هيسمحلك تدخل ولا لا وطبعا لو وقفت علي شعر راسي مش مدخلني

بجد انا تعبت من كتر ما دورت ف الموضوع ده وميت سؤال وميت جواب وكل واحد براي

ياريت تقدر تفيدنا يا سي السيد وجزاك الله خيرا عنا جميعا

واسف للاطاله

[عماد حمدي]

استرها يارب

عارف انا كفيلي مأدبني في 5000 ريال + 750 اقامة + 845 تأمين + 200 إعلان ومطبوعات + رتب شهرين كاملين + تذكرة علي حسابي

دول عالم ما يعلم بيهم الا الله ....

ربك يكرم

[elhag]

ارجو الافاده بالله عليكم

[elhag]

للرفع بالله عليكم منتظر الافاده افادكم الله

[samehbadr]

موضوع هام ارجو الردود لاني محتاج اعرف فعلا معلومات عن هذا الموضوع

[elhag]

من الاخر وبعد طول لف في المنتديات والمواقع

الكلام كتير ومحير ومتضارب

حتى الشخص نفسه يقول كلام ويرجع يقول عكسه بعد فترة

انا مثلا قرات ان فيه واحد اخد خروج وعودة ودخل بعد كده بتاشيرة جديدة

وقرات ان فيه واحد تاني نفس الحالة بس رجعوه من المطار

وفيه واحد صاحبي لما قدم اوراقه الى مكتب التوظيف طلب منه اخلاء الطرف

وواحد تاني لم يطلب منه المكتب شيئ

ولا احد يعرف هل المشكلة في تطبيق القانون نفسه بمعنى ان العساكر والضباط متفاوتين في تطبيق هذا القانون

ام انه غير واضح بالنسبة لنا فقط

ياريت حد يفهمنا ايه اخر الكلام وايه اخر المستجدات الواحد لف وتعب سواء ع النت والمنتدي هنا والمنتديات التانيه وكل الكلام متكرر ومتاخد من منتدي لمنتدي وف نفس الوقت الكلام معظمه بيناقض بعضه

بس كلنا اتاكدنا من موضوع الخروج النهائي انه يقدر يرجع تاني يوم قولولنا بقي موضوع الخروج والعوده وايه حكايه البلاك ليست دي ويعني ايه متبلغ عنك وايه متطلباتها

[elhag]

حد يفيدنا يا جماعه

[عماد حمدي]

ياباشا بص في حالة النهائي مفيش اي مشاكل في حالة الخروج والعودة انته مثلا ً واخد تأشيرة خروج وعودة لمدة شهر عدي الشهر وسيادتك مجتش كفيلك اكيد هيحس انك مش جاي او شوفت تأشيرة تانية يقوم مبلغ عنك هروب ةمبلغ الجوزات وطبعا ً لو انتة رجعت تاني السعودية واشتغلت وكفيلك عرف هيبلغ هروب لان جيت فعلاً من الأجازة ومروحتش عليه وطبعا ً ختترحل وهوة يقدر يجيب موظف تاني علي نفس التأشيرة

في النهائي خلاص بيجيب موظف تاني علي نفس التأشيرة وخلص الموضوع الخروج والعودة مشاكلة كتير وكلة قلق

البلاك ليست بقا يا ريس لازم حكم من المحكمة حكم قضائي مش بمزاجة كده يقولهم حطوة بلاك ليست كان كل اللي خد نهائي اترمي بلاك ليست دي متأكد منها وسألت فيها مستشار قانوني لازم تكون ارتكبت مخالفة قتل سرقة نصب اختلاس زنا اي مصيبة وتتقفش والمحكمة تحكم سيادتك كده بتتحط عصب عن عين كفيلك بلاك ليست في القائمة السوداء ونظام البصمة معمول أصلا ً علشان الناس اللي زي كدة وبترجع بجواز جديد وسام جديد

تم تعديل 4 نوفمبر 2009 بواسطة EMAD HAMDY

[elhag]

انت تقصد يعني ان بعد الخروج والعوده ما تخلص مدتها هنا ف مصر اقدر ادخل عادجي بتاشيره تانيه وهيعدوني م الحدود عادي ؟؟؟

طب يعني ايه بالظبط مبلغ عني ؟؟ مدام انا معلييش اي مشاكل امنيه او قضايا او متعلقات نعاه ف شغلي يعني ايه يبلغ عني ؟؟

[elhag]

ايه رايك يا سي السيد ف الكلام ده ؟؟؟

وهل فعلا هعدي م الحدود ولا ايه الحوار فهمنا كده وظبطنا وقولنا ايه حوار مبلغ عني دي وايه حوار البلاك ليست دي

[doctor ayman]

لي استفسار في نفس الموضوع ...............

أخي كان يعمل في جهه حكوميه وسافر مصر بتأشيرة خروج وعوده ولم يرجع

وبعد نهاية التاشيره اصدروا له قرار انهاء عمل او انهاء تعاقد علي مااتذكر

وهو ليست لديه اي عهد وليست عليه اي التزامات ماليه

فهل يعتبر صدور هذا القرار خروج بشكل قانوني وهل يستطيع العوده للعمل في مكان اخر

ارجو من اهل الخبره الا يبخلوا علينا بالرد وجزاكم الله خيرا wst::

[عماد حمدي]

بص يا باشا لو خدت خروج وعودة ورجعت علي تأشيرة جديده انته وحظك لا اما يتصلوا بكفيلك القديم او يكون معاك اخلاء طرف وتعدي وفي كلتا الحالتين حاول قبل ما تنزل أجازة تقول لكفيلك اديني إخلاء طرف بأي حجة كدة وعادي حصلت مع واحد صاحبي بس مرجعش علي تأشيرة جديده ولا حاجة ..

بص كفيلك زي ما قولتلك يا ريس اداك خروج وعودة لمدة شهر مثلا ً عدي الشهر وانتة مش جيت وصبر عليك ومجتش كده هوه هيخسر التأشيرة فيقدم للجوزات ورقة كده انك خدت خروج وعودة ومرجعتش ... وانتة لو رجعت بمهنة جديده ومجال جديد عادي بس اياك كفيلك يعرف لانه في الحلة دي هيبلغ عنك هروب انك خدت أجازة ورجعت فعلاً بس مش علية ودي مشكلة كبيرة جدا

وبعدين فية أعضاء هنا قالوا عادي جدا ناس كتير خروج وعودة ورجعت وعن تجارب حقيقية وواقعية متقلقش وسيبها لله واستخير ربنا سبحانه وتعالي وربك يقدم اللي فيه الخير

اخوك عماد