هوه ده النظام عندنا واللي مش عاجبه يمشي

[doudy]

الاخت العزيزة برنسيس الله يسلمك يا رب

انا بقيت كويسة الحمدلله النهاردة اهو و نبدأ بسم الله

مش معني ان حد يكون ضد النقاب يبقى انه بيدعوا للعرى. هو يا أما النقاب يا أما عرى و هاف ستومك؟

فين الحجاب الشرعي الي ربنا فرضه على كل مسلمة؟

النقاب كما قال شيخ الازهر و اغلب علماء الازهر فضيلة و ليس فريضة، فلماذا لا تلتزم المسلمة بالحجاب و تتقي الله في ملابسها (لان دلوقتي في محجبات يرتدون ملابس لا تليق بالحجاب)

و انا ما قولتش يا برنسيس ان اللي ضد النقاب يبقى بالضرورة مع العري

الحجاب الشرعي موجود و الحمدلله كون البعض بيستهبل و يلبس محزق و ملزق و يحط على راسه طرحة دا ما ينفيش ان في ناس ملتزمة بالحجاب الشرعي الساتر لجميع الجسم اللي لا يصف و لا يشف

ما نقدرش نقول غير ربنا يهدي اللي بتعمل كده و يسرع من حجاب اخواتنا الغير محجبات و يسارعوا في الالتزام بفرض الله لان العمر اللي جي الله اعلم ممكن يكون مش اد اللي راح

و نتمنى ان اللي تتحجب تكون على دارية زيك كده بالحجاب الشرعي اللي ربنا فرضه و تلتزم بيه و تكون قدوة لغيرها لعل الله يهدي بيها حد مش ملتزم

زمان النقاب لم يكن متنشر زي دلوقتي، الآن النقاب منتشر في كل مكان،

تمام معاكي حق بس ممكن انتشاره يكون رد فعل للسفور و الفجور اللي احنا شايفينه في كل مكان حوالينا في مصر تقريبا

احتمال تاني ممكن يكون في ناس عاوزة تاخد امهات المؤمنين قدوة ليها و دا اطلاقا مش عيب و لا هو ذنب ان واحدة عاوزة تاخد امها قدوة ليها و لا انتي مش معايا

زي ما الاستاذ تامر قالك النقاب كان زي امهات المؤمنين ازاي بقى حد يطلع يقول عليه تخلف و جهل

او واحدة اقتنعت من خلال سماعها للشيوخ ان هو دا الشرع و عاوزة تلتزم بيه نحرمها ليه من حقها في انها تعمل اللي هي عاوزاه و شايفاه صح

او انها واحدة جميلة و خايفة على نفسها من الفتنة او واحدة وحشة و مش بتسلم من تريقة الناس عليها فالبسته عشان ما حدش يأذيها بكلامه

و مع كل احترامي فهو ليس حرية شخصية لاننا تعلمنا ان حرية الفرد تنتهي عند بداية حرية الاخرين

انا اللي مع كل احترامي دا حرية شخصية زي اللي لابسة من غير هدوم و ما حدش بيقولها اختشي على دمك و البسي لبس يسترك و لو حد قالها كده الدنيا هاتقوم و مش هاتقعد و يتقال حرية شخصية

يبقى دي حرة و دي حرة

(مع اني رأي الشخصي ان الاولى افضل من التانية بكتير الاولى لا لفتت ليها الناس بعورتها و لا هبلت الشباب و فضلوا يلفوا وراها في الشوارع و اخدت ذنوب بعدد انفاسها)

. و كم الجرائم ارتكبها رجال يرتدون النقاب و كم من المجرمين تخفوا في النقاب.

و من غير نقاب ما فيش رجال او سيدات بيعملوا بلاوي سودا

على كده بقى كله يقعد في بيته سواء ستات و لا رجاله بنقاب او من غير

الجريمة موجودة يا برنسيس من قبل ظهور النقاب و انتشاره معلش دا مش مبرر

ازاي اصلا الحكومة تسمح لمنقبة بقيادة سيارة، لو عملت حادثة يعرفوها منين؟

و العمليات الارهابية الي حصلت في السيدة عائشة قام بها منقبتين

دا حتى في المترو والاتوبيس و التكسي الواحد بيخاف يقف جنب واحدة منقبة لحسن يكون معاها سكينة ترفعني بيها

او تكون نشالة او ترمي عليا ماء نار

طيب ليه الرعب الي الواحد عايش فيه دا

هايعرفوها من بطاقتها و رخصتها زي ما بيعرفوا اي حد دا لو بيعرفوا فعلا يعني

ماشي و اللي حصل في الحسين كانت برضه منقبة؟ اللي حصل في شرم كانت برضه منقبة؟؟؟؟؟؟؟؟؟

و هو كون ناس عملوا كده يبقى خلاص نمنع الناس المحترمة من حرياتهم الشخصية ناخدهم كلهم بذنب ناس مجرمة ليه و هما ما عملوش حاجه

