أنا أفهم فى الدين أكتر منك ومن اللى خلفوكى

[doha]

لحوم العلماء ليست فاسده يا سادة عندما يبتعدون عن المسائل الفقهيه وقال الله وقال الرسول

يعني العالم لما يهلفط في موضوع سياسي أو اقتصادي .. اقول له آمين وأنت لحمك فاسد وانا مش هاكلمك ؟

واظن الدليل على عدم فساد لحوم العلماء عندما يبتعدون عن الدين مقولة : والله لو وجدنا فيك اعوجاجاً لقومناه بالسيف .... قيلت لخليفة الرسول .. الراشد ابو بكر الصديق

ولا سمع لك ولا طاعه يا عُمر ... قيلت له وهو على المنبر لان في واحد من عامة الشعب لمحه لابس جلباب طويل شويه .. وكان الجميع خليفة ووزير وغفير متوزع عليهم قطع قماش متساوية لا تكفي لكل هذا .. فلما أوضح له سيدنا عمر انه اضطر ياخد قطعة القماش الخاص بإبنه لكي تكفيه اقتنع الرجل .. ولم يُسحل ولم يُعتقل في معتقل المغول

شيخ الازهر بأختصار .. هو نموذج لرجل الدين الذي باع علمه للسُلطة وباع علمه لكي يجلس على الكُرسي

واللي عنده غير ذلك يقول لي بكل بساطه أنت كذاب او يفكرني بكلمة حق قالها طنطاوي سواء لما كان مُفتي أو شيخ ازهر .

خلاص اتفقنا

يبقى لما أحد العلماء أيا كان اسمه و يكون رأيه مش عاجبني زي ما آراء طنطاوي مش عاجباك يبقى من حقي انتقده زي مانت بتنتقد طنطاوي

و محدش يزعل

بس ما ينفعش العلماء يبقى نصهم لحمه مسموم و النص التاني غير مسموم

بلاش لخبطه بقى و حياة ابوكم

اشكركم

طبعا مينفعش يبقى نصه مسموم والنص التاني بكاتشب على راي البعض ..

في فرق شاسع مابين اني افند دعاوى ( عالم ) معين وانتقد فتواه ( بادب ) وارجعها لاصلها ان كانت حلال او حرام .. موافقة لشرع الله او مخالفة له .. وبين اني اتجاوز نقد الفتوى لنقد العالم نفسه بل والتجريح فيه وفي علمه وربما في آدميته اصلا ..

لحوم العلماء مسمومه لا تعني ان ارائهم اراء آلهة لاينبغي نقضها وانما تعني بان الشخص وطالما اعلن انه عالم وطالما اخذ عن علمه البعض وعمل بما يقول يبقى التزم الادب وانا بتكلم عنه .. انتقد كلامه ان كنت شايفه انه مخالف لشرع الله لكن متجاوزش ادبي وانتقده في شخصه وذاته بل و متصيدش له الاخطاء واستعدي الناس عليه خاصة لو كنت بعمل كده في اعلام مفتوح زي النت ..

يعني في ( المعركه ) الدائرة حاليا بخصوص ( شيخ الازهر) شفت نفس الموضوع ده في منتدى تاني ولقيت واحد متطوع باحضار رابط بيؤكد فيه وجهة نظره من ان الشيخ نفسه عليه تحفظات في شخصه وادبه .. دخلت الرابط عشان اتاكد لاني حتى تلك اللحظه كنت متحفظه على فتاوى الشيخ وميوله لكن مكانش عندي اي ملاحظات على سلوكه او ادبه الشخصي .. شفت الرابط .. عباره عن شريط صوتي ( ممنتج ) موضوع على صور جرافيك رديئة مقدرتش من بذائة الحوار وتفاهته اني اكمله واغلقت الرابط ..

نفسي اعرف شيء زي ده لمصلحه مين ؟ اني اشتم واحد (يفترض فيه انه عالم ) وبيطلع فتاوى في ناس بتاخذ بيها وبدال مااجيب دليل واقعي على مااقول اروح اجيب رابط ومفبرك كمان ..

مش عارفه لو كان الي اخطأ ده عضو مجلس شعب وله ( حصانة ) واتهم بتهمه ما كان الكل هيتبارى كده في احضار ادلة تثبت ان له تهم سابقة لترفع عنه الحصانة ويسحل وتمرمط بكرامته الارض ولا كان هيرجع الامر ( للجنة خاصة ) تبحث التهم المنسوبة اليه وتسمع اقواله قبل ما يفكروا يرفعوا عنه الحماية البرلمانية ليعرض زيه زي غيره على القضاء ؟؟

لحوم العلماء مهما كانوا مسمومه وان مكانش هو بعالم يبقى حسابه عند ربه باذن الله مرتين انه ضلل الناس وانه اصبغ على نفسه صفه ليست فيه .. لكن نستغل انفتاح موسم الاوكازيون ونهجم بكل ثقلنا على واحد مهما حصل هو محسوب على علماء الدين فده على مااظن امر غير مقبول ابدا ..

