جوزى بعث لى بالورقة الصفرا و بعدين

[saleh hasan]

السلام عليكم

كان ليا طلب بخصوص الموضوع ده

من الاستاذ aboueyad alex

اريد معرفة المكتب اللي حضرتك تعاملت معاه

وياريت اعرف بياخد

فلوس كام

واذا سمحتي يا اخت مؤمنه حضرتك عملتي في اي مكتب ياريت تذكري اسمه وعنوانه

ولكم جزيل الشكر

[saleh hasan]

كان ليا استفسار كمان

انا زوجتي ليها جواز سفر" القديم" لكن اسم الزوج غير مضاف

هل يمكن اضافته ؟؟؟؟

وهل يمكن اضافة الابناء ام لابد من استخراج جواز سفر جديد ؟؟؟

وبالنسبه للاخت مؤمنه

حضرتك وثقتي قسية الزواج وشهاده ميلاد الابناء من القنصليه والخارجيه ام لا

وهل اسم الزوج موجود علي الباسبور

شكرا جزيلا لكم

وجزاكم الله كل الخير علي مساعداتكم

تم تعديل 12 أكتوبر 2009 بواسطة saleh hasan

[aboueyad alex]

كان ليا استفسار كمان

انا زوجتي ليها جواز سفر" القديم" لكن اسم الزوج غير مضاف

هل يمكن اضافته ؟؟؟؟

وهل يمكن اضافة الابناء ام لابد من استخراج جواز سفر جديد ؟؟؟

ممكن إضافة إسم الزوج بالجوازات ويضاف فى صفحة رقم 9

أما الأولاد فيضافوا فى صفحة رقم 7

هذا فى حال صلاحية جواز السفر لمدة تزيد عن 6 أشهر والأوراق المطلوبة هى طلب نموذج مجانى من الجوازات يسمى نموذج تعديل ويمكن لسيادتك الذهاب بدل منها وعمل كافة الإجراءات وخد قسيمة الزواج وبطاقتها وشهادات ميلاد الأولاد و الموضوع بياخد بأمر الله دخول الجوزات ا لساعة 8.30 تستلم 2.30

وبالنسبه للاخت مؤمنه

حضرتك وثقتي قسية الزواج وشهاده ميلاد الابناء من القنصليه والخارجيه ام لا

وهل اسم الزوج موجود علي الباسبور

شكرا جزيلا لكم

حرد لحد ما الاخت مؤمنة ترد لازم إثبات إسم الزوج بالجواز حتى لو جواز سفر حديثو توثيق الأوراق حتى تقدر على إستخدامها المملكة بسهولة والتوثيق مش مبلغ يذكر

وجزاكم الله كل الخير علي مساعداتكم

[aboueyad alex]

الأخت مؤمنة

يعنى الوصفة بتاعتى طلعت تمام ولا ناقصة شوية ملح

عموما ربنا يوفقك ويتم سفركم على خير ويجمعك انتى وأولادك بزوجك على خير

[aboueyad alex]

الحمد لله خلصت الاجراءات و ادعولى تتقبل عشان كان فى مشكلة فى شهادة ميلاد ابنى و حلناها اخيرا

1.جوزك يبعتلك الورقة الصفرا خديها و روحى المكتب "بس لو مش حرامى و هيسرقك لانى خلصت الاجراءات فى مكتب ب260 جنيه بس بعد ما اتقالى 700 و 580 و 500 و كده"

2.المكتب هيطلعلك رقم نت على باسبورك "كل باسبور ب160 جنيه" يعنى الافضل الاولاد يكونوا مضافين على باسبورك و هياخد صورتين4*6 بخلفية بيضاء

3.هيديك رقم نت تروحى بيه معامل التحاليل المركزيه لوزارة الصحة فى شارع الشيخ ريحان امام الجامعة الامريكية هياخدوا هناك منك 120ج و صورتين و عينة دم و يدوكى رقم نت تجيلهم بعد 4 ايام تعرفى النتيجة لو مش عايزة ترجعى تانى ادفعى 5 جنيه و خدى رقم سرى و اعرفى النتيجة من النت و اطبعيها عشان تدى نسخة منها للمكتب