ايه يا بنتي الفوبيا اللي عندك دي ما انتي ممكن تكوني واقفة و تيجي واحدة عادية كده و تقص سلسلتك و لا منقبة و لا حاجه و حصلت مع خالتي في الميكروباص واحدة عادية جدا و لا باين عليها اجرام حتى و لا اي حاجه و قصت السلسلة بتاعتها

ممكن واحد يفتح عليكي قرن غزال و ياخد كل اللي معاكي

ايه بقى ربط الجرائم بالنقاب مش فاهمه يعني هي الجرايم دي لسا طالعة في المقدر جديد مع النقاب

عاوزة تفهميني ان الناس ما شاء الله كانوا ملايكة و بس لما انتشر النقاب اتقلبوا شياطين

و بعدين حضرتك بتكلمي عن المناظر المقرفة و الي فيها اذي لعيونا...يعني النقاب هو الي منظهره حلو؟

دا الواحد بيتفزع لو شاف واحدة منهم في الضلمة

انتي بس اللي خوافة شوية يا برنسيس باين عليكي او انك اتعرضتي لموقف معين مع واحدة منتقبة ودا عملك فوبيا يمكن الله اعلم

و بعدين عباءة بتكون طويلة و مجرجرة في الارض و بتمسح الارض بيها بكل ما فيها من ماء غير نظيف و فضالات حيوانات. منظر و روائح تكسف

في دي بقى انتي متحاملة اوي يا برنسيس بصراحة يا حبيبتي النضافة دي مسألة مختلفة خالص معلش

النضيف نضيف سواء بقى واحدة محجبة او غير محجبة او منتقبة و العكس صحيح

انا لسا جاية من يومين في العبارة و شوفت مناظر الله لا يوريكي و لا منتقبات و لا حاجة خالص

اللي اقصده ان النضافة و الهندمة مسألة بيئة و تربية مش مسألة لبس معين و اللي لابسين كده يبقوا زبالة و اللي مش لابس كده يبقى فلة شمعة منورة

وفعلا افضل حل للمنقبة انها تجلس في بيتها لانها مش ينفع تكون طبيية او ممرضة او مدرسة او مرشدة سياحية او سكرتيرة او مديرة قسم دعاية و تسويق أو مهندسة أو موظفة في بنك.

يبقى ايه لزمته بقي وجع القلب و التعليم تقعد في البيت احسن و توفر المصاريف الدراسة على اهلها و على الدولة

معلش يا برنسيس مش انتي و لا انا و لا اي حد اللي يقرر ان الناس تتحبس في بيوتها لمجرد انها شايفه ان لبسها دا بيقربها من ربنا

ايه اللي يمعنها انها تكون دكتورة او مهندسة او مدرسة او حتى مرشدة سياحية مدام عندها الكفاءة انها تكون كده

ايه الظلم دا يا جماعة واحدة تعبت و طلع عينها في المذاكرة و دخلت طب نقولها لا و الله معلش اقعدي في بيتكم قشري بصل يا ماما انتي منقبة لازم تندفني بالحيا يا مجرمة يا منقبة يا عو انتي؟؟؟؟؟؟؟؟؟؟

ايه التفكير دا يا جماعة اللي يهديكم

انا بقى عندي قريبة ليه مهندسة و بتشتغل في الجامعة كمان و اتنقبت من سنتين دا بقى قلل من كفاءتها مثلا

اذ فجأة كده اول ما لبست النقاب لمجرد انها شايفه ان دا تقرب الي الله بقت جاهلة و متخلفة و لازم تترمي في بيتها ما نشوفش خيالها

خر حاجة هقولها ان المنقبات دول بيتبعوا مذهب متشدد في الدين، طيب ازاي بتخرج اصلا من البيت لوحدها؟ هو مش المذهب المتشدد بيحرم خروج المرأة من البيت بدون محرم؟ و بيحرم ان البنت تسافر من غير محرم؟ و بيحرم على البنت قيادة السيارة (زي في السعودية)؟ و بيحرم على البنت انها تشتغل؟

طيب هي اتبعت المذهب دا و لبست النقاب، ليه بقي مش تتبع بقية تعاليم المذهب الوهابي المتشدد و تقعد في البيت و تريحنا.

طيب قريبتي دي و مامتها الاتنين انتقبوا و لا هما من المذهب الوهابي و لا السلفي مسلمين عاديين جدا زي اي مسلم بس هما شافوا ان دا طاعة زيادة لله و تقرب له اكتر و تشبه بامهات المؤمنين