انتقدوا فتوى الشيخ زي ماانتم عاوزين طالما عندكم اسانيد شرعية .. طالبوا باقالته زي ماتشوفوا طالما في براهين على عدم صلاحيته لمنصبه.. لكن نعملها ( نصبة ) وكل من عنده كلمتين يرميهم ويطلع فاعتقد كده هو اخطأ بتصرفه مع الطالبه واحنا كمان اخطئنا برد فعلنا تجاهه ..

وبالمناسبة لو لاحظتم فالموقف مختلفش كتير عن موضوع ( الحويني ) والي اثير برضه في اكتر من مكان .. لاحظت ان الي شتم هنا هو الي شتم هناك والي تحفظ هنا تحفظ هناك وبرضه الي بيدافع هنا هو نفسه كان بيدافع هناك لسبب بسيط .. من يستمريء لحوم العلماء لا فرق لديه عن توجه العالم واعذروني هي مسالة ان لم تستحي فافعل ماشئت ..

انا هنا مش بدافع عن شيخ الازهر ولا احب ان افعل وسبق واعلنت تحفظي عليه .. ولكن هي كلمه حق اتمنى ننتبه لها مستقبلا.. مفيش حاجه اسمها عالم لحمه مسموم وعالم تاني لاه .. ومفيش حاجه اسمها عالم يؤخذ منه ولا يرد .. كل يؤخذ منه ويرد وكل يجب عن غيبته الرد .. وحسابنا جميعا عند رب العباد ..

[HDarwish]

والله .. أنا شايف إن اللي حصل ده لا يُلام عليه في شيء نظراً للموقف نفسه بجميع جوانبه لولا إن الناس مستنياه يعطس وما يقولش الحمد لله تقوم الناس قايله إلحقوا شيخ الأزهر لم يحمد ربنا بعد ما عطس ده لازم نشيله من منصبه ..

تعليقي على الواقعة نفسها بخلاف الكثير عن شيخ الأزهر أو مواقف أخرى له.

الإقتباسات دي من مشاركاتي السابقة علشان أعرف أركز وعلشان الأمور ما تتلخبطش معانا

أنا معاك في كل حاجه قولتها عنه ولي نفس إعتراضي ونقدي عن مواقفه المؤسفة والمخذِلة

لكن إحنا بنتكلم عن الموقف نفسه .. ولا إحنا ما صدقنا زي ما قولت علشان نجيب اللي قضى واللي مضى؟!

الكلمة ... نفس الكلمة لو اختلف أسلوب نطقها بتبقى إهانه

أقول لك زي إيه يا حسن ...

زي كلمة يا بني أدم ...

او كلمة يا مصري أو يا سعودي أو يا سوداني

واهي كلمات ليست شتيمه ولا أهانه

لكن خلي حد ينقطها كإنه بيحدفها وشوف وقعها عليك إنت شخصياً هايبقى إيه

طب ما احنا متفقين سوا أهوه يا عم الحاج إن الكلمة بتحمل أكثر من معنى ..

ليه بئا صدقنا وآمنا إنه كان بيقولها بالمعنى السيئ مش بمعنى تاني؟! .. المفروض بئا كانوا صوروا الحديث كاملاً علشان نقدر نحكم .. يعني مش من حقنا نحكم على مجرد الكلام اللي نسمعه وخلاص .. ونقول برضه حسابه عند ربنا سواء ظالم أو مظلوم .. بدل ما نبئا إحنا اللي ظالمينه بالفاضي ..

[أسد]

الإختلاف في الرأي والموقف وحتى إذا إختلفت مع شخص في سلوكه ..

هذا لا يبرر لي ولا لك ولا لأي شخص في الدنيا أن يسبه ويلعنه ...

خصوصاً إذا كان هذا الرجل له مقامه الجليل والمحترم ..

بالفعل أوضاعنا أصبحت عسيرة جداً ..

زال الإحترام تماماً .. والقيم الطيبة تتلاشى .. تحت مظلة أنني لا أوافقه على مايفعل .. أو أنني لا يعجبني أسلوبه ..

حسب علمي .. أنه لا ينبغي على شخص أي من كان .. أن يلعن من هو أكبر منه سناً .. بألفاظ وسباب غير مقبوله تحت أي مبرر ..

ده حتى المجرمين والشمحطجية في الشوارع .. لما بيكون فيه راجل كبير في العمر يتشاجر معه ..

بيقوله .. إنت راجل كبير وأنا مش عايز أغلط فيك ..

