أولى وتانية ابتدائى ...ازاى يمتحنوا بدون حضور

[قطرة ندى]

عندى طفلين فى الصف الأول الابتدائى وارغب فى تدريسهم بالمنزل هذا العام ..فهل هناك حل لامتحانهم بدون دوام ...فكرت بتسجيلهم فى مدسة خاصة ولكن أخاف ان أطالب بالحضور ...فهل هناك حل لتلك المشكلة وخاصة ان السفارة المصرية لا يمتحن الطلبة بها الا من بداية الصف الثالث الابتدائى فيما فوق....الله يكرم اللى يفيدنى بحل للموضوع ده

[مروان]

الفاضلة

اسال الله ان ييسر امرك

بالنسبة للمدارس الحكومية فلابد من دوامهم تجنبا للمشاكل

اما في المدارس الخاصة فيمكن الاتفاق مع المدير او الوكييل بالتجاوز عن حضورهم

ويمكن حل مسالة غيابهم عن طريق اجازات متتالية بسبب البرد

واعتقد انك غير ملامة في ذلك

وتدريسهم من المنزل سهل بس المهم المتبعة

وعموما لم يعد التعليم بالمدارس مجديا الا بمتابعة من البيت وفقك الله

ممكن تدخلي موقع الوزارة وتحكلي الكتب منها وتدريسه للعيال

وممكن تستعيني بمدرس او اخت فاضلة

ربنا معاك

[قطرة ندى]

أشكر سيادتك وهو فعلا المدرسة بقت مجرد تضييع وقت بس اللى دعم الفكرة دى انتشار الفيروس المعروف اليومين دول وانا اولادى فى مدارس خاصة مش حكومة , ياترى هل انا مضطرة انى ألف على المدارس عشان أتفق مع الوكيلة على عدم الحضور ولا اتوكل على الله بموضوع الشهادات المرضى؟ وياترى هل سيُصدق ان الأخين عندهم برد ولا ادخل كل واحد مدرسة منفصلة؟

وايه المدارس اللى ترشحهالى من هذا المنطلق هل مدارس الهنود يمشى فيها الحال؟

انتظر راى سيادتك فى الموضوع وجزاك الله خيرا

[ozoozo]

ناس كتير بتتفق مع مدرسه في مصر عشان اول تلات سنين في ابتداءي وبيبعتولك الشهاده من غير امتحان في مقابل تبرع للمدرسه عيني او مادي

[قطرة ندى]

ناس كتير بتتفق مع مدرسه في مصر عشان اول تلات سنين في ابتداءي وبيبعتولك الشهاده من غير امتحان في مقابل تبرع للمدرسه عيني او مادي

اشكرك كثيرا على المعلومة ...انا عايزة اسأل لو فيه مشكلة لو ابنى اصغر من سن الدخول الرسمى فى مصر ب4 شهور عشان الامارات هنا بتاخد اولى ابتدائى 5 سنين وفى مصر 6 سنين..يعنى لو قدمتله فى مصر واتبرعت هيتغاضوا عن ان سنه اصغر ؟

[المهندسه]

السلام عليكم اخوانى

انا بنتى هتدخل المدرسه السنه الجايه اولى حضانه لسه بس عاوزة ارتب امورى من دلوقت ...انا ارغب فى الحاقها بمدرسه معينه فى مصر هى راهبات فرنسيه لان مش موجود منها هنا فى السعوديه طبعا و انا مصممه عليها لان تعليمى كده و مش عاوزه احود عنه فهل ممكن ادرسلها فى البيت و امتحنها فى السفاره مثلا هل ده مسموح و فيه تعاون بين المدارس فى مصر و السفاره للمشكله دى ارجو من لديه اى معلومه منكم ان تزودونى بها او من لديه اى اقتراح...السلام عليكم

[قطرة ندى]

السلام عليكم اخوانى

انا بنتى هتدخل المدرسه السنه الجايه اولى حضانه لسه بس عاوزة ارتب امورى من دلوقت ...انا ارغب فى الحاقها بمدرسه معينه فى مصر هى راهبات فرنسيه لان مش موجود منها هنا فى السعوديه طبعا و انا مصممه عليها لان تعليمى كده و مش عاوزه احود عنه فهل ممكن ادرسلها فى البيت و امتحنها فى السفاره مثلا هل ده مسموح و فيه تعاون بين المدارس فى مصر و السفاره للمشكله دى ارجو من لديه اى معلومه منكم ان تزودونى بها او من لديه اى اقتراح...السلام عليكم

انتى اتأكدتى ان مفيش مدارس فرنسية فى السعودية؟

بالنسبة لموضوع انها تمتحن فى السفارة الامتحان فى السفارة بيبدأ من سنة ثالثة ابتدائى أما بخصوص ثقافتك فكل انسان عظيم فى عين نفسه, ومن تواضع لله رفعه.

[قطرة ندى]

لما كنت فى السعودية افتكر واحدة صديقتنا كانت بتقول ولادى اتقنوا الانجليزى صف ثالث ورابع وهحولهم على مدارس فرنسى علشان يتقنو اللغة ...روحى وزارة التربية والتعليم وهاتى من عندهم لسته مجانية خاصة بالمدارس الاجنبية ودورى فيها.......بالنسبة لمدرسين الفرنسى عندكم فى السعودية زى الرز لقيت عناوينهم على موقع لو حبيتى بعتهولك....تقدرى كمان تسألى المصريين اللى عندكم اللى بيعلموا اولادهم فى الكامب بيبقى فيه دور حضانة فيها مدرسين اجانب لغاتهم مختلفة عشان يعلمو الولاد اللغة اولى وتانية حضانة .