ايه بقى العيب في كده

دا كل الكلام اللي عندي و انتي برضه حرة في الاول و في الاخر

مع خالص احترامي للجميع

ريمو مش المفروض اننا مسلمين

يعنى عارفين امور ديننا كويس من و احنا فى اولى ابتدائى و بناخد

دين فى المدرسةو عارفين الحلال و الحرام

و الغلط و الصحو اللى يتلبس و اللى ما يتلبسش

و الله يا حبيبتى انت بتفترضى حسن الظن بالناس ربنا يكرمك

و يجازيكى خير احنا عارفين الصح بس

فيه ناس بتتغاضى عن الصح و بتعمل نفسها مش عارفة

و مش مبرر ان فيه فيلم او مسلسل او مش عارفة ايه

بيدعو لحاجة غلط انه ممكن ياثر فيا و امشى ورا الافكار دى

يعنى ما تلتمسيش الاعذار لحد

كل واحدة مسؤلة عن نفسها يوم القيامة قدام ربنا

مش هتجيب حد يدافع عنها

معروف ان الحجاب فرض و النقاب لا يقل اهمية عن الحجاب

و تبقى حاجة عظيمة لو لبسنا النقاب

و اخيرا سلامتك يا جميل و ربنا يهدى من يريد الهداية

[أحمد سيف]

اتهامات بالجملة للمنقبات بانهم غير قادرين على الاندماج في المجتمع والنقاب يعيق الحركة والعمل

النقاب يصعّب الحركة والعمل خصوصا في بلادنا الحارة والمزدحمة ... المرء لا يحتاج أن يكون عبقريا ليصل الى هذا الاستنتاج ... الغطاء على الوجه يقلل مجال الرؤية ويصعب التنفس ويمنع حركة الهواء أمام الوجه ويصعب الأكل والشرب والأهم يلغي تماما لغة الانفعالات والتعابير ويقلل التواصل مع الآخرين ... عدد كبير من المنقبات يضطررن لترك العمل أو الدراسة والجلوس في المنزل بسبب هذه العوائق وغيرها ... أنا شخصيا كل من أعرفهن من المنقبات تركن عملهن أو لم يعملن أساسا بعد تخرجهن ... هذا إذا أكملن الدراسه

وده ادعاء غريب جداً لو كان الامر زي ما انتوا فاهمين كده ازاي حوالي 10 مليون سيدة مصرية بالتقريب قادرين يعيشوا بيه من يوم ما اتولدوا ومش ناويين يقلعوه لحد ما يموتوا

مش عارف سعادتك جبت الرقم ده منين ... عدد سكان مصر 80 مليون أقل من نصفهم من النساء ونصف النساء تقريبا أعمارهم أكبر من 18 سنه وأقل من 60 سنه ... يعني تقريبا 20 مليون امرأه هن في سن ارتداء النقاب (مش من يوم ما اتولدوا !!!) ... لو الرقم ده مظبوط يبقى نص النساء اللي بتشوفهم في الشارع بلازم يكونوا لابسين النقاب ... الكلام ده منطقي في السعودية وليس في مصر ... حتى لو افترضنا إن الرقم مظبوط هل ال10 مليون دول بيشتغلوا ولا قاعدين في البيت ولو بيشتغلوا في أي نوع ومستوى من الوظائف ... علشان خاطر بس نعرف هل الحجاب يؤثر على فرص المرأة في العمل والحياة الطبيعية ولا لأ

وازاي ملايين السيدات في الخليج العربي قادرين يعيشوا بيه من غير اي مشاكل

هل تقارن ظروف المرأة المصرية بظروف المرأة الخليجية ... هناك الواحده عندها السيارة المكيفة والسائق الخاص والمكتب المكيف والشغالة الفليبينية شايله البيت والعيال، والهانم طول النهار قاعده على التليفزيون أو التليفون أو بتعمل شوبينج وحتى لو اشتغلت بيبقى في حاجه مكتبية خفيفة ومقضياها طول النهار شات على الكمبيوتر ... يا سيدي لما تبقى إمكانياتنا زي الخليج أنا هادعي بأعلى صوتي إن الست المصرية تقعد في البيت وتلبس النقاب وتحنّي ايديها ورجليها كمان. إنما دلوقتي ده ترف لا نتحمله.

طيب تفتكروا لو واحدة منقبة أجبرت على خلع نقابها حيكون عندها نفس تذاكر أو تشتغل او تبدع

لا أحد يتحدث عن "إجبار" ... الموضوع حرية شخصية ... لكن في المقابل مش عايزين نقعد نزنّ على دماغ النساء بحكاية النقاب ونقنعهن انه من الدين ونصعب عليهن حياتهن ونجبرهن في النهاية على البقاء في البيوت وبالتالي نخسر طاقتهن وفكرهن ... أنا عاوز أعرف بس لمصلحة مين الكلام ده.

طالما سيادتك جبت سيرة الاتهامات اللي بالجمله فأنا سأضع المداخلة اللي كتبتها في موضوع ثاني عن النقاب تصديقا لكلامك ... وعلشان اللي ما قراش يقرأ

المعركة القائمة ... معركة النقاب ... اليوم قرأت هذه الكلمة مئة مرة على الأقل في الأخبار والمنتديات. وسيليها معركة عمل المرأة ... ثم معركة تعليمها ... ثم معركة قيادتها للسيارة ... ثم معركة خروجها من بيتها ... ثم تنتقل المعارك الى ميادين أخرى غير المرأة مثل إلغاء التعليم غير الديني وبعده فرض الجزية على غير المسلمين ثم حكم رجال الدين (الملالي) ... وهكذا دواليك حتى نصل الى النموذج الفكري الأمثل من وجهة نظرهم ... نموذج طالبان.

