رجال الاكس " x men ""

[عنبو]

اولا وقبل اى شىء السلام عليكم ورحمة الله وبركاته

تحيه طيبه وبعد

حبيت اتكلم عن نوع من الناس غريب شويه فيه منهم اللى ممكن يكون ابنك اخوك قريبك صاحبك او ممكن تتقابل معاه فى اى مكان عام

الناس دول بجد ليهم فكر غريب عندهم طاقه غريبه لا يعرفون اليأس ولا يتكلمون الا على النجاح الفشل بالنسبه ليهم محاوله للوصول الى المراد لا يعترفون بالظروف المحيطه كل ما يعترفون بيه هو انهم يعملون كل ما فى وسعهم للوضول الى الهدف وعندهم يقين فى الله انهم سوف ينالون ما يسعون اليه

تجدهم باستمرار مبتسمون للحياه يحبون كل الناس لا يتذكرون الا المواقف الكويسه فقط لا غير ولا يلقون اهتماماً بباقى المواقف

تجدهم فى قمة التواضع والاحترام والذوق

تجدهم منفتحين جداً على الحياه فاهمين كيف يعاملون كل الناس بكل اصنافهم وكانهم واحد منهم ؟؟؟

تجدهم يسعوا دائماً الى التميز

لديهم اهداف كثيره جداً وهم يعلمون ان تحيقيق هذه الاهداف ليس بالامر السهل ولا الهين ولكنهم يسعون فى كل الطرق لتحقيق هذه الاهداف

رأيت هؤلاء الناس فى الكليه وفى العمل وفى الحياه اليوميه ؟؟

ناس يطبقون قول سيدنا عمر اننى لا احمل هم الاستجابه ولكنى احمل هم الدعاء

هقولكم على قصه لواحد من هؤلاء الذين تعرفت عليهم فى الكليه

هو شخص يدخل قلبك من اول لما تقع عيناك عليه وتشعر وكانك تعرفه منذ زمن يتميز بابتسامه خفيفه على وجهه تجده ينتقى الفاظه وهو يتحدث معك ويعطيك اهتمام بالغ

كان هذا الشخص من الاوائل فى الكليه تعرفت عليه وبدأنا نتكلم عن حياته الشخصيه قلى

هو من اسره ميسورة الحال ومع ذالك كان له مشروع خاص بيه هو من قام بانشأه لكى يعمل فيه ويطوره ويسطيع ان يعتمد على نفسه فى المصاريف والى جانب ذلك كان مشترك فى اسره نشطه جداً وكان مسؤل عن الخطابه فيها وطبعاً موضوع الخطابه كان يتطلب منه التحضير والى جانب ذالك كان مطالب انه يحافظ على ترتيبه على الكليه لكى يتعين معيد ؟؟

بجد كنت بقول له انت بتجيب وقت منين قلى اليوم فيه 24 ساعه لو وزعت اللى انت عاوزه عليه هتلاقى عندك وقت كتير جداً بس انت انوى بس

فى ايام الامتحانات رحت قعدت معاه علشان اعرف ازاى الراجل ده بيطلع الاول على الدفعه فى ظل الحاجات الكتير اللى بيعملها وناجح فيها لقيته انه كان ممكن يقعد بالتلات ايام مينمش ولا يتعب والاقيه يذاكر بجديه جداً وبجد كان من اشد الناس حرصاً على الصلاه فى مواعدها وفى المسجد بجد كنت ارى فيه انسان غريب جداً ان يستطيع يلم بكل هذا وانا اعرف ان الكليه ليس بسهله بل انها صعبه جداً وتتطلب الحضور وحضور سكاشن ومع كل هذا التعب لا يشتكى ولا يشعر من حوله بالمجهود اللى بيعمله بالعكس كان يشعر من حوله ان هذه امور عاديه جداً وان اى واحد ممكن يعملها

من ضمن المواقف انه كان فى امتحان دخل الامتحان وتقريباً الدكتور كان فاكر نفسه بيمتحن طلبه فى الدكتوراه فجاب امتحان غريب بيقول مكنش فيه ولا سؤال كنت اعرفه وطبعاً بالنظر الى اوجه الناس تيقنت انى لست لوحدى فطبعاً عمل ايه قال روحت كاتب كل حاجه اعرفها فى الماده وسلمت الورقه واطلعت وطبعاً جاب امتياز لانه كان الوحيد اللى مسبش الورقه فاضيه بل اخد بالاسباب وكتب كل اللى يعرفه فى الماده

