هل انا وحش ومنحوس ومستاهلش العيشه في الدنيا!!!!!!!!!!!!

[النسر المصري]

ده بجد مش هزار

الكثير عارفني هنا من ساعة مادخلت المحاورات من اول يوم......

والكل عارف المصايب والكعبلات المتواليه المتتاليه ليا وف حياتي!!!

الكل فاكر حوادث العربيات وحوادث العمل والفلوس الللي بتتسرق من المقربين والموبايلات وحوادثها....عوضا عن حواديتي وحوادثي الشخصيه والمصائب اللي بالجمله ...!!!!

قد تكون امور معتاده ومعروفه للجميع....

لكن اللي قاهرني ومخلي نفسي تصعب عليا واحس بالمهانه هي كثرة تلك المصائب وتكرارها فوق المعدل الططبيعي بعشرات المرات عن اي شخص (منحوس) في الدنيا!!!!!

كنت فاكر بعد الجواز ان الامور ستتغير وسيصبح لي حياة جديدة!!!

لكن لم ولن تنتهي...وحياتي انسرقت واصبحت جحيم !!!!!

اصحبت اشعر بالمهانة والمرارة من كثرة تلك المثصائب..!!!

كثرة عددها وكثرة تكرارها!!!!!

النهاردة اختتم اليوم بس بثلاث من تلك القهريات المذلة!!!!

وبالامس اربعة احداث...والاول حدثان...وكل يوم في قصاية جديد وحكاية ورواية جديدة حتى اصبحت خلال العامين الاخيرين لا استطيع البوح بتلك المشاكل لخجلي من كثررتها ولانها تنفر الناس مني!!!!

حاولت التحدث فيها في المنتديات اكثر من مره...حتى اني في المحاورات فتحت موضوعا لاحكي ماحدث لي في السعوديه وانا في طريقي للعمره

حتى اني تحدثت مع سي السيد هاتفيا ولم اذكر له شيئاً عن تلك المشاكل سوى مزاح...وتحدثنا في امور اهم عن علاقتنا بالمحاورات!!!!!!

بالتاكيد اني مش هاقدر اقول ليه بيحصل كذا وكذا.....لانه اعتراض على القدر!!!!

بس بجد صعبانة عليا نفسي اوي اوي اوي اوي وي ......واشعر بالمهانه والذل !!!

انا مش هاسال سؤال.....لكن حبيت افضفض واكب اللي ف قلبي .....!!!

رحمتك ياااارب

[se_ Elsyed]

حتى اني تحدثت مع سي السيد هاتفيا ولم اذكر له شيئاً عن تلك المشاكل سوى مزاح...وتحدثنا في امور اهم عن علاقتنا بالمحاورات!!!!!!

صُدفه

صُدفه يا حوريه

انا مش هاتكلم يا عم

كلنا ودان صاغيه

قول يا نسور قول

[قلب ابيض]

لاء لاء لاء يانسر يا اخويا

انتو متفقين على انت وسى السيد ولا اييييه؟

انا بقالى شهرين بعانى وفضفضت لكم 00وعيطت فى شومبونجو 00وجريت وعملت لى عالم من نسج خيالى

اقوم الاقيك بتشتكى من المهانه ؟؟؟ مش لوحدك يا خوووووووويا والله

لله الحمد لو متابعنى " لاسمح الله " تلاقى اختك مافيش حد ما مرش على 000بالخير الشهرين دول واقسم لك بالله اتخدعت فى كل اللى حواليا من اهل واصدقاء وجيران ولما جيت اهرب وارجع لغربتى اللى هى بلدى حاليا اتمنعت من السفر

روباطيه عملتها على الدنيا 00عارف زمان لما كنا نلعب " ال0000 وقع هاتوا السكينه "

هات ما عندك كلنا اذان صاغيه

بس احضر المناديل واجى لك

[MZohairy]

اول مره اعرف ان ايمانك ضعيف و مهتريئ للدرجه دي يا عمرو

تأكد ان انت بظروفك دي تعتبر ملك متوج أمام موقفك في حالة اصابتك او اصابة عزيز لديك لا قدر الله بمرض عضال

اصحى يا عمرو و قول الحمد لله حمدا كثيرا

[doha]

مفيش حاجه اسمها منحوس وحظه وحش ..