من شبه المستحيل على أي سيدة التوفيق بين ارتدائها للنقاب وانخراطها في الحياة العملية (أو حتى الحياة العادية) خارج بيتها ... خصوصا في بلد مثل مصر لا يتمتع فيه الناس برفاهية السيارات المكيفة والأعمال المكتبية الخفيفة والخادمة الفليبينية مثل جيران لنا ... لذا فإن من تريد أن تتنقب لابد أن تقطع الطريق حتى نهايته (ترك العمل أو الدراسة - الزواج المبكر - البقاء في المنزل طوال الوقت - انجاب عدد كبير من الأطفال ليؤنسوا وحدتها ولكي تمنع زوجها ، المتطلع دوما الى التعدد ، من الزواج عليها - المصدر الأساسي للثقافة هم شيوخ الفضائيات - التسلية المتاحة هي المنتديات الدينية ونسخ ولصق الفتاوى بينها أو الحلقات التعليمية مع الأخوات التي يتم فيها التأكيد على أن العلم ليس للمرأة !!!... وتستمر الدورة) ... النقاب ليس مجرد زي بل هو اسلوب حياة على المرأة أن تقبله كله أو ترفضه كله، ولا يوجد مجال كبير لاختيار جزء وترك جزء آخر. وطبعا كل إنسان حر في خياراته ولا اعتراض لدينا على ذلك ... لكن السؤال: ما هي النتيجة التي سنصل اليها من وراء ذلك كله؟

تم تعديل 13 أكتوبر 2009 بواسطة أحمد سيف

[Abu Reem]

هل هذا الحق مكفول للمنقبات لأن النقاب هو "الزي الشرعي" أو حتى "زي شرعي" أم لأن النقاب هو اختيار شخصي يجب أن نحترمه

معلش اخي احمد سيف ، إيه المشكلة ان حق المنقبة في لبس نقابها يكون حق شرعي ،، لأنك كررت هذه العبارة أكثر من مرة ... فما المشكلة أنها تلبسه كحق شرعي طالما هي شايفاه ومؤمنة أن فرض...( بصرف النظر عن رؤية من يخالفها في صحة هذا الأمر ) فإذا كان من يعبد البقر يمارس طقوسه وعبادته وعاداته ويمارس سلوكياته ويأخذ حريته بدون حجر على تصرفه ..فلماذا نمنع المنقبة لو أرتدته على أساس شرعي حتى لو كان اعتقادها خطا وأنه مثلا مش فرض شرعي؟

تم تعديل 13 أكتوبر 2009 بواسطة Abu Reem

[أحمد سيف]

هل هذا الحق مكفول للمنقبات لأن النقاب هو "الزي الشرعي" أو حتى "زي شرعي" أم لأن النقاب هو اختيار شخصي يجب أن نحترمه

معلش اخي احمد ، إيه المشكلة ان حق المنقبة في لبس نقابها يكون حق شرعي ،، لأنك كررت هذه العبارة أكثر من مرة ... فما المشكلة أنها تلبسه كحق شرعي طالما هي شايفاه ومؤمنة أن فرض...( بصرف النظر عن رؤية من يخالفها في صحة هذا الأمر ) فإذا كان من يعبد البقر يمارس طقوسه وعبادته وعاداته ويمارس سلوكياته ويأخذ حريته بدون حجر على تصرفه ..فلماذا نمنع المنقبة لو أردته على أساس شرعي؟

فين كلمة "حق شرعي" اللي أنا قلتها ... أنا قلت النقاب هو "الزي الشرعي" ... يعني الزي اللي ربنا أمرنا بيه ... أنا هنا لا أناقش ذلك ولا يعنيني إثباته أو نفيه ... ما يعنيني هو استخدام هذه المبدأ لتبرير السماح للنساء بارتداء النقاب ... في رأيي أنه سواء كان النقاب زي شرعي أو غير شرعي فمن حق المرأة أن ترتديه

أنا يا سيدي أدافع عن حق المنقبة في ارتداء النقاب كحق مكفول على أساس احترام الحرية الشخصية للأفراد وليس على أساس كونه زي شرعي أو غير شرعي ... يعني بالبلدي كده احنا هنسيبها تتنقب مش لإن النقاب صح ولا غلط ولكن لإنها حره تلبس اللي هيا عايزاه... هيا بقى عايزه تلبسه على أساس شرعي أو غير شرعي هيا حره ... ده بينها وبين نفسها وبينها وبين ربنا ولا يعنينا في شئ ... اللي عايزه تتنقب هيا حره واللي عايزه تتحجب هيا حره واللي عايزه تكشف شعرها هيا حره برضه ايا كانت الأسباب والنوايا ... ما فيش حد يتدخل في حرية الثاني لا بإسم التنوير ولا بإسم الدين.

