مذكرات زوج سعيد جداجدا جدا

[pocy]

والبقيه تأتى ان شاء الله يا اخى الاستاذ حسن

يالا يا جماعه فينكم وفين تعليقاتكم

[Amr Radwan]

B)

خلالالالالالالالالالالالالالالالالالالالالالالالالالالالالالالاص ؟؟؟!؟!؟!

فين بقية الحلقة ؟؟

علي فكرة الاسلوب ده بيفكرني بايام زماااااااان لما كنت بتابع روايات مصرية للجيب ادهم صبري و ملف المستقبل و المكتب رقم 19 مع الفارق طبعا ..

ناقصها حاجة واحدة بس .. الاخ الرسام يعمل بين كل فقرة و فقرة رسمة

و نتفق مع دار نشر و نطلعها في سلسة روايات تحت اسم .. (اوعوا يا رجالة .. )

تحياتي لكي اختي الكريمة بوسي علي الرواية و في انتظار المزيد ..

[بيبو كندا]

موضوع لذيذ بس مكانه صح كده في قسم موضوعات خفيفه ... لإن الكلام ده عمره ما بيحصل ولا هيحصل :unsure:

سؤال للاستاذ احمد سيف

هل انت متزوج؟؟؟؟؟؟؟؟؟؟؟؟؟؟

إذا لم تكن متزوج فأنت

اما ان تكون متوزج حديثا فأنت خلاص bv:-

و بعد كام سنة هتوف :winner:

[hamoudi]

عندما ذهب الى بيت العروسه كنت متوقع ان يكون خالها هو حماه بس الحمد لله ربنا نجاه

انا واقف بأشجعه بس انا عارف انه مش هايصمد . بس ياترى القصه دي جايباها منين!!!؟

[قلب ابيض]

بوسى ايه اللى انت بتنقليه لنا ده

انا ضحكت جامد فكرنى بكتابات يوسف معاطى وهشام مبارك بتاع الاخبار

وفكرنى اكتر بشخصيه محمود عبد العزيز فى ليله البيبى دول وشوربه الزووووووو

كملى كملى شكلك مش هاتجيبيها لبر يا ام عمرو :unsure:

بس اليوميات دى مين اللى كاتبها يا بوسى ؟ بعنى المصدر؟؟؟

[pocy]

واخيرا في تفاعل والحمد لله

انا شايفه يا جماعه ان ده نصايح مقدمه للسيدات علشان تعرف كويس ان الله حق وانها متنكدش ع جوزها طول الوقت (بمعنى يوم اه ويوم لا نرحمهم شويه)

وبرضوا نصايح للراجل علشان يعرفوا ان زواجاتهم هم اكتر الناس استحمالا ليهم وانهم بقدروا امتى يكونوا تعبانين مش نشيلهم الهم وناخدهم على كفوف الراحه وامتى نديهم على دماغتهم لو يستاهلوا

يا رجال العالم اعرفوا ان الست كل الستات شخصيات متقلبه المزاج اوقات تكون طبيعتها واوقات تكون بغير طبيعتها عاملونا كويس وانتم هتلاقوا مننا احلى ...................

وكفايه كده

وعشان تفاعلكم ده هكمل بقيه الحكايه

هارد عليكى بعد الحلقه الاخيره يا ام نور

[pocy]

فتحت عينى بصعوبة وضوء شمس ساطع يغمرنى ، كان باب الشرفة مفتوحا وشهرزاد تجلس مسترخية على الشيزلونج تشرب كوبا من العصير (لابد أنها تكافئ نفسها أيضا )

حاولت أن ارفع جسدى فأحسست أننى أجذبه من تحت عربة قطار مزدحم بالبضائع وعانيت الأمرين كى أنجح فى الجلوس فقط

تنبهت شهرزاد فاقبلت فرحة وقالت

..... صباح الخير إيه النوم ده كله ، إنت مش بتقول بتصحى بدرى

..... أصحى !!! مش لما أنام الأول أنا منمتش لحد الشمس ما طلعت

..... آه صحيح هو ايه اللى نيمك فجأه كده امبارح ؟ دا أنا يادوب سيبتك دقيقه وقمت أظبط مكياجى ببص لقيتك رحت فى النوم ومعرفتش اصحيك تانى

..... إيه ؟ وكنتى بتظبطى مكياجك ليه تانى بعد الفجر !!!!