كل شيء في الدنيا بيحصل لازم يكون له سبب وتكون وراءه حكمة .. مش شرط لو مكنتش مدرك السبب ان تنتفي عنه الحكمة .. هي موجوده حتى لو مظهرتش لك دلوقت ومصيرك تعرفها..

على كل حال ان حبيت تحكي فانا احب اسمع فضفض وقول الي عندك يمكن نوصل مع بعض لحل ..

ملاحظة : فكرتني بموقف سمعت فيه نفس كلامك ده بس مش هقولك عليه دلوقت ..

[أسد]

وقع حصان أحد المزارعين في بئر مياه عميقة ولكنها جافة

بدأ الحيوان بالصهيل .... واستمر هكذا عدة ساعات

كان المزارع خلالها يبحث الموقف ويفكر كيف يستعيد الحصان؟

ولم يستغرق الأمر طويلاً كي يقنع نفسه بأن الحصان قد أصبح عجوزاً

وأن تكلفة استخراجه تقترب من تكلفة شراء حصان آخر

هذا إلى جانب أن البئر جافة منذ زمن طويل وتحتاج إلى ردمها بأي شكل.

وهكذا نادى المزارع جيرانه وطلب منهم مساعدته في ردم البئر

كي يحل مشكلتين في آن واحد، التخلص من البئر الجاف ودفن الحصان

وبدأ الجميع بالمعاول والجواريف في جمع الأتربة والنفايات وإلقائها في البئر

في بادئ الأمر، أدرك الحصان حقيقة ما يجري

حيث أخذ في الصهيل بصوت عال يملؤه الألم وطلب النجدة

وبعد قليل من الوقت اندهش الجميع لانقطاع صوت الحصان فجأة

وبعد عدد قليل من الجواريف، نظر المزارع إلى داخل البئر وقد صعق لمارآه

فقد وجد الحصان مشغولاً بهز ظهره

فكلما سقطت عليه الأتربة يرميها بدوره على الأرض

ويرتفع هو بمقدار خطوة واحدة لأعلى وهكذا استمر الحال

الكل يلقي الأوساخ إلى داخل البئر فتقع على ظهر الحصان

فيهز ظهره فتسقط على الأرض حيث يرتفع خطوة بخطوة إلى أعلى

وبعد الفترة اللازمة لملء البئر

اقترب الحصان للاعلى و قفز قفزة بسيطة وصل بها إلى خارج البئربسلام

كذلك الحياة تلقي بأوجاعها وأثقالها عليك

كلما حاولت أن تنسى همومك فهي لن تنساك

وسوف تواصل إلقاء نفسها

وكل مشكلة تواجهك في الحياة هي حفنة تراب

يجب أن تنفضها عن ظهرك حتى تتغلب عليها

وترتفع بذلك خطوة للأعلى

انفض جانباً وخذ خطوة فوقه

لتجد نفسك يوماً على القمة

لا تتوقف ولا تستسلم أبدا

مهما شعرت أن الآخرين يريدون دفنك حيّاً

اجعل قلبك خالياً من الهموم

اجعل عقلك خالياً من القلق

عش حياتك ببساطة

أكثر من العطاء وتوقع المصاعب

توقع أن تأخذ القليل

توكل على الله واطمئن لعدالته

كانت هذه رسالة استلمتها منذ فترة طويلة على بريدي

أجدها مناسبة لتقرأها

[ذهبية]

سؤال واحد بس هاقولة ليك

تفتكر انك انت لوحدك اللى مخنوق من مشاكلة و ظروفة ؟؟؟

تفتكر انت بس لوحدك اللى فاكر انة حظة وحشة و الدنيا عمالة تخبط فية يمن و شمال ؟؟

تفتكر انت بس اللى عمال يعد فى مصايبة ومش شايف ولا يوم راحة عدى علية الا يجى من وراها شهور نكد؟؟؟؟