أتمنى أن تكون فكرتي قد وضحت.

[om marawan]

هل هذا الحق مكفول للمنقبات لأن النقاب هو "الزي الشرعي" أو حتى "زي شرعي" أم لأن النقاب هو اختيار شخصي يجب أن نحترمه

معلش اخي احمد سيف ، إيه المشكلة ان حق المنقبة في لبس نقابها يكون حق شرعي ،، لأنك كررت هذه العبارة أكثر من مرة ... فما المشكلة أنها تلبسه كحق شرعي طالما هي شايفاه ومؤمنة أن فرض...( بصرف النظر عن رؤية من يخالفها في صحة هذا الأمر ) فإذا كان من يعبد البقر يمارس طقوسه وعبادته وعاداته ويمارس سلوكياته ويأخذ حريته بدون حجر على تصرفه ..فلماذا نمنع المنقبة لو أرتدته على أساس شرعي حتى لو كان اعتقادها خطا وأنه مثلا مش فرض شرعي؟

اعتقد مافيش مشكلة غير ان الفرق بين" زى شرعى" وكلمة " الزى الشرعى" هو اتهام لكل من هى ليست منقبة بانها مقصرة او اقل اسلاما من غيرها

والحقيقة اللى فعلا بيوجع القلب فى النقاش فى الموضوع ده ان الكلام عنه حتى فى الفضائيات بقا اكتر من الكلام عن اى فرض من فروض الدين او حتى باقى السنن المفروضة او حتى اخلاص النوايا فى اعمالنا

يعنى احنا فى مجتمع امراضه اكتر بكتير من اننا نحصر كل مشاكلنا فى ارتداء النقاب اللى اصلا اختلف فيه كبار أئمة وعلماء الدين

يا زملاء المحاورت الافاضل المشكلة فى النقاش هو اعتبار كل شخص بان رأيه هو" الحق المطلق" ورؤيته او نظرته لمن ينقصه دينا من وجهة نظره ..نظرة استعلاء

او على الاقل اللى هو روح ربنا يهديك

ربنا يهدينا جميعا واياكم

[أحمد سيف]

والحقيقة اللى فعلا بيوجع القلب فى النقاش فى الموضوع ده ان الكلام عنه حتى فى الفضائيات بقا اكتر من الكلام عن اى فرض من فروض الدين او حتى باقى السنن المفروضة او حتى اخلاص النوايا فى اعمالنا

يعنى احنا فى مجتمع امراضه اكتر بكتير من اننا نحصر كل مشاكلنا فى ارتداء النقاب اللى اصلا اختلف فيه كبار أئمة وعلماء الدين

بارك الله فيك يا أم مروان ... كلامك صح 100% ... لكن نقول ايه ... نحن الآن في زمن معركة النقاب ... ما يفرقش بقى هوا مهم ولا لأ من الناحية الشرعية ... المهم إن فيه فريقين (الدولة ومفكريها وموظفيها من ناحية والجماعات الإسلامية وشيوخ الفضائيات من ناحية أخرى) اعتبروه المحور الحالي للمعركة القائمة بينهما منذ زمن وكل طرف يجند كل ما يستطيع من موارد وأفكار من أجل الفوز بالمعركة ليثبت للطرف الآخر أنه هو الأقوى واللي قدر يمشي كلمته في النهاية ... لا ارتداء النساء للنقاب هيضر الدولة ولا خلعهن للنقاب هيضر الإسلاميين ... لكن زي ما قلت ليكي هي معركة فرد عضلات تمهيدا لمعارك أكبر في المستقبل ... الموضوع جوهره سياسي لكنه مغلف بغلاف ديني

تم تعديل 13 أكتوبر 2009 بواسطة أحمد سيف

[SAW]

الموضوع سياسي بحت - النظام الفاشل المتخبط بيحارب أي مظاهر دينية و مش عايز أي عين تتجه (لأي جهة حتى لو كان ربنا) طلبا للخلاص إلا له هو بس - يعني بإختصار إنسى ربنا و خليك معايا - أنا الحزب الوثني سوف أعطيك أراضي المتر ب10 قروش في القاهرة الجديدة و بيع المتر بعد كده ب400 و 500 جنيه!!!

[Abu Reem]

أتمنى أن تكون فكرتي قد وضحت.