ولكننا .. ومع كل إحترامنا لنفسنا .. ومع كل علمنا وثقافتنا ..

لا نتورع أن نسب ونلعن من نختلف معه ..

أتمنى لكم هدوء السريرة .. وربنا يهدينا جميعاً ..

[MZohairy]

الإختلاف في الرأي والموقف وحتى إذا إختلفت مع شخص في سلوكه ..

هذا لا يبرر لي ولا لك ولا لأي شخص في الدنيا أن يسبه ويلعنه ...

خصوصاً إذا كان هذا الرجل له مقامه الجليل والمحترم ..

بالفعل أوضاعنا أصبحت عسيرة جداً ..

زال الإحترام تماماً .. والقيم الطيبة تتلاشى .. تحت مظلة أنني لا أوافقه على مايفعل .. أو أنني لا يعجبني أسلوبه ..

حسب علمي .. أنه لا ينبغي على شخص أي من كان .. أن يلعن من هو أكبر منه سناً .. بألفاظ وسباب غير مقبوله تحت أي مبرر ..

ده حتى المجرمين والشمحطجية في الشوارع .. لما بيكون فيه راجل كبير في العمر يتشاجر معه ..

بيقوله .. إنت راجل كبير وأنا مش عايز أغلط فيك ..

ولكننا .. ومع كل إحترامنا لنفسنا .. ومع كل علمنا وثقافتنا ..

لا نتورع أن نسب ونلعن من نختلف معه ..

أتمنى لكم هدوء السريرة .. وربنا يهدينا جميعاً ..

تاني تعليق لأسد اجد نفسي مضطرا لرفع القبعه امامه

و المثير للدهشه ان الكثيرين ممن تعلو اصواتهم أمام اي هجوم او حتى نقد محترم لإبن عثيمين و بن باز...لم نسمع منهم كلمه واحده أمام السب العلني للشيخ طنطاوي!!! مما يدل على موافقتهم الضمنيه على هذا السباب

عموما الموضوع ده ممتاز ان يبقى كمرجع لأي واحد من عوام المسلمين يريد ان يعترض او ينقد او يهاجم او حتى يسب عالم من العلماء لإختلاف وجهة النظر او ربما لخطأ أو سهو من هذا العالم وقع فيه

فطنطاوي حين يخطئ فهو ...............

اما بن باز حين يخطئ فلكل عالم هفوه و لكل جواد كبوه

سبحان الله!!!

[newcomer]

والله .. أنا شايف إن اللي حصل ده لا يُلام عليه في شيء نظراً للموقف نفسه بجميع جوانبه لولا إن الناس مستنياه يعطس وما يقولش الحمد لله تقوم الناس قايله إلحقوا شيخ الأزهر لم يحمد ربنا بعد ما عطس ده لازم نشيله من منصبه ..

ده تعليقي على الواقعة نفسها بخلاف الكثير عن شيخ الأزهر أو مواقف أخرى له.

في فرق شاسع مابين اني افند دعاوى ( عالم ) معين وانتقد فتواه ( بادب ) وارجعها لاصلها ان كانت حلال او حرام .. موافقة لشرع الله او مخالفة له .. وبين اني اتجاوز نقد الفتوى لنقد العالم نفسه بل والتجريح فيه وفي علمه وربما في آدميته اصلا ..

لحوم العلماء مسمومه لا تعني ان ارائهم اراء آلهة لاينبغي نقضها وانما تعني بان الشخص وطالما اعلن انه عالم وطالما اخذ عن علمه البعض وعمل بما يقول يبقى التزم الادب وانا بتكلم عنه .. انتقد كلامه ان كنت شايفه انه مخالف لشرع الله لكن متجاوزش ادبي وانتقده في شخصه وذاته بل و متصيدش له الاخطاء واستعدي الناس عليه خاصة لو كنت بعمل كده في اعلام مفتوح زي النت ..

انتقدوا فتوى الشيخ زي ماانتم عاوزين طالما عندكم اسانيد شرعية .. طالبوا باقالته زي ماتشوفوا طالما في براهين على عدم صلاحيته لمنصبه.. لكن نعملها ( نصبة ) وكل من عنده كلمتين يرميهم ويطلع فاعتقد كده هو اخطأ بتصرفه مع الطالبه واحنا كمان اخطئنا برد فعلنا تجاهه ..

الإختلاف في الرأي والموقف وحتى إذا إختلفت مع شخص في سلوكه ..

هذا لا يبرر لي ولا لك ولا لأي شخص في الدنيا أن يسبه ويلعنه ...

خصوصاً إذا كان هذا الرجل له مقامه الجليل والمحترم ..

بالفعل أوضاعنا أصبحت عسيرة جداً ..