يا نسر و الله لو قعدت مع اى حد و فتح لك قلبة هتهون عليك ظروفك و حياتك

خدها منى يا نسر لو اى مشكلة طالما مش مشكلة صحية ليك او لحبايبك الى حواليك اى حاجة فى الدنيا كلها تهون صدقنى

لو مشكلة لها حل فكر فى حلها بدل ما انت قاعد تتعب اعصابك و توقف تفكيرك و خد راى اصدقائك و فضفض مع اى حد تثق فية و احنا معاك و حواليك اهو طيب لو مشكلة ملهاش حل اتعود عليها زى ماهى و اعتبرها اختبار فى الدنيا ليك

حاول تخرج و تغير حياتك ما تسيب نفسك للقلق و الاكتئاب حاول تصاحب ناس متفائلة بتبسط الامور مش مكتئبة تسود الدنيا فى وشك

اسال نفسك سؤال واحد انا دايما باسالة لنفسى

هيحصل اية يعنى ؟؟؟؟

لو المووضع دة ما تم هيحصل اية لو الامور زادت قوى اخرها اية يعنى اية الىل هيحصل فية بدائل تانية كتير طول ما انا بصحتى و واقف على رجلى هاغير حياتى و هبدأ من جديد

ربنا يفرج همك و يزيل عنك حزنك

لك تحياتى

ذهبية

[قلب ابيض]

وقع حصان أحد المزارعين في بئر مياه عميقة ولكنها جافة

بدأ الحيوان بالصهيل .... واستمر هكذا عدة ساعات

كان المزارع خلالها يبحث الموقف ويفكر كيف يستعيد الحصان؟

ولم يستغرق الأمر طويلاً كي يقنع نفسه بأن الحصان قد أصبح عجوزاً

وأن تكلفة استخراجه تقترب من تكلفة شراء حصان آخر

هذا إلى جانب أن البئر جافة منذ زمن طويل وتحتاج إلى ردمها بأي شكل.

وهكذا نادى المزارع جيرانه وطلب منهم مساعدته في ردم البئر

كي يحل مشكلتين في آن واحد، التخلص من البئر الجاف ودفن الحصان

وبدأ الجميع بالمعاول والجواريف في جمع الأتربة والنفايات وإلقائها في البئر

في بادئ الأمر، أدرك الحصان حقيقة ما يجري

حيث أخذ في الصهيل بصوت عال يملؤه الألم وطلب النجدة

وبعد قليل من الوقت اندهش الجميع لانقطاع صوت الحصان فجأة

وبعد عدد قليل من الجواريف، نظر المزارع إلى داخل البئر وقد صعق لمارآه

فقد وجد الحصان مشغولاً بهز ظهره

فكلما سقطت عليه الأتربة يرميها بدوره على الأرض

ويرتفع هو بمقدار خطوة واحدة لأعلى وهكذا استمر الحال

الكل يلقي الأوساخ إلى داخل البئر فتقع على ظهر الحصان

فيهز ظهره فتسقط على الأرض حيث يرتفع خطوة بخطوة إلى أعلى

وبعد الفترة اللازمة لملء البئر

اقترب الحصان للاعلى و قفز قفزة بسيطة وصل بها إلى خارج البئربسلام

كذلك الحياة تلقي بأوجاعها وأثقالها عليك

كلما حاولت أن تنسى همومك فهي لن تنساك

وسوف تواصل إلقاء نفسها

وكل مشكلة تواجهك في الحياة هي حفنة تراب

يجب أن تنفضها عن ظهرك حتى تتغلب عليها

وترتفع بذلك خطوة للأعلى

انفض جانباً وخذ خطوة فوقه

لتجد نفسك يوماً على القمة

لا تتوقف ولا تستسلم أبدا

مهما شعرت أن الآخرين يريدون دفنك حيّاً

اجعل قلبك خالياً من الهموم

اجعل عقلك خالياً من القلق

عش حياتك ببساطة

أكثر من العطاء وتوقع المصاعب

توقع أن تأخذ القليل

توكل على الله واطمئن لعدالته

كانت هذه رسالة استلمتها منذ فترة طويلة على بريدي

أجدها مناسبة لتقرأها

وجون وجون وجووووووووووون

بجد فى المليان يا أسد - - - -

عجبتنى جدا الحكايه دى او الحكمه منها جزاك الله خير على التذكره

انت معانا يا نسر ولا التراب هيغطينا خلاص؟؟

[HDarwish]

مبدأي في المواقف دي ..