وضحت الفكرة أخي أحمد ، كده تمام كلامك سليم ، العتب عالنظر ،،،

[تامر السعدني]

الى الاخت الفاضلة برنسيس

و كل علماء الازهر افتوا ان النقاب مش فرض

تعميم خاطيء وكثير من علماء الأزهر قديما أفتوا بوجوب ستر الوجه ومنهم بعض من كانوا شيوخا للأزهر

ورأي شيخ الأزهر في الأمر لا يعبر عن رأي كل علماء الأزهر

لان النقاب بيعيق الحركة

برضو تعميم غير سليم

النقاب لا يعيق الحركة اطلاقا

وهناك أخوات منتقبات بيشتغلوا في العمل الخيري والتطوعي والدعوة وبيتحركوا ويتنقلوا من مكان لمكان أكثر من 10 مش هاقول بأه من غير المنتقبات

لا

أكتر من 10 من الرجال

ملخص رسالتي أيتها الأخت الفاضلة

أرجو أن يشرح الله صدرك وصدورنا جميعا

1- النقاب قال به كثير من علماء الإسلام من عهد الصحابة وحتى الآن فهو زي شرعي

2- المرأة المنتقبة تمثل ريحة كبيرة من المجتمع منها زوجتي وأختي وأمي ووووو والحمد لله كلهم بالنقاب ما يخوفش ولا حاجة ولا ريحتهم فظيعة وبالتالي ارجو من حضرتك اذا كان ليكي تجربة شخصية انك ما تعميمهاش

3- حاولي تتعاملي مع المنتقبات على انهم ناس في المجتمع وانتي تندمجي معهم بس انتي بس شيلي الحاجز الوهمي اللي انتي حاطاه

ويا عالم يمكن تنتقبي في يوم وتكوني من الداعيات كمان للنقاب

الله أعلم

تم تعديل 14 أكتوبر 2009 بواسطة تامر السعدني

[Amr Radwan]

والحقيقة اللى فعلا بيوجع القلب فى النقاش فى الموضوع ده ان الكلام عنه حتى فى الفضائيات بقا اكتر من الكلام عن اى فرض من فروض الدين او حتى باقى السنن المفروضة او حتى اخلاص النوايا فى اعمالنا

يعنى احنا فى مجتمع امراضه اكتر بكتير من اننا نحصر كل مشاكلنا فى ارتداء النقاب اللى اصلا اختلف فيه كبار أئمة وعلماء الدين

بارك الله فيك يا أم مروان ... كلامك صح 100% ... لكن نقول ايه ... نحن الآن في زمن معركة النقاب ... ما يفرقش بقى هوا مهم ولا لأ من الناحية الشرعية ... المهم إن فيه فريقين (الدولة ومفكريها وموظفيها من ناحية والجماعات الإسلامية وشيوخ الفضائيات من ناحية أخرى) اعتبروه المحور الحالي للمعركة القائمة بينهما منذ زمن وكل طرف يجند كل ما يستطيع من موارد وأفكار من أجل الفوز بالمعركة ليثبت للطرف الآخر أنه هو الأقوى واللي قدر يمشي كلمته في النهاية ... لا ارتداء النساء للنقاب هيضر الدولة ولا خلعهن للنقاب هيضر الإسلاميين ... لكن زي ما قلت ليكي هي معركة فرد عضلات تمهيدا لمعارك أكبر في المستقبل ... الموضوع جوهره سياسي لكنه مغلف بغلاف ديني

الله ينور عليك .. انت جبت من الاخر

[الحازم حسن]

انا كنت فاتح الموضوع وبتكلم عن وزير التعليم العالي وموقفه المستفز

مش عارف ايه اللي غير مساره بالشكل ده

[Om Zayd]

السلام عليكم ورحمة الله وبركاته،،

أعتقد أن كل هذا للإلهاء .. إلهاؤنا عن القدس .. عن الفساد .. عن حال مصر الذي لا يسر إلا العدى

تم تعديل 14 أكتوبر 2009 بواسطة Om Zayd

[مغتربة]

الموضوع سياسي بحت - النظام الفاشل المتخبط بيحارب أي مظاهر دينية و مش عايز أي عين تتجه (لأي جهة حتى لو كان ربنا) طلبا للخلاص إلا له هو بس - يعني بإختصار إنسى ربنا و خليك معايا - أنا الحزب الوثني سوف أعطيك أراضي المتر ب10 قروش في القاهرة الجديدة و بيع المتر بعد كده ب400 و 500 جنيه!!!

اختلف معك اخى الكريم

النظام المصرى لا يابه من بعيد او قريب بالدين فى حد ذاته

و لا يفرق معه ان يتدينم الشعب باكمله او ينحل

بالعكس اعتقد ان النظام المصرى يتمنى اليوم الذى تتبع مصر كلها فيه الوهابيه ( لان من اهم ما تتبناه عدم الخروج على الحاكم حتى و ان كان ظالم )

النظام المصرى لا يهمه من الدين الا ما يؤثر على وجوده

اماهذه المعارك الخاصه بالنقاب و غيرها التى تظهر لنا على السطح من الحين و الاخر

فالهدف منها الاول و الاخير يكون الهاء الناس

فهذا داب النظام من قديم الازل و لا يوجد فيه اى شيء جديد

[SAW]

اختلف معك اخى الكريم

النظام المصرى لا يابه من بعيد او قريب بالدين فى حد ذاته

و لا يفرق معه ان يتدينم الشعب باكمله او ينحل

سيدتي، النظام الاَن مرعوب من التدين و الليبراليين على حد سواء - التدين قد يقود إلى التفكير في التغيير و ليس فقط الإصلاح و قد يقود إلى الجهاد ثم الإغتيال كما حدث مع السادات و الليبراليين بديل طبيعي جدا و مناسب في نظر الغرب إذا إنهار هذا النظام فجأة.