..... هههههههههههه الله مش عروسه ولازم تكون جاهزه دايما

( جاهزه !!! ؟ جاهزه إيه اكثر من كده )

..... اصلى الظاهر كنت تعبان شويه قلت كفايه كده وبارك الله فيما رزق و أنام بأه

..... طيب ما نطلب الألإطار هنا أحسن أنا مش عاوزه اسيب الشاليه

...... لا لا الجو فى المطعم بيكون أحلى

قلت ذلك وانا أقفز مسرعا من السرير قبل اى تطورات غير محمودة العواقب

.........

......

بارك الله بك يا سالم إبن بردقوش

قلت ذلك وأنا اسحب لفافة البردقوش المخفية بعناية من الحقيبة و أدسها فى جيب الشورت قبل أن نتوجه للإفطار

على مائدة الإفطار كانت توجد مكعبات الزبدة الصغيرة المغلفة تناولت إثنتين منها مستغلا ذهاب شهرزاد الى البوفيه المفتوح ، قمت من مكانى و اشرت لها أننى متوجه للحمام ، فى الحمام وضعت قالبى الزبد فى فمى ثم أفرغت نصف محتويات الكيس فوقهما و اخذت امضغ .....

يا للداهيه ما أبشع هذا... إختلطت الأعشاب بالزبد وكونا كتلة بشعة الطعم صعبة البلع أخذت الوكها بصعوبة حتى كادت تخنقنى

إبتلعت الخليط البشع بصعوبة وأخذت أحاول أنظف اسنانى بالكثير من الماء حتى لا تلحظ شهرزاد

اخذت اعزى نفسى قائلا أنا لا أحتاج هذه الأشياء طبعا ولكن هذا فقط للظروف القهرية الحاليه ، فانا حاليا أعتبر فى ظروف حرب ضروس لم يشهد لها التاريخ مثيلا وفى زمن الحروب يجوز إستخدام كل الوسائل لتحقيق النصر

عدت إلى مائدة الافطار و اخذت أحدث شهرزاد عن جمال البحر فى المنطقة وعن الرحلة البحرية التى تنطلق بعد ساعه من القرية الى جزيرة فى وسط البحر وذلك لمشاهدة الغروب والعودة تحت ضوء القمر واخبرتها أننى سمعت أنهارحلة اسطوريه ويجب الا نفوتها

لم تبد شهرزاد حماسا كبيرا لأن الرحلة ستدوم معظم اليوم ولن نستطيع أن نكون وحدنا

قلت

..... أنا نفسى نفضل لوحدنا على طول بس برضه الرحله دى حنفتكرها دايما لأنها رحلة شاعريه جميله

وافقت شهرزاد على القيام بالرحلة وإنتهينا من الافطار وقمنا للعوده إلى الشاليه وأنا ألمح بأن الوقت ضيق ويجب أن نستعد سرعه

بعد بضعة خطوات إلتفت إلى شهرزاد و أنا أكاد اصرخ

..... إدينى مفتاح الشاليه بسرعه ... بسرعه

..... ليه ما إحنا رايحين مع بعض !!!

...... بقولك بسرعه .... بسرعه

ناولتنى المفتاح مدهوشه وتركتها فاغرة فاها واخذت أعدو بأقصى سرعة فى القرية وسط دهشة النزلاء

وصلت إلى الشالية ففتحت الباب و أندفعت إلى الحمام بجنون

...........

........

......

( يتبع )

تم تعديل 18 أكتوبر 2009 بواسطة pocy

[pocy]

كنت نائما فى السرير والمغص يكاد يقطع أمعائى عندما قالت شهرزاد

.... إيه الحكاية إحنا أكلنا مع بعض ، ايه اللى تعب معدتك كده

.... أكيد أخذت برد فى معدتى ( لأقطعنك أوصالا يا سالم بردقوش )

.... برد !!! من إيه ؟

..... حيكون من إيه يعنى ، ما أنا قاعد طرزان طول اليوم قدام التكييف لازم اتجمد طبعا

..... طيب معلش ، عموما الدوا اللى إديتهولك حيخليك زى الحصان

..... خلاص أنا حنام شويه لأنى حاسس إنى هبطان

.......

....

بعد ساعتين فتحت عينى وأنا أحمد الله أننى ما زلت على قيد الحياة ، لم أجد شهرزاد بالشاليه.

