النسرة المصرية... تحلق في سماء المحاورات!!

[النسر المصري]

النسرة المصريه!!

أم فيروز

زوجتي ورفيقة دربي ونني عيني ..!!!

اللي لو لفيت العالم لم اجد مثيلا لها!!

مراتي يا ساده يا اأفاضل واقفه على وداني من اول ماتجوزنا ... وماسكه في التيشيرت هاتك ياشد وجذب عشان عاوزه تشترك معايا في المحاورات والفيس بوك وباقي المنتديات!!

انا بصراحه ماكنش عندي مانع.....بس معرفش ليه كنت مكسل في الموضوع ده....وكان في منادي بيناديني ياعم خليها بعدين....لغاية لما ضحكت عليا وراحت عملتلي تشيز كيك يالفراوله والتوت...وانا لهطها من هنا ياساده...ولقت نفسي في ملكوت آخر.......

وراحت جايبالي الكمبيوتر والمبخره واتنين كيلو جوافة....وراحت قالت الكلمات السحريه

شانيل...دولسي......دبنهامز....زارا....ام جمعه....

وساعتها لقيت ايدي لوحدها بتتحرك بقدرة قادر....هاتك ياتسجيل في كل مكان رجلي خطت فيه

وبعد ساعات من الافاقه وعمليات الاسترجاع والاسترخاء

اكتشفت اني سمتها على اسمي ...وكان تعابير وشها كده wst::

انا عارف ان الجميع هيرحب بيها طبعا :)

بس انا بحذر اي حد انه يبعت شكوى او يقولها حاجة عني.....وخصوصا احداث مراخيري الشهيره :)

فهذا التاريخ قد طوته الصفحات وولى بلا رجعه :sad:

حيوا معنا زوجتي العزيزة.....ام فيروووووووووووووووووزززز

(الستات على اليمين من هنا والرجاله يتفضلوا على الصالة الكبيرة من هناك.....والتبرعات هتجمع بعد الحفل...الرجاء النظام ياجماعه ...واحب اؤكدلكم ان البوفيه متروس وملغم علاخر...الكل هياكل متقلقوش.....يلا هلموا يا جماعة...هلموا هلموا!!!

[مغتربة]

اهلا و سهلا بام فيروز

و ان شاء الله نتهانا بانضمام فيروز نفسها لينا

و تبقى عائله محاوراتيه من الدرجه الاولى

wst::

[بندق أفندى]

هههههههههههههههههههههههههههههههههههههههههههههههههههههههههههههههههههههههههههههههه

هه

جيبته لنفسك

مرحبا ورفقا بالنسور ههههههههههه

[doha]

يااهلا يااهلا منورة

بس بشرط ...

عاوزين طريقة التيشز كيك الي قال عليها الاستاذ

[Alshiekh]

النسرة المصريه!!

أم فيروز

ليه بس كده يانسر

كان كفاية تقدمها بأم فيروز

اصل اسم " النسرة " له كنية تانية ( أم حاجة تانية بس مش أم فيروز )

عموما ترحيب حار بالسيدة الفاضلة أم فيروز محلقة فى سماء المحاورات ويارب تشاركينا الرأى والخبرات.

[MZohairy]

و الله انت عسل يا نسر و محطوط في طبق مربى مرشوش عليها سكر سنترافيش :P

نبارك للمادام على حلول النسور

بس لما فيروز بنتكم حتشارك حتسموها ايه؟

انا رأيي تسموها عودة النسر الضال :P

اهلا و سهلا بيكي ياأم فيروز :wub:

[سهيلة]

:sad: :sad: :sad:

ترحيب جامد جدااااااااااااااااااااا لحضور ام فيرووز وكمان طلقتين نار ف الهوا

:P :P :lol: :lol:

نورتى المنتدى

وان شاء الله تنبسطى معانا ف البيت الكبير

اهلاااااااااااااااا بيكى :wub:

[الحازم حسن]

بحسدك يا نسر

والله الواحد بيكون سعيد لما بيلاقي علاقة زوجية طيبة ودافئة

واحد غيرك مراتو تقوله عاوزة اشترك في المحاورات يقوم يقولها يا ولية اتدفني بالحيا

الفستان اللي في الفترينة ده عاجبني يقولها طيب هجيبك تتفرجي عليه كل يوم

كده يعني

عموما يا ابو فيروز ام فيوز نورت المحاورات وفي انتظار فيوز وباقي العش

تم تعديل 10 أكتوبر 2009 بواسطة الحازم حسن

[عنبو]

الوووووووووووو

عنبو يتكلم حول IN IN IN IN .................

نسر يسمع حول IN IN IN IN..................

خطوه جريئه احيك عليها وربنا يديم المعروف بينكم ونبلغكم ان الوضع تحت السطره وتم فلترة كل شىء

تحيه خااااااااااااااااصه للاخت ام فيروز وعبقال لما فيروز تكبر وتشترك فى المحاورات

على فكره يانسر انا سبتلك 2جنيه و75 قرش فى الصندوق الى انت حاطه فى اول الصاله ؟؟ علشان تبقى عارف يعنى

[النسر المصري]

ماشاءالله ماشاءالله....مراتي منكشحه على الآآخر ووحاسة بخجل شديد من التراحيب دي....

