جوزى بعث لى بالورقة الصفرا و بعدين

[moamana]

زوجى بعث الى بالورقة الصفرا بتاعت الاستقدام الى الرياض

الكل شارح تعملوا ايه فى السعودية

بس محدش شارح الخطوات فى مصر

حد يقولى بئه الخطوات و معى طفلى يبلغ شهران ايه الاوراق المطلوبة و اروح الاول الى المكتب و لا اروح اعمل التحاليل و لا ايه بالضبط

و شهادة التطعيمات ديه اللى فى ظهر شهادة الميلاد و لا ايه؟و اختمها منين؟

[moamana]

اتسالت بالمكتب الذى سافر زوجى نبعهوه

قالولى تعالى بالباسبور و هذه الورقة و سنقول لك عن التحاليل و الكشف الطبى

و ناتى لك بالتاشيره

مقابل 700 جنيه

المبلغ ده كثير و لا ده تمن التاشيره و لا ايه؟

علما بان التحاليل الطبية خارج المبلغ

[doudy]

اتسالت بالمكتب الذى سافر زوجى نبعهوه

قالولى تعالى بالباسبور و هذه الورقة و سنقول لك عن التحاليل و الكشف الطبى

و ناتى لك بالتاشيره

مقابل 700 جنيه

المبلغ ده كثير و لا ده تمن التاشيره و لا ايه؟

علما بان التحاليل الطبية خارج المبلغ

اولا ازيك يا مؤمنة

انا من اسكندرية و دفعت للمكتب 260 جنيه فقط للبسبور الواحد

ثانيا شوفى يا ستى الخطوات اهه كالتالى:

هتاخدى البسبورات و تروحى للمكتب تدفعى جزء من الفلوس و يعملولك رقم النت

بعد كدة هتاخدى ورقة النت دى و تروحى تبدائى فى عمل التحاليل

و النتيجة على حسب ممكن يقولوا هتروح للمكتب عن طريق النت او تستلميها باليد و توديها للمكتب

و بعد النتيجة ما تظهرهتاخدىها و كمان صورتين شخصيتين ليكى و لابنك و قسيمة الزواج و شهادة ميلاد ابنك و دفتر تطعيماته

و تروحى تقدميهم للمكتب و هما هيجيبوا لكى التاشيرة مش بتاخد يومين و بعدين تدفعى باقى الفلوس

بس كدة و ربنا يوفقك و يا رب ما اكون نسيت حاجة

[moamana]

ميرسى جدا يا دودى بس يا قمر

دفتر تطعيماته اللى هى الكراسة اللى اخدناها من مكتب الصحة ديه و الله حبيبتى ديه بيضاء مكتبوش لى فيها حاجة

طيب التحاليل الاول فى معامل وزارة الصحة و هم اللى بيحولونى على جاميكا و لا اروح علطول على جاميكا

معلش شهادة الميلاد و قسيمة الزواج اللى معاى لام يكونوا متوثقين من الخارجية و القنصلية و لا عادى

[aboueyad alex]

الأخت الكريمة مؤمنة نبدء خطوة خطوة

1. إستخراج رقم النت من أى شركة محترمة للتوظيف وده مع رسوم التأشيرة حوالى 300 جنيه بالكتير وده حضرتك بتروحى بالورقة الصفراء والباسبور الخاص بيكى لو ضايفه ابنك عليه يبقى كويس حتكون رسوم واحدة ومعاكى صورة شخصية ليكى و للإبن وتستلمى ورق النت الخاص بالتحاليل و الخاص بالكشف .

2. التحاليل فى المعامل المركزية فى شارع القصر العينى بتروحى تدفعى 120 جنيه وصورتين وفى هناك استلام النتائج بعد اربع ايام عمل أو هناك طريقة اخرى وهى دفع خمسة جنيهات نظير استلام النتيجة عن طريق النت ده للإطمئنان لكن النتائج كده كده بتروح على السفارة تلقائى.

3. الكشف الطبى حضرتك بتروحى على شركة جامكا بجوار قسم قصر النيل قبل الساعة 3 عصرا بتاخدى بسبورك والبطاقة والورقة اللى استلمتيها بتاعة النت وبيحولك على مستشفى من المعتمدين ولما تروحى المستشفى بتدفعى 180 رسوم الكشف .