تناولت الموبايل لأتصل بها ولكن تذكرت أننى لم أتصل بزوجتى منذ قدومى ووجدتها فرصة للاتصال

جاء صوتها فرحا

..... اهلا يا حبيبى إنت فين عماله اضرب عليك طول اليوم والموبايل مقفول

...... لأ ده المنطقة الإرسال فيها ضعيف ، إزيك إنتى والولاد وحشتونى جدا

..... و إنت كمان مش عارفه ليه المره دى قلقانه على طول ، وشفتك مرتين فى الحلم تعبان أوى

...... هه .. آه ...ايوه ... الحقيقة الشغل متعب أوى أوى ، تقريبا طول اليوم فى المنجم إدعيلى ربنا يقونى

..... بدعيلك على طول ، خذ طارق عايز يكلمك

جاء صوت طفلى الصغير ذو الأربع سنوات

..... إزيك يا بابا إنت مش تيجى ليه

..... حاضر يا طروقه يومين وآجى وحجيب حاجه حلوه

كلمت ابنى الأكبر و إبنتى و أحسست أننى مشتاق جدا لهم جميعا

أنهيت المكالمة و أنا أستشعر رعشة داخليه ، كلماتهم تفيض بالصدق و أنا أكذب عليهم تماما ، ماذا سيحدث لو علموا جميعا أننى أحدثهم من سرير زوجة جديده

يا للمصيبة سأفقد إحترامى تماما لديهم ، سأوصم بأننى كاذب ولن يغفروا لى أبدا

ضاق صدرى لتلك الافكار وحاولت أن أطردها من عقلى فأتصلت بشهرزاد على الموبايل

.... أهلا يا حبيبى ... ها عامل إيه دلوقتى

.... كويس إنتى فين

.....أنا فى البرجولا عارفها اللى قدام البحر على اللسان تعالى أقعد معايا دى حلوه اوى

.... طيب انا جاى

توضأت وصليت الظهر وغيرت ملابسى وخرجت ووجهتى البرجولا

وصلت البرجولا فوجدتها قهوة على الطراز الشعبى وجاءنى صوت شهرزاد مناديا من خلفى

..... أنا هنا

إلتفت لأجد مشهدا مروعا كاد أن يجمد الدم فى عروقى

كانت شهرزاد جالسة على أريكة من الخوص وبين يديها خرطوم الشيشه !!!!!

لبثت متسمرا من الذهول للحظات قبل أن اسرع ناحيتها و أنا أحس أن الكل يتفرجون على وقلت لها

..... إيه اللى إنتى عاملاه ده يا ست إنتى

..... ست إنتى !!!! مالك بتتكلم كده ليه

..... إرمى الهبابه دى من إيدك

..... هبابه !!!! لو سمحت إتكلم كويس

..... إسمعى أنا مش حناقشك هنا

...... إلتفت و أشرت لأحد العاملين لأحضار الشيك ووقعته وطلبت منها الذهاب للشاليه فقامت ووجها يكاد ينفجر بالغضب

ما أن دخلنا الشاليه حتى صاحت بصوت ذكرنى بالايام الخوالى

.... ممكن أفهم ايه التصرف ده ، إنت فاكر نفسك إيه

..... أنا جوزك يا ست هانم ، جوزك اللى سايباه نايم وقاعده تشربى شيشه ، فى ست محترمه تشرب شيشه

.... أنا محترمه غصبن عنك ، و أنا ست عاقله وعارفه أتصرف إزاى ومش مستنياك تعلمنى الصح من الغلط

.... يعنى تشربى شيشه وقدام الناس وتقوليلى صح

..... آآه إظهر على حقيقتك ، يعنى إنت يهمك الناس ، يعنى لو بعمل الغلط من وراك حتنبسط المهم انك ما تعرفش

.... اسمعى حاسبى على كلامك واعرفى بتقولى ايه

..... انتم كده يا رجاله عايزين ست تامروا وتنهوا فيها ، لا يا حبيبى كنت اتجوز شغاله

( قطع الله السنتكن أيتها الزوجات !!! هو مفيش راجل يكلم مراته الا لما تقوله روح إتجوز شغاله ، انا نفسى اعرف اللى متجوزين شغالات بيتقالهم إيه )

.... إسمعى أنا لا يمكن أقبل مراتى تشرب شيشه ، أنا نفسى مش بدخن ، تقومى إنتى تشربى شيشه !!!!!!!

