مذكرات زوج سعيد جداجدا جدا

[Amr Radwan]

:egyflag: اية ده ؟؟!؟! اية التطور الغريب ده في القصة !!!

يعني اللي عاملة فيها بتاعت مساواة طلعت عندها حالة نفسية و نفسها حد (يشكمها) ؟؟!؟!؟ clp::

اما نشوف نهايتها اية wst::

دا انا كنت فرحت انها طلقته و قلت الحمد لله الراجل هيرجع لبيته و عيالة و هيفوق من الصدمة اللي هو فيها .. الاقيه يرجع لها تاني !!! :)

شوفت يا عمرو بس ده ذنب مراته وعياله واللى هيطلع عليه بعد كده

بس معلش كده سؤال شخصي على الماشي (انت متجوز ولا لأ اصلي خايفه اكون خوفتك من الجواز بالطريقه دى ههههههههههههههه)

ملحوظه مش ضرورى تجاوب لو مش عايز

بجد مشكور جدا لمتابعتك

شكلك كده ناويه تدوريلي علي "شهرزاد" عشان اتجوزها و تعملي علينا قصة جديدة ... :wub:

[pocy]

هههههههههههههههههه

انت تأمر هههههههههههههههههههه

في واحده عندنا فى السويس بتقعدجنب برج الجاسر معروف هناك هههههههههههههه اسمها فتكات

لو موافق قلي واكيد هي هتوافق على طول ههههههههههههههههههههه

[Amr Radwan]

هههههههههههههههههه

انت تأمر هههههههههههههههههههه

في واحده عندنا فى السويس بتقعدجنب برج الجاسر معروف هناك هههههههههههههه اسمها فتكات

لو موافق قلي واكيد هي هتوافق على طول ههههههههههههههههههههه

شكلك كده يا استاذه بوسي هتخليني اكره السويس خالص .. فتكات اية و بتاع اية .. انا بقول "شهرزاد" و انتي بتقولي "فتكات" :)

عموما .. مش عاوز :egyflag:

خلينا في القصة اما نشوف نهايته اية صاحبنا ده لان شكله كده مش ناوي يجيبها لبر و بدأت اكرهه (زي فتكات بالظبط) clp::

[pocy]

والله دمك خفيف جدا

طبعا انا بهزر انت لو تعرف فتكات دى مكنتش قلت كده على العموم قصتها هتكون بعد قصه الزوج السعيد هههههههههههههههههه

ربنا يباركلك وتلاقي نصك الحلو اللى يخليك زوج سعيد جدا جدا ههههههههههههههههه

[Amr Radwan]

:egyflag: انا متجوز

.

..

...

....

......

........

مش بقولك ناوية تعمليني القصة الجديدة :)

شكرا يا بشمهندسة بوسي

[pocy]

هههههههههههههههههه طب بتقولها وانت مضايق كده ليه

على العموم الف مبروك على الزواج وربنا يباركلك فيها يارب وفى اولادك ان شاء الله

برضه انا بهزر اعى تكون بتزعل هههههههههه

[HDarwish]

مش عارف ليه مش مطمن ..

حاسس برغم السعادة الوهمية اللي هو فيها دي إلى أنها لن تستمر وشهرزاد مش هتعمر وياه ..

إلحقينا بئا ببقية الحلقات يا أم عمرو ..

تحياتي

[pocy]

عيونى ليك استاذ حسن مع انى كنت عايزه اشوقكم فاحط كل يوم حلقه بس مبقدرش اتاخر عنكم

إنتهت ايام العسل فى القرية السياحية الجميلة وحان موعد العودة .. ركبنا الطائرة وشهرزاد يطل من عينيها الحزن

فى الطائرة همست بصوتها الحنون

.... مش ممكن تيجى عندى الشقة يومين أو ثلاثه كمان

تنحنحت قليلا فقد كنت أعد نفسى بعدة ايام من الراحة بعد ان خضت تلك الملحمة التى تهد الجبال فقلت

.... انا نفسى فى كده بس انا كلمت الأولاد وهما مستنينى

.... يعنى هما أهم منى

.... لا طبعا بس مقدرش أغير كلامى والنهارده الأثنين ويوم الخميس حنسهر سوا

........