4.هتروحى كمان لمعامل جاميكا برقم النت و ديه امام القنصلية السعودية بعد دار الحكمة و تاخدى منهم اسم المستشفى اللى هتعملى فيها تحاليل و كشوفات و اشعة و هم 5 مستشفيات 2 فى المعادى و 2 فى مصر الجديدة و 1 فى المهندسين اختارى الاقرب لك و الاسرع

فى المستشفى هياخدوا منك 220 ج و يعملولك اشعة و تحاليل و كشف روتينى و مش هيدوك حاجة و النتيجة هتروح القنصلية لوحدها

5.هترجعى المكتب بالاتى اصل الاستقدام +صورة من عقد الزواج+صورة من نتيجة تحاليل المعمل المركزى+ورقتين النت اللى اداهملك فى الاول+شهادة ميلاد الاولاد

و تديهم رسم التاشيرة و فى حالتى دفعت على الباسبور الواحد 100 ج و تنتظرى من 3 ايام الى اسبوع عشان التاشيرة

فى ملاحظات مفيدة

المكاتب كلها بتقفل الساعة 3

شهادة ميلاد الطفل لازم يكون معها شهادة تطعيمات و ديه يا اما من مكتب الصحة و اسمها شهادة شلل الاطفال ب25 ج او شهادة الميلاد الزرقاء القديمة مكتوب على ظهرها التطعيمات اللى اخدها او شهادة الميلاد اللى بالكمبيوتر تروحى بيها مكتب الصحة يكتبلك ابنك اطعم ايه و يختمهالك على ظهرها

ديه 3 حلول لشهادة التطعيمات

اخيرا يوم ذهابك للمستشفى ارتدى بدى كارينا بكم او قطن بكم و بنطلون لو كنت محجبة تحت ملابسك عشان الاشعة

ادعولى بالتوفيق

الاخت الفاضله

السلام عليكم ورحمة الله وبركاته

اولا الحمد لله ان التاشيره خالصت بس انتي مفكره ان المكتب عملك رخيص بي 260 جنيه للاسف لان انتي انضحك عليكي في النت اخذ منك 160 جنيه في كل جواز ولكن للاسف النت المرتين لكي انتي فقط اما الاول نت واحد بي 80 جنيه لان الاولاد مش لهم كشف الا فوق 17 سنه علي العموم الله يوصلك بسلامه

يا أخ خالد ليه تحبط الأخت مؤمنة وتقولها انضحك عليكى يعنى فرقت 10 جنيه عن السعر اللى حضرتك حاطه فى موضوع الزيارة العائلية .

والمكتب بيطلب منك مبلغ وقدره 250 جنيه فقط منهم رسوم النت والطبع الا موجود علي التاشيره وتحت امرك في اي استفسار اخر

[moamana]

الاخ ابو اياد الله يكرمك الوصفة تمام التمام و سهلت على كثير و الله

و متخافش الاخ خالد ما احبطنيش و الله انا كنت مستعدة ادفع اكثر بس انجز و الحمد لله ديه ارزاق

الاخ خالد

جزاك الله كل خير

استاذ صلاح

لو انت قصدك على الورق اللى هتقدم بيه الاستقدام هناك فى السعودية فالاجابة نعم ضرورى توثق الاتنان من الخارجية و القنصلية

اما لو انت قصدك على الورق اللى بتقدمه الزوجة او الابناء هنا للقنصلية بعد ما تبعتلها الورقة الصفرا فالاجابة لا ممكن نسخ عادية غير موثقة

[خالد شحاته]

الاخت الفاضله

السلام عليكم ورحمة الله وبركاته

اولا الحمد لله ان التاشيره خالصت بس انتي مفكره ان المكتب عملك رخيص بي 260 جنيه للاسف لان انتي انضحك عليكي في النت اخذ منك 160 جنيه في كل جواز ولكن للاسف النت المرتين لكي انتي فقط اما الاول نت واحد بي 80 جنيه لان الاولاد مش لهم كشف الا فوق 17 سنه علي العموم الله يوصلك بسلامه

يا أخ خالد ليه تحبط الأخت مؤمنة وتقولها انضحك عليكى يعنى فرقت 10 جنيه عن السعر اللى حضرتك حاطه فى موضوع الزيارة العائلية .