4. الطفل بالنسبة للتطعيم الخاص بيه ده عبارة عن تطعيم شلل اطفال بمبلغ 25 من أى مكتب صحىة معتمد يعنى حضرتك شوفى بطعمى ابنك فين واسأليهم على التطعيم ده فين حيقولولك ده غير شهادة الميلاد اللى مدون عليها اتطعم ايه .

بالنسبة للدفتر ده مالوش لازمة لأنه روتينى قال يعنى بيتبعوه فى مراحل عمره بمصر فقط لاغير .

[youyou]

طب يا جماعة ازاى الزوجة هيبقى معاها قسيمة الزواج وهى مع الزوج فى الخارج عشان يعمل بيها اجراءات الاستقدام ولا هيا هتطلع واحدة جديدة وتوثقها من الخارجية والقنصلية ولا هيا مش محتاجة توثيق أصلا ولا .. النقطة دى محتاجة شرح الله يبارك لكم

[moamana]

ابو اياد جزاك الله كل خير وفرت علىى كثير

[aboueyad alex]

الأخت الكريمة yoyo

بالنسبة للقسيمة حضرتك بيكون فيه نسختين دايما المؤذون بيسلمهم لأهل العريس والعروسة فأكيد لو معاه نسخة لازم يكون عندك نسخة تانية

وبتتوثق من 1.محكمة الأسرة 2. أمين الشهر العقارى 3. الخارجية 4.السفارة السعودية لما تخلصى الإجراءات .

أما لو مر على الزواج 6 أشهر فيمكن إستخراج قسيمة زواج مميكنة ودى بتتكلف تقريبا 15 جنيه وفى الحالة دى تعتمد من 1. ضابط الأحوال المدنية وتأخذ ختم نسر إضافى 2. الخارجية 3. السفارة السعودية.

[aboueyad alex]

الاخت/ مؤمنة

لو إبنك على نفس جواز سفرك المصروفات بتكون واحدة 300 جنيه تقريبا أما لو إبنك له جواز سفر لواحده تكون المصروفات الخاصة بالنت الدوبل هذا للعلم .

لو حضرتك فى القاهرة ممكن أدل سيادتك على مكتب كويس يخلص حضرتك بسرعة وده أنا تعاملت معاه وسريع

[ozoozo]

اولا القسيمه بتطلع من السجل المدني مميكنه زي شهاده الميلاد ب15 جنيه انشالله تاخدي 20 واحده

ثانيا اصلا اسم الزوج مكتوب في الباسبور يبقي لا حاجه للقسيمه في مصر

ثالثا شهاده ميلاد الطفل الورقيه هاتلاقي في ظهرها التطعيمات هي دي المطلوبه انما الكراسه الزرقاء او الحمراء مالهاش لازمه

[aboueyad alex]

الأطفال بيكون ليهم تطعيم شلل أطفال بمبلغ 25 جنيه وهذه هى شهادة التطعيمات وهناك موضوع سابق عن هذه النقطة وذلك غير شهادة ميلاد الطفل المدون عليها من الخلف التطعيمات

[aboueyad alex]

http://www.egyptiantalks.org/invb/?showtopic=83408

ده رابط موضوع شهادات التطعيم

[خالد شحاته]

الاخت الفاضله

السلام عليكم ورحمة الله وبركاته

الاوراق المطلوبه وهي كالاتي

جو از سفر الام ومضاف ايه الاولاد اما لو الجواز الجديد كل شخص جواز سفر مستقل اما من ناحيه المصروفات هي كالاتي

الام عمل مرتين نت بي 200 جنيه 80 جنيه طابع للقنصليه و70 جنيه للشركه المبلغ كدا 350 جنيه اما لو فيه جوازت ابناء منفصله في كالاتي جوز الابن او البنت بيتعمل نت بي 100 جنيه بس يكونو اقل من 16 عام و80 جنيه طابع و70 جنيه للشركه وكدا جواز الطفل بيخالص بي 250 جنيه شامل نت وطابع والشركه اما بالنسبه للقسيه الزواج صوره بتكفي ومش للازم تكون مصدقه لاهي ولا شهادات الميلاد و صوره شهادات الميلاد الا عليه التطعيم من الخلف ومش مهم تعملي تطعيم بي 25 جنيه ملوش اي للزمه تكلفه علي الفاضي

تم تعديل 8 أكتوبر 2009 بواسطة خالد شحاته

[mama nona]