أما بالنسبة لموضوع الإلهاء - فأعتقد أنه لا يوجد الاَن إلهاء أكثر من الأنفلوانزا و دخول المدارس و كاس عالم للشباب و مباراة الجزائر و زراعات المجاري.

[أحمد سيف]

اختلف معك اخى الكريم

النظام المصرى لا يابه من بعيد او قريب بالدين فى حد ذاته

و لا يفرق معه ان يتدينم الشعب باكمله او ينحل

سيدتي، النظام الاَن مرعوب من التدين و الليبراليين على حد سواء - التدين قد يقود إلى التفكير في التغيير و ليس فقط الإصلاح و قد يقود إلى الجهاد ثم الإغتيال كما حدث مع السادات و الليبراليين بديل طبيعي جدا و مناسب في نظر الغرب إذا إنهار هذا النظام فجأة.

أما بالنسبة لموضوع الإلهاء - فأعتقد أنه لا يوجد الاَن إلهاء أكثر من الأنفلوانزا و دخول المدارس و كاس عالم للشباب و مباراة الجزائر و زراعات المجاري.

مش كل أنواع التدين عامله قلق للنظام ... مثلا النظام لا يمانع - بل ويرحب - بانخراط جميع المصريين في الطرق الصوفية والدروشة ... تيار آخر لا يسبب مشكلة كبيرة للنظام المصري وهو التيار السلفي (المستأنس وليس الجهادي) لأنه يحرم الخروج على الحاكم ويركز اهتمامة على القضايا الفقهية لا سيما تلك التي تخص المرأة ... التبليغ والدعوة ناس في حالهم ومالهمش دعوه بالسياسة... النظام يخشى أساسا من الإخوان المسلمين والليبراليين للأسباب التي ذكرتها حضرتك ... وطبعا خشيته من الإخوان أكبر لأن قدرتهم على التأثير على الناس أكبر بسبب طبيعة الشعب المصري المتدين من ناحية ولأن الشعب ينظر دوما بتشكك لأي تيار له علاقة جيدة مع الغرب.

[ahmos1]

الوكالة اليهودية تتوغل في القاهرة الفاطمية

محمد سعد خطاب

لم تكتف الوكالة اليهودية بشراء عمارات وسط البلد ولكنها انتقلت إلي قاهرة المعز أو القاهرة الفاطمية.. الشراء هذه المرة مختلف والمنطقة مختلفة تماما لسنا في مناطق وسط القاهرة لكن في القاهرة الفاطمية وتحديدا منطقة الجمالية والوكالات الأثرية.

size="-2">المشتري شخصية غامضة جدا «فكر يهود» اشتري العقارات بعقود ابتدائية واستطاع أن يقنع السكان من مستأجري العقارات بإخلائها بالكامل مقابل منحهم مبالغ وصلت إلي ملايين الجنيهات بالإضافة إلي ثمن تلك العقارات.>

size="-2">وعقود البيع تشير إلي أن عملية البيع تمت في أكتوبر الماضي بين البائعين وبين يوسف أسعد تكلا- فرنسي الجنسية ويقيم في 39 شارع طلعت حرب «وسط البلد» شقة 43 ويحمل جواز سفر صادر من السفارة الفرنسية في مايو الماضي وساري حتي 2014.

size="-2">ورغم عملية الخداع التي يلعبها المشتري وإعلانه أنه فرنسي الجنسية لكن كل المعلومات التي توفرت لدينا تؤكد أنه يهودي سوري الأصل يعمل لحساب الوكالة اليهودية وجميع عملياته محاطة بسياج من السرية والكتمان الشديدين وهو ما أثار الريبة من حوله.. فعمليات الشراء لا تتم لصالحه هو ولكن تتم لصالح آخرين.

وكانت الوكالة اليهودية التي يعمل تحت مظلتها قد نشطت خلال الفترة الماضية في عمليات شراء عقارات وسط البلد وقصر العيني واتجهت بعدها للقاهرة الفاطمية حتي تعلن عن الاحتلال اليهودي لمصر.. ومن هنا تكمن الخطورة.. فالوكالة اليهودية قامت من قبل بشراء أراضي ومنازل الفلسطينيين. وقامت بعد ذلك بطردهم لتحل محلهم مستوطنيها.. مما يمثل سيناريو متشابهاً ترسمه الوكالة علي أرض مصر.. حيث تشتري عقاراتهم ليسكنها اليهود ونستيقظ لنجد أن اليهود يحتلون أرضنا ومنازلنا.