.... آآآآآآآآه قول كده ، إنت فاكر إنك عايش فى الحرملك ، و إنك متجوز الست أمينه ولا إيه، أنا ست حره و مش إنت اللى يعرفنى أعمل إيه ، دى حريتى الشخصيه

..... حريتك الشخصية !!!! وايه حدود حرية سعادتك إن شاء الله

..... هى نفس حدود حريتك بالضبط ، انا ممكن اعمل اى حاجه زيك بالضبط

..... اسمعى..... من الآخر كده .... مفيش حاجه زى دى تحصل تانى ولو حصلت مش حيحصلك طيب

..... نعععععععم ما تضربنى كمان ، طيب إيه رأيك إنى حعمل اللى أنا عايزاه

..... إسمعى ما تخربيش على نفسك أنا خلاص مش شايف قدامى

..... لأ خوفتنى حترمى تحت رجليك أهوه و اقولك أوعى تقولها لا يا شاطر قديمه أنا اللى حقولهالك ، أنا شارطه فى العقد وفاهمه الشرع كويس أنا بطلق نفسى منك من اللحظه دى ، يلا أخرج من الشاليه لحد ما ألم هدومى ، انت راجل غريب ما يتقفلش علينا باب

وقفت مذهولا وانا أحس ان رأسى يكاد ينفجر بينما توجهت شهزاد ( عفوا فتكات ) لتفتح الباب وتشير لى بأصبعها لأخرج

( يتبع )

[pocy]

لقد أوشكت النهايه فهل انتهت قصه هذا الزوج السعيد بتطليق شهرزاد نفسها منه أم ماذا هذا ما ستراه فى الحلقه القادمه بإذن الله

[HDarwish]

أحســــن ،،،

ما حدش بيعرف قيمة النعمة اللي في إيديه إلا لما تروح منه أو لما يشوف أوحش منها ،،،

دالوقتي يرجع لأم عياله ويقول عليها ملاك ،،،

شكرا يا أخت بوسي ،،،

[pocy]

ممتاز كانك عرفت اللى هيحصل بالضبط

بس لازالت الحلقات مستمره وياعالم هيحصل ايه وايه اللى هيجد بمعنى مثلا ..............

شوف الحلقه دى معايا يا استاذ حسن ومشكور طبعا على الرد

خرجت من الشاليه وتوجهت إلى الشاطئ لأخلو إلى نفسى قليلا ، لابد من إعادة تقييم للموقف ، إن التهاون فى بداية الحياة الزوجية أمر جد خطير .

الزوجات عادة ما يطلقن بالونات الإختبار فى بداية الزواج لتحديد إستيراتجة التعامل ، مع كل تنازل من الزوج تضغط الزوجة للحصول على تنازلات جديدة لينتهى الأمر بالزوج إلى أن يصبح قيمة مهملة فى بيته حتى لا يكاد يلاحظ وجوده أحد.

الحقيقة أن الزوجات يغيرن اسالبيهن بصورة اسرع مما يغير فيروس الإنفلونزا تركيبته الجينية ، ولهذا فشلت كل الطرق فى القضاء على كل منهما ( الانفلونزا والزوجات )

أخذت أسترجع الطريقة التى إتبعتها زوجتى فى بداية الزواج للسيطرة على الأمور وقد كنت فى تلك المرحلة غرا ساذجا ليس لى بالحياة خبرة تحمينى من ألاعيب الزوجات .

إستغلت زوجتى حبى الجارف لها أبشع الإستغلال فقد أخذت تحدثنى عن حاجة الأنثى دوما لأن تحس أن رجلها يخاف عليها ويعتبرها جوهرته المكنونه و إنها إذا أحست بغير ذلك فقدت روحها و أصيب قلبها فى مقتل !!!!

صدقت هذا الكلام - الذى أكتشفت متأخرا أن زوجتى حفظته من تلك المجلات والكتب التافهة التى تلقن الفتيات هذه السموم – فبذلت كل الجهد لإظهار خوفى عليها بإعتبارها جوهرة مكنونة .

أتذكر عندما عدت يوما فوجدت إصبعها الصغير ملفوفا بالشاش !!! فصرخت هلعا وفرقا وأنا أسألها مرتعشا عما أصابها فقالت

..... المكواه لسعت صباعى أصلى مش متعوده أكوى خالص

عندها وقعت فى خطا تاريخى لازلت أدفع ثمنه حتى اليوم عندما قلت

..... وتكوى ليه ؟ أنا أصلى بعرف أكوى كويس والحياة تعاون والرسول الكريم صلى الله عليه وسلم كان فى حاجة أهله ، أنا اللى حكوى لبسى ولبسك .