زال الإحترام تماماً .. والقيم الطيبة تتلاشى .. تحت مظلة أنني لا أوافقه على مايفعل .. أو أنني لا يعجبني أسلوبه ..

حسب علمي .. أنه لا ينبغي على شخص أي من كان .. أن يلعن من هو أكبر منه سناً .. بألفاظ وسباب غير مقبوله تحت أي مبرر ..

شكرا لتذكيرنا جميعا بقواعد النقد و الحوار التى تليق بنا كمصريين

لا اجد ما ازيد به فى ما كتبتم الا ان ادعو لنا جميعا:

ربنا اجعلنا من الذين يستمعون للقول فيتبعون احسنه.....امين

[MARDUK]

تاني تعليق لأسد اجد نفسي مضطرا لرفع القبعه امامه

و المثير للدهشه ان الكثيرين ممن تعلو اصواتهم أمام اي هجوم او حتى نقد محترم لإبن عثيمين و بن باز...لم نسمع منهم كلمه واحده أمام السب العلني للشيخ طنطاوي!!! مما يدل على موافقتهم الضمنيه على هذا السباب

عموما الموضوع ده ممتاز ان يبقى كمرجع لأي واحد من عوام المسلمين يريد ان يعترض او ينقد او يهاجم او حتى يسب عالم من العلماء لإختلاف وجهة النظر او ربما لخطأ أو سهو من هذا العالم وقع فيه

فطنطاوي حين يخطئ فهو ...............

اما بن باز حين يخطئ فلكل عالم هفوه و لكل جواد كبوه

سبحان الله!!!

في فرق بين ان واحد يخطئ في تفسير او في حاجه علميه زي اي عالم يخطئ و يصيب و بين ان يبقي خطأ من نوع اخلاقي في انه يشتم حد !

لأن حسب ما قريت من ناس قالو ان الشيخ طنطاوي نفسه في تفسيره للقرأن قال عكس اللي بيقوله دلوقتي لو عند حضرتك تفسيره بص هنا

( التفسير الوسيط ) ( 11 / 245 ) طبعة دار المعارف1993م ، يمكن كان وهابي ايامها :D

تم تعديل 7 أكتوبر 2009 بواسطة MARDUK

[Amr Radwan]

الاخوة الاعضاء الافاضل ..

الموضوع لمناقشة مشكلة محددة و هي التعامل مع طالبة بصورة غير لائقة و بالفاظ غير لائقة تصدر من مسؤول حكومي (ديني)

و ليس لمناقشة فرضية النقاب او الحجاب او حتي للاستدلال به في مواضيع اخري كما يريد البعض

و اعود و اكرر لمن يريد الاستدلال .. ان الكل يحترم العلماء الافاضل مثل بن باز و غيرهم و ايضا يرفضون بذائة اللسان و بامكانك مراجعة التعليقات و ستجد ان القليل منا (العامة) قد خانة التعبير و قوة الموقف في ان يخرج ببعض التعليقات الخارجة و التي قامت الادارة مشكورة بحذفها ..

ربنا يهدينا جميعا ..

ملحوظة علي الهامش ...

اليمين الإيطالي المتطرف يؤيد شيخ الأزهر ويطالب بمعاقبة المنقبات

محمد سيد طنطاوى شيخ الازهر

عواصم - وكالات: وصلت أزمة النقاب التي فجرها شيخ الأزهر الدكتور محمد سيد طنطاوي إلى ايطاليا حيث بارك اليمين الإيطالي المتشدد بزعامة رئيس الوزراء سيلفيو برسلكوني والمعروف بعنصريته الشديدة للإسلام، قرار طنطاوي يمنع ارتداء النقاب داخل المعاهد والجامعات الأزهرية.

http://www.moheet.com/show_news.aspx?nid=306565&pg=2

تم تعديل 7 أكتوبر 2009 بواسطة Amr Radwan

[MZohairy]

لتوضيح وجهة نظري

ان كان فضيلة شيخ الأزهر قد قال هذا الكلام بالنص فهي سقطه لا شك

و لكل عالم كبوه

فقط لا غير

أكثر من هذا فهو تخطي للخطوط الحمراء

و يا إما نمنع التخطي ده على الجميع يا إما نسمح به للجميع

شكرا

[Amr Radwan]

الكبوة اللي اعرفها و يعرفها الجميع .. قد تكون مرة .. و غير مقصودة ..

و لكن ان تكون معتادة و ان يصبح هذا هو الطبيعي و المعتاد عليه من قبل عالم ديني ؟!؟!؟ و علي راس مؤسسة دينية من اكبر المؤسسات الدينية الاسلامية في العالم كله .. هذا هو ما نتكلم عنه الان .. و يجب وضع الخطوط الحمراء عند هذا الحد

و كما اضفت سابقا عدد من الفيديوهات و اضاف العديد من الزملاء ايضا الكثير من الفيديوهات و التي بها لقاءات و حوارات صوتية مسموعة و ليست مقروءة فقط توكد ان هذا هو اسلوبه ..