إن كله بيعدي والحياة لم ولن تقف عند هذا الوقت من الزمن ..

حد يقدر يمنع الشمس من الشروق .. أو يخلي عقارب الساعة ترجع للخلف ..

طبعاً لأ ..

الفرح بيعدي والحزن بيعدي .. يبئا ليه أشيل الهم؟!

وطبعاً عليك وعلى الإيمان إن كل شيء مُقدر ومكتوب .. واللي في نصيبنا هنشوفه سواء رفضنا ده أو قبلنا بيه ..

ربنا يصبرك .. وتعدي من كل الأزمات غانم (مش بتاع صناعات الغانم) هههههههه

[عنبو]

الوووووووووووو السلام عليكم ورحمة الله وبركاته

من النسر العنباوى الى النسر المصرى حول

ايه ياعم الكلام ده

طيب انا هقولك على حاجه كده

كونك صنفت نفسك ضمن المنحوسين فتأكد ياصديقى العزيز ان فعلاً هتحس انك منحووووووووووووس بجد ليه

لان اى موقف عاااااااااادى ممكن يحصلك هتركز عليه وبناءً عليه هتلاقى نفسك بتقول انا علشان منحووووس حصلى كذا وكذا مع ان من الطبيعى ان ده يحصل اساساً وبيحصل لاى حد وكونك مركز عليه هتلاقيه بيتكرر معاك كتير جداً

نصيحه ليك ومتجربه اول لما تصى من النوم وبعد لما تعمل تمارينك الرياضيه اقف قدام المرايه واقول لنفسك وبقوه انا اسعد انسان الدنيا انا اكثر واحد محظوظ فى الدنيا انا عندى كذا كذا واقعد عدد شوية حاجات حلوه عندك زى انا نااااااااااااااااااجح انا ناااااااااااجح انا قوى .......الخ

طبعاً ده بيعمل برمجه للعقل الاواعى اللى بناءً عليه بيكون حكمك على الاشياء

انا شخصياً لما اصحى من النوم وانا نازل الشغل الاقى فرده من فرد العربيه فى الضياع لو وقفت اقوووووووول هو كده حظى وانا نحس مهوكله رايح اهوووو طبعاً ده مش كلام لو وقفت اقولت يااااااااااااه كم انا محظوظ اكيد لو طلعت على طول كان ممكن يحصل حاجه الحمد لله وتقف تصلح الفرده وانت زى العسل كده وتخلص وتمشى وانت بتقول لنفسك الحمد لله انها جت على قد كده

وتكمل حياتك ومتفكرش فى اللى حصل خاااااااااااااااااااااالص

صدقنى تركيزك على المواقف النحس بيجعلها تتكرر ليه لان العقل بتاع الانسان ناجح بنسبة ميه بالمايه فطبعاً لما حضرتك تقعد تقول انا نحس هتلاقى عقلك مش بيظهرلك الا الحاجات النحس فقط لا غير واى موقف ايجايبى هتلاقى العقل بخيبه عنك طبعاً ده كلام علمى من كلامى انا يعنى

ويقول علماء التنميه البشريه شخصيتك هى اعتقادك فى نفسك لو بتعتقد انك محبوب هتلاقيك بتتصرف مع الناس كلها بحب ولو اعتقدت انك مكروه هيظهر ذالك على تصرفك مع الناس واكيد هيكرهوك

بجد شيل فكرة النحس من دماغك والحظ والكلام الفاضى ده واقول لنفسك وبقوه انا اسعد انسان فى الدنيا بجد هتلاقى الدنيا بتتغير حواليك وهتلاقى حكمك على الاشياء بيختلف وانصحك تاخدلك دوره ولا اتنين فى التنميه البشريه هتبقى تمام