معلش انا بعتذر لاني هبدأ بمداخلة أخونا محمد الأول لانها شعللت الممسائل وعملت اول تاش محاوراتي بيني وبين مراتي

أخي محمد

ياسيدي الهانم مراتي طالبة تغير اسمها لأم فيروز بناء على اقتراح حضرتك...راسها وألف سيف انها لن تدخل الا بالإسم اللي اقترحته حضرتك (أم فيروز)....وبناء عليه اخدت انا استماره اربعه وعشرين بختم نسر اونطه ورحت لافف كعب داير على المنتديات والمواقع عشان اغير اسمها من النسرة المصرية ..إلى أم فيروز..........(شفت حضرتك ردودك بتخش الجون ازاي على طول......حناينك علينا ياكبير الله يخليك) :huh:

أرجع بقى ارد على اخوتي واخواتي للرد على باقي التاهني والتباركات بهذه المناسبة الجميلة

وده اول جواب وصل من الست مغتربة بتهني وبتبارك فيها لام فيروز

ونحب نقولها ام فيروز بتسلم عليكي اوي وفرحانه بالجواب بتاعك لدرجة انها هتعلقة على ضلفة الدولاب من جوه عشان كل ماتفتحه تفتكرك وتقول ده اول جواب جاني!!! :happy:

وده جواب تاني مبقع طبيخ وزيت وبهارات ومبهدل آخر بهدله ....وطبعا الجواب باين من عنوانه .... وطبعا هو بندق افندي

الراجل مسخسخ على روحه من الضحك وبيطارد اخونا النسر في كل المنتديات بالمغرفه وحلتين طبيخ وحالف بالطلائع ان النسر لازم يدوق من أكله ...والنسر ابدا راسه والف مش هيناوله اللي ف باله!! B)

وعندنا مسج جاتلنا على موبايل الشركة من ضحى هانم طالبة فيها طريقة التشيز كيك.......وأم فيروز بتقولك انها لن تتنازل عن ارسال الوصفات لك مع كتاب (الكلمات السحرية....في السيطرة النسائية..على الحياة الزوجية...على الطريقة المطبخية)

ودي هدية غالية اوي اوي بتنصح بيها ام فيروز لكل نسوة المحاورات...!!! (بكره نشوف زوجات المحاورتيين كلهم احتلوا المنطقة) :ninja:

ومن بابا وماما وتيته وجدو وخالو وخالتو وعمو وعمتو وأونكل زوهيري جالنا اميل تكنولوجي مع طقم صيني واتنين كيلو بسبوسه ....بيهني فيها ام فيروز وخطيبة ابنه فيروز .... ولو ان فيروز واخده على خاطرها من اياد لانه متاخر عليها في سداد اقساط العفش ...وطبعا هي عندها حق لان مستقبلهم هيضيع كده والفرح هيبوظ....(إلحق نفسك لحسن الواد كريم ابن موديست نايم على باب شقتنا من ساعتها وحالف ماحد يخطي الباب يخطبها الا هو....ومعلق علم أحمر عليه نسر وبيعمل كل الاغرءات عشان يخلي فيروز توافق....وحالف انه خلاص تاب وماعدش زمالكاوي وانه اهلاوي المنشأ من تاريخ حبه ليها...اديني انا قلتلك اهو :closedeyes:

ودي رسالة الورد والعطر فايح منها من الست سهيلة .... وطبعا كده اخيرا هيجتمع الشمل وفيروز هتلعب مع ملك هانم ومش ناقص غير النجم الكبير زوج حضرتك ينضم ..وكده يبقى العشا جاهز :happy:

ورسالة مكهربة من اخونا حازم حسن ومتلغمه بالفيوزات (ام فيوز)...والبنت(فيوز)...وابو (فيوز) كمان...... والراجل مبسوط فيها اوي ..وبالمناسبه دي بنبعتله كف ازرق وعين سحريه وخرزه زرقه ورجل سحليه عشان الحسد مايطولش ال(الفيوزيه) :ninja:

وعندنا شريط كاسيت كمان لقيناه في ادارة المستنجدات للأخ عنبي بيتكلم فيه من تحت السرير من اللاسلكي في جبال غوانتانمو في افغانستان مع الاخوه المجاهدين....وطبعا ماحبش يفوت الفرصه دي لا وكمان راح جمع تبرعات من لاخوه المجاهدين عشان نصرة الحفل الفيروزي النسراوي!! :lol:

وفي نهاية البرنامج نحب نسمع اغنية (خدني في حنانك ياحنانا يامه) وبنطلب من الادارة تغيير اسم الست نسرة المصرية لاسم (ام فيروز)....

وانتظرونا بعد الفاصل للقاء الست

(أم فيرووووووووووووووووز)

[HDarwish]

مبروك عالمحاورات .. أم فيروز

أخويا .. النسر المصري .. بيني وبينك كده ..

مش عايز تراجع نفسك في الخطوة الجريئة قوي دي؟؟!! .. ربنا يجيب العواقب سليمة ..

[عبير يونس]

يا أهلا بالنسرة المصرية

نورتينا والله

و ان شاء الله تشاركي معانا

و فيروز كمان عن قريب

تحياتي

:huh:

[mama nona]

اهلا وسهلا بام فيروز

نورتينا

ولو انى عندى تعليق صغنون

بلااااااااااااااااااااااااااااااااااااااااااااااااااااااااااااش احسن وراجعو نفسكو انتو الاتنين

وخدى نفسك على اول طيارة وارجعى

خايفين عليكو مالحسد بس

[se_ Elsyed]

ماشاءالله ماشاءالله....مراتي منكشحه على الآآخر ووحاسة بخجل شديد من التراحيب دي....

يا سلام !!!!!!!!!!!

يا سليم !!!!

يا سلووووم !!!!!!!!!

والله عال

ولما أنت هاتتكلم بالنيابة عن المدام ...

وتوصل لها الردود ...

كانت ام فيروز بتسجل ليه من اساسه ؟ :unsure:

وبعدين تغيير الأسم لازم يتقدم بلطلب رسمي في باب شئون المحاورات أو رسالة خاصة للأدفايزر يا سي نسر أفندي ...