وحتى يومنا هذا لم أستطع التحلل من هذا الوعد وقد أضيف الى ملابسنا ملابس ثلاثة أطفال

لن أنسى رد فعلها ( المدروس ) فقد طفرت عينيها بالدموع وهى تقول

.... فعلا معاك بحس بالأمان

و............ الباقى معروف

وعندما خرجت الممرضه وهى تطلب الحلاوة بمناسبة أن التحليل موجب كان خطأى التاريخى السابع عشر عندما صرخت – متأثرا بتلك الأفلام العبيطه

..... إنتى ما تعمليش حاجه أبدا إنتى ترتاحى وبس

كلفنى هذا الخطأ كثيرا جدا فقد كانت فترة تمرين رائعة لى على مختلف أنواع أعمال البيت وتدريب لزوجتى على أساليب الأمر والنهى فى التعامل معى

أفقت من تلك الذكريات على واقعى الجديد فشهرزاد لها إستراتيجية مختلفة عن إستراتيجية الأفاعى الناعمة ، فهى تنتهج إستراتيجية التصادم القوى منذ البداية فلو تهاونت وأنكسرت شوكتى فسيصبح هذا تسليما كاملا لزمام العلاقة بيننا إليها تفعل به ما تشاء

إذا لامجال للنعومة والنقاش والإقناع لسبب بسيط وهو أن التصعيد مقصود من جانبها وهى تختبر صلابتى وقوة تحملى ولن تصيخ السمع لأى حوار

إذا لأريها قوة شكيمتى منذ الأن فلا مجال للتراجع أو الاستسلام ( مع خالص الشكر للكابتن فان دام )

عدت إلى الشاليه وحاولت الدخول فوجدت الباب مغلقا من الداخل ، ضربت الباب بقدمى مرتين بعنف وأنا اصيح

..... إفتحى الباب وبسرعه بدل ما الناس تسمعنا

بعد لحظات فتحت شهرزاد الباب و أعطتنى ظهرها ، أقفلت الباب خلفى فاستدارت وهى تصيح

..... أنا مش قلتلك إنه ما يتقفلش علينا باب

نظرت إليها نظرة مقصودة يتطاير منها الشرر وأنا صامت وابذل كل جهدى أن اظهر قدرا هائلا من تعبيرات الغضب

قالت بصوت فقد الكثير من حدته

.... إنت بتبصلى كده ليه

لم أرد وظللت أصليها بتلك النظرات فقالت بصوت خفيض

.... مش بتتكلم ليه

هنا فلت بصوت حرصت ان يكون هادئا ولكن به قدرا هائلا من التصميم

.... إسمعى أنا لا أكرر كلمة مرتين ما حدث اليوم لن يتكرر ثانية ، ما أطلبه ستنفذيه وبالحرف الواحد أنا من سيقود حياتنا الزوجية ولن أقبل اى شئ غير هذا

..... بس انا مش موافقه وحعمل اللى فى دماغى

.... وأنا ممكن أكسر دماغك ودماغ اى حد

صمتت ذاهلة قليلا قبل ان يحدث تحول عجيب ، فوجئت بها تقول بصوت مبحوح كله سعاده

.... تكسر دماغى....... تعرف إنى كان نفسى أتجوز حد يكسر دماغى ،كان نفسى فى راجل له شخصية مش واحد مهزوز ومش فارق معاه أنا بعمل إيه ، تصدق أنا اتنرفزت فى الأول بس بقيت طايره من الفرحه إنك بتغير عليه

..... يعنى فهمتى إن ده خوف عليكى

.... أيوه فاهمه ، أنا أصلى متعقده من جوزى الأولانى ، عمره ما حسسنى إنى ست ممكن يتخاف عليها ، كان بيعاملنى كأنى واحد صاحبه قاعد معاه كان نفسى فى مره يزعق فيه ويحسسنى إنى مراته مش مجرد واحده مش فارقه معاه فى أى حاجه

..... ده راجل خيخه و أنا مش ممكن أكون زيه

..... لا إنت راجل وسيد الرجاله ، كل الستات بتحب الراجل اللى ممكن يكسر دماغها ،

...... معقول

....... أيوه معقول ، إحنا الستات نموت فى الراجل اللى يكسر دماغنا

كدت أنا اقول شيئا ولكنها أسرعت تضع يدها على فمى وهى تقول

..... لا متقولش حاجه ........ تعالى ... تعالى .... كسرلى دماغى

....

..