ولا تنسى حديث رسول الله صلى الله عليه وسلم

قال رسول الله صلى الله عليه وسلم( ما يصيب المؤمن من نصب ولا وصب ولا هم ولا حزن ولا أذى ولا غم حتى الشوكة يشاكها الا كفر الله بها من خطاياه )

محمد الفقى لا قصدى محمد عنبووووووو

تم تعديل 7 أكتوبر 2009 بواسطة محمد العنبى

[النسر المصري]

ما أسعدني اليوم عندما أعلم وأيقن ان بيننا اناسا بهذا الكم من الحب والاخلاق الكريمه

كلنا لانعرف بعضنا ....ولكن كلنا لا نتوانى عن مساعدة الآخرين....

حقيقي احبكم في الله

بالامس تحدثت مع اخي الكبير زوهيري وغضب مني غضبا شديدا من التفكير السلبي والانهزامي الذي فكرت به

وانتظرني حتى الصباح حتى يساعدني على فهم حقيقة الامر ويذكرني بنفسي

بل ان من فترة وجيزه كان اخي زوهيري في مشاكل متوالية متتاليه ان لم يكن ايمانه قوي ...لكن قد خر وقيعا......وهذا هو الفرق

فما كان لي الا ان اقول الحمدلله واللهم لا اعتراض بكل قلبي

واذ في هذا الصباح استيقظ على اخبار سعيده انستني كل همومي ومشاكلي وجعلتني اعض على يدي ندما على الاسلوب الانهزامي الذي كنت به بالامس

ولكنت لو اسمررت هكذا لكان قد دفنني التراب من زماااااااااان..ولكان الحصان قد فن تحت التراب بدل من وصوله لهدفه....في قصة فلسفية غاية الحكمه التي ذكرها اخي الفاضل أسد

وفعلا اللي يشوف مصيبة الناس تهون عليه مصيبته!!!

الافاضل أخوتي في الله ..س س...زوهيري...قلب ابيض..ضحى..اتش درويش...عنبي....

احبكم في الله

[ذهبية]

وانا مش من اخواتك فى الله يا نسر المصرى كدة تنسانى انا زعلانة :rolleyes:

طبعا انا بهزر يا نسر انا مبسوطة جداااا ان الفرج جالك من عند ربنا و كان ااقرب اليك منك

الحمد الله على السراء و الحمد الله على الضراء

ربنا يعوضك عن تعبك و حزنك يارب و يعوضنا كلنا باذن الله

ذهبية

[النسر المصري]

أحول...أنا أحولللللللللللللللللل :blink: ....ده مش اسمك بس...ده كمان اخونا الكبير أسد....رغم ان القصه اللي كتبها أثرت بكل قوه في الجميع.....بجد انا غريب

أنا فعلا مكسوف...ولكن انتوا عارفين اننا كلنا أخوات...وأكتر باذن لله

أخي الكبير أسد..وأختي الفاضلة ذهبية.... أخواتي المحاوراتيه جميعا ...كل الشكر لكم من كل قلبي

(بين قوسين: ياترى يا ضحى انتي تقصدي انهي موضوع......اموت واعرف :rolleyes:)

[قلب ابيض]

اموت واعرف )

الحمد لله ان الغمه زالت عنك0000

بس انا اللى امووووت واعرف ؟؟ كان مالك ؟ هه ؟هه؟ ماااااالك ؟

طب قولى سيكو سيكو ومحدش واخد باله :blink:

المهم الحمد لله الدنيا بخير طول ما فيها ناس زى الفل كده فى اللمه الحلوه دى

تشرب شاى؟؟؟؟ :rolleyes:

[doha]

كنت فاكراك بتتكلم عن ( النحس ) فجات في بالي قصة بهذا الخصوص بس الي فهمته دلوقت انها مش مسألة نحس وانما شكلها كده الرياح عندك بتأتي دائما بما لا تشتهيه السفن ..

على كل حال تذكرت حاجه كنت كتبتها مرة زمان لما وحده سألتني عن اصعب موقف مريت فيه بحياتي .. هقولك على موقف مر علي تغير تفكيري بعده كتير وعلمني درس مهم اوي كنت محتاجة اتعلمه ...