الاخ الفاضل الزياره غير الاستقدام الزياره بتكلف 500 جنيه اما الاستقدام نت مرتين للام 160 جنيه ومكتب 50 جنيه اما الاطفال نت 80 ومكتب 50 جنيه اتمني اكون وضحت لك

]

تم تعديل 13 أكتوبر 2009 بواسطة خالد شحاته

[aboueyad alex]

الأخ الكريم / خالد شحاته

المبلغ اللى حضرتك حاطه فى توبيك الزيارة العائلية

كان لأخ بيسأل عن إضافة إبنه للإستقدام عشان مولود جديد يعنى نفس حالة أختنا مؤمنة وده اللى حضرتك كاتبه مش إحنا وبعدين المكتب لما بياخد 100بالطابع ده كده مش كتير فى وقت الإستغلال اللى إحنا فيه لظروف البشر .

وده للتوضيح برده

[saleh hasan]

لو سمحت ياخت مؤمنة عاوز اعرف اسم المكتب وعنوانة اللى حضرتك خلصتى ورقك منة

شكرا يا ابو اياد لاهتمامك . انا من القاهرة واريد معرفة مكاتب تكون اسعارها معقولة

بالنسبه للتوثيق انا وثقت الاوراق اللي خدتها للاستقدام قسيمة الزواج وشهاده ميلاد بنتي لكن كنت بسال علي اللي هيتقدموا في مصر المفروض هما كما يتوثقوا خصوصا ان اسمي غير مضاف علي باسبور زوجتي

ارجو الافاده

وشكرا جزيلا

[aboueyad alex]

الاخ صالح

حضرتك الزوجة لو الباسبور قديم تروح تضيف اسمك وتضيف البنت فى الباسبور فى خطوة واحدة بالجوازات وتاخد معاها صور للبنوتة عددها 3 بخلفية بيضاء بالاضافة لشهادة الميلاد واصل قسيمة زوجكم وتنهى الموضوع ده مجانا .

بالنسبة للتوثيق يفضل تكون اوراقكم موثقة من الخارجية وده يكون اسهل لإنهاء الاجراءات فى مصر ومن السفارة السعودية عشان تستخدمها فى السعودية

بالنسبة للمكاتب كتير منها من هم حول السفارة ومنهم من هم بعيد وانا بعتلك على الخاص اسم مكتب

[moamana]

استاذ صلاح ضيف بنتك على جواز زوجتك عشان هيسهل ملايين الاجراءات بعدكده حتى فى السنين القادمة

لو خلاص البنوتة لها باسبور جديد اسال المكتب توثقهم و لا لا

لكن انا موثقتش غير النسخة التى سافر بها زوجى و بعث لى بالاستقدام اما النسخ التى قدمتها هنا او صورها لم تكن موثقة و لكن اسم زوجى مثبوت فى جواز سفرى و ابنى مضاف عليه

معلش لم افيدك فى هذا الامر اوى

يا جماعة المكتب اللى بتروح تتطلعى منه رقم نت هو ده اللى تتعاملى معاه

يعنى مثلا انا اتعاملت مع مكتب الهندى اللى امام البنزينة اللى فى منتصف شارع القصر العينى اللى ادام الشهر العقارى

[saleh hasan]

انا متشكر اوي ليكم كلم لاهتمامكم ومساعدتكم وان شاء الله هاروح الجوازات النهارده وتخلص علي خير