size="-2">يوسف أسعد تكلا لديه رصيد ضخم في البنك الإفريقي الدولي بالإضافة إلي عدة بنوك أخري جعلته يشتري المنزلين رقم 5 و7 بحارة السنان خلف مسجد الأقمر وهو عمره 1000 عام ويقع بجوار وكالة الربع والخروب بشارع المعز لدين الله الفاطمي.. وكان الطرف الثاني في عملية البيع هم ورثة جلال عرفة وأبناؤه.. تلك العقارات ذات الطابع المعماري المتميز والمحظورة اعطاؤها تراخيص بالازالة أو تعديل وأجهاتها لخصوصية هذا الطراز اللبناني الفريد وفقا لتقارير محافظة القاهرة.

size="-2">وتوغلت الوكالة اليهودية وممثلها أسعد تكلا داخل القاهرة الفاطمية بحارة المبيضة عطفة الحريري بشراء حرم منزل مقيم بذاته مدون عليه رقم واحد وهو عبارة عن «حر عين» وصادر له قرار إزالة إلي سطح الأرض وتم أخلاؤه منذ فترة وحاليا تقوم الوكالة بترميم المنزل وإحلاله بتعليمات من المحافظ.. بالإضافة إلي ربع مساحته 1400م2 أمام بوابة الفتوح تقوم الوكالة بالتفاوض بشأنه الآن لإتمام عملية شرائه.

size="-2">والكارثة تنكشف من خلال السيدة فيرونيك زوجة أسعد تكلا إحدي القيادات النسائية الكبري للوكالة اليهودية والتي قامت بشراء فندق أثري يقع أمامه بيت السحيمي بالدرب الأصفر من ورثة نسيم روماني منذ عامين بمبلغ 1.25 مليون جنيه وكان الفندق يحمل اسم «لوكاندة العائلات» وكان به بعض الشقق والغرف السكنية.. واشتروا الفندق وطلبوا من الأهالي الذين كانوا يسكنون الفندق إخلاء المكان بالإضافة إلي إخلاء بعض المحلات التجارية.. ذلك الفندق الذي تم بناؤه أواخر الخمسينيات.. وبعدها قامت الوكالة بعمل مشربيات.

size="-2">والفندق ملاصق لسبيل ومسجد السلحدار والآن أصبح خاليا من السكان وتتردد عليه فيرونيك زوجة تكلا بصفة منتظمة يوميا وتمكث به ساعتين وبصحبتها بعض الأجانب ثم تغادر المكان ويقول الحاج حمادة أبوزيد «أحد أهالي المنطقة» إنه عند دخول الفندق العام الماضي وجد بعض الآيات القرآنية داخل دورات المياه وعندما اعترض المواطنون من أهالي الجمالية وأبلغوا السيدة فيرونيك فقامت بإزالة هذه الصور.

size="-2">ويضيف رجب عبدالحميد مدير الإنتاج لبرنامج المسحراتي الذي تم تصويره في رمضان أنه حاول تأجير غرفة في الفندق لتغيير الملابس لطاقم المعدين لكنها رفضت تماما الطلب.

="-2">أما الحاج سيد غانم قال: إنه يمتلك رخصة منذ عام 1961 وفوجئ بمجرد شراء فيرونيك الفندق بغلق محله منذ 26/8/2008 وذلك عقب اتصال وزير الثقافة بالمحافظة وتم إغلاق المحل أو تغيير النشاط مشيرا إلي معاناته الشديدة بين المسئولين في قطاع الآثار والحي والتي جميعها لم تسفر عن شيء.

size="-2">ويقول مصطفي حسن «صاحب محل أرابيسك» إن السيدة فيرونيك ترفض استلام القيمة الإيجارية تمهيدا لطرده من المحل وقام بأيداع القيمة الإيجارية بالمحكمة مؤكدا أن وكيل يوسف تكلا وزوجته في الجمالية هو ضابط شرطة سابق عمل لمدة عشر سنوات مأمورا لقسم الجمالية ويدعي محمود حزين وهو الممثل في عمليات التفاوض وشراء العقارات. أما محمد عبدالرحيم حسني صاحب محل الشركة الأهلية للكيماويات قال إن المحل به رخصة وسجل تجاري وتمليك منذ حقبة الخمسينيات، من أيام جدي «ومهندسو الحي ورئيسه يمارسون يوميا الضغوط الشديدة لإخلاء المحل وبأي طريقة حتي «يتركه للوكالة اليهودية». وتسعي الوكالة اليهودية بكل قوة للسيطرة علي مباني حي الجمالية بعد الاستيلاء علي قطعة أرض بشارع المعز لدين الله الفاطمي مساحتها 600م2 تجري عمليات التفاوض الآن علي قدم وساق.. وتقع كل هذه العمليات لشراء العقارات التي تقع خلفها بحوالي 100 متر حارة اليهود مما ينذر بكارثة وهي تفكير الوكالة اليهودية في شراء قاهرة المعز أو القاهرة الفاطمية مما جعل أهالي حي الجمالية يشعرون بالقلق من جراء عمليات الشراء المنظمة التي أصابت اليهود لشراء عقارات شارع المعز.