......

وصلت الى المنزل ودققت الجرس فسمعت صياح طارق فرحا و فُتح الباب فوجدت أولادى الثلاثة يتدافعون إلى أحضانى بسعادة بالغة

كم آلمتنى هذه اللحظة ، لأول مرة أحس أننى أدخل بيتى و أنا خائف مرتبك ... ضممت اولادى و لم أستطع أن احبس دمعه .... لا أدرى لماذا أحس الآن أننى خنتهم وغدرت بهم ... كيف هانوا على الى هذه الدرجة .... ماذا سيحدث لسعادتهم الصافية تلك لو علموا بما اقدمت عليه

كيف سأكون فى نظرهم

..... أهلا ... أهلا يا حبيبى

إنتبهت من خواطرى لأجد زوجتى تحتضننى بشوق كبير وكانت ترتدى ملابس جديدة وتضع عطرا جديدا أيضا وفى أبهى زينتها !!!!

إحتضنتها بشوق حقيقى و أخذت اجيب أسئلة الأولاد عن رحلتى بكذبات كثيرة كانت كل واحدة منها تسدد طعنة الى قلبى وعقلى

أخيرا جلست وزوجتى فى غرفتنا لوحدنا فأقتربت منى وهمست

.... وحشتنى جدا

( هى شهر إتفقت معاها عليا ولا إيه )

.... و إنتى كمان فوق ما تتصورى

..... تصدق المره دى من بين كل المرات اللى سافرت فيها كنت قلقانه وقلبى مقبوض و فى حاجه مش مريحانى

( ما أعجبكم أيتها الزوجات .... لماذا لا تتحرك مشاعر القلق والحرص على الزوج إلا بعد أن تخطفه أخرى ؟ الم أكن موجودا لسنوات ؟ اين كان هذا الشوق و إين كانت هذه الحرارة ؟ لو إستقبلتنى هكذا مرة واحدة كل شهر لما حدث ما حدث أبدا .... فجأة قفز الى عقلى خاطر غريب ... أليس من الممكن أن أكون أنا من أراها الآن مختلفة ؟ هل من المعقول أننى عدت أيضا بحالة نفسية وعاطفية مختلفة ناتجة عن إحساسى بالذنب )

إنتبهت وزوجتى تمسح على شعرى بحنان وهى تقول

.... إنت باين عليك تعبت جدا والشغل كان كثير بس انا بئه حنسيك التعب

فى اليوم التالى إستيقظت قرب صلاة الظهر .... كنت أسمع المثل الشعبى القائل ( يا جوز الأثنين .. يا عريس كل ليلة ) قبل ذلك فأمصمص الشفاه انا وأى رجل متمنيين ذلك .... الا قاتلك الله يا من قلت هذا المثل و أرانى فيك ما يريحنى

فى المساء أخذت اسرتى فى نزهة الى النادى و جلست وزوجتى نتجاذب أطراف الحديث عندما رن الموبايل

إنها شهرزاد المتنكرة فى إسم ( أحمد أبو ليطه )

..... ياه دول بيكلمونى من المنجم

قلت ذلك و أنا أقوم من مكانى مشيرا الى زوجتى بأننى سأبتعد قليلا لأسمع جيدا

فتحت الخط وقلت

.... آلو

.... ما شاء الله قاعد مع مراتك ومبسوط على الآخر

ذهلت و قلت

.... وانتى عرفتى منين

..... أنا قاعده فى النادى وشايفاكم

.... إييييييييييييييييه إنتى عضوه فى النادى ؟ مقلتليش قبل كده

.... ما جتش مناسبه و أنا نادر جدا لما آجى

( يا لهذا الحظ )