[Alshiekh]

السلام عليكم

تريثت قبل ان اكتب فى هذا الموضوع لعل الشيخ لم يقل هذا الكلام فيخرج علينا بنفسه او احد المتحدثين بأسمه لينفى الواقعة ( واقعة تعليقه على جمال البنت ) ولكن للاسف لم يحدث.

تذكرت عندما وصف باراك اوباما تصرف احد جنود البوليس بـ " تصرف غبى " وكيف طلب الجندى من اوباما ان يعتذر عن تلك الاهانة بل وتضامن معه زملائه من ادارة بوليس الولاية وكيف اتصل به اوباما تليفونيا معتذرا وموضحا انه اخطأ عندما لم يحسن اختيار كلماته وخرج واعلن ذلك فى مؤتمر صحفى.

تذكرت ذلك وانا ارى ان البعض يجد للشيخ عذرا مرة لسنه ومرة لكبوته كعالم و و و الى آخره من اعذار.

لقد اخطأ الشيخ فى حق الفتاة لو كان قالها بأى شكل وبأى طريقة فما قاله طبقا لما هو منشور لهو اهانة واضحة للبنت ، وكان من واجبه ان يعتذر لها فورا وعلى الملأ كما كانت اهانته لها على الملأ.

نعم هو يعرف فى أمور الدين وربما الدنيا اكثر منها ومن اللى خلفوها وكان حريا به ان يكون اكثر حرصا فى اختيار مايقوله من الفاظ ، ولكن يبدوا انه أمامنا من الزمن الكثير حتى نتعلم كيف نحترم مشاعر الآخرين.

[se_ Elsyed]

محمود سعد يستضيف الان فضيلة شيخ الازهر للحديث عن هذا الموضوع

وبصراحه ... لا تعليق

وعار ان يكون هذا الشخص شيخاً لتلك المؤسسة الشامخة

[أبو محمد]

ماذا كان سيقال لو أن الشيخ أبو اسحاق الحويني أو محمد حسان أو وجدي غنيم أو من على شاكلتهم قال لمتبرجه غير جميله التزمي بالحجاب الشرعي فأنت لست جميله ومتبرجه!!!؟؟؟

وماذا قال من يهاجمون ويسبون الشيخ طنطاوى عندما وصف الشيخ الحوينى المذيعات المنتقبات اللاتى يظهرن على قناة الحافظ بأوصاف "العو" .. و .. "العفاريت" ؟؟؟!!!

[بندق أفندى]

عندما مات الدكتور الفحام كنت صغيرا لكنى قرأت عنه وعرفته

وعاصرت الدكتور عبلد الحليم محمود وشرفت بمقابلته شخصبا وانت كنت صغيرا أيضا

وادركت الدكتور محمد عبد الرحمن بيصار

ثم الشيخ جاد الحق على جاد الحق .. بلدياتنا

ثم اخيرا أخونا طنطاوى بك .. ترى هل هناك وجه شبه بين الأسماء السابقة؟

ترى هل ثار نفس اللغط حول ايا من أسلافه دوى الصفحات الناصعة البياض؟

وبسبب ايه؟ تصريحات وتضاربات وتراجعات ..

ترى هل هى الأمانة الموكلة لغير أهلها؟

[اميره]

ما أتعجب له ان بعض الأشخاص ورغم تأكيد صحة الخبر فى أكثر من مصدر انهم لايزالو يبحثون عن المبررات والأعذار الغير مفهومه سؤال بس هل يعجبكم مايصدر من شيخ الأزهر من سخافات واهانات هل يحق لأى شخص أن يسلب منك حقك وحريتك ويجبرك على فعل شئ لاتحبه هذا ماحدث بالفعل ليس من حق شيخ الأزهر أن يجبرها على خلع النقاب وكشف وجهها . وغير ذلك ناهيك عن الألفاظ التى قالها لطفله من عمر أحفاده هل يقبل ذلك . لايوجد أى مبرر ولامنطق ولاشرع ولادين يؤيد هذه التصرفات الغيرمسئوله من شخص للأسف مسئول. يحق لنا ان نختلق الأعذار والمبررات فى حالة أن تكون هذه تلك المره الأولى التى يغلط فيها طنطاوى وتصدر عنه تلك الأفعال التى تجعلنا نختم بالعشر انه عميل ومؤيد لسياسة الغرب ولايفقه عن الدين والسنه شيئاً . وما خرجنى عن طوعى بأنه بذلك سيصبح العنصر الفعال الذى سيحقق للغرب أهدافهم ضد الدين فى الغرب وخاصه الدول والأشخاص المتعصبون تجاه ديننا هذه تلك الثغره التى سينتهكون من خلالها حرمة المسلمين فى الخارج .. ياشيخ الأزهر اتقى الله فى دينك الدنيا ليست دائمه والقصور التى تحميك اليوم لاتنفعك غد ألا يؤنبك ضميرك ولو قليلاً ؟ أنا أعلم جيداً الإجابه وأنبهك بأنه سيؤنبك قريباً عندما تستباح حرمة المسلمات فى دول الغرب فى حالة أن يكون تبقى لك فى عروقك **