[المهندسه]

اولا شكرا لك يا استاذه قطره الندى لردك ولكن انا ليه مش عارفه بتقولى عليا من تواضع لله رفعه يعنى الى بيتقن لغه انجليزى و عاوز يدخل ولاده مدرسه انجليزى علشان يعرف يذاكر لهم هتقولى عليه كده برده ...انا بتقن اللغه الفرنسيه و عاوزه ادخل بنتى كده علشان تسهل عليا مذاكرتها فملهاش لازمه الكلمه دى احنا ناس كبيره و امهات .

وشكرا لاهتمامك

[doudy]

اولا شكرا لك يا استاذه قطره الندى لردك ولكن انا ليه مش عارفه بتقولى عليا من تواضع لله رفعه يعنى الى بيتقن لغه انجليزى و عاوز يدخل ولاده مدرسه انجليزى علشان يعرف يذاكر لهم هتقولى عليه كده برده ...انا بتقن اللغه الفرنسيه و عاوزه ادخل بنتى كده علشان تسهل عليا مذاكرتها فملهاش لازمه الكلمه دى احنا ناس كبيره و امهات .

وشكرا لاهتمامك

الزميلة الفاضلة المهندسة

انا كمان تعليمى فرنساوى زى حضرتك بس دخلت ولادى انجليزى

المهم انا بقول لحضرتك كدة عشان اوضح ان مدارس فرنساوى

بيبقى ليها نظام خاص يعنى الحساب بالفرنساوى و العلوم كمان ليكتور فرنساوى كمان

مش عارفة السفارة فيها امتحان باللغة الفرنسية ولا لا و السفارة امتحان و بس

يعنى لازم تذاكريلهم حضرتك و اعتقد هيبقى صعب لوحدك من غير مدرسة و كتيير كمان

و على فكرة السعودية فيها مدارس تبع سفارات دول ناطقة للفرنسية زى غينيا فى جدة

و غيرها و لو حضرتك فى الرياض فيها مدارس فرنساوى ما تقلقيش

و ربنا يوفقك .. تحياتى

[قطرة ندى]

اولا شكرا لك يا استاذه قطره الندى لردك ولكن انا ليه مش عارفه بتقولى عليا من تواضع لله رفعه يعنى الى بيتقن لغه انجليزى و عاوز يدخل ولاده مدرسه انجليزى علشان يعرف يذاكر لهم هتقولى عليه كده برده ...انا بتقن اللغه الفرنسيه و عاوزه ادخل بنتى كده علشان تسهل عليا مذاكرتها فملهاش لازمه الكلمه دى احنا ناس كبيره و امهات .

وشكرا لاهتمامك

أولا انا آسفة ياستى وحقك عليا..اللى ضايقنى انى كنت منزلة موضوع عشان اسأل على حاجة معينة لقيتك دخلتى موضوعى وبتسألى على حاجة ملهاش دخل فى موضوعى وبكدة قطعتى عليا الردود اللى كنت منتظراها وهستفيد منها وكنتى تقدرى تخلى الموضوع منفصل فى صفحة تانية علشان اقدر أستفيد وتستفيدى,أنا كنت منتظرة رد السيد ozoozo

كان الموضوع مهم بالنسبالى جدا وبكدة الموضوع اللى اجتهدت فى عمله اتقفل يعنى اتحول على موضوع تانى خالص

المهم انتى سألتى سؤال عن الدراسة بالفرنسى ورديتى على سؤال افتراضى انك عايزة تدرسيهم ليه فرنساوى وقلتى ان دا تعليمك ومش عايزة تحودى عنه رغم ان محدش كان هيسأل ليه عايزة تدرسيهم فرنساوى زى ما انا قلت عايزة أدرس ولادى السنة دى فى البيت رغم انهم صفوف اساسية ومحدش سألنى ليه...كل واحد حر .. وبالذات المنتدى ده والباب ده أغلب المصريين اللى فيه مسافرين بره او سافروا ورجعوا فبتلاقيهم عقولهم منفتحة وفاهمين ان كل واحد ليه رأيه ..يعنى عادى كل واحد حر وسؤالك كان زى ماقلتى انه لحاجة قدام يعنى مش مهم دلوقتى بالنسبة لك لكن بالنسبة ليا الموضوع عاجل عشان المشكلة بتاعتى المفروض تتحل على وجه السرعة يعنى اما آخد أول طيارة وأنزل مصر اقدم هناك واما ألحق أقدم هنا لأن الدراسة بدأت بقالها فترة وخايفة السنة تضيع وربنا يستر فالموضوع مهم جدا بالنسبة لى وكنت أتمنى انى ألاقى منك الدعم الوجدانى والمشاركة فى الاحساس بالمشكلة وبكرة هتشوفى ان كل ما الطفل بيكبر كل ما همه بيزيد وأكيد جربتى لو عندك ابن فى صف أكبر

الحاجات دى مجتمعة حسستنى بنوع من الغيظ ومعلش سامحينى احنا بشر وحصل خير وأهلا بيكى فى صفحتى المتواضعة

تم تعديل 14 أكتوبر 2009 بواسطة قطرة ندى

[المهندسه]

السلام عليكم يا قطره الندى

مفيش بينا زعل ان شاء الله فى هذا المنتدى الرائع و ربنا يوفقك مع اولادك بأذن الله بس سؤالى جه قبل اوانه بسنه لانى انتظر طفله جديده فى شهر مارس القادم كنت عاوزه احسم الموضوع ده من دلوقت علشان اعرف هرجع ادخل البنت المدرسه فى الرياض ..و لا اضع الطفله الجديده بالسلامه و استقر فى مصر اعذرينى, كل واحد بيبقى فى مشكله بسيطه حتى بيحس انها كبيره و بيبقى عاوز حلها فى الحال...ربنا يوفق اولادك ان شاء الله و شكرا لك كثيرا

السلام عليكم