..... طيب مش إحنا اتفقنا أنى أنا اللى اتصل وبلاش انتى

.... آآآآآآه بس أصلى يعنى حبيت اعرفك انى موجوده أصلى شايفاك نازل ضحك وفرفشه على الآخر ، بعدين انا شايفه مراتك غير ما انت وصفتها ، يعنى كنت بتكذب عليا

..... ده وقت الكلام ده دلوقتى

..... إسمع انا مروحه وعايزاك تيجى بعد ساعة

.... مش ممكن إزاى حخرج من البيت تانى

..... خلاص انا فى دقيقتين اكون معاكم

..... لا لا لا .. إعملى معروف خلاص حتصرف

أغلقت الخط وجسدى يرتعش .... أحسست أننى فأر صغير دخل مصيدة لا فكاك منها ... أنا أواجه كارثة حقيقية

عدت إلى زوجتى وقلت

..... وبعدين بئه فى الجماعة دول

.... مين

..... الشركة بتاعة المنجم النظام عندهم فى مشكلة ولام اروح مكتبهم اللى هنا علشان ادخل على النظام و اشوف ماله

.... دلوقتى

.... يعنى كمان ساعه كده

..... بس دا إنت كده حتتأخر أوى

..... لا إن شاء الله ما يحتجش شغل جامد ححاول أظبطه على السريع

قمنا الى الخارج و أنا احمل اثقال العالم على كتفى

هل أستطيع أن أنجو مما ورطت نفسى فيه ؟؟

( يتبع )

[Amr Radwan]

اشرب بقا يا شهريار .. بالهنا و الشفا .. مش خسارة في طيبة قلبك .. :)

[قلب ابيض]

بقولكم ايه يا جماعه

انا لى رأى مخالف للقاعده فى الموضوع ده

كلكم متعاطفين مع شهريار ويعنى صعبان عليكم اوى؟؟

طب ما الست مراته ايه اللى خلاها نكديه كده؟ مافكرتوش فيها ليه ؟؟ همها هم البيت والعيال والراجل والمسئوليه اللى ملقاه على عاتقها انا معاكم ان ده مايديهاش

تلاحتفاظ بالنكد الازلى على الراجل

بس حبه عليه وحبه عليها 00يعنى هى كمان مانغسهاش تبقى ملكه متوجه؟ منفسهاش تحس انها لازلت متربعه على العرش :wub: ومتملكه لمشاعر جوزها

طب هو ليه ماحاولش يدلعها ويفوت لها زى ما فوت للدكتوره اللى هدت حيله ؟؟؟ :blink: وطلقته ورجعته

طب يديها ريق حلو ويحسسها انها مش ام العيال بس 00ولو بالكذب يا اخى 000ده حتى مباح ان الراجل يكذب عبى مراته فى الحالات دى "بس "

أدييييييييييينا مستنيين اما نشوف :sad:

[pocy]

بقولكم ايه يا جماعه

انا لى رأى مخالف للقاعده فى الموضوع ده

كلكم متعاطفين مع شهريار ويعنى صعبان عليكم اوى؟؟

طب ما الست مراته ايه اللى خلاها نكديه كده؟ مافكرتوش فيها ليه ؟؟ همها هم البيت والعيال والراجل والمسئوليه اللى ملقاه على عاتقها انا معاكم ان ده مايديهاش

تلاحتفاظ بالنكد الازلى على الراجل

وقفه كان نفسي اوقفها من زمان انتى يا قمر لو رجعتى لكلامى كام صفحه هتلاقي ان رأيك مثل رأى بالضبط وده لان الكلام صادر من جهه واحده وهو اللى بيحكى لكن احنا لو سمعنا منها هتلاقيه صغر فى نظر كل الرجال الموجودين وزى ما قلت الستات كائن رقيق جدا ومتقلب ويحتاج الى الكلمه الحلوه حتى تذوب معاها كل حالات النكد والاكتئاب والمشاكل بس لو تفهموا يارجاله

بس حبه عليه وحبه عليها 00يعنى هى كمان مانغسهاش تبقى ملكه متوجه؟ منفسهاش تحس انها لازلت متربعه على العرش :D ومتملكه لمشاعر جوزها