[الدكتورة أم أحمد]

تأتي الرياح بما لاتشتهي السفن فبسبب حملة فضيلة المفتي وفضيلة الطنطاوي ستجد انتشارا للنقاب واسعا بفضل الله

عفوا الذي قصدته هو وزير الأوقاف الذي يملك سلطه تنفذية يريد بها منع الموظفات المنتقبات بالوزاره من الدخول بالوزارة

أما المفتي فقال أن النقاب بدعة وليس له سلطة تنفذية على ما أعتقد

عموما ما فعله وقاله شيخ الأزهر قدم له وزراء آخرون

بدأها وزير الثقافة فاروق حسني الذي هاجم الحجاب كله

وزير التعليم حسين بهاء الدين الذي في عهده كانت تحصل مهازل يومية مافعله شيخ الأزهر لا يساوي بجوارها شيء فقد تفرغ مدراء المدارس الموجهون لنزع الحجاب عن البنات في طابور الصباح وفي الفصل في مواقف مهينة

وزير الصحة

وزير الأوقاف

وزير السياحة

وزير التعليم العالي

http://www.alarabiya.net/articles/2009/10/07/87284.html

وهذا الرابط منع المنتقبات من دخول المدن الجامعية مما اضطر الجميع ليقول لا سنة ولا فرض حرية شخصية لعل القلوب تلين لهن ولأهلهن

وكذلك المدن الجامعية

هل كل شيء في هذه الوزارات على مايرام ولا ينغصها إلا الحجاب والنقاب !!!!!!!!؟؟؟؟؟؟؟؟؟؟؟؟؟؟

ولا أعتقد أن اجتماع كل هؤلاء على ذلك من باب المصادفة بل هو سياسة حكومة علمانية كنا نود أن ينأى شيخ الأزهر بنفسه عن الاشتراك فيها

فللأزهر مكانة سامية في نفوس المسلمين تأثرت في عهده كما تأثر المستوى التعليمي وتدهور تدهورا كبيرا

فقد كانت فصول الأزهر تكتظ بالطلاب الآن قد لا توجد سوى أعداد لا تتجاوز الخمسة في الفصل ولذلك سمعنا عن الاتجاه بغلق الجامعة ولولا الجهود الذاتية في مجال التعليم الأزهر فلا ندري ماذا كان سيحدث

فبالرغم أن الأزهر من أغنى مؤسسات الدولة بما يأتيه من تبرعات خارجية إلا أنه يعتمد على التبرعات في البناء والترميم وقد يكون المؤسسة الوحيدة التي تطلب تبرع ممن يريد شغل وظيفة بمعاهد الأزهر ليتم تعينه

نسأل الله أن يردنا إلى دينه ردا جميلا ويجعل لنا يدا في ذلك

تم تعديل 8 أكتوبر 2009 بواسطة الدكتورة أم أحمد

[moamana]

انتم عارفين انا مش مستغربة شيخ الازهر و موقفه لا

انا مستغرباكم انتم.............ايوه و الله ...........الدنيا قامت على جملتين و تصرف

و تلفيون و اذاعة و نت و شتيمة و موافقة و ناس تعارض و ناس توافق و موضوع يبقى 4 صفحات

فى وسط كل ده فين البنت نفسها حد استاضفها او حاول يوصلها من الاعلام ......حد حاول يعرف الحقيقة بجد اذا كانت زعلت و لا كان الكلام بهزار

حد حاول يبقى ايجابى بجد و يدور على الحقيقة فى الاعلام لا طبعا

و لو تعذر الوصول للبنت لاى سبب

احنا بنسلخ الرجل ليه؟؟؟؟؟؟؟؟؟؟؟؟؟؟؟؟؟؟ّ!!!!!!!!!!!!!!!