اصعب موقف مر علي في حياتي ولايمكن انساه ..

كنت والده قيصري من بضعه ايام .. الولد وضعوه في الحضانة لعدم اكتمال نموه ..وكان يتغذى في هذه الفترة على البلازما التي تحقن له في الوريد كبديل للرضاعه نتيجه ظروفه كطفل غير مكتمل ..

في بعض الاحيان لا تكون هذه البلازما متوافرة لدى المستشفى وهنا يولى والده مهمه احضار هذه البلازما له من بنك الدم حيث يتم صرفها بحرص نتيجه ندرة فصيلة دمه وبالتالي ندرة المتواجد منها .

كنت في منزل اهلي في مدينة ومنزل اهل زوجي في مدينة اخرى وزوجي بقي معي لبضعه ايام بعد الولاده ثم اضطر للسفر لوالده حيث اخبروه انه مريض ويحتاج لوجده بجواره ..

في نفس اليوم اتصلت المستشفى لتخبرني انهم بحاجه لكيس بلازما على وجه السرعه .. طلبت من اخي ان يذهب لبنك الدم ويحضر له كيس وكنا بعد الظهر فعاد وقال لي بان الكمية الموجوده لديهم نفذت ..

اتصلت بالمستشفى فقالوا لي تصرفي باسرع مايمكن واحضري كيس باي طريقة ..

قام اخي بالاتصال بكل من يعرف من اصدقاءه ومن لهم اقارب يعملون في بنك الدم وقد يساعدوننا فقالوا له بان مثل هذه الفصائل النادرة يجب ان تحاول الحصول على البلازما الخاصة بها مبكرا لانها تنفذ بسرعه .. اتصلوا بالنجده لتوفير البلازما فاجروا اتصالاتهم واخبرونا بان هنالك كيس موجود في مستشفى كذا بالقاهرة ولكن يشترط لنحصل عليه ان يكون هنالك متبرع بكمية مماثلة من الدم باي فصيلة .. حاولت افهامهم بان المسافة من عندنا للمستشفى تحتاج الى ساعتين على الاقل لاحضار الدم ثم ساعتين مماثلتين للعوده به .. عرضت عليهم اي مبلغ من المال يريدونه لاحضار الكيس او حتى ان ياتي شخص من طرفهم لتسليمه توفيرا للوقت فرفضوا وقالوا ان هذه هي القوانين دم بديل لدم لان عدد المتبرعين قليل ويخشون ان يذهب الكيس لغير مستحقينه ..

اتصلت بالمستشفى مرة اخرى فقالوا لو عندكم شخص من نفس الفصيلة ممكن يتبرع بالدم ونقوم بفصل مكوناته ثم نعطي البلازما للطفل .. اتصلت بوالده وطلبت منه الحضور باقصى سرعه وطبعا سيحتاج الى ساعه على الاقل ليصل للمستشفى ..

ومر الوقت دقائق كسنوات ..

كنت اتصل بكل من اعرف كالمجنونه لا ادري ماافعل ..

شعرت بعجز قاتل .. فانا مقيده في السرير لا استطيع الحركة بسبب الجراحة القيصرية التي اجريتها .. واعلم ان طفلي يموت في المستشفى وليس بيدي شيء افعله له الا الدعاء والممرضة المشرفة على حالته تتصل بي كل قليل لتسأل عن البلازما وتؤكد على ضرورة احضارها باقصى سرعه ..

اخي يبحث مع اصدقاءه وزوجي في الطريق والدنيا مقلوبه ولم نجد بعد ولو كيس للبلازما ينقذ الطفل ..

شعور قاتل بالندم .. لو ان والده كان موجود .. لو اني طلبت من اخي احضار الكيس مبكرا .. لو ولو .. وشعرت بان قلبي يعتصر ويكاد يخرج من مكانه ..

ايقنت في هذه اللحظة باني لن اخرج من هذا الموقف سليمه ابدا .. عرفت اني سافقد عقلي او اموت كمدا .. كان موقف فوق احتمالي واصعب من ان اتخيله مابالكم ان امر به فعلا . .