تسلم ايدك يا قلب ابيض استمرى استمرى

طب هو ليه ماحاولش يدلعها ويفوت لها زى ما فوت للدكتوره اللى هدت حيله ؟؟؟ :blink: وطلقته ورجعته

ياه عجبتنى قوى دى كملى كملي

طب يديها ريق حلو ويحسسها انها مش ام العيال بس 00ولو بالكذب يا اخى 000ده حتى مباح ان الراجل يكذب عبى مراته فى الحالات دى "بس "

سبحان الله مقلتش انا حاجه من عندنا والله تسلميلنا وتكون متزعمه الحركه النسائيه فى المنتدى

أدييييييييييينا مستنيين اما نشوف :lol:

هانت هانت ان شاء الله وكل واحد ياخد جزاءه

[pocy]

وصلت إلى منزل شهرزاد وأنا أنوء بأثقل الأعباء النفسية ، عجبا كيف أنقلب كل ماحلمت به إلى النقيض تماما ؟ كنت أظن أن هذا البيت سيكون عش السعادة الهادئ ، كنت أتخيل أننى سأتى لأنهل من نبع المتعة الصافية بدون قيد أو التزام .. فهل كان حلمى زائفا ؟

طرقت الباب فجاوبنى صوت شهرزاد مستفسرا و سرعان مافتح الباب عندما عرفت أننى الطارق

بمجرد دخولى أولتنى ظهرها متصنعة الغضب ولكنه ذلك النوع من الغضب الذى يكون داعيا لا رافضا مشتاقا لا زاهدا ، دلنى على ذلك أنها فى أجمل الثياب وأبهى الزينة و عطرها المدغدغ ينتشر حولها

قلت بغضب

..... ممكن أفهم إيه اللى حصل

..... حصل إنك سايبنى لوحدى وعايش حياتك مع مراتك

..... أظن إحنا متفقين على كده احنا متجوزين مسيار وحنتقابل يوم فى الاسبوع

..... لا إسمع انا سألت عن كل حاجه المسيار مش معناه انك تيجى لما يجيلك مزاجك وخلاص ، المسيار معناه تنازل عن الحق فى المسكن والنفقة لكن الباقى لازم يكون فيه عدل بين الزوجتين

..... يعنى إيه

..... يعنى حق الفراش يكون بالتساوى

صرخت هلعا

..... فراش !!!!!! فراش إيه تانى

...... أيوه ليله عندى وليله عندها

...... نعم ؟ لا أنا مقدرش على كده

..... ولما أنت ما تقدرش بتتجوز تانى ليه

...... انا أقصد إنى مقدرش اسيب البيت يوم ويوم وآجى أبات هنا

...... يعنى عايز تحرمنى من حقوقى

....... إحنا ما اتفقناش على كده

...... و أنا مش حرضى بغير كده

قلت بحسم

.... الموضوع مش قابل للمناقشة قلتلك مقدرش

.... و أنا كمان مقدرش خلاص كفاية لحد كده

.... يعنى إيه

فجأة أجهشت بالبكاء وقالت

..... أنا اللى رخصت نفسى وغلطت لما قبلت الفكرة دى ، قٌبلت إنى أكون واحده بديله لراجل بيزهق يوم ولا أثنين من مراته ويجى يفرفش شويه ويرمينى بعد كده ، انت فاهم غلط يا استاذ فاهم إن الست اللى بتتجوز مسيار مش عايزه غير واحد يبات عندها كأنها مش إنسانه محتاجه اللى يكلمها ويحس بيها

أحسست بغصة مؤلمة ولكنى لم أجد ما أقول ، فواصلت كلامها

..... إسمع زى ما دخلنا بالمعروف نفترق بالمعروف

كم من الصعب أن اصف إحساسى كانت كلمتها كطوق نجاة ولكن يصحبه صفعة مؤلمة ، فمن ناحية ستنتهى تلك المشكلة التى أوقعت نفسى فيها وفى نفس الوقت تسببت فى تعاسة إنسانه و أورثتها تجربة حزينة