( يتبع )

[جيمي]

صمتت ذاهلة قليلا قبل ان يحدث تحول عجيب ، فوجئت بها تقول بصوت مبحوح كله سعاده

.... تكسر دماغى....... تعرف إنى كان نفسى أتجوز حد يكسر دماغى ،كان نفسى فى راجل له شخصية مش واحد مهزوز ومش فارق معاه أنا بعمل إيه ، تصدق أنا اتنرفزت فى الأول بس بقيت طايره من الفرحه إنك بتغير عليه

..... يعنى فهمتى إن ده خوف عليكى

.... أيوه فاهمه ، أنا أصلى متعقده من جوزى الأولانى ، عمره ما حسسنى إنى ست ممكن يتخاف عليها ، كان بيعاملنى كأنى واحد صاحبه قاعد معاه كان نفسى فى مره يزعق فيه ويحسسنى إنى مراته مش مجرد واحده مش فارقه معاه فى أى حاجه

..... ده راجل خيخه و أنا مش ممكن أكون زيه

..... لا إنت راجل وسيد الرجاله ، كل الستات بتحب الراجل اللى ممكن يكسر دماغها ،

...... معقول

....... أيوه معقول ، إحنا الستات نموت فى الراجل اللى يكسر دماغنا

كدت أنا اقول شيئا ولكنها أسرعت تضع يدها على فمى وهى تقول

..... لا متقولش حاجه ........ تعالى ... تعالى .... كسرلى دماغى

....

..

( يتبع )

مش مصدق ... التحول السريع بالطريقه دي .... يا اما سهو من الكاتب ....... يا اما الراجل ده بيتنصبله فخ ... يا اما القصه لسه طويله

وان كنت برجح ان الراجل ده هيحصله حاجه :blush2:

[hamoudi]

لا ياجيمي انا استنتاجي انها بتحب الساديين

[mama nona]

اهلا بوسى

شكرا ع القصة الجميلة دى

ومتشوقيناش للباقى

انزلى بالتتر بقى

عجبنى اوى موضوع وعد كى الملابس ده

لانه نفس الوعد اخدته على زوجى من اول يوم خطوبة

وما زال الوعد قائما بكى ملابس البيت كله

هههههههه

فكرتينى بالذى مضى

:blush2:

[Amr Radwan]

:egyflag: اية ده ؟؟!؟! اية التطور الغريب ده في القصة !!!

يعني اللي عاملة فيها بتاعت مساواة طلعت عندها حالة نفسية و نفسها حد (يشكمها) ؟؟!؟!؟ clp::

اما نشوف نهايتها اية :wub:

دا انا كنت فرحت انها طلقته و قلت الحمد لله الراجل هيرجع لبيته و عيالة و هيفوق من الصدمة اللي هو فيها .. الاقيه يرجع لها تاني !!! :)

[pocy]

صمتت ذاهلة قليلا قبل ان يحدث تحول عجيب ، فوجئت بها تقول بصوت مبحوح كله سعاده

.... تكسر دماغى....... تعرف إنى كان نفسى أتجوز حد يكسر دماغى ،كان نفسى فى راجل له شخصية مش واحد مهزوز ومش فارق معاه أنا بعمل إيه ، تصدق أنا اتنرفزت فى الأول بس بقيت طايره من الفرحه إنك بتغير عليه

..... يعنى فهمتى إن ده خوف عليكى

.... أيوه فاهمه ، أنا أصلى متعقده من جوزى الأولانى ، عمره ما حسسنى إنى ست ممكن يتخاف عليها ، كان بيعاملنى كأنى واحد صاحبه قاعد معاه كان نفسى فى مره يزعق فيه ويحسسنى إنى مراته مش مجرد واحده مش فارقه معاه فى أى حاجه

..... ده راجل خيخه و أنا مش ممكن أكون زيه

..... لا إنت راجل وسيد الرجاله ، كل الستات بتحب الراجل اللى ممكن يكسر دماغها ،

...... معقول

....... أيوه معقول ، إحنا الستات نموت فى الراجل اللى يكسر دماغنا

كدت أنا اقول شيئا ولكنها أسرعت تضع يدها على فمى وهى تقول

..... لا متقولش حاجه ........ تعالى ... تعالى .... كسرلى دماغى

....

..

( يتبع )

مش مصدق ... التحول السريع بالطريقه دي .... يا اما سهو من الكاتب ....... يا اما الراجل ده بيتنصبله فخ ... يا اما القصه لسه طويله

وان كنت برجح ان الراجل ده هيحصله حاجه :)

هلا اخي الكريم جيمي

اللى انت متعرفوش ان بعض السيدات للاسف عندهم تقلب فى الحاله المزاجيه يعنى تكون معاك زى العسل ومبسوطه وفجأة تلاقيها بتعيط طب بتعيطى ليه ايه اللى حصل

ممكن نفسها متعرفش هى بتعيط ليه بس اهه على العموم ما خفي كان اعظم ولسه الباقيه تاتى

ومشكور اخى على المتابعه

تم تعديل 20 أكتوبر 2009 بواسطة pocy

[pocy]