ووجدتني ابكي وادعوا الله بحرقه .. في لحظة شعرت بان الدنيا كلها على رأسي واني لاول مرة عاجزة تمام العجز .. لا ادري كيف ولكني دعوت من كل قلبي ان ينقذني ويرحمني فقد كان مايحدث فوق طاقتي وبمراحل .. قلتها ياااارب بحرقة لم اشعرها في حياتي ..

يارب.. انا عجزت فتدخل ..

وفجأة وفي نفس اللحظة وجدت خالي وهو صاحب لاحد المستشفيات الخاصة وكنت قد طلبته منذ البدايه ليوفر لي البلازما المطلوبة ولم يجدها في وقتها .. وجدته يتصل بي وهو ييقول لي خلاص انحلت .. وجدنا احد الاكياس عند مستشفى فلان وارسلنا احدى الموظفات لاحضاره . .. هكذا فجأه بكل بساطه .. بعدها بقليل اكتشفت ان اخو زوجي كان قد حضر بالصدفة البحته ليرى الطفل فاخبروه في المستشفى بمشكلة الدم ولانه نفس الفصيلة فقد تطوع فورا للتبرع بجزء من دمه ليستخلصوا منه البلازما المطلوبة .. هكذا وببساطة وبعد ان كنت في ياس تام من ايجاد كيس واحد توافرت البلازما ومن مصدرين اثنين .

لم اصدق ماحدث هكذا في ثوان بعد ان كنت على وشك الموت ..

وفجأه وجدتني ادعوا الله بكل مااريد ان ادعوة .. دعوته هذه المرة بلهفة شديده وكأني ارى بابه مفتوح ودعائي مستجاب فشعرت انها فرصة عمري لادعوا بكل مااريد ..

وفي نفس اللحظة اجد خالي وقد عاود الاتصال بي ليقول لي بالحرف ( انبسطي وهيصي ) وجدنا لك كيس آخر ..

احضر كيس زائد كاحتياطي واحتفظ به في المستشفى عنده للطواريء كما اتفق مع موظفة المستشفى المسؤولة عن التعامل مع بنك الدم ان تقوم بتوفير الكمية التي يحتاجها ولدي وفي اي وقت مباشرة ودون حاجه لان تتصل بنا المستشفى الاخرى لتطلبه ..

ولكن اتعلمون شيئا غريبا حدث بعد هذا الموقف ..

كنت طوال فترة وجود ولدي في الحضانة ادعوا الله ان ينجيه وكانت حالته صعبه .. بعد ماحدث وماممرت به في ذلك اليوم وبعد ان رايت ان دعائي استجاب في وقته برغم اني ادعوا منذ ايام ان ينقذه ولم ارى اجابه .. شعرت اني ادعوا ولكن في الطريق الخطأ .. لم يستجب لي ليس لانه لايجيب ولكن لاني لم اكن ادعوا بما ينفعني اكثر ..

ومنذ تلك اللحظة تغير ماكنت ادعوا به فبدلا من ان اقول يارب نجيه واعده لي .. اصبحت اقول يارب اصنع لنا الخير واسعدنا به . وفقط .. لم اعد اشرط ولم اعد احدد ... طلبت الخير وان ارضى به واسعد وكفى ..

توفي ولدي بعدها بايام .. لن اقول اني لم ابكيه ولكني اقول اني كنت راضية تمام الرضى عن خيار الله ومتأكده انه نعم مااختار ..

اللهم اجمعني بابني وبكل من احببت في جنتك يارب ..

عارف .. ربنا مبيتخلاش عننا ابدا هو دائما معانا ودائما مايصنعه لنا خير هي المشكلة بس اننا ندرك ده ..

ايا كان الي بتتعرض ليه اصبر ومتحكمش دلوقت ان كان خير ولا شر .. مصير الحكمه تتضح لك قدام وتوقن بان كل قضاؤه خير ..

[otaka]

كنت فاكر بعد الجواز ان الامور ستتغير وسيصبح لي حياة جديدة!!!