ظللت صامتا مبهوتا ثم استجمعت نفسى وقلت

.... ليه بس كده ليه ما نكملش بطريقتى

.... لا ما تضحكش على نفسك وعليه اكتر من كده خلاص إنت أخذت اللى إنت عايزه و شفت كام يوم حلوين كلها ايام وتنسى كل حاجه وتتمنى لو كان اللى حصل ما حصلش وحتكون فى منتهى السعاده انى اختفيت وفضلت انت مع مراتك وولادك وما نقصشى عليك حاجه

... بس أنا

.... كفايه لو سمحت أنا بطلق نفسى منك ومن فضلك طلقنى حالا

.... انا

....لو سمحت اعتقد احنا ناس محترمين وياريت ننهى العلاقة باحترام وحالا من فضلك

ألقيت يمين الطلاق و أستدرت خارجا من العش الموعود

ركبت سيارتى و انا أحس أننى قد إرتكبت سلسلة من الخطايا ، كل ما فعلته كان بدافع من الرغبات المجنونة التى الغت عقلى ، كيف عرضت إستقرارى و أمانى لهذه التجربة ، كان من الممكن ان افقد زوجتى و أولادى وتسببت فى جرح إنسانه أخرى لم يكن لدى ما أقدمه لها أبدا

كيف تخيلت ان الزواج من الممكن ان يكون متعة عابرة دون اى التزام

كيف تصورت اننى من الممكن ان اعيش حياتين مختلفتين وان اخفى ذلك عن زوجتى واولادى

لازلت أحسبالإلم لما فعلته ولكن الألم سيزول قريبا ويبقى شعور بالارتياح مصحوب دوما بإحساس يالخجل مما فعلت ، لقد أوشكت أن أدمر كل حياتى بنزوة شيطانية ....فهل وعيت الدرس ؟

( يتبع )

[pocy]

شوفتم اللى حصل انا بفكر احط اخر حلقه ان شاء الله ظهر هذا اليوم

ان شاء الله واتمنى منكم بعد وضعها تقولوا رأيكم فى الراجل ده وهل اخطأ ام لا وهل هناك مجال لتعديل ام لا ومن المخطا الرجل ام المرأة ؟؟؟؟؟؟؟؟؟؟؟؟؟؟؟؟

فها ستردوا على من خلال متابعتكم ولا ؟؟؟؟؟؟؟؟؟؟؟؟؟

[Amr Radwan]

شوفتم اللى حصل انا بفكر احط اخر حلقه ان شاء الله ظهر هذا اليوم

ان شاء الله واتمنى منكم بعد وضعها تقولوا رأيكم فى الراجل ده وهل اخطأ ام لا وهل هناك مجال لتعديل ام لا ومن المخطا الرجل ام المرأة ؟؟؟؟؟؟؟؟؟؟؟؟؟؟؟؟

فها ستردوا على من خلال متابعتكم ولا ؟؟؟؟؟؟؟؟؟؟؟؟؟

كله ضرب .. ضرب .. مفيش شتيمة ؟؟ :D

الراجل "شهريار " هو اللي غلطان و ستين غلطان بس انزلي بالحلقة الاخيرة

[pocy]

لو مكنتش تحلف بس

عيونى الحلقه الاخيره تم تقديم ميعادها وستنزل الان بإذنه تعالي ان شاء الله

مضى يومان منذ أنفصلت عن شهرزاد ، لبثت فى منزلى بعد أن طلبت أجازة عارضه ، أحس أننى أريد أن أختلى بنفسى قليلا .

كان أول ما خطر ببالى أن على أن ابذل جهدا مضاعفا لكى أجعل حياتى اسعد مع زوجتى ، فلأجرب أن أبادر أنا بالحب والحنان والعواطف الجياشة ، سأتحمل حتى ولو لم تتجاوب فى البداية ، نعم سأكون صبورا وذا نفس طويل .