لا ياجيمي انا استنتاجي انها بتحب الساديين

استنتاجك فى محله هى عندها عقده من زوجها اللى قبله وكانت عايزه تصلحه فى زوجها ده والحمد لله هو مطلعش خيخه

وعجبنى جدا رد فعله انه مش سمح لكرامته انها تنجرح من غير ما يحاول يرد ولو جزء منها

اما هى كانت مفروض تتعالج قبل ما تتجوز تانى

ولو ان طبيعي كان مفروض الزوج يسال عن سبب الطلاق من الاول قبل ما يدبس ولا ايه ؟؟؟؟؟؟؟؟؟؟؟؟؟؟؟

مشكور اخى على المتابعه

[pocy]

اهلا بوسى

شكرا ع القصة الجميلة دى

ومتشوقيناش للباقى

انزلى بالتتر بقى

عجبنى اوى موضوع وعد كى الملابس ده

لانه نفس الوعد اخدته على زوجى من اول يوم خطوبة

وما زال الوعد قائما بكى ملابس البيت كله

هههههههه

فكرتينى بالذى مضى

:) :egyflag: clp::

ماما نونه ياهلا يا هلا وغلا والله من زمان وانا عايزه اتعرف عليكى يا قمر

العفو يا قمر بس مش كنتى قلتيلي على موضوع الكوى ده كنت عاملته فيه بدل مانا اللى على الكوي والغسيل والطبيخ والبيت والواد والراجل ووووووووووووووووووووههههههههههههههههههه

ربنا يخليكوا لبعض يارب ووعد الحر دين عليه ههههههههههههههههه

تابعي معايا يا قمر كلها كام حلقه فقط والنهايه تأتى

[pocy]

:egyflag: اية ده ؟؟!؟! اية التطور الغريب ده في القصة !!!

يعني اللي عاملة فيها بتاعت مساواة طلعت عندها حالة نفسية و نفسها حد (يشكمها) ؟؟!؟!؟ clp::

اما نشوف نهايتها اية :wub:

دا انا كنت فرحت انها طلقته و قلت الحمد لله الراجل هيرجع لبيته و عيالة و هيفوق من الصدمة اللي هو فيها .. الاقيه يرجع لها تاني !!! :)

شوفت يا عمرو بس ده ذنب مراته وعياله واللى هيطلع عليه بعد كده

بس معلش كده سؤال شخصي على الماشي (انت متجوز ولا لأ اصلي خايفه اكون خوفتك من الجواز بالطريقه دى ههههههههههههههه)

ملحوظه مش ضرورى تجاوب لو مش عايز

بجد مشكور جدا لمتابعتك

[pocy]

والان اليكم هذه الحلقه لتروا ماذا حدث بعد ان كسر لها دماغها

مضى اليوم فى سعادة وهدوء ، ما أجمل الزوجة المروضه ، عندما يتسلم الرجل القيادة تستقيم الأمور وترفرف السعادة على الحياة الزوجية .

هكذا كنت أحدث نفسى وأنا جالس أراقب قرص الشمس الشاحب يغوص فى زرقة البحر الفاتنه ، عندما داعب أنفى عطر شهرزاد المقترب وسمعت همستها المحببة وهى تأخذ مجلسها إلى جوارى

..... سرحان فى إيه يا حبيبى

لا أدرى لماذا إنقبضت أمعائى للسؤال فمن خبراتى – و التى لا تختلف عن خبرات جميع الأزواج بالطبع – فإن هذا النوع من الأسئلة يكون ذا غرض خبيث يحاول تأكيد نوع من الشكوك أشد خبثا ، فالزوجات يعتقدن أن الزوج ينبغى الا يفكر بأى شئ فى الحياة و أن يتفرغ تماما لمطالعة وجه زوجته الحبيبة أناء الليل و أطراف النهار فلا يتحول بصره عنها قيد أنملة و إلا لأصبح هذا نذير وجود أخرى بحياته

مرت هذه الأفكار بسرعة البرق بذهنى قبل ان أجيب إجابة محسوبة قائلا

.... حفكر فى إيه غير السعاده اللى أنا فيها

.... بجد ؟

.... طبعا بجد وجد الجد كمان

.... يعنى معقول ما فكرتش فى مراتك القديمة من يوم ما جينا

إنها لحظة أخرى تحتاج حسما ووضوحا ، تنحنحت وقلت

.... أكيد إفتكرت اسرتى طبعا ، يعنى مش معقول أنساهم خالص وإلا أكون معنديش أصل

..... يا سلام يعنى حتى فى شهر العسل تفكر فيها

.... بقولك إيه أنا محبش أكذب على مراتى أبدا ( ما أكبر هذه الكذبة ).. ثم إنك عارفة إنى متجوز