السلام عليكم

الاخوة الافاضل

عندى استفسار

فى حالة انه ولادى مضافين على جواز سفرى

زوجى بيعمل استقدام واحد بس لنا كلنا

طيب فى حاله انه كل طفل له جواز سفر منفصل

ايه الوضع ؟

بيكون برده استقدام واحد ولا الوضع بيختلف؟

[aboueyad alex]

الأخت ماما نونا

من الذى قرأته فى المحاورات أن الاستقدام ترسل ورقة مكتوب فيها زوجة فلان وابن فلان او ابنة فلان

فأعتقد لا تفرق لكن ستفرق مع حضرتك فى مصروفات السفر بدل ماهى لباسبور واحد سوف تكون لعدد الباسبورات الخاصة بكم كزوجة وابناء وهى موضحة فى المداخلات السابقة وهى تقريبيه وتختلف مصروفات المكاتب من مكتب لأخر فروق بسيطة

أنا كنت كاتبها مجمعة والاخ خالد كتبها مفصلة

[mama nona]

معلهش عندى استفسار كمان

لو زوجى بيسافر على فيزا جديدة وبيبدأ الاجراءات من جواز سفر جديد ورقم النت والكشف طبى وخلافه

ينفع انه انا اعمل نفس الخطوات معاه يعنى تحديد ا الكشف الطبى والتحاليل واكون جاهزة فانتظار ورقة الاستقدام

ولا لازم كل الخطوات دى تتعمل بعد ما يبعت ورق الاستقدام

وشكرا

[aboueyad alex]

الورقة الصفراء لما تصل لحضرتك بيكون عليها رقم تأشيرة ودى اللى بناء عليها بيطلعلك رقم النت

منقول عن لسان احد موظفى شركات التسفير

[خالد شحاته]

معلهش عندى استفسار كمان

لو زوجى بيسافر على فيزا جديدة وبيبدأ الاجراءات من جواز سفر جديد ورقم النت والكشف طبى وخلافه

ينفع انه انا اعمل نفس الخطوات معاه يعنى تحديد ا الكشف الطبى والتحاليل واكون جاهزة فانتظار ورقة الاستقدام

ولا لازم كل الخطوات دى تتعمل بعد ما يبعت ورق الاستقدام

وشكرا

السلام عليكم ورحمة الله وبركاته

رقم النت بيسجل فيه رقم اقامه زوجك وليس له علاقه برقم التاشيرة

[moamana]

الحمد لله خلصت الاجراءات و ادعولى تتقبل عشان كان فى مشكلة فى شهادة ميلاد ابنى و حلناها اخيرا

1.جوزك يبعتلك الورقة الصفرا خديها و روحى المكتب "بس لو مش حرامى و هيسرقك لانى خلصت الاجراءات فى مكتب ب260 جنيه بس بعد ما اتقالى 700 و 580 و 500 و كده"

2.المكتب هيطلعلك رقم نت على باسبورك "كل باسبور ب160 جنيه" يعنى الافضل الاولاد يكونوا مضافين على باسبورك و هياخد صورتين4*6 بخلفية بيضاء

3.هيديك رقم نت تروحى بيه معامل التحاليل المركزيه لوزارة الصحة فى شارع الشيخ ريحان امام الجامعة الامريكية هياخدوا هناك منك 120ج و صورتين و عينة دم و يدوكى رقم نت تجيلهم بعد 4 ايام تعرفى النتيجة لو مش عايزة ترجعى تانى ادفعى 5 جنيه و خدى رقم سرى و اعرفى النتيجة من النت و اطبعيها عشان تدى نسخة منها للمكتب

4.هتروحى كمان لمعامل جاميكا برقم النت و ديه امام القنصلية السعودية بعد دار الحكمة و تاخدى منهم اسم المستشفى اللى هتعملى فيها تحاليل و كشوفات و اشعة و هم 5 مستشفيات 2 فى المعادى و 2 فى مصر الجديدة و 1 فى المهندسين اختارى الاقرب لك و الاسرع

فى المستشفى هياخدوا منك 220 ج و يعملولك اشعة و تحاليل و كشف روتينى و مش هيدوك حاجة و النتيجة هتروح القنصلية لوحدها

5.هترجعى المكتب بالاتى اصل الاستقدام +صورة من عقد الزواج+صورة من نتيجة تحاليل المعمل المركزى+ورقتين النت اللى اداهملك فى الاول+شهادة ميلاد الاولاد

و تديهم رسم التاشيرة و فى حالتى دفعت على الباسبور الواحد 100 ج و تنتظرى من 3 ايام الى اسبوع عشان التاشيرة