من الممكن ان يكون الكلام بهزار و البنت مزعلتش خاصة للاسباب التالية

1.البنت فى 5 ابتدائى يعنى 10 سنين بالكثير.........؟؟؟؟؟؟؟؟تلبس نقاب ليه؟؟؟؟؟

2.الرجل اساسا فى زيارة يا بشر للتوعية من انفلونزا الخنازير و شرط الوقاية منها و علاجها نفسه حتى ان كنت انا العيان ان الهواء حولى يكون متجدد عشان اعرف اخد نفسى و الفيروس مينشطش زيادة و اتحدى ان شخص يقول ان اللى عنده انفلونزا عادية من النساء من ارتفاع حرارة و انسداد فى الشعب الهوائية انها تعرف تاخد نفسها بالنقاب

3.انتم عارفين العلماء يوميا بيتعرضوا لايه من الضغوط و البلاوى السودا اللى بتتحكيلهم عشان يفتوا فيها فليه ميكونش الرجل كان تحت ضغط شىء حصله

اولا انا مبحبش شيخ الازهر بس مقدرش اتهم اى شخص بسبب جملة قالها لا انا عارفه اتقالت ازاى و لا امتى و لا حتى اللى ادامه اخذها ازاى و افترض ان اى خبر فى الاعلام صحيح................؟؟؟؟؟؟؟؟؟؟؟؟؟؟؟؟؟ اعتقد ان اقل ما يقال ان فعلت هذا انى شخص ساذج و مش هازيد

ثانيا يا ريت بدل ما نعمل ازعرينة و نتهم نبس للحقائق بنت عمرها 9 سنين او 10 فى وسط وباء محتاج تجديد هواء لابسة نقاب فى فصل فى مدرسة فقيرة يعنى المدرسة اكيد مش عدد الفصل ااقل من 30 و تانى محتاجة تجديد هواء تفتكروا انتم لو دخلتم الفصل و شوفتوها هتنصحوها بايه

ثالثا اللى مجننى فى الشعوب العربية انها بتتكلم و تتكلم و تتكلم و تتكلم

بس فى المواضيع اللى اهيف من المواضيع المثارة حاليا يعنى بالله عليكم كم شخص يعلم عن اللى عمله شيخ الازهر و حكم عليه ان الرجل عالم مش عارفة عامل ازاى و لا يعرف عن حصار الاقصى منذ ايام و لا يعرف ايه اللى وصلت اليه الحروب فى العراق و افغانستان و لا يعرف ماذا حدث لقاتل المحجبة فى المانيا و لا يعرف متى وصلت الفلسطينيات المعتقلات الى بيوتهم لاول مرة بعد الافراج عنهم و لا يعرف اذا كان السكر غلى فكيف سيؤثر هذا على بقية اسعار السلع؟؟؟؟؟؟؟؟؟؟؟؟؟؟؟

احنا شعب نفسى نشغل مخنا ربع ما بنتكلم منه و ده اللى هيوصلنا فعلا للتقدم

[أحمد سيف]

الأخت moamana ... هرد على الكلام اللي قلتيه في سطرين عشان ما ابقاش بتكلم كثير زي الشعوب العربية

المشكلات اللي انتي بتقولي عنها سببها وجود أشخاص مثل الشيخ طنطاوي وغيره في مواقعهم ... وأول خطوة في سبيل حلها هي استبدال هؤلاء المسؤولين بآخرين ذوي ضمير ومبادئ وعقلية مختلفة

خلص الكلام

[عنبو]

انتم عارفين انا مش مستغربة شيخ الازهر و موقفه لا

انا مستغرباكم انتم.............ايوه و الله ...........الدنيا قامت على جملتين و تصرف

و تلفيون و اذاعة و نت و شتيمة و موافقة و ناس تعارض و ناس توافق و موضوع يبقى 4 صفحات

فى وسط كل ده فين البنت نفسها حد استاضفها او حاول يوصلها من الاعلام ......حد حاول يعرف الحقيقة بجد اذا كانت زعلت و لا كان الكلام بهزار

حد حاول يبقى ايجابى بجد و يدور على الحقيقة فى الاعلام لا طبعا

و لو تعذر الوصول للبنت لاى سبب

احنا بنسلخ الرجل ليه؟؟؟؟؟؟؟؟؟؟؟؟؟؟؟؟؟؟ّ!!!!!!!!!!!!!!!

من الممكن ان يكون الكلام بهزار و البنت مزعلتش خاصة للاسباب التالية

1.البنت فى 5 ابتدائى يعنى 10 سنين بالكثير.........؟؟؟؟؟؟؟؟تلبس نقاب ليه؟؟؟؟؟

2.الرجل اساسا فى زيارة يا بشر للتوعية من انفلونزا الخنازير و شرط الوقاية منها و علاجها نفسه حتى ان كنت انا العيان ان الهواء حولى يكون متجدد عشان اعرف اخد نفسى و الفيروس مينشطش زيادة و اتحدى ان شخص يقول ان اللى عنده انفلونزا عادية من النساء من ارتفاع حرارة و انسداد فى الشعب الهوائية انها تعرف تاخد نفسها بالنقاب