.... آه عارفه بس كنت فاكرة إنك مشغول بيا عن الدنيا بحالها

قلت لأحول مجرى الحديث

.... طيب بقولك إيه ما تيجى نروح نقعد على البيسين شويه

..... آه صحيح أنا ملاحظه إن الهوت بيكينى البرتقانى اللى كان جنبنا على البيسين الصبح كان عاجبك أوى

قلت بحده

..... مايوه إيه كان فين ده ما أخذتش بالى ( الحقيقة أنه كان مايوها ساخنا جدا ترتديه مجرمة فاتنه فى العشرين من عمرها ذات لون خمرى وقوام ملئ بالمتفجرات )

.... أمال كنت بتبص على إيه بجنب عينك من تحت النظارة

.... وكمان شايفه عنيه من تحت النظارة الشمس ؟ يا حبيتى دى تهيؤات و إن بعض الظن إثم

قالت بلهجة ممطوطة ذات مغزى

.... طيب يمكن

يا للداهية يبدو أن النساء نسخ مكررة ، إن أكثر ما يخنق الرجل تلك الرقابة المفروضة عليه من زوجته والتى تحاصر الأفكار قبل أن تحاصر التصرفات وتذكرت ذلك البيت الشعرى الخالد الذى نطق به شاعر فحل _ يبدو أن الله قد من عليه بالتخلص من زوجته _ وحدثه البعض بالزواج مرة أخرى فصاح يصف حاله إبان زواجه

قالوا تزوج قلت كلا ثم كلا ثم كلا ثم كلا

قد كنت حوتا فى قاع بحر فأصبحت حوتا فى قعر حله

نعم يا رحمك الله نحن الرجال حيتان محصوره فى قيعان الحلل بلا شك ، تحاصرنا الزوجات بالحساب على كل كلمة أو نظرة أو حتى إستغراق فى تفكير .

والحقيقة أن أكثر ما يضحكنى هو تلك الرسائل التى تنشرها الصحف والمجلات لنساء يشتكين من حالة الخرس التى تصيب الأزواج مصحوبة بتركيز النظر فى التلفاز دو أن يحيدوا عنه يمينا أو يسارا لساعات

فالحقيقة التى يعرفها الرجال ان هذه حالة دفاع سلبى ، فالرجل بعد أن يمر بعشرات التجارب الأليمة مع زوجته والتى ترهقه فى طلب تفسير لكل كلمة أو نظرة يقرر أن يرحم نفسه فلا يتكلم ولا ينظر سوى بإتجاه واحد هو إتجاه التلفاز

استيقظت من تلك الافكار على صوت شهرزاد المحتد

..... يا سلام كل ده سرحان من ساعة ما فكرتك بالمايوه ؟وااضح جدا إنك مكنتش واخذ بالك منه

.... وبعدين بأه هو أحنا حنعمل مشكلة وخلاص ما قلتلك ما شفتش المايوه ده لأنى بغض بصرى

..... نعمممممم !! بتغض بصرك ؟ دا إنت عليك بصات ، هو أنا أنسى أول مره جيت تزورنا وإإنت بتبحلق وتفصص فيه

..... أيوه بس أنا كنت جاى أتجوزك

.... اللى متعود على الجرأة دى حيكون كده على طول

قلت و أنا أغير إستيراتيجتى

..... اعمل إيه من ساعة ما شفتك مقدرتش اشيل عينى من عليكى ، و خلاص بلاش البيسين خلينا هنا لوحدنا أنا مش عايز اشوف اى حاجه غيرك ومش عايز غير إنى أبص فى عينيكى الجميلة طول عمرى

فجأة اصبح صوتها ناعما مرة اخرى وقالت بدلال وغضب مصطنع

.... يا سلام ... إضحك عليه بكلمتين

( ما أسهل الضحك عليك وعلى كل بنات جنسك بهذه الأكاذيب )

..... كلمتين ؟ دا كلام الدنيا كله ما يكفيش يوصف أد إيه بكون سعيد وإنت قدامى

..... تعرف ان كلامك حلو

..... هو أنا لسه قلت حاجه

قالت وهى تقوم وتجذبنى من يدى إلى الداخل

.... طيب تعالى جوه علشان توشوشنى

و ..... سكتت شهرزاد عن الكلام المباح و..... أعان الله شهريار حتى ينبلج الصباح

( يتبع )