أنا أفهم فى الدين أكتر منك ومن اللى خلفوكى

[Fatma Salah Eldien]

ده كتاب الرد المفحم على من خالف العلماء و تشدد و تعصب، و ألزم المرأة بستر وجهها

http://arabic.islamicweb.com/sunni/rad_muf7im.htm

[mekkawy]

السلام عليكم و رحمة الله و بركاته

أحبابي في الله جميعاً

الموضوع سهل و هين و بسيط و بمنتهى اللذاذة بنقول فمن شائت ترتدي النقاب و من لم تشأ لا ترتدي و كل واحدة حرة .. لا المنتقبة تنكر على المخمرة ولا المخمرة تنكر على المنتقبة ولا نقول قوانين و مش قوانين و الكلام القديم المعادي للسامية و الحرية ده

أختنا فاطمة أصلح الله شأنك كله الكتب و الردود لا تنتهي بين الفريقين و لن تنتهي فلكل فريق حجته و أدلته و نحن أصغر من فهم و مناقشة هذه الأدلة بعلمنا القاصر .. اللي يستريح قلبك ليه اعمليه بس من فضلك ما تنكريش على حد ولا تعتدي على حريات الآخرين .. أنا زوجتي منتقبة و الحمد لله .. لا بأنكر على المخمرة ولا اللي لابسة طارحة ساترة حتى ولا بأنكر على اللي كاشفة وجهها .. كل واحد حر يا ست الكل و يوم القيامة يا رب نطلع كلنا صح يا ستي .. المنتقبة و المخمرة و اللي لابسة طرحة و اللي لابسة ايشارب كمان و لو في حد منهم غلط أهو هيعرف غلطه ساعتها .. و خلونا بأة من القضايا اللي قتلت بحثاً و نقاشاً و لو حابين تناقشوها بليز بليز بدون تعدي على بعض و على الآخرين

أعز الله قدركم و رفع شأنكم

مكاوى

[cup cake]

فرحت جدا لما لاقيت موضوع النقاب مطروح لان ليا راى اكيد هيكون ليه معارضين بس ده راى انا شايفه انه مش حرام و مدام هو مش حرام يبقى ليه نمنعه يعنى هنسيب المحزق و الملزق و نمسك فى النقاب نقول مثلا ان فى ناس بتستغله يعنى رجاله بتلبسه طيب و ده غلط مين غلط النقاب ولا غلطنا احنا يعنى بكل بساطه لما واحده تدخل مكان و هى منتقبه و حبينا نتحقق منها سواء فى الجامعه او اى مكان مفيش مانع ان يكون فى سيده لتحقق من شخصيه المنتقبه و بكده نمنع اى حوادث ممكن تحصل من ورا النقاب هتقولوا صعب هقولكم مهو فى الخليج الستات منتقبه و عايشين زى الفل و مفيش حوادث او جرائم

مره كده سرحت و تخيلت لو مصر كلها اتنقبت زى زمان اه مهو زمان كان فى برقع فى مصر يعنى مش بدعه مستحدثه المهم تخيلت كده انت ماشى فى الشارع و مش عارف مين الى ماشيه جنبك دى ممكن امك او اختك او عمتك الخ يا ترى حد هيعاكس حد مهو الى بيعاكس هيخاف تطلع قريبته او حتى تطلع وحشه مهو مش شايف و نترحم بقى من اللبس المستفز و البناطيل المتسقطه حتى احنا الستات هيبقى مصلحه بالنسبالنا ليه لان جوزى و جوزك مش هيشوفوا غير خيم سودا ماشيه قدامه و هيبطل بحلقه و هيغض بصره و مش هيتجوز عليكى مهو مش شايف غيرك و بعدين اوفر عبايتين و نقاب هيكفوكى بدل ما كل شهر تشترى هدوم بالشئ الفلانى اما بقى بالنسبه للجواز فالشرع بيسمح للعريس يشوف عروسته من غير نقاب 3 مرات قبل الخطبه يعنى ملوش حجه و ممنعش النقاب الجواز ولا حاجه و بكده نلاقى ان النقاب اوفر و اامن الستر حلو يا جماعه

[Fatma Salah Eldien]

اما بقى بالنسبه للجواز فالشرع بيسمح للعريس يشوف عروسته من غير نقاب 3 مرات قبل الخطبه يعنى ملوش حجه و ممنعش النقاب الجواز ولا حاجه

وهيعرف منين ان ال قدامه مجوزة أو مخطوبة أو عزباء مش المفروض يبص في ايدها في البداية عشان يعرف فيها دبلة ولا لأ؟؟؟؟؟؟؟؟؟؟وبالتالي هيبص على كفيها

لو الدبلة موجودة في اليمين تبقى مخطوبة ولو في الشمال تبقى مجوزة ولو مفيش تبقى مش مرتبطة

__________________________________________________

تم تعديل 1 سبتمبر 2010 بواسطة Fatma Salah Eldien

[Fatma Salah Eldien]

حتى احنا الستات هيبقى مصلحه بالنسبالنا ليه لان جوزى و جوزك مش هيشوفوا غير خيم سودا ماشيه قدامه و هيبطل بحلقه و هيغض بصره و مش هيتجوز عليكى مهو مش شايف غيرك

على كلامك ده انتي بتحرمي الحلال وهو التعدد واتعديتي على حقوق غيرك (البنات الكبار ف السن -الارامل -المطلقات)

في حاجة تانية عاوزة اقولها

ان النقاب عادة يهودية

________________________________________________________________________________