بجد شخصيه تستحق الاحترام

هو ولله الحمد حالياً خلص الماستر وهو معيد وشغال فى الدكتوراه وربنا يبارك فيه

فيه ناس كمان انا قابلتهم نفس الشخصيه دول بس مكنوش متعلمين اساساً ودول بقى كنت بستغرب طيب الناس دى بتعمل كده ازاى ؟؟

هحكى عنهم المره الجايه

سلام اللى عنده حاجه ممكن يدخل يفيدنا ويحكيها

تم تعديل 4 أكتوبر 2009 بواسطة محمد العنبى

[سكر]

الفاضل محمد

ارسل اليك افضل التحيات من كل قلبى على هذا الموضوع الى يبعث فى النفس الامل

ويشعل نار الحماس والهمه

هحاول ايضا اكتب عن ناس مروا فى حياتى ناجحين جدا

رجال

رجال الاكس " x men ""

[عنبو]

موعود مشاركة بتاريخ أمس, 11:47 AM

الفاضل محمد

ارسل اليك افضل التحيات من كل قلبى على هذا الموضوع الى يبعث فى النفس الامل

ويشعل نار الحماس والهمه

هحاول ايضا اكتب عن ناس مروا فى حياتى ناجحين جدا

رجال

إقتباس

رجال الاكس " x men ""

شكراً اخى الكريم على مرورك وعلى ذوقك وياريت تحكى لينا عن اشخاص نجحوا بالرغم من وجود الصعوبات فى طريقهم

القصه الثانيه عن

دكتور معوووق اعاقه كبيره جداً فى رجله والى جانب ذالك كان ضعيف النظر ومع ذالك والدته توفت وهو لا يزال فى سن الفطوله طبعاً والده تزوج بواحده تانيه وطبعاً معرفش يتاقلم مع الوضع ومكنش قدامه الا ان يروح يعيش مع عمه اللى كان طبعاً حاسس انه تقيل عليه وطبعاً قضاها من بيت لبيت لحد لما خلص الثانويه ودخل طب يعنى بجد الراجل ده رم بظروف قاااااااااااهره تقهر اى واحد يعنى اعاقه بيت غير مستقر زوجة اب بمعنى الكلمه الكل حاسس انه عبا عليه ومع ذالك لم يستكين ولا يرضخ لهم واستطاع ان يتفوق ويلتحق بكلية طب وفى الكليه تبدأ العقبه الاكبر وهى مصاريف الكليه والتحديات اللى هيواجهها هناك وانتوا طبعاً مش تايهين عن الحياه الجامعيه

الراجل ده استطاع ان يحصل على بكالوريوس الطب والجراحه طبعاً دى كانت معجزه بمعنى الكلمه حيث انه اساساً كان عايش فى كل بيت شويه بس كان فيه ناس اولاد حلال من تكلفوا بمصاريفه حيث ان الكل شال ايده منه وكأنهم مستكترين عليه انه يبقى بنى ادم محترم وشويه شويه تخصص طب اطفال واخد الماستر وبقى من اشهر الاطباء اللى موجودين عندنا ولله الحمد بقى قدوه لكل الناس اللى بتجعل من الظروف عائق للوصول الى الاهداف

وعلى فكره الراجل ده حافظ القران كله والامر من كده انه بيصلى الفجر جماعه فى المسجد كنت مره بقوله يادكتور انت كده هتبقى حجه على الناس كلها اذا كان انت بتيجى بعربيتك مخصوص علشان تصلى الفجر وفيه ناس بيتها جنب المسجد مباشرة ومبيجوش

بجد راجل محترم وطاقه غريبه الراجل ده عمل حادثه وهو وابنه وكان ابنه عنده يمكن 4 سنوات وطبعاً الولد توفى وهو عاش ولما رحنا نعزيه لقيناه قاعد يقو الحمد لله الحمد لله بجد مثااااااااااااااااااااال للقوه والاصرار والطموح والالتزام والتفوق