3.انتم عارفين العلماء يوميا بيتعرضوا لايه من الضغوط و البلاوى السودا اللى بتتحكيلهم عشان يفتوا فيها فليه ميكونش الرجل كان تحت ضغط شىء حصله

اولا انا مبحبش شيخ الازهر بس مقدرش اتهم اى شخص بسبب جملة قالها لا انا عارفه اتقالت ازاى و لا امتى و لا حتى اللى ادامه اخذها ازاى و افترض ان اى خبر فى الاعلام صحيح................؟؟؟؟؟؟؟؟؟؟؟؟؟؟؟؟؟ اعتقد ان اقل ما يقال ان فعلت هذا انى شخص ساذج و مش هازيد

ثانيا يا ريت بدل ما نعمل ازعرينة و نتهم نبس للحقائق بنت عمرها 9 سنين او 10 فى وسط وباء محتاج تجديد هواء لابسة نقاب فى فصل فى مدرسة فقيرة يعنى المدرسة اكيد مش عدد الفصل ااقل من 30 و تانى محتاجة تجديد هواء تفتكروا انتم لو دخلتم الفصل و شوفتوها هتنصحوها بايه

ثالثا اللى مجننى فى الشعوب العربية انها بتتكلم و تتكلم و تتكلم و تتكلم

بس فى المواضيع اللى اهيف من المواضيع المثارة حاليا يعنى بالله عليكم كم شخص يعلم عن اللى عمله شيخ الازهر و حكم عليه ان الرجل عالم مش عارفة عامل ازاى و لا يعرف عن حصار الاقصى منذ ايام و لا يعرف ايه اللى وصلت اليه الحروب فى العراق و افغانستان و لا يعرف ماذا حدث لقاتل المحجبة فى المانيا و لا يعرف متى وصلت الفلسطينيات المعتقلات الى بيوتهم لاول مرة بعد الافراج عنهم و لا يعرف اذا كان السكر غلى فكيف سيؤثر هذا على بقية اسعار السلع؟؟؟؟؟؟؟؟؟؟؟؟؟؟؟

احنا شعب نفسى نشغل مخنا ربع ما بنتكلم منه و ده اللى هيوصلنا فعلا للتقدم

الاخت العزيزه moamana

يمكن حضرتك علشان لسه جديده فى المنتدى فمتعرفيش ايه النظام هنا

احنا هنا بنتكلم فى كل حاجه والحمد لله الجميع على قدر عالى جداً من الثقافه والتوعيه ولو عملت بس بحث عن اى عضو من الى عاملين مشاركات هتلاقى له بدل المداخله ميه وبيتكلم فى كل المشاكل الى تخص البلد

احنا هنا بنتكلم عن واقعه حدثت من شيخ الازهر فانا هدخل اقول رأى فيها مش هدخل اتلكم عن فلسطين ولا الحروب ده ليها موضوع تانى

نحن هنا نتكلم فى كل حاجه واى مشكله ونناقش اى موضوع بحياديه ومن حق اى واحد ان يعبر عن رأيه طالما فى حدود الادب والاحترام

ارجو من حضرتك ان تتصفحى المنتدى كاملاً وسوف تشاهدين ان هؤلاء الاعضاء الذين شاركوا فى هذا الموضوع ليهم مشاركات غايه فى الروعه والاهميه والافاده فى مواضيع اخرى وسوف تعلمين ان معظم اعضاء المنتدى على قدر عالى جداً من التعليم والثقافه

ولكن لكل مقام مقال زى لما بيقولوا

شكراً

والسلام عليكم ورحمة الله وبركاته

[herohero]

لي تعقيب بسيط انا مش شايف ان المشكلة اننا نتكلم ف التوصيف الفقهي للمشكلة

سؤالي هل لو النقاب اتمنع والناس مشيت ع لبس رسمي تقوله الحكومه هتتحل مشاكلنا

والله نفسي ان شاء يلبسونا اللي ع مزاجهم بس يركزوا هم ف شغلهم

نفسي كده شيخ الازهر او غيره يركزه ف شغلهم سيب يا اخي الناس تلبس ع راحتها خليكوم ف شغلكم

وقال كنتوا عاوزين حد من عندكم يمسك اليونوسكو ف المشمش حريات مفيش قمع ف كل شيئ يبقى عاوزين ايه

سيبوا الناس ابوس ايديكم اللي تتنقب تتنقب واللي عاوزة تتعرى هي حرة

ركزوا ف شغلكم

ركزوا ازاي يبقى السكر عامل مشكلة ف مصر يابلد فيها زراعه المفروض عملتوا من كل شيئ ازمة خنقوتونا

[MZohairy]

عموما برغم اعتراضي على كلام فضيلة شيخ الأزهر اذا كان قد قاله

الا ان النقاب لا يمت بأي صله للدين الاسلامي فعلا و فضيلته لم يخطئ في هذه النقطه