السن والخبرة

[pocy]

السلام عليكم ورحمه الله وبركاته

والله انا عايزه اخذ رايكم فى امر ما

اولا كنت اتحدث بالامس انا وأحد الاقارب (مهندس كمبيوتر كنترول في احدى شركات العين السخنه ) فى ان واحد عنده 30 سنه ومهندس وبقاله فى الخليج حوالى تلات سنوات واشتغل كمهندس في احدى الشركات بمجال جديد غير تخصصه ويفكر جديا فى ان يرجع الى مصر بعد سنه او اتنين ويعمل في العين السخنه فى احدى الشركات

فوجدت اخى (مخضرم فى عمله) يقلي لا سنه كبير على خبرته ولما قلتله يعنى ايه دا 30 سنه لسه صغير امال لو قلتلك اربعين كنت قلت ايه

فقل الشركات فى مصر الان بتعين نوعين اما متخرج جديد وهى تعلمه وتاخده على السلم واحده واحده

او تاخد خبير وله باع طويل ومخضرم فى الوظيفه المقدم لها فقط لكن الى عنده 30 سنه ده لا هو متخرج جديد هينفع يعلموه ولا هو عبقري علشان ياخدوه لعبقريته (3 سنوات خبره )

انا بقي عايزه رأيكم هل الموضوع ده صحيح وان الشخص ده لما ينزل مصر مش هيلاقي شغل بسنين خبرته دى لو نزل في الوقت الحالى ولا لا ولا هو كده زى اللى رقص على السلم لا طال السما بمال الغربه ولا طال الارض انه يستقر في بلده

افتونى فى امرى وهل خلاص قدر لهذا المهندس ان يعيش دائما فى الخليج ؟؟؟؟؟؟؟؟؟؟؟؟؟؟؟؟

[أحمد سيف]

للأسف كلام أخو حضرتك صح ... اللي بيسيب مجاله بعد التخرج مباشرة ويروح يشتغل في مجال ثاني صعب يرجع مجاله الأصلي إلا بصعوبه ... الخريج الجديد بتكون له ميزه عنه في نظر أصحاب العمل وهي إن المعلومات بتكون لسه فريش في دماغه وعنده استعداد يتعلم ... كل ما الإنسان بيكبر بتكون فرصته يغير مجال عمله أصعب

طيب هوا ليه ما فكرش يكمل في نفس المجال اللي كان بيشتغل فيه في الخليج ... ممكن ساعتها تكون فرصته أكبر لإن معاه خبره في المجال ده

[pocy]

اخى الكريم الاخ احمد سيف اولا شكرا جدا على الرد

ثانيا هو غير مجاله لانه للاسف في الخليج مش منتشر المجال ده بس علشان كانت دماغه حلوه الراجل اللى امتحنه قالى احنا محتاجينك وانت محتجنا

ووافق طبعا لفارق المرتب

[الباشمهندس ياسر]

انا بقي عايزه رأيكم هل الموضوع ده صحيح وان الشخص ده لما ينزل مصر مش هيلاقي شغل بسنين خبرته دى لو نزل في الوقت الحالى ولا لا ولا هو كده زى اللى رقص على السلم لا طال السما بمال الغربه ولا طال الارض انه يستقر في بلده

افتونى فى امرى وهل خلاص قدر لهذا المهندس ان يعيش دائما فى الخليج ؟؟؟؟؟؟؟؟؟؟؟؟؟؟؟؟

ينسى تخصص المؤهل بتاعه تماما و يشتغل فى الكاريير الجديد و هيعاملوه على اد خبرته

و على فكرة

انا عندى نفس الظروف برده و لو لا قدر الله اضطريت اشتغل فى مصر تانى .. يبقى هشتغل ف الكاريير الجديد مش ف تخصص المؤهل اصلا

[pocy]

اوك ماهو برضه عايز يشتغل بالكارير الجديد بس فين فى مصر والحل ايه لو اضطر ينزل مصر قريبا ؟؟؟؟؟؟؟؟؟؟؟؟؟؟؟

[قطرة ندى]

المهندس ده هيشتغل كأنه متخرج جديد

ويعنى هم اللى عندهم خبرة بيلاقوا شغل فى مصر وحتى اذا لاقوا شغل طريقة التعامل فى مصر بتختلف يعنى لو الانسان عنده طموح يعمل حاجه هيلاقى اللى يكسر مقاديفه فى مصر مش هيقدر يستحمل طريقة المعاملة سنة بالكتير وهتلاقيه راجع تانى

[pocy]

والله عندك حق يا قطره الندى على موضوع تكسير المقاديف