هو ده اللى بيقولوا عليه المستجير بالرمضاء من النار

هون عليك يا اخ نسر

ما طار طير و ارتفع الا كما طار وقع

فانت وقعت بس مسيرك تطير و تذكر دائما قول الشاعر

إذا أنت لم تشرب مرارا على القذى ظمئت

وأي الناس تصفو مشاربه

[pocy]

أخي الكريم والفاضل

كثيرون منا من وقفت امامهم امور كثيره وعرقلت لهم حياتهم ولكن الجميل في هذه المواقف انها تعلمنا القوه عندما نجتازها للمره الثانيه والاكثر جمالا ان نتعلم كيف نصدها حتى لا تقف امام اولادنا فى المستقبل وصدقنى كلنا هذا الرجل

وبجد يا أخ أسد كلامك جميل جدا وفى محله واتمنى اننا ناخد من العبره دى حاجه ونعمل بيها ان شاء الله

اخى الكريم النسر اريدك ان تحكى وتفضفض لنا بما فى قلبك من هموم حتى لا تأسرك وتعيش في أسرها كالسجين ودائما مهموم

وبكلام من نوع تانى

ياعم فرفش كده وروق وزح الغطا اللى عليه الغبار وانت هتقي زى الفل كل حاجه بتعدى وتهون طالما مش في الصحه والحمد لله دى اللى فعلا تزعل عليها قوى انت بس ابقي ان شاء الله على كل حاجه ناوى تعملها وابقي قول بسم الله قبل ما تبدأ اى حاجه وقول الحمد لله على كل حاجه حصلت وهتلاقي دماغك بقت زى الفل ايه رايك فى الكلام ده ياعم

بوسي

[MZohairy]

شفت بقى يا نسر؟

مجرد ما شغلت اغنية : هات الإزازه واقعد لاعبني ...دي المزه طازه و الحال عاجبني

الدنيا احلوت و المزاج علي و الجمجمه راقت و الدماغ احلوت ازاي؟ :D

ابقى اسمع كلامي انت بس على طول و حتلاقيها فله شمعه منوره :D

[se_ Elsyed]

نتكلم جد بقى شويه

دي أمور عاديه يا عمرو وبتحصل لنا جميعاً

ولو الواحد حط في باله إنه هو السبب في الكوارث الكونية اللي بتحصل حواليه يبقى ممكن ينتحر ...

أعلم يا أبو فيروز إن ما اصابك ما كاد ليُخطئك .. وما أخطأك ما كان ليُصيبك ...

طب هانييجي للعالم من حوالينا ...

في حسد ؟

أيوه

وفي كمان بما إننا مسلمين - سأتكلم من منطلق إسلامي - في هناك أوراد شرعيه ... حتى لو مش حافظها .. ففي كلمات بسيطة تعلمنها من وإحنا صغيرين زي بسم الله ما شاء الله ولا حول ولا قوة إلا بالله

وزي ما كانوا بيقولوا لنا .. ما يحسد المال إلا اصحابه وكده

أما بقى اكون مسافر في طيارة .. فتتعطل ... او الأتوبيس يولع ...

طب وأنا مالي

ما الطيارة بتاخد ييجي 400 واحد والاتوبيس 52

يبقى الواحد يحصر ما حدث حول إنه نحس أوإنه هو السبب ... إلخ

فده خطأ تماماً

[أم موني]

أخي في الله ... الإيمان وحده كفيل أن يذلل لنا كل صعوبات الحياة

أن تؤمن أن ماقدره الله لك هو الأفضل و ثق بحب الله لنا وبأنه لا يقدر لنا إلا ما فيه خيرنا

فلو اطلعنا على الغيب لاخترنا الواقع

أما قصتك يا أختي دوحة فقد أبكتني لاحزنا و إنما لما بها من مشاعر إيمانية فاضت و فاضت وكانها توزع من فيضها على كل من يقرؤها

هذا ما نحتاجه في طريق الحياة الثقة بالله والإيمان بأنه سبحانه إذا أحب عبده ابتلاه

فمع الابتلاء يأتي الدعاء و هو الذي يصنع السكينة و الطمأنينة في النفس مما يقربنا إلى الله