صباح اليوم الثالث إستيقظت من نومى و أعددت الإفطار بنفسى ثم أيقظتها قائلا

.... صباح الخير يا حبيتى

فتحت عينها وبدا أنها مستغربة قليلا ( يبدو أننى لم أوقظها قائلا يا حبيتى منذ سنوات ) وقالت

.... صباح النور يا حبيى

.... يلا أنا محضر الفطار خلينا نفطر مع بعض وحعمل الشاى حالا

جلسنا نفطر ووجهها يفيض سعادة وقالت

.... إحنا مفطرناش لوحدنا من سنين دايما بتنزل ومعاك سندوتش فى ايدك ومعدنكش وقت

.... آه الشغل واخذ الواحد فعلا من كل حاجه ، تعرفى أنا حاسس إننا لازم نعمل شوية تغيير أنا فكرت فى فكرة غير تقليديه

.... فكرة إيه

.... نسافر يومين لوحدنا

.... إيه !!! معقول ؟ والولاد حنسيبهم فين

.... عند ماما كلهم ثلاث ايام منهم يومين أجازة مدارس

.... وحنقول ليهم إيه وحتقول لمامتك إيه ؟ دى حاجه تكسف

.... ايه اللى يكسف بس ليه ما يكونش لينا أوقات خاصة بينا نجدد فيها مشاعرنا ونخرج بره رتم الحياة اليومية والتعود اللى بينسينا نعبر عن مشاعرنا

نظرت إلى مبهوته ثم قالت بنبرة غريبه

.... هو فى إيه بالضبط ؟ إنت مالك اليومين دول قاعد فى البيت وساحب ناعم على الآخر ... إنت شكلك كده عامل عمله

خرجت من الجو البديع الذى كنت أعيشه و أحسست أن أحدهم ألقى بجردل من الماء المثلج على قفاى الملتهب بلوعة المشاعر الساخنه وقلت

.... حكون عامل إيه يعنى

.... مش عارفه اصل الرجاله لما تعمل عملة تغطى عليها بالحنجله دى مع ستاتها

.... حنجله !!!! إيه حنجله دى

... ما انت احوالك مطمنش

( ما أعجبكن يا ذوات نون النسوة !! تملأن الدنيا شكوى وتحسرا على غياب الكلام الجميل من الأزواج و ترفعن شعار ( عمره ما قالى كلمه حلوه وعلى طول مكشر وبيشخط وينطر) وتؤكدن لكل صديقاتكن أنه لو سمعت إحداكن كلمه واحده حلوه لأصبحت ملاكا فى بيتها ، فاذا أتخذ الزوج هذه الخطوة المرتجاة تحول فى نظركن إلى متحنجل عامل عمله !! )

كدت أرد مهاجما ولكنى أمسكت وقررت أن أتحلى بالصبر فقلت بصوت حنون

.... أيوه عامل عمله

شهقت وصاحت

.... عملة إيه قول بسرعه

..... ما بصتش فى عنيكى الحلوه من زمان وأنا أقول أنا مالى تعبان ليه أتارينى نسيت منبع راحتى

لانت تماما وقالت

.... يا سلام ده إيه دا كله !!! إنت بتتعاطى حاجه

( أتعاطى حاجه !!!!! لا بأس لا بأس يا أخى زوجتك تداعبك قليلا )

.... أيوه بتعاطى جرعات من جمالك وحنانك

ضحكت سعيده و أحسست أن خطتى فى سبيلها للنجاح

فى اليوم التالى كانت زوجتى تخطط للرحلة فأنزلت شنطة الملابس وبدأت تخرج ملابسها لترتيبها فى الشنطه يتصدرها ذلك الثوب المحبب ذو الأحد عشر ربيعا !!! فهجمت عليها برقة قائلا