فى ملاحظات مفيدة

المكاتب كلها بتقفل الساعة 3

شهادة ميلاد الطفل لازم يكون معها شهادة تطعيمات و ديه يا اما من مكتب الصحة و اسمها شهادة شلل الاطفال ب25 ج او شهادة الميلاد الزرقاء القديمة مكتوب على ظهرها التطعيمات اللى اخدها او شهادة الميلاد اللى بالكمبيوتر تروحى بيها مكتب الصحة يكتبلك ابنك اطعم ايه و يختمهالك على ظهرها

ديه 3 حلول لشهادة التطعيمات

اخيرا يوم ذهابك للمستشفى ارتدى بدى كارينا بكم او قطن بكم و بنطلون لو كنت محجبة تحت ملابسك عشان الاشعة

ادعولى بالتوفيق

[خالد شحاته]

الحمد لله خلصت الاجراءات و ادعولى تتقبل عشان كان فى مشكلة فى شهادة ميلاد ابنى و حلناها اخيرا

1.جوزك يبعتلك الورقة الصفرا خديها و روحى المكتب "بس لو مش حرامى و هيسرقك لانى خلصت الاجراءات فى مكتب ب260 جنيه بس بعد ما اتقالى 700 و 580 و 500 و كده"

2.المكتب هيطلعلك رقم نت على باسبورك "كل باسبور ب160 جنيه" يعنى الافضل الاولاد يكونوا مضافين على باسبورك و هياخد صورتين4*6 بخلفية بيضاء

3.هيديك رقم نت تروحى بيه معامل التحاليل المركزيه لوزارة الصحة فى شارع الشيخ ريحان امام الجامعة الامريكية هياخدوا هناك منك 120ج و صورتين و عينة دم و يدوكى رقم نت تجيلهم بعد 4 ايام تعرفى النتيجة لو مش عايزة ترجعى تانى ادفعى 5 جنيه و خدى رقم سرى و اعرفى النتيجة من النت و اطبعيها عشان تدى نسخة منها للمكتب

4.هتروحى كمان لمعامل جاميكا برقم النت و ديه امام القنصلية السعودية بعد دار الحكمة و تاخدى منهم اسم المستشفى اللى هتعملى فيها تحاليل و كشوفات و اشعة و هم 5 مستشفيات 2 فى المعادى و 2 فى مصر الجديدة و 1 فى المهندسين اختارى الاقرب لك و الاسرع

فى المستشفى هياخدوا منك 220 ج و يعملولك اشعة و تحاليل و كشف روتينى و مش هيدوك حاجة و النتيجة هتروح القنصلية لوحدها

5.هترجعى المكتب بالاتى اصل الاستقدام +صورة من عقد الزواج+صورة من نتيجة تحاليل المعمل المركزى+ورقتين النت اللى اداهملك فى الاول+شهادة ميلاد الاولاد

و تديهم رسم التاشيرة و فى حالتى دفعت على الباسبور الواحد 100 ج و تنتظرى من 3 ايام الى اسبوع عشان التاشيرة

فى ملاحظات مفيدة

المكاتب كلها بتقفل الساعة 3

شهادة ميلاد الطفل لازم يكون معها شهادة تطعيمات و ديه يا اما من مكتب الصحة و اسمها شهادة شلل الاطفال ب25 ج او شهادة الميلاد الزرقاء القديمة مكتوب على ظهرها التطعيمات اللى اخدها او شهادة الميلاد اللى بالكمبيوتر تروحى بيها مكتب الصحة يكتبلك ابنك اطعم ايه و يختمهالك على ظهرها

ديه 3 حلول لشهادة التطعيمات

اخيرا يوم ذهابك للمستشفى ارتدى بدى كارينا بكم او قطن بكم و بنطلون لو كنت محجبة تحت ملابسك عشان الاشعة

ادعولى بالتوفيق

الاخت الفاضله

السلام عليكم ورحمة الله وبركاته

اولا الحمد لله ان التاشيره خالصت بس انتي مفكره ان المكتب عملك رخيص بي 260 جنيه للاسف لان انتي انضحك عليكي في النت اخذ منك 160 جنيه في كل جواز ولكن للاسف النت المرتين لكي انتي فقط اما الاول نت واحد بي 80 جنيه لان الاولاد مش لهم كشف الا فوق 17 سنه علي العموم الله يوصلك بسلامه

تم تعديل 12 أكتوبر 2009 بواسطة خالد شحاته