.... لأ لأ ربنا يكرمك أنا حأخذك النهارده نشتريلك كام حاجه دلع كده

..... وليه المصاريف دى ما أنا عندى

.... لا لا عايزين نشترى حاجات جديده

.... إنت عامله شهر عسل ولا إيه

.... أيوه شهر عسل هو حرام ، معقول يكون فى حياتنا كلها شهر عسل واحد ليه ما نعملش 3 أيام عسل كل سنه ، بعدين دا إحنا لسه فى عز شبابنا

.... ياريت دا أنا بشوف صورنا فى شهر العسل و اقول نفسى فى يومين من دول تانى

.... وحيكونوا أحلى و أحلى ما تنسيش إنى خبرة 10 سنين وهداف و إجوانى ملعوبه مش بلنتيات

.... هههههههههه طيب يا سى الهداف

.....

فى اليوم التالى كنا فى طريقنا الى الفندق الجميل فى المدينة الساحلية الجميلة ، إخترت فندقا متوسط الأسعار وليس بمثل اسعار القرية السياحية التى نزلتها مع شهرزاد ...... لماذا ؟ نعم أعزائى إجابتكم صحيحة ... فعلا هؤلاء هم....هؤلاء هم الرجال !!!!

تم تعديل 21 أكتوبر 2009 بواسطة pocy

[pocy]

ودى كانت اخر حلقه فى مذكرات رجل سعيد جدا جدا واتمنى من الله العلى القدير ان نتعظ واياكم بما حصل مع هذا الزوج

سواء كان سيدات او رجال وربنا هو الموفق

واتمنى تكونوا استمتعتوا مع ومع هذا الزوج الى لقاء اخر ان شاء الله فى مذكرات زوجه سعيده جدا جدا

[pocy]

كنت سألتى أم نور على من كاتب هذه الحلقات انه كاتب ساخر كتبها فى عام 2007 وبعد كتبها اختفي عن المنتدى ولم نراه منذ ذلك الحين وكان معروف باسم مصراوى وكنا نتابعهه حلقه بحلقه وكان هذا اخر رد له عن ما قد كتبه واتمنى ان يظهر مره اخرى ويتحفنا بما يكتبه

أعزائى المتابعين أخواتى المتابعات

بداية أود أن أشكركم جزيل الشكر لهذه المتابعة الجميلة

أود أن أناقش تعليقاتكم الثرية وأوضح وجهة نظرى بخصوصها

الإطالة وتعدد الحلقات

بداية لم أقصد الإطالة وتحويل الموضوع إلى مسلسل مكسيكى أو فيلم عربى

فى كل حلقة أطرح فكرة فى صيغة قصة

كمثال الحلقة التى أكتشفت فيها أن شهرزاد تشرب الشيشة علنا ولا ترى فى ذلك بأسا ، هنا أناقش فكرة أن زواج المسيار ( بصورته التنفيذية وليست الشرعية فبينهما بيد دونها بيد ) كثيرا ما يكون هدفه محصورا فى البحث عن المتعة مما يجعل الطرفين يتناسيان البحث عن أوجه التلاقى والتناسب بينهما فالأمر عادة يكون سريعا متعجلا فيكتشف الطرفان بعد الزواج إختلاف الطباع والأخلاق ... وهكذا

بخصوص تعدد الحلقات فكان القصد منه أيضا خلق نوع من التشويق والإنتظار للحلقة التالية وتعمدت أن أترك مساحة زمنية بين كل حلقة - وإإن طالت أحيانا لظروف خارجة عن إرادتى _ وذلك لكى نعمل الفكر فيما يمكن أن يحدث فى الحلقة التالية وبالتالى نفكر جميعا كيف تكون النتائج والعواقب لكل فكرة بالحلقة السابقة ، وكم أسعدنى أن أستقبل الكثير من التعليقات التى تدل على إسلوب تفكير كل طرف ( الرجال والنساء) فالرجال يحلمون بمغامرات شيقة عامرة بالمتعة ( هذا ما يفكر فيه الرجل عندما يقرر أن يتزوج أخرى ) و يبعدون عن أفكارهم أى منغصات ممكنه ، أما النساء وخصوصا المتزوجات فكن متعاطفات مع الزوجة غالبا وإن كن أيضا مدركات لسلبياتها وهذا مهم جدا فإدراك المرأة للأخطاء التى تقع فيها هو بداية الطريق لتقويم العلاقة الزوجية

أسعدنى أيضا أن أجد تعاطفا من نوع ما مع شهرزاد حتى من النساء وهذه رسالة حرصت على إيصالها

المرأة التى تتزوج مسيارا هى كائن له أحاسيس ومشاعر وليست أبدا مجرد لعبة يتسلى بها رجل ثم يلقيها فيتلقفها أخر

نهاية القصة

بالنسبة للتعليقات حول نهاية القصة فهى تلخص وجهة نظرى الشخصية وهى أن زواج المسيار قد تحول إلى مغامرة سريعة يعود بعدها الرجل (الذى فقد عقله) إلى زوجته ، نعم أعزائى فلم اسمع بزواج مسيار بنيت عليه أسرة .

لاحظوا أيضا أن الرجل لا يبذل مع زوجته الأولى نفس الجهد الذى يبذله مع الزوجة الجديدة

شهريار كان حريصا جدا على مظهره ولياقته البدنيه مع الزوجة الثانية وكان حريصا على توفير أجمل الأجواء لها بل وتفجرت خفة دمه معها بشكل كبير ، فهل جرب ذلك مع زوجته الأولى ؟

عندما جرب ذلك مع الزوجة الأولى - وبصورة أقل- لانت وسعدت وبدأ الغبار يزول من فوق الحب والمشاعر

فى النهاية أود أن اشكركم جميعا من كل قلبى وأعدكم بالجديد دوما متمنيا أن ينال إعجابكم

[قلب ابيض]

كنت سألتى أم نور على من كاتب هذه الحلقات انه كاتب ساخر كتبها فى عام 2007 وبعد كتبها اختفي عن المنتدى ولم نراه منذ ذلك الحين وكان معروف باسم مصراوى وكنا نتابعهه حلقه بحلقه وكان هذا اخر رد له عن ما قد كتبه واتمنى ان يظهر مره اخرى ويتحفنا بما يكتبه

تسلمى يابوسى على النقل 00بس لى توضيح احب اضيفه لو سمحتى لى 00الكاتب هو "مصرى بجد " مش من منتدانا ده

واخر الحلقات كانت الحلقه ال19 يعنى حلقه كمان بعد اللى فاتت 00وهو مش نهى اليوميات لظروف لا يعلمها الا الله وهو نفسه

ولكن اعتقد انه بصدد استكمالها لانه دايما كان الفرق بين الحلقه والتانيه كتييير لانه بيكتبها وينشرها على طول مش بينقلها او هى موجوده عنده وبينزلها تباعا

الف شكر لك يا ست الكل على النقل وامتعتينا الفتره اللى فاتت دى

على فكره لو سمحتى لى انزل الحلقه اللى بعدها انزلها فورا 00ومع انى شايفه ان النهايه لحد كده كويسه اوى عشان تسيب لنا مجال للتخيل فيما بعد الخطوه اللى اخدها شهريار مع ام العيال

[hamoudi]

من وجهة نظري اذا كانت دي النهايه فهي نهايه سعيده . وانا طول الحلقات واقف وعايز اشجع بس خايف احسن تكون هناك نهايه مأساويه تشمت بنات حواء فينا ولكن الحمد لله انتهت نهايه سعيده ( طبعا من وجهة نظري )؟

[Amr Radwan]

الحمد لله ان دي النهاية .. بس مش معني كده يا معشر الرجال ان كل واحد يروح و يتجوز علي مراته تكون النهاية بتاعته سعيدة .. :lol:

ممكن العملية تقلب بفلم رعب مأساوي و يكون اخر التجربة و المغامرة الرجالية لاخونا طرزان او شهريار في اخبار الحوادث .. ربنا يستر علي الرجالة اللي بيحبوا المغامرات و بيلعبوا